Pawltlak thla Ni 19, 2015, Issue No. 51

PAGE - 1

TUALCHHÛNG :

Damlo: Pu Lalkunga H/o Lalhmunpuii Saichhuma Sec. chu taksa chaklohna hrang hrang avangin hun engemaw chen a\ang khan New Life Hospital-ah enkawl a ni.

Tuak thar:  Lalruatfela S/o Ramsangliana Damvea Sec. a mi leh C. Ramsangzeli Bawngkawn veng te chuan Dec. ni 18, 2015(Zirtawpni) ni khan damchhunga ni nupa ni turin ‘tiam tlat e’ an ti.

@@    Lalsiamkima S/o N. Zodinpuia Vawmphunga Sec. leh Lalruatpuii Samtlang te chu Dec. ni 16, 2015 ( Nilaini) khan damchhunga nupa ni turin an innei.

Khawmpui hmang: Mizoram Presbyterian Kohhran Synod khawmpui chu Dec. ni 8-13, 2015 hmang khan Tuikual Presbyterian Kohhranah neih a ni a, Hlimen a\ang pawhin khawmpui palai engemawzat an kal.
    Tin, Tun Pathianni hmang khan Isua Krista Kohhran te chuan Mamit ah Assembly an nei a, kan veng a\ang pawhin engemaw zat an kal a, tluang takin an lo haw leh ta. Palai te hlawkthlak an ti hle.

Vengchei pualin: Kumin hunpui denchhenin Vengchei Committee in Quarry chim chei hna a thawh chu kalpui zel a ni a. Theih ang angin sum tuak a  niin mi tlawmngai ten an thawh zel bawk a.  Heng bakah hian Vengchei pual hian chhungtinah vehbur khawn mek a ni a, tlawmngaih chhuaha remchan ang tawk a khawntute hnenah lo pe hram turin hruaitu ten min ngen tak zet zet bawk a ni.
    Tin, vehbur khawntute pawhin tun Pathianni ral hma hian Treasurer Nl. Zochuanpuii leh Asst. Secretary Pu R.Lal\anpuia hnenah thehluh tum ila a \ha ang e.

Duty ngawrh dawn: Kumin Krismas leh kumthar vuakvet velah kan khawtlang ralmuang taka kan awm theih nan JAC te chuan duty ngawrh an tum hle. Tin, Damveng Welfare leh High School Veng Welfare te pawh ngawrh taka Duty turin an in buatsaih nasa hle niin thu kan dawng.

FRONT :

VENGCHEI HAWNNA NEIH A NI DAWN
‘Hlimen nite’
    Hlimen Branch YMA hmalakna in Vengchei chu nasa taka kalpui mek zel a ni a, a vawrtawp a thleng chho \an ta. Kan hriat \heuh angin kumin hunpui denchhen hian Quarry chu chei a ni a, hmalakna hmasa ah Design Group ten a tlang/mual an zir chianga, hemi hnu hian JCB- tha chakna hmanga  a hmun hma nasa tak laih niin kawng a lai thlur sung a, kawng hi inkalpawh theih vek a laih a ni nghe nghe. Hemi hnu hian vantlang hnatlanga mau put  a ni leh a ni.  Tichuan, Vengchei Committee in Section tin te an chei tur area an sem ah hmalak chhoh nghal char char a ni a, he Vengchei hi Theme nei a ni a, Venglai lam a\anga pan chhohna kawng hi ‘khawchhak mifing te kawng’ niin he lai hi Buala Section ten an khawih a, hemi kawng hi chho zelin a chhip zawl a pawh chho a, a chhip zawl  rai lai hi ‘ A pianna hmun’ niin Damvea Section leh Saichhuma Section ten  an chei bawk.
    Helai a\ang hian chhuk thlain he kawng hi ‘Berampute kawng’ a ni leh a, he kawng hian kawngpui pawh thla lehin Venglai lamah in her chho leh in Zuangzawl-ah a lut kual leh a, helai hmun hi ‘Heroda hmun’ a ni ve thung a, helai hmun leh kawngpui kam hi Vawmphunga leh Lalsavunga Section ten an khawih ve thung. Heng bak a \ul dangte- Main Gate, kawngpui kam \hutthleng etc. te hi Vengchei Committee leh Branch Committee ten an khawih ve thung.
    Sum leh pai duhthusam a hman tur a awmlo chungin theih ang tawka chei a ni a, a hautakin hnatlang tha sen zat hi  chhinchhiah fel awm chiah lo mah se tha sangkhat chuang a lut tawh ni a chhut a ni. Dec. ni 21, 2015(Thawh\anni) zan dar 7:30 hian hawn tur a ruahman niin hetiang hian Programme duan a ni. Khuallian atan hian Pu PC. Lalthanliana Minister L.A.D beisei a ni.
    A hun    :    Dt. 21, 12, 2015 (Thawh\anni) zan dar 7:30
    A hmun    :    Hlimen Quarry
    Chairman    :    Pu Lalhmuchhuaka, Chairman Vengchei Comtt.
    Hunserh    :    Pu Lalrinchhana BYMA Exe. Comtt. Member
    Report    :    Pu H. Ralkapthanga, Secretary Vengchei Comtt.
    Sunna    :    Chairman kutah
    Solo    :    Nl. Lalruatdiki
    Thusawi    :    Pu PC. Lalthanliana, Minister L.A.D Etc.
    Solo    :    1. Pu Laltleipuia
            2. Nl. Miriam Zodinsangi
            3. Nl. Laltlannungi
            4. Nl. Lalthansangi
            5. Guest Artist(s)
    Khuallian Pu PC Lalthanliana L.A.D Minister- in Main Gate-ah Ribbon chep chata a hawn hnu hian Gate chhungah lutin hmun hma te fankual a ni anga, Quarry tawp lamah chhuk thlain Zuangzawlah Programme hman chhunzawm a ni ang.    

PAGE - 2

EDITORIAL :

THAWHHONA |HA NEI TURIN
    Khawvel mihring zawng zawngte te hian chhia leh \ha hriatna kan nei a nih chuan engemaw kawng talin \angkaina kan nei \heuh a. Kawng hrang hrangah thawhhona \ha nei turin kan mimal nun \heuh hi a pawimawh em em a ni. Chutihrualin,  mi chapo leh mahni hmasial kan nih erawh chuan midang tan thawhpui kan harsa hle dawn a ni.
    Mizo Society hi a tlangpuiin awmho nuam ti mi, chhiatni \hatni a inlenpawh hnam kan ni a, pipute a\ang tawhin \henawm khawveng inlenpawh a; a huho a thil ti \hin kan ni.Chuvang chuan vengchhung leh khawtlangah pawl hrang hrang atam hle a, chung pawl hrang hranga va tel a, midang va thawhpui tur kan nih chuan mi hawihhawm tak leh mi inngaitlawm tak kan nih a pawimawh a ni. Hetiang mi kan nih hian midangte nen thawhhona \ha kan nei thei ang.
    Thil tih hona ah mimal \hahnem ngaihna chauh emaw mimal hmalakna emaw chauh hi a tawk \hin lova, kan zavaia \anrual leh inpekna a pawimawh hle a ni. Kan thiltihah kan inphurpui tawn a in\awiawm thiam hi thawhhona \ha nei tur chuan a pawimawh tak zet a ni. Kan tui ve loh mai avanga tel lohte, kan thiam ve loh thil a nih avanga ralbansan maite hi ching lo ila, theihtawp a in\awiawm tawn tum ila; chu chuan kan thawhhona a tichak ngei ang.
    Tin, pawlah chuan memberpui inrel neuh neuh te, midangte tana tel ve nuam lo khawpa \hian inkawmfal bik awm te, mi rilru tina thei zawnga \awngkam hman leh miin a thiam ve tawk leh a theih ve tawk an thil tih lo nuihzat chinte hian thawhhona a tichhe \hin. Chuvangin, vengin hma a sawnna turte leh hmalakna a \huanawm lohna tur chuan kan \anrual a, thawhhona \ha kan neih a ngai a ni. 

####################################

HLIMEN VENG CHEI
EXECUTIVE COMMITTEE THUCHUAK

    Dec. ni 17, 2015( Ningani) zan dar 7:30 khan Local Council Office ah Hlimen Vengchei Committee neih a ni a, Pu Lalhmuchhuaka Chairman in a kaihruai a, Pu H. Ralkapthanga Secretary hnen a\angin Vengchei hmalak tawh dan leh hmalak zel dan tur ngaihthlak a ni a, hmalak zelna tur ah hetiang hian ruahmanna siam a ni.
    Dec. ni 19, 2015(Inrinni) hnatlangpui koh nise tih a ni a, Section tin ten mahni chan \heuhah hmalak nise tih a ni a, hnatlangpui neih ni hian Branch Committee leh Local Council te (Mawhphurhna dang pek loh te) chuan tui leh Road roller hmangin kawngpui dung an lo siam\ha ang. Buala Section chan chhung kawngchho ulh laiah te Step siam tur a ni anga, a chuanhnuaiah Incharge atan Pu Vanlalhruaia a ni ang. A chuan chung zawkah Pu Vanlaltluanga a ni thung ang.  A siam turin member thawkchhuak a\anga in pawhkhawm tur a ni bawk ang.
    Mahni Section huamchhung \heuh ah bawlhhlawh bawm fel tak a khat mai tawkin siam tur a ni.
    Lalsavunga Sec. leh Vawmphunga Sec. ten kawngpui dung thla, kawng sir remchanglaiah te \hutthleng lo siam leh se tih a ni.
    Lungpher hnuaia leivung awm te hi Section mawhphur tute haithlain lo tifai se tih a ni bawk. Lungpher a hrui zen dah belh tur (Kual Ruk) lo ngaihtuah turin Pu R. Lalngheta ruat a ni.
    Decoration Group ten \ul leh pawimawh dangte lo buaipui chhunzawm zel se tih a ni.
    Kumin vengchei ah hian sumdawnna/ dawr siam ti duh ang chi kan awm anih chuan Committee hriatpuina in mipui vantlang tana hnawk lo tur leh ruihtheihthil engchi mah tel lovin tihtheih a ni ang.
    Security chungchangah Section tin te mahni huamchhungah mawh lo phur \heuh se tih a ni.
    A phekhma lama tarlan tawh angin  Dec. ni 21, 2015(Thawh\anni) zan hian Vengchei hawnna neih a ni anga, he hun hi a hmingah ‘Hlimen Nite’ a ni ang.  Hemi zan programme hman tur ah hian hetiang hian mawhphurtu  siam a ni.
1). A hawnna Ribbon leh \uldang buaipui turin Decoration Group ruat a ni a, Khuallian Sakawrbakcheh lo pe turin Nl.  Melody Zodinpuii ruat a ni.
2) Hemi zana Security mawhphurna chu JAC kutah dah a ni.
3. Sound System lama mawh lophur turin heng mite hi ruat an ni- Tv. R. Lalawmpuia, Tv. Lalkhawmawia, Tv. Zonunkima, Tv. Zonunsanga, Pu Lallawmsanga, Tv. R. Lalruatkima. A \ul anga phungbawm pawh lo sawm se tih a ni.
4). Seat Arrangement lo buaipui turin Kapdaia Sec. te ruat an ni a, an Section \hutthleng lo rem se, dawhkan leh Chair a \ul anga lo rem turin Saichhuma Sec. te ruat a ni bawk.
5) A \ul thulha Media te lo kawm tur in Secretary, Vengchei leh Section tin hruaitu (Leader/ Secretary) te lo inbuatsaih tur a ni ang.
6. Vengchei hawnna Programme hman zawh a nih a\ang chuan atlawhtu te hnen a\angin entry Fee mi pakhat ah ` 10/- zel lak tur a ni ang a, Main Gate ah leh Kapdaia Section lama Gate ah te duty in dah tur a ni ang a, Secretary in ruahmanna a lo siam ang.

PAGE - 3

HRIATTIRNA :

Local Council hriattirna
    1. Kristian ten kan hunpui kan lo hnaih leh ta a. Hemi chhung hian vengchhungah lirthei chak lutuk leh midangte ti thlabar thei zawnga khawsa lo turin kan in ngen a. Tin, Kawngpui kama danlo a lirthei dah khap a ni a, dah lui te chungah action lak a ni ang.
    2. Tin, kawngpui tichep leh kawng tihnawk zawnga bungrua engchi mah dah lo turin kan in ngen , ngenna ngaipawimawh lo a, tiluite chungah pawh action lak a ni ang.
    3. Hunpui denchhen hian chhungtinte mahni in leh a vel tihfai uar zual a, remchan anga cheimawi turin kan in ngen bawk e.

Sd/- Lalhmingliana, Chairman. LC

Sipai lak runpui nei dawn 
    Nakum 2016 January ni 20 -24 chhung hian Sipai lak Runpui Rajiv Gandhi Stadium, Mualpui ah nei a ni dawn a, he Sipai lak runpui neih tur ah hian 1.6 Km a thui intlansiak hmanga lak tur a ni a, helama tui mite chuan tun a\anga lo inbuatsaih a tih chi hle ang.
    Tin, hemi chungchanga hriat tur pawimawh dang- thil tel ngai etc. te chu Hlimkhawpui Office ah Office hunchhung Ningni zan leh Zirtawp zanah zawhfiah theih reng a ni e.

Inthlan hun sawn
    Dec. ni 11, 2013 (Zirtawpni) zana 2016 Branch YMA inthlan neih tura tih tawh chu vengchhungah chhiat tawk an awm avangin Dec. ni 29, 2015 (Thawhlehni) zan ah sawn a ni a, R.O leh PO a ruat te leh Member te kan inhriattir a ni e.

Bo chhar
    Tarmit 2 leh Tiffin Box chhara ni a, a tibo chuan a awmdan chiang taka sawiin Pu R. Zoliana, Saichhuma Sec. a mi hnenah arang lama lam tur a ni e.

BPL hriattirna
    A hnuaia Trade hrang hrang te hi kum 18 -35 chin BPL Family tan  UD &PA ah training a dil theih a,  December, 2015 chhungin hrechiang duh chuan Ph No: 9862711985 ah zawhfiah theih niin dilna form lak theih a ni bawk.
1. Mobile Repairing (Cl -X Pass)
2. Computer Hareware (Cl-XII Pass).
3. Computer Software (Cl- IX Pass).
4. Hotel Management (Cl-X Pass).
5. Female Attendant (Cl-VIII Pass).
6. Security Guard (Cl-VIII Pass).  

LAWRKHAWM :

 LPS samari mi|ha
     LPS Samari Mi\ha chuan  Hlimen huamchhunga \anpui ngaite thlangchhuak tura an ngenna angin Hlimen Branch YMA chuan kan venga chhungkaw pali te chu LPS Samari Mi\ha \anpuina dawng turin a thlang chhuak. Dec. ni 16, 2015(Nilaini) khan \anpuina hi hlan an ni tawh nghe nghe.

Lehkhabu tlangzarh
     Nl. Lalrinkimi D/o R. Deng\huama (L) Lalsavunga Sec. a mi in hun engemaw chen a\anga a lo sual tawh, a lehkhabu ziah ‘ Chênghnêmi’ tih chu Dec. ni 10, 2015 khan tlangzarh a ni  ta. Tlangzarhna inkhawm hi Pu F. Malsawma Ex- Minister te inah hman niin Mizo Academy Of Letter (MAL) President Pu Lalthangfala Sailo chuan lehkhabu hi a tlangzarh a ni.
    Lekhabu buatsaih hi thil harsa tak a nih tehlul nen kan veng nula ngeiin hetiang lehkhabu belh chian tlak a’n buatsaih thei hi a fakawm tak zet zet a, a entawn tlak hle a ni. Tin, Nl. Lalrinkimi hian kum 2013 khan a lehkhabu ziah ‘ Zonunmawia’ tih chu a lo tlangzarh tawh bawk a ni. Tuna a lehkhabu ziah  ‘Chênghnêmi’ hi lehkhabu dawr hrang hrang leh ama hnenah
` 150/- in lei theih reng a ni a, dawr \heuh tum ila a \ha ange.

U.P.H.C. REPORT
    Nov. ni 23 -  18,  Dec, 2015 chhunga Urban Primary Health Centre, Hlimen report :-
    1. Inentir zat (OPD)  - 420      
    2. Naupai en zat -  12
    3. Kum 6 hnuai lam en zat - 113                    4. Nau piang zat - 1      
    5. Emergency - 13      
    6. In Patient - 4  
    7. Dressing - 39
    Dec. ni 19, 2015 thleng Doctor rawn theih a ni ang. kumin chhung atan Dec. ni 28 & 29, 2015 (Thawh\anni leh Thawhlehni) ah rawn theih a ni bawk ang.

Vengchei chungchanga hriattirna
    1. Vengchei Area chhung a kawngpui laih zauhah zan riak a Motor engchi mah dah phal a ni lo.
    2. Vengchei huamchhunga thil cheimawi te dimdawi turin kan in ngen a, a bikin electric light ban sawi ching \hin kan awm niin hriat a in a, ti tawh lo turin kan in hriattir e. Tin, vengdang te pawhin min tlawh tura ngaih a nih avangin mawi tak leh \hatak a lo dawngsawng thiam turin kan in ngen a. Veng hmai tibal thei zawng a mi tumah khawsa lo turin kan in ngen nghal bawk e.
    3. Tin, Kan thil eina kawr leh meizial bungte etc. paih darh mai lova, bawlhhlawhbawm a paih ngei zel turin kan in ngen bawk.

Champion
    Nl. Lalmuanawmi D/o R. Lalliantluanga Saichhuma Sec. a mi chu Inter-Village Table Tennis Tournament khelh zawh takah Women’s Single ah a champion. Ani hi Mission Veng Team ah khelin a team te hi a champion pui a ni.
 

PAGE - 4

KEIMAHNI :

Hlimkhawpui Budget
    Hlimkhawpui  2015  Nov. & Dec.  thla Budget  pe tla tawh te:
1.    Lalsavunga Sec.    2. Kapdaia Sec.
3.     Vawmphunga Sec.    4. Damvea Sec.

Section Nite hmang
    Damvea Section te chuan Dec. ni 17, 2015 (Ningani) zan khan  Section Nite an hmang. He hun hi Damveng Welfare Duty Room, Pu R.Lallianbuka in hnuaiah an hmang a, Leader Pu Lalbiakmawia chuan Programme hi kaihruaiin Tv. Lalnunmawia, Asst.Secretary in hunserh a hmang a, Pu Samson Zorammuana, Secretary hnen a\angin report ngaihthlak a ni bawk.
    He hunah hian Sikpui Kut hman zawh taka Damvea Sec. hminga Medal la te chawimawina hun hman a ni a, tin, kum 2015 chhunga Damvea Sec. Committee leh hnatlang kalkimte hnenah lawmman hlan a ni bawk. Tin, zaithiam - Tv. Lalrempuia, Nl. Laltlankimi leh Nl. Vanlalruati te hnen a\angin zai mawi tak ngaihthlak a ni bawk. Programme hman zawh hian thingpui ruai tuihnai tak kil ho nghal a ni.

YMA in ral
    Ramnghakmawia S/o Lalchungnunga Buala Sec. a mi chu Dec. ni 12, 2015(Inrinni) zan khan ralna hun hman a ni a, ralna tlingkhawm ` 5280/- a chhungte hnenah hlan a ni.
    Tin, hemi zan hian Nghakmawia tuamna puan pahnih chu Branch YMA ah a chhungten a\ul apianga hman atan an hlan bawk. Hetiang a YMA in puan a dawn \hin hi ruang tuam nan leh pawimawh atan \angkai taka hman zel \hin a ni.

Damvea Section lawmthu
    Damvea Section ten Dec. ni 17, 2015 (Ningani) zana Section Nite kan hman taka programme hman nana phal taka an in min hmantirtu Pu R.Lallianbuka te chhungkaw chungah lawmthu kan sawi a. Tlawmngaih chhuah a zai tura sawm ten an rawn tihhlawhtlin theih avangin kan lawm tak zet zet bawk a ni. Tin, Buala Sec. YMA ten phal taka Sound System (Combo) min hman tir avangin kan lawm takzet bawk a, hemi zana member kalkhawm zawng zawngte chungah lawmthu kan sawi tak zet zet bawk e.
    Sd/- Secretary

Lawmman hlan dawn
    Dec. ni 29, 2015 YMA inthlan zanah Hlimkhawpui Budget July - Dec. man pe \ha ber Kapdaia Section hnenah Hlimkhawpui buatsaihtu ten lawmman an pe dawn.

Saichhuma Section
    Pu Sanglawma In leh Pu Zonuntluanga In inkar kawrah bawlhhlawh engchi mah paih phal a ni lova, a paih \hin in awm tih hriat a ni a, paih tawh lo tura hriattir in ni e.
Sd/- Secretary  

CHHIARTUTE NGAIHDAN :

@@    Ran khuahkhirhna dan kha hlih a ni ta em ni? Tunlai chu chhun leh zan lamahte, zing lam thlengin ui khuahkhirh loh an vak leh ta dul dul mai. Dan hi hlih a nih si loh chuan ui vulhtu ten an khuahkhirh theih nan an ui in lama enkawl turin hma lak mai a va \ul ta em!!
-Ui Ninga@@    Krismas leh kumthar hunpui hlimawm tak kan thleng leh dawn ta reng mai. Heng hunpui a lo thleng chang hian kum tin mai hian Kristian, piangthar leh rawngbawltu \ha tak tak thlengin hunpui tuar lo a che sual an awm phung zel \hin. Kumin hunpui kan hman turah hian hunpui tuarchhuak zolo engzat tak awm leh ang maw, a huphurhawm mang e.
 -Thlirtu

@@    Zu kan in emaw, ruihhlo dang kan khawih a nih pawhin midang tana ninawm zawnga kan khawsak loh hram a va \ha ve..
-Bartowski

Lawrkhawm chhunzawmna....

Chhiat tawh chungchang lawmthu
    Kan pa Ramnghakmawia chesuala vanduaina a tawh chungchangah keini chhungkua chuan YMA, Local Council leh khawtlang nu leh pa, Kohhran hrang hrang leh mimal tin te chungah lawmthu sawi tur kan ngah hle a. A awm na chin hre lova tihngaihna hre bawk si lova mangang leh thlabar taka kan awm laiin tha leh zung sum leh pai tam tak seng a, a thim avar pawh thlu lova min buaipui a, rang taka a ruang min zawn hmuh sak a,  lainat taka min tuam hlawm sakna te a ropui kan tiin kan va lawm em!!
    Kan chunga in \hatna leh in mi khawngaihna leh lainatna thiltih a in lantir zawng zawng te hi keini chhungkua  chuan engtikah mah kan rul seng dawn lo cheu a, hei hi kan lawmzia lantirna thusawi a ni tih min lo pawmsak hram rawh u. Kan chunga in \hatna zawng zawng te Pathianin a let tam takin rul \heuh cheu rawh se. Kan va lawm em.

    In khawngaihna dawngtu,
    Lalrinkimi leh afate. Hlimen Vengthlang

AMC Property tax lak a ni
    Dec. ni 16 &17, 2015 khan Local Council Office-ah AMC chuan kan veng chhungah Propety tax an rawn khawn a, Dec. ni 16, 2015 ni khan Saichhuma Sec, Buala Sec leh Lalsavunga Sec. ten an pe a, a nihnih naah Section dang pathum - Damvea, Vawmphunga leh Kapdaia ten an pe ve thung. Tin, hemi hi hian Section dang te pawhin an pe bawk. AMC in tuna Property Tax lak naah hian Aizawl City Area hi Zone A-H ah \hen niin keini veng chhiah chawina hniam ber ‘H’ Zone ah Local Council te nawrna vangin kan awm a, he Property tax hi kan in zau zawng(Sq Fts), san zawng, sakna atana hmanraw hman dan leh a  upat dan leh a awmna hmun (Location)  a zirin lak a ni.
    He chhiah pek runpuia pe hman lo te chuan AMC Office, |huampuiah a pek theih zel a, huntiam chhunga pe lo te chuan penalty chawi a \ul dawn avangin a ranglama Tax hi pek a \ha hle ang.

Pawltlak thla Ni 12, 2015, Issue No. 50

PAGE - 1

TUALCHHÛNG :

Boral: Pu Ramnghakmawia S/o Lalchung-nunga, Buala Sec. a mi chu Dec. ni 7, zana in a\anga a chhuak a haw mai loh avangin khawtlangin zawn a ni a, Dec. ni 10, 2015 (Ningani) khan pangruang hmun bulah thiin hmuh a ni. Hemi zan hian tlaivarpui niin a tuk Dec. ni 11, 2015 (Zirtawpni) khan vuilliam a ni.

Damlo: Tv  Laldinpuia S/o Saikapkunga Buala Sec.a mi chu Durtlang Hospital ah pumna avangin Dec. ni 7, 2015 khan admit a ni a, Dec. ni 11, 2015 khan a lo chhuak leh ta.

@@    Pi Zoramchhani W/o Lalrehlova(L), Buala Sec. a mi chu hmeichhe lam \hatlohna avangin Falkawn Referal Hospital-ah Dec. ni 10, 2015 khan zai a ni.

@@    Pu R.Hmingthansiama, Saichhuma Sec. a mi chu hun engemaw chen Civil Hospital-ah hrawk zai avangin enkawl a nih hnuin Dec. ni 11, 2015 (Zirtawpni) khan a lo chhuak leh ta.

@@    Pu Lalzoliana H/o Lalhnehpuii, Saichhuma Sec. a mi chu pum lam \ha lo avangin Durtlang Hospital-ah Admit a ni.

Tuak thar: Lalnunmawia S/o Pachhunga Buala Sec. a mi leh Rebek Lalhriatpuii, Saikhamakawn a mite chu Dec. ni 11, 2015 khan damchhunga nupa ni turin an innei.

Vengchei pualin: Kumin hunpui denchhenin Vengchei Committee in Quarry chim chei hna a thawh chu kalpui zel a ni a. Theih ang angin sum tuak a  niin mi tlawmngai ten an thawh zel bawk a.  Heng bakah hian Vengchei pual hian chhungtinah vehbur khawn mek a ni a, tlawmngaih chhuaha remchan ang tawk a khawntute hnenah lo pe hram turin hruaitu ten min ngen tak zet zet bawk a ni.
    Tin, vehbur khawntute pawhin tun Pathianni ral hma hian Treasurer Nl. Zochuanpuii leh Asst. Secretary Pu R.Lal\anpuia hnenah thehluh tum ila a \ha ang e.

FRONT :

Hlimen, Melthum, Saikhamakawn
JAC/VDP  Join Meeting
    Dec. ni 9, 2015 (Nilaini) zing dar  7:30 khan Hlimen, Melthum leh Saikhamkawn JAC/VDP te chuan Hlimen YMA Hall-ah Joint Meeting an nei. He Meeting hi Pu Vanlalhruaia, Chairman, Hlimen JAC in a kaihhruai a, Pu Lalbiaknia, Chairman Melthum Local Council chuan  Meeting te Pathian hnenah hlanna a nei a. Hemi zawh hian thurel turte Chairman in sawifiah lehin hemi zawh hian veng tin a\angin report leh Introduction neih a ni, hetiangin :
    Saikhamakawn a\angin Pu Lalbiaksanga, Local Council Chairman in an veng a\anga kal mi 9 te introduction a pe a, hemi zawh hian an hmalakna report ngaihthlak nghal a ni.
    Melthum a\angin Pu Lalbiaknia, Local Council Chairman in an veng a\anga kal mi 2 te introduction a pe a, hemi zawh hian an hmalakna report ngaihthlak nghal a ni.
    Hlimen a\angin Pu Lalrinmawia, JAC Secretary in an veng a\anga kal mi 16 te introduction a pe a, hemi zawh hian an hmalakna report ngaihthlak nghal a ni.
        Report pek zawh hian hmalak dan tur hetiang hian kan rel :-
1)Veng bik awm lova hmalak ni rawh se. Eg. Hlimen damdawi zuar Melthum in an lo man a nih pawhin a duh dan angin Action an la thei ang.
2) A huho a Duty hi a \ul dan a zirin neih \hin ni rawh se.
3) Damdawi zuar nia hriatte veng tinah list neih ni rawh se.
    Tin heng bakah hian Joint Meeting chuan Joint VDP hruaitu thlan nise, hruaitu thlanchhuahte hian Action plant siam nise kan ti. Joint VDP hruaitu atan heng mite hi ruat an ni.
    Chairman    :    Pu Lalbiaknia, Chair. L.C. Methum
    Vice Chairman    :    Pu Lalduhsanga, V.Pre YMA,                         Saikhamakawn
    Secretaries    :    Pu Lalrinmawia, Secy, JAC Hlimen
        :    Pu M.S.Dawngliana, Secy YMA,                     Saikhamakawn    

*********************************************

Branch YMA lawmthu
     Ramnghakmawia S/o Lalchungnunga, Buala Sec. a mi Dec. ni 7, 2015 zana a chhuak chin hriat loha a awm chu Dec. ni 9, 2015 chawhnu lam leh zan lam bakah Dec. ni 10, 2015 nilengin zawn a nih hnuah tlai dar 2:30 bawr vel khan hmuh a ni a. Hemi \uma thawkchhuak zawng zawngte chungah Branch YMA chuan lawmthu a sawi a. Kan mizo tlawmngaihna a langa, a lawmawm tak zet zet a ni. Tin, bo zawngte thingpui  in tur senso atan Bialtu Councillor Pu C.Lalthansanga chuan ` 1,000 YMA kutah a hlan a, tin, Pu Kima (Health Clinic satu) pawhin ` 500 YMA kutah a hlan bawk. An chungah hian Branch hruaituten lawmthu an sawi tak zet zet bawk a ni.
   
    Sd/- Secretary Branch YMA, Hlimen 

PAGE - 2

EDITORIAL :

AIA UPA ZAH
    Mizote hi aia upa zah hnam kan ni \hin. Inchhungkhurah leh khawtlangah aia upate an zah thiamin Khawtlang nun a nuam em em \hin a ni. Changkannain khawvel a chiah a,thiamna a lo sang a, hmanlai boruak leh tunlai boruak chu awihawmlo khawpin a lo danglam ta. Hmanlai chuan kum upa lam chauhin tawnhriat an ngah a, "Kel chal upat a upa" te thu kha thu fing tak a ni \hin. Tunlai ah chuan Naupang te tein,thiamna sang tak tak an nei ta. An hriatna a zauvin, Sorkar leh Khawtlang kaihruaitu an lo ni ta a, Naupangtê tê pawh ‘Ka Pu’, ‘Ka Pi’ tih an lo ngai ta, hei hian aia upate finkhalh avanga upate ngaihhniamna a hring a, hei hi thilpawi tak a ni.
    Aia upate zah hi engtin nge kan in zirtir thar leh anga, kan nunah engtin nge hmun a khuar leh theih ang tih hi ngaihtuah thiam a har tawh hle. |hangthar nuna tuh thar leh hi thil huphurhawm tak a ni a, mahse theihloh erawh chu a ni lo ang.
    Aia upate zahawmna, changkanna avanga humhim thei lo an nih chuan Hnam zahawm kan ni ngai lovang. Hemi kawngah hian kan inzirtir uar ta lo hlein a lang. Kan Inchhungkhur atanga \anin, School ah te, Sunday School ah te leh puipunna ahte , uar zawka inzirtir thar a \ul a ni. Aia upa zahna hian chhungkua,khawtlang leh ram a ti nuam a, chumi tihlawhtling turin Upa zawkte hi \hangtharte zah tlakin kan awm em? tih erawh inen \hin a pawimawh ang..
    Nu leh paten \an la thar ila, kan fate an aia upa zah nachang hre tura zilh hi kan tihtur a ni tih hre nawn in, kohdan tur inhrilh hriat a hun tawh hle. Kan aia u te zahna chang hriat hi a Kristian a, kan ram leh hnam humhalhna kawng a thil tih ngei ngei tur zing ami a ni tih i hre nawn ang u.

ZIAKTUTE HUANG :

HLIMEN BRANCH Y.M.A HNUAIA SETION LO PIANCHHUAH DAN
- Zonunsanga, Asst.Secy. Buala Section
    Kum 1946 March ni 23 (Pathianni) ah Hlimen Branch YMA hi din a ni a. YMA din a nih a\anga kum 29 na 1975 ah Branch tha tichak turin Hlimen a Veng pathum te chu Group a \hen an ni, hetiangin :-
    Vengchhak - Group ‘A’    Venglai - Group ‘B’
    Vengthlang - Group ‘C’
    Hetih hunlai hian Damveng leh Quarry veng te hi Group a \hen tham an la awm loh avangin Group \hen zingah hian an tel ve lo a ni. Tin, High Sikul veng hi vengchhakah an la bet bawk a ni. Group ang hian engtia rei chiah nge kal chhoh a nih hriat theih a ni tawh lova. Kum 1981 leh 1982 ah hian Branch hnuaiah Group emaw Section emaw siam a awm lo tih chu a chiang a, 1980 hmalam hian engtia rei nge tih leh engtiangin nge Branch hian Group/Section a siam tih chhui theih a ni tawh lo a ni.
    Kum 1983 - 1985 inkarah hian Branch in Section a siam leh a, Group tih \hin chu Section tiin thlak a ni a, Section hi panga (5) ah \hen niin High Sikul veng hi Vengchhakah a la bet a ni. Hetiangin :-
    Vengchhak - Section ‘A’    Venglai - Section ‘B’
    Vengthlang - Section ‘C’    Damveng - Section ‘D’
    Quarry Veng - Section ‘E’
    Kum 1986 ah Branch in Section a siam thova, amaherawhchu Office Bearers (OB) inthlang lovin Section enkawl turin Convener Section tinah a ruat a ni. Hetiangin :-
    Section ‘A’     -    Lalzuiliana & Vanlalnghaka
    Section ‘B’     -    R.Lalngheta & Zothanmawia
    Section ‘C’     -    R.Lalhmingliana & C.Rozama
    Section ‘D’     -    Zamliana & Thanchhinga
    Section ‘E’    -    Lalhmangaiha, Lal\anpuia & Lalthlamuana
    Kum 1987 a\angin Section hruaitu (OB) te inthlang lehin a pangngai angin Section A, B, C, D, & E a kal leh a ni. Kum 1988 leh kum 1989 hi record hmuh tur a awm loh avangin hriatchian theih a ni tawh lo thung a ni.
    Kum 1990 leh 1991 ah Section chu kal pangngaiin a kal leh a. Section hming pawh Mzio pasal\ha te hming chawiin hetiang hian siam a ni :-
    Vengthlang    -    Taitesena    Section
    Venglai    -    Vanapa    Section
    Vengchhak    -    Neuva    Section
    Damveng    -    Chawngbawla    Section
    Quarry veng    -    Khuangchera    Section
    H/S/ Veng    -    Saizahawla    Section
    Thlanmual veng    -    Zampuimanga    Section
    Thlanmual veng Section tuna venglai a bet ta hi kum 1990 ah laklawh deuha din chawp a ni a, tichuan 1990 leh 1991 ah hian Section pasarih (7) kan awm a ni. Kum 1992 a\angin tuna kan hman mek Section hming hi kan hmang/pu \an a, Thlanmual veng pawh Venglaiah a bet leh ta a, Hetiangin :-
    Vengthlang    -    Buala    Section
    Venglai    -    Saichhuma    Section
    Vengchhak/H/S Veng    -    Vawmphunga    Section
    Damveng    -    Damvea    Section
    Quarry veng    -    Kapdaia    Section
    Kum 1992 ah hian High Sikul veng chu “Vawmphunga Section” ah an la bet a, a kum leh 1993 ah tuna an put mek “Lalsavunga Section” tih hmingpu in an lo awmhrang ve leh ta a ni. 

PAGE - 3

HRIATTIRNA :

ELECTRIC BILL CHUNG CHANG
    Electric Bill pekna Counter chu remchan zawkna avangin Hlimkhawpui Office hlui ah sawn a ni a. Khawtlang mipuite kan inhriattir a ni.
    Tin, Electric Bill pekna kan veng Counter hi tun thla chhung atan ni 14 & 15 (Thawh\anni leh Thawhlehni) ah hawn a ni dawn a, mipuite kan inhriattir bawk e.

Inthlan hun sawn
    Dec. ni 11, 2013 (Zirtawpni) zana 2016 Branch YMA inthlan neih tura tih tawh chu vengchhungah chhiat tawk an awm avangin Dec. ni 29, 2015 (Thawhlehni) zan ah sawn a ni a, R.O leh PO a ruat te leh Member te kan inhriattir a ni e.

Set Top Box lei theih
    LPS SMNET Customer tan Set top Box SD ` 1800 man chi a la awm a. A duh tan SMNET Office Pu Lalzedanga in Melthum kawnah thawh\anni a\angin zing dar 10:00 - 12:00 inkarah lei theih a ni e.

Bo zawnna
    Damveng leh Venglai inkarah Ration Card tihbo a ni a. Chhungkhat hotu ber hming hi F.Lalzarmawia a ni. He Ration card hi lo chhar kan awm chuan Pu Ramfangzauva, Damvea Sec. hnenah pe leh turin ngen kan ni e.

Sangha Khawi Association
hriattirna
    Department lamah Sangha chaw buaipui tum a nih avangin Hlimen Sangha khawi Association Member sangha chaw duh turte tan Pu Rochhunga (VT) leh Pu R.Lalchhandama (DV) te hnenah Dec. ni 13, 2015 (Pathianni) ralhmain in report a, Contact No. pek bawk tur a ni e.
    Sd/- Secretary
    Hlimen Sangha Khawi Assn.

Pawisa bô zawnna
    Venglai leh High Sikul veng inkarah Pi Lalzikpuii H/S Veng chuan pawisa tam tham tak a ti bo a, pawisa hi puan a \hui bag chhungah dah a ni a. A lo chhar chuan khawngaih taka pe leh turin a ngen tak meuh meuh a ni.

LAWRKHAWM :

Myanmar ah |anpuina hlan
     Myanmar a tuilian leh leimin tuar Zohnahthlak hnenah \anpuina pawisa pein Central YMA hruaitu - Pu R.Lalngheta Asst.Secretary leh Pu Lalrochuanga Pachuau Fin.Secy. hovin CEC 9 te nen an thawkchhuak. Chhungkaw 418 te hnenah \anpuina pawisa hlan an ni, hetiangin :-
    1) Teddim Bialah - chhungkaw 78
    2) Tuikum Bialah - chhungkaw 54
    3) Tuikhin Mizo - chhungkaw 26
    4) Mandalay - chhungkaw 29
    5) Kanan - chhungkaw 129
    6) Falam - chhungkaw 112
    Heng bakah hian phase II sem leh turin ruahmanna siam a ni bawk a. Halka Area leh Khampat Bungpui chhanhim nan ruahmanna siam niin Halka Area a\anga Central YMA ah report a luh fel hunah \anpuina hi pek leh tura ruahman a ni.
    Central YMA hruaitu ten \anpuina pawisa fai an  pek zawng zawng hi ` 75,65,000 a ni a, Myanmar pawisa chuan Kyat 13,99,52,500 a ni.

Vengchei hmalakna kal zel
     Kumin hunpui denchhen a Branch YMA in Quarry chim chei hna a thawh chu hmalak chhoh zel a ni a. JCB hmangin ni engemaw zat a hmunhma siam a nih tawh bakah Section tin ten chanpual insemin hna thawh chhoh zel a ni a. Buala Sec. ten Dec. ni 8, 2015 (Nilaini) khan veng cheina tur buhpawl lain an hnatlang a. Vawmphunga Section leh Lalsavunga Sec. ten Dec. ni 9, 2015 khan an chanvo thawkin an hnatlang bawk. Tin, Dec. ni 10, 2015 (Ningani) khan Damvea Sec. ten Quarry sang lamah an chanvo thawkin an hnatlang tawh bawk.
    Dec. ni 12, 2015 (Inriini) hian Section zawng zawngte hnatlanga thawkchhuak turin an inbuatsaih a, he thu buatsaih lai hian hnatlan dan kimchang hriat hman a ni lo. Electric Line pawh peih fel a ni tawh a, chuvangin, section hrang hrangte zan lamah pawh hnatlang thei turin inbuatsaih ila, hun a tepter tawh avangin kan \anrual a ngai tak zet zet a ni.
    Quarry chim chei hna thawh zawh hunah hian naupang kuthlei leh puilting lam pawh kuthlei avanga helai hmun tihhmelhem hi thil awm thei a nih avangin, a ven leh a enkawl hi kan zavai a mawhphurhna a ni tih hre nawn leh ila. Kan veng mawina hi mitin chungah a innghat a, kan pawimawh tlang hle a ni.

Saichhuma Section lawmthu
     Saichhuma Sec. nite kan hman zawh takah YMA Hall leh Sound System phal taka min hmantirtu Branch YMA chungah kan lawm tak zet a. Hlimen K|P leh Buala Sec. te chungah leh Sound min Duty saktu Tv. Zonunsanga, Tv. Zonunkima, Tv. K.Zosiamliana te leh Camera a min cover tu Pu Johna leh Pu |pa te chungah lawmthu kan sawi tak meuh meuh e. Tin, hun min hmanpui tura kan mi sawmte chungah kan lawm hle mai a, Citation mawi tak maia min design saktu Pu Andrew-a chungah lawmthu kan sawi bawk e.
    Saichhuma tu leh faten kan sawmna ngaipawimawh a min rawn telpui avang leh Tea-Urn leh Tray min pek avangin kan lawm takzet zet bawk a ni. Tin, Branch O.B. ten kan sawmna ngaipawimawha min rawn hmanpui avangin an chungah lawmthu kan sawi tak zet zet bawk e.
-Sd/-Secretary
Saichhuma Sec.

PAGE - 4

KEIMAHNI :

Hlimkhawpui Budget
    Hlimkhawpui  2015  Nov. & Dec.  thla Budget  pe tla tawh te:
1.    Lalsavunga Sec.    2. Kapdaia Sec.
3.     Vawmphunga Sec.    4. Damvea Sec.

Vawmphunga Section lawmthu
    Pu N.Zokunga te chhungkua in an fapa boralta N.Zoliantluanga (Tetea) hriat reng nan kan Section ah Tea-Urn lian \ha tak mai min pe a, an chhungkaw chungah lawmthu kan sawi tak zet zet a ni.
    Sd/- Secretary
    Vawmphunga Sec.

Damvea Section
    Damvea Section te chuan Dec. ni 17, 2015 (Ningani) zan hian Damveng Welfare Duty Room-ah Section Nite an hmang dawn a. Hemi zan hian Sikpui Kut hman zawh taka Section tana lawmman late chawimawina hun an hmang dawn a. Tin, hei bakah hian kum 2015 chhunga Damvea Sec. Committee kalkim leh hnatlang kal kimte hnenah lawmman pekna hun an hmang dawn bawk a ni. He hunah hian zaithiam tak tak zai ngaihthlak tur a awm dawn a ni. Ei leh in tuihnai tak buatsaih an tum bawk. Member te atam thei ang ber tel turin hruaitu ten an sawm.

Section Nite hmang
    Saichhuma Section te chuan Dec. ni 8, 2015 (Thawhlehni) zan khan YMA Hall-ah Section Nite an hmang. He hun hi Leader Pu David Vanlalhuma’n a kaihruai a, TV. MS Dawngkima’n hunserh a hmang a, Secretary Nl. Judy Zonunsangi hnen a\angin report ngaihthlak a ni bawk. He hunah hian an Section huamchhunga zirna leh infiamna lam mi hlawhtlingte leh YMA Day leh Sikpui Kut a lawmman an lakte lawmna hun leh chawimawina hun an hmang a, thuziak mawi tak hlan a ni a. Tin, Sikpui Kut Football Champion team te Medal an hlan bawk. Thusawi ngaihnawm tak tak bakah Zaithiam tak takte zai ngaihthlak a ni bawk a ni.
    He an Programme hi Session 2 ah an \hen a, Session 2 na hi Host Nl. Lalhriatpuii Fin. Secretary in zei takin a kaihruai a, zai thiam tak tak bakah lam thiam tak takte an che nasa hle a ni. Hun tawp lamah Pu F.Laltlanmawia Asst. Leader in lawmthu sawina hun a hmang bawk a ni. Saichhuma Section te hian Member kalkhawmte hi thingpui leh chhang tuihnai tak an hlui a, hetiang Programme hlimawm an hmang thei hi member ten hlawkthlak an tiin kham lo takin a \in ta a ni.
    He hun hmanpui tur hian an sawm angin Pu Saichhuma(L) tu leh fate an tel \ha hle a, an pû hminga Section a ding hi an lawm hle a, Saichhuma Section te hi Tea-Urn 1 leh Tea-Tray 10 an hlan a ni.

CHHIARTUTE NGAIHDAN :

@@    Hmanah kaisara lal lai khan kan Lal Isua a lo piang a, a van lawmawm em, kan zavai atan a ni. He chanchin\ha hian ram zawng zawng a denchhuah vek hma loh chu he khawvel lui hringnun hi a ral lovang...
    Aw.. heti hian ti teh ang. Tunlai kan boruak awmndan thlir thiam tan chuan Hlimen khua hi Lalpa’n a lo va hmangaih em!! an ti vawng vawng ngei ang. Tunah hian veng chei bul kan \an dawn chauh a, kan khawtlang hruaitu LC leh NGO etc.. a bikin a rawt chhuaktu Hlimen Branch YMA hruaitute an fakawm, tupawn lo sel rawh se, tapchhaka bawpkhawkherh a lo sel tawk awm mah se kan thawk zel dawn.. Hlimen \halaite kan zam dawn lo.
-Msi Pa

KAN THEN TAK

Ramnghakmawia, Kum 37 : Pu Ramnghakmawia hi Pu Lalchungnunga leh Pi Lalawmi te inkarah August ni 12, 1978 khan Chhipphir khua ah a lo piang a. An unau hi mipa 7 leh hmeichhia 2 an ni.
    Kum 1989 ah Chhipphir a\angin Hlimen ah an chhungkua a rawn pemin Pu Sanglawma te chhungkua chu hun engemaw chen an rawn fin a. Hemi hnu lawkah hian tuna an chenna inah hian in leh lo bengbelin an khawsa ta a ni.
    Kum 2002 khan Lalrinkimi, Saikhamakawn a mi nen inneiin fa 5 - Lalrempuia Kum 15, Isak Lalremtluanga Kum 13, Lalremmawia Kum 11, Remsangpuia(L)  leh Lalhriatpuia kum 1 leh a chanve te an nei a ni.
    Zirna lamah Primary School hi Govt. Hlimen Primary School-I ah zovin Middle School pawh Govt. Middle School-II Hlimen ah bawk a zo leh a. High School hi Govt. Hlimen High School-ah kalin Class X hi Govt. Venghnuai High School-ah a kal leh a ni.
    Nghakmawia hi \henrual kawm thiam tak leh rilru zau tak mi a ni a, mi taima zuan zang tak, thawhhreh nei lo a ni. Eizawnna lamah a \ul \ul thawka inhlawh kual \hin a ni a. Dec. ni 7, 2015 (Thawh\anni) pawh khan Saikhamakawn ah a puzawn nen In sain an inhlawh dun a ni.
    Nghakmawia hi Camping ah te lutin han tui ve lawp lawp changte a nei ve \hin a. Mahse, chaklohna lai a neih ve \hin hian a tihbuai fo avangin a duh ang pawhin a inhmang thei lo. Chuti chung pawhin kohhran thil tih leh hnatlang ngaipawimawh mi tak a ni. Tuna an Biak In sak mekah pawh hian tha a thawh nasa hle a ni.
    Dec. ni 7, 2015 (Thawh\anni) zan khan leng tura a chhuak nia hriat chu a tuk Dec. ni 8, 2015 tlai thleng pawha a lo haw tak loh avangin ngaih a \ha ta lova, zan a zanin zawn a ni ta a, hmuh a nih tak mai loh avangin YMA leh khawtlang mipuite punin zawn a ni ta a ni. Panruang hmunah chakai chhit turin a lo kal daih chu niin, chutah chuan chesual palhin a ruang hi Dec. ni 10, 2015 (Ningani) chawhnu dar 2:00 velah hmuh a ni ta a ni.

Pawltlak thla Ni 5, 2015, Issue No. 49

PAGE - 1

TUALCHHÛNG :

Damlo:  Pu Vanlalchhunga, Buala Sec. a mi chu taksa lam harsatna avangin Dec. ni 1, 2015 (Thawhlehni) khan Durtlang Hospital-ah admit a ni.

@@    Joshua Vanhnuailiana S/o J.Vanlalbiakdika, Buala Sec. a mi chu awmna avangin Dec. ni 2, 2015 (Nilaini) khan Alpha Hospital, Kulikawnah admit a ni.

@@    Lalruatdiki D/o Lalrinlawmi, Buala Sec. a mi chu têl sá a ke-ah a in tihbuak palh a, damdawi in lam panpui nghal niin treatment te pek a ni a, tunah in lamah enkawl mek a ni.

@@    Lalpekhlu-i D/o Lalliankima, Kapdaia Sec. a mi chu Pneumonia natna avangin Kulikawn Civil Hospital ah hun engemaw chen enkawl a nih hnuin a lo chhuak leh ta.

Tuak thar:  John Vanlalpeka S/o R.Thangmawia, Lalsavunga Sec. a mi leh F.Lalbiakkimi D/o F.Lalrawna, Damvea Sec. a mite chuan Dec. ni 4, 2015 (Zirtawpni)  khan Hlimen Damveng Pres. Kohhran Biak inah damchhunga nupa ni turin ‘tiam tlat e’ an ti.

Nau nei thar:  Pu Lalthlamuana leh Pi Estheri te nupa, Damvea Sec. a mite chuan Nov. ni 29, 2015 (Pathianni) khan an fa pahnihna atan naute mipa duhawm tak UPHC Hlimen ah an nei thar.

Nula chhuanawm:  Nl. Vanlaldiki D/o R. Lalhmachhuana chuan Smart City Aizawl Logo Design a intihsiaknaah 2nd & 3rd lawmman a dawng a, he lawmman hian Citation leh pawisa fai a keng tel a ni.

Upa te Shawl pe:  Buala Section YMA chuan ‘ Nopui Dawm Zan’ pualin an Section chhunga kum 80 chin chunglam mi 6 te hnenah Shawl(Puan nuam) an sem.

Vengchei hnatlang:  Dec. ni 5, 2015(Inrinni) hian Vengchei hnatlang neih a ni a, he chanchinbu buatsaih lai hian hnatlang dan kimchang hriat hman a ni lo.
    Vengchei hmalakna kal zel ah Quarry hmun pawh JCB hmanga nasa taka laih zawl zauh a ni ta.  

FRONT :

HLIMEN BRANCH Y.M.A  2016 HRUAITU THLANG DAWN
     Kum 2016 chhunga Hlimen Branch YMA hruaitu thlan chu neih a ni dawn ta a. Hetiang hian Programme ruahman a ni :-
    A hun    :    Dec. ni 11, 2015 (Zirtawpni)  6:30 Pm
    A hmun    :    YMA Hall
    Chairman    :    Pu Vanlaltluanga, President
    Hunserh    :    Upa C.Laltinkhuma, Baptist Kohhran
    Secretary Report    :    Pu Lalrinmawia, Secy.
    Lawmman Sem    :    Hlimkhawpui Budget pe \ha
    Thusawi tawi    :    Pu R.Lalngheta, Asst. Secy. CYMA
    Solo    :    Nl. Miriam Zodinsangi (SCS)
            Nl. Lalramnghaki (BS)
            Nl. Laltlannungi (LSV)
            Tv. Lalhriatpuia (VP)
            Nl. Lalruatdiki (DV)
    Hetiang hian Branch O.B. inthlan dan tur ruahman a ni bawk :-
    R.O.    :    Pu R.Lalngheta, Asst. Secy. CYMA
    Asst. R.O    :    Pu Pakunga, Adviser Br. YMA
    P.O.    :    (1) Pu C.Lalengzauva (DV), (2)Pu C.Zothanliana(VP), (3)Pu Zonuntluanga (SCS) (4)  Pu H.Lawmzuala (SCS) (5) Pu Lalengliana (BS) (6)Pi Zonunkimi, Pre. MHIP (7) Pu Lalhmingliana, LCC (8) Pu Duhthusama, Adviser YMA (9) Pu Vanlalhruaia, LCVC (10) Tv. C.Lalhmingthanga LCM

2016 HLIMEN BR. YMA O.B. NOMINATE :
1. BJ Zonunmawii (VP)    2. David Vanlalhuma (SCS)
3. F.Zosangzuala (DV)    4. H.Ralkapthanga (VP)
5. J.Vanlalbiakdika (BS)    6. K.Lalremruata (KD)
7. Lalchhankima (KD)    8. Laldawngliana (BS)
9. Lalhmuchhuaka (BS)    10. Lalhmunsiama (VP)
11. Lalkhawmawia (BS)    12. Lallawmkimi (VP)
13. Lallawmzuali (KD)    14. Lalremthanga (VP)
15. Lalrinchhana (KD)    16. Lalrinmawia (SCS)
17. Lalthantluanga (VP)    18. Lalthlengliana (KD)
19. Laltlanhlua (BS)    20. Lal\anzuala (LSV)
21. Lalvulliana (BS)    22. Lalzopuia (KD)
23. Melody Zodinpuii (DV)    24. R.Lalawmpuia (SCS)
25. R.Lalbiakmawia (DV)    26. R.Lalrindika (BS)
27. R.Lal\anpuia (BS)    28. Robuanga (BS)
29. R.Zoliana (SCS)    30. Vanlalliana (SCS)
31. Vanlaltluanga (VP)    32. Zairemthanga (VP)
33. Zochuanpuii (VP)    34. Zolianchhunga (VP)
35. Zoramhmangaiha (BS)

PAGE - 2

EDITORIAL :

I LUNGAWI EM ?
    Lungawi taka awm hi a hahdamthlak mai ni lovin a hrisel a, lungawina nei ngailote chuan nun hrisel an nei mawh hle. Kan nitin hun hman danah hian kan thil tihte hian lungawina min pe em le? tih hi chhut tham a awm \hin a ni.
    Khawvela kan awm chhung hian lungawi hi a har em em mai a. Sum leh pai, rohlu leh thildang neih tam leh tlemah pawh lungawina hi a innghat ber lem lo niin a lang a. Khawvela mi hausa ber berte pawh an chantawkah an lungawi chuang lo. Chuvangin, engmah nei lo mah se, a thil neih chhunah mi a lungawi miau chuan chu tluka hlu chu a awm lo hial ta ve ang.
    Lungawina hi a man a va sang tehlul em!! Chutihrual chuan mitin ban phakah a awm lawi si. Kan rilru a pamham a, kan duham em em a, chu chuan kan rilru a tihah a, lungawina; kan banphak reng chuan min kiansan \hin a nih hi.. Lungawina zawngin kan tlan sup sup a, a tawpah chuan boralna mai a ni \hin si. Mihringte hi duham chin lem nei lo leh duhtawk chin nei lo, pianni a\anga thihni thlenga beisei nei kan ni a, chu kan beisei chu LUNGAWINA a ni e an ti \hin.
    Lungawina umin kan hmanhlel a, kan um nasat poh leh min hlat emaw tihtur a ni si. Chuvangin, kan chantawka lungawi kan zir hi mihring nunah hian thil pawimawh ber a ni hial awm e. Hausakna te, thuneihna te, Lalnate, finna te leh thiamna te hi a hunlaiin hlu hle mah se; kan hun hnuhnungah meuh chuan engmahlo mai a ni \hin. Adama thlah, Kraws in a sawizawi loh khawvel nun hi chuan khawvel tawpni thleng pawhin lungawina a hmu zo chuang law’ng e!!!

ZIAKTUTE HUANG :

VENGCHEI
- H.Ralkapthanga, Secretary
Vengchei Committee
    Kum 2015 Branch YMA Committee-in a lo rel tawh angin, Vengchei Committee chuan Quarry chei turin hma a la ta a. Hei hian quarry chim chei a nihna chhan chu a sawifiah thawkhat mai awm e. Kan hruaitute indaihlohna avangin, September thla chho ah Secretary nihna ka kovah a innghat ta mai si a; Quarry chim han chul mam tur chuan ka pamhmai lua deuh chu a ni e. Mahse, chutiang a lo ni lo va; Pu Ngheta te, Pu Zosanga te, Pu Lalhmingliana ten an JCB awmkhauh pui pui an han thawh ta a le; ralmuan lohna quarry chu tunah chuan, tualchai nan siam a lo ni ta! An chungah lawmthu awm rawh se.
    Chu mai a ni nem, kan Branch Secretary Pu Lalrinmawia te leh Pu Zuala te, Tv Lalhmingchhuanga te leh veivah nana lirthei ui hauh lova min hmantira, hnatlanna ah te ui hauh lova rawn thawhtu te avangin hmalakna chawl lovin a kal zel, mimal hming kan tarlang zel seng lo, in inpekna zar kan va zo nasa em! in chungah Branch YMA a lawm tak meuh. Lucky ticket min lo lei sak a, sangha in lo lei bawk, hnatlang ti ila, kan chhuak noh noh bawk. In zavaia chungah lawmthu awm zel rawh se.
    Khai le, in thawh rah tak meuh avanga lung chimna Quarry, kal kawngin a vet chhuak ta mai khu a mak a, zu kal kual ve pawp mah teh; a chung kawng zawl phei a i din vang vang chuan, i thawh rah a ni tih i hre mai ang. Chei chungin kawngpui khu i zauh zel ang u aw.
    Masi a hnai tawh si, chei vat vat ang tiin rilru a za et et tawh mai, a dik a ni. Vai dawr turin Pu R. Laltanpuia leh Pu Andrew Lalrinchhana te an liam dawn ta. Tunge tawiawm ang aw! Tak a na, YMA Hall ah hian zan lamah, a cheina tur thil chi hrang hrang siam leh buatsaihin thalaite chhuak khawm thin i la, kan insawm nghal ni se. Sawi tur a tam si, hma chhawp tarlang lawk ang aw khai. Kan sawi pilh deuh pheng phung anga, ka short cut-na angah lo ngai mai teh u; ziahna hmun a tlem si. Quarry chim kawng chhak hmai hi intiat deuh theuhvin hmun thum-ah then a ni a:-
BLOCK ‘A’    =    Buala Section chan tura tih a ni. Quarry tawntirh kawng chung \henkhatna ah hian Buala Section te chan tura tih a ni a. Main Gate nalh taka siamin a kiangah receiption counter (chhawl buk/Hut) sak tur a ni a. Kawng dung chho chei te, chawlhbuk siam te, Masi putar dah te, \hutna leh luhkapui siam te, khawchhak mifing kawng dung chho remchang laia dah te, etc.. a ni ang.

BLOCK ‘B’    =    Damvea Section & Saichhuma Section : Quarry kawngchhak, Buala section dawt chiah, a laiah awmin, Khualbuk sak te, Masi putar dah te, vantirhkoh dah te, Ran In siam te Laser light dahna tur ban phun te, thutna siam te, lungpher chei te leh etc., a ni ang.

BLOCK ‘C’    =    Kapaia Section hian Block ‘B’ dawt chiah, an section lamah awmin, kawng dung chho chei te, chhawl Buk sak, thut chawlhna siam, Masi putar hun mawi, a rem chang laiah luhkapui dawh te, Berampu Pu te an awmna lai tura dah te, etc.. a ni.
- Phek 4-na ah chhunzawm a ni

PAGE - 3

HRIATTIRNA :

BPL hriattirna 
    UD&PA hnuaia Trade hrang hrang training dilna hun chu Dec. ni 9 , 2015 (Nilaini) thleng pawh sei leh a ni tih kan in hriattir a, a dilna form pawh UD &PA Office ah lam mai theih a ni e.
Sd/- Lalhmingliana, Chairman. LC

JAC hriattirna 
    Krismas leh Kumthar hlim leh lawm taka kan hman theih nan JAC chuan hma nasa taka lak a tum a, khawtlang duh loh zawng a awm chu Central Jail-ah Krismas  leh Kumthar hmang tur a thawn thlak zel an ni ang.
Sd/- Secretary. JAC

########################################

CHAMPION LAWMNA HUN HMANG
    Hrangbana Memorial 1st Mizoram Badminton League khel zawh taka Hlimen Shuttlers Champion chu Dec. ni 4, 2015(Zirtawpni) zan khan Mualzawlah lawmna Programme hman a ni.
    He Programme ah hian Pu R. Lalremsanga MCS Addl. DC Kolasib chu khuallian a ni a, Pu F. Zosangzuala Fans Club Chairman chuan he hun hi a kaihruai a ni. Tv. Lalawmpuia Hauzel, Gospel Thunder Team chuan hunserh a hmang a, hemi zawh hian khuallian hnen a\angin thusawi ngaihthlak a ni. Tv. Lalmuanpuia Fans Club Secy. hnen a\angin Report ngaihthlak a ni bawk. Player te chawimawina hun hman a ni leh a, khuallianin he chawimawina hi a hlan a. Player te hi Citation Frame sa leh Thangchhuah Diar hlan an ni.
    Hemi zawh hian Host Tv. Lalkhawmawia’n Programme hi a kaihruai a, Tv. Zonunkima hnen a\angin  Champion  Hlado ngaihthlak a thlirho a ni. Local Council aiawhin Pu Lalhmingliana Chairman, YMA aiawhin Pu Lalhmuchhuaka, MBL a\angin Pu K. Lianhmingthanga leh Pu N. Zokunga te hnen a\angin thusawi ngaihthlak a ni a, tualchhung zaithiam- Lalruatdiki, Laltleipuia, Rosangzuala te bakah vengpawn lam a\anga -zaithiam lokal  Michael M. Sailo, B. Malsawmtluangi leh Samuela Chhangte te hnen a\angin zai mawi tak ngaihthlak a ni bawk. Comedian - Lalnunpuia, Roluaha leh Lalhmangaihzuala ten kalkhawm te an chawk hlim bawk a ni.
    Hemi zana kalkhawm mipui hi 700-800 vel an ni a, thingpui leh chang tuihnai tak kalkhawm te hi hlui an ni bawk.
    Tin, hemi zan hian Mizoram Badminton Association chuan Champion lawmpui nan Badminton net \ha tak a pe bawk. Hemi zana kalkhawm te hian hetiang hun  an hmang thei chu lawmwm an tiin an kham lo hle a ni.

LAWRKHAWM :

JOINT MEETING NEI
     Dec. ni 3, 2015 (Ningani) zan khan Damveng Welfare leh High Sikul veng Welfare te chuan Damveng Welfare Office ah Joint Meeting an nei a, an thuchhuak \henkhat te :-
    1. Damveng Welfare leh High Sikul Veng Welfare ten Joint Operation a tam thei ang ber nei turin hma lak.
    2. Damveng Welfare leh High Sikul Veng Welfare ten zu leh ruihhlo, buaina siam leh \ul dang vanga man an nei a nih chuan Police hnenah hlanin Jail tang ngei turin hma an la dawn a ni.
    3. Hlimen Area chin Dumalui leh Zion veng ah te duty in hmalak nise, welfare te inpumkhata thawhhona neih chhunzawm zel nise tiin an rel bawk.

Lawmthu sawina
     Hrangbana Memorial 1st Mizoram Badminton League khelh zawh taka Champion kan nih theihna kawnga a\ul ang anga hma min lakpui a, sum, lirthei leh thil dangte hmanga min \anpuitute, fabs ruh tak tak; mahni tha leh sum senga a hmuna entu leh in lama min lo \antute, in zavai a chungah lawmthu kan sawi tak meuh meuh a ni.
    Heng mite hnen a\ang hian \anpuina sum, lirthei leh  bungrua kan dawng a, a bik takin lawmthu kan sawi nawn leh a, lo tihlan hmaih palh kan nei a nih chuan thupha kan chawi nghal e.
1. Bus thawh tute : 1) Pu F.Zosangzuala (DV),
(2) Pu Chalhnuna (VT), (3) Lalthanpuii(Tpi)(Qr)
    An ni hian vawi 3 \heuh an thawh a ni.
2. Pawisa thawhtute :
(1) Hlimen Br. YMA (2) MHIP (3) MUP (4) Pu R.Lalremsanga,DV (5) Pu Duhthusama, DV (6) Pu F.Lalrawna, DV (7) Pu Lalramchhana,DV (8) Pu F.Zosangzuala,DV (9) Pu R.Lalngheta,SCS (10) Pu Zosangliana,SCS (11) Pu Lalparmawia,SCS (12) Nl. Lalmuanpuii, SCS (13) Pu Lalrampana,SCS (14) Pu R.Lallianfala,SCS (15) Pi Lalzamliani,SCS (16)Tv. Zothansanga,SCS (17) Pu Laltlankima,SCS (18)Pu Zoramthara,SCS (19) Pu Rozuala,SCS (20)Pu N.Zokunga,VP (21)Pu Laibata,VP (22) Pu R.Lalhmachhuana,VP (23) Pu Thangrehlova,VP (24) Pu Lalrinmawia,SCS (25) Pi Lalthanpuii(Tpi)KD (26) Pu R.Lalzuala,BS (27) Pu Lalthanpuia,BS (28) Pu Lalengliana,BS (29) Pu Lalhmuchhuaka,BS (30) Nl. Laltlanpuii,BS (31) Pu RL Ngaihawma,BS (32) Pu F.Zothankima,BS (33) Pu Lalvulliana,BS (34) Pi Tei,BS (35) Pu Vanlalhruaia,BS (36) Pu Lalsiammawia,PHE,SA (37) Hlimen Congress Unit
3. Bungrua dawn leh a thlawn a min hmantirte :
(1) Branch YMA - Sound System, Chair etc.. (2) Buala Section - Combo & Tea Urn (3) Saichhuma Section - Tea urn & Kettle (4) Hlimen Br. K|P - Sound System (5) Nl. Lalzuitluangi - Thingpui bawlhlo tam tawk (6) Pi Lianthangpuii - Chini tam tawk

    Sd/- Lalmuanpuia, Secretary
    Hlimen Shuttlers Fans Club

PAGE - 4

KEIMAHNI :

Hlimkhawpui Budget
    Hlimkhawpui  2015  Nov. & Dec.  thla Budget  pe tla tawh te:
1.    Lalsavunga Sec.    2.  Kapdaia Sec.
3.     Vawmphunga Sec.

Saichhuma Section
    Saichhuma Sec. te chuan Dec. ni 8, 2015 (Thawhlehni) zan hian kumin chhunga YMA Day Sports leh Siknipui Kut a lawmman kan lakte lawmna hun leh Section chhunga zirna leh infiamna a ti\hate chawimawi hun (Section Nite) hman a ni dawn a. Zaithiam - Miriami, Mapuii, Teteii, Judy, Rosangzuala, Lalremruata leh Saichhuma Sec. tleirawl Da Victims band ten hla mawi takin min awi dawn a. Lamthiam, 2015 YMA Day Saichhuma Sec. Dance Screw leh TMNP Dancer lam mawi tak tak hmuh tur a awm bawk ang. Tin, hemi zan hian Saichhuma Sec. OB lo ni tawh te thlalakna leh introduction neih tur a ni ang. Tin, member kal tur zawng zawng ten kan pipute hunlai a\anga tunlai style thlengin mahni duhdan anga inchei tur a ni anga. Best Model mipa/hmeichhia thlan a ni dawn a, lawmman pawh \ha tawk tak pek an ni ang. Ei leh in tuihnai tak buatsaih a ni ang a, Member ten ngaipawimawh a kal \heuh turin kan inngen e.

Sd/- Secretary, Saichhuma Sec.

Buala Section
    Nov. ni 26, 2015 a ‘ Nopui Dawm Zan’ kan hmanah Section hruaitu hlui chawimawi chung changah hrethiam lo palh te kan awm niin a langa, hetiang hi thil awm dan chu a ni - Hlimen Branch hnuaia Group/Section \hen darh kum hi 1975 kha a ni a, a \hen dan area erawh tunlai a mi nen chuan a inang chiah lo thung. Hun hmasa lam a Group/Section hruaitute hi ziaka hmuh tur an awm mumal tawh loh avangin chhuichhuah theih an ni tawh lova, chuvangin, ‘BUALA SECTION’-  tih hming a put, 1992 a\anga Section hruaitu hlui te(Kum 5 lo \ang tawh) te hnenah Certificate hi hlan an ni.
    A theih ang anga Section \hen chhoh dan chhui chhuah kawnga an hun hlu tak senga min puitu- Upa Rinngaia leh Pu Laltlankima (Editor, Hlimkhawpui’) te chungah kan va lawm em. An chungah lawmthu kan sawi mawlh mawlh e.

######################################

Sipai lak runpui nei dawn 
    Nakum 2016 January ni 20 -24 chhung hian Sipai lak Runpui Rajiv Gandhi Stadium, Mualpui ah nei a ni dawn a, he Sipai lak runpui neih tur ah hian 1.6 Km a thui intlansiak hmanga lak tur a ni a, helama tui mite chuan tun a\anga lo inbuatsaih a tih chi hle ang.
    Tin, hemi chungchanga hriat tur pawimawh dang- thil tel ngai etc. te chu Hlimkhawpui Office ah Office hunchhung Ningni zan leh Zirtawp zanah zawhfiah theih reng a ni e.  

CHHIARTUTE NGAIHDAN :

@@    Hlimen Zophei a LAD park chu theih ang anga hma lak \an a ni a. vengchhung te leh NGO ten kan duat a, neitu chan kan chan thiam a ngai dawn hle a ni.  Thingtuai sah leh a ram chhung tikang lova kan enkawl a ngai dawn a ni. |hangthar lo awm zel tur tan pawh a la \angkai zel dawn a, tun a\ang pawhin kan hmang \angkai \an hle a, kan ta ang veka kan vawn thianghlim a ngai dawn a ni.

- Valsenior-a@@    Venglai kawn a DC phalloh hal chi (Rocket) hal leh zuar hi DC Order chhuak angin man nise ava \ha ve.... Report vat teh u. Kangmei a chhuah hma leh hri leng tam hmain....
- Venghmangaihtu@@    |anrual hi chakna ava ni teh lul em...kan \anrualna rah  MBL a kan champion kan lawm zo chiah a, rampumin min hriat lehzual theihna tur Quarry chei tur a awm leh a, tha thlah mai lovin \angrual deuh deuh ila; vengnuam i siam ang u.

- Thlirtu

@@    Kristian rama Kristian inti tamtak ten kan hunpui pawimawh Krismas kan hmuah dan hi chu Bible a Herodan Isua nausen suat tuma lusun chhungkua a siam \euh kha kan va ang awm em ka ti \hin. Ruihhlo neih loh hlau a \an la mekte, mipat hmeichhiatna kawnga remchang zawng mek te kan tam thei hle \hin. Khawtlang ti\awp zawngte, nu leh pa tilungngai zawnga krismas hmuaktu kan va tam awm em.
-Heroda an duh lo tu

Ziaktute huang chhunzawmna....
BLOCK ‘D’    =    Vawmphunga Section & Lalsavunga Section hian, kawng thlang lam dung tluanah kawng sirah lungtum hlam khat dan velah hung pheiin, chinai hnawih var phei vek tur a ni a. Thut chawlhna siam phei pheuh pheuh tur a ni a; electric ban kar dan zelah thirzai thlun a, khai mawi tura thil siam te khai mawi phei tur a ni. Electric ban hmun 3 velah hian Street Light dah tum a ni a, Electrician-te an pui bawk ang. Kawng dung tluan mawi taka chei turin an kutah dah a ni.
    Tin, heng khualbuk leh chawlhbuk, \hut chawlhna tih te hi a lem leh a lenzawng tur duan sa, paper-a print chhuah entawn tur a awm ang. Kawng chhak kawng laih sirah hian, mahni section chan chhungah zel, a khat mawi tawkin (12’ aia inhlat lovin) kawng sirah lung dah tlar thliah thliah i la, chinai hnawih var vek tur a ni ang.
    A chei dan tur kim chang ziah sen a ni mai lo va, hei hi a ruangam ni se; Light chi hrang hrang leh milem, thil lem, khai mawi, tar mawi te buatsaih tum a ni. Kan siam chawp theih ang ang zan lam hnatlangah te siam tum ila, kan lei theih tawk kan lei bawk ang a; a awmsa hi chu han vuah zung zung te, han bel zung zung te, han hun thliah thliah te a harlo a nia.
    Hmun kan heh lutuk loh nan, kan sawi bak hi chu kan in bengvar zel dawn nia. Thu rawn te pawh i inpe mawlh mawlh ang u khai. Kan \anrual chuan a dawn \epah kan zawhfel et \hin kha maw.