Pawlkut thla Ni 31, 2015, Issue No. 5

PAGE - 1

TUALCHHUNG :

Boral: Pu Darthana(54) H/o Pi Lalthlamuani Kapdaia Sec. a mi chu Jan. ni 26, 2015(thawh\anni) zan dar 9:30 khan Durtlang Hospital ah Stroke avangin a boral

Damlo: Pi Thangchungnungi (Pi Nutei) Damvea Sec. a mi chu awmna leh thawhah avangin Aizawl Hospital ah Jan. ni 26, 2015 khan Admit a ni.

@@    Nl. Lalruatdiki D/o Lalrinsanga Lalsavunga Sec. a mi chu Jan. ni 30, 2015(zirtawpni) khan Civil Hospital ah Admit a ni.

Tuak thar: Lalnunpuii D/o Vanlalhruaia Damvea Sec. a mi leh Gospel Chanchinmawia C/o Pu Zonunsanga te chu Jan. ni 28, 2015(nilaini) khan an innei. Gospel Chanchinmawia hi Pu Lalhmingliana Chairman LC JCB Operator a ni.

Tranning nei: Jan. ni 29, 2015(ningani) khan Hlimen a Self Help Group hrang hrang te chuan YMA Hall-ah inchhung tihfaina siam dan tranning an nei a, member ten hlawkthlak an ti hle.

Hna hmu thar: Nl. Lalthlansangi(Asangtei) D/o Laldawngliana (L) Buala sec. chu Lunglei Synod Hospital a thawk turin Lab. Technician hna a hmu a, thla thar a\angin a zawm dawn niin thu kan dawng.
    Tin, Nl. Lalhmingchuangi R. Dingliana Kapdaia Sec. a mi chuan Primary Zirtirtu hna a hmu thar bawk a, a awmna hmun tur hi a la chiang lo niin thu kan dawng.
    Pu Lallawmzuala S/o Vanrothanga Saichhuma Sec. chuan Synod Hospital Durtlangah Carpenter hna (regular) a hmu thar bawk.

Account hawng: Jan.ni 28, 2015 (Nilaini) khan YMA hall ah MRB Kulikawn branch ten a duh apiang tana Bank account hun an rawn buatsaih leh a, mi engemaw zat in account hi an hawng leh a ni.

FRONT :

2015 SECTION Y.M.A. HRUAITU THLANFEL A NI TA

    January ni 30, 2015 (Zirtawpni) zan khan Hlimen Branch YMA hnuaia Section 6 te chuan an hruaitu (Office Bearer) an thlang fel ta a. Hetiangin :-

BUALA SECTION :(31 Voters)
    Leader    :    Pu. J.Vanlalbiakdika
    Asst.Leader    :    Tv. Lalengkima
    Secretary    :    Tv. Siamthangpuia
    Asst. Secretary    :    Tv. Zonunsanga
    Treasurer    :    Pu Lalchhandama Renthlei
    Fin. Secretary    :    Tv. Zonunkima

DAMVEA SECTION :(26 voters)
    Leader    :    Pu R.Lalbiakmawia
    Asst.Leader    :    Pu Lawmtluanga
    Secretary    :    Pu Samson Zorammuana
    Asst. Secretary    :    Tv. Lalnunmawia
    Treasurer    :    Pu Lalnunhlimpuia
    Fin. Secretary    :    Pu R.Lalmuansanga

KAPDAIA SECTION :(37 voters)
    Leader    :    Pu K. Lalremruata
    Asst.Leader    :    Pu Lalroliana
    Secretary    :    Tv. Lalzopuia
    Asst. Secretary    :    Tv. Lalthlengliana
    Treasurer    :    Nl. Lallawmzuali
    Fin. Secretary    :    Pu Lalchhantluanga

LALSAVUNGA SECTION :(9 voters)
    Leader    :    Pu Lal\anzuala
    Asst.Leader    :    Tv. John Vanlalpeka
    Secretary    :    Pu Lalmuanawma Ralte
    Asst. Secretary    :    Tv. Samson Lalrinfela
    Treasurer    :    Pu K.Lalchhuanawma
    Fin. Secretary    :    Pu Johnny Zomuansanga

SAICHHUMA SECTION :(15 voters)
    Leader    :    Tv. David Vanlalhuma
    Asst.Leader    :    Tv. Lalmuanawma
    Secretary    :    Tv. Lalhriatpuia
    Asst. Secretary    :    Nl. Judy Zonunsangi
    Treasurer    :    Nl. Lalbiakdiki
    Fin. Secretary    :    Nl. Rosy Lalawmpuii

VAWMPHUNGA SECTION :(21 voters)
    Leader    :    Pu Lalruatdika
    Asst.Leader    :    Pu Zairemthanga
    Secretary    :    Tv. Lalrinliana
    Asst. Secretary    :    Pu Zoramsiama
    Treasurer    :    Nl. Lallawmkimi
    Fin. Secretary    :    Nl. Zochuanpuii

PAGE - 2

EDITORIAL :

MITEN MIN CHHIAR
    Kan khawtlang \angrualin Gospel Camping kan buatsaih boruak kal zelin kan khawtlang a la tuam chhunzawm zel hi a lawmawm hle mai. Pathian \ih hi finna bul a nih avangin chhungkua leh khawtlangah a \ha lamin thui tak nghawng a neih ngei a beisei awm khawp mai.
    Piantharna hi engnge ni ang tih hi sawi tham fe a tling awm e. Kan Pathian thuin a sawi danin; mi piangthar chu a rahah kan hmu tur a ni. Piantharna rah chu engnge ni ta ang le? Nitin kan khawsak kawngah te hian piantharna rah lanchhuahna tur chu a tam khawp mai. Eng hna pawh thawk ila, eng thil pawh ti ila kan piantharna rah kan lanchhuahtir tur a ni ang.
    Kohhran rawngbawltu pakhat chu a awmpui pain, “ka pu hi Pathian \ihmi leh piangthar \ha a ni tih mahin a sawi loh chuan ka hre miah lo” a ti e, an ti. Hei hian ngaihtuahna a tithui khawp mai. Pathian ringtu, mi piangthar \ha kan nih tih hi keimahni ngeiin kan sawi loh chuan miten an lo hre \hin lo a ni. A pawi hle mai.
    Hla siamtuin, “miten min chhiar, min thlir reng e, ka awmdan zawng zawng min hai lo” a tih ang khan keimahni kan inhriat ai maha chiang hian miten min lo hre \hin a ni tih hi hria ila a \ha ang. Tlang chungah khaw awm chu thuhruk theih a ni lova, miin khawnvar halin hrái hnuaiah an dah ngai lo ang hian Pathianah lawmna thuk tak nei a piantharna changte chu an rahah a langchhuak ngei ngei \hin.
    Khawiah pawh kalin; khawiah pawh awm ila, “I thu ka ke atan khawnvar a ni a, ka kawng atan êng a ni” ti tlattu nun chu fiah takin a langchuak lo thei lova, a awmna apiangah chatuan êng tarlangtu \ha tak a ni zel \hin.

ZIAKTUTE HUANG :

KAN THANMAWHBÂWK
-  Robuanga
    Mi veng hmasawn thu te, an changkan sawt zia thu te uar takin kan sawi \hin. Hma an sawn dan leh an changkan dan pawh kan hria. Sawi pawh nuam kan ti. Chuti chung siin engvangin nge nitin a kan chenna leh kan tu leh fate thlenga kan chenna tur kan khawtlang te hian hmasawnna lamah leh changkanna lamah ke a pen hleih theih loh, enge kan \hanmawh bawk ni ta ang le?
    ‘Veng hmasawn nih te, veng changkang nih te hi kan duhlo em ni?’ tiin han in zawt ta hlawm i la chuan kan chhan dan tur chu a inang \heuh awm si a. ‘Duh e’ tih chu kan chhan dan a ni vek ngei ang. Veng hmasawn leh changkang nih duh vek awmkhawm ni si hian engatinge kawng hrang hrang a hma kan sawn chak loh a, kan changkan theih loh em em si le? A chhan chu vang sawi tur chu kan hre nual hlawm ang. Kan \hanmawh bawk ber ni a ka hriat chu thuawihna kan tlakchham vang a ni ber in ka hria.
    Khawtlangah roreltu kan nei a, chungte chuan kan khawtlang \hatna tur leh hmasawnna turin ro an rel a; dan leh thupek an siam a, a tihlawhtling tu tur mipui zinga a tam zawk ten thupek leh dan zawm te chu ngaih pawimawh nachang kan hre lovin kan zawm \ha duh tlat lo hi niin ka hria. Mizorama veng hmasawn leh changkang kan tih ho te pawh hi an khawtlang roreltu te an fin bik vang emaw an thiam bik vang emaw a ni bik lo. Veng mipui ten dan leh thupek, rorelna an zah thiam a, an ngaih pawimawh thiam tlan avangin vengin hma a sawn a, a lo changkang mai a lo ni.
    Zokhua hmun pakhata ka kal na chu an veng chhung khawlai hi a faiin a thianghlim hle a, tin, an in leh a vel te pawh an vawng fai a, khawchhung in kalpawhna thlengin a \ha in a thianghlima, an zahawmin an changkang hlawm hle a. Kan veng ang hian ui leh ar te pawh an vak ve sup sup lo. An vengpa rawn tak pakhat  chu ka zawt a. ‘Engtizia bik nge i va in vawng \ha in in va changkang bik ve’ tiin ka zawt a. ‘Khawtlang roreltu ten ran khuahkhirh tur; khawlai leh mahni in leh a vel vawn fai tur tih an puang a, chu chu mipuiin kan zawm mai alawm’ tiin min chhang a.
    Ka rilru in kan vengin hma a sawn a , a changkan theih loh chhan te chu - dan leh thupek, rorel pawisak nachang hre lo he khawtlangah kan tam ta lutuk hi -
‘ kan |hanmawh bÂwk a lo ni’

PAGE - 3

HRIATTIRNA :

Ngenna
    Feb. ni 1, 2015(Pathianni) hian Bible Society Annual Meet chu Hlimen Presbyterain Kohhranah neih a nih dawn avangin Mualzawla Motor lian dah/riah \hin te, Biakin bul leh a chheh vel leh Quarry veng panna kawngpui thla; Presbyterian Pastor Quarter bul thlengin kan motor dah  te lo senghawi rih tur a ngen kan ni e.

ACBOA hriattirna
    Feb. ni 2, 2015 (thawhlehni) a\ang hian Hlimen lut tur City Bus City a tlante a\angin regular-in kan rawn luhtir tawh dawn a, an timing hi chawhma lamah Bus 6 leh chawhnu lamah Bus 6 darkar chanve dan zelah kan rawn luhtir dawn a ni tih kan in hriattir e.

Sd/- Secretary, Action Committee
Aizawl City Bus Owners’ Association.

Local Council hriattirna
    Hlimen a Huan/lo ram vattu ten an vahna hmun(location) nen Feb. 2015 ralhma ngeiin Local Council Office ah Office hunchhungin hriattir tur a ni. Tin, mitin te kangmei chhuak thei lakah fimkhur \heuh turin kan in ngen bawk e.

Sd/- Lalhmingliana, Chairman
Local Council

MZP hriattirna
    Mizo Zirlai Pawl Hlimen Branch te chuan Feb. ni 3, 2015(thawhlehni) zan dar 7pm hian kum 2015 chhunga hruaitu thlanna neih tur a ni a, zirlai zawng zawng kal vek tur ngen kan ni e.
    Hemi hunah hian kan veng zaithiam tak tak te an zai dawn a, hei bakah hian Mizoram Comedian Search kan neih a 1st Runner Up 2013 Albert Vanlalchhanzuala leh Winner 2014 Lalsiamthara te an rawn che dawn bawk a ni.

Sd/- Lalmuanawma
Secretary. MZP, Hlimen

Electric bill chungchang
    Electric Bill Hlimen Counter a pe tur ten ` 500/- leh ` 1000/- note ah pencil-in mahni Consumer number ziah tel zel tawh tur a ni.
    Tin, Hlimen Electric Bill Counter hi kartin thawh\anni leh thawhlehni apiangin hawn \hin a ni tih kan in hriattir nawn leh bawk e.

Advertisement....

National institute of open schooling
Khatla Primary School-I
(Near Khatla YMA Hall)
      Class X leh XII October a exam turin Admission a tih theih e. Accredited Institution leh Exam Centre kan ni e.

    Contact : 9862580546 / 9615066326

LAWRKHAWM :

Thisen pe
    Malsawmtluanga S/o Zosangzuala Saichhuma Sec. Civil Hospital a enkawl mek chu thisen pek angaih avangin YMA an rawn bel a, YMA hruaitu ten tlawmngaia thisen pe tu tur an ngaihtuah a, Jan. ni 26, 2015 (thawh\anni) khan thisen pe turin -Tv. R. Lalrindika (BS), Tv. Lalthlengliana(SC), Tv. Lalrinliana(VP), Tv.Zoramsanga(BS), Tv.Zonunmawia(Tenuna) (VP) leh Tv. Laltlanhlua (BS) te chu thisen pe turin Civil Hospital ah an kal a, Blood Bank an lo chawlh avangin an haw leh a, a tuk Jan. ni 27, 2015(thawhlehni) khan- Pu J. Vanlalbiakdika (BS), Tv. Lalrinliana(Rintea)VP), Tv. Lalthanpuia (BS) leh Tv. Zomuanpuia ten thisen hi an pe ta a ni. Kal vel nana man tlawm zawka taxi hman tir tu - Pu Lalhmingliana (Mahminga), Pu Lalramthanga leh Pu R. Zoliana te chungah leh thisen pe tur a inpe zawng zawng te chungah Branch YMA chuan lawmthu a sawi tak meuh meuh a ni.
    Malsawmtluanga hi Jan. ni 29, 2015(ningani) khan Damdawiin a\angin a lo chhuak leh ta bawk.

Zophei hmun en
    Jan. ni 26, 2015(thawh\anni) khan Local Coucil leh IWMP Committee Hlimen te chuan Zophei a Vantlang Park hmun tur leh  IWMP Scheme hnuaia ramngaw a siam tur lai hmun te enin an sam pah bawk  a,  Hauhuk kai tlang chhip, hmun remchhang laiah Kross lian tak phun an tum bawk a, hun remchhang hmasa berah hmalak zui nghal an tum niin kan thudawnna chuan a sawi. Tlaiah chawhlui kilhona an nei nghal a ni.
    Zophei hmuna Lungden kawn hmun chhinchhiahna atan MUP Hlimen te chuan Signboard an lo tar tawh bawk a ni. Kan vengin hetiang hmun fianrial, thengthaw leh khawthlirna hmun nuam tak kan nei hi kan vannei hle a ni.

Chhiah pek a ni
    Jan. ni 26-28, 2015 chhung khan Revenue Dept. a thawktu te lo kalin Leiman, Zoramchhiah leh Building tax chu Local Council Office ah pek a ni a, hemi chhunga pe lo leh harsatna/buaina nei kan awm chuan March 2015 chhunga Revenue Dept. ah kal a zawhfiah mai tur niin kan thudawnna chuan a sawi.

Ruangin tlawh
    Pu Lalhmingthanga Buala Sec. a mite inhnuai luah mektu Pi Malsawmi  fapa, Tv. Lalnunzira(30) Sateek khua chu Jan, ni 25, 2015(Pathianni) tlaia Scooty a Accident avangin Civil Hospital Aizawl panpui a niin Jan. ni 28, 2015 (nilaini) chhun dar 11 khan a boral a, a ruang hi a nu awm na Hlimenah rawn chawlh pui a ni a, Hlimen Branch YMA chuan kuang \hatak siam sakin puanin a lo tuam bawk a ni. Chumi hnuah an khua Sateek lamah a ruang hi phurh phei leh nghal a ni.

Faina beihpui hnatlang nei
    Jan. ni 30, 2015 (zirtawpni) zingkar khan Zoram pum huap faina beihpui thlak a hnatlang neih ni a, he faina Beihpui  hnatlang hi Hlimen ah pawh neih niin Hlimen a School hrang hranga a\ang te, veng dang a\ang rawn hnatlang te nen hnatlang hi mi leh 260 chuang an thawkchhuak a ni. Vengchhunga hmunlun zual lai te tihfai niin Side Drain te hai fai a ni bawk.  A tifaitu kan ni thei lo a nih pawhin a tibal/hnawktu nih loh i tum ang u. 

PAGE - 4

KEIMAHNI :
Hlimkhawpui Budget
    Hlimkhawpui  2014 Dec.  thla Budget  pe tla tawh te:
1.    Lalsavunga Sec.    2.  Saichhuma Sec.
3.    Buala Sec.    4.  Damvea Sec.
5.    Kapdaia Sec.    6.  Vawmphunga Sec.

    Kapdaia Section te hian January 2015 thla budget an tlak ta bawk.

YMA in ral
    Jan. ni 28, 2015 (nilaini) zan khan Pu Darthana Kapdaia Sec. a mi  ralna hun YMA chuan an inlamah an hmanga, ralna sum ` 6500/- chu a chhungte hnenah hlan a ni a, hemi zan vek hian ruang tuamna puan chu a \ul anga hman turin YMA ah a chhungten an hlan let ve bawk. Heng ruang tuamna puan YMA in a dawn \hin te hi \angkai taka hman leh \hin a ni.
    Vengchhungah chhiat tawk kan awmin Section tina bial \hen hrang hrang te mitthi buhfai leh pawisa khawn a lut kim lo \hin a, a khawntu leh Section hruaitu ten i ngaihven zual teh ang u. Tin, YMA ral zan ah pawisa kan keng khawm \hin a, pawisa hmantlak mang lo thlak kan awm leh zauh \hin a sim atan a \ha hle mai.

Kapdaia section
    Jan. ni 30, 2015 (zirtawp) zan khan Section hruaitu thlanna neih pahin Committee kalkim leh hnatlang kal kim lawmman an pe nghal a ni.
Committe kal kim te : Pu Lalchhankima, Tv. Lalthlengliana, Nl. Lallawmzuali
Hnatlang kal kim te : Tv. Lalthlenglian, Tv. Lalzopuia te an ni.

HRISELNA HUANG :

Rikrum thula inenkawl dan :
Benga rannung a luhin : (1) Room thimah rannung luhna beng chhungah chuan Torchlight in chhun la. Rannung hian êng an ngainat avangin an rawn chuak veleh mai \hin. (2) Rannung awmna lam beng chu a sang zawk lama awm turin lu chu kuaiawn la, beng kawrawng chhungah chuan glycerin emaw olive oil emaw, tel pangngai tlem leihlutin minute 2/1 nghak la; hei hian rannung chu a tihlum thei bawk a ni. (3)Hetiang tih pawha rannung chu a la \an fo chuan Doctor pan mai a \ha.

Mit a mimin : (1) Mittui a tlak zawih zawih thleng maimitchhin tur. Mittui rual hian bawlhhlawh chu a luangchhuak ve thei a ni. Mit erawh chu nuai miah suh ang che. (2) Bawlhhlawh chu a la awm cheu chuan mit vun chung zawk kha pawt kauvin mit hmul hnuailam kha zuk khuh turin mit vun chung lam chhung chu mit hmul hnuai lam chuan hruk nan hmang rawh. (3) bawlhhlawh chu hemi hnu pawha a la awm cheu chuan i mit vun kha pawt kauvin i mitmu leh  mit vun chhung lam chu tuiin theh \hawt \hawt la, hetiang hian mit vun chung zawk leh hnuai zawk ti rawh..
Issue lehah chhunzawm a ni ang..

CHHIARTUTE NGAIHDAN :

@@    Zoram pum huap faina hnatlang beihpui neih a ni a,  kan vengah pawh zingkarah neih niin member 260 vel thawkchhuakin Hlimen khawchhung tihfai a ni a, a lawmawm hle. Chutih rualin hnatlang an \in chiah tihin ui khawlai chhuak hmuh tur a awm leh nghal a, a zahthlak khawp mai. A neitu hming hi Hlimkhawpuiah chhuah ni zel se a va \ha awm ve...

-BLR

@@    Faina chungchanga chanchinbu a ui chhuak in rawn chhuah hi a neitu awmlo a ni lo maw, a nih chuan ei turin kan man mai dawn.

-Hlimen tleirawl

KAN THEN TAK

Darthana, Kum 54 :    Pu Darthana hi Kawnkunga (L) leh Vansangzuali (L)-te inkarah kum 1961-ah Luangmual-ah a lo piang a. An unau hi hmeichhia 4 leh mipa 4 an ni.
    Pu Darthana hi Luangmual-a piang mah nise, a nu leh pate a\angin Hlimen \hut hmasa chhungkua an ni a. Hlimen a\anga Luangmual-a an pem hnu hian Pu Darthana hi piangin hemi hnu hian Manipur lamah chho lehin Manipur a\angin amahin kum 1985 khan Hlimen-ah a lo chhuk leh a ni.
    Amah hi thenrual kawm thiam tak a ni a, pa hrisel leh tuarchhel tak a ni bawk. Lu nâ leh khawsik satliah hi chu sawrkara a hnathawh leh in leh ram lama a hnathawh thulh phahna khawpah a ngai lo. Tuna hetia a lu nat avanga a inentir hma pawh hian insawisel neuh neuhna chu a nei tawh a; mahse, dam leh mai tura ringin a inentir lem lo a ni.
    Kum 1989-ah Lalthlamuani d/o Lalthianghlima (L), Hlimen nen Hlimen Isua Krista Kohhran Biak Inah Tirhkoh R. Saptawna kutah inneiin fa hmeichhia pathum (3) leh mipa pakhat (1) an nei. Hemi kum vek, kum 1989-ah hian Hlimen Presbyterian Kohhran-ah an lut leh nghal a ni.
    Kum 1990-ah 1st M.A.P.-ah Football Khela-in a lut a. Sorkar hna a thawh chhung hian pute thuawih thei tak mi a ni a. A discipline \hat avangin Security-ah te awmin a hun tam zawk hi Chief Minister Guard-ah a hmang a ni. Hun engemaw chen 1st M.A.P.-a a awm hnuin Havildar niin he hna hi a thihni thlengin a thawk a ni.
    Kum 2015 kumtir a\ang khan a insawisel \an a. A lu-te a na-in Civil Hospital-ah Doctor rawnin an kal a, in lama enkawl turin an haw leh mai a.
    January ni 26, 2015 (Thawhtanni) zing lam pang chuan a nuam lo ta deuh va, Durtlang Damdawi In an pan a, admit nghal a ni a. Doctor leh Nurse te’n lo buaipui nghalin a natna hi rei lo te-ah ‘Stroke’ natna a ni tih hriat chhuah nghal a ni. Tin, a lu hi CT Scan hmanga en a nih hnuah a thluakah thi a tling tihte hriat chhuah leh zel a ni a. Doctor leh Nurse te’n theih tawp chhuaha an enkawl mek laiin January ni 26, 2015 (Thawhtanni) zan dar 9:30-ah chatuan ram min lo pansan ta a ni. Pu darthana hian a nupui, a fate pali (4) leh a tute pathum (3) a kalsan a ni.

Pawlkût thla Ni 24, 2015, Issue No. 4

PAGE - 1

TUARCHHUNG :

Damlo: Pu Lalrehlova H/o Zoramchhani Buala Sec. a mi chu Jan. ni 19, 2014(thawh\anni) khan Civil Hospital ah Admit niin investigation te tih a ni a. He damdawi inah hian enkawl zui mek a ni.

@@    Zothantluangi D/o R. Lalrammawia Buala Sec. a mi chu Jan. ni 18, 2015 (Pathianni) khan Durtlang hospital ah Admit niin Investigation hrang hrang an tih hnuin rannung seh natna an hmu a, hun engemaw chen enkawl a nih hnuin Jan. ni 21, 2015(nilaini) khan inlamah enkawl chhunzawm turin a lo chhuak leh ta.

@@    Zorinkimi D/o Zohmangaiha Saichhuma Sec. a mi chu zunkawng \halo avangin Aizawl hospital ah Jan. ni 18, 2015(pathianni) khan Admit a nih hnuin Jan. ni 22, 2015(ningani) khan a lo chhuak leh ta.

@@    Pu Lalzamliana H/o Lalrinpuii Damvea Sec. a mi chu an Step ah a tlusual palh a, damdawiin panpui a nih hnuin inlamah enkawl chhunzawm mek a ni.

Inkhawmpui zo: Jan. ni 16, 2015 (zirtawpni) a\anga a Jan. ni 18, 2015 (Pathianni) thleng khan Isua Krista Kohhran te chuan Bial |halai Inkhawpui an nei. He Inkhawmpui hi Hlimen Isua Krista Kohhran ten an thleng a ni.

Bial K|P khawmpui nei: Hlimen Pastor Bial K|P Conference chu tun Pathianni hmang hian Saikhamakawn Kohhran a neih a ni a. Hlimen a Presby. kohhran pathum a\angin member engemaw zat an tel a ni. He khawmpui hi Jan. ni 25, 2015 (Pathianni) zanah a \iak ang.

|awng\ai bethel nei: Jan. ni 17, 2015(inrinni) khan Alpine hut hmunah Hlimen a Kohhran hrang hrang member ten nileng \awng\ai Bethel an nei a, mi 50 vel zet an tel a ni. kan thudawnna in a sawi danin chawngheia \awng\ai pawh engemaw zat an awm a ni.
    Tin, Alpine Hut hmunah hian engtiklai pawhin a duh apiang tan \awng\ai bethel hi neih theih a ni. Hetianga mi\hahnemngai \awng\ai mi kan nei hi kan vanneiin khawtlang nun pawhin thlarauah hlawkna a neih ngei a beisei awm hle a ni.

FRONT :

RAM LEH HNAM HUMHALH
- Gen.Secy. CYMA
(Issue hmasa chhunzawmna.............)
    Zu leh ruihhlo do chungchang : Zu leh ruihhlo do hi YMA tan thilthar a ni lova, kalpui dan tur pawh kan thiam deuh tawhin a lang. Rangvamual leh Phunchawng ah YMA te kan in Duty chhawk \hin hian awmzia a nei viau mai a, kan hlawhtling tep tih ah hian tha kan thlah palh a hlauhawm hle. Hausak thut kan duh luatah mi pangngai tak tak damdawi kheh an awm ta nuk mai. Mahni branch ah \heuh kan fimkhur leh zual a \ul hle mai. Heng damdawi khehna sum a in leh in hmun \ha tak tak an lei te pawh hi khauh deuh tak a kalpui a \hat a rinawm. YMA ten tha kan thlah deuh ta nge ? Tunhnai mai atang khan kan khawlai ah drugs addict leh awm \ha duh lote an ngampa leh ta hle mai. Tin, ruihhlo avanga thi thalai an pung leh \an ta. Ruihhlo avanga hnam boral ta kan sawi fo \hin te kha i hrechhuak thar leh ang u khai. Thuneitute kutah chauh kan dah chuan kan tu leh faten min la rawn dem lutuk palh ang e.
    Mizo nun zemawi vawn nun zel chungchang: Ram leh hnam humhalh kawngah kan hmaih hauh loh tur chu Mizo nun zemawi a bik takin tlawmngaihna vawn nun zel hi a ni. Pathianin Mizo ah min siam a, Mizo tan lo chuan vawn nun zel theih pawh a ni lo. Duhamna, itsikna leh in rel te kan uar ta lutuk mah mah em aw a tih theih a, awlsam tak a thil \ha neih leh midangte ngaih pawimawh lohna a sang tual tual bawk hi vei tham a tling ta. Sem sem dam dam ei bil thi thi ti thin, a thlum a al ei za Mizo te khan a va liam teuh tawh em! Gas harsat lai tak a bur khat mai a lungawi duh lova midang chanai chhuhlui duh tlat mai te, petrol a vang dawn tih avanga mahni lirthei a thunkhah bak bur a la thun duh tlat mai \hinte hian tlawmngaihna chawisan a \ul zia a ti lang thin. Gas bur hnih nei ten a nei ve lo bur khat puk tir \hin tur a in zirtirte hi YMA hian uar chi a va ni ta em. Nikum MLA thlanna ah khan sum sen a tam ta hle niin sawi rik a awm a, a lo ni tak tak a nih chuan a lungchhiat thlak hle ang.
    Kan Mizo hnam incheina te, hnam lam te leh kan kut te hi kan chawisang zel tur a ni a, Mizo \awng humhalh a hman uar a \ul hle bawk. Kan Mizo nun zemawi tak tlawmngaihna kan tih fo zing a heng thlan laih, mitthi lumen, khawhar lenpui, riahpui \hin hi midang kutah dah lovin YMA hruaitu kan nih angin hma hruaitu kan ni \hin tur a ni. Hawihawmna, aia upa zah leh thisen pek te hi inzirtir uar zel ni bawk se.
Phek 2 na-ah chhunzawm a ni..

PAGE - 2

EDITORIAL :

DAN HI KAN TÂN A NI
    Sorkar in emaw Local Council ten emaw dan an siam \hin a, chu chu mipui vantlang \hatna atan te, nun a nawm nan leh mipui zalenna atan te a ni \hin. Dan hian mihring min khuahkhirh a, chu vek chuan zalenna min pe bawk si a ni.
    Ruk ruk khapna dan chuan rukru lo turin min khuahkhirh a,  chu dan avang vek chuan thil bo a tlem phah thung a ni. Chutiang bawk chuan sorkar in ui khuahkhirhna dante a chhuah a, he dan avang hian zalen taka ui vulh a khirh a, mahse he dan avang vek hian leh he dan kan zawm tlan chuan ui seh mai maite a tlem mai bakah kan khawtlang a lo thianghlim phah thung ang.
    Dan hi kan vai atan a ni a, sorkar dan siamte,  Local Council siamte leh NGO ten an siamte thleng pawhin \ha taka kan zawm hi keimahni tan leh kan khawtlang tan a ni a. Tunlai khawvel intlansiakna leh duhamna a kan khahna ah hian dan zawm a harsa kan ti hlein a lang a, hetih lai tak hi dan zawm a \ul hunlai a ni si. Danin hremna a ken hlauhvang mai hi ni lovin; keimahni leh kan khawtlang tan avang zawkin kan zawm tur a ni.
    Dan hi ram changkang leh hnam fing apiangin an zah thiam a, nun pawh a nuam a ni. Chuvangin sorkar dan siam emaw Local Council dan siam emaw reng reng zah thiam hi mimawl an awm ngai lo. Mihring hi awmho lo thei lo kan nih avangin dan tam tak kan mamawh a, kan zawm thiam leh keimahni tan a nuam \hin. Mahni ngaihdan ngawt hmanga; dan leh kalphung pawh ngaihtuah lova kan tal mai mai chuan chhungkua, khawtlang leh ram tan mi hnawksak kan ni ngei ang le.

 ###############################################

Phekhma chhunzawmna...
    YMA hruaitute tunhma zawng aia tan kan lak a \ul ta hle mai a, Ram leh Hnam Humhalh hi tih tak zet a bawhzui a hun ta, mang lam ah pawh kan la hmuh chhin ngai loh kan ram chhungah ngei sum tuak nan Mizo faten rukbo kan tawk ta fo mai te, chuti chung ah dawta khawvel hriata min la puh chhe fo \hin hian min ti \angrual se la, chhiat rupna a lo thlen chang a piang a Vai buaipui tur an awm ve ta ziah mai hian ILP check runpui \ul zia min hriatchhuah tir \hin bawk se la.
    Mizoram a mihring 10,91,014 awmin India ram pumah 1,210,193,422 lai an awm a, India mi nuaikhat ah Mizo 9 awm ve ang chauh kan ni a. Chimral a hlauhawm lo ti chuan a ngaihtuahna fim a hmang lo a ni kan ti ngam ang chu. Tlem tawh nak a lai a, in la hrang zawng a Politics a hlawkna hmuh tum ran a hmalak ching te hi YMA ten kan dodal ngam tur ani. Hetih lai vek hian hmun \henkhat bik chauh sawi lang a, hmasawnna(development) khamkhawp lova midangte fuipawrh a ralthuam chelek duhna hial awm thei ta hi kan vei thar a \ul hle bawk. Tin, awmze nei a pun hi kan la mamawh tak meuh meuh a, kan ramchhungah ngei kan sakhua leh hnamzia pawm duh si lova Mizo nih duh lem loten Electoral roll ah an inthun luh teuh teuh bawk si avangin kan thanharh a tul tak meuh a ni. YMA hruaitu mahni Branch huam chhung a Electoral roll enfiah peih leh dan lova lut paih ngam turin kan in chah duh a, Ram leh Hnam humhalh nan hmanraw pawimawh ber pakhat a ni. Tin, mihringten a tel lova kan awm theih loh thing leh mau bakah tuihna humhalhna kawngah insan mar thar leh kan ngai hle mai. Hnathawh kawngah \hangtharten thawh hreh nei lo tur a inzirtir a ngai a, Mizo \awng thiam lo, hmelhriat nei lovin kan ramah kut hnathawk turin an rawn lut a, subsidy leh NLUP, NREGA leh sorkar puihna beisei chuang lova inhlawh chawp te hian mobile hand set \ha tak hmangin a tui tui eiin ral a an chhungte an chawm thei tlat tih hmu chungin hnathawh tur avang tih hian chin(limit) a va han nei tak em! Tin, zirna hi YMA chuan a ngaipawimawh hle zel tur a ni a, lehkhathiam an tam hunah Ram leh Hnam Humhalh hian ngaihpawimawh a hlawh leh zual ang.
    Ram leh Hnam humhalh na kawng a hmalakna tur tam tak han chhawp chhuah avang hian kan Ram leh Hnam hi a tlu chhe ta vek tihna erawh a ni lo tih kan hriat a \ha a. Mi\hahnem ngai tam tak Mizoram hmangaihtu hi an la awm ve thova, mumal tak leh in lungrual leh taima taka kan thawh tlan chuan State dangten min awh khawp a nuam leh changkang kan ni reng mai dawn a ni.
    A tawp ber ah chuan Midangin kan ram hi min siam that sak dawn lova, YMA chak lohna veng/khua a nuam ngai lo an tih \hin angin Mizoram neitu YMA ten theihtawp chhuahin kan Ram leh Hnam i Humhalh ang u.
YMA VUL ZEL RAWH SE

PAGE - 3

HRIATTIRNA :

YMA Hall hman man
    Kum 2015 Branch Exe. Committee vawikhatna chuan YMA Hall hman man hi thil man san dan ngaihtuahin a hman man/hawh man tihsan ve nise a ti a, hetiangin :
    Vawikhat hman man    :    `    500/-
    Sumdawnna bikah    :    `    1000/-

Hlimkhawpui chungchang
    Jan. ni 22, 2015(ningani) zan khan Kum 2015 Hlimkhawpui Editorial Board ten kumthar Meeting an nei a, thurel \henkhat mipui tana hriat tur pawimawh te chu heng a hnuai a mite hi an ni:
1. Thu chhuah chungchang : (a) Political Party ten mahni Party sawimawina leh Party dang chirh thehna lam hawi chi reng reng chhuah a ni lo ang.
(b) Chhiartu te ngaihdana thuziak chungchangah a ziaktu hming chuang ngei lo chu chhuah loh tur a ni a, hming thup duh pawhin hminglem bakah mahni hming dik tak leh signature a chuangngei tur a ni.
    Tin, thuchhuah chungchangah hian a \ul dana zira zirchiangin Editorial Board ten thlitfim \hin a ni ang.
2. Treasurer chungchang : Hlimkhawpui sum enkawltu atan Nl. Lalbiakdiki News Editor chu ruat  a ni a, Section tin ten Hlimkhawpui budget an rawn pek \hin ah reciept pek zel nise tih a ni.
3. Advertisment chungchang : Advertisment chhuah man hi vawikhatah ` 50 zel a ni anga, tin,mimal hriattirna chhuah man atan ` 30 a ni bawk ang.
4. Hlimkhawpui budget pe \ha : Hlimkhawpui Budget pe \ha lawmman Section tan siam leh a ni anga, lawmman hi kum chanve danah siam a ni ang. Budget an pek hma dan a zira Point pek leh  tur a ni ang.

Local Council hriattirna
    Jan. ni 28, 2015(nilaini) dar 11:00am hian , Mizoram Rural Bank Manager Kulikawn Branch a lokal dawn a, MRB Kulikawn Branch hnuaia Loan puk tawh te, Account hawng thar tur leh Account hawn thar tum; Local Council te hnen thil\ul thehlut tawh zawng zawng te chu hemi ni hian kal vek tur a ni. A hmun atan YMA Hall a ni ang.
    Sd/- Lalhmingliana, Chairman
    Local Council Hlimen

Advertisement....

National Institute of open schooling
Khatla Primary School-I
(Near Khatla YMA Hall)
      Class X leh XII October a exam turin Admission a tih theih e. Accredited Institution leh Exam Centre kan ni e.

    Contact : 9862580546 / 9615066326

LAWRKHAWM :

Hruaitu thlang
    Jan. ni 17, 2015(inrinni) khan MUP Hlimen Unit chuan YMA Hall ah hruaitu tur thlanna an nei a. Heng mite hi thlanchhuah (elected) te chu an ni:
    President    :    Pu J. Hnuna
    Vice President    :    Pu Lallianbuka
    Treasurer    :    Pi Rohmingliani
    Heng an mi thlanchhuah te hian Secretary, Asst. Secretary leh Fin. Secretary atan heng mite hi an ruat a ni.
    Secretary    :    Pu C. Lalhmingliana
    Asst. Secretary    :    Pu Saikapkunga
    Fin. Secretary    :    Pu Vanlalchhuanga
    MUP hruaitu inthlan hi RO Pu Duhthusama leh PO Pu Vanlaltluanga leh Pu Robuanga ten an neih pui a, inthlan hi Post By Post niin an kalphung hi pawl dang inthlan dan nen a inang chiah lova, OB tur pathum - President, Vice President leh Treasurer te thlang chhuakin chung mite chuan OB dang te an ruat leh mai \hin a ni.

Voters’ day hmang
    Jan. ni 24, 2015(inrinni) zing dar 7:30 khan YMA Hall ah Voters’ Day hman a ni a, He hun hi Pu Lallawmzuala, BLO, Hlimen-II in a kaihruaia, khuallian atan Pu Lalhmingliana, Chairman Local Council hman a ni bawk. Tin, thutiam lak na hun neiin Chairman in a kaihruai thung a ni. Tin, Pu Vanlalhruaia Vice Chairman Local Council hnen a\angin thusawi ngaihthlak a ni bawk. Hemi hun hian EPIC semna hun neih a ni a, Khuallian Pu Lalhmingliana leh Pu Vanlaltluanga President, Hlimen Branch YMA ten an sem a ni.
    Voters’ Day ah hian vengchhunga Vote nei thar mi engemawzat an kalkhawm a ni.

Bawlhhlawh  paih leh nasa tawh
    Venglai kawn Site Drain chu hnatlanga thenfai a nih hnuah bawlhhlawh a tam leh tawh hle mai a. Helai hmun hi thenfai a harsat mai bakah a rimchhiain a khawih vel a hrehawm hle a. Chuvangin, tun chinah chuan helai hmunah hian bawlhhlawh paihlut tawh lo hram turin mitinte kan inngen e. Tin, ran talhtute pawhin kan ran talhna sathi velte paih lut lo turin kan inngen bawk a ni e.

PHED Chhimphei Section hriattirna
    Public Point a\anga tui la te kumin 2015 a\ang hian Thla khatah ` 30/- zel chawi tawh tur a ni. Tui Card hi Hlimen PHE Office ah mahni in tlan tur a ni a, Thla ruk man ` 180 ken tur a ni.
    Tin, Public Point hi a \hen kharin sawi zim zel a ni a, mahni kawtkai a\anga la \hinte pawh hmun hla zawk a\anga lak a ngai tawh a nih pawhin min lo hrethiam turin kan in ngen a ni.
Sd/- PL Vanlalauva
Sectional Officer
Chhimphei Section

PAGE - 4

KEIMAHNI :
Hlimkhawpui Budget
    Hlimkhawpui  2014 Dec.  thla Budget  pe tla tawh te:
1.    Lalsavunga Sec.    2.  Saichhuma Sec.
3.    Buala Sec.    4.  Damvea Sec.
5.    Kapdaia Sec.    6.  Vawmphunga Sec.

    Kapdaia Section te hian January 2015 thla budget an tlak ta bawk.

Section inthlan
    Kum 2015 a Section hrang hrang hruaitu thlanna chu Jan. ni 27, 2015(thawhlehni) zan dar 7:00 ah neih tur a ni a. Inthlanna hmun leh inthlanpuitu tur te:-
1.Buala Section    :    Pu R. Lalngheta te inah
Inthlanpuitu tur te    :    1) Pu Vanlaltluanga            2) Pu Lalrinchhana
2.Damvea Section    :    Pu Duhthusama te inah
Inthlanpuitu tur te    :    1) Pu Robuanga  
        2) Pu R. Zoliana
3.Kapdaia Section    :    Pu B. Laldawngliana te             inah
Inthlanpuitu tur te    :    1) Pu Lalrinmawia
        2) Pu Lalhmingliana
4.Lalsavunga Section    :    Pu Sikula (L) te inah
Inthlanpuitu tur te    :    1) Pu Lalthantluanga            2) Pu H. Ralkapthanga
5.Saichhuma Section    :    Pu Lal\hakima te inah
Inthlanpuitu tur te    :    1) Pu Lalhmuchhuaka
        2) Pu Duhthusama
6.Vawmphunga Section    : Pi Rochhingi te inah
Inthlanpuitu tur te    :    1) Tv. R. Lalawmpuia
         2) Pu Pakunga
    Inthlan dan turah hian mi paruk thlan chhuah a, inthlanpuitu ten siam rem nghal ni se tih a ni.
    Section hrang hrang a member ten inthlan hi ngaipawimawh a, member a tam thei ang ber kal tura ngen kan ni.

CYMA chanchinbu
    Central YMA chanchinbu chu a duh apiang tan lak theih reng a ni, a la duh chuan Pu Lalremthanga CYMA chanchinbu Agent hnenah emaw Branch YMA OB te hnenah in report mai tur a ni a, kum khat lak man ni ` 100 chauh a ni. A la thar duh te chuan a man hi pe tlak  nghal thei ila a \ha hle ang.

YMA |hutthleng/bungrua
    YMA \hutthleng \henkhat chu mimal inah/ dawr ah te kawl kan awm nual ni a hriat a ni a, a siamna senso hautak tham tak a nih avang leh indaihlohna a nasat avangin lo kawl\ha kan awm chuan laksak kher ngai lovin YMA Hall ah dah theih nise a lawmawm hle ang.
    Tin, YMA property dang no emaw bungraw dang lo kawl \ha kan awm pawhin dah kir leh ila a lawmawm hle bawk ang.
 

 CHHIARTUTE NGAIHDAN :

@@    Leivung/ rora trip a phur \hin ten kawng fai \ha laiah thlauh/tibua an awm fo mai hi khawlai, kawng\ha laiin a chhiat phah theih bakah veng a ti tawp em mai a, tun hnuah fimkhur tawh se ka va ti em.
- zubizubizubi

@@    Issue hmasa a YMA kumthar rorelin chhiatni YMA a hun atan mitthi lumen ngei an awm a tlaivar zan YMA huna chhiar tawh tur a tih kha lawmawm ka ti. Tlaivar kan tlem thei \hin a, kan tam phah dawnah ka lo ngai ve ringawt a.
- Tlaivar \hina

Lawrkhawm chhunzawmna...

Local council hriattirna
    Kum 2014- 2015 atan Leiman, Zoram chhiah leh Building tax chu Jan. ni 26-28, 2015 dar 10 am -3pm chhung hian Local Council Office-ah pek vek tur a ni a, chhiah pekna Reciept hnuhnung ber ken tur a ni. Kum hmasa aia chawi a tam tawh dawn avangin pawisa inrin tam deuh tur a ni. Hun tiam chhunga pe lo chuan Penalty chawi a ngai tawh a, pass neilo, mi inluah pawhin Zoram chhiah ` 50/- pek vek tur a ni. Tin, hetiang hian pek dan tur ruahman a ni:
    Jan. ni 26-ah    :    Saichhuma Sec. & Vawmphunga Sec.
    Jan. ni 27-ah    :    Damvea Sec. & Lalsavunga Sec.
    Jan. ni 28-ah    :    Buala Sec. & Kapdaia Sec.
    Tin, Domestic LPG Consumer te tana Direct Benefit Transfer (DBT) Scheme kalpuina tura buaipui ngaite buaipuisak tura Local Council te hnena thehlut te tan Jan. ni 26, 2015(thawh\anni) zing dar 7:00 a\angin Local Council Office-ah ` 50/- a lak kir leh theih e.
    Agent te hnenah Administrative Charge laksak loh tura kan ngenna chu tihhlawhtlin a nih tak avangin `100/- rawn theh lutte chuan ` 50/- a lak kir leh theih a ni.

    Sd/- Lalhmingliana, Chairman
    Local Council : Hlimen

Advertisement.....

Spoken English and Hindi
      Zirlai, sumdawng, Office kalte, Grammer thiam hmang chhuak theilote leh a engamah thiamlote leh engtimi tan pawh Admission kan hawng leh ta e. Kum bithliah a awm lo. Nikhatah darkar 1 zel. (SEAT LIMITED)

    P.J.INSTITUTE, OPP. SBI. MISSION VENG
    PH : 9862808032/8974806338

COMPUTER ADMISSION OPEN
(GOV’T APPROVED)
      Sorkar hna thawk thei tur khawpin emaw mimal sumdawnna atan leh thiam duh hrim hrim tan CCA 6 Months leh DCA 12 Months ah te Admission kan hawng leh ta e.
    Timing : 7 Am - 7 Pm
    Monthly Fee ` 1,000
(Unau, \hian leh nupa ah 20% concession a awm e)

    P.J.INSTITUTE, OPP. SBI. MISSION VENG
PH : 038902310866/9862808032/8974806338

Pawlkut thla Ni 17, 2015, Issue No. 3

PAGE - 1
TUALCHHUNG :
Boral: Tv. Biakhmingthanga (Mau-a) Kapdaia Section a mi chu Jan. ni 11, 2015(Pathianni) dar 2:15pm khan Internal Bleeding avangin a boral.

Damlo: Pu Lalrehlova H/o Pi Zoramchhani Buala Sec. a mi chu tunlai hian taksa lam chak lohna hrang hrang avangin inlamah enkawl mek a ni.

@@    Pi Hmingthansangi W/o Lalruatkima Saichhuma Sec. a mi chuJan. ni 16. 2015(zirtawpni) zan khan BN Hospital Kulikawn ah hmeichhe lam \hat lohna avangin zai a ni a, tunah hian he damdawi inah hian enkawl mek a ni.

Accident: Pu Hmingthanga H/o Sawithangi Damvea Sec. a mi chu Jan. ni 11, 2015(Pathianni) a Tv. Biakhmingthanga thihna a kal tur chu  Scooty in a su palh a, damdawiin ah doctor panpui nghal a ni a, thil\ul ang an tih hnuin a nakruk a auh a ni tih hriat a ni a, tunah in lamah enkawl mek a ni.

MPL Session 3 ah khel:  Mizoram Premier League(football) Session 3 U-17 ah kan veng a\angin heng mite hian an khel : Vanlal\hazuala S/o Zarzoliana (BS) chu Aizawl FC-ah a khel a, Lallawmawma S/o Ramsangi (BS) chu Chanmari FC ah a khel a, tin, Vannunmawia S/o Sangzarliana (KD) a mi chu Dinthar FC ah a khel bawk.

Missionary in chhuak: Nl. P.C. Lallawmzuali  D/o Lalnghinglova(L) Damvea Sec. a mi chu Mizoram Synod hnuaiah Missionary atan lak niin Jan. ni 6, 2015(thawhlehni) khan a awm na tur hmun Assam State a Debrujan lam panin a chhuk thla ta.

Kawng lai tlang: Jan. ni 16, 2015 (Zirtawpni) khan Local Council hmalakna a Central Workshop a\anga Hlimen vengthar panna  a Balcony siam chu lirthei zawh theih a lai tlang a ni ta a. Balcony chhak a kawng hnawh a lei tla te pawh hemi ni hian laih tlang nghal a ni bawk.

Pem lut: Pu Ramhlundanga te chhung W. Phaileng Dinthar a mite leh Pi Lalngaihawmi te chhung Ramhlun ‘S’ a mite chu Hlimen ah rawn pem lut in Kapdaia Section ah an awm a ni.  

FRONT :
2015 HLIMEN BRANCH Y.M.A
COMMITTEE VAWI 1-NA THUREL
    Jan. ni 17, 2015 (Zirtawpni) zan khan kum 2015 Hlimen Branch YMA Committee vawi 1-na YMA Hall-ah neih a ni a. Hemi huna thurel tlangpui chhiartute hriat atana pawimawh chu hengte hi a ni e :-

1. Property Secretary chungchang : Tv. R. Lalrindika chu Property Secretary atan ruat a ni a, Asst. Secy. atan Pu Laldawngliana ruat a ni bawk.

2. Hlimkhawpui Editorial Board chungchang : Kum 2015 chhung atan heng a hnuai a mi te hi ruat an ni.
    Editor    :    Pu Laltlankima, (DV)
    Joint Editors    :    Pu J.Vanlalbiakdika, (BS)
            Tv. R. Lalrindika (BS)
    News Editors    :    Melody Zodinpuii (DV)
            Nl. Lalbiakdiki, (SCS)  
    Circulation Manager    :    Pu Vanlalliana, (SCS)
    OB In charge     :    Pu Robuanga Vice. President

3. Section din chungchang : Section hi din leh nise tih a ni a, hetiangin - (a) Buala Section(b) Damvea Section(c) Kapdaia Section (d)  Lalsavunga Section ( e) Saichhuma Section (f) Vawmphunga Section a ni a.
    Section hruaitu thlan hun hi Jan. ni 27, 2015(thawhlehni) zan dar 7:00 ah neih tur ani ang a. Inthlan na hmun leh inthlanpui tu tur te :-
1.Buala Section    :    Pu R. Lalngheta te inah
Inthlanpuitu tur te    :    1) Pu Vanlaltluanga  
        2) Pu Lalrinchhana
2.Damvea Section    :    Pu Duhthusama te inah
Inthlanpuitu tur te    :    1) Pu Robuanga    2) Pu R. Zoliana
3.Kapdaia Section    :    Pu B. Laldawngliana te inah
Inthlanpuitu tur te    :    1) Pu Lalrinmawia    2) Pu Lalhmingliana
4.Lalsavunga Section    :    Pu Sikula (L) te inah
Inthlanpuitu tur te    :    1) Pu Lalthantluanga  
        2) Pu H. Ralkapthanga
5.Saichhuma Section    :    Pu Lal\hakima te inah
Inthlanpuitu tur te    :    1) Pu Lalhmuchhuaka
        2) Pu Duhthusama
6.Vawmphunga Section    :    Pi Rochhingi te inah
Inthlanpuitu tur te    :    1) Tv. R. Lalawmpuia 2) Pu Pakunga
    Inthlan dan turah hian mi paruk thlan chhuah a, inthlanpuitu ten siam rem nghal ni se tih a ni. Tin, Section Leader te hi Branch Committee member atan a lak ni se, anmahni ah remchhan lohna a awm chuan hriatthiam nise tih a ni.
    Section Budget hi tuk leh ni se, hetiangin :-  
    Buala Section     :    `      3000
    Damvea Section    :    `     3000
    Kapdaia Section    :      `      3000
    Lalsavunga Section     :    `       1500
    Saichhuma Section    :    `    3000
    Vawmphunga Section    :      `      2500
(Phek hnihnaah chhunzawm a ni................)

PAGE - 2
EDITORIAL :
KUM THAR A NI TA
    Kum 2014 chu hmang zovin kum 2015 kum thar chu Pathian hruaina in kan lo chuangkai \an leh ta reng mai le. Kum thar a nih angin khawtlang a pawl hrang hrangte pawhin pawl hruaitu tur an thlang thar leh mek bawk. Chutiang bawkin kohhran hote pawhin kumthar a rawngbawlna chi hrang hranga chanvo neitu tur pawh an thlangfel mek bawk a ni.
     Keini Hlimkhawpui Weekly News Editorial Board lamte pawhin kumhlui 2014 a chanchinbu buatsaih hna kan thawhna Issue Issue hnuhnung ber tur chu a lo ni ta reng mai. Kumbul a\anga khailak awm hauh lova tluang tak maia kumthar min hruaithlengtu Pathian chungah leh tluang taka chhuah a nih theihna atana mi \hahnemngai; thu leh hla \ha tak tak thawh \hintu leh tualchhung thil thlengthar te min rawn hrilh \hintute chungah kum 2014 Editorial Board te chuan lawmthu kan sawi mawlh mawlh bawk a ni. Kum kalta chhunga kan thuchhuah tam takah famkim tawk lohna leh rilru intihnatsak palh pawh a awm ngei ang tih chu kan ringa, chungah pawh insawisel mai lova thurawn \ha tak min pek zel \hin avangin lawmthu kan sawi nawn leh e.
    Awle, kum 2015 kumthar chu thlengin kumbul kan \an leh ta chu a ni reng mai. Kum 2015 kumthar Editorial Board atana YMA Committee ten an ruatchhuah hote hi khawtlang a parawn leh fing ber berte an ni lo, tlawmngaih chhuah tura ruat kan ni a, kum kalta lam aia nasa zawka thurawn \ha leh tualchhung thuthar pek chung changah \hahnem ngaia theihtawp rawn chhuah \hin turin kan ngen nawn leh che u a ni.
    A tawp berah chuan YMA chanchinbu anih avangin a chhung thu pawh hi YMA thei ang bera kalpui tum a ni a, YMA chu \anpui ngaite \anpui thuvawn a neitu a nih angin he chanchinbu pawh hi khawtlang mipui a tam thei ang berin kan \angkaipui theih tura kalpui hi Editorial Board leh YMA duhdan ani tih i hre nawn leh ang u.
    Kum thar 2015 hian chhiartute malsawm che u rawh se tih hi Editorial Board te duhthusam a ni.
**************************************************************

(Phek hma chhunzawmna......................)
4. Member lak chungchang : YMA Member fee hi mi pakhat zelah ` 2 leh kumpuan fee ` 3 (mipakhatah  ` 5 zel) khawn nise, Section tin ten Febuary 2015 thla ralhma ngei a Member Fee hi Branch Secretary hnena theh lut tura kawn tur a ni. 

5. CYMA chanchinbu Agent chungchang : Kum 2015 CYMA chanchinbu Agent atan Pu Lalremthanga chu ruat a ni.

6.Chhiatni fund chungchang : YMA Committee in a lo rel tawh angin Chhiatni Fund chu kumtina khawn tawh tur a ni a, Kuminah pawh chhiatni Fund Sub- Committee din a, hetiangin :
    Chairman    :    Pu Vanlaltluanga
    Vice Chairman    :    Chairman, Local Council
    Treasurer    :    Pu Lalrinmawia
    Fin. Secy    :    Pu Robuanga
    Members    :    Branch Officer Bearer te
    Heng mite hian a khawn dan tur a rang lama ruahman lo siam se tih a ni. Tin, chhiatni Fund khawn chungchangah hian kan venga hnamdang chhungkua a awm te hi Chhiatni Fund khawn ve tawh nise tih a ni.

7.YMA Hall hawh man chungchang : YMA Hall hi vawikhat hman man ` 500 a ni a, sumdawnna a hmang tur tan ` 1000 a ni.

8.Pem lehkha : Pu Ramhlundanga W. Phaileng Dinthar a mi te chhung leh Pi Lalngaihawmi te chhung Ramhlun ‘S’ te pem lehkha theh luh chu pawmsak an ni.

9.Chhiatni tawh a YMA zan chungchang: Chhiat tawh a lumen zan hi YMA in a zan thum inkaihruaina kan hman \hinah hian chhiar tel ni tawh se tih a ni.

10.YMA Hall chei  chungchang : Kumin chhung ngeia YMA Hall hi Zozia lang thei ang ber tur a chei nise tih a ni bawk.

11.Chhiatni a mawhphurtu ruat : Chhiatni ah Committee member te mawhphurhna insem nise tih a ni a, hetiangin :
1). Inlamah    :    Pu Lalhmuchhuaka, Pu R. Lalngheta, Chairman LC, Pu Duhthusama, Pu Pakunga, Tv. R. Lalawmpuia, Tv. Lalkhawmawia, Nl. Lallawmkimi, Nl. Lallawmzuali, Nl. Zochuanpuii, Nl. Melody Zodinpuii, Nl. BJ Zonunmawii te an ni.
2).Kuang lama mawhphurtu tur te : Pu Vanlaltluanga, Tv. R. Lalrindika, Pu Zoramhmangaiha, Pu Laldawngliana, Pu Lalhmunsiama, Pu H. Ralkapthanga, Pu Lalremthanga te an ni.
3).Thlanmual lama mawhphurtu te : Pu Lalrinmawia, Pu Robuanga, Pu Lalthantluanga, Pu Lalvulliana, Pu Lalrinchhana, Pu R. Lal\anpuia, Pu Vanlalliana, Pu R. Zoliana, Pu R. Lalbiakmawia, Pu Lal\anzuala, Pu Zairemthanga, Tv. Lalthlengliana, Pu F. Zosangzuala, Pu J. Vanlalbiakdika, Tv. Lalzopuia, Tv. David Vanlalhuma, Tv. Laltlanhlua, Pu Lalchhankima te an ni.

********************************************************
VENG CHEIMAWI LAWMMAN KAN DAWNG
    Jan. ni 13, 2015 (Thawhlehni) khan Central YMA Hall-ah Mizoram Sorkar chuan Krismas vuakvet laia veng cheimawite hnenah lawmman a sem a. Lawmman hi Grade/Category ABC ah \henin Category ‘A’ a thlan vengte hian ` 10,000 leh thuziak an dawng a. Category ‘B’ a thlan vengte hian ` 7,000 leh thuziak an dawng bawk a ni. Tin, Category ‘C’ a thlanchhuah veng ten ` 5,000 thuziak an dawng bawk a ni. Keini veng/Branch pawh Category ‘B’ ah veng \henkhat nen thlan kan niin pawisa fai ` 7,000 leh thuziak kan hruaitute hnenah hlan an ni. Veng cheimawi dan indawt category ah chuan pahnihna kan ni ve tihna a nih chu. A lawmawm hle mai.

PAGE - 3
HRIATTIRNA :
Local council hriattirna
    In dinglai/In sa thar la LSC lo te tan LSC tura tehtir duhte chuan January ni 12 - 19, 2015 chhungin Local Council Office-ah hriattir tur a ni e. Tin, Local Council te gas buaipui tir duh kan awm chuan a la tih theih reng bawk e.

    Sd/- Lalhmingliana, Chairman.
    Local Council Hlimen

Venglai side drain hi
    Hlimen Venglai Side Drain hi veng lunlai a nih angin bawlhhlawhin a hnawh khat hma hle a.Tunhnu ah chuan thil tuiril alam chi ni lo chu drain ah hian paih tawh lo teh ang u.

HLIMEN F.C. HRIATTIRNA
    Hlimen Football Club Jersey la kawl zawng zawng ten arang lamin Tv. Lalmuanawma, Saichhuma Sec. hnenah thehluhtur a ni.
    February thla a\anga \an tur Inter Village Football Tournament a tel tum Players te chu Jan. ni 18, 2015 (Pathianni) Dar 3:00 Pm hian Andy Zosangliana te inah inhmuhkhawm tur a ni a, Player te kim taka kalkhawm tur a ni e.
    Sd/- Secretary
    Hlimen Football Club

Zeng hri danna
    Jan. ni 19. 2015(Thawh\anni) ah kum nga hnuai lam tan zeng hri danna lak tur a ni a, nausen piang tir tan pawh lak theih a ni bawk. Heng hmunah te hian hri danna hi lak tur a ni:-
1. Pu Chalngaiha te in Damvengah -  Dam veng, Thlanmual veng, High School veng.
2. Health Clinic, Mualzawl-ah - Vengthlang, Venglai, Vengchhak.
3. Pu B.Laldawngliana te in Central Workshop-ah - Quarry veng te lak tur a ni e.

CYMA chanchinbu
    Central YMA chanchinbu chu a duh apaing tan lak theih reng a ni, a la duh chuan Pu Lalremthanga CYMA chanchinbu Agent hnenah emaw Branch YMA OB te hnenah in report mai tur a ni a, kum khat lak man ni ` 100 chauh a ni. A la thar duh te chuan a man hi pe tlak  nghal thei ila a \ha hle ang.

YMA |hutthleng/bungrua
    YMA \hutthleng \henkhat chu mimal inah/ dawr ah te kawl kan awm nual ni a hriat a ni a, a siamna senso hautak tham tak a nih avang leh indaihlohna a nasat avangin lo kawl\ha kan awm chuan laksak kher ngai lovin YMA Hall ah dah theih nise a lawmawm hle ang.
    Tin, YMA property dang no emaw bungraw dang lo kawl \ha kan awm pawhin dah kir leh ila a lawmawm hle bawk ang. 

LAWRKHAWM :
Hruaitu thlang
    MHIP Hlimen Branch chuan Jan. ni 12, 2015(thawh\anni) zan khan YMA Hall ah Pu Lalhmingliana Chairman Local Council leh Pu Robuanga Vice President Hlimen Branch YMA te kaihhruaina in 2015 chhunga hruaitu tur an thlan a. Heng mite hi thlanchhuah te chu an ni:
    President    :    Pi Zonunkimi, Saichhuma Sec.
    Vice President    :    Pi Lal\anpuii, Vawmphunga Sec.
    Secretary    :    Pi Biak\huami,    Damvea Sec.
    Asst. Secy    :    Pi Lalzawni, Buala Sec.
    Treasurer    :    Pi Zothanpari, Saichhuma Sec.
    Fin. Secy    :    Pi Thansangi, Damvea Sec.

Lawmpuina
    Mission veng OIL India Open Badminton Tournament  a neih zawh takah kan veng a\anga player tel Malsawmsanga (SC) chu U-19 ah a Champion a, Women’s Double ah Lalhlunchhungi & Partner an Champion bawk a, tin, Men’s Double ah Pu Lalmuanawma te an Champion bawk. Men’s single-ah Zarzokima Runner Up a ni bawk. Pu R. Lalbiakmawia chu 35Yrs+ single ah Champion in, Double ah pahnihna a ni bawk a.
    Heng kan Player chhuanawm tak tak te hlawhtlinna hi kan chhuangin kan lawmpui em em a, an kal zel na turah duhsakna kan hlan e. Tin, Mizoram Premier League Session 3 U-17 ah kan veng a\angin Club hran hran ah Player 3 laiin an khel mek a, anni pawh an kal zel na turah duhsakna kan hlan a. Heng kan naute, kan khawtlang tihming\hatu te hi mipui lam pawhin kan theihna kawng \heuhah \awiawm hi kan bat a ni tih i hria ang u.
Sd/- F. Laltlanmawia, Secretary, G&SA Hlimen

Chhiat tawh a chunga lawmthu
    Kan fapa Tv. Biakhmingthanga damloh leh thih chungchangah lawmthu sawina tur kan ngah hle mai. A damloh chhunga khawtlang nu leh pa leh \halai ten min buaipuina leh in \hatna te kan sawi seng lo. Tin, Kohhran te \awng\ai puina leh damdawiin a amah kan leh \anpuina pe tu te chungah pawh lawmthu kan sawi a. Tin, a boral danah tlaivarpui ngai a nih avangin YMA ten min tlaivarpuina chungchangah leh a vui ni thleng a in hun hlu tak leh in neih thil te seng a in mi hmangaihna kan hmuhin lawmthu kan sawi a, chu mai nilovin vawiin thlenga kan lungngaih hrehawm phal lova, in mi hmangaihna te in lantir avangin he chanchinbu kaltlang a kan lawmthu sawina hi in chunga lawmthu sawina tlingah min pawmsak turin kan ngen tak meuh che u a ni.
    Inkhawngaihna dawngtu,
    Lalthlengliana te chhungkua, Kapdaia Section.

Mizoram aiawhin fehchhuak
    Nl. Lalbiakdiki D/o PC Zosangliana, Damvea Sec. a mi chu Nov. ni 24-27, 2014 chhunga North East tan bika buatsaih NIATHU Sport Festival, Nagaland a khel zawh takah Mizoram Volleyball team ah telin Mizoram Team te hi a Champion pui a. Tin, Jan. ni 3-11, 2015 chhunga 63rd Senior National Volleyball Championship Jawaharlal Nehru Indoor Stadium, Chennai a khelh zawh takah Mizoram aiawha khel lehin Pre-Quarter ah an vanduai ta hlauh a ni.
    Hetiang ram aiawh thei nula chhuanawm Hlimen-in kan nei hi kan chhuang tak zet zet a, a kal zel na tur ah duhsakna sang ber kan hlan a ni. 

PAGE - 4
KEIMAHNI :
Hlimkhawpui Budget
    Hlimkhawpui  2014 Dec.  thla Budget  pe tla tawh te:
1.    Lalsavunga Sec.    2.  Saichhuma Sec.
3.    Buala Sec.    4.  Damvea Sec.
5.    Kapdaia Sec.

    Kapdaia Section te hian January 2015 thla budget an tlak ta bawk.

Faina Sub-committee hnatlang
    Jan. ni 10, 2015(inrinni) khan Faina Sub- Committee te chuan Hlimen venglai kawn Side Drain tihfai hnatlang an nei a, he hnatlangah hian  section neitu, Saichhuma Section a\ang pawhin member engemawzat an thawk chhuak a, hnatlang athawkchhuak te chhawmbawl nan Pi Zosangi i’n `100 leh kuhva , Pi Sangzuali’n ` 200 leh Nl. Lalzuitluangi’n ` 100 an thawh bawk. Tin, Pi Zothanpari (Ma-i) in thingpui leh a hmeh a tum bawk a,Pu Livanhrila’n Kuhva \hahnem tawk tak a pai bawk a, member thawk chhuak te leh thilpek petu zawng zawng te chungah Faina Sub- Committee ten lawmthu an sawi tak meuh meuh a ni.

YMA in ral
    Jan. ni 14, 2015(nilaini) zan khan Tv. Biakhmingthanga ralna hun hman a ni a, ralna ` 5840 a nu hnenah hlan a ni.
    Hemi zan vek hian a tuamna puan pahnih chu YMA kutah a chhungten an hlan let bawk. YMA in mitthi puan a dawn \hin te hi a \ulna apiang a \angkai taka hman leh \hin a ni.

**********************************************************
Advertisement............
Spoken English and Hindi
      Zirlai, sumdawng, Office kalte, Grammer thiam hmang chhuak theilote leh a engamah thiamlote leh engtimi tan pawh Admission kan hawng leh ta e. Kum bithliah a awm lo. Nikhatah darkar 1 zel. (SEAT LIMITED)

    P.J.INSTITUTE, OPP. SBI. MISSION VENG
    PH : 9862808032/8974806338

COMPUTER ADMISSION OPEN
(GOV’T APPROVED)
      Sorkar hna thawk thei tur khawpin emaw mimal sumdawnna atan leh thiam duh hrim hrim tan CCA 6 Months leh DCA 12 Months ah te Admission kan hawng leh ta e.
    Timing : 7 Am - 7 Pm
    Monthly Fee ` 1,000
(Unau, \hian leh nupa ah 20% concession a awm e)

    P.J.INSTITUTE, OPP. SBI. MISSION VENG
PH : 038902310866/9862808032/8974806338

CHHIARTUTE NGAIHDAN :
@@    MLPC Act chu hman a ni ta maw. Phalna nei lova zu in/rui leh zu zuar ten man an tawh palh vaih chuan a hremna hi a theuneu lo hle dawn mai. Hetiang ti \hin mi tan fimkhur a ngai teh ang chu. Dan anga kal chhoh a nih chuan he Act hi a \ha hle turah ngai phawt ila. Kan veng pawhin kan \hatpui ngei a beisei awm hle. Tin, he dan (Act) hi kan theih chinchinah zirchian nachang i hre bawk teh ang u.
-Bartowski

KAN THEN TAK

 
Tv. Biakhmingthanga(mau-a) kum -40
    Tv. Biakhmingthanga(Mau-a) hi Feb. ni 11, 1974 khan Pu Romawia (L) leh Pi Kapthangpuii te inkarah an fa pathumna ni turin a lo pianga,  a pa Pu Romawia hian Feb. ni 17, 1987 ah a boral san a, hemi hnu hian a nu chu Pu Lalthlengliana nen innei leh a ni. An unau hi mipa pali leh hmeichhe pathum an ni.
    Tv. Biakhmingthanga hi naupang thuawih leh fel tak, nu leh pa leh unau te, pi leh pu te leh a unau te hovin an duat rawn em em a ni. Zirna lamah hian a thleng thui lova, Middle School erawh a zo ve a ni. Amah hi mi inngaitlawm tak, naupang chhawnchhaih peih leh ngaina em em a ni a, a unau fate pawhin an ngai hle a ni.
    Vanduaithlak takin ruihhlo in nasa taka tibuaiin a taksa pawhin a tuar phah nasa hle a ni. Hetianga ruihhlo in a tih buaina a\ang hian tlanchhuah duhin Pathian lamah beisei neiin Campingah te a lut a, rawngbawltu Speaker te zui leh rawngbawlna Centre lamah te hun a hmang ve \hin a ni.
    Tv. Biakhmingthanga hi ruihhlo tihbuai tawh a nih avangin a taksa lama hrasatna nei fo \hin a ni a, hei vang hian damdawiin pawh thlenpui fo a ni. Oct. ni 26, 2014 khan Internal Bleeding neiin dammawiin panpui a ni a, tlem a a \hat deuh avangin chhuahpui leh a ni. mahse, a natna ngai a vang bawkin Nov. ni 13, 2014 khan Civil Hospital panpui leh a ni a, chuta \ang chuan \hat tak tak awm thei lovin Doctor te pawhin theihtawp an chhuah chungin inlama inenkawl mai turin Jan. ni 6, 2015 khan chhuahpui leh a ni a, inlama a nu leh pa leh a unau ten duat tak leh hmangaih taka an enkawl laiin Jan. ni 10, 2015 zan a\ang khan zual lam pan lehin \um thum lai thiin a luak leh a, Jan. ni 11, 2015 (Pathianni) chawhnu dar 2:15 khan min lo peih loh san ta a ni.

Crusade zawha  ni ta
    Khawtlang NGO leh Kohhran hrang hrang \angrual ten an din Gospel Committee chuan Jan. ni 8-11 2015 Pathianni zan thleng khan Gospel Thunder Team ruaiin Hlimen Persbyterian Kohhran Biakinah Crusade hlawhtling tak an neih chu zawh fel a ni ta. Ruihhlo leh sualna kawng hrang hranga hmelma pa Setana’n a lo phuar leh mahni a talchhuak thei tawh lo engemaw zatin Pathian chhanchhuahna te an chang a, Pathian fakin hlim taka lamin chnglamah ban an phar suau suau  ta mai. Authawm mitdelte hriat khawp tih hla ang maiin an thawmin khawtlang a Kohhran hrang hrang te leh chhungkaw tam tak te a deng harh mek bawk a ni.

Pawlkut thla Ni 10, 2015, Issue No. 2

PAGE - 1

TUALCHHUNG :

Damlo: Pi H.Laldingpuii W/o Pu Lalthantluanga, Vawmphunga Sec. a mi chu January ni 5, 2015 khan a tlu sual palh a, a ke ruh a sawh nat deuh avangin In lamah enkawl mek a ni.

@@    Pu J.K.Lalengzauva, Damvea Sec. a mi chu a kawng bawr na avangin investigation te tih a niin Jan. ni 6, 2015(thawhlehni) khan Durtlang Hospital-ah Admit a ni.  

@@    Pu Lalthlamuana H/o Pi Zapari, Kapdaia Sec. a mi chu BP sang avangin Durtlang Hospital-ah hun engemaw chen a awm hnuin in lama inenkawl zui turin a lo chhuak leh ta niin thu kan dawng.

 @@    Pu Lalramvula te fa naupang zawk, Kapdaia Sec. a mi chu lung lam \hatlohna avangin Civil Hospital-ah hun engemaw chen enkawl a nih hnuin Jan. ni 8, 2015 khan a lo chhuak leh ta.

    Damlo zawng zawng ten dam leh hrisel taka an hringnun an hman chhoh zel theih nan Editorial Board ten duhsakna kan hlan e.

Tuakthar: Zonunsiama (Tea) S/o Manliana, Kapdaia Sec. a mi leh Linda Lalnunfeli Chanmari te chuan January ni 5, 2015 khan damchhunga nupa ni turin ‘tiam tlat e’ an ti.

@@    Julie Zothanmawii D/o Lallianzama, Kapdaia Sec. a mi leh Lalmuanawma Bungkawn a mite pawhin January ni 6, 2015 khan damchhunga nupa ni turin ‘tiam tlat e’ an ti bawk.

Kawn chei \hiah a ni : Jan. ni 6, 2015 (thawhlehni) zan khan Hlimen Venglai kawn cheina chu \hiah/senghawi a, lakthlak fel a ni. Lakthlak tawp hnu hian tih fel tur a la tam avangin zan dangah pawh hnatlang hi neih chhunzawm a ni.

Chequered tile phah: Damveng Pu Rimawia in khawmchhak a\angin Step ah Chequred Tile phah a ni a. Thu dawn danin  Pi Zochhuani in bul (Chequred Tile phah hmabak) thleng phah tur niin a lang.
 

FRONT :

RAM LEH HNAM HUMHALH
- Gen.Secy. CYMA
Ramdang leh Hnamdangte in luahtir chungchang:
Aizawl khawpui ah hian ramdang leh hnamdangmi mi inluah a khawsa hi Mizoram a khua zawng zawng a ramdang leh hnamdangmi mi inluah aiin an tam zawk a rinawm a. Aizawl a YMA hruaitute hian mahni Branch ah theuh in luah tur neitute hi sum um lova mahni Mizo puite chauh luahtir turin hma la thei i la, chenna tur ber an hmuh loh chuan Ramdang leh Hnamdangmite tan kan ramah hian chen ngaihna a awm lovang. Inluah tur neite hian an in an luahtir dawn lai a YMA pemlehkha phut hmasa kher hi an tam lo hlein a rinawm a, chumai bakah Vai hnen a Inner Line Pass (ILP) lo phut pawh an khat pharhin a lang. Heng vaiho leh ramdang mite hian Mizo in an luah ngamna aia sangin an luah ngam zel avangin Pa rawn awm deuh deuh pawh hian khawtlang a an tangkai leh tangkai loh lam an dawn phal ngai lo niin a lang. Kan tuikhur an ta neih tlangpui a, mitthi leh hnatlang tlangau an hre lo tlangpui a, ration leh gas (LPG) leh khawnvartui sem tur tlangau ah erawh an tuan a tha hle thung a, Electoral roll ah Mizo te aiin inthun an ngaihven peih em em a ni.

Sumdawnna chungchang :
Mizoram hian Trading regulation kan nei lo chungin kan ramah hian ramdang leh hnamdang sumdawng an tam ve ta hle mai a, Mizo district council hunlai a trade license mitlemte hnenah pek tih loh chu trade license nei an awm lo na chungin Vai dawrkai tam tak zia hi a hre tute kan ni awm e. Thir (iron rod), cement, leirawhchan zuar tute hian Mizo hming hawh hi an thiam bik riau niin a lang, Vai mistiri nen inthurualin Mizo in sa tute an bum hnem tawh zia hre chung a kan la enliam mai mai thei thin hi harh a hun ta tak zet mai. Trade and Commerce department in thlai leh thil dang a bik atkin Agriculture produce an tih mai lakluhna permit a pek theihna dan Mizoram Gazette VOL XLII ni, 2.7.2013 tih chhuah ang pawhin Vai ho khuan permit dil duh chuang lovin ramri check gate ah pawisa an pekn a receipt chu permit ah an ring nghal mai thin niin a lang. Ti chuan an duh duhna ah an phur kual ta mai thin a ni. Dan lova lo lut na na chu YMA ten I dap chhuak thin ang u.
    Tin, industry rawn din tute lah chuan mi ram te angin a ram leilung fate an chhawr tha duh lo hle a, Subsidy an rawn dil nghal tlut tlut mai a, hei hi an tum ber pawh niin a lang. Industry thli chhia tenawm chauh min hnutchhiah a a hlawkna tel tum ang chi ho chauh kan ram a kan la lut ta mai hi in enfiah nan kan hman a tha awm e. Chuvangin sumdawnna thilah kan Mizo pui te chauh dawr hram hram thin i la, vai ho hian vai thingpui dawrah chauh an dawr thin a, bawngsa lei pawhin an vaipui sah bawngsa chauh an lei thin. Kan niserh Pathianni ah nise vai kelsa zuar tamzia kan hmu thin awm e. Tunlai khawvelah chuan sumdawnna hi ram leh hnam inchimralna(Economic assimilation) awlsamna ber a nih avangin Mizofate kan thanharh a tul tak meuh a ni.

PAGE - 2

EDITORIAL :

Nihna hriat a |ul
    Nihna hriat loh lutuk hian khawtlang / chhungkua /pawl leh Kohhran thleng pawhin thui takin pawi a khawihin mahni ngei pawh a ti mualpho thei a ni. Chhungkua ah pawh pa emaw nu in emaw ten an nihna an hriat loh a ro an rel fel loh chuan chhungkua in a tuar a, chuutiang bawkin, khawtlangah pawh roreltu tur kan thlang \hin. Chung mite chuan rorel tu tur an nihna an hriat loh a ro an rel \hat loh chuan khawtlangin a tuar a, anmahni pawhin an mualpho phah \hin.
    Kan khawtlangah NGO leh Pawl (Association) hrang hrang a ding a, chung pawl ho te chuan hruaitu tur hruaitu tur Office Bearer leh Committee an nei hrang vek a, chung ho chuan an nihna chanvo an hriat loh chuan pawl a chak lo a, hruaitu te mualphona a ni bawk. Khawtlang a rorel tute leh pawl hrang hrang leh Kohhran thleng pawhin chanvo leh nihna hrang hrang chelhtu khawtlangah chhiar ve tham an awm a, chuti chung chuan engvangin nge NGO leh pawl hrang hrang te a chak loh \hin a, Kohhran thleng pawh in engvangin nge a chak tawk loh kan tih chuan chanvo leh nihna chelhtu te; mahni nihna hre lo leh chanvo hre lo an tam vang a ni ber mai.
    Kan khawtlang te, Kohhran te, NGO leh pawl a nihna chanvo neitu te hian an nihna hria in ngaipawimawh \heuh sela, Kohhran leh khawtlanga pawl leh Association chak lo an awm lo anga, khawtlang a nuam ang a, chu chuan hmalam panin chak takin min kal tir mai dawn a lo ni. Nihna leh chanvo hre lo tamna veng chu a nuam thei lo. A changkang thei bawk lo a ni. Khawtlang, Kohhran leh Pawl reng reng a lo nawm a a lo chak theih nan chuan chanvo neitu ten nihna an hriat a \ul.

ZIAKTUTE HUANG :

ZAHAWMNA LEH FAINA
-  Robuanga
    Mihring, t<pawh tung chhova \hang  reng reng hian mi zahawm nih duh lo chu kan awmin ka ring lo. Chutiang bawkin zah zâwng leh zahawm tih zâwng kan nei theuh bawk. Kan mi zah zâwngte bulah chuan kan thusawi duhzâwng leh kan chet duh dante a dang lamin, kan fimkhur hle \hin.
    Mi zahawm nih dan hi kawng hrang hrang sawi tur atam thei hle awm e. Chu’ng zinga ka han sawi duh chu  ‘faina’ hi a ni tlat mai. Mi chu hausain, lehkha pawh thiamna sang tak nei mahse, bal \awp taka a awm fo chuan a zahawm thei lo hrim hrim. Chutiang bawkin, In leh lo tha pui pui neiin awm mahse, a inte a balh \awp hle chuan a zahawm thei lo bawk. |halai, nula/tlangval inchei parh thei tak; hmel pawh duailo tak nimahse a in leh a velte a tih\awp f< si chuan miten an hmuh dan a hniam lo thei lo.
    Mizote hi \henawm khawveng in l>n pawh a, inkawm ho nuamti mi tak kan ni a, mi inah kan han l>ng a, an inte chu ropuiin \ha hle lo mahse, a chh<ng lam bungrua leh thutthleng leh chhuat leh engkim mai a lo fai thianghlim hle chuan, kan chet dan a fimkhur hle thin.  Engvang nge.? E le, a zahawm em vang mawle. Chu chuan in neitu, a chh<nga chengte a tizahawm a ni. Khawtlangah pawh a ni tho mai. Khua/veng hrang hrangah pawh kal ila an khawlai leh Inte a lo fai hle mai chuan, a chhunga chengte chu tuman kan en hniam ngai lo. Mimal pawh, khua/veng pawh a balh \awp hle chuan a zahawm thei lo. Khaw zahawm/veng zahawm te, mi zahawm te ni tur chuan faina hi a pawimawh berte zing a mi a ni.
    ‘Faina’ tih hian taksa lam thleng pawh a huam a. Hnathawk nih loh chuan thawmhnaw bâl lutuk inbel fo te, hmelhmai midangte tana hmuh nuamlo khawp a, kuhva/sahdah/meizial etc. ei a, hmuam a, zuk te pawh mimal zahzawmna tihdal thei a ni ta.
    Mi zahawm leh nun hlim neih theihna kawng \hatak chu fai/thianghlimna ngaih pawimawh hi a kawng hnai ber chu a ni. Khawlaiah te nalh tak takin thawhnaw \ha pui pui nen leng \hin in, lirthei changkang pui pui te nei pawh niin awm mahila, kan chenna In leh a vel te \awp bâl \awp pui pui, miten an hmuh fo chuan ‘hepa chu emaw, he nu chu emaw chural thlirin a changkang a, belhchianin, hrethiam mai em?.’
    Mipakhat chu a a hnung lam entu chuan nalh a tiin a fak hle mai a. A hmalam a han hmuh meuh chuan a lo............... hle mai a. Heti hian a ti ta ringawt mai, “ Hnunglama enin ACHHÂ, hmalama en in A Rê.” a ti e an ti.
    FAI HI ZAHAWMNA A NI E.

PAGE - 3

HRIATTIRNA :

MHIP hriattirna
    A hnuai a hun leh hmun tarlanah hian MHIP Hlimen Branch kum 2015 chhunga hruaitu tur thlanna hun hman tur a ni a. Member zawng zawng kim taka kal turin hriattir in ni e.
    A hun    :    Jan. ni 12, 2014
            (Thawh\anni) 6:30 Pm
    A hmun    :    YMA Hall

UHC hriattirna
    Urban Health Centre Hlimen ah naupai inentir ni atan kartin Ningani hi ruat a ni a. Naupai inentir turte chu hemi ni hian kal \hin tawh tur a ni e.
    Sd/- Dr. Elsa Lalramzauvi
    Medical Officer
    Urban Health Centre, Hlimen

Electric Bill
    Jan. ni 12 &13, 2015 (thawh\anni & thawhlehni) khian kan venga Electric Bill Counter ah bill a pek leh theih dawn a ni tih vengchhung mipui te kan in hriattir e.

Local Council hriattirna    Central Sorkar in Mizoram ah Domestic LPG Consumer te tana Direct Benefit Transfer (DBT) Scheme a kalpui tawh dawn a. He Scheme ruahmanna ah chuan LPG Consumer ten LPG Distributor/Agent te hnen a\angin Gas man tlawm a lei tawh lovin a man pangngai (Market Rate) in an lei tawh anga, a man tlawmna (Subsidy) chu consumer te Bank Account ah Sorkar in a thunsak tawh dawn a ni. Hetianga kalpui a nih tawh dawn avang leh Consumer ten he ham\hatna hi kan dawn theihna atan Domestic LPG Connection neitu zawng zawng ten Indian Oil Corporation Limited (IOCL) duan form 3 leh form 4 hmangin Gas Subsidy dawnna tur Bank Account Number leh Mobile Phone Number - Distributor/Agent te hnenah thehluh tur a ni. Bank Account neilo leh thehlut lo chuan he ham\hatna hi a dawn theih dawn loh a ni.
    He ruahmanna  thilah hian Local Council chuan mipuite awlsam zawk nan a duhte tan hma a laksak leh dawn a. Jan. ni 12, 2015 (Thawh\anni) a\angin zingkar dar 7:00 - 9:30 ah Local Council Office-ah Consumer Card leh Bank Passbook, passportsize, hming leh Bank Account number lanna photo/Xerox copy kengin ngaihven theih a ni. Buaipuina atana senso leh form man tur ` 50 leh Agent a Administration fee ` 50 thehluh tur nen ` 100 ken tel bawk tur a ni.

    Sd/- Lalhmingliana, Chairman
    Local Council, Hlimen

LAWRKHAWM :

Final lut
    OIL India Mission Veng Open Badminton Tournament khelh mek ah Men’s single ah Tv. Zarzokima chu final lutin, U-19 ah Tv. Malsawmsanga pawh  final a lut bawk a. Tin, 35yrs+ ah Pu R. Lalbiakmawia pawh final a lut bawk a ni. Tin, Nl. Lalhlunchhungi chuan Women Double Final lutin a vanduai zawkah an \ang ta hlauh a ni. Jan. ni 10, 2014 hian Final an khel a, he thu buatsaih lai hian chanchin kimchang hriat hman a ni lo a ni.

Local Council hriattirna
    In dinglai/In sa thar la LSC lo te tan LSC tura tehtir duhte chuan January ni 12 - 18, 2015 chhungin Local Council Office-ah hriattir tur a ni e.
    State Bank of India hnuai a Training turte kha January ni 12, 2015 (Thawh\anni) Dar 10:00 Am a\ang hian RSETI (KVI) Zemabawk-ah Form Fillup sa leh Bedding te kenga Training tura kal tawh tur a ni a, a kal tur te chu Local Council Office ah in report phawt tur a ni ang. Training duh la in report lote tan pawh Local Council Office-ah Form Fillup chawpin a la tih theih bawk e.

    Sd/- Lalhmingliana, Chairman
    Local Council, Hlimen

Thihcham hriat rengna hun hmang
    Jan. ni 8, 2015 (ningani) khan Pu Zohmingthanga (L) Treasurer Local Council ni lai, nikum Jan. 8 a boral ta thihna in kumkhat a tlinna hriatrengna hun chu a nupui fanau ten an chenna in Thlanmual vengah an  buatsaiha, chhung leh khat laina, a \hiante bakah Local Council  a thawhpui te, JAC, MUP leh YMA a thawhpui te mai bakah MHIP hruaitu ten he hun hi an hman pui a, tlaiah chawhlui an kil ho nghal a ni.

Crusade nei mek
    Jan. ni 8, 2015 (Ningani) zan a\ang khan Hlimen a kohhran hrang hrangte leh NGO \angrual, Gospel Camping Committee chuan Gospel Thunder Team a Speaker Pu Lalramliana(Ramtea) chu ruaiin Hlimen Presby. Kohhran Biak Inah Crusade an hmang mek a. He Crusade hi Jan. ni 11, 2015 (Pathianni) zan thleng tura ruahman a ni. Dec. 2014 a Camping chhawng 2 a Camper te Pathian a lawmna thar changa piangthar hnungtawlh leh te pawhin Pathianah chakna tharte neiin an hlim hle a. He Crusade hian Camper-te mai nilovin kohhran a rawngbawltu tam tak thlarau lama lo muthlu deuh tawhte pawh a kaiharhin khawtlang boruak leh kohhran hrang hrang boruak pawhin a \hat phahin a tihnawm phah hle a ni.

Bill sang
    Sawrkar a\anga man tlawm zawk a kan dawn tui leh ration buhfai te chu a rate tih san a lo ni ta a, tui bill hi a let in a pung chho niin thu dawn a ni a, tin, ration buhfai pawh 1 kg  ` 15/- a kai chho ta bawk.
    Hei hi thilman to chho zelin a nghawng ni te pawhin a lang a, mipui lam pawh inremchem taka kan khawsak thiam a pawimawh hle awm e. Inrenchem thiam hi sum khawl tluk tho a ni tih hria in kan mamawh tawk chiah hman thiam i zir ang u.

PAGE - 4

KEIMAHNI :
Hlimkhawpui Budget
    Hlimkhawpui  2014 Dec.  thla Budget  pe tla tawh te:
1.    Lalsavunga Sec.    2.  Saichhuma Sec.
3.    Buala Sec.    4.  Damvea Sec.

    Press lama Bill pek a ngaih tawh avangin Budget la pe lo ten a rang lama pek tum ila a lawmawm hle ang.

Branch exe. Committee
    A hnuai a hun leh hmun ruatah hian Kum 2015 Branch YMA Exe. Committee  hmasa ber koh a ni a. Committee kohna hi sem chhuah a  niin hmu lo palh kan awm a  nih chuan hei hi kohna puitlinga ngaih nghal tur a ni e.
    A hun     :    Jan. ni 16, 2015 (zirtawpni) 6:30pm
    A hmun    :    YMA Hall
    Agenda    :    Kum 2015 a kal dan tur chungchang

Tihdikna
    Kar hmasa Hlimkhawpui chhuaka Hlimen Branch YMA Executive Committee member lak thar  hming tarlan zingah Pu Laldawngliana leh Nl. Lallawmkimi te tarlan hmaih palh an ni a, tih hmaih palhah hriatthiamna kan dil tak meuh meuh a ni e. 

Faina Sub Committee hnatlang
    Jan. ni 10, 2015 (inrinni) zing chaw eikhawm khan Faina Sub- committee te chuan Hlimen Venglai side Drain tihfai hnatlang an nei a. Venglai Side drain a hnawk te an hai fai a ni.

*********************************************************************
     

KAN NGHILH LOH

    Khawtlang tana kan rawngbawlpui duhtak, hruaitu entawntlak Pu Zohmingthanga (1953 - 2014) Treasurer Local Council Hlimen.
    Kan thlakhlelh leh i hova khawtlang rawngbawl hna phur taka kan thawho laia khawvel ah inhmu leh miah tawh lo tura kan in\hen phutna ni champha vawi khatna (Dt. 8.1.2015) a lo thlen hian i thawhpuite mai nilovin Hlimkhawpui hian kan hre reng a che.
    Khawtlang i hmangaihnate, midangte tana i inphalnate, i phurnate, mahni aia midangte i dah pawimawh thiamnate, mi chhumchhia i hmangaihnate, khawtlang hmasawnna tura i thiam ang tawka ngaihtuahna i hman \hin zia te, ruahmanna mai a nih laia tawp san lova a hlawhtlin ngei theih nana tha leh zung senga inngaitlawm taka hma i hruai thiam ziate, i theihna leh chakna khawtlang tana i pekna entawntlak tak takte kha i thawhpuite hian kan hrereng a, he i thihni champha vawi 1-na denchhen hian i thlan chunga pangpar dah mai duhtawk lovin Hlimkhawpui chanchinbu kaltlangin i hmangaih Hlimen mipuite hnenah kan hriattir e.

I thawhpuite,
LOCAL COUNCIL, HLIMEN: AIZAWL

CHHIARTUTE NGAIHDAN :

@@    Khawtlang changkan duhin \hahnem ngai takin Hlimkhawpui chanchinbu ah te thu \ha tak tak in rawn chhuah te ka lo thlir \hin a,. Mahse, Hlimen Developed na tur a tualchhunga lungrem/step etc. hmu \hin tu Hlimen mi ni ve si ten \ha tak leh mittlung taka khawtlang  changkanna tur atana thawh mai awm tak a nih lai a, mi veng pa an thawh tir leh mai \hin hi mak ka lo ti hle \hin a, hetiang a nih fo chuan Hlimen hi a changkan har phah hle in ka ring \hin.

- Khawtlang changkan duh em em tu,
Rual awt-a@@    Kumthar 2015 kum bul chu kan hmang \an a ni leh ta reng mai a, khawtlangin kan nghahhlelh em em \hin; min ti bengvartu leh lungrualna min thlentu chanchinbu hi a tawp mai ka va hlau em!!! Pute u, tlawmngai takin kumin 2015 ah pawh hian han ti chhuak zel teh u tiin ka ngen che u a ni.

-LS Hlimen

@@    Ka pu, Gas nghei hi hrehawm ka ti hle a, an rawn sem hun tur hi a hma nikhat tal la awm ah hian in hriattir dan a awm lawm ni? A lo thlen kan hriat a, la tur a a semna hmun kan thlen meuh chuan bur a lo tlar hnem tawh \hin lutuk a, kan chang ve lo fo mai. A hrilhhaithlak duh hle mai.

-Gas duha

Advertisement........

SPOKEN ENGLISH AND HINDI
      Zirlai, sumdawng, Office kalte, Grammer thiam hmang chhuak theilote leh a engamah thiamlote leh engtimi tan pawh Admission kan hawng leh ta e. Kum bithliah a awm lo. Nikhatah darkar 1 zel. (SEAT LIMITED)

    P.J.INSTITUTE, OPP. SBI. MISSION VENG
    PH : 9862808032/8974806338

COMPUTER ADMISSION OPEN
(GOV’T APPROVED)
      Sorkar hna thawk thei tur khawpin emaw mimal sumdawnna atan leh thiam duh hrim hrim tan CCA 6 Months leh DCA 12 Months ah te Admission kan hawng leh ta e.
    Timing : 7 Am - 7 Pm
    Monthly Fee ` 1,000
(Unau, \hian leh nupa ah 20% concession a awm e)

    P.J.INSTITUTE, OPP. SBI. MISSION VENG
PH : 038902310866/9862808032/8974806338