Ramtuk thla Ni 28, 2015, Issue No. 9

PAGE - 1

TUALCHHUNG :

Damlo: Pi Lal\huamliani Buala Sec. a mi chu taksa lam chak lohna avangin Urban Health Center, Hlimen ah enkawl mek a ni.
@@    Lalpekhlui D/o Lalliankima Kapdaia Sec. a mi chu khawsik avangin Feb. ni 25, 2015 khan Kulikawn Hospital-ah Admit a ni.
@@    Pu Zothanliana H/o Rozami Kapdaia Sec. a mi chu chu thinlian natna avangin Aizawl Hospital ah Feb. ni 24, 2015 khan Admit a ni bawk.
@@    Racael Lalruatkimi D/o Zothanzama Damvea Sec. a mi chu Pneumonia natna avangin Feb.ni 19, 2015 khan Alpha Hospital ah Admit a ni a, Feb. ni 26, 2015 khan a lo chhuak leh ta.

@@    Pi Remruatkimi W/o Pu Lallawmzuala Saichhuma Sec. a mi chu Feb. ni 14, 2015 taksa hrisel lohna avangin Durtlang Hospitalah Admit niin Feb. ni 16, 2015 khan a lo chhuak leh ta.

Khiangawi: Lalruatdiki D/o Lalrinlawmi Buala Sec. a mi chuan Feb. ni 23, 2015(thawh\anni) khan A. Lalsanglura S/o Lalnghinglova Thingkah khua a mi tawn ah khiangawiin mual min liam san.

Nau nei thar: Pu Rodinpuia leh Pi Lalfamkimi te nupa Kapdaia Sec. a mi te chuan Feb. ni 25, 2015 khan an fa pahnihna atan Civil Hospital-ah fanu duhawm tak an nei thar.

Crusade nei mek: Baptist Church Of Mizoram, Hlimen chuan Crusade an nei mek a, Speaker hi Nl. Remsangpuii, Tripura a mi a ni a, ruahman lawk ang chuan he Crusade hian March ni 1, 2015(Pathianni) thleng a awh ang. He crusade hi chhim turin Kohhran hruaitu ten vengchhung mipui te an sawm a ni.

Huan thlai bo: Tunlaiin huan thlai bo sawi a awm leh ta fo mai. Huan neitu te pawh an lung a awi lo hle tawh a. Hetiang tihching te chuan sim a \ha hle ang.

FRONT :

2015 YMA KUMPUAN HAWNG
   
    Feb. ni 27, 2015(zirtawpni) dar 11:00am khan Central YMA Hall, Tuikhuahtlangah 2015 YMA kumpuan ‘ Ram leh Hnam Humhalh’ hawnna Programme neih a ni.
    He hun hi Pu Vanlalrema Rokhum Vice President-CYMA in a kaihruaia, Pu R.L Zomawia CEC chuan hunserh a hmang. Pu Vanlalruata Gen. Secretary CYMA hnen a\angin Central YMA hmalakna hrang hrang leh CYMA dinhmun report ngaihthlak niin in hmelhriatirna a nei nghal bawk a ni. Hemi zawh hian Chaltlang Branch YMA zaipawl ten kalkhawm te thiam takin an awi a, hemi zawh hian Pu Lalbiakzuala President CYMA hnen a\angin thusawi ngaihnawm tak ngaihthlak a ni a, tin, zaithiam lar Mami Varte in kalkhawm te a awi bawk a ni.
     Tin, Pu Lalchungnunga CEC & Ex- President chuan kumpuan hawnna hun hmangin a hnen a\ang hian kumpuan thupui ngaihnawm tak ngaihthlak bawk a ni a kalkhawm te hlawkthlak an tiin bengvarthlak an ti hle. Thusawi ngaihthlak zawh hnu hian R. Lalhmangaihzuali, Chaltlang ‘N’ Branch YMA chuan kalkhawm te zaiin a awi leh bawk a ni. Hemi hnu hian Pu Lalrochuanga Pachuau, Fin. Secy. CYMA in lawmthu sawina hun neiin kumpuan hawnna Programme tih tawp a ni a, Refreshment tuihnai tak buatsaih a ni bawk.
    2015 YMA kumpuan hawnnaah hian Aizawl City Branch YMA Office Bearer zawng zawngte tel vek tur a hriattir an nih angin kal an \hahnem hle a, mi 337 lai an kal khawm a ni. Kan Branch aiawhin Pu Vanlaltluanga President, Pu Lalrinmawia Secretary, Pu Lalhmuchhuaka Treasurer leh Tv. R. Lalrindika Property Secy. te an kal a ni.
    2015 YMA kumpuan ‘Ram leh Hnam Humhalh’ hi kum puan atana YMA-in kum 10 kan hmanna a lo ni ta reng mai. He kan humhalh mek, kan la humhalh zel tur, khawvel a kan ram neihchhun Mizoram hian ramdang, International Border-ah - Bangladesh nen 318 Kms a thui a inriin Myanmar nen 404 Kms thui a ni leh a, avaiin 722 Kms zet a thui a ni. India ram State dang Inter - State border-ah Tripura nen 66 Kms a thui, Manipur nen 95 Kms a thui, Assam nen 123 Kms a thui niin avaiin 284 Kms laia thui a ni. Mizoram  Chhimtawp  leh hmar tawp inkar hi 277 Kms a thui a ni a, Khawchhak leh khawthlang thui zawng hi 121 Kms a ni bawk. District pariat a awmin Autonomous District Council pathum leh Sub- Division sawmhnih pathum, RD Block 26 leh khua (Village) 830 a awm a, mihring 10,97,206 awmin chung zinga 5,55,339 chu mipa niin 5,41,864 chu hmeichhia an ni bawk. 13,472 in mipa an tam nih chu. Tin, kan ramah hian Kilometer bial (Sq. Km)  1 zelah  ah mihring 52 zel kan awm ang  kan ni.

PAGE - 2

EDITORIAL :

ZIAK LEH CHHIAR
    Lehkha ziak leh chhiar hi thil peihawm lo tak, a lova khawsak hleih theih loh thil a ni a. Khawvel finna pawh hi lehkha-ah ziaka dah a nih avangin chu ziak chu a chhiar peih leh a zir peih apiang ten hma an sawn dawn ti ila kan sawi sual tam awm love. Ram changkang apiangah lehkha ziak leh chhiar an uar a, mi changkang apiangin lehkha chhiar an uar \hin. Lehkha zirsang fu si; lehkha chhiar tam peih lo chu ‘a pass sang na a, a laktlak loh’ kan ti mai a. Chuvangin zirzawh tih hi a awm lo reng reng a ni.
    Ziak leh chhiar uar hi kawng engkimah hmasawnna bul a ni a. Zosap Missionary te pawh kha Mizorama an rawn luh khan Pathian thu hril kawnga an hlawhtlinna bul ber pakhat chu an thil rawn chhawp hlu tak; ziak leh chhiar thiamna an rawn keng kha a ni a.  Ziak leh chhiar thiamna kawngah theihtawp a \an an han lak chhoh khan khawkhat a mi\ha fa a\angin an thuhril lamah pawh a hlawhtling chho ta zawt zawt mai niin an sawi.
    Hna tê ber nia kan hriat te, hna kan ngaihsan berte pawh hi lehkha chhiar a inzirchhoh a nih loh chuan hmasawnna a awm thei lova. Eirawngbawl a\anga insak dan thlengin lehkha chhiar a; tihdan tur thar puakchhuah a nih loh chuan hmasawnna a awm thei ngai lo.
    Keini khawtlangah pawh hian lehkha chhiar hi uar ila. Engmah ngaihtuah mumal nei lova tei vel mai mai ai chuan tuina lam kawng nei hran thluah ho hian kan tuina lam \heuhah hian hre zau zawk ni turin lehkha chhiar hi i uar ang u. Kan hunawl hnawhkhah nana kan inchhiar peih chuan sport lama thil hre tak, rimawi lama ti ti tur hre tak, politics sawina hmunah mite chanchin leh thil bulbal hre thei, mahni ram thil ngei pawh tun aia \ha zawka duang thiam turin kan inchhiar chhuak ngei ang. Ziak leh chhiar i uar ang u.

ZIAKTUTE HUANG :

BELHCHIAN DAWL
-Robuanga
   
    Han enthuaka \hat hmel tak te, hriat thuaka \ha awmfe a lang, mahse, han belh chian a belhchian dawl lo fe fe hi mihriangah leh pawl ho angah te hian hmuh leh hriat sawi tur tamtak kan hre \heuhin ka ring. Tuna kan sawi tur hi chu hrechiangtu leh belchiangtu atan a pianga an fak leh an hlut em em a ni a, belhchian zawh poh leh a zahawmna te, a hlut leh \angkai zia te, a pawimawh zia te an hre tam tial tial a; belhchian dawl a tling a ni.
    Ka naupan deuh lai chuan \hatni, nula tlangval hote inkawm hlimna leh hnatlan ho a, Social-te neia an intihhlimna tura lo piang(din) ni ve mai ni hian ka ngai \hin. Hna an thawh/ hnatlang an neihna hmunah leh Social an neihnaah te hian an hlim thei em em mai \hin si a. Chungte avang chuan kei pawhin an zinga tel ve phalloh chi ah ka ngai lova, mahni phak tawk tawkin Social leh hnatlang an neih nikhua te hian ka tel ve fo ta mai a ni.
    Hun a lo kal zel a, a lo pian chhuah dan leh a thiltum, hnathawh dan te, tin, a thuvawn atana \anpui ngaite puih a nih thu te ka han hre belh zel a, chu chuan min hneh sawt ta hle mai a. Chumai nilovin, Kristian te Pathian thu(Bible) hmanga Kristian awmdan tur an lo in zirtir \hin; mite tana malsawnna thlentu ni tura zirtirna an pek \hin te chu Pawl kalphung leh hmalak lai mek a nih thu ka han hriatbelh zel a.
    Presbyterian Kohhran \halai pawl ten thuvawna an hman mek ‘thil\ha ti atana siam a awmin Ama kutchhuak kan ni si a, chu thil\ha tih chu kan awm na tur Lalpan a buatsaih lawk a ni,’  tih thu te hian he Pawl hi a sawina em ni chu aw ka ti rum rum \hin. Pathian thlarauva mi a pianthar tak tak chuan a rawngbawlna tur leh a awm na tura Lalpan a lo buatsaih sakah ngaiin thil\ha tihna hmun a nih zia te chu a taka hmutu ah chuan ka lo tel ve reng chu a ni ta mai a. Nu pakhat chuan heti hian he Pawl hi , ‘ Kristian Kohhran rawngbawltu inti, thlarau mi hle a in sawi ve si he pawl ngaihsak nachang hre lo leh a thiltihna a tel ve nachang hre lo chu a rawngbawl dan leh a thlarau mi dan chu ngaihtuahawm tak a ni’ tiin a sawi an ti.
    Chuti êm a belhchian dawl; ram leh hnam, khawtlang leh chhungkua, mimal tan pawh a fakawm leh belh tlak, piangthar thlarau mite rawngbawlna hmun atana thlanawm leh belhchiandawl chu YMA hi niin a lang. YMA nihna leh a hnathlawh dana chiang tak leh tuipui tak mi chu khawvel sualna tamtak-ah humsual an dai lo deuh nge nge niin a lang.   

PAGE - 3

HRIATTIRNA :

Gov’t. Hlimen P/S II
    Session thar (2015-2016) ah hian kawng hrang hrang a hmasawn turin \anlak kan tum a, Nursery (English) pawh hawn nghal a ni ang. Nu leh pa ten in tu leh in fate Gov’t. P/S II ah rawn kal tir turin kan sawm a che u. School hun chhungin admission hi tih lawk theih nghal e. School chawlh chhung chuan nilaini(Wednesday) apiangin admission hi School-ah a tih theih bawk ang.
    April ni 1, 2015 ah luh \an tur a ni a, School hun chhung hi Session thar a\angin nitin zing dar 8:00 a\anga chawhnu dar 1:00 a ni ang.
    Admission fee a awm lo ang.
    Naupangte Text book leh Uniform a thlawnin kan pe ang.
    Naupangte chaw chhun pek an ni ang.

    Sd/-Zoliana, Headmaster,
    Gov’t. Hlimen Primary School II

Disaster trainning
    Central YMA leh sorkar \angkawp in Disaster Trainning March ni 9, 2015- April ni 1, 2015 chhung a buatsaih dawn a, hetiang lama tui, Trainning duh te chu Branch OB te hnenah March ni 1, 2015(Pathianni) ralhmain report vat tur a ni e.
    T.A/D.A a awm ang. A buatsaihna  hmun chu Lungverh ah a ni e.

Pawisa chhar
    Pawisa chhar a ni a, a tibo chuan tihbona hmun leh a zat chiang taka sawiin Pu A. Lallawmsanga Saichhuma Sec. hnenah a lam theih e.

Local Council Hriattirna
    Kan veng chu Aizawl Urban Charge No. 8 huamchhung a mi a ni a, hemi huamchhunga chengte tan Permanent Enrolment Centre chu MUP Recreation Centre ah dah a ni a, hemi hmunah hian Office hun chhung panngaiah Biometric Enrolment(mit note, kutzia leh hmel pangngai thlalak) a tih theih reng a ni. Tin, sawrkar thuchhuak angin lo hal/huan hal tur te chuan March ni 15, 2015 hmain hal vek tur a ni. Lohal tur ten lo hal hmain mei kawng \ha taka sial vek bawk tur a ni. Local Council te hriattir hmasa lovin mahni duhthu a lo hal mai mai loh tur a ni.
    Tin, Gas Consumer Card a hmingthlak duh /Gas buai nei ten Local Council Office ah March ni 2, 2015 (thawh\anni) zing a\angin Document ngai te nen a in report leh theih ta bawk e. Tin, chhungkua a Gas connection nei lo tak tak te chu Local Council-ah in hriattir theih a ni bawk.

    Sd/- Lalhmingliana Chairman, Local Council

Chabi bo
    Scooty Chabi Venglai vel bawrah tihbo a ni a, lo hmu emaw chhar kan awm chuan Tv. Lalmuanpuia LTS Mobile Repairing Centre ah khawngaih taka dah leh turin kan in ngen e.

LAWRKHAWM :

Chawimawina hlan
    Upa Vanlalzuia Vawmphunga Sec. a mi, Church Revival Speaker chu Feb. ni 22, 2015 (Pathianni) khan Vanapa Hall ah Carlsion Theological College, Baptist Church chuan Bachelor Of Ministry (B.Min) an hlan a.
    Carlsion Theological College, Baptist Church ten Pu Zuia hnenah he chawimawina(Degree) an hlan chhan hi kum 40 chuang lai mai Pathian rawngbawl hna a lo kalpui tawh vang a ni.

Kangmei chhuak
    Feb. ni 26, 2015(ningani) khan Hlimen ram Mel-5 ruam, Quarry chim zawn, chhuahlam a mi chu a kanga, a kan chhohna lai hi \helh hleih theih a nih loh avangin tlawmngaia thawhchhuak ten tlang lamah an hal khalh a ni.         He kangmei chhuak hi kawngba sam faina hal a\anga chhuak niin kan thudawnna chuan a sawi.  

UPHC trainning
    March ni 2, 2015(thawh\anni) chawhnu dar 1:00 khian YMA Hall-ah Urban Primary Health Centre (UPHC) chungchangah in hrilhfiahna (Awarness) neih tur a ni a. Mahila Arogya Samitis (MAS) member te kim taka kal tur a  ni a, tin, Local Council member, YMA, MUP, MHIP Office Bearer te hemi hunah hian tel ngei turin kan in hriattir bawk e. DA a awm ang.
    Hriattirna lehkha siam a nih loh avangin hei hi hriattirna a ngaih tur a ni.

    Sd/- Medical Officer
    UPHC, Hlimen.

Advertisement...

Computer Admission open
      Govt. of Mizoram (MSCTE) Affiliated Institution hnuaiah Computer Course hrang hrang CCA, DCA, C , C++, Java, Web Developing/ Design leh Stenography ah te admission hawn mek a ni a, schlolarship kan dil sak thei bawk e.
    Computer Engineer kaihhruaina hnuaiah eizawnna tlak khawpa thiam turin i duh ang course kan zirtir thei reng bawk che. Seat tlem ala awm.

Timing    :    6:00am-6:00pm

    Mizoram Professional Computer institution
    (MPCI)
    New Street, Mission veng, Opposite SBI
(2-1)    Ph : 9862363005/03892310866

Admission Notice
      Candid English School Saikhamakawn ah kum 2015 - 2016 Session atan KG-I - Class -VIII tan Admission hawn a ni leh ta. Hmun hlâ a\anga rawn kalte tan kal lam leh hawlam Motor in kan hruaisakin kan dahsak thei bawk e. I tu leh faten Quality Education diktak an dawn theih nan zirtirtu Experience tak tak ten an enkawlna hnuaiah hian rawn dah ve rawh le.

    Hrechiang duh tan,
    Sd/- Principal
    Contact : 8731066925

PAGE - 4

KEIMAHNI
Hlimkhawpui Budget
    Hlimkhawpui  2015  Jan.  thla Budget  pe tla tawh te:
1.    Kapdaia Sec.    2.  Saichhuma Sec.
3.    Damvea Sec.    4. Vawmphunga Sec.
5.     Buala Sec.
    Tin, Buala Sec., Kapdaia Sec.leh Damvea Sec. ten Feb. thla Budget an tlak ta bawk.
   
Hnam lam zir
    Chapchar kut a mi tur hnam lam chu YMA hall zir \hin a ni, zirna hun a tlem tawh em avangin member ten ngaipawimawh ila, March ni 3, 2015 (thawhlehni) zanah zir leh tur a ni, a bik takin hmeichhe lam an beitham deuh a, tunhma a lo zir sil tawh te chu tel ngei turin hruaitu ten an ngen a ni.
    Lam zir thawm hi a bula mite tan a lo bengchheng deuh a nih pawhin lo hrethiam hram hram turin hruaituten an ngen a ni.Tin, lam zir \hin zawng zawngte chungah Branch hruaitu ten lawmthu an sawi tak meuh meuh a ni.

Buala Section
    Section hruaitu ten Hlimkhawpui man an rawn khawn dawn a, Section huamchhunga chhungtin te lo in ring lâwk turin kan in hriattir e.

Kawr chei
    Branch YMA kawr chei mimalin kawl kan la awm a, indil let buai ngai lovin a kawlte chuan March ni 3, 2015 ralhma ngeiin  Tv. R. Lalrindika Property Secy. hnenah dah kir tur a ni e.

Hlimkhawpui man tihsan a ni
    Hlimkhawpui man chhungtina ` 10 \hangkhat lian zet kan lo khawn \hin tawh chu; tunlai thilman sangzelah Press lamah pawh a Print man a rawn san avangin ` 15 ah tihsan a ni ta a. Pawisa khawn laklawh lo turin Hlimkhawpui man hi thla 2 atan ` 30 zel chhungtinah khawn \hin a ni tawh dawn a ni. Hlimkhawpui man thar hi March thla a\anga hman \an tur a ni anga, a khawntu ten thla 2 man (March &April) ` 30 an rawn khawn dawn a ni.

 Advertisement.....

Solomon’s High School Admission open for the session (2015-2016)
      Solomon’s High School, Kulikawn, Aizawlah Class VIII, IX leh Class X tan Admission hawn mek a ni. Kum 25 chuang Mathematics leh Science Subject a Experience nei tawhin an zirtirna hmunah hian i fate rawn dah ve rawh le. mathematics leh Science Subject a harsatna nei te leh Sports a tui te duhsak bik an ni ang.
    Hostel a awm nghal bawk e.
       Contact    :   
8014442431                               C. Thawnga
    9774464095                             Top Ten Tutor
9774406688
 

CHHIARTUTE NGAIHDAN :

@@   Thlanmual-I panna kawng chunga kal \hin zingah bawlhhlawh kawngthlang lama paih ching in awm a, kawngthlanga kal tan a hnawk thei hle mai a, tunhnuah paih tawh lo turin ka hriattir che a. I paih lui leh a nih chuan i hming he chanchinbu ah hian ka rawn tarlang tawh ang.
    - Hrechianga

Lawrkhawm chhunzawmna....

Rising Day lawm
    Feb. ni 21, 2015(inrinni) khan Vengchhak Football (VFC) te chuan an Club dincham vawi 16-na ruai nen ropui takin an lawm a, hemi hunah hian hruaitu thar hetiang hian an thlang nghal bawk:
    President    :    Tv. Lalmuanawma
    Vice President    :    Pu Remruatkima
    Secretary    :    Pu Lalruatdika
    Asst. Secy.    :    Tv. Zonunmawia
    Treasurer    :    Tv. Lalrinliana
    Fin. Secy.    :    Samuel Lalrinawma
    Property Secy    :    Pu Zairemthanga  
    Tin, Membership fee ` 20 heng mite hnenah a duh apiang tan a pek theih - Vengchhak lamah Pu Lalruatdika Venglai lamah Tv. Lalmuanawma hnenah.

JAC hmalakna
    JAC duty ten report bawhzuiin Cycle pahnih (BMX) ruk chu chhar a ni a, a rutu hi chhui mek a ni.
    Feb. ni 27, 2015 khan Motor a mi thil ruk ching Lalbiakdika C/o A. Remtluanga Samtlang chu manin a hnen a\ang hian Driving licence, chemte leh chabi lak let sakin a neitu hnenah pek let leh a ni a, amah hi zilhhauva haw tir leh a ni.

Bthel-na hmun
    Alpine Hut hmun chu |awng\ai Bethel nan hman \hin a ni a, he hmun hi zah thiam a, a chhunga thing leh mau awm te sat/ la lo turin \awng\ai miten an ngen a, tin, he hmun hi ruihhlo tih nan a hmang lo turin Bethel \hin ten an ngen tak meuh meuh a ni.

Kangmei lakah i fimkhur ang u
     Heater i hman zawhin off theihnghilh suh. Heater i hman laklawh laia current a tawp thut khan off zui nghal mai la,Current awm ve leh on leh zawk ang che, Heater off theihnghilh avanga kangmei tuar an tam tawh tih hria ang che.
     Mombati i chhitna tur ah khan fimkhur hle a ngai tih hria ang che. A bul hnaiah kang mai thei engmah dah suh. Mombati chhit fimkhur loh vanga thosi len kangkai ta mai te, a bul hnai thil kang thei dah avangtein midangten kangmei an tuar phah fo ani.
    I choka meichhemna te, i meihawl thuk hmanna bul hnaihah a kan kai theih tur turin engmah dah suh. Mitin ten kangmei laka kan him theih nan I FIMKHUR ANG U.
     In lamah a ni emaw ram lamah a ni emaw kan meizial zuk bung paih hian kang mei a tichhuak thei tih hre nawn ila, tihhlum chianglo chuan paih mai mai lo ang u. Kang mei hian nasa takin ram a tichhiain, sik leh sa, kan nunna, kan rosum etc. a ti boral thei tih hriaiin i fimkhur ang u.

Ramtuk thla Ni 21, 2015, Issue No. 8

PAGE - 1

TUALCHHUNG :

Damlo: Pi Vanlalhruaii W/o Pu Lal\hazuala Buala Sec. a mi chu a mit \ha lo check-up in Feb. ni 13 khan Guwahati an pana a, Feb. ni 18, 2015 (Nilaini) khan an lo haw leh ta.

Tuak thar: Feb. ni 19, 2015 (ningani) khan Barnett John Lalnuntluanga C/o Lalsiama Kapdaia Sec. a mi leh PC Malsawmsangi D/o PC Lalchhuanliana Mualvum, Kawnpui a mi te chuan ‘ tiam tlat e’ an ti.

Nâu nei thar: Pu Vanlalhruaia leh Pi Dengthangpuii te nupa, Damvea Sec. a mite chuan Feb. ni 13, 2015 (Zirtawpni) khan Referral Hospital, Falkawnah fapa duhawm tak an nei thar.

Khawmpui hmang: Feb. 20-22, 2015 chung hian Lunglengah Bial Lady Auxiliary Department  ten inkhawmpui an hmang a, Hlimen a\ang pawhin member engemaw zat an kal.
    Tin, Baptist Kohhran Hmeichhe Pawl khawmpui lian chu Hnahthial-ah hman mek a ni a, Hlimen a\ang pawhin BKHP member engemaw zat an kal.

Hruaitu inthlak: Hlimen Ex- V.C/L.C Association (HEVLA) Fin. Secy atana ruat Pu Sang\huama chu remchan loh avangin Pu Lalhuliana chu Fin. Secy. atan ruat thar a ni.

Hnam lam zir: Tunlaiin Chapchar kut a mi tur hnam lam chu YMA hall zir \hin a ni, zirna hun a tlem tawh em avangin member ten ngaipawimawh ila, a bik takin hmeichhe lam an beitham deuh a, tunhma a lo zir sil tawh te chu tel ngei turin hruaitu ten an ngen a ni.
    Feb. ni 24, 2015(thawhlehni) zanah zir leh tur a ni a, member ten i ngaipawimawh ang u. Lam zir thawm hi a bula mite tan a lo bengchheng deuh a nih pawhin lo hrethiam hram hram turin hruaituten an ngen a ni.

Conference hmang: Feb. ni 17, 2015 (Thawhlehni) khan MUP Area Conference Tlangnuam ah neih a ni a. Hlimen MUP Member \hahnem tak an tel a ni.

FRONT :

CHHIATNI FUND AWMZIA LEH A HMAN DAN TLANGPUI
Kum 2015 atan khawn leh dawn
   
    Hlimen Branch YMA in chhiat tawhte a lo hautak tak avangin khawtlang mipuite tana thil \angkai tak a nih beiseiin kum 1983 kumtir lam khan Chhiatni Fund hi a losiam \an tawh a, kum 30 na a lo tling ta hial a ni. He Chhiatni Fund hi kan khawtlang tan a lo \angkai hle reng a, hetih hun lai hian \henawm khua/Branch te leh Zoram hmun tam zawkah pawh an lo la siam ve thei lo a ni. A \hat zia leh \angkai ziate hriain vawiin ni-ah chuan keini Branch aia uar zawk leh duhthawh zawk an ni deuh vek tawh a ni.
    He Chhiatni Fund, chhungtin tena kan thawhkhawm hi YMA pawisa a ni lova, YMA Account ah pawh lut lovinChhiatni Fund Sub-Commiittee dinin an ni hian an enkawl a ni. Kan khawtlangah thihna tawkte an lo awmin hetia kan thawhkhawm a\ang hian a \ul apiang tumsak \hin a ni a, kuang man ringawt te hi a hautak hle a, tlaivar zana tlaivarte ei leh in leh Gas mante thlengin a tum \hin a ni. |umkhat thihna lo thlengah hian ` 4,000 - 5,000 pawhin min Complete thei tawh lo hial a ni. Chhiat tawkte tan a hahdamthlak a, engmah ngaihtuah ngai lovin YMA in he fund a\ang hian a \ul zualpui te chu a tuamhlawm \hin a ni. Thihni a chhungtina ` 10 kan khawn \hin pawh hi Gas bur khat man bak adang zawng chu chhiat tawkte hnena hlan \hin a ni tawh a, thlanlaite senso leh tlaivar zana senso chu chhiatni fund a\ang vek hian tum tur a ni tawh a ni.
    He chhiatni Fund pe ve duhlote chu he fund a\anga chhawmdawlna ah hian an tel ve thei ngai lova, chhiat tawk thei vek kan nih avangin mitinin ngaihpawimawh a \ha hle. Chhungtinin thihna/chhiatna kan tawh vek loh avangin tlem te te a kan thawh tlingkhawm hian chhiat tawkte a tuamhlawm thei a ni tih hriat reng a \ha hle. Kumin ah pawh khawn leh mek a ni a, hetiang hi Section tin a\anga hmuh kan beisei dan chu a ni :-
1. Buala- chhungkaw zat     -      140     Tuk zat    -    `    21150
2. Damvea- chhungkaw zat     -      138     Tuk zat    -    `    22000
3.Kapdaia- chhungkaw zat     -      134     Tuk zat    -    `    19400    4. Lalsavunga - chhungkaw zat     -      38     Tuk zat    -    `    5450
5. Saichhuma - chhungkaw zat     -      122     Tuk zat    -    `    21050
6. Vawmphunga - chhungkaw zat     -      62     Tuk zat    -    `    11050    - Phek 4 naah chhunzawm a ni
     

 PAGE - 2

EDITORIAL :

KHUAL THUTHANG
    Mizo ten khawvel ningkhawng an lo sawi dik em em chu, “khual thuthang leh âr pân chuk chu a pûn duh” tih hi a ni. Khawilai hmun emaw a thil danglam leh huaisar thleng reng reng hi rang takin a darh nghal a, a thlenna hmun a thil awmdan dik tak pawh kha hmun hla deuhah chuan a aia hluar deuhin sawi a ni tawh a, chu aia hla leh deuah phei chuan a buru thei tawh viau \hin.
    US President pakhat kahhlum a nih khan hmar lam state \henkhatah chuan a Secretary pathum zet thi tel ang tein a thang a ni awm e. Chutiang chu hmun dangah pawh sawi tur a awm nual ang. Amaherawhchu Mizo teah hian a hluar bik emaw chu a tih theih a. Hnam \awng duh tak, thuruk leh thil tih pawh zep thei lo tak kan ni a. Hei vang hi a ni ta ve ang; thil eng eng emaw thleng se thuthang mak pui pui a awm \hin a ni.
    Tin, tunlai Social Media hrang hrang a awm hnuah pawh hian mahni rindan leh ngaihdan phuah belh a thu lo titlangthang chiam maite pawh sawi tur an awm tho mai. Thil thleng danglam deuh hre hmasa nih duh lutuk avanga Facebook, Whatsapp etc. ah thu chiang lo kan puangzar chiam mai \hin a nih hi. Chu chu hmun hla zawk leh kan sawi chhawn zelna-ah a diklo tual tual mai \hin. Hetiang kan thil chin \halo hi kan bansan a \ul takzet tawh a ni.
    Thil sawi tur chin leh zep tur chinte pawh kan thliar thiam a pawimawh hle mai. Kan khawtlang ngeiah pawh hian mahni dawt sawi ring leh si, midangte sawi\haih mai mai chingte pawh kan awm lo maw? Thil kan hriat chian ngei pawh sawi \ullo tam tak a awm a, kan hriatchian lohah ngat phei chuan hre lo ang hmiah a kan awm a ngai niin a lang.

ZIAKTUTE HUANG :

HLIMNA
-Andrew Khawlhring
   
       Hlimna han tih hian, a awmzia chu kan hre tlangpui awm e, sawifiah vak pawh a \ulin ka hrelo. Hlim duhlo mihring kan awm a rinawm lem loh. Amaherawhchu, kan nitin nun dan ah hian; eng ang takin nge kan nun tih chu ngaihtuah tham tak a ni. Tunlai \halai ten kan uar em em inhmangaihna ni sap tawng takin Valentine Day an tih chu kar hmasa inrinni kha a ni a. |henkhat tan chuan, hun duhawm leh hlimna ni a nih lai in, \hen khat tan chuan hlimna, a tawp a lungngaihna lo ni ta pawh tam tak an awm awm e. Chutih rual chuan, eng nî pawh ni se, hmangaihna nî pawh ni rawhse, a pawimawh ber chu Lal Isua hriat hi ani. Nupui pasal kan zawnna ah hian, hlim duhlo mihring kan awm awm lo e. Chutihrual chuan, hlimna kan zawnna ah hian, kan duhlo thil a thleng ang tih tih a hlauhawm. Chutihrual in, a thleng lo turin kan fimkhur a pawimawh.
    Tlai tawh hle mahse, kan sawi tel tal na chhan chu, eng hun pawh ni se tlailuat a awm lo a, hlimna tawng tur hian thil tam tak tih a ngai pawh a ni thei. Mahse, lunngaihna tawk tur chuan, vawikhat a tawk a ni. In hmangaihna nî a, kan nun kha a mawi a ni mai thei. Mahse, a hnu leh thil kan ngaihtuah a ngai a ni. Hmangaihna tluantling leh hlimna tawng baw tur chuan, insum theihna a pawimawh takzet a ni. Khawvel kan awm chhung hian, nitin khawsakna ngaihtuah in hun kan hmang hi a ni ber a, tunlai mi te phei chu kan buai tawh em em a ni. Chutih lai karah, hlimna kan tawn chuan siloh chuan, awmzia a awm chuang lo. A pawimawh berah chuan keimahni kan ni, eng hna thawk pawh ni ila, eng
mi pawh ni ila, nupui pasal kan nei tawh emaw nula tlangval kan ni emaw rinawm hi a pawimawh ber a ni. Eng ang pawn nung mah ila, kan rinawm chuan si loh chuan hlimna kan hmu chuang lo ang. Chuvangin engkimah Pathian hre reng ila, rinawm takin awm ila, engkim ah lungawi zir ila, taima tak in hna thawk ila, chantawk ah lungawi ila, kan thil tih engkim ah fimkhur ila, kan inchhir leh na tura thil ti lo vin, kan nun dan te siam tha ila, theihtawp chhuah ila Lal Isua hre reng chungin nung ila, Hlimna tluantling kan hmu ang.

PAGE - 3

HRIATTIRNA :

Local Council hriattirna
    Hlimen a Huan/lo ram vattu ten an vahna hmun(location) nen Feb. 2015 ralhma ngeiin Local Council Office ah Office hunchhungin hriattir tur a ni.
    Tin, MRB Kulikawn Branch a zero balance a account hawng, pawisa la deposite lo ten atlem berah ` 500 tal deposite tur a ni a. Kan deposite lo a nih chuan kan Account a thih theih avangin la deposite lo ten i ngaipawimawh ang u. Hemi chungchanga Local Council buaipui tir duh kan awm chuan Local Council chuan a tihsak thei bawk e.
    Sd/- Lalhmingliana
    Chairman Local Council

Indanna lak theih
    A mamawh tan Pi Zirthansangi, ASHA Buala Section a  mi hnenah indanna chi hrang hrang lak leh tawh tur a ni e.

Humhalh tlat a ni
    Kan veng thlanmual a thing leh mau awm reng reng hi YMA chuan a humhalh tlat a, Branch YMA phalna lo chuan engti kawng mah a kutthlak phal a ni lo. Tilui kan awm a, hriat chhuah kan nih chuan Action nataka lak a ni ang.

Sava veh chung chang
    High School compound chhungah Airgun leh sairawkherh hmangte in sava veh an awm \hin a. Mi tam takin an sim tawh a, mahse tlem a zawngin an la veh \hin hi a pawi kan ti a. Khawngaih taka lo ti tawh lo turin kan in ngenin kan inhriattir a ni.
    Govt. Hlimen High School Compound chhunga sava veh leh rannung tihhlumte khap tlat a ni.
    Sd/- Lalrampari, Headmistress
    Govt. Hlimen High School

UHC phone number
    Urban Health Centre Hlimen ten Phone an nei thar a, mamawhna nei chuan 8729823319 ah biak theih a ni e.

Advertisenemt......

Admission Notice
      Candid English School Saikhamakawn ah kum 2015 - 2016 Session atan KG-I - Class -VIII tan Admission hawn a ni leh ta. Hmun hlâ a\anga rawn kalte tan kal lam leh hawlam Motor in kan hruaisakin kan dahsak thei bawk e. I tu leh faten Quality Education diktak an dawn theih nan zirtirtu Experience tak tak ten an enkawlna hnuaiah hian rawn dah ve rawh le.

    Hrechiang duh tan,
    Sd/- Principal
    Contact : 8731066925

LAWRKHAWM :

LOCAL  COUNCIL ROLL  ENFEL
        MLA/MP  Electoral Roll thar ber Draft Roll a hmangin Local Council thlanna a hman tur Electoral Roll chu Feb. ni 19, 2015 khan AMERO hovin LLO, Party leh NGO President theuhte nen YMA Hall-ah enhona (hearing) neih a ni a, MLA Roll-ah hian Hlimen-ah Voters 2037 awmin mitthi leh Non-tribal paih an nih hnuin L/C roll-ah hian voters 2027 awm tura ngaih a ni.
        Local Council-ah hian Voters 1500 hnuai lamah member panga  an awm anga chung zinga pakhat chu hmeichhia a ni ang. Voters 1500 leh a chung lamah member pasarih awmin chung zinga pahnih chu hmeichhia an ni tur a ni. Tin, L/C term hi kum nga ni tawh tura ruahman a ni bawk. Local Council thlan hun tur hi puan chiah a la awmlo a, Local Council \ang laite term chhung ngei a inthlan tur a ni a, L/C Term hi March,2015 hian a tawp dawn a, L/C term pawhsei leh a nih loh chuan March thla chhung a kan inthlan ngei a rinawm.

Hlimkhawpui man tihsan a ni
    Hlimkhawpui man chhungtina ` 10 \hangkhat lian zet kan lo khawn \hin tawh chu; tunlai thilman sangzelah Press lamah pawh a Print man a rawn san avangin ` 15 ah tihsan a ni ta a. Pawisa khawn laklawh lo turin Hlimkhawpui man hi thla 2 atan ` 30 zel chhungtinah khawn \hin a ni tawh dawn a ni. Hlimkhawpui man thar hi March thla a\anga hman \an tur a ni anga, a khawntu ten thla 2 man (March &April) ` 30 an rawn khawn dawn a ni.

Membership fee khawn dawn
    Kum 2015 chhunga YMA membership fee leh kumpuan fee chu section tinah khawn a ni leh dawn ta a,  chhungtin te lo in ring lawk turin kan in hriattir e. Mi pakhat tan Membership fee hi ` 2 a ni a, kumpuan fee hi ` 3, avaiin ` 5  zel a ni ang.

Hlimkhawpui Agent
    Kum 2015 chhunga Section tina Hlimkhawpui Agent-te chu heng a hnuai a mite hi an ni :-
    Buala Section    :    Tv. Zonunsanga
    Damvea Section    :    Pu Laltlankima
    Kapdaia Section    :    Pu K. Lalremruata
    Lalsavunga Section    :    Tv. Samson Lalrinfela
    Saichhuma Section    :    Nl. Judy Zonunsangi
    Vawmphunga Section    :    Tv. Lalrinliana
    Hlimkhawpui sem dan chungchang thu thlen duh leh la thar duh te chuan mahni Section Agent te biakrawn mai \hin tur a ni. Tin, Hlimkhawpui  Agent te hi mahni awm na Section News item te thehlut \hin tur a beisei an ni bawk.

Ram kang |helh a ni
    Feb. ni 16, 2015(thawh\anni) tlai lamah khanTuilutmual ram a kang a, a kan zau zel loh nan tlawmngai a thawkchhuak mi 30 chuang ten zan dar 7 bawr velah an \helhmit leh thei ta a ni.
    He kangmei hi lo hal a\anga chhuak ni a hriat a ni a,  Branch YMA hruaitu ten tlawmngaia thawkchhuak zawng zawng te chungah lawmthu an sawi a ni.

PAGE - 4

KEIMAHNI :
Hlimkhawpui Budget
    Hlimkhawpui  2015  Jan.  thla Budget  pe tla tawh te:
1.    Kapdaia Sec.    2.  Saichhuma Sec.
3.    Damvea Sec.    4. Vawmphunga Sec.
5.     Buala Sec.
    Tin, Buala Sec. leh Kapdaia Sec. ten Feb. thla Budget an tlak ta bawk.
   
Kapdaia Section
    Thawh\anni kalta Feb. ni 16, 2015 zingkar hnatlanga a thlawna motor (407) thawh chhuahpuitu Lalrintluanga Kapdaia Sec. a mi chungah  leh kum bul\an nana ` 500 min petu Pu Lalrinmawia, Branch Secretary chungah lawmthu kan sawi e.
    Feb. ni 16, 2015 (Thawh\anni) zingkar a rora chhut tur lungnawi la a member hnatlang leh Feb. ni 17, 2015 (Thawhlehni) zana sumtuak nana luikal a hnatlang zawng zawngte chungah lawmthu kan sawi tak zet zet bawk e.

    Sd/- Secretary
   
Saichhuma Section
    Venglai Tui Pump-a lirthei kan silna thli hi kawng dungah a luan \hin avangin kawngpui a tichhiain kawngkal te tan harsatna a thlena, kal a ti hrehawm thei hle a;  tunhnuah chuan lirthei engchi mah sil tawh lo turin kan in ngen in kan in hriattir e.

    Sd/- Secretary
   
Vawmphunga Section
    Feb. ni 28, 2015 (Inrinni) hian Vawmphunga Sec. te chuan Mauhakkawn hla lamah thinglain hnatlang neih tur a ni a, zing dar 9:00 ah venglaiah innghahkhawm tur a ni ang. Hnatlanga thawkchhuak tur ten thinglakna hmanrua - chem, hreipui leh ara thawhchhuahpui tur a ni anga, tin, chaw fun tur a ni anga, chawhmeh chu tuihnai tak Section in  a siam dawn a ni. Member atam thei ang ber hnatlang turin hruaitu ten an ngen a ni.
    Tin, Vawmphunga Sec. \hutthleng mimalin  in lama kawl kan awm nia hriat a ni a, Section Godown ah arang lama dah turin hruaitu ten an ngen che u a ni e.
 

Advertisement...........

Solomon’s High School 

Admission open for the session (2015-2016)
      Solomon’s High School, Kulikawn, Aizawlah Class VIII, IX leh Class X tan Admission hawn mek a ni. Kum 25 chuang Mathematics leh Science Subject a Experience nei tawhin an zirtirna hmunah hian i fate rawn dah ve rawh le. mathematics leh Science Subject a harsatna nei te leh Sports a tui te duhsak bik an ni ang.
    Hostel a awm nghal bawk e.
       Contact    :  
8014442431                               C. Thawnga
    9774464095                             Top Ten Tutor
9774406688

CHHIARTUTE NGAIHDAN :

@@    Hlimen chhungkua 634 awm na; YMA member 1500 chuang awm naah hian tlawmngaih chhuah a khawtlang hmingmawina tur a ‘hnam lam’ zir tur a chhuak tur pawh kan awm manglo hi a va zahthlak in YMA member kan awm tawh lovem ni? Tlawmngaihna hlu vawng nungzel turin \an la teh ang u.
- LRM

Lawrkhawm chhunzawmna....

Sipai lak runpui neih a ni dawn
    March ni 6 - 11, 2015 chhung hian Rajiv Gandhi Stadium Mualpuiah Sipai lak runpui neih a ni dawn a. heng Category hrang hrangah hian lak a ni dawn a ni.
1) Soldier General Duty
2) Soldier General Duty, Indian Domicile Gorkha
3) Soldier Tradesman
4) Soldier Clerk/Store Keeper Technical/ Inventory Management
5) Soldier Technical
6) Soldier Technical (Nursing Assistant)
    Heng Category ah hian intlar/dil thei chin kum, san zawng, rih zawng, âwm len zawng, Educational Qualification te siam vek a ni a, hrechiang duh chuan Pu R.Thangmawia, Lalsavunga Sec. hnenah leh Hlimkhawpui Office-ah zawhchian theih a ni e.

Buala Section
    Feb. ni 20, 2015(zirtawpni) zingkar khan veng chhung tihfai hnatlang neih a ni a, he faina hnatlang a naupang thawhchhuak leh member thawkchhuak zawng zawng te chungah hruaitu ten lawmthu an sawi a ni.

Phekhma chhunzawmna.....
    Tin, vengchhunga thihna mai bakah ‘ruang’ kan veng a\anga chhuakte pawh kuang tumsak \hin an ni a, tin, chhiatna dang - hmun danga thite, chhiatna thil dang thleng thutah te pawh he fund a\anga a \ul anga chhawmdawl \hin an ni. Thlanmual bungruate,  chhiatni a kan mamawh dang dang leh kuang khuhna tlengin he fund a\ang hian neih/kawl reng a ni. Kuang khuhna phei hi chu mitthi chhungte apiangin hmang thei ila, nalh leh mawi taka siam, mitin ina kan duh dan taka kan siamtir \hin anga siam a ni. Hman nachang hre zel ila, senso a tihlem ang. Chhiattawh bawk, hautak bawk si hi a ti nep deuh dawn a ni.
    Kan khawtlangah chhungtinte khawsakna a in chen  loh avangin kan thawh theih tawk ang zela tur arin anga kan thawh dan tur intuk \hin a ni a, , veng \henkhatah chuan rethei leh hausa pawh heng thilah kher hi chuan an hrut rual vek zawk a ni. Chuvangin, chhiatni fund hi a hlu a, kan mamawh \heuh a, pe thei vek zel ila, he fund a\anga chhawmdawlna kan dawng lo a nih chuan thil lawmawm leh vanneihthlak tak a ni thung a ni. I ngaihlu deuh deuh ang u.

Ramtuk thla Ni 14, 2015, Issue No. 7

PAGE - 1

TUALCHHUNG :

Damlo: Tv. Lalthlengliana S/o  Chawngmawii Kapdaia Sec. a mi chu Feb. ni 9, 2014 (thawh\anni) khan Civil Hospital-ah a rilphir zai a ni a, Feb. ni 11, 2015(nilaini) khan a lo chhuak leh ta.

@@    Tv. Andrew Lalnunpuia S/o JK Lalengzauva, Damvea Sec. a mi chu a lung lam tha lo Check-up in Kolkata an pan. Dam leh hrisel taka an rawn haw leh ngei theih nan duhsakna kan hlan e.

@@    Pi Thangchungnungi (Pi Nutei) Damvea Sec. a mi chu awmna leh thawhah avangin Aizawl Hospital ah hun engemaw chen enkawl a ni a, hemi hnu hian Grace Nursing home ah dah leh niin hun engemaw chen enkawl leh a ni a, tunah inlamah enkawl chhunzawm mek niin thu kan dawng.

@@    Tv. Biakthanmawia S/o Pu R. Hmingthansiama Saichhuma Sec. a mi chu hun engemaw chen NEIGRIMS, Shillongah enkawl a nih hnuin Feb. ni 7, 2015(inrinni) khan inlama enkawl chhunzawm turin a lo haw leh ta.

Pêm thar: Pu Jonathan Laldinpuia te chhungkua chu Khawruhlian a\angin kan vengah an rawn pem a, Damvea Sec. a Pu R. Lalchhandama te in an luah a nI.

KANGMEI LAKAH I FIMKHUR ANG U
1. HEATER:- Heater i hman zawhin off theihnghilh suh. Heater i hman laklawh laia current a tawp thut khan off zui nghal mai la,Current awm ve leh on leh zawk ang che, Heater off theihnghilh avanga kangmei tuar an tam tawh tih hria ang che.
2. MOMBATI:- Mombati i chhitna tur ah khan fimkhur hle a ngai tih hria ang che. A bul hnaiah kang mai thei engmah dah suh. Mombati chhit fimkhur loh vanga thosi len kangkai ta mai te, a bul hnai thil kang thei dah avangtein midangten kangmei an tuar phah fo ani.
3.MEITHUK / TAP MEI :   I choka meichhemna te, i meihawl thuk hmanna bul hnaihah a kan kai theih tur turin engmah dah suh. Mitin ten kangmei laka kan him theih nan I FIMKHUR ANG U.
4. Fimkhur tawk lohna : In lamah a ni emaw ram lamah a ni emaw kan meizial zuk bung paih hian kang mei a tichhuak thei tih hre nawn ila, tihhlum chianglo chuan paih mai mai lo ang u.

FRONT :

HLIMEN BRANCH Y.M.A. COMMITTEE THUCHHUAK

    February ni 10, 2015, (Thawhlehni) zan khan Hlimen Branch YMA Committee vawi 2-na chu YMA Hall-ah neih a ni a. Hemi huna thurel mipuite hriat atana pawimawh chu hengte hi a ni e :-

1. Branch Day chung chang : Hlimen Branch YMA dincham vawi 69-na March ni 23 hian Section hrang hrang ten mahni Section faina hnatlang neih tur a ni a. Chhun lamah Branch Committee ten YMA Jubilee lung leh YMA Hall te tifaia rawng hnawih thar tur a ni ang.

2. Veng chei chung chang : Kum 2015 Krismas denchhenin vengchhung hmun \henkhat chei leh tum a ni a, hetiang hiang Sub-Committee pawh siam a ni :-
    Chairman    :    Pu Lalhmuchhuaka
    Vice Chariman    :    Pu F.Zosangzuala
    Secretary    :    Tv. Lalkhawmawia
    Asst.Secretary    :    Pu R.Lal\anpuia
    Treasurer    :    Nl. Zochuanpuii
    Fin.Secretary    :    Nl. Lallawmkimi
    Members : Branch OB & Ex-Officio, Pu H.Ralkapthanga(VP), Pi Saidingluaii(SCS), Nl. Mimi Zohmingmawii(BS), Pu Andrew Lalrinchhana(SCS), Pu Lalbiaksanga(SCS), Nl. BJ Zonunmawii(VP), Nl. Melody Zodinpuii(DV), Pu Laltlankima(DV), Pu J.Vanlalbiakdika(BS), Pu R.Lal\anpuia(KD), Tv. Lalmuanpuia(BS), Nl. Lallawmzuali(KD), Tv. John Lalhunhlua(DV), Pu H.Zothansiama(DV), Pu Zoramhmangaiha(BS), President MHIP, President MZP
    A \ul a nih chuan Committee te hian member an lakbelh thei ang.

3. Faina Sub-Committee chung chang : Faina Sub-Committee din leh a ni a, hetiang hian siam a ni :
    Chairman    :    Pu Lalrinmawia
    Vice Chariman    :    Pu Robuanga
    Secretary    :    Pu J.Vanlalbiakdika
    Members    :     Pu Vanlaltluanga, Pu Lalhmuchhuaka, Pu Lalthantluanga, Tv. R.Lalawmpuia, Pu Lalrinchhana, Pu Lalremthanga, Tv. David Vanlalhuma, Pu K.Lalremruata, Tv. Lalzopuia, Pu Laltlankima, Pu K.Lalchhuanawma, Tv. R.Lalrindika

4. Lehkha hmuh : 1) Pu H.Lalrinmawia hnena a\anga lehkha hmuh Thlamual-I a thingin a in a dip avanga thing zar thlak a dilna chu O.B. ten lo enfiah a, Commiittee lehah thlirho leh phawt a ni ang.
Phek 4 na-ah chhunzawm a ni...
     

PAGE - 2

EDITORIAL :

RINAWMNA
    Khawvel hnam changkang leh ropuite hi hnam rinawm an ni duh hle a, sumdawnna lama mi hlawhtlingte pawh mi rinawm an ni fo bawk. Chutiang bawk chuan sorkar hna leh kuthnathawh lamah pawh mi hlawhtlingte chu an hnathawh a mi rinawm tak an ni chawk a ni.
    Mi rinawmlo, mi pamhamte hi a chang chuan hlawhtling angin lang mah se an daihrei lo duh hle. Khawvel ram changkang tak tak tlawhkual \hinte pawh hian an rinawm zia leh an hnathawh thleng pawha sorkar tana an inpek zia hahipin an sawi \hin.
    Hei hi khawvel kalphung a ni chiang a, tin, kan Bible min zirtir dan pawh a ni bawk. Chuvangin Mizo hi inbihchiang ila, Hlimen khaw nu leh pate pawh hi i inbihchiang teh ang u. Rinawm taka hna kan thawhna ah hian nge hlawhtlinna tak tak kan neih a depdê taka kan thawhna-ah hian tihte pawh mahni \heuh inbih ta ila; a chunga kan sawi takte khi a dik zia kan hmuchiang hle ang. Chuvangin thil tihna kawng tinrengah hlawhtlinna nei tur chuan mahni thawhlai hna \heuhah rinawm takin thawk \heuh ila, chu chuan hlawhtlinna a hring thei a ni tih i zirchiang \heuh ang u.
    Tin, kan nitin nunphung leh khawsakho naah rinawm lo, thuiam a ding thei lo leh dawt sawi mai mai ching kan tam hle niin a lang. Kan \henawm khawveng; kan bulhnai a mite hian hnung lam a\angin min nuih tih inhriat a \ha. Thufing pakhat chuan, “rinawm taka a thutiama a din ngheh tlat avangin miin engmah hloh a nei ngai lo” a ti a. Keimahni, kan chhungkua leh kan khawtlan tan hian rinawmna hi a pawimawh tak zet zet a ni.

ZIAKTUTE HUANG :

KHAWTLANG HRUAITU THLAN A HNAI E
- Ruatsangi Pû
   
    Mizoram chhungah khua leh veng hruaitu VC leh Local Council dinglaite Term chu a lo tawp hnai ta a, inthlan hun pawh reilote ah sorkarin a siam leh tawh dawn niin a lang. Hetia inthlan a lo hun leh dawn takah chuan Political Party hrang hrang ten mi\ha candidate tur an zawngin an sawm leh ngei anga, veng tinah mi\ha tak kan hmu leh turah i beisei leh phawt teh ang u. Veng chhung enkawltu atan engmi nge \ha ang tih ngun taka thlir chungin candidate te hi siam ni thei se a duhawm hle ang.
    Khawtlang hruaitu atan chuan party ten mi hming\ha; hminghliauna la nei lo, mahni \hat \hata \ha ve tawp (pensioner leh party mi nilo) te kan sawm duh viau a, vote pawh an hmu \ha duh viau bawk. Mahse khawtlang hmasawnna tur atana hmathlir neilo, mize \ha ve ringawt, rorel lamah pawh a ngaina hre vak lo, khawtlang \hatna tura hmalak dawn pawha thiam lo leh a ngaihna hre vak lo an ni duh zawk mah. Heng mite hi kan khawtlangin a mamawh takte an ni em? tih hi kan ngaihtuah tel a \ul hlein a lang. (Mi \ha tak erawh an awm tho bawk ang.) Party chhunga ataka thawk ve lem lo mi\ha tak nia kan ngaihte hian Party chhunga tih tak taka lo thawk \hin ho hi khawtlang thilah a tak takah chuan an tluklo fo. Party chhung ami ngei; a ngaihna hriate hi an \ha zawk leh fo \hin, an mahni siamtu Unit te nena thawhho thu-ah pawh.
    Tin, vua leh vang ngah avanga mi\ha nih hlawh an awm, vua leh vang ngah avanga mi\ha an nihna kha hruaitu \ha nihna a ni hauh lo. Vua leh vang ngah loh kha mi\ha nihna a ni chuang lo bawk. Hruaitu \ha nihna chu kan mizia leh nihphungah a innghat a, chu chu kan inhmuhthiam a \ul. Hruaitu \ha chuan mi lawm zawng pawh a sawi a, a \ul chuan mi lawm loh zawng pawh a sawi a \ul fo. Khawtlang tana \ha tur kan lawm zawng ni silo an tih avanga misual leh tlinglo taka kan inchhuah fote hi khawtlang tan a pawi hle a ni. Japan pa in, “India ram chuan in bei nasa, mahse mi\ha turte kawng in dal tlat \hin” a tih angin kan vengah pawh mi\ha tak turte kawng hi kan dal tlat \hin em tihte inenfiah a \ul bawk. Kan khawtlang hi development ah kan hniam a, chawikang tur kan mamawh tawh a ni. Khawtlang hruaitu atan chuan mihuaisen, zu leh ruihhlo laka fihlim, mipat hmeichhiatna leh sum leh pai a hminghliau lo, Pathian \ih mi ni thei ngei se. Khawtlang tana hna an thawh \hat/sawichhuah \hat avanga sum lolut te hi tam se, sum kawngkan a awm phawt chuan hlawkna tak a awm zel \hin. Party te buaipui khawp hnate hi lolut fo mai sela, lut lo, hna pawh awm lo, inchuh deuh tur pawh awm lo ai chuan a hlawk zawk reng reng a ni. Chutiang atana a ngaihna hria hruaitu atan candidate tur kan awm em? tih te hi.
    Party ruihchilh lutuk avanga mi\hate hmuh \helh pawh a awl hle. Kan khawtlang i thlir ang u. Development thil bakah dan leh thupek lamah pawh siam\hat kan ngai nasa a ni. Khawtlang hruaitu atan chuan khawtlang tana hma la thiam, khawtlang mamawh hria, a hlawhtlinna tur atana mi pawimawh a fung vuantute \hian a siam thiam, khawtlang hmel a \ha zawnga tidanglam thei tur kan mamawh a ni. Mahni \anghma aia khawtlang thlir hamsa \hin mi kan zawn thiam a \ul hle mai. Hetiang mi, heti lam vei mi, awlthawng kan awm a, sawm/ruat kan nih pawhin ‘keizawng’ lo ti tlat lo bawk ila, khawtlang nuam i siam ang u.

PAGE - 3

HRIATTIRNA :

Local Council hriattirna
    Hlimen a Huan/lo ram vattu ten an vahna hmun(location) nen Feb. 2015 ralhma ngeiin Local Council Office ah Office hunchhungin hriattir tur a ni.
    Tin, MRB Kulikawn Branch a Account hawng thar te Account bu chu Local Council Office-ah Office hawn hun chhungin a lam leh theih ta e.Khua a lo \hal chho leh ta a; mitinte inlamah leh ram lama kang mei chhuak thei lakah i fimkhur zual ang u.
Sd/- Lalhmingliana, Chairman
Local Council, Hlimen

M.U.P. Area conference
    Feb. ni 17, 2015 (Thawhlehni) hian MUP Area Conference Tlangnuam ah neih tur a ni a. Hlimen MUP Member a tam thei ang ber kal tura ngen leh hriattir kan ni e.
    Sd/- Secretary, MUP Unit, Hlimen

Humhalh tlat a ni
    Kan veng thlanmual a thing leh mau awm reng reng hi YMA chuan a humhalh tlat a, Branch YMA phalna lo chuan engti kawng mah a kutthlak phal a ni lo. Tilui kan awm a, hriat chhuah kan nih chuan Action nataka lak a ni ang.

M.H.I.P. ten ral dawn
    MHIP Hlimen Branch te chuan an Member boral ta Pi Lalropuii ralna hun Feb. ni 15, 2015 (Pathianni) chawhnu inkhawm banah an hmang dawn a. hemi hunah hian MHIP Member zawng zang kim taka kal turin hruaitu ten an hriattir che u a ni e.

Sava veh chung chang
    High School compound chhungah Airgun leh sairawkherh hmangte in sava veh an awm \hin a. Mi tam takin an sim tawh a, mahse tlem a zawngin an la veh \hin hi a pawi kan ti a. Khawngaih taka lo ti tawh lo turin kan in ngenin kan inhriattir a ni.
    Govt. Hlimen High School Compound chhunga sava veh leh rannung tihhlumte khap tlat a ni.
    Sd/- Lalrampari, Headmistress
    Govt. Hlimen High School

Vengchhak Football Club
    Kum 2015 chhunga Vengchhak Football Club Member ni duh tan Membership Fee ` 20 pein member a nih theih e. Venglai lamah Tv. Lalmuanawma, Vengchhak lamah Pu Lalrutdika   te hnenah Membership fee hi pek theih reng a ni e.
    Tin, Club member te inpumkhatna atan Feb. ni 21, 2015 hian chaw eikhawm a hun hman tur a ni bawk a. Club member te kan inhriattir e.
    Sd/- Secretary
    Vengchhak Football Club

LAWRKHAWM :

Primary School-II ah
    Hlimen Primary School-II ah hian sorkarin Headmaster thar \ha tak mai Pu Zoliana, Bethlehem Vengthlang a mi chu a rawn dah a, zirtirtu \ha leh taima tak mai a ni. Hetiang mi kan chang hi a lawmawm hle.
    Kum 2015 School Session tharah hian \an lak an tum hle a, zirlai nu leh pa ten pan tlak tak a ni, kan fate dah nan a \ha hle ang. He kan veng School hi zirlai an \hat loh chuan tihtawp mai pawh a hlauhawm hle a, hetiang zirtirtu (Head) \ha kan neih tawh hi chuan kan fate i luhtir hram hram ang u. Luhna tlak tak a ni dawn e. Tin, naupang an awm chuan Pre-School pawh \ha taka kalpui an tum bawk a ni.

Hlimkhawpui man tihsan a ni
    Hlimkhawpui man chhungtina ` 10 \hangkhat lian zet kan lo khawn \hin tawh chu; tunlai thilman sangzelah Press lamah pawh a Print man a rawn san avangin ` 15 ah tihsan a ni ta a. Pawisa khawn laklawh lo turin Hlimkhawpui man hi thla 2 atan ` 30 zel chhungtinah khawn \hin a ni tawh dawn a ni. Tin, Section tinte Hlimkhawpui thla 2 chhung zel atana an budget pawh hetiang hian siam a ni :-
    Buala Section    -    `    2,800
    Damvea Section    -    `    2,800
    Kapdaia Section    -    `    2,800
    Saichhuma Section    -    `    2,500
    Vawmphunga Section    -    `    13,00
    Lalsavunga Section    -    `    800
    Tin, Hlimkhawpui copy Section ten kan lak hi a pun chho dan azir in Section Budget hi ennawn \hin a ni ang. Budget hi Sec. te copy lak zat percent a\anga chhut vek a ni.

Urban Health Centre -ah test theih
    Heng a hnuai a mi te hi Urban Health Centre ah kan Test thei ta e.
    1. HB    2. Zunthlum.     3. HIV
    4. Urin RE    5. Malaria
    - Malaria damdawi a thlawnin kan pe thei a
    - Dressing 6am-8am (nitin)
    - Emergency erawh englai pawhin
    - Tin, Doctor hi Emergency-ah chuan koh theih reng a  ni bawk.

Membership fee khawn dawn
    Kum 2015 chhunga YMA membership fee leh kumpuan fee chu Section tinah khawn a ni leh dawn ta a,  chhungtin te lo in ring lawk turin kan in hriattir e. Mi pakhat tan Membership fee hi ` 2 a ni a, kumpuan fee hi ` 3, avaiin ` 5  zel a ni ang.

Advertisement....

Sa tuihnai duh tan
      Shillong Bawngsa rep leh Shillong vawksa rep lei tur ka nei reng e. Min han pan ve teh. Hetiang hi Rate a ni e :-
Shillong bawngsa rep     -     `  260
Shillong vawksa rep    -    `  250

    In \hian,
    Lalchhanhimi (Pi Tei)
(2-2)    Saichhuma Section

PAGE - 4

KEIMAHNI :
Hlimkhawpui Budget
    Hlimkhawpui  2015  Jan.  thla Budget  pe tla tawh te:
1.    Kapdaia Sec.    2.  Saichhuma Sec.
3.    Damvea Sec.    4. Vawmphunga Sec.
5.     Buala Sec.

Hnam lam zir hun
    Kumin Chapchar kut lo awm tur ah kan Branch pawhin hnam lam kan entir dawn a, Feb. ni 17, 2015 (thawhlehni) zan dar 7:00 khian YMA Hall-ah hnam lam (Cheraw leh Sarlamkai) zir tur a ni a, heti lama tui mi, member a tam thei ang ber kal tur sawm kan ni a, tin, incharge te pawh kim taka kal vek tur a ni e.
   
Budget tlak
    Damvea Section te chuan kumin chhunga Branch YMA a an budget ` 3,000 chu an tlak vel ta.
   
YMA in |anpui
    Feb. ni 10, 2015(thawhlehni) a Saikhamakawn (Biaka Vau) a Pi Rokhawli te in a kang mei chhuak a a kangmei tuartute \anpui nan Feb. ni 11, 2015(ningani) khan  Branch YMA chuan ` 2500 a hlan a, hemi ni hian mi inphal ten an thawhkhawm ` 2300 dawn lai hlan tel nghal a ni.
    He in kang hi chhungkaw hnih luah lai a niin bungrua pawh an chuh hman vak lo a, a tukah an in hi hnatlanga sak \hat nghal niin Hlimen Branch a\ang pawhin member 40 chuang zet hnatlangin an thawk chhuak a ni.

Damvea Section
    Damvea Sec. Committee hmasa ber chuan kum 2015 chhunga an Sec. Property Secretary atan Tv. R.Lalchhuanawma an ruat.
    Tin, Section chhungah ruihhlo a hluar em avangin Committee chuan theihtawp a hmalak a rel bawk a, mitin te \angrual turin hruaitu ten an ngen bawk a ni.

Saichhuma Section
    Asst. Leader-in a nihna a chelh theih dawn loh avangin Feb. ni 13, 2015(zirtawpni) zan khan  Pu F. Laltlanmawia chu Asst. Leader atan an thlang thar. Judy Zonunsangi chu Hlimkhawpui Agent-ah an ruat thar bawk.

Kapdaia Section
    Hlimkhawpui Agent atan Pu K. Lalremruata ruat  a ni a, tin, PropertySecy. atan Martin Lalhmingsanga chu ruat thar a ni bawk. Section bungraw hawh tur ten a hnenah hian in hriattir mai tur a ni.
    Tin, Feb. ni 16, 2015(thawh\anni) khian Mel-4 ah rawra tur lungnawi la a nileng hnatlang neih tur a ni a, hnatlang tur te chu dar 9am-ah Central Workshop ah in nghah khawm tur a ni. Tin, a tuk Feb. ni 17, 2015(thawhlehni) khian sumtuaka lui kal hnatlang neih tur a  ni a, chawhnu dar 2:00 ah Central Workshop kawtah innghahkhawm tur a ni. Member atam thei ang ber heng hnatlangah hian thawhchhuak turin hruaitu ten an ngen a ni.

Buala Section
    Hlimkhawpui Agent atan Tv. Zonunsanga ruat a ni a, tin, Property Secy. atan Tv. Lalhruaitluanga chu an ruat thar bawk. Feb. ni 20, 2015(zirtawpni) zingkar khian vengchhung tihfai hnatlang neih tur a ni a, member atam thei ang ber thawhchuah i tum ang u.

CHHIARTUTE NGAIHDAN :

@@  Tunlaiin kan vengah ruihhlo - zu bakah Drugs (No.4) a hluar hle mai a, Drugs (No.4) zuar te pawh an awm niin an sawi leh nghal!! Tin, hmun ualau laia hetiang thil lo ti \hin te pawh an awm bawk a ni. JAC/YMA ten hma han la teh u khai. Tun a\anga hma lak loh chuan he kan Hlimkhawpui hi kan tu leh fate chenna tlak lovah a awm mai dah ang e. I \ang tlang ang u.
- Mâteii Pa

Phekhma chhunzawmna.....
    2) Pu Zoliana Headmaster Govt. Primary School-II hnen a\anga lehkha hmuh 2015 - 2016 Session atan naupang lutthar tur ngaihtuahpui tura Branch YMA a ngenna chu a theih ang anga hma lakpui nise tih a ni.

    3) Pu Laltlankima, Editor Hlimkhawpui hnen a\anga lehkha hmuh Hlimkhawpui Editorial Board ten an lo rel Hlimkhawpui chanchnbu chhut man a san tak avanga chhungtin a ` 10 a khawn \hin chu `  15 ni tawh se, Hlimkhawpui man hi thla 2 atan `  30 a khawn \hin nise an tih chu pawmpui a ni.

    4) Jonathan Laldinpuia te chhungkua, Khawruhlian te hnen a\angin Testemonial Certificate hmuh a ni a, pawmsak a ni.

5. In kang \anpuina : Feb. ni 10, 2015 (Thawhlehni) a Saikhamakawn a kangmei tuarte \anpui nan ` 2,000 hlan ve nise, tin, Feb. ni 12, 2015 (Nilaini) hian hnatlanga puih nise tih a ni bawk.
 

6. YMA zan chung chang : Mitthi an awm a, tlaivar zan hi zankhatna atan chhiar ni tawhse tih Committee in a lo pass tawh chu zing dar 2:00 hma lam hi lumen nise, Information mike ah pawh puanzar \hin tawh tur a ni.

7. Chapchar kut chung chang : March ni 6, 2015 (Zirtawpni) a Chapchar Kut hman turah Cheraw leh Sarlamkai entir tura tih chu hetiang hian mawh phurtu tur inruat a ni :
1) Pu Lalrinmawia (2) Pu Lalthantluanga (3) Pu Zoramhmangaiha (4) Tv. Lalzopuia (5) Tv. John Lalhunhlua (6) Tv. R.Lalrindika

Advertisement...

Solomon’s High School Admission open for the session (2015-2016)
      Solomon’s High School, Kulikawn, Aizawlah Class VIII, IX leh Class X tan Admission hawn mek a ni. Kum 25 chuang Mathematics leh Science Subject a Experience nei tawhin an zirtirna hmunah hian i fate rawn dah ve rawh le. mathematics leh Science Subject a harsatna nei te leh Sports a tui te duhsak bik an ni ang.
    Hostel a awm nghal bawk e.
       Contact    :   
8014442431                               C. Thawnga
    9774464095                             Top Ten Tutor
9774406688

Ramtuk thla Ni 7, 2015, Issue No. 6

PAGE - 1

TUALCHHUNG :

Boral: Pi Lalropuii(63) H/o Pu C. Lalrinawma (L) Saichhuma Sec. a mi chu Feb. ni 3, 2015(nilaini) zing dar 1:15 khan  Hospital ah thawhah avangin a boral.

Damlo: Malsawmtluanga S/o Zosangzuala Saichhuma Sec. a mi  chu Feb. ni 5, 2015(ningani) khan Civil Hospital ah Admit leh a ni.
@@    Pi Rohlupuii W/o R. Lallian-tluanga(L) Kapdaia Sec. a mi chu awmvel natna avangin doctor-te rawn a ni a, tunah inlamah a in enkawl mek.
@@    Pu Ramsanga H/o Ramdinsangi Saichhuma Sec. a mi chu Durtlang Hospital-ah Admit a ni a, Investigation te tih niin  he chanchinbu buatsaih lai hian he Damdawiin ah hian enkawl mek a ni.

Nau nei thar: Pu Adrew Lalrinchhana leh Rebek Lalthansangi te nupa Saichhuma Sec. a mi te chuan an fa hming koh atan Feb. ni 2, 2015 khan Referal Hospital-Falkawnah fanu duhawm tak an nei thar.
@@    Pu Lallawmzuala leh Pi Remruatkimi te nupa Saichhuma Sec. a mi te chuan an fa hming koh atan Feb. ni 4, 2015 khan  fanu duhawm tak an nei thar.
@@    Pu Lalbiakzauva leh Lalfakawmi te nupa Vawmphunga Sec. a mi te chuan Feb. ni 5, 2015(ningani) khan Referal Hospital-Falkawn-ah fanu duhawm tak an nei thar.

Khawmpui hmang: Feb. ni 6-8, 2015 chhung hian Hlimen Pastor Bial Kohhran Hmeichhe Khawpui chu Hlimen Vengthar Kohhran-ah neih a ni a, an hlim tlang hle.
    Tin, UPC Tlangnuam Bial Lady Auxialiary Department (LAD) te pawhin Hlimen UPC Biakinah Bial khawmpui Feb.  ni 6, 2015 a\ang khan an hmang tan a,  Feb. ni 8, 2015 (Pathianni) zanah a \iak ang.

Ui \ha lawmman dawng: Pu Zosangliana S/o Lalthanliana Saichhuma a sec. a mi Ui (Maximus-a) chuan Jan. ni 31, 2015(inrinni) a Aizawl Kennel Club 4th Dog Show neih zawh takah Reserve Best of Breed ah lawmman pahnihna a dawng a, he ui chi(Breed) hi Boxer a ni.

FRONT :

M.Z.P. HLIMEN BRANCH TEN HRUAITU THLANNA HUN HMANG

    February ni 3, 2015 (Thawhlehni) zan khan Mizo Zirlai Pawl, Hlimen Branch te chuan kum 2015 chhunga an hruaitu tur thlanna hun hman pahin Social hlimawm tak YMA Hall-ah an hmang.
    He Programme hi VL Rorelfela Vice President in a kaihruai a, Nl. Jesica Lalramnghaki’n hunserh a hmang. Hemi zan hian Hlimen a zaithiam tak tak - Nl. Lalruatdiki, Nl. Lalhmangaihi, Nl. Jenny Zomuankimi leh Tv. Rosangzuala te hnen atangin zai mawi tak tak ngaihthlak a ni a, kalkhawm Member te an chawkhlimin hlawkthlak an ti hle a ni.
    Tin, veng pawn lam a\angin fiamthu thiam Albert Vanlalchhanzuala, Commedian Search runner up 2013 leh Lalsiamthara 2014 Commedian Search a pakhatna te hnen a\angin fiamthu ngaihthak niin kalkhawm te an chawkhlim hle mai a.
    MZP hruaitu ten Member te inpumkhat nana hetiang programme hlimawm tak an buatsaih hi a zawngchhangthlakin a hlawkthlak hle niin thu dawn a ni. Hlimen Zirlai te tana pawl ding MZP te hian an dinchhan zirlai te hmakhua atan \hahnem ngai taka ke pen zel an tum bawk a ni.
    Hemi zana Member kal te hi mi 150 chuang lai an ni a, kum 2015 chhunga MZP Hlimen Branch hruaitu atana thlanchhuahte chu heng mite hi an ni :-

    President    :    Tv. Lalmuanawma (DV)
    Asst.Leader    :    Tv. C.Malsawmzuala (DV)
    Secretary    :    Tv. Amos Lal\hazuala (DV)
    Asst.Secretary    :    Nl. Judy Zonunsangi (SCS)
    Treasurer    :    Nl. Jesica Lalramnghaki (BS)
    Fin.Secretary    :    Nl. C.Lalhriatpuii (SCS)

HRINGNUN...

Ran vulhtu putar pakhat hian kohhran hruaitu hnenah, “In inkhawmpui rorel khan eng tin nge mi tam zawk Biak Inah an lo kal theih ang, tih kha in sawiho chiam mai a. Keini ran vulhtute kalkhawmnaah chuan ran ina ran an kalkhawm dan tur chungchang kan sawi ngai reng reng lova, chaw eng ang nge pek atan \ha ber ang, tih hi kan sawi uar ber a ni \hin,” a ti a. Thlarau lam nuna Kohhran mite chawm \hat hi inkhawm tihpunna \ha ber tur niin a lang.
- Anonymous

PAGE - 2

EDITORIAL :

MAHNI
    India ram hi dan leh dun ngah tak mai ram kan ni a, kan Constitution ah chuan dan zawm sen loh; khua leh tuite ham\hatna tur a inziak del dul a. Chutiang chiah chuan Kristiante Bible hian mihring tana \ha ber ringawt a tarlang chei chuai a. Khawvel ram nuam berah kan cheng a nih hi a tih theih rum rum mai.
    Amaherawhchu, ram zalen ber, dan nei hnem ber kan ni chung hian dan tlawhchhan vek chuan kan inkhing bur bur a. Sakhaw thuvawn nei \ha ber kan ni chungin Bible \anfung a hmangin kan invaw nghek nghek tho mai. Hetiang thilin kan ram a nek to reng mai hi tu thiamloh nge ti ila midang chungah kan burbun vekin a rinawm. A chhanna dik leh hnai ber chu MAHNI tih hi a ni.
    Mitin hian mahni ngaimawh zawng kan nei \heuh a, kan ngaimawh zawng \heuh sawi hian kan buai em em a, kan inhnial nasa \hin a nih hi. Kan vei zawng leh kan ngaimawh zawngte hian thil \angkai a thlen ang em tih hi ngaihtuah chiang hlawm ila. Mahni duhzawng chauh buaipui a midang hlamchhiahte hian mahni hma an siam avangin engmah an sukiang tak tak ngai lo. Sapthufing pakhat chuan, “Nun tam tak neih i duh chuan midang tan nung rawh” a ti a. Chu chu kan pi leh pu hun a\ang tawh a kan mizo thurin leh thuvawn a ni a, keini tan pawh thufing nung reng a ni.
    Mihring hmelma ber chu MAHNI tihte pawh kan hre lê lû a. Kan ram, kan khawtlang diklohna hi keimah vang a ni ti thei ta ila hma kan sawn deuh ngei ang. Inngaihtlawmna tak takin mi thinlung a luah reng reng chuan midang tan harsatna siamtu nihte, hmasawnna daltu nihte a theih lova. Chutiang mi chuan mihring hmelma ber chu MAHNI tih hi thupui ah a nei \hin a ni.

ZIAKTUTE HUANG :

NGHAHHLELHAWM LOH
- Hruaitluanga  Pa
   
    Mi tu pawh mai hian taksa hrisel tak nen rei tak dam duhlo kan awm lovang. Kei pawh hian kum 80 thleng tal hi chu khawvelah hian cham thei ila ka duh hle a. Chumi tur chuan hriselna ven \hat a, sâr thih theihna tur lakah pawh fimkhur hle a ngai tih ka hria. Chuvang chuan ruihhlo chi hrang hrang  te pawh hi a thlawn a hmuh mai tur a awm pawhin ka tlansan hram hram zel \hin a ni.
    Damlohna chhete ka neih pawhin damdawi ka ei vat mai \hin a, beisei aia a dam har phei chuan Doctor ka rawn thuai \hin. Hriselna lam thuziakte ka hmuh phak ang ang chu theih tawpin ka chhiar ve \hin a, TV a hriselna lam hawi thusawite hi ka ngaithla urhsun thei ve em em \hin.
    Mahse, chutiang a \an lain hriselna pawh vawng \ha ni mah ila, damdawi a dan theih loh, engtik hunah emaw chuan tar ka la ni tho tho dawn si. He lei anchhe dawnga lo piangchhuak reng reng chuan tar nih hi kan pumpelh thei silo. Tar hma a thihna in min nang a nih ngawt si loh chuan..
    Pangpar pawh hi tuman thliak lo mah se, a tla a a vuai leh tho \hin. Chutiang bawkin theih rah hmin \ha tak tak pawh hian tlak \awih hun a nei tho \hin. Kumpinu Lal \hutthleng luaha rangkachak leh lung man tam nen a inchei a, tiang khawvel lehlam hawl phak tangkaraw tiang vai veltu pawhin tar hun chu a pumpelh thei bik chuang lo. Doctor thiam te, Scientist ropui eltiangte pawh hun hian a lo khal chul tawh \hin.
    Kum 80 thleng lo dam tehreng pawh ni ila, ka lu-ah kelsam a \o var bap tawh anga, tha a khurin beng a ngawng \an tawh anga, mit a lo fiah lo bawk anga, kan vunte hi a lo chuarin a lo dul zo tawh bawk anga. Chutih hun meuh chuan \angkaina kan nei tlem hle tawh anga. Chhungkua-ah leh khawtlangah \angkaina kan neih dawn tawh loh avangin chhungkua leh khawtlang tan khenbehin kan awm tawh anga, ka tan chhungkua leh khawtlang pawh khenbehin a awm tawh ang. Kan vanneih hle loh chuan chhungte tan hnawksak mai kan niin hmangaih chu sawi loh dam lo a ka leh reng pawhin tu leh fate chuan damdawi Vitamin bur khat em pawh min leisak nachang hre lovin \hiante Birthday lawmna a kal leh thil pek tur chu an hmaih si lo anga. Ka tan engmah leina tur an neih loh pawhin \hiante pass lawmpuina (present)  tur chu an hmaih ngai bawk si lo anga, Tu leh fa zinga a bengvar deuhin ‘duat rawh u’ han ti khawmawi vel mah se, khum bulah tuisik leh nachhawkna min chhawp anga, \hiante Birthday lawmna-ah min chhuansan anga. |henawm khawvengte lo len laiin duat leh hmangaih awm takin min vil heuh heuh \hin anga, inleng awm loh chuan ngaihsak ka hlawh leh awm si lova. Hengte avang hian târ han nih ngawt chu ka nghakhlel lo kher a sin.

PAGE - 3

HRIATTIRNA :

Local Council hriattirna
    Hlimen a Huan/lo ram vattu ten an vahna hmun(location) nen Feb. 2015 ralhma ngeiin Local Council Office ah Office hunchhungin hriattir tur a ni.
    Tin, MRB Kulikawn Branch a Account hawng thar te Account bu chu Local Council Office-ah Office hawn hun chhungin a lam leh theih ta e.Khua a lo \hal chho leh ta a; mitinte inlamah leh ram lama kang mei chhuak thei lakah i fimkhur zual ang u.

Sd/- Lalhmingliana, Chairman
Local Council, Hlimen

Electric bill chungchang
    Electric Bill Hlimen Counter a pe tur ten ` 500/- leh ` 1000/- note ah pencil-in mahni Consumer number ziah tel zel tawh tur a ni.
    Tin, Hlimen Electric Bill Counter hi kartin thawh\anni leh thawhlehni apiangin hawn \hin a ni tih kan in hriattir nawn leh bawk e.

A thlawnin computer zir theih
    Central YMA hnuaia a thlawna Computer zirna (Office Assistant 3 months Course) chu Feb. ni 17, 2015(thawhlehni) hian \an a ni leh dawn a,  Class X pass chin tan dil theih a ni. Dil duh chuan Office hunchhungin CYMA Office ah application Form ` 10 in a lakchhuah theih e. Mahni awm na Branch YMA hriatpuina lehkha thil tel tur a ni ang.
    Dilna theh luh hun    :    Feb. ni 12, 2015(ningani)                 thleng
    Interview hun    :    Feb. ni 13,2015                     (Zirawpni) 11:00am  

Section tinte hriattirna
    Section tin ten Hlimkhawpui Agent kan inruat fel hunah an hming leh phone number rawn report \heuh turin kan inngen a. Tin, Hlimkhawpui Agent hi a theih hram chuan Circular Manager tana Hlimkhawpui a hlawma pek awlsam deuh tur inruat nise a lawmawm hle ang.
    Sd/- Editor
    Hlimkhawpui Weekly

Sava veh ching awm
    Tunlai hian Air Fun hmanga sava kah ching in awm a, YMA chuan ti tawh lo turin a ngen che u a, sava kah/awh leh tihhlum hrim hrim Forest Act kalh a ni a, hrem theih kan ni. Kan in report buai hma hian ti zui lo turin kan in ngen e. Sava i kah hian i pawi leh mipui pawi i khawih a ni tih hriat a \ha.

Kang mei lakah fimkhur rawh
    Tunlaiin kangmei chhuak avanga chhiatna rapthlak tak tak hriat tur a awm leh ta. Kangmei chhuahna tam zawk hi fimkhur lohna vang a nih avangin kangmei chhuak thei lakah mitin te i fimkhur ang u.

LAWRKHAWM :

JAC chetna
    Feb. ni 1, 2015(Pathianni) chhun khan JAC duty te chuan Rosiamkima S/o Lalbiaktluanga Upper Republic a awm, Lungpho khua inti leh Lalduhsaka S/o Dokhuma Chawnpuia awm, Lungpho khua inti te hnen a\angin Drugs No. 4 Cane khat leh AP mum 16 leh Syringe 2 an man sak a, an damdawi hralhna man ` 22330/- man tel a ni  bawk. Hemi tlai vek hian Excise kutah dah nghal an ni.

Electric DB kang
    Jan. ni 31, 2015( inrinni) tlai thimhlim khan Thlanmual venga Electric Connection DB (Distribution Box) chu a kang chhia a, Feb. ni 2, 2015(thawh\anni) khan Dept. duty te chuan an siam \ha leh a, hemi Point a Connection la te chuan \hatakin electric an hmang leh thei ta.

Chhiattawh achunga lawmthu sawina
    Kan fapa Lalnunzira Sateek, chu a Accident    vanga hun engemaw ti chhung Civil Hospital a enkawl a nih hnua Jan. ni 28, 2015 Dar 11:00 Am a aboral chung changah Hlimen YMA ten nu leh pa chan changa min buaipuia; kuang mawi tak leh \ha tak min siamsak a, puan in tuam mai bakah a ruang Sateek a chenna In thlenga in zuina mai bakah a ruang kan In Hlimen a chawlhpui a nih a engkima min buaipuina ah thinlung takin lawmthu kan sawi a. Mimal tin hnenah kan lawmthu kan sawi seng lo, he chanchinbu kaltlanga kan lawmthusawi hi min lo pawmsak mai turin kan ngen che u a ni.
    In khawngaihna dawngtu,
    Lalmalsawmi
    C/o Lalhmingthanga
    Buala Section

Hlimen Ex-v.c/l.c association hruaitu te
    Aug. ni 16, 2014(inrinni) a Hlimen a V.C/ L.C rorelna in kum 60 (Golden Jubilee) lawmna kal khawm ten Resolution an lo pass - Hlimen khawtlang hruaitu V.C/ L.C in hlawmkhawm pawl din nise, tuna Local Council ten ruahmanna lo siam se tih a nih angin hetiang hian ‘ Hlimen Ex- V.C/L.C Asscociation’ (HEVLA) hruaitute ruat a ni.
    Chairman    :    Pu Rinngaia
    Vice Chairman    :    Pu R. Lalhmingliana
    Secretary    :    Pu J. Lalhlimpuia
    Asst. Secy    :    Pu R. Lallianbuka
    Treasurer    :    Pu R. Thansanga
    Fin. Secy    :    Pu Sang\huama
    Heng hruaitu ruat thar te leh Local Council te hian Feb. ni 14, 2015 (Inrinni) zingkarah Joint Meeting neih an tum bawk a ni.

Advertisement....

Sa tuihnai duh tan
      Shillong Bawngsa rep leh Shillong vawksa rep lei tur ka nei reng e. Min han pan ve teh. Hetiang hi Rate a ni e :-
Shillong bawngsa rep     -     `  260
Shillong vawksa rep    -    `  250

    In \hian,
    Lalchhanhimi (Pi Tei)
(2-1)    Saichhuma Section

PAGE - 4

KEIMAHNI :
Hlimkhawpui Budget
    Hlimkhawpui  2014 Dec.  thla Budget  pe tla tawh te:
1.    Kapdaia Sec.    2.  Saichhuma Sec.
3.    Damvea Sec.    4. Vawmphunga Sec.
5.     Buala Sec.  

 
YMA in ral
    Feb. ni 5, 2015 (ningani) zan khan Branch YMA chuan Pi Lalropuii ralna hun a hmang  a, ralna tlingkhawm ` 6000 chu a chhungte hnenah hlan a ni. Tin, khawhar chhungte hian Pi Lalropuii tuamna puan pahnih chu YMA kutah an hlan let bawk.
    Hetiang a Branch YMA a puan pe kan awm \hin hi a lawmawmin \angkai taka hman leh \hin a ni.

Branch Committee
    A hnuai a hun leh hmun ruatah hian kum 2015 Branch Exe. Committee hmasa ber koh a ni a, kohna hmu lo palh kan awm chuan hei hi kohna puitlinga ngaih nghal tur a ni.

    A hun    :    Feb. ni 10, 2015(thawhlehni) 6:30pm
    A hmun    :    YMA Hall
Sd/- Secretary

Puan pe
    Jan. ni 28, 2015 a boral ta Lalnunzira Sateek kum 30 Pu lalhmingthanga, Buala Sec. a mi In luahtu Pi Malsawmi fapa Hlimen YMA tena an buaipuina chung changah lawmthu sawinan Puan pahnih Branch YMA ah an rawn hlan.  YMA hruaitute an lawm hle.

|anpuina pe
    Feb. ni 2, 2015(thawh\anni) zan a Mission Venga kangmei chhuaka tuartute \anpuina turin Branch YMA chuan ` 5000 a hlan.

Membership fee khawn dawn
    Kum 2015 chhunga YMA membership fee leh kumpuan fee chu section tinah khawn a ni leh dawn ta a,  chhungtin te lo in ring lawk turin kan in hriattir e. Mi pakhat tan Membership fee hi ` 2 a ni a, kumpuan fee hi ` 3, avaiin ` 5  zel a ni ang.

Advertisement....

Solomon’s high school admission open for the session (2015-2016)
      Solomon’s High School, Kulikawn, Aizawlah Class VIII, IX leh Class X tan Admission hawn mek a ni. Kum 25 chuang Mathematics leh Science Subject a Experience nei tawhin an zirtirna hmunah hian i fate rawn dah ve rawh le. mathematics leh Science Subject a harsatna nei te leh Sports a tui te duhsak bik an ni ang.
    Hostel a awm nghal bawk e.
       Contact    :  
8014442431                               C. Thawnga
    9774464095                             Top Ten Tutor
9774406688

CHHIARTUTE NGAIHDAN :

@@    Kan vengah hian ruihhlo a bikin zû leh damdawi hi a hluar leh ta hle mai. Kan JAC te hian \an han la leh teh u. Tin, zu zuar kumhlun lutuk mai an awm reng mai hi tu mawh nge ni ta ang. Damdawi ruih chi Tramadol hi kan veng damdawi zuarah hian hralh hreh miah lo an awm an ti lehnghal.
- Oggy-a pa, Venglai

@@    Khawtlangah mitthi lumen/khawhar in kal chung changah hian hma kan sawn tawh hlein ka hria a, chutih rualin tleirawl lam aiin kum 30 ral kai tawh lam zu nam chung/rui chunga kal kan la tam deuhin ka hria. Kal kan tum rau rau a nih chuan insum ve deuh \hin nise. Tin, inchhung lam thawl siin pawn lam kan \uan fo mai hi ka ngaimawh hle mai a, chuvangin insiam\hat kan ngaihna laiah insiam\hain hmasawn lam i pan ang u.
- Rd

KAN THEN TAK

LALROPUII (Kum 63) :
    Pi Lalropuii hi January 18, 1952 khan Pu Hmingzawna (L) leh Pi Nghakkungi (L)-te inkarah Hlimen-ah a lo piang a, an unau hi hmeichhia 5 leh mipa 5 an ni a, a upa lam a\angin pathumna a ni.
    Kum 1977, October ni 21 khan Hlimen Presbyterian Kohhran Biak Inah Upa C. Lalrinawma nen Pastor Lalchhana kutah inneiin fapa pakhat (1) Lalmuankima h/o M.S. Dawngliani an nei a, Upa Lalrinawma hian November ni 10, 2006 (Zirtawpni) khan chatuan ram a lo pansan tawh a ni. Pi Lalropuii hian tu pahnih a nei.
    Amah hi Pathian tih mi, a phak ang tawka Pathian rawngbawl hnate thawk ve thin mi a ni a. Hlimen Kohhran Hmeichhe Committee-ah Executive Committee Member-te niin thusawi thiam tak; Pathian thu chik mi a ni a. Hlimen Kohhran Hmeichhia-ah thuhril rawngbawlhnate a thawk thin a, taksa chak loh avanga Executive Member a nih tawh loh hnu thleng pawhin Kohhran Hmeichhia-ah hian thuhril rawngbawlna hi a la thawk chhunzawm zel a ni. Hei bakah Puitling Sunday School zirtirtu leh inrinni zan thuhriltute pawh a lo ni ve tawh thin a ni.
    Mi nunnem tak leh zaidam tak niin a tu leh fate tan engmah ui nei lo, inpe zo vek mi a ni. A tute a duatin a hmangaih em em a, an duhzawng lei nan chuan a neih zawng zawng pawh a ui ngai lo. A tute pawhin an hmangaihin an duhsak a, an duat em em a ni.
    Kumin 2015, January thla atang khan khawsik seng seng leh thawhahin a bawksawp a. January 23, 2015 (Zirtawpni) khan Hlimen Damdawi Inah a chuapa tui awm an siak a, a tuk January ni 24, 2015 (Inrinni)-ah litre khat dawn an siak leh a. January ni 27, 2015 (Thawhlehni) khan Aizawl Hospital-ah a chuap an X-Ray a, Doctor-in CT Scan ti tura a tih a ni a. February ni 3, 2015 (Thawhlehni) zan dar 7:30 velah Aizawl Hospital panpui leh a niin hemi hnu reiloteah ICU-ah dah luh a ni a. Doctor leh Nurse te’n theih tawp min chhuahpui chungin a natna chuan ziaawm lam a pan thei chuang lo va. February ni 4, 2015 (Nilaini) zing dar 1:15-ah a phak ang tawka a rawng a lo bawlsak thin a Lalpa hnenah min lo chawlhsan ta zawk a ni.