Sahmulphah thla Ni 28, 2015, Issue No. 48

PAGE - 1

TUALCHHÛNG :

Boral:  Pi Mitinchhingi C/o Pakunga, Vawmphunga Sec. a mi chu Internal Bleeding avangin Nov. ni 24, 2015 (Thawhlehni) tlai dar 4:30 khan a boral. A ruang hi tlaivarpui niin a tuk Nov. ni 25, 2015 (Nilaini) khan vuiliam a ni.

Damlo:  Catherine C. Malsawmpuii D/o Andrew Lalrinchhana Saichhuma Sec. a mi chu Pneumonia avangin Alpha Hospital, Kulikawnah enkawl mek a ni.

@@    Tv. Lalmalsawma S/o Lalnunzawni, Damvea Sec. a mi chu a kaih thut avangin Aizawl Hospital panpui a ni a hun engemaw chen Hospital lamah hian enkawl a nih hnuin Nov. ni 23, 2015 khan a lo chhuak leh ta.

@@    Nl. Melody Zondinpuii, Hlimkhawpui news Editor chu AMC inthlan a YMA an Duty laiin a pum a na thut a, Damdawi in lam panpui niin treatment pek a ni a. Investigation te tih niin zunkawnga hnai awm tih hriat a ni a, tunah in lamah enkawl mek a ni.

Missionary turin tling:  Synod Mission Board hnuaia Contract Missionary lak zingah kan veng a\angin heng mite hi an tling :
1. Lalrinchhani D/o K.Pakunga (SCS)
2. Lalrinkimi D/o Laikunga (SCS)
3. Lalmuanzova S/o K.Vanlalsanga (DV)

YMA te Duty:  AMC inthlan kan neih zawh taka Hlimen Branch YMA Committee Member te chu Vote thlak turte Serial No. lo ensak/zawnsak leh an thlakna tur Booth lo hrilhin nilengin an Duty. Committee Member Duty a chhuakte chungah hian Branch chuan lawmthu a sawi.

Vengchei Comtt. in hma la mek:  Hlimen Branch YMA hnuaia vengchei Committee te chuan Kumin Krismas leh kumthar denchhena  Quarry chim chei bul\an hna thawk mek a ni a. JCB hmangin Quarry chima leivung tlingkhawm chu nawr zawl mek a ni a, tin, Quarry chim huamchhunga kawngpui pawh zau nuam taka JCB hmanga siam a ni bawk. JCB hnathawh tur chin a zawh veleh a chei lam hna thawh chhoh nghal tur a ni ang.

FRONT :

M.B.L.  CHAMPION
HLIMEN SHUTTLERS
     Hrangbana Memorial 1st Mizoram Badminton League chu Nov. ni 24, 2014 (Thawhlehni) zan khan khelh zawh a ni a, Hlimen Shuttlers chuan Saron Jeremy’s Smashers te 3-2 a hnehin Champion nomawi an rawn hawn ta a ni.
    Final khelhah hian kan veng Team te hian Sr. Mens Doubles, Mens Singles leh Mens Doubles ah te hnehna kan chang a ni. Hlimen Shuttlers te hian League Match ah lo tum tawhin kan player te hi vanduai zawkah an lo \ang tawh a. Mahse, finalah hnehna ropui tak changin MBL hmasa ber Champion kan ni ta a ni.
    Final-ah hian Senior Mens Doubles khelh hmasak ber niin Pu Lalmuanawma leh Pu H.Lalremruata te inkawp chuan Soran lam hi straight in an hneh a. Hemi zawh hian Mixed Doubles Match khelh leh a ni a, Tv. Zarzokima leh Nl. Lalduhzuali te inkawpin Saron lakah hian an vaduai hlauh mai a. Hemi hnu hian Mens singles khelh leh a ni a Hlimen Shuttlers tan Hirak Joyti Neog chuan hnehna a chang leh a. Match 4 na-ah Junior Singles khelh leh niin Tv. Malsawmsanga chu Saron veng lakah a vanduai leh hlauh mai a. Match tawp ber Mens Doubles, Deciding Match ni bawk chu khelh leh niin Pu Muanawma leh Hirak Joyti Neo \angdun chuan Saron lakah set 1 an hloh hnuin hnehna an chang chho leh ta a. Tichuan Match 5 awmah kan veng - Hlimen Shuttlers hian match 3 laiin Champion nomawi kan nei thei ta a ni.
    Final inkhelh zawh hian  venglai kawnah Champion team te lawmpuina hun hman a ni a. Pu F.Zosangzuala, Fans Club Chairman in a kaihruai a. Pu Lalmuanawma’n Player te inhmelhriattirna hun a hmang bawk a ni. Pu R.Lalngheta, Asst.Secy. CYMA leh Pu Lalrindika, Hlimen Shuttlers Manager hnen a\angin thusawi \ha tak ngaihthlak a ni a, Tv. R.Lalawmpuia, Fans Club Treasurer in vote of thanks a sawi bawk a ni. Tin, Lalhmuchhuaka, Treasurer Br. YMA chuan huntawp \awngtaina a hmang bawk a ni.
    Kan vengin Champion ni thei tura an kawng zawhah hian Player te inpekna leh theihna a ropui hle mai a, hei mai mai bakah Hlimen veng mipuite inpekna leh \awiawmna a fakawm hle a, mi inphal tam tak te inpekna sawisen a ni lo.
    Hlimen Shuttlers te hian Champion Nomawi bakah pawisa fai ` 1,50,000 an rawn hawn a ni.

PAGE - 2

EDITORIAL :

MIDANG TAN MALSAWMNA
    I dinhmun a khirh viau a ni thei, mite tana malsawmna nih hi i tan a theihloh niin i hria a ni thei e. Mahse, kawngkhat talin tute tan emaw chuan malsawmna kan ni thei a ni tih hi kan vawn tlat a pawimawh.
    Mite tana malsawmna ni tur chuan inphahhniam \ul tlat changte a lo awm a, mahni neih ang ang pawh chan a \ul chang a lo awm bawk a, midangte kal ngam lohna ah kal te a lo tul bawk a, zahthlak tawpkhawk tawn tlang a ngaih changte a lo awm bawk. Malsawmna ka va nihna turte tana hmuh phak lek lova tlanbosan daih duh chang a awm thei.
    Mahni inphatna tello chuan Malsawmna kan ni thei lovang. Kan rin Lal Isua ngei pawh kha mahni inphatin khawvel chhandam nan leh lei mite malsawmna ni turin he leiah, thilsiamte angah lo changin mihringte tawrh atana na ber thihna thlenga tuar turin a nihna leh a ropuina a phat vek a ni si a. Midangte tan malsawmna kan nih dawn chuan chu dinhmun chu kan hriatchian a ngai.
    I tana malsawmna kha midangte tan malsawmna a ni ve thei em? Midangte tana malsawmna ni tur chuan engtia han thawh chhuah chi nge ni ta ang le? Mite kan tan malsawmna an nihna kawng hi ka ngaihtuah ngai em? Ka ngaihtuah \hin a nih chuan chu kawng chu zawhin midangte tan malsawmna ka nih ve theihna turin ka pen chhuak ve tawh reng reng em? Ka lungngaih laia mite min hnemna hi ching ve in midang lungngaite ka hnem ve tawh em? Ka harsat mangan laia kan ban leh kan pur \hinte hi hrechhuakin midang harsa leh mangangte tan pûr chawkna turin ka inphal ve em? Heng zawhnate hi kan rilru \heuhin ngaihtuah ila, midangte tan malsawmna ni thei turin kan rilru i siam ang u.

CENTRAL CO-ORDINATION COMMITTEE MEETING VAWI 79-NA NEIH A NI
     Nov. ni 11, 2015 khan Central YMA Hall, Tuikhuahtlangah YMA Rorelna sang Central Coordination Committee neih a ni a, he hunah hian CYMA O.B, CEC, Sub.Hqrs, Group leh City Branch a\angin mi 156 an kal khawm a ni. He Meeting hi Pu Lalbiakzuala, President-in a kaihruai a ni. Thurel pawimawh zualte :-

1. 70th YMA General Conference thurel bawhzui chungchang :
YMA KHAWIH
    1) “Social Media hman dan chungchangah, hnam inpumkhatna tichhe thei thleng palh thei lakah Central YMA-in hma la rawh se” tih chu chu sawiho niin CEC-in hma lo la se tih a ni.
    2) “Mizo hnam lam leh zaite hi a nihna (originality) hloh thei zawnga cheibawl leh tihdanglam a nih lohna turin Central YMA-in hma la rawh se” tih chu  CEC-in ruahmanna lo siam turin rel a ni.
    3) “Mizo \awng dik zawk leh uluk zawka hmang turin inzirtir ni rawh se” tih chu CEC-in ruahmanna lo siam turin rel a ni.
    4) “Endowment Fund atan YMA member tinin Rs. 10/- (Cheng sawm) \heuh thawh nise” tih chu  Central YMA-in Branch tinah 15th June, 2016 hma a thehlut turin ruahmanna lo siam se tih a ni bawk.
SORKAR KHAWIH :
    1) “Skill Development lama hma kan sawn zel theih nan hmalak ni rawh se” tih chu CEC-in ruahmanna lo siam turin rel a ni.
    2) “Remna Ni June 30 hi mipui nawlpuiin a huhova lungrual taka hman a nih theih nan Sorkar-ah thlen nise” tih chu  Sorkar-ah thlen nise tih a ni a, CEC-in ruahmanna lo siam se an ti.
    3) “Drugs Control Act hi Mizoram a hman tur bik khauh zawka siam a nih theih nan Sorkar-ah hma lak ni rawh se” tih chu CEC lo bawhzui atan dah a ni.

2. Kumpuan “Ram leh Hnam Humhalh” chungchang sawiho niin, CEC-in Kumpuan Kaihhruaina lo siam se tih a ni.

3. Rorel Inkhawm chungchang : Kum 2016 Rorel Inkhawm chungchang kan sawihova, Rorel Inkhawm hi kan Dan Bu-in Rorel Palai tur a sawite ang hian nise an ti.

4. 70th YMA General Conference thlirletna : 70th YMA General Conference Bairabi-a neih chungchang thlirlet a ni a, a tlangpuiin khawmpui hlawhtling tak niin, heng a hnuai a mite hi chhinchhiah bik nise an ti :
1) Hruaituhlun Chawimawina dawng tur duhsak bik nise.
2) Programme sei lutuk kan zo lo deuh a, Item neitute inkhairual nise kan ti.
3) Teirei peih deuh nise kan ti.
4) Inthlanna thianghlim a awm theih nan tan lak nise.
5) Lemchan Script Detail Programme Committee ten enpui nise.
6) Security huang zauh deuh nise.
7) General Conference thlengtute hi a hma lama inhriattir theih nise, CEC ten ruahmanna rawn siam se.

PAGE - 3

HRIATTIRNA :

y.M.A. inthlan chung chang
    Dec. ni 11, 2015 (Zirtawpni) zan hian Hlimen Branch Y.M.A. 2016 hruaitu (Office Bearers) thlanna hun hman tur a ni a. Member te kim taka kal turin hriattir kan ni e. Mi 6 thlanchhuah tur a ni anga, thlanchhuah ten post an in siamrem leh dawn a ni.
    YMA hi a chak a, a nun \hatna veng chu veng nuam a tling zel \hin. Chuvangin YMA chak tak leh veng nuam tak nei turin member te kan pawimawh.  Kan pawimawhna hre rengin Member ten uluk takin hruaitu tur hi thlan chhuah tum ila. Nominate leh inthlan Programme pawimawhte chu Issue lehah tihchhuah a ni ang.

y.M.A Committee in ral dawn
    Hlimen Branch YMA Exe. Committee in Committee Member; an chenpui ten an boralsan a nih chuan a hrana ralna hun hman nise ti a lo rel tawh angin Pu Pakunga Branch YMA Adviser chu a û Pi Chhingi’n  a boralsan avangin Committee ten Dec. ni 1, 2015 (Thawhlehni) zan hian ralna hun hman tur a ni a, hemi atan hian Committee member ten ` 50 \heuh thawh tur a ni a, Pu Robuanga, Vice President hnenah pek khawm tur a ni ang.
    He hun hi Tv. R.Lalawmpuia, Asst.Secy. in a kaihruai ang a, Nl. BJ Zonunmawi’n hunserh a hmang ang. Committee member te kim taka kal turin hriattir leh ngen kan ni e.

Property Tax khawn dawn
    Kan thu dawnna in a sawi danin thlathar December thla laihawl bawr vel hian AMC chuan Property Tax a rawn khawn dawn a, a huna mipuiten buaina kan tawh loh nan lo inringlawk ila. Kan in sak dan - in chawng awmdan leh a len zawng leh zau zawng etc.. a zira chhiah (TAX) hi pek tur niin a lang.

Advertisement....

F.K. multipurpose FARM
    Picnic Spot nuam leh man tlawm, a panna hnai bawk si chu Lungleng Road, Khankawn a\anga hnaiteah mitinte hman theihin peihfel a ni ta. Lo kal la, helai hmunah hian nun hlimawm rawn hmang ve rawh le.
  Contact : 9862376800

Lei tur nei reng e ....
    Venglaia Zohmaa inhnuai dawr ah arsa, Vawksa rep leh Petrol lei tur englai pawh in a awm reng e. Min rawn dawr ve teh le......
In \hian,
(2-2)    Zothankungi

LAWRKHAWM :

Lawmthusawina
     Nov. ni 26, 2016 (Ningani) a AMC inthlanah Ward XIX atana thlantlin ka lo ni ta hi ka lawm tak zet zet a,he Ward tana dik leh felfai taka hna ka thawh theih nan in mi \awng\aipuina ka rawn ngen nghal bawk e.  Hlimen khawtlang mipui vote hlu tak min petu zawng zawngte chungah lawmthu kan sawi tak zet zet a, He chanchinbu zahawm tak kaltlanga ka lawmthu sawina min lo pawmsak turin ka ngen a che u.

    Sd/- C.Lalthansanga,
    Tlangnuam, Aizawl.


Lawmthu sawina
    Chrismas leh kumthar inkara Football Tournament kan neih tumah Football Net Pu C. Lalrinnunga Tlangnuam, Campaingner of Pu C. Lalthansanga chaun min leisaka, Organiser te chuan lawmthu kan sawi tak meuh meuh a ni.

Sd/- Organiser.

Buala Section lawmthu
    Nov. ni 26, 2015 (Ningani) zan a ‘ Nopui Dawm Zan’ hun kan hmana Banner mawi tak min tum saktu Pu F. Zothankima chungah kan va lawm em.Tin, Camera (Still) phal taka min hmantirtu Pu Lalhmunsiama (Mapuia) a chungah pawh lawmthu kan sawi seng lo. Fatu atana kan sawm tlawmngai a rawn penchhuak te, leh zai tura sawm te, lawmman sem buaipui tur a sawm rawn kal zawng zawng te chungah kan lawm tak zet bawk. Tin, Branch OB ten kan sawmna ngaipawimawh a lo kal a, min uapna khan min tiphuisuiin an chungah kan va lawm em. He hun a hlawhtlin theih nana tha leh zung seng zawng zawng te leh lo kalkhawm zawng zawng te chungah lawmthu kan sawi tak zet zet e.

Sd/- Secretary

AMC inthlan a kan venga vote tlak dan
    Nov. ni 26, 2015 (Ningani) a Aizawl Municipal Council inthlan zawh takah kan veng Booth No. I & II a vote tlak dan chu hetiang hi a ni :
    Booth - I
    Vote awm zawng zawng    -    1013
    Vote tla zat    -    765
    Vote tla Percent    -    75.52    %

    Booth - II
    Vote awm zawng zawng    -    1021
    Vote tla zat    -    690
    Vote tla Percent    -    67.58    %

    Booth - I & II
    Vote awm zawng zawng    -    2034
    Vote tla zat    -    1455
    Vote tla Percent    -    71.53    %

YMA IN RAL
    Hlimen Branch YMA chuan Pi Mitinchhingi C/o Pu Pakunga, Vawmphunga Section a mi ralna hun Nov. ni 26, 2015 (Ningani) zan khan a hmang a, ralna tlingkhawm Rs 4760 chu a chhungte hnenah hlan a ni.

AMC inthlan a kan venga vote tlak dan
    Pi Chhingi tuamna puan hi a chhungte chuan tangkai taka hman atan YMA ah an hlan bawk a ni.

PAGE - 4

KEIMAHNI :

Hlimkhawpui Budget
    Hlimkhawpui  2015  Sept. & Oct.  thla Budget  pe tla tawh te:
1.    Kapdaia Sec.    2.  Lalsavunga Sec.
3.     Vawmphunga Sec.    4. Buala Sec.
5.    Damvea Sec.    6. Saichhuma Sec.
    Tin, Lalsavunga Section leh Kapdaia Sec ten  Nov. & Dec. thla Budget an tlak fel ta bawk.

NOPUI DAWM ZAN HMANG
    Nov. ni 26, 2015(Ningni) zan dar 8:30 khan Buala Section te chuan Pu Lallungmuana In kawt (Lalin kawt) ah ‘Nopui Dawm Zan’ hun an hmang a, he hunah hian Section chhunga chawimawi phute chawimawina leh Section hruaitu lo ni rei tawh te chawimawina hun an hmanga, he hun hi Pu J. Vanlalbiakdika, Leaderin a kaihruaia, hunserh hi Pu Lalchhandama Renthlei Trea. in a hmanga, Tv. Siamthangpuia, Secy. hnen atangin report ngaihthlak a nih hnuin Section hnatlang kalkim leh Comtt. kalkim te hnenah Tv. R. Lalawmpuia Asst. Secy. in lawmman semna nei zui nghal a ni a, hemi zawh hian Pu Robuanga Vice Pre. BYMA hnen a\angin thusawi ngaihthlak chhunzawm a ni a, thu a sawi zawh hian Section OB a kum 5 aia rei tlawmngai a lo \ang tawh - Pu H.Lallawmsanga, Tv. R. Lalrindika, Pu Zoramhmangaiha, Pu Lalrindika, Tv. Lalmuanpuia (Mapuia), Tv. Zarzokima, Tv. Lalengkima, Pu F. Zothankima, Nl. Laltlanpuii, Tv. Lalkhawmawia leh  Pu F. Laltlanmawia te hnenah Certificate hlan an ni a, hemi hnu hian Tv. Zonunsanga hnen a\angin Hlimen Branch YMA hnuaia Group/Section in\hen chhoh dan chanchin leh Buala Section bik bihchhinna ngaihnawm tak ngaihthlak a ni a, he bihchianna hian Programme a tiphuisui hle.
    Hemi hnu hian Nl. Lalramnghaki’n kalkhawm te zaiin a awi a, a zai zawh hnu hian Tv. Zonunkima Fin. Secy kaihruaina in - Pu R.Lalngheta ( Asst. Secy. CYMA), Pu Lalhmuchhuaka leh Pu Robuanga( Branch OB kum10 chuang lo ni tawh). Tv. R. Lalrindika (Pro. Secy BYMA kum 10 chuang lo ni tawh), Pu Lalngaihzuala(Sunday School kum 40 chuang kaikim), Nl. Lalchhandami(Weightlifting), Tv. Zarzokima leh Tv. Malsawmsanga (Badminton), Tv. Zoramsanga (Teakwondo), Pu Darkhuma(Table Tennis), Pu Ro\huama(Sawrkar hnathawk chhuanawm), Nl. Lalthlansangi (Zirna a chhuanawm), Lalnunpuia (Jr. Comedian 2014) te hnenah chawimawian thuziak(Citation) hlan an ni. Citation hi Tv. Lalmuanpuia,  Pu Buala(L) tupa in a sem a ni. Programme hman zawh hian ar sawhchiar tuihnai tak an ei ho bawk. 

Zin chhuak
    Nov. ni 25, 2015(Nilaini) zan khan Khawrihnim khua in tuihna humhalh lawmman an dawn leh Library Recognition leh khawtlang a buhkham thar thei te lawmnaah Pu R. Lalngheta Asst. Secy CYMA leh Pu Lalhmuchhuaka CEC te chuan he hun hi an hmanpui.
     Tin, Pu R. Lalngheta hi Nov. ni 26, 2015(Ningani) khan Hnam inpumkhatna chungchangah Teikhangah a kal a , CEC mi 3 ten an \awiawm a ni.

CHHIARTUTE NGAIHDAN :

@@    Pu Editor, veng chei chung chang hi ka lo sawi ve lawk. Quarry chim an chei dawn tih ka lo hre ve a, ava lawmawm em! Duhthu kan lo sam ve mai mai a, Krismas hmain thlakhat emaw chauh a awm tawh a, an zo hman dawn emawni aw.. ka lo ti ve a. Veng chei ti ve siin kan intihmingchhe mai mai lo maw. Tin, kawngpui saw han Black Top se ava duhawm dawn em ! Street Light te han vuah phei se a duhawm ngawt ang tiin duhthu ka lo sam ve mai mai a nih hi .. Kei Val lungmawl hian..
- Andrew Lalnunpuia

Lawrkhawm chhunzawmna....

AMC inthlan
    Nov. ni 26, 2015 khan Aizawl Municipal Corporation inthlan chu tluang taka neih zawh a ni ta a, hemi zan vek hian kan Ward hi Kulikawn YMA Hall-ah vote chhiar nghal niin Pu C. Lalthansanga MNF Candidate chu tlingah puan a ni a, hetiang hi vote hmuh dan a ni.
1. C. Lalthansanga MNF    -    Vote     3435
2. R. Lalchhuanawma INC & MPC    -    Vote     3350
3. Lianbuanga BJP & ZNP    -    Vote     112
    Tun\um  AMC inthlan ah hian MNF in Seat 19 awmah Seat 11 lain hnehna an changa. INC leh MPC \ang dun hian Seat 8 an la a, BJP leh ZNP \ang dunin Seat an la lo thung a ni. 

KAN THEN TAK

 
MITINCHHINGI, KUM 82 :
    Mitinchhingi hi July ni 11, 1933-ah Tanhril khua-ah a piang a, an unau hi hmeichhia 2 leh mipa 6 niin a upa lam a\anga a palina a ni.
    Mitinchhingi hi naupang a nih lai a\angin mi hrisel tak a ni a, taima tak niin a hnathawhah rim taka hna thawk \hin a ni. Chhungkaw tana a hnathawh leh inpekna hi a ropui hle a, a nu\ate a buaipui nasa in an fate thlenga enkawl seilen puitu a ni.
    Kohhran lamah pawh a phak ang tawk tawk a inhmang vein a \hatlai deuh chuan inkhawm a pelh ngai lo. Kum 2009 a\ang khan a taksa a chak loh tak avangin inkhawm leh hnathawh chhunzawm thei ta lovin a awm ta chawt mai a ni. kum 2010 a\ang phei chuan a taksa a chak loh zual tak avangin inbul hnai bak a chhuakvak peih ta lo a ni. Chuti chung chuan taksa-ah \hatlohna lutuk a nei hran lova, inchhung lamah erawh a la \angkai hle a ni.
    Nov. ni 18, 2015 khan insawiselin a ke leh a pum a nat thu a sawi a, Doctor te rawn a niin Treatment te pek a ni a. Nov. ni 24, 2015 pawh khan chawhma lamah pawh a la \ha viau a, amaherawhchu tlai lamah a thawk rawn buaiin Oxygen te ngaihtuah tuma inbuatsaih a nih laiin tlai dar 4:30 ah he khawvel a zinkawng chu tawpin thlamuang takin a Lalpa hnenah a chawl ta a ni.

Sahmulphah thla Ni 21,2015, Issue No. 47

PAGE - 1

TUALCHHUNG :

Boral:  Pu Sangthanga Khiangte (k-61)  H/o Ngai\huami Kapdaia Sec. a mi chu Nov. ni 18, 2015(Nilaini) zing dar 3:00 khan Ashma avangin a boral.

Damlo:  Pi Chalmawii Kapdaia Sec a mi chu khawsik avangin BN Hospital, Kulikawnah admit niin he thu buatsaih lai thleng hian he damdawiinah hian enkawl a ni.

Nau nei thar:  Dr. Jerome Lalrinawma leh Dr. Zomuanpuii te nupa Kapdaia Sec. a mi te chuan Nov. ni 17, 2015(Ningani) khan Durtlang Hospitalah naute mipa duhawm tak an nei thar.

JAC ah pe:  UPC (NEI) te chuan JAC te tha tihchak nan leh a \ul a pianga hman turin ` 500/- JAC ah an hlan a, hruaitu te an lawm hle.

MBL ah Final lut:  1st Mizoram Hrangbana Memorial  Badminton League chu Electric veng Indoor ah tun thla tir lam a\ang khan khelh chhoh a ni a. Keini veng Club - Hlimen Shuttlers te chuan Semi-Final lutin Nov. ni 20, 2015 (Zirtawpni) zan khan Kulikawn Panthers nen Semi-Final hi khelh a ni. Team pahnih inkhelah hian Match panga -  Mens Single, Senior Doubles, Mixed Doubles, Junior Singles leh Mens Doubles te khelh a ni a. Kan veng team hian Senior Doubles, Junior Singles leh Mens Doubles ah te chakna changin Kulikawn Panthers lakah hnehna an chang a, Semi Final-ah hian kan veng player OP-a chuan Player of the tie lawmman a la nghe nghe. Saron Jeremy’s Smashers leh Tuikual S Phengphehlep te chak zawk zawk nen Nov. ni 24, 2015 (Thawhlehni) zan hian Electric veng Indoor ah Final an khel dawn a, mipui atam thei ang ber tawiawm turin kan insawm e.

Fans te chet dan mawi hle:  1st Mizoram Hrangbana Memorial  Badminton League Semi Final hmasa khelh zawh takah kan veng chuan hnehna ropui tak kan chang a, he match khel en tura kan veng a\anga fans kalte thawm a mawiin vengdang fak pawh kan hlawh hle niin kan thudawnna chuan a sawi a, a lawmawmin Final thlengin hei hi chhawm nun zel a \ha khawp ang.

FRONT :

2015 HLIMEN BRANCH Y.M.A. SIKPUI KUT HMAN ZAWH A NI TA
Damvea Section Champion
     YMA Hlimen Branch Committee in a lo rel angin infiamna leh inelna hrang hrang hmangin Sikpui Kut hman a ni a, Nov. ni 4, 2015 khan Closing Function neih a ni a. Chawhma dar 10:00 ah Hlimen Playground ah hun hman niin Pu Robuanga Vice Pre. in a kaihruai a, Pu Lalrinchhana Comtt. Mem in hunserh a hmanga, hemi zawh hian intihsiakna  hrang hrang - Hnamlam, Inhruipawh, Insaihruipawh,  Lungden, Spoon Race, Needle race, Musical Chair leh Football Final neih a ni.
    Tin, zanlam programme hi dar 8:00 ah YMA Hall ah neih \an a ni a, Pu Vanlaltluanga Pre. in kaihruaiin Pu Zoramhmangaiha Comtt. Mem. in hunserh a hmang a. Pu Lalrinmawia hnen a\angin Report ngaihthlak chhunzawm leh nghal a ni. Hemi zawh hian World Vision a\angin thusawi bengvarthlak tak ngaihthlak a ni leh a. Hemi hnu hian lengkhawm zai intihsiak neih chhunzawm nghal a ni.
    Tin, YMA 2015 Idol Nl. Miriam Zodinsangi, Nl. Lalramnghaki leh Nl. Laltlannungi te hnen a\angin zai mawi tak ngaihthlak a ni bawk. Lawmman semna hun hman chhunzawm niin Tv. R. Lalawmpuia Asst. Secy in a kaihruaia, lawmman hi Pu Lalhmingliana Chairman LC, Pu Vanlalhruaia Vice Chair. LC , Pi Tlangkhumi Trea. LC leh Pi Lalhmingthangi Mem. LC ten an sem a ni.
    Hetiang hi Section tinte intihsiakna hrang hranga result a ni.
a). Hnam lam :    Ist - Vawmphunga Sec.    2nd Buala Sec.
    3rd Damvea Sec
b).Inhruaipawh
(Mipa) :     Ist- Damvea Sec.    2nd - Buala Sec.
(Hmeichhia) :    Ist - Damvea Sec.    2nd -Saichhuma Sec.
c). Football :    Ist- Saichhuma Sec.    2nd - Buala Sec.
d). Lengkhawm zai :     Ist- Damvea Sec.    2nd - Kapdaia Sec.
    3rd Saichhuma  Sec & Vawmphunga
e). Insaihruipawh : Ist- Lalrempuia(DV) 2nd - Lalremruata(VP)
f). Spoon Race : Ist- Zonunsangi(KD) 2nd - Vanlalhmangaihi(VP)
        3rd Malsawmdawngliani(VP)
g). Needle Race : Ist- Laldinpuii(SC) 2nd - Zonunsangi(KD)
        3rd Lalbiakdiki (DV)
h). Musical Chair : Ist- Lalbiakdiki(DV) 2nd - Zothanpuii(DV)
              3rd Zorammuani (VP)
i). Shotput(Mipa) : Ist- Zonunkima(BS)
             2nd - Lalpiantluanga(KD)
             3rd Johan Lalthankhuma (DV)
     Hmeichhia : Ist- Lalbiakdiki(DV) 2nd - Lallawmzuali(DV)
          3rd Laldinpuii (SC)
Heti hian a pumpuiah Damvea Section chu an champion ta a ni.

PAGE - 2

EDITORIAL :

RILRU FIM TAK NEN AW
    Inthlang ram kan nih  avangin kar leh mai ah Aizawl Muncipal Corporation a Councillor tur kan thlang dawn a ni a.  A hunte a lo hnai ta bawk a, Candidate-te leh Party Worker-ten Campaign pawh an bei ngawrh hle mai. Hlimen khawtlang hian inthlan kan hmachhawn fo tawh a. Ram hruaitu, khawtlang hruaitu, pawl hruaitu etc.. kan thlang fo tawh \hin. Heng nikhua hian kan mizia a chhia a\hain a langchiang duh hle.
    Awle, kan hma maiah inthlan kan hmachhawn dawn a.  Vote kan thlak hma hian ngun takin Candidate hoah hian tu hi bial/ward hmangaiha, hmasawnna kawnga min hruai thei ber ang ti chunga vote kan pek \heuh a pawimawh. I vote hlu tak i hralh vangte, vote i thlak ve loh vangte khan khawtlang hmasawnna a kal \hat loh phah thei a ni tih hria ang che.Tin, kan party a nih vang emaw, kan laina hnai a nih vang emaw ringawta vote kan thlak hian a fuh ber lo thei bawk.
    Inthlan hi a pawimawhna leh a hlutna pawh ngaihtuah lemlo kan tam hle. Inthlan hian pawi a khawih theih dan leh thil engkim a siam\hat theih dan pawh ngaihtuah lem lovin mi tam tak chuan kan vote te kan hralh mai \hin. Vote hralhtu leh a leitute hian kan hriat fo a tana pawimawh chu mi vote kan leisak hian vote neitu hi kan ngainepin ran ang lekah kan ngai tihna a ni a. Tin, vote hralhtu pawhin a nihna leh a hlutna a inhre lova,  uicho ang leka lei theihah a inngai hi mi ã ni si lo, mi anglo-ah a inchhuah a ni tih hria se a \ha hle ang. Tun inthlanah hi chuan hetiang hi thleng lul lo se a duhawm takzet a ni.

A.M.C. CANDIDATE BIO-DATA
1. C.Lalthansanga, MNF Candidate:
    Pu C.Lalthansanga hi Pu C.Lalthara leh Pi Rosiami te inkarah kum 1970 khan a lo piang a,  an unau hi 4 an ni. Kum 2002 khan Pi Zahmingliani nen inneiin fa 2 an nei a ni. Tunah Tlangnuam-ah an khawsa mek a ni. Zirna lamah B.E. (Electrical) niin sumdawngin ei a zawng mek a ni.
    Kohhran lamah Presbyterian ah awmin K|P Leader, Branch leh bialah, Central K|P Committee (term 2), Synod Choir Member te lo ni tawhin Tlangnuam Branch YMA O.B leh CYMA Cultural Sub-Committee member te a lo ni tawh a. Tunah puitling Sunday School zirtirtu leh kohhran thuhriltu a ni mek bawk a ni. Politics lamah MNF Gen. Headquarter Joint Secretary a ni mek a ni.
    Thlantlin a nih chuan hengte hi Hlimen khawtlang tana a hmalakna hmasa tur a ni :- (1) Local Council leh NGO te nena thawhhona \ha neih leh khawtlang hmasawnna tur ruahmanna siam ho. (2) LC te hma lo lak tawh - Damdawi In UPHC sak, Lalsavunga Park siam leh Central Workshop DTO Office leh Driving School tura thui tak lo kalpui tawh chu chak zawka bawhzui. (3)  Volleyball leh Basketball Court Mualzawla siam/din tura hmalak. (4) Huanbial leh Pu N.Zokunga in inkar kawng blacktop tura hmalak. (5) Vengthlang, lamkhuangpui hnuai a\anga \helretkawn thlenga motor kal theih tura kawng siam tlang. (6) Vengchhak kawng NERCCDIP hnuai a SIPMIU ten an lo siam tawh chho ulh hrehawm lai siam\hat/mihring kalna tur lai nuam zawka siam. (7) Vengchhung inkalpawhna motor kawng/step siamthar leh a awm tawh sa repair. (8)High Sikul veng leh Vengthar ten PHE tui an lak ve ngei theih nana hmalak. (9) Bank a pawisa dahtu ten Bank kal kher lova awlsam zawka pawisa an lakchhuah theih nana Hlimen vengchhunga ATM Booth dah tura hmalak. (10) Term hmasa bialtu Councillor Pu Ramhlunsanga hmalakna/ruahmanna awmsa chhunzawm.

2. Lianbuanga, BJP & ZNP Candidate:
    Pu Lianbuanga hi Pu Rualvunga (L) leh Thanmawii te inkarah kum 1952 khan a lo piang a, an unau hi 7 an ni. Kum 1983 khan Pi Lalngaihzuali Sailo nen inneiin fa mipa 1 leh hmeichhia 2 an nei a, tunah Melthum ah an khawsa mek a ni. Zina lamah Class VIII zovin eizawnna lamah Pension thlengin Police hna a thawk a ni.
    Kohhran lamah Fundamental Baptist ah awmin Kohhran Upa a ni a, kohhran Treasurer, Chairman leh Secretary hnate a lo chelh tawh a, puitling zirtirtu hna a chelh mek bawk a ni. Tin, Upa Pawl ah Executive Member a ni a, Evangelist Teacher hna kum 7 lai a lo thawk tawh bawk a ni.
    Tin, Politics lamah MNF Block Organiser hna a lo chelh tawh a. Tunah BJP Aizawl Dist. Gen.Secretary niin State ah Executive Mmber a ni a, Melthum BJP Unit President a ni mek bawk a ni.
    Thlantlin a nih chuan hengte hi Hlimen khawtlang tana a hmalakna hmasa tur a ni :- Local Council, YMA, MUP, MHIP te thurawn ang leh vengchhunga an ngaihpawimawh ang ang lakhawmin a \ul hmasa a\angin; a tahtawlin hmalak tum a ni. Thlantlin a nih chuan veng tinah a\angin Development Committee din a ni ang. Vengchhungah Project lian deuh pawh a theih chin chinah siam a ni anga, bazar Shet pawh hmalak nghal a ni ang.

PAGE - 3

HRIATTIRNA :

Vengchei hriattirna
    Hlimen Vengchei Committee ten Quarry chei an tum avangin kawngchhak lamah tumahin khawngaih takin hma la tawh lo tur leh hma laklawh lo nei lo turin kan ngen nawn leh a. Tin, JCB in kawng a nawr \an ta a, lung a nawr chhuah te reng reng hi lak phal a ni lo tih kan in hriattir e.

JAC hriattirna
    Tunlai hian zu permit hmanga zu la in, a black a zuar/hralh chhawn hmang in awm a, hetiang hi sawrkar leh khawtlang phal loh a ni a, man in nih chuan dan anga in chungah Action lak a ni ang.

Sd/- Secretary
JAC, Hlimen

Electric leilawn
    Electric leilawn hi Deptt. Duty hriatpuina la lovin hawh/hman mai ching kan awm a. Emergency a Deptt. in hman a \ul changa a awmna chin hriat loh a ni fo ta mai. Tunhnu-ah Duty hriatpuina la lova hawh/hmanchhuah awih a ni tawh lo. Mamawhna nei chuan Duty te hnenah phalna lak hmasak zel tur a ni a, tin, hawhtu ten a dahna ngaiah hman zawh veleh dah let zel tur a ni. He ngenna hi zawm a nih loh chuan  hawhchhuah theih lova kalh a ni tawh ang.

Halpuah leh halmawi  chung chang
    Mizoram Sorkar chuan kum 2015 Krismas leh 2016 kumthar  vuakvetah Halpuah leh Halmawi zawrh leh hal a khap a. Halpuah leh halmawi hi mihring tana \angkaina nei lo, hriselna tichhe thei, a lo thlawna sum tam tak sen ralna a nih bawk avangin, kum dangah pawh kan lo tih \hin tawh angin, Central YMA chuan halpuah leh halmawi zuar lo tur leh hal lo turin mitinte a ngen a ni.
    Sd/- Lalhmachhuana
    Gen.Secretary, CYMA

Hringnun......

Pawisain a lei theih te:
Khum - muttuina tel lovin,
Lehkhabu - thluak erawh a tel lo.
Chaw - ei chakna tel lovin,
Ropuina - mawina a lei tel lo
Damdawi -hriselna chu kawng dang daih,
Intihhlimna hmun - hlimna erawh a lei tel lo.
Inkawmhona - \hian erawh a lei thei lo.
Fak derna - inzahna tel miah lovin.

LAWRKHAWM :

Northeast Veteran Badminton-ah
     NorthEast Veteran Badminton Championship 2015 Guwahati a neih zawh takah Pu Lalmuanawma chu 35+ Yrs Mens Singles ah a Champion a, 35+ Yrs Doubles ah pawh a kawppui Pu Lalrindika nen an Champion bawk. An hlawhtlinna a ropuiin an chhuanawm tak zet zet a ni.

Football Tournament
    Kumthara NECS Cup inbuatsaihna atan Dec.  28, 2015 a\ang hian Tournament  siam tum a ni a, veng \hen/Club anga tel tur a ni a, Knock Out System a tournament neih tur a ni a, Jan. ni 1, 2016 hian final neih tum a ni. Tie Draw hi Dec. ni 12, 2015(Inrinni) ah Pu lallungmuana te, Vengthlang te in a neih tur a ni ang.
    Tin, Senior bakah Junior U-16 siam tel tum a ni a, tel tum te chu lo inbuatsaih lawk tur a ni. Entry Fee hi Senior ` 500 leh Junior U-16 ` 300 a ni a, lawmman \hatak buatsaih tum a ni.

Sd/- Organiser


A.M.C. inthlan
    Aizawl Municipal Corporation (AMC) inthlan chu Nov. ni 26, 2015 (Ningani) hian neih a ni dawn ta a. Kan veng bikah vote thlakna Booth 2 siam a ni dawn a, Booth No. 1 hi Primary School-I a ni anga, Booth No. 2 hi Middle School-II a ni ang. Booth No. 1 leh 2 a thlak tur hi kawngthlang leh kawngchhak diak diak kha a nih tawh loh avangin kan vote thlakna tur Booth hi Duty te zawh mai tur a ni e.
    Zing dar 7:00 a\anga tlai dar 4:00 inkar chhungin vote thlak tur a ni ang.

Advertisement.....

Lei tur nei reng e ....
    Venglaia Zohmaa inhnuai dawr ah arsa, Vawksa rep leh Petrol lei tur englai pawh in a awm reng e. Min rawn dawr ve teh le......

    In \hian,
(2-1)    Zothankungi

F.K. Multipurpose FARM
    Picnic Spot nuam leh man tlawm, a panna hnai bawk si chu Lungleng Road, Khankawn a\anga hnaiteah mitinte hman theihin peihfel a ni ta. Lo kal la, helai hmunah hian nun hlimawm rawn hmang ve rawh le.
 
Contact : 9862376800

PAGE - 4

KEIMAHNI :

Hlimkhawpui Budget
    Hlimkhawpui  2015  Sept. & Oct.  thla Budget  pe tla tawh te:
1.    Kapdaia Sec.    2.  Lalsavunga Sec.
3.     Vawmphunga Sec.    4. Buala Sec.
5.    Damvea Sec.    6. Saichhuma Sec.
    Tin, Lalsavunga Section leh Kapdaia Sec ten  Nov. & Dec. thla Budget an tlak fel ta bawk.

CYMA Sub-Committee-ah
    Central YMA hnuaia Sub-Committee ah kan Branch a\angin heng mite hi an tel :-
1. Pu Lalhmuchhuaka - Secretary, Recreation
2. Pu Lalrinmawia - Sports
3. Pu Lalhmunsiama - Disaster Management
4. Nl. Zochuanpuii - Health & Sanitation

Buala Section
    Sikpui Kut a Hlimen Playground a kal lam leh haw lam kal nana Pik-up thawhtu Pu Lianhmingthanga chungah kan va lawm em.
    Tin, Nov ni 26, 2015(Ningani) zan dar 6:30  hian Pu Lallungmuana te inkawtah ‘ Nopui Dawm Zan’ hman a ni dawn a, he hunah hian Section chhunga chawimawi phute chawimawina hun hman a ni dawn a, tin, Section hruaitu lo ni tawh; Section chhung leh pawn a awm zawng zawngte lo tel vek turin kan sawm tak meuh meuh che u a.Tin, YMA member atam thei ang ber kal turin kan in sawm nghal bawk e.
Sd/- Secretary

YMA in ral
    Nov. ni 20, 2015 (Zirtawpni) zan khan Pu Sangthanga ralna hun hman a ni a, ralna tlingkhawm ` 6,270/- chu a chhungte hnenah hlan a ni.
    Tin, hemi zan vek hian Pu Sangthanga  chhung ten amah hriatrengna atan \angkai taka hman turin a tuamna puan pahnih chu Branch YMA ah an hlan let bawk a ni.

Kapdaia Section
    Kapdaia Section ten Name Plate an siam chu peihfel a ni a. A la tlan lo ten arang lamin Tv. Lalthlengliana hnenah tlan tur a ni e.

Damvea Section
    Sikpui Kut kan hman zawh takah a pumpui a pakhatna ni theia kan awm hi member te inpekna vang a ni a. Item hrang hranga tel zawng zawngte chungah hruaitu ten lawmthu kan sawi a. Lengkhawm zai zir nana phal taka an in min hmantirtu Pi Lungtiawii te chhungkua leh lam zir nana an kawtzawl min hmantirtu Pu Zakamlova te chhungkaw chungah lawmthu kan sawi tak zet zet bawk a ni.
    Sd/- Secretary

AMC Candidate Bio-Data chhunzawmna....
 3. R.Lalchhuanawma, INC & MPC Candidate:
    Pu R.Lalchhunawma hi Pu Lalthangliana(L) leh Pi Lalzamliani te inkarah kum 1964 khan a lo piang a, an unau hi 9 an ni.  Kum 1990 khan Pi Lalbiakengi nen inneiin fa 3 an nei a, tunah Kulikawnah an khawsa mek a ni. Zirna lamah  PUC zovin B.Com a zir leh a final year a exam ta lo a, sumdawng in ei a zawng ta a ni.
    Kohhran lamah Presbyterian kohhranah awmin puitling Sunday School zirtitrtu a ni mek a, tin, sunday school zirtirtu \ang rei chawimawina (Diploma 25 yrs) te pawh a lo dawng tawh a, Bial K|P leh Branch KTP ah hun rei tak hruaitu a lo ni tawh bawk a ni.
    Tin, Politics lamah Kulikawn Congress Unit ah kum 20 dawn President a ni tawh a, VC/LC ah Term 6 a zawnin thlantlin tawh a ni a, tunah Local Council Chairman a ni mek bawk a, Aizawl City Local Council President nihna chelhmekin Aizawl South II Block Congress Committee ah Treasurer nilai a ni bawk.
    Thlantlin a nih chuan hengte hi Hlimen khawtlang tana a hmalakna hmasa tur a ni :- 1) Vengchhung inkalpawhna hrang hrang motor kal theih a siam (2) PHE Tui connection thlen lohna te thlentir. (3) Drainage system \hat loh avanga chhiatna thleng \hin tihreh nan mumal taka drain siam. (4)|halai mamawh leh intihhlimna manifesto a an dah angin ‘Lalsavunga Park’ siam mek hi a rang thei ang bera tihpuitlin. (5) Vengchhung inkalpawhna Step chequer tile phah a railing siam a tihchangtlun. (6) MLA hmalak mekna Multipurpose Centre siam tur chak zawka kalpui.
#######################################
 

KAN |HEN TAK

 
Sangthanga KUM 61 :     Pu Sangthanga hi Pu Chhawnga leh Pi Chaldailovi-te fa pariat zinga a pali-na a ni a. March, 1954-ah Churachanpur-ah a lo piang a. An unau hi hmeichhia 3 leh mipa 5 an ni. Kum 1980-ah Ngai\huami nen inneiin fa pali - hmeichhia 2 leh mipa 2 an nei a, tu pasarih a nei bawk.
    Amah hi mi taima leh harh \ha tak a ni a. Rual pawl pawh a phak tawkah chuan a thiam viau a ni. Langza-ah leilet enkawlin an awm a, hmasawn zel duhin Churachanpur lamah Town Police-ah a \ang a. An hotute’n an duhsak pawl tak a ni nghe nghe. Kum 1990-ah Hlimen-ah an chhungkuain an lo pem a, an awm hlen ta a ni.
    October 21, 2015-ah Civil Hospital-ah admit a ni a. Khawl chi hrang hrangin en a ni a. Biopsy-te la-in chuap cancer a ni tih hriatchhuah a ni a. Doctor te’n, “A kawchhung lam a tha lo a ni,” an ti a. November 9, 2015-ah Zemabawk Cancer Hospital-ah sawn phei a ni ta a ni. Thisen hi vawi hnih pek a niin November 16, 2015 khan a hnuhnung zawk hi pek a ni a. Ziaawm deuhva a lan laiin November 17, 2015 tlai lam khaw dur boruak hnawng avangin amah thawhah nei a ni si a, a boruak hi a zo ta lo va, zual lam a pan ta a. November 17, 2015 zan dar 9:00  vel a\anga rawn buai \anin Doctor leh Nurse te’n theih tawp an chhuahpui na chungin November 18, 2015 zing lam dar 3:00-ah chatuan ram min lo pansan ta a ni.

Sahmulphah thla Ni 14, 2015, Issue No. 46

PAGE - 1

TUALCHHUNG :

Damlo:  Tv. Hmingchhuanawma S/o R.Lalrinawma, Damvea Section a mi chu Nov. ni 10, 2015 (Thawhlehni) khan a rilphir \halo avangin Aizawl Hospital-ah zai a ni a, a rilphir hi an paih niin thu kan dawng. Tunah inlamah enkawl chhunzawm mek a ni.

@@   Tv. Vanlalhmuaka S/o Ramfangzauva Buala Sec. a mi chu Nov. ni 11, 2015 a Sikpui Kut Football khelhna ah a in tauh nat deuh avangin a luak a, damdawiin lam panpui a ni a, investigation te tih a nih hnu-ah in lama enkawl chhunzawm turin hawpui leh a ni.

@@   Pu B. Lalbiakmawia Kapdaia Sec. a mi chu a nerve \hatloh avangin Guwahati ah Nov. ni 13, 2015(Zirtawpni) khan kalpui leh a ni.
    Damlo ten damna an chan theih nan Hlimkhawpui EB ten duhsakna kan hlan e.

Tuakthar:  David Lalrinsiama S/o H.Lalnunzira, Damvea Sec. a mi leh B.Vanlalhmangaihi, Thenzawl khua te chuan Nov. ni 12, 2015 (Ningani) khan dam chhunga nupa ni turin ‘tiam tlat e’ an ti.

Nâu nei thar:  Pu Zonunsanga (Ama) leh Pi Lalrinpuii (Apuii) te nupa, Saichhuma Sec. a mi te chuan Nov. ni 9, 2015 (Thawh\anni) khan Falkawn Referral Hospital-ah fanu duhawm tak an nei thar.

Mipuite hriatthiamna ngen:  Hlimen to Kulikawn taxi Welfare te chuan Nov. ni 20, 2015 (Zirtawpni) hian Picnic an tum avangin hemi ni hian Taxi Service a awm dawn lova, mipuite hriatthiamna an ngen a ni.

Work Camp nei:  Hlimen Presbyterian Kohhran Ramthar Committee  te chuan Work Camp neiin Zawlpui-ah Nov. ni 9, 2015 an kal a, mi 29 an thawkchhuak a, ruahman ang chuan Nov. ni 14, 2015(inrinni) hian an lo haw leh ang.
    He Work Camp ah hian Synod hnuaia Ramthar Board School dina Headmaster Quarter sak hna an thawk a ni. 

    Kan veng Team ‘Hlimen Shuttlers’ in MBL khelh mek a Semi Final an in hlangkai thei hi lawmawm kan tiin Player te kan chhuang tak zet che u a.. Hnehna chang chho a, veng hming ti\ha zual zel turin duhsakna kan hlan a che u.

FRONT :

MIZORAM BADMINTON LEAGUE-AH

HLIMEN SHUTTLERS
     Mizoram Badminton League (MBL) chu Electric veng Indoor stadium-ah Nov. ni 5, 2015 a\ang khan khelh \an a ni a, he Badminton inelna sang, veng panga telna ah hian League System a khelh chhoh a ni a, Point hmusang pali ten Semi-Final(Knock Out Stage) an khel chho tawh dawn a ni.
    Hlimen Shutlers te hian Kulikawn Panthers tum hmasa berin hemi \um hian kan veng vanduai zawkah \angin 2-3 in an chaklo hlauh a ni. Hemi hnu hian Saron veng Jeremy’s Smashers an tum leh a, hetah pawh hian 2-3 bawkin an vanduai leh a ni. Tuikual S Phengphehlep te nen inhmachhawn leh a ni a, 3-2 in chakna an chang ta a, tin, League Round a a tawp berah Mission veng team ten Hlimen Shuttlers player ten an hmachhawn leh a, 5-0 in hnehna ropui tak an chang a ni.
    Hetiang hi league System a point hmuh dan chu a ni:
Slno.    Name Of Team    PLD    Win    Loss    Score
1.    Tuikual S Phengphehlep    4    3    1    12
2.    Kulikawn Panthers    4    2    2    12
3.    Hlimen Shuttlers    4    2    2    12
4.    Saron Jeremy’s Smashers    4    3    1    11
5.    Mission veng team    4    0    4    3
    League System khelh zawh taka Piont hmu hniam ber Mission veng team chu an tla ta a, a bak zawng- Hlimen Shuttlers, Kulikawn Panthers, Tuikual S Phengphehlep leh Saron veng Jeremy’s Smashers ten semi final an khel dawn ta a. Semi Final hi Nov. ni 20 & 21, 2015(Zirawpni zan & Inrinni zan) ah khel a ni ang a. Thudang a awm lo a nih chuan kan veng, Hlimen Shuttlers leh  Kulikawn Panthers te hi Electric Indoor stadium ah Nov. ni 20, 2015 (Zirtawpni) zan dar 8:00 ah Semi Final hmasa zawk an khel dawn niin alang.
    Tin,He MBL ah hian Tv. Malsawmsanga (Junior Category) a che \ha hle a, a ni hian Semi Final thleng hian hneh loh ala tawng lo a ni. League khelh lai hian Hlimen Shuttlers team a\angin Pu Lalmuanawma an Tuikual S Phengphehlep nen inkhel \umin player khel \ha ber lawmman  -Player Of The Tie Award a dawng a, tin, Tv. Malsawmsanga pawh hian Mission veng team nena in khelh \umin he lawmman hlu tak hi a hum haw ve leh bawk.
    Mizoram Badminton League ah hian kan veng Badminton Player \ha tak Pu R. Lalbiakmawia Damvea Section chu Kulikawn Panthers ah a khel a, a ni hi Player in leina a man to ber niin  a man phu takin khel chho a, a khelhna club hi Semi Final a luhpui a ni. A ni hian league khelh laia khel \ha ber (Player Of The Tie Award) lawmman hi a lo dawng ve tawh bawk.
    Inkhel entu tur te kal na atan hian Pu Chalhnuna, Pu F. Zosangzuala leh Lalthanpuii (TP-i) ten Bus an thawh a, tin, heng mite bakah hian mahni lirthei a kal mi engemaw zat an awm bawk. Semi Final-a kan team te tiphura, tichak zual turin atam thei ang ber in i tawiawm ang u.

PAGE - 2

EDITORIAL :

MAWHPHURHNA HLEN
    Kan rawn pian phat a\angin tih turin min hmuak nghal a, nu pum chhung a\anga kan chhuah rual rualin kan dam khaw chhuah theih nan mahni a thawk (breath) nghal a \ul a, kan tal a, hnute tui a halin \apin hnute kan ngen a, he khawvelah kan dinkhawchhuah theih nan hringnun kan hmang \an nghal a  ni. Pathianin he leiah hian chhan neiin min siam a, lo pianga, seilian a thihni nghak leh ngawt tur chuan tumah hi a siam a rinawm loh hle. Kan mawl emaw kan fing emaw keimahni phak tâwk \heuhah mawhphurhna hlen tur nei \heuh kan ni. Mawhphurhna leh tih tur nei reng reng lo mihring chu hrin man awm lo, khawvel êng hi lo hmu lo zawk se a tan leh midang tan pawh a \ha hial zawk ta ve ang.
    Kan mawhphurhna chu Kohhran ah emaw chhungkua ah emaw khawtlangah pawh nise a lian emaw a te emaw mahni zawn \heuh a hlenchhuah hi mi puitling zia  ni a, pawnlama landana fel deuh tura ngaih mahni mawhphurhna ngaipawimawh miahlote hi kan lo ni palh ang tih a hlauhawm hle a, tiang hi kan nih chuan miten kan hnung lam a\ang in kan chanchin sawitur an ngah ve tawh ngawt ang.
    Chhungkaw tana thawk ve tur kan nih laia chhungkaw tana hnawksak mai nih te, tlawmngaipawlah member ni ve tho si pawl thil tih ngaihsak miah lo nih te hi zah nachang hriat a hun ta hle. Mawhphurhna kan la peih lo a nih chuan member nih loh ngam mai te hi a huaisen thlak phian zawk awm a sin.
    Midangte mawhphurhna sawisel zut zut a an tlinlohna lai hmu thei tak; mahse mahni lam engmah ni silo nihte hi thil hlauhawm tak a ni a, kan \hatlai huna kohhran, chhungkua leh khawtlanga kan mawhphurhna neih ang ang te \ha taka hlen hi kan tihtur leh puitling zia; Pathianin kan rawngbawl theihna atana midang kaltlanga min pek a ni tih i hre \heuh ang u.

ZIAKTUTE HUANG :

DIGITIZATION OF CABLE TV
- Zawlpala Khiangte
    Mizoram leh India ram mai pawh ni lo, khawvel pum huapa Satellite kaltlanga entertainment TV channel hrang hrang kan en theih chu tunlai hian Aizawlah Digital Signal a pekchhuah tum mek niin he hma lakna hi i han belchiang leh teh ang.
    He Cable TV Digitization hi India emaw, Zonet / LPS ten an duh emaw duh loh emaw vang lam ni lovin khawvel pum huap hmalakna a ni tih lo hre hmasa phawt la, he cable signal digitize a nih huna kan dinhmun tur chu hetiang hi a ni ang.
    1. SET TOP CONVERTER : Hei hi Digital signal TV a kan en theihna tura lo siamtu (Convert-tu) a ni a, he khawl hi chi hnih - Standard Difinition Set top box leh High Difinition set top box a \hen a ni a, SD ai hian HD hian kawng tam takin \hatna a nei a ni. A man tur chiah hriat a ni lo nain hetiang vel hi kan leina tur a nih rin a ni.
SD set top Box - ` 1800/-  - ` 2000/-
HD set top Box - ` 2000/-  - ` 2500/-
    HD set top Box hian USB recorder a keng tel anga, programme duh zawng ang kha TV kan en laiin kan lo record thei dawn a, High Difinition package pawh lo subscribe duh ila SD set top Box ai chuan en pawh a nuam dawn bawk a ni.
    2. Fee pek dan tur : TRAI dan ang chuan Entertainment Tax leh Service Tax hi mipui pek tur a ni a, mipuiin Cable operator kal tlangin an pe tawh dawn a ni.
Entir nan Cable monthly fee hi Rs 250 lo la ni ta reng sela, 14 % hi entertaimnet tax lo ni ta se, 20 % hi Service tax lo ni bawk ta ang se - 250 + 35 + 50 = Rs 335/- (Hei hi chhut chhinna a ni a, hei aia a tam chu a rinawm lem lo)
    3. Connection lak dan tur : Digitaized Cable pawh dawn hian Subscriber ID hi kan neih ngei ngei a ngai dawn a ni. He kan ID hmang hian kan TV-a kan entur kha an rawn tinung (Activate) anga, activation charge hi a awm dawn leh dawn loh chiang taka hriat a la ni lo a, a awm a nih chuan a pawttu ten kan pek a ngai dawn bawk a ni.
    4. A \hatna tur : Cable signal hi Digitized a nih hunah chuan duh ang thala pindan tina TV kan dah a kan pawt kawi vel ang kha a tih theih dawn tawh lo a, sitting room baka bed room vela kan dah duh a nih pawhin Set top Box hran vek leh ID hran vek neih a ngai tawh anga, fee pawh a hrang veka chawi a ngai dawn a, sub operator pawhin a control room a signal a enchhinna tur thlengin a chawi tawh bawk ang. Chubakah fee pe tha duh lo tan chuan en loh mai kha kan chan tur a ni tawh dawn a ni.
    5. He Cable Signal Digitize a nih chuan Corruption a awm thei dawn tawh lo a, sub operatorte leh thian induhsakten a thlawna an lo en kha a theih tawh dawn loh avangin, corruption a zung nen lama phoro tanna bul a ni bawk dawn a ni.
    A chunga kan sawi tak ang khian Set top converter atan SD nge i thlan dawn HD tih ngun takin ngaihtuah la, a rang lamin bialtu cable operator hnenah i lo hrilh dawn nia.

PAGE - 3

HRIATTIRNA :

Football bo
    Sikpui Kut kan hman zawh takah Football engemaw zat pet lum hmuhzawh loh a ni a, football hi lo hmu leh chhar in awm chuan Hlimen Branch YMA ah pekir leh turin kan inngen tak meuh meuh e.
   
                Sd/- Incharge

Vengchei hriattirna
    Hlimen Vengchei Committee ten Quarry chei an tum avangin kawngchhak lamah tumahin khawngaih takin hma la tawh lo tur leh hma laklawh lo nei lo turin kan ngen che u a. Kar thar hian JCB hmanga nawr \an tum a ni e.
    Hlimen Quarry kawngthlang lam kawngko a leivung paih tang \hin te hian tunhnuah paih tang tawh lo tur a hriattir in ni e. A paihtu te hi Driver, Hlimen mi leh sa deuh vek in ni \hin a hriat a ni e.

UPHC hriattirna
    UPHC, Hlimen Doctor chuan Nov. ni 16-21, 2015 chhung hian chawlh a la dawn a, hemi hun chhung hian OPD khar a ni anga, thil dangah chuan a pangngaiin a kal  ang.

Hnatlang hriattirna
    Nov. ni 21, 2015 (Inrinni) hian Branch YMA chuan vengcheina tur mau sat hnatlang a kova, chungtin a\angin pakhat aia tlemlo thawkchhuak turin kan in ngen in kan in hriattir e. Ei leh in chu mahni in tum mai tur a ni e.

Sd/- Secretary

JAC hriattirna
    Tunlai hian zu permit hmanga zu la in, a black a zuar/hralh chhawn hmang in awm a, hetiang hi sawrkar leh khawtlang phal loh a ni a, man in nih chuan dan anga in chungah Action lak a ni ang.

Sd/- Secretary
JAC, Hlimen  

Hringnun........

Ri hi eng aiin a lo kal muang zawk chiang khawp mai. Nu leh pain an fa kum sawm pariat mi thurawn an pek chuan kum sawmli a tlinin a dawngtu thinlung a thleng hman chauh zu nia!
                -Bob Orben

LAWRKHAWM :

HEMSESA CONFERENCE
     Nov. ni 12, 2015 (Ningani) khan Hlimen Melthum Saikhamakawn Education Staff Association (HEMSESA) Conference Govt. Hlimen High School-ah hman a ni a. Kum 2015 - 2017 hruaitu thlanna hun  hman a ni a, inthlan hi R.O. Pu Vanlaltluanga Pre. YMA leh Tv. R.Lalawmpuia, Asst.Secretary YMA ten an kaihruai a, tlaiah ruai an kilho nghal a ni. Hruaitu thlantharte :-
    President    :    Pu C.Lalengzauva, Hlimen H/S
    Vice President    :    Pu Zoliana, Hlimen P/S-II
    Secretary    :    Tv. Peter Lalvenpuia, Melthum M/S
    Asst.Secretary    :    Tv. Lalsanga, Hlimen M/S-II
    Treasurer    :    Pi Lalnunhlimi, Melthum P/S
    Fin.Secretary    :    Pu Laldinliana, Hlimen M/S-I

    HEMSESA ah hian Member 60 vel an awm.

Campaign Committee
     AMC inthlan lo awm tur atan Ward XIX huamchhunga Congress leh MPC te chuan hetiang hian Campaign Committee an siam :-
    Chairman    :    R.Lalthlamuana, Tlangnuam
    Vice Chairman    :    Lalchhuanliana, Melthum
    Secretary    :    Lalremmawia, Hlimen
    Treasurer    :    Vanlalnghaka, Kulikawn
    Members    :    Lalhmangaiha Kulikawn, Lal\hakima Kulikawn, Lalpianmawia Melthum, T.Lalrinthanga SKK, R.Lalchhandama Hlimen, K.Lalhmachhuana Tlangnuam, R.Malsawma Tlangnuam Vengthar.

Electric Line Extend mek
     Tunlai hian Local Council hmalakna in Hlimen a Power & Electricity LT line chu Extend hna thawh mek a ni a, Nov. ni 10, 2015 (Thawhlehni) khan Quarry Pi Biakdangi in piah a\anga Pu Zohmingliana te in thleng line (hrui) zam fel a ni. Nov. ni 11, 2015 (Nilaini) khan Vengchhak Pu Lalzuala In bul a\anga Pu Ringa in inkar pawh LT Line hrui zam zawh a ni a, streetlight pahnih vuah nghal a ni.
    Tin, Nov. ni 12 & 13, 2015 khan Kapdaia Sec. Mauhakkawn a\anga Pu Sawmvela In piah thleng LT Line zam mai turin ban 9 zet chu phun fel a ni tawh a, Thlanmual-I lamah pawh hmalak zel tum niin a hmanrua pawh chhawp mek a ni. Local Council hmalakna a fakawmin vengin hma kan sawn zel a a lawmawm takzet a ni.

U.P.H.C. REPORT
    Oct. ni 9 -  13,  nov, 2015 chhunga Urban Primary Health Centre, Hlimen report :-
    1. Inentir zat (OPD)  - 174      
    2. Naupai en zat -  6
    3. Kum 6 hnuai lam en zat - 37      
    4. Nau piang zat - Nil      
    5. Emergency - 2      
    6. In Patient - 2  
    7. Dressing - 11

PAGE - 4

KEIMAHNI :

Hlimkhawpui Budget
    Hlimkhawpui  2015  Sept. & Oct.  thla Budget  pe tla tawh te:
1.    Kapdaia Sec.    2.  Lalsavunga Sec.
3.     Vawmphunga Sec.    4. Buala Sec.
5.    Damvea Sec.
    Tin, Lalsavunga Section leh Kapdaia Sec ten  Nov. & Dec. thla Budget an tlak fel ta bawk.

Vawmphunga Section lawmthu
    Kan Football Jersey Number leh hming chhutna man tur atana pawisa phal taka rawn thawh tute - Pu Vanlaltluanga leh Pu Lalthantluanga te chungah  Vawmphunga Sec. hruaitu ten lawmthu kan sawi a, \hahnem ngai taka lam zirte chungah lawmthu kan sawi mawlh mawlh bawk a ni. Items hrang hranga  tha rawn thawh te chungah lawmthu kan sawi e.
   
    Sd/- Secretary
    Vawmphunga Sec.

Saichhuma Section
    Phal tak lengkhawm zir nana a in min hmantir tuPu Biakthanga leh Pu R. Hmingthansiama te chhungkua chungah kan va lawm em. Hei mai bakah eitur tuihnai tak tak min hlui reng bawk a. An chungah Section YMA chuan lawmthu kan sawi tak meuh meuh a ni.

Sd/- Secretary

Buala Section
    Pu R. Lalngheta’n kan Section min chhuahsan tak avangin ngaihhrui nan Volleyball leh net \hatak mai min pe a, a chungah Section YMA chuan lawmthu a sawi tak meuh meuh a ni.
    Tin, Sikpui Kut a Section aiawh a theihna leh hunhlu tak senga hlantu zawng zawng te chungah thinlung takin lawmthu kan sawi tak meuh meuh a, hetiang hun a lo la thleng leh a nih pawhin theihtawp a \an la zual deuh deuh turin kan inngen tel nghal bawk e.
Sd/- Secretary

Kapdaia Section
    Nov. ni 16 (Thawh\anni) khian kawngba samfai a hnatlang neih tur a ni a, zing dar 9:00 ah Central Workshop ah innghahkhawm tur a ni.
    Hnatlang tur ten chaw fun vek tur a ni a, a hmeh chu Section in a tum ang. Chhungtin a\angin pakhat tal thawkchhuak turin kan in ngen e.
Sd/- Secretary

YMA dinhmun tlangpui
1) YMA Branch awm zawng zawng - 804
2) YMA Group awm zat - 46
3) YMA Sub-Headquarter awm zat - 5
4) YMA Member Zat - 4,04,535
     Mipa - 2,47,711    Hmeichhia - 1,56,824

CHHIARTUTE NGAIHDAN :

@@    Vengthlang |helretkawn lama chawlhni tin mai a Ar insualtir \hin tute hian an lirthei te hi a bul Biakin tana hnawksak in an dah \hin a. Tin, hetiang Ar insual tir \hin na hmun hi mi veng in an lo duh vak loh a ni a, kan veng pawhin hman deuh khan kan lo duh tawh lova, kan duh thar leh ta em ni? Enfel ava \ha em.... Thil pawi leh \ha lo zawk a thlen hma hian tihtawp ava \ul ve.. Hetiang thil lo dawngsawngtu nih pawh hi ava \halo em !!!
    - Vengthlang Pa

@@    |halai te kan va pawimawh em!!! Tunah pawh kan \halai ten veng hming an chawi vul leh mek a, |halai te u, a \ha zawngin hmalam pan zel teh u....
-|halai lawm a
 

Lawrkhawm chhunzawmna...

2015 Sikpui Kut
     Sikpui Kut Football inelna chu nov. ni 7, 2015(Inrinni) khan \an a ni a, Buala B leh Damvea B te in khelin Buala Section te hi 1-0 in an chak a. hemi hnu hian Saichhuma B leh Kapdaia A te an in khel ve leh a, Kapdaia Section ten hnehna changin 13-0 in an chak a. Match hnuhnung berah Damvea A in Vawmphunga B chu 5-1 in an hneh bawk. Nov. ni 11, 2015 (Nilaini) khan match neih leh a ni a, a hmasa berah Buala A in 7-0 in Damvea A an hneh a, Saichhuma A leh Lalsavunga A in khel ve leh in Saichhuma te hian 4-2 in hnehna an chang bawk. Match hnuhnung berah Vawmphunga A in Buala B chu 1-0 in an hneh bawk.
    Nov. ni 12, 2015(Ningani) khan Semi final khel zui lehnghal a ni a, Match hmasa zawkah Buala A in Kapdaia A chu 2-0 in an hneh a, hemi hnu hian Saichhuma A leh Vawmphunga A te in khel zui ve leh in Saichhuma A hi 2-1 in hnehna an chang ve leh bawk. Heti hian Buala A leh Saichuma A ten Final an lut ta a ni. Final hi Nov. ni 14, 2015(Inrinni) ah khelh a ni.
    He Football intihsiakna ah hian thilthleng duh awmlo sawi tur em em awm lovin match tin hi khelh a ni a, player khawsa zia a mawi tlangin Section hruaitu ten an vil hneh hle bawk. Tin, entu mipui lam pawh an \hahnem \hin hle a, hei hian Football kan la hlutzia a pholang chiang hle. He Football inelna hi Knock Out System a khelh a ni.
    Sikpui Kut kharna hun hi Nov. ni 14, 2015(Inrinni) ah chhun leh zan lamah hman a ni a, chhun lamah Hlimen Playgroud ah in elna chi hrang hrang - Musical Chair(hmeichhe pual), Lung den(Mipa leh hmeichhia- Section aiawh mi pahnih ve ve), Inhruipawh(Mipa & Hmeichhia- team khatah mi 8 zel), Insaihruaipawh(Mipa pual), Spoon Race(Hmeichhe pual) leh Needle race (Hmeichhe pual) te neih a ni a, hmeichhe pual hi Section tin a\angin mi pahnih tan zel a ni a, insaihruipawh pawh hi section aiawh mi pahnih tan a ni bawk.
    Tin, zanlamah a kharna (Closing Function) hi YMA Hall-ah hman tur a ruahman ani a, lengkhawmzai intihsiakna a awm a, he chanchinbu buatsaih lai hian hun hman dan/result kimchang erawh  hriat hman a ni lo.

Sahmulphah thla Ni 7, 2015, Issue No. 45

PAGE - 1

TUALCHHUNG :

Damlo:  Pu N. Siamliana Vawmphunga Sec. a mi chu thawhah avangin hun engemaw chen damdawiin lamah enkawl a nih hnuin inlamah enkawl chunzawm turin a lo chhuak leh ta.

London ah Training:  Pu Lalengmawia S/o Lalchhawna, Buala Sec. a mi chu Inner Healing and Deliverence Councelling chung chang Training, Pierpond London, UK a Oct. ni 15, 2015 a  neih \anah Ellel Ministry International Sponsor in a thang mek a. He Training hian March ni 18, 2016 thleng a awh dawn a ni.
    Tluang tak leh \ha taka a Training theih nan leh training a zawh lamah pawh Pathian leh ram tana rawngbawltu \ha tak a nih zel theih nan duhsakna kan hlan e.

Kawng Blacktop:  PWD ten Melthum Quarry bul a\anga vengchhak lam panchhohna kawng an Blacktop chu High School peng an thleng tawh a, a bik takin helai a kalte an lawm tak zet zet a ni. Chutihrualin, he kawng hi dim a, rod chhut mar nan, lung bun nan etc.. a hmang lo tur leh enkawl uluk turin ngen kan ni e.

Hlimkhawpui Office sawn:  Hlimkhawpui chanchinbu buatsaihna hmun - Hlimkhawpui Office chu a hmun a tet avang leh fur laiin hmuar leh hnawngin min tihbuai \hin avangin hmun zau leh hul \ha, Electric Bill Counter bulah Nov. ni 5, 2015 ( Zirtawpni) khan insawn luh fel a ni ta.
   
Kan puar e :  Hlimkhawpui chanchinbu Editor-In-chief a nih laia mual liam ta- Pu R. Lalmuankima thihcham  vawi 10 na (Nov. ni 10) pualin a chhungte chuan Hlimkhawpui buatsaihna a eitur lei nan pawisa min rawn pe a, arsa tuihnai tak ei ho a ni a, an chungah kan lawm takzet zet e.

MBL khel :  Hlimen Shuttlers te chu Nov. ni 6, 2015(Inrinni) zan hian Electric veng Indoor Stadium ah Kulikawn nen an in khel a, he chanchinbu buatsaih lai hian result kimchang hriat hman a ni lo.
    Kan veng Player te hi a tam thei ang berin \awiawm \hin turin hruaitu ten min ngen tak meuh a ni.

Electric Bill pek hun :  Electric Bill pekna kan veng counter chu tun thla chhung atan ni 19 leh ni 20 ah hawn a ni dawn a. Mipuite kan in hriattir e

FRONT :

HLIMEN BRANCH YMA COMMITTEE THUREL

     Nov. ni 3, 2015 (Thawhlehni) zan khan Hlimen Branch YMA Exe-Committee vawi 10 na YMA Hall-ah neih a ni a. Hemi huna thurel mipuite hriat atana pawimawh zual chu heng ahnuai a tarlan hi a ni e :-
1. Gen. Conference thlirletna : YMA gen. Conference vawi 70-na Bairabi a neih zawh tak chu thlirletna hun hlimawm tak neih a ni a. Kan Branch Nominate Pu R.Lalngheta thlantlin a ni chu Committee chuan lawmawm a ti hle. Tin, Pu Lalhmuchhuaka, Treasurer chu Central Executive Committee (CEC) atan ruat a nih thu hriat a ni a, committee chu a lawm hle bawk.
2. Sikpui Kut chung chang : Sikpui Kut Programme chu hetiang hian ruahman a ni.
Nov. ni 7, 2015 (Inrinni) ah Sikpui kut hawnna leh Football inelna Hlimen Playground ah neih nise, hetiang hian Programme siam a ni.
    Chairman    :    Pu Lalhmuchhuaka Trea.
    Kut hawngtu    :    Pu John Kima, Vice Pre. MSSC
    Item    :    Football inelna
Nov. ni 13, 2015(Zirtawpni)  Dar 10:00 am hian Hlimen Playground ah nilenga hun hman nise, hetiang hian Programme siam a ni:
    Chairman    :    Pu Robuanga Vice Pre.
    Hunserh    :    Pu Lalrinchhana, Commt. Mem
Hemi ni hian Item hrang hrang - Cultural dance, Inhruipawh(Tug Of War), In saihruipawh, Lungden, Spoon race, Needle race, Musical chair leh Football final neih nise tih a ni a .Closing Function chu hemi zan vek hian YMA Hall ah neih a ni anga, hetiang hian Programme siam a ni:
    Chairman    :    Pu Vanlaltluanga Pre.
    Hunserh    :    Pu Zoramhmangaiha, Commt. Mem
    Items    :     Lengkhawm zai intihsiak
    Solo    :    Miriam Zodinsangi (Ist. YMA Idol  2015)
            Lalramnghaki (2nd. YMA Idol 2015)
            Laltlannungi (3rd. YMA Idol 2015)
    Thusawi tawi    :    Pu R. Lalngheta Asst. Secy. CYMA
    Vote Of thanks    :    Tv. R. Lalawmpuia Asst. Secy.
( Nov. ni 13 hi MBL kan vengin an khelh hun a nih avangin a hun chungchang hi sawi\hat a ni a, he chanchinbu buatsaih lai hian hriatchian hman ani lo.)
3. CYMA Sub - Committee Member ruat : CYMA hnuaia Sub-Committee peng hrang hrang a awm tur member pathum ruat tur an rawn tih angin heng mite hi ruat an ni : 1) Pu Lalhmunsiama 2) Pu Lalrinmawia 3) Nl. Zochuanpuii.
4. Dawr siam chung chang: Saichhuma Section ten Sikpui kut a dawr siam an rawn dilna chu pawmsak a ni.
5. Buala Section dilna: Buala Section ten Sikpui Kut ahak tur Mizo thuam hawh an rawn dil chu phalsak an ni.
6. 2016 hruaitu thlan chungchang: Hlimen Branch YMA 2016 hruaitu thlan hi Dec. ni 11, 2015 ah neih nise, mi 6 thlan chhuah tur a ni ang. Programme leh \uldang te chu OB te kut ah dah a ni.

PAGE - 2

EDITORIAL :

DIKNA LEH RINAWMNA
    Dik kan tum em em laiin ham\hatna tura han dik loh zuaih pawi kan ti lo \hin a, rinawm taka nun kan tum laiin kan hlawkna turin rinawmna dah\hat mai kan hreh lo \hin a, thil \ha tih kan tum laiin chhuanlam fahrah te te avangin \hulh leh mai kan duh \hin. Hlawhtlinna pawchhuak ngei tura kan beih ve laiin mi \henkhat hlawhchhamna avangin tawpsan mai kan duh rum rum \hin a ni. Hetiang thinlung hi kan hmelma, kan hneh ngei ngei tur a va ni chiang em!!
    Pathian lama kan rinawmna hi pawn lamah a lanchhuah ngei ngei a ngai a. Mahni hna-ah te, midang hna kan thawhna-ah te, sorkar hna kan thawhna etc.. ah te rinawmna leh dikna kan vawn reng a \ul.
    Sorkar a\ang \anpuina pawh hi kan hmuh chhan ang taka kan hman \hin a \ha. Thawklo thawka insawi te, a hmanna tur nilova kan pawisa dawn kan hmang \hin te hi thil pawi tak a ni. Tin, sum lakluh dan kan inchhutsak pawha pawisa neih dan a mak em em tih tur hi an awm ta nual mai bawk, a zia lo hle a ni. Min hmutu leh kan thil tih mek lai min hriatpuitu hmuh theiha an awm mai loh hian rinawmna hian hmun a chang zim \hin khawp mai a, Pathian pawh kan zah zo \hin lo a ni.
    Mipuitling teh nan pawh hian rinawmna leh dikna hi tehfung pawimawh leh rintlak ber a ni hial awm e. Rinawmna leh dikna hi mihringte siam puitlingtu niin kan mihrin chhunga siamtuin kan tihtur dik tak min ruatsak leh kan hlen ngei tur niin a lang. Dikna awmphaw inbela, rinawmna a inthuam a, thinlung thianghlim leh rilru \ha pu mi nih tum tlat ila, chu chu Pathian duh dan leh PIANGTHAR zia tur chu a ni. Hetiang nun hi kan neih phawt chuan engmahin min tichhe ngai lovang.

ZIAKTUTE HUANG :

(Hlimkhawpui Editor In Chief a nih laia mual minliamsan ta Pu R.Lalmuankima thihcham vawi 10 na pualin a thuziak tam tak min hnutchhiah zing a mi kan han tarlang a ni e.)

Damlai lungphun
    Khawvel hnam hrang hrangte hian  Thlanlung phun hi kan ngaipawimawh hle a, ngunthluk taka ngaihtuah erawh chuan kan damlai ngei hian kan damlai thlan kan lo phun a ni zawk fo. Thlanlung phunah thuziak lungkuai tak tak leh, an damlai a an thil tih\hatte kan ziak kur ngei nguai thin a. Chutih rualin ziahtam leh thumawi avanga mite hriat reng erawh kan hlawh lem lo.
    US President John F. Kenedy-a thlanlung-ah chuan, “John F.Kenedy, USA President 36-na” tih chauh a inziak a. Chutih rual chuan khawvel hmun hrang hrang a\angin khualzin ten a thlan hmuh chakin an tlawh kurzut reng zawk a ni. A thlanah ziak sei lo mah se, Kenedy-a hian a damlai thiltih hmangin mite thinlungah thu a ziaktam hle a; chumi avang chuan miten a thlan thuziak tawite-ah thu tam tak an lochhiar zawk a ni.
    Chutiang bawkin thu leh hla vanzawl a Hmar Arsi ang kalh a êng William Shakespere-a te, kan mizo thu leh hla kungpui Zikpuii Pa te chuan he khawvel an cham chhung khan mite thinlungah thu tam tak an lo ziah avangin thi tawh mah se an nung reng a ni.
    Khual zinna ram, he khawvel kan cham chhung hian kan nun leh thiltih hmangin mite thinlungah thu kan ziak reng mai a lo ni a, kan ziahdan erawh a inang lo thei hle awm e.

THINLUNG
    Khawvel michak ber pawhin a hneh theih loh chu A thinlung a ni a. Pasal\hate tudawltu leh Mi tumruhte tum thulhtirtu chu he ‘thinlung’ bawk hi a ni. A mah avangin khawvel buaina leh inremna te, tharum thawhna leh dawhtheihna te a lo piang a ni.
    A thinlung mizia langchhuak ang angin mihringte hi kan nungin kan che vel mai mai a lo ni. Chu thinlung zia chuan nihna leh dinhmun thlir hmaihin Chapona tlangchhipah min chuantir a, sual kawng zawh tura thahrui tichaktu a ni fan reng a ni.
    Chu thinlung vek chuan \ha lam kawng zawh turin pheikhai a tizang a, mi\ha leh nuntluangte chawimawina Nopui dawmtirtu pawh he thinlung bawk hi a ni.
    Nikhat thil thu a chhun leh zan, zing leh tlai a awm ang hian he thinlung hian ze nghet leh mumal nei lovin, mit khawhmuh leh beng a hriatna te, a tawn hriat leh ngaihtuahna ram,  a chenna hmun a zira langchhuak mai thin a va ni em!!
    Chu thinlung mihringte nungchang siamtu leh thawnthu sei tak phuahtu chu hneha ngamtu ni thei theuh ila, sual do a, thisen chhuak khawpa \an a ngai lo tur.

PAGE - 3

HRIATTIRNA :

Local Council lawmthu
    Oct. ni 31, 2015 a faina beihpui thlak a vantlang hnatlang koh a thawkchhuak zawng zawng te chungah lawmthu kan sawi tak meuh meuh a, tin, hnatlang ngaipawimawh si, thawkchhuak ve hman lo ten hnatlang ngaipawimawh a phatna an pe \ha em em te kha a lawmawm hle. Tin, bawlhhlawh paih nan  leh a \ul ang ang thawk tur a Pi Zamliani leh Pu Lalrinsanga ten an lirthei an thawhchhuah pui avangin hnatlang hna a sawt em em a, lawmthu kan sawi bawk.
    Khawtlang inlungrual lehzual nan mitin ten Local Council koh a ni  emaw Branch YMA koh a ni emaw vantlang hnatlang ngai pawimawh deuh deuh turin kan in sawm nghal bawk e.

Sd/- Lalhmingliana Chairman. LC

UPHC HRIATTIRNA
1. Inentir tur ten inentirna lehkha hlui leh damdawi in danga inentirna pawh ken tel \hin tur a ni.
2. T.B/ Khak entir duh tan thlatin chawlhkar 2na leh 4na thawh\anni-ah chauh a tih theih.
3. Kum 30 chin chunglam tan san zawng, rih zawng leh RBS (Zunthlum) te lehkha lak rualin tih vek tur a ni.
    In entir hun leh rate hranghrang te :-
1. OPD Card lak man        : ` 10
2. Inentir hun          : Thawh\anni - Zirtawpni
                    (Dar 9:30 Am - 12:00 Noon)
               Inrinni (dar 9:30 Am - 11:00 Am)
3. Raipuar inentir ni : Ningani a piangin
4. H.I.V. Test ni       : Ningani a piangin
5. Dressing hun      : Thawh\anni - Pathianni
                        (Dar 6:00 Am - 8:00 Am)
6. Test theih te :
    1) Blood MP    -    Free
    2) T.B. (Khak)    -    Free
    3) Urine R/E    -    ` 10
    4) Ek Exam    -    ` 10
    5) H.B.    -    ` 10
    6) H.I.V.    -    ` 10
    7) Pregnancy    -    ` 50
    8) RBS (Blood Sugar)    -    ` 30
    9) Hepatitis B (HBsAg)    -    ` 100
    10) Hepatitis C    -    ` 150
    11) Scrub Typhus
          (Rannung seh)    -    ` 300
7. Copper -T a dah theih reng bawk e.

Hlimkhawpui HRIATTIRNA
Kan hmalawk a AMC inthlan lo awm tur ah Hlimkhawpui chanchinbu kaltlang a Party in chirhthehna leh mahni party infakmawina lam thil reng reng chu chhuah a ni dawn lo tih kan in hriattir lawk a ni e.
-Hlimkhawpui Editorial Board

LAWRKHAWM :

Faina hapta pual hnatlang
    Oct. ni 31, 2015(Inrinni) nileng khan Kum 2015 Faina Hapta pual a vantlang hnatlang Local Council te an ko va, mi 400 chuang an thawkchhuak a ni. Thawkchhuak hmanlo, pha mi engemawzat an awm bawk.
    Hnatlangpui hi vengchhungah chhiattawk an awm avangin a hun hi sawn hlat a ni tawh nghe nghe. He hnatlangah hian  vengchhung hmun hrang hrangah insem darh a  ni a, Damveng lamah kawngpui dung phiah fai niin kawngba- hmun\henkhat lai a mi tihfai a ni a, tin, venglai side drain hai fai niin thlanmual kawi kawngba sam fai a ni a, kawngpui dung phiah a ni a bawk. Vengthlang lam pawh kawngpui phiah fai niin Mualzawl leh |helretkawn inkar kawngba sam fai a ni a, High School veng lamah kawngba sam fai a ni a, chubakah Quarry lamah pawh kawngba thui tak sam fai a ni.
    Tin, hemi ni vek hian Quarry chim area ah Electric ban 6 phun thar nghal a ni a, high school veng lamah pawh thirban 2 phun nghal a ni bawk a, |helretkawn ah pawh ban phunna tur laih a ni bawk. He hnatlangah hian a \ul apianga hman turin Pu Lalhmingliana Chairman LC chuan a JCB leh motor dang a thawhchhuah pui a,  Pi Zamliani leh Pu Lalrinsanga ten an Motor an thawhchhuah pui bawk. Local Council ten hnatlang pha bawk si lo, thawk bawk si lo chu ` 200/- in an run dawn a, runna pe   duh lo te chu Local Council a\angin recomment pek an nih loh tur thu kan dawng.

Food Security chungchang
    Tunlaiin Food & Civil Supply Dept. hnuaiah Food Security chungchang buaipui mek a ni a,  List hrang 4 awmin AAY, Priority Household te hi thlan chhuah ngai an ni a, hetih lai hian BPL tih \hin kha a awm tawh lo thung.  Kan vengah hian Dept. lam record a\angin mi 3035 kan awm a, heng zing a\ang hian mi 1291(Chhungkua ni lovin) hi thlanchhuah tur an ni a, thlan chhhuah awm tak a lang thlan ni silo te hi KYC Form tihngai hnuhnung ber a engmah buaipui ta lo kan nih avangin Dept. lam a\anga List tihchhuah thar ah tarlan loh an nih avangin thlan theih loh (State Unique  RC ID Code neilo) engemaw zat kan awm a ni.

Electric LT line siam
    Nov. ni 4, 2015 (Nilaini) khan Thlanmual-I kawngchung Electric Line hrui chu a thar a thlak a ni a, tin, Pu R. Hrangkhuma kawmchhak a a ban tluk hlauhawm tak chu phun \hat a ni a, he hna hi Distribution Sub-Div- I , P&E ten rawn khawih in Pu Zotea JE in a rawn ho a, Local Council ten lo \awiawmin zanriah an lo buatsaih sak bawk.

U.P.H.C. REPORT
    Oct. ni 26 -  6,  nov, 2015 chhunga Urban Primary Health Centre, Hlimen report :-
1. Inentir zat (OPD)  -  343        2. Naupai en zat -  17
3. Kum 6 hnuai lam en zat - 79        4. Nau piang zat - Nil        5. Emergency - 4        6. In Patient - 2        7. Dressing - 11

AMC inthlan hnai
    Nov. ni 26, 2015 hian AMC inthlan a lo awm leh dawn ta a, kan Ward , Ward no. XIX ah hian candidate 3 awmin chung te chu - Pu R.Lalchhuanawma, Kulikawn (INC), Pu Lianbuanga, Melthum (NDA) leh Pu Er.C. Lalthansanga, Tlangnuam (MNF) te an ni.

PAGE - 4

KEIMAHNI :

Hlimkhawpui Budget
    Hlimkhawpui  2015  Sept. & Oct.  thla Budget  pe tla tawh te:
1.    Kapdaia Sec.    2.  Lalsavunga Sec.
3.     Vawmphunga Sec.    4. Buala Sec.
5.    Damvea Sec.
    Tin, Lalsavunga Section te hian Nov. & Dec. thla Budget an tlak fel ta bawk.

Buala Section
    Pu Rothuama’n Section tana ` 50,000/- a hlan hmangin Nov. ni 2, 2015 khan Keyboard, Combo leh Accesories ( Jack & Cable, Keyboard Stand etc...) dang te lei a ni ta a, cheng singli leh sangriat vel senral nghal a ni a, a bang hian Combo tuamna tur etc.. te siam zel tum a ni. Hetianga khawtlang tana pawimawh tak bungrua lei nan a Pu Rothuama’n thilpek hlu tak min pe hi kan lawm em em a, an chhungkaw chungah lawmthu kan sawi tak meuh meuh a ni. Tin,bungraw lei ni a an hun leh tha hlutak sengtu Tv. Lalruatkima leh Tv. Lalkhawmawia te chungah lawmthu kan sawi bawk e.
    Tin, Nov. ni 10, 2015 (Thawhlehni) zan dar 7 hian YMA Hall lengkhawm hla zir tur a ni a, tin, Nov. ni 11, 2015 (Nilaini) zan ah YMA Hall ah tho hnam lam zir leh tur a ni a, member te kim taka kalturin kan in hriattir e.
Sd/- Secretary

Vawmphunga Section
    Vawmphunga Sec. YMA Member ten Nov. ni 9, 2015 (Thawh\anni) zan inkhawm banah lam zir leh tur a ni a, zirna hmun ngaiah a ni ang. Member a tam thei ang ber lam zir tur hian hruaitu ten an sawm che u a ni e.

Kapdaia Section
    1. Nov. ni 11, 2015 (Pathianni) tlai dar 3 ah Pu Lalthlamuana te inruakah Sikpui kut a intihsiakna tur lengkhawm zai hla zir tur a ni a, member te kim taka kal turin kan in hriattir e.
2. Nov. ni 11, 2015(Nilaini) hian Section Godown \hian leh bungraw senghawi hnatlang neih tur a ni a, member ten i ngai pawimawh ang u.
3. Nov. ni 13, 2015(Zirtawpni) a Sikpui Kut hman tur ah member atam thei ang ber kal turin kan in ngen e.

Saichhuma section
    Pu Lal\anpuia (|-a) chuan Sikpui Kut Football tournament a hman tur ball lei nan ` 1000 section YMA  a rawn pe a, a chungah Section YMA chuan lawmthu an sawi tak zet a ni.
    Tin, Nov. ni 11, 2015 zan hian Lengkhawm hla Pu Biakthanga te inah zir tur a ni a, kim taka kal turin kan in ngen e.

Sikpui kut inbuatsaihna
    2015 Sikpui Kut lo awm tur atan Section tin te an inbuatsaih nasa chho \an hle a, zan lama hla zir leh  hnam lam zir thawm hriat tur a awm \an ta.

CHHIARTUTE NGAIHDAN :

@@    Chhiattawk(Thihna) chhungkua kan tam ta malh malh hle a, heng nikhua hian YMA lawmthu kan hrilh deuh vek \hin a, mahse, YMA ten tih leh tih loh tur an tih te tuipui zui kan tam lo hle. Mi \anpui nih chauh duhtu; \anpuitu nih tum silo kan tam vang em ni ang?
- |anpuitu nih duhtu

Lawrkhawm chhunzawmna....

Hlimen Shuttlers fans nite cum  kick-off hun hman a ni

     Mizoram Badminton League kan veng Hlimen Shuttlers in a khelh tur chu Nov. ni 4, 2015 (Nilaini) zan khan Mualzawlah Kick-Off Cum Fans Nite hman a ni.
    He hunah hian Pu Lalrinmawia President G&SA chu Chairman a ni a. He Programme ah hian Pu R.Lalngheta Asst. Secretary CYMA chu khuallian a ni. Pi Zonunkimi President MHIP chuan hunserh hmangin Tv. Zosangzuala Comtt. Member Fans Club in zei takin a Host a ni. Khuallian Pu R.Lalngheta’n Jersey tlangzarh leh thusawina hun a hmang a, Hlimen Shuttlers Player te \awng\aisakna hun Rev. Vanlalvena chuan a hmang bawk a ni.
    Pu Lalhmuchhuaka Treasurer Hlimen Branch YMA chuan Kick-off hun a hmang a, Badminton Racket in Shuttle Cock pasarih stage a\angin a vaw chhuak a ni. Tin, tleirawl lam thiam tak tak lam en tur a awm bawk a, zaihthiam - Nl. Lalruatdiki, Pu Laltleipuia, Nl. DJ Lalvenkimi leh Pu Michael M.Sailo ten zaiin kalkhawm mipuite an awi bawk a ni. Tin, fiamthu thiam Lalnunpuia Buala Sec. bakah Commedian Search a Top 10 a mi Ch.Lalmuanpuia leh Zoremmawia ten kalkhawm te min chawkhlim bawk a ni.
    Tv. Lalkhawmawia, Comtt. Member Fans Club chuan Player te inhmelhriattirna leh chawimawina hun a hmang a, Pu Lalrindika, Team Manager chuan Fans Jersey  tlangzarhna hun a hmang bawk a ni. Hun tawp lamah Tv. R.Lalawmpuia, Treasurer G&SA chuan lawmthu sawina hun a hmang a ni.
 
Sikpui kut football Order of Match
     Hetiang hi Sikpui kut lo awm tur atana Football  Tournament Order Of match a ni e.
Nov. 7. 2015(Inrinni) :
1. Buala ‘B’ Vs Damvea ‘B’ ( 10:30am)
2. Kapdaia ‘A’ Vs Saichhuma ‘B’
3. Vawmphunga ‘B’ Vs Damvea ‘A’
4. Lalsavunga Vs Kapdaia ‘B’
Nov. 9. 2015 (Thawh\anni): 2:30pm
1. Winner of match 3 Vs Buala ‘A’
Nov. 10. 2015(Thawhlehni) : 2:30pm
1. Winner of match 1 Vs Vawmphunga ‘A’
Nov. 11. 2015 (Nilaini): 2:30pm
1. Winner of match 4 Vs Saichhuma ‘A’
Nov. 12. 2015 (Ningani): 1:30pm
1. Winner of match 2 Vs Winner of Match 5
1. Winner of match 6 Vs Winner of Match 7
Final hun hi rel\hat a nih dawn avangin sawi chian theih ala ni lo.