Mimkût thla Ni 26, 2015, Issue No. 39

PAGE - 1

TUALCHHÛNG :

Damlo:  Pi Vanlalruati W/o Lalramhluna, Lalsavunga Sec. a mi chu Sept. ni 21, 2015 (Thawh\anni) khan hmeichhe lam \hatlohna avangin Bethesda Hospital-ah zai a ni a. Tunah in lamah enkawl chhunzawm mek a ni.

@@    Pu Darkhuma H/o Vanlalhlui Buala Sec. a mi chu taksa lam chak lohna hrang hrang avangin New Life Hospital ah enkawl mek a ni.

@@    MS Dawngliana S/o Lalengmawii Saichhuma Sec. a mi chu Sept. ni 23, 2015 khan a kal a lungte awm chu Civil Hospital-ah zai a ni.

@@    Pu Lalvulliana H/o Chawnglian-chhungi Buala Sec. a mi chu pum leh chuap lam tha tawk lo avangin inlamah enkawl mek a ni.

@@    Lalhriatkima S/o Laldingngheti, Kapdaia Sec. a mi chu khawsik avangin B.N.Hospital-ah enklawl mek a ni.

@@    Zorinsangi D/o Zonuntluanga, Saichhuma Sec. a mi chu kal vûng avangin Aizawl Hospital-ah enkawl mek a ni.

Nau nei thar:  Pu R. Lalremruata leh Pi Mimi Zonunmawii Damvea Sec. a mi te chuan Sept. ni 21, 2015(Thawh\anni) khan Falkawn Referal Hospital ah fapa duhawn tak an nei thar. 

@@    Lalrinhlu-i D/o PC Zosangliana Damvea Sec. a mi chuan Sept. ni 22, 2015 (Thawhlehni) khan Falkawn Referal hospital ah fanu duhawm tak a nei thar bawk.

Tuak thar:  David Vanlalhuma S/o Lalhmuaki Saichhuma Sec. a mi leh Zothanmawii D/o Darrochhingi Buala Sec. a mi te chu Sept. ni 25, 2015(Zirtawpni) khan kumkhua a nupa ni turin ‘tiam tlat e’ an ti.

Pem thar :  Lalfakmawia te chhungkua Ramthar ‘N’ a mite chu Hlimen ah rawn pem lut in, tunah hian Pu Rotluanga te in hnuai Damvea Sec. ah an awm a ni.

@@    Pu Jerome Lalremmawia te chhungkua chu Kolasib a\angin Hlimen ah lo pem lutin, Hlimen Damveng Presbyterian Biakin bul ah  Pu R. Lalliansanga te in hnuaiah an awm. 

FRONT :

BRANCH Y.M.A. EXECUTIVE COMMITTEE VAWI 8-NA NEIH A NI

    Hlimen Branch YMA Exe. Committee Sept. ni 21, 2015 (Thawh\ani) zan khan neih a ni a, hemi hun a thurel tlangpui  mipuite tana hriat tur pawimawh te chu heng te hi an ni e:-

    1. Gen. Conference chung chang:-  YMA Gen. Conference Vawi 70-na Oct. 20-22, 2015 chunga Bairabi a neih tur ah member atam thei ang ber kal tum ni se, a kal na tur a tan hian Bus pakhat ngaihtuah rih phawt a ni ang. Member kal tur te hi Oct. ni 10, 2015 thleng hruaitu te hnenah in report theih a ni ang. |ul dang chu OB te kutah dah a ni.

    2. Lehkha hmuh:-
     a) Chhimphei Gr.YMA Secy. R. Lalsangliana hnen a\angin Sept. ni 18, 2015 a Falkawn Referal Hospital a\anga bo Pu Biakthansanga Hualngohmun khua zawn chung changa lawmthusawina lehkha hmuh a ni a, Committee chuan lawmawm a ti hle.

    (b) Electoral Roll chung chang :- Pu Vanlalruata Gen. Secy. CYMA hnen a\angin MLA/MP/AMC electoral Roll Revision neih tur ah YMA kumpuan ‘ Ram leh hnam humhalh’ bawhzuina kawng a pawimawh tak- Electoral Roll dik leh felfai kan neih theih nana chak zawk leh huaisen taka hma lo la tur a ngenna lehkha hmuh chu a theih ang ang a hmalak zel ni se tih a ni.

    (c) Pem lehkha :- Lalfakmawia te chhungkua Ramthar ‘N’ a mite hnen a\angin Hlimen a pem an dilna lehkha hmuh a ni a, pawmsak an ni.

*************************************************

VENG CHEI LUCKY TICKET
    Hlimen Branch YMA Veng chei Sub-Committee in Lucky Ticket Sept ni 19, 2015 a vawr tura a tih chu rokhawlhna avangin October ni 3, 2015 dar 3:00 Pm ah Hlimen Venglaiah vawr zawk tur a ni tih Ticket leitu zawng zawngte kan inhriattir e.
    Tin, Ticket zuartu mimal leh Section hrang hrang ten September thla ral hma ngeiin Treasurer Nl. Zochuanpuii leh Chairman Pu Lalhmuchhuaka hnenah kan Ticket hralhna te thehlut turin kan inhriattir bawk e.

PAGE - 2

EDITORIAL :

INCHEI
    Mizo te hi inchei uar tak kan ni a, kan neih ang ang, kan neih bakte pawhin kan inchei \hin niin a lang. Kan hnam a retheih a; kan la hnufual ngaihtuah hian incheina lamah kan sang filawr hle a ni.
    Incheina lamah hian rilru thar kan pek a, kan ngaihtuah chian a ngai viau mai. Thuamhnaw \ha leh man to tak tak; kan chhungkaw inrelbawlna pawhin a tawrh phah theih hialna tur lei kan ching em? Kan chhungkaw khawsak mil tawkin kan inchei em tihte hi mahni \heuh i inchhut fo \hin ang u.
    Kan thuamhnaw te hi man tlawmin nalh vak lo pawh nise; thianghlim, fai leh mar \ha tak a nih phawt chuan a \ha a ni mai. Mitinin duh duh dana inchei theihna ‘right’ chu kan nei ngei mai a, amaherawhchu, ‘its my life’ ti zawnga kan la a, uchuak taka kan inchei a nih chuan hnung lama miten min nuih mai ang.
    Mizote hian Dress Mode mumal tak kan nei hran lem lova. Duh duh danin kan inchei hlawm a, hetih lai hian kan inchei danah kan mizia thui tak a lang a ni tih hriat a tha ang, Chuvangin, a hun leh hmun a zira inchei dan kan hriat a pawimawh tak zet zet a ni. Thianghlim leh felfai tak, uchuak si lova kan inchei hian kan lo mawi ber mai.

##########################################

RTI ACT AWARENESS CUM
MEDIA WORKSHOP

    Central YMA leh Mizoram Information Commission \angkawp chuan Sept. ni 25, 2015 (Zirtawpni) khan Central YMA hall Tuikhuahtlang ah Right to Information Act Awareness leh Media Workshop an buatsaih a. He huna tel tura sawm an nih angin Hlimen Branch YMA aiawhin Pu Lalhmunsiama leh Pu H.Ralkapthanga, Branch Committee Member te an tel ve a ni.
    He hunah hian Pu Laldingliana (IFS Rtd.) Chief Information Commissioner chu khuallian a hman a ni a. Programme hi Session hnih a \henin Session khatna  hi Pu Roneihthanga, CEC, Chariman Literature Sub-Committee CYMA chuan a kaihruai a, khuallian PuLaldingliana hian RTI hi midangte tihmualphona tur a ni lova, mitin ten kan chanvo, sorkar hnathawh dan leh kalphungah te kan hriat duhte kan hriat theihna tur a ni a. Langtlang taka Sorkar thiltih, mipui ten kan lo hriat ve theihna kawng a ni a, mipui ten kan hman \angkai thiam a \ul em em a ni a ti. Tin, chawhma lam hunah hian Pu Lalrochuanga Pachuau, Fin. Secy. CYMA hnen a\angin thusawi ngaihnawm tak ngaihthlak a ni bawk a, tin, Solo thiam tak ngaihthlak a ni bawk a ni.
    Tin, Session hnihna (chawhnu lam hun) hi Pu RS Lalrinsanga, CEC, Secretary Literature Sub-Committee CYMA chuan Media Workshop Programme hi a kaihruai a, Dr. Malsawmliana, CEC, Editor YMA Chanchinbu CYMA chu Resource person a ni a. Chanchinbu kalphung leh a enkawl dante bakah chanchinbu \ha leh \ha lo tehfung te Powerpoint Presentation nen tarlangin - YMA ten Media kan hman\angkai dan tur he hunah hian zirho a ni. Tin, Tv. Lalhmachhuana, Asst.Secy. CYMA hnen a\angin thusawi ngaihthlak a ni bawk a, Solo thiam tak ngaihthlak a ni bawk a ni. Tin, he hunah hian zawhna leh chhanna hun hman a ni bawk.
    Pu Romawia Pachuau in lawmthu sawina hun a hman zawhin Pu K.Lalthanmawia, CEC chuan \awng\aina in he hun hi a khar a ni.
    He programme a Paper Present leh mipui te hriat atana pawimawh hi chichiar zawkin Hlimkhawpui Issue remchang hmasa berah rawn tarlan tum a ni.

Advertisement....

Carolyn Elementary School
Aizawl : Mizoram
      Nakum 2015-2016 Session -a K.G. - I lut thar tur tan School Office-ah Admission Form ` 10/- kengin a lak chhuah theih e. Admisssion Form hi October ni 15 hmaa thehluh leh tur a ni e. K.G. -I lut tur te chuan 2016 April thla hian kum li (4yrs) an tling ngei tur a ni a, Admission hi 15th October a\anga tih \an theih a ni ang.

(1-1)                                                     Sd/- Headmaster

PAGE - 3

HRIATTIRNA :

Electoral Roll chung chang
    MLA / MP Electoral Roll a inthunluh duh te tan BLO - Pu Duhthusama leh Pu Lallawmzuala te hnenah Form la in a in thun luh theih e. Thunluh thar turte hi kum 1997 leh a hmalam piangte an ni tur a ni. Tin, transfer tihdik ngai (correction) etc. ti duh tan a tih theih reng bawk e.

U.P.H.C. Report
    Sept. ni 12-24, 2015 chhunga Urban Primary health Centre, Hlimen report :-
1. Inentir zat  - 253   
2. Naupai en zat - 5
3. Kum 6 hnuai lam en zat - 68  
4. Naupiang zat - 1
5. Emergency - 11  
6. In Patient - 6
7. Dressing - 24.
    Tin, T.B (Khak) hi thlatin kar hnihna thawhtanni ah leh a kar li na thawh\ani apiangin entir theih a ni tih kan in hriattir bawk e.

Buala Section hriattirna
    Chhungtinte hnena JAC ten vehbur khawn tur a min ngen angin keni Buala Section huamchungah pawh khawn a ni dawn a, chhungtin ten kan remchang ang te a khawntu te hnenah tlawmngai a lo pe turin kan in ngen e.

Zirlai ti|ha chawimawi dawn
    MZP Hlimen Branch te chuan kumin ah a \um hnihna atan zirlai hlawhtling B.A. passed mi 14 bakah M.Sc passed mi 2 te chawimawina hun an hmang dawn. Hetiang hian Programme tlangpui duan a ni :-
A hun : Oct. ni 2, 2015 Zan dar 7:00
A hmun : Pu F.Zosangzuala  (Adviser) te In
Hruaitu    : V.L.Rorelfela, V.President
Hunserh : Golden Zoremsiami, ECM
Thusawi : 1) Local Council a\angin (2) Pre. MZP Hlimen (3) MZP Gen HQRS a\angin (4) Adviser MZP
Chawimawina hlan : Adviser & MZP Gen.Hqrs a\angin
|awngtaisak : Upa R.Thangmawia
Vote of thanks : Pu J.Lalhlimpuia, Adviser

Advertisement........

Siam thei reng e
      Pheikhawk chhia leh nihliap chhia engtik lai pawhin ka siam thei reng e. Min rawn pan ve teh.
    Tlawm tak leh \ha takin kan lo siam ang che.
    In \hian,
    Laldinpuia.
(1-1)    Damvea Section

LAWRKHAWM :

Chhiattawh a chunga lawmthu sawina
    Sept. ni 15, 2015 (Thawhlehni) a kan pa R.Lalengzauva’n min boralsan chung changah leh a damloh chhung zawnga kohhran ho leh khawtlang mipui ten min hmangaih a, min \awng\aipuina leh kan chunga in \hatna - sum leh pai mai bakah hun hlu tak senga in mi \anpuina zawng zawngah lawmthu kan sawi a ni.
    Tin, a ruang tlaivar/lumen ngai a ni a, chuta min tlaivarpuitu te, a tuka amah thlahna  huna hun hlu tak seng min thlahliampuitute mai bakah a thlan hmun atana kan duhthusamna hmun ngei a min laihsakna ah leh vawiin thlenga kan khawhar leh hrehawm phal lova min lenpuitu zawng zawngte amal malin lawmthu kan hrilh seng lo che u a, he chanchinbu kaltlanga kan lawmthu sawi hi in hnena sawiah min lo pawmsak turin kan ngen che u a ni e.
    In khawngaihna dawngtu,
    S.Vanlaltluangi leh a fate,
    Damvea Section

Local Council lawmthu
    Hlimen veng chhunga 132 KV Line Tower phun/hrui pawh hmalak mekah hmun \henkhatah mipui lam tana him dawn lova a lan avanga Local Council ten \um hnih (2014 leh 2015 ah) E.E. (Generation Div.) P&E Deptt. a Complain kan lo siam tawh chu Deptt. lamte nena sawiho a hmalak ho zel a ni a, tunah hian tihhlawhtlin a ni dawn ta hi Deptt. leh ram petu te chungah Local Council chuan lawmthu a sawi tak meuh meuh a ni.
    Hlimen Vengthar Pu Thanseia huan a hrui hniam lutuk chu a bulah a do sanna phun tura ruahman a ni a. Tin, Mauhakkawn hnai lam a hrui hniam lutuk pawh Tower sawnna tura Deptt. lam ten an duh na lai ram neitu lo be tura Local Council te min ngen angin Pu Zokhuma hnenah dil a ni a, a ni hian ram leh khawtlang tan/himna tur a nih dawn chuan tiin phal takin a ram hlu tak chu Tower phunna turin a remti a, a lawmawm hle a ni. Hmun \henkhat a hrui hniam lutuk te pawh tihsan a ni dawn bawk a ni. Tin, hemi chungchangah hian Phunchawngzawl Zau Society te pawhin mipui himna tur ngaihtuah a Complain an lo siam hi a lawmawm hle bawk a ni.
    Deptt. lam hian  kan ngenna angin Mauhakkawn thlenga Electric LT Line thleng mumal lo chu min tihthlensak leh dawn ta a, tin, a ban khât laiah a ban min dahbelhsak dawn bawk a ni.
    132 KV Line hi Melriat ah thleng khawmin, heta \ang hian pek darh tur a ni a. Keini veng pawh hian 132 hi kan chhawr dawn a, chutih hunah chuan tuna Current tlo zawk leh regular zawk kan nei thei dawn a. Hei hi thil lawmawm tak a ni.
Sd/- Lalhmingliana,
Chairman, Local Council, Hlimen

Joint meeting nei
    Sept. ni 22, 2015 (Thawhlehni) zing khan Hlimen, Melthum, Saikhamakawn Local Council ten Joint Meeting an nei a, He Joint Meeting hi Hlimen Local Council Meeting vawi 5-an thuchhuak bawhzui a Hlimen LC in a koh a ni a. He Meeting ah hian Ngaizel Road a dan lova lirthei dah/kawngpui tichep taka dah te a lo kian theih nana hmalak dan tur te bakah  Local Council pathum area chhunga ruihhlo nasa zawk a do dan tur te sawi ho a ni a. He Meeting hi Pu Lalhmingliana Chairman Hlimen LC in a kaihruaia, Member 16 lai an kalkhawm a ni.

PAGE - 4

KEIMAHNI :

Hlimkhawpui Budget
    Hlimkhawpui  2015  Sept. & Oct.  thla Budget  pe tla tawh te:
1.    Kapdaia Sec.    2.  Lalsavunga Sec.

Kapdaia Section
    Godown sakna tur khawn mek zel a ni a, \hahnem ngai taka lo thawh zel turin kan inngen a. Tin, tlawmngai a sum thawh tawhte chungah lawmthu kan sawi tak zet zet bawk e.
Sd/- Secretary

Sikpui Kut chungchang
    Sikpui kut a intihsiakna hrang hrang awm tur a Incharge ten kan mawhphurhna \heuh te chak tak a hmala turin kan in ngen a. Tin,  Section tin ten Branch Secretary  in Sikpui Kut atana in tihsiakna tur list a pek chhuah a  item hrang hrang a kan tel dan tur ah Item Incharge te hnenah a rang lam a hriattir ni se, Fixture hi a ranglama siam angaih tawh avang leh in hriattir nawn leh a ngaih dawn avangin Section tin ten aranglamin Incharge te hnenah thehlut tur a hriattir leh ngen kan ni e.
    Tin, Lengkhawm zai intihsiakna tur ah hla thlanchhuah chu ‘ Kan van khawpui thar nuam takah khian’ KHB. No. 469   chu thlan fel a ni tih kan in hriattir bawk e.
    Tug of War leh insaihruipawh ah pawh hetiang hian ruahmanna siam a ni:-
Tug Of War - Section tin a\angin Mipa leh hmeichhia team  1 ve ve an awm thei ang a, Team khatah hian mi 8 zel awmin an rihna belhkhawm hi Mipaah - 650kgs , Hmeichhia - 550 kgs a ni ang.
    Insaihruipawh hi mipa pual bik a ni ang a, Section khatah mi 2 an tel thei ang a, palian leh pate Category a \hen a ni ang. Palian hi 71 Kgs chunglam an ni anga , pate ah hian 70 kgs leh  hnuailam tur a ni bawk ang. A tel tur te chu Pu Robuanga, Tv. R.Lalrindika, Pu Vanlaltluanga leh Pu Lalhmunsiama te hnenah a ranglama report tur a ni e.

Vawmphunga Section
    Sept. ni 25, 2015 (Zirtawpni) zingkar khan an Section leh Damvea Sec. inkalpawhna chu tifaiin hnatlang an nei a. Member thawkchhuak zawng zawngte chungah hruaitu ten lawmthu an sawi.
    Tin, Sept. ni 19, 2015 (Inrinni) a Pu C.Sangliana te In sakna tur Brick thiarin sumtuak hnatlang an neih ah Member thawkchhuak, inhlawhna siamsaktu leh motor (Pick-up) rawn thawhchhuahpuitu Pu Zairemthanga te chungah lawmthu an sawi a ni.
    Vawmphunga Sec. te hian hriattirna pawimawh tak tak Notice Board ah an tar \hin a. Hei hi Section chhung mipui ten ngaihven \hin turin hruaitu ten an ngen bawk a ni

CHHIARTUTE NGAIHDAN :

@@    Kan khawtlang \hatna tur ngaihtuahin JAC ten chhungtin a\anga aiawh pakhat tal kalkhawm tur a an ngenna chu a \hen ngaipawimawh lo awm te hi a tuartu ah \ang ta se JAC te hian an harsatna hi sutkian in tum angem?

    - Veng\hatduha.

Lawrkhawm Chhunzawmna.....

J.A.C. ten vantlang inkhawm ko
    Sept. ni 21, 2015 (Inrinni) zing dar 7:00 khan YMA Hall ah JAC te chuan kan khawtlang a lo thianghlima a ralmuan theih nan khawtlang nu leh pa chhungtin atangin a kokhawm a, he hunah hian Hlimen a chhungkaw 634 awmah mi 178 vel an kalkhawm a ni.
    He hun hi Pu Vanlaltluanga Vice. Chairman JAC in akaihruaia, Pu Lalrinmawia Secy. JAC hnen a\angin JAC hmalak tawh na hrang hrang report ngaihthlak a ni a, hemi hnu  hian Pu Vanlalhruaia Chairman JAC leh Pu Lalhmuchhuaka Comtt. Mem JAC te hnen a\angin thusawi \hatak ngaihthlak chhunzawm leh a ni. Kalkhawm ten hlawkthlak an ti hle a, hetiang hian kalkhawm te Resolution an pass bawk :-
1. Hlimen vengchhungah zu leh ruihtheihthil  zawrh phal a ni lova, a ti \hin te pawh ualau taka ti lo tur leh mawi lo taka khawsa lo tur a hriattir ni rawh se.
2. Zu leh ruihtheihthil tih avanga sualna chi hrang hrang - ruk ruk, inrawk, insuam, pawngsual, tualthah thleng a thleng thei a nih avangin hetiang tihching kan man te chu thuneitute hnen thlen hmain JAC ten a \ul angin an chungthu an ngaihtuah hmasa ang.
3. Mihring kan pung zel a, sualna pung zelah JAC chuan vengchhung mi leh sa in hriatchhian \ha in a hria a,veng dang a\anga lo pem reng reng (Awm rei tur leh rei lo tur pawh ni se) an chanchin kimchang a chhui chiang zel ang.
4. Khawtlang mipui ten chhungkua leh mimal a harsatna kan tawh mahni a chinfel theih chu mahni a chinfel tum ila; JAC punna awm takah erawh inthlahrung lo turin kan in hriattir e.
5. Mimal tin te harsatna kan tawk thei \heuh tih hriain Kulikawn Police Station leh JAC hruaitu te Phone Number kawl vek turin kan in hriattir e.
6. Sumdawng hriatchian loh in tin a kal a, vak \hin te vengchhunga vak a thil zuar tawh lo turin hmalak ni rawh se.

LAWMTHU SAWINA
    Phunchawngzawl kawng Mauhakkawn paltlanga P&E Dept. in 132 Kv Line an rawn dah chu PCHZ Society te chuan mipui tan him tawk lova hriain thuneitute hnenah Complain thehluh a ni a. He Tower Mauhakkawn kawng bul ami hi Pu Zokhuma huan tlangah sawn a ni dawn ta tih Dept. hotute hnen a\anga kan lo hriatin lawmawm kan ti a. Hemi tihlawhtling tura kuthnathawkte theihtawpa hma min laksaktu Bialtu MLA Pu K.S.Thanga chungah kan lawm em em a, PCHZ Society chuan lawmthu kan sawi e. Hetihrual hian P&E Dept. hotute chungah pawh lawmthu kan sawi nghal e.
    Sd/- A.Lalliankima, Secretary Phunchawngzawl Zau 

Mimkût thla Ni 19, 2015, Issue No. 38

PAGE - 1

TUALCHHÛNG :

Boral:  Pu R.Lalengzauva H/o Vanlaltluangi, Damvea Sec. a mi chu Sept. ni 15, 2015 (Thawhlehni) zan khan pumna avangin a boral. A tuk Sept. ni 16, 2015 (Nilaini) khan vuiliam a ni.

Tuakthar:  Lalruatkima S/o Lalrinliana, Kapdaia Sec. a mi leh Lalrinsangi D/o Thangchungnungi, Damvea Sec. a mite chuan Sept. ni 17, 2015 (Ningani) khan damchhunga nupa ni turin ‘tiam tlat e’ an ti.

Khiangawi:  Melody Lalremsangi D/o Lalhruaizela, Kapdaia Sec. a mi chu Laldinpuia, Tlangnuam veng a mi tawnah khiang a awi ta.

Naupang khawmpui:  Sept. ni 13, 2015 khan Presby. Kohhran a naupang Sunday Sikul Department hrang hrang te chuan Bial chhung kohhran hrang hrangah khawmpui an hmang. Tin, Isua Krista Kohhran te pawhin Sihphir vengah hemi ni vek hian naupang khawmpui an hmang bawk.
    Tin, Presby. Kohhran Senior Deptt.  khawmpui pawh tun Pathianni Sept. ni 20, 2015 hian Hlimen Vengthar Presby. Kohhran ah an hmang dawn bawk a ni.

Silver Medal hawn:  Vanlalhruaii Ralte D/o R.Lalhmachhuana Vawmphunga Sec. a mi chu 3rd North East Zone Shooting Championship 2015 Imphal, Manipur a neih zawh takah Mizoram aiawh a telin Silver medal a rawn hawn a ni. Veng a tihming\ha in a hlawhtlinna-ah lawmpuina kan hlan e.

M.Sc. zo:  Jafret Lalrohlua S/o K.Thanga, Damvea Sec. a mi chuan Mizoram University a\angin M.Sc. (Geology) chu \ha takin a zo. A hlawhtlina a ropuiin kan chhuang tak meuh meuh a ni.

Che \ha:  Mizoram Bandminton Ranking Tournament Saiha a khelh zawh takah Tv. Zarzokima chu Mens Singles ah Runners-up a ni a, tin, Mens Doubles-ah runners-up a ni bawk. Hetiang a hlawhtlinna a va hlawhchhuak thei hi a lawmawm hle a, EB ten kan lawmpui tak zet a ni.

FRONT :

70th YMA GEN. CONFERENCE

    Kan hma lawk October ni 20 - 22, 2015 hmang hian YMA gen.Conference vawi 70 na chu Bairabi ah nghah a ni a. Thlengtu lamte pawh an inbuatsaih zo fel thawkhat hle tawh a, palaite thlenna tur Counter hrang hrang pawh hmun 10 zetah an siam a. Keini Hlimen Branch thlenna tur chu Counter No. 6 ah a ni a. Bairabi North Branch Jubilee bul Helipad Vengah a ni a. he Counter ah hian Group 5 leh Branch 21 kan thlengkhawm dawn a ni.
    Khawmpui palaite hriat atana pawimawh Information & Publicity Sub-Committee Secretary hriattirna pawh hetiangin kan dawng :-
1.    Conference lai hian khua a lum deuh dawn avangin khawluma inthuam chi thuamhnaw ken uar nise.
2.    Mutbu leh thosilen mahni intum theih nise.
3.    Palai turte hi ruihhlo laka fihlim ni thei se.
4.    Branch a huho a thleng duh tur chu Sept. ni 20, 2015 aia tlai lovah Secretary Reception Sub-Committee Contact No. 8974419204 ah emaw 9402368026 ah inhriattir tur a ni.
5.    Branch tin ten palai hming list leh thleng ho turte fel taka a list siam \heuh theih nise.
6.    Tlawngluiah tui a la tam dawn avangin Security Duty te phalna lovin kalluih loh nise.
7.    Mizoram State pela kal tum ten Security Duty te phalna lova kaltlang a remchang dawn lo tih hi hriat tur a ni.
8.    Motor keng ten an motor ah langsar takin Driver emaw a neitu emaw Contact No. chiang taka tarlan tur.
9.    Bairabi ah hian inbiakpawhna lamah - Airtel, BSNL leh Vodafone te a hman theih.
    Conference na tur Bairabi hi a awmna hre lote kan awm takin Kolasib District chhung ami a ni a, Kolasib a\anga a hlat zawng chu Km 34 a ni. In sangkhat chuang awmna a ni a, Zampuimanga Group hming put chhan niin Zampuimanga Hall changtlung tak a awm bawk.
    Zoram chhim leh hmar, chhak leh thlanga \halai rual; Kristian nundan\ha ngaisangtu, hunawl a \ha thei ang bera hman duhtu, zofate hmasawnna ngaihtuahtu leh \anpui ngai apiangte \anpui zel duhtu YMA Member fuankhawm hun tur chu aw a va nuam dawn em!! A va hlimawm dawn em.
     He hun hmang tur hian a thlengtu lam chuan Member a tam thei ang ber Branch tina mite kan turin min duh a, palai kal turte chuan tun a\anga inbuatsaih lawk hi a fuh hle ang.
Nang i khawmpui ve dawn em??
 

PAGE - 2

EDITORIAL :

Nun uluk ngai thalaite
    Kan vanglai a awlsam taka kan tihte hi kan upat ang zelin kan taksa in a tlin lo chho telh telh dawn a, kan rilru chuan a zuam anga, kan taksa in a pha dawn si lo. Kan Bible in ‘\halai te u; in \hatlai ni chen rawh u, in \hatlai hun a rei dawn si lo’ a lo tih ang hian kan \hatlai/vanglai hian kan hmabak tih tur awmah te hian rilru dang pu lovin uluk takin in sawrbing \hin ang u. Zirna lamah pawh kan \hat laia kan zir vat vat loh chuan upat hnu chuan rilru ngaihtuahna, thluak hi a chawlawl zel a ni tih kan hre awm e.
    Nulat tlangvalna lamah pawh nun uluk a fimkhur a ngai hle mai, nakin a nu leh pa kan nih hunah kan tlangval/nulat lai nun khan min vawchhe thei reng a ni tih i hria ang u. Ruihhlo chung changah pawh; tleirawl sual hunlai a ni a, kan la kalpel mai dawn a lawm tiin inthlahdah chi a ni hauh lo. Kan thluak a tihchawlawl mai bakah kan nun a tichhia anga, kan hma lam hun a vawchhe theiin kan nun kan chhuikir hunah kan inchhir ngawih ngawih ang tih a hlauhawm hle a ni.
    Tleirawl thazat lai, mipa tan inlak pa hunlai a uchhuak taka khawsa \hin chu mi tan belhtlak leh innghahna tlak a ni ngai lovang. Nulat laia lerh \hin lutuk kan nih chuan midang lakah zahawm nih a har tawh hle \hin.Kan \hat laia hmabak hlen lo \hin kan nih chuan kan kawng zawhah kan hlawhchhamin kan beidawng hma \hin ang.
    Chuvangin tuna hun \ha kan la neih lai hian kan hma a tih tur awmah chhel takin ke pen ila, kan lo upat a târ kan nih hunah nunhlui kan chhuikir anga, chutih huna kan inchhir lohva kan nuih ver ver theih nan hun kan la neih lai hian nun i uluk ang u.

ZIAKTUTE HUANG :

HARHNA
-Andrew Khawlhring
      Harhna han ti ve leh ringawt ila, he chanchinbuah hian vawi duailo an lo ziak tawh awm e. Eng ni lo mah ila, \ul ka tiin ka ngaipawimawh em a, ka rawn ziak ve a ni. Bul han \an dan tur pawh hriatthiam a har hle in ka hria. Sawi ngai lovin ka veng chu harhna kan chang ve tih chu kan hre awm e. Mi veng ang em em chu ni lo mah se, amaherawhchu, harhna kan chan hi han ngaihtuah chiang ta ila Krista vanga ti chu kan ni teh meuh mai. |henkhat phei chu kan duh dan ni miahlo te pawhin kan awm a nih kha. Kan nunah hian a lang chhuak em le. Hlimen mipui te u han inzawt teh u. Piangthar nge kan nih a inla Piangthar le.
    Taksa chetna chang te pawh ka chah duh chu, a tam thei ang ber \awng\ai hi a ni. Taksa chetna chan te hian, sual hi a inrawlh chak em avangin fimkhur a; Pathian auh tam a pawimawh hle a ni. A tua te pawh ka han chah duh cheu chu \awng\aina hi a ni. A chhan chu, eng hi nge tharau dik a diklo kan hre si lo a. Kan rilrua thu awm zawng zawng hi Pathian thu a ni vek lo tih te hriat a tha awm e. Chuvang chuan \awng\ai mawlh hi i ngaipawimawh ang u. Fakhla siamtu chuan 'tuarna leh channa tello chuan, ringtu nun a kim theilo' a lo ti a, a dik hle in ka hria.
    Lal Isua pawh hian tlawm ral raih hi a duh a ni tih kan hre \heuh awm e. Kan kohhran hruaitu te u. Lalpa bel ruat te u, heihi ka sawi duh a ni. Lalpan ti tura  min tih hi zam lovin i ti ang u. A tawp bera kan sawi duh chu heihi a ni. Piangthar/Inla Piangthar chungchang hi a ni. Lal Isua ringtu; A mah neitu tak tak chu, a nun a danglam tur a ni dawn lawm ni. Hnathawhna leh thil tihna dang zelah a lanchhuah si loh chuan enge awmzia awm ang. Inti hre taka Pathian thu sawi rik ngawt hi a tawk lo. A taka nunpui hi a pawimawh ber awm e. Hawh u, ka ringtu pui te u. Tharau Thianghlim harhna rawn thlen tir rawh ka duh danin, tia \awng\ai lovin, i duh dan danin rawn thlen tir rawh ti in i \awng\ai ang u. Kan peih chinah hian Lalpa rawng i bawl lo ang u. Kan theihna zawng zawng in Lalpa rawng i bawl ang u. Kan ram tan hian i \awng\ai zel ang u. Ram hruaitu te tan. Kohhran leh sawrkar hi a kal hrang thei lo. He harhna lo thlengah hian tihtak zetin \awng\ai chungin Lalpa i fak ang u.

PAGE - 3

HRIATTIRNA :

In luah dil theih
    MHIP In thlanmual veng, kawngchhak a mi chu a ruak a, luah duhte chuan dilna  ziakin Pi Zonunkimi, President MHIP Hlimen Branch hnenah thehluh theih a ni e. In luahman hi thla khatah ` 2,500/- a ni e.

    Sd/- Secretary
    MHIP, Hlimen Branch

M.U.P. hriattirna
    Hlimen Upa Pawl Member Hmuifang a kal tur zawng zawng te chuan Sept. ni 27, 2015 (Pathianni) ralhmain Pu J.Hnuna, President leh Pu C.Lalhmingliana Secretary te hnenah in report vek tur a ni e.

U.P.H.C. Hlimen   hriattirna
1. OPD Card lak man        : ` 10
2. Inentir hun          : Thawh\anni - Zirtawpni
                       (Dar 9:30 Am - 12:00 Noon)
                  Inrinni (dar 9:30 Am - 11:00 Am)
3. Raipuar inentir ni : Ningani a piangin
4. H.I.V. Test ni       : Ningani a piangin
5. Dressing hun      : Thawh\anni - Pathianni
                           (Dar 6:00 Am - 8:00 Am)
6. Test theih te :
    1) Blood MP    -    Free
    2) T.B. (Khak)    -    Free
    3) Urine R/E    -    ` 10
    4) Ek Exam    -    ` 10
    5) H.B.    -    ` 10
    6) H.I.V.    -    ` 10
    7) Pregnancy    -    ` 50
    8) RBS (Blood Sugar)    -    ` 50
    9) Hepatitis B (HBsAg)    -    ` 100
    10) Hepatitis C    -    ` 150
    11) Scrub Typhus
          (Rannung seh)    -    ` 300
7. Copper -T a dah theih reng bawk e.

Bô chhar
    Tv. Makhawa dawr Venglaiah ID Card - Lalrinngaii W/o Kapkira leh Lalruatfela S/o Lalremzuala ten in theihnghilh a, arang lama lam tura hriattir in ni e.
    Tin, Tv. Makhawa te inah an chhiat tawh laiin nihliap 2 theihnghilh in awm a, a neitu chuan  ngaihven tura hriattir in ni bawk e.

Advertisement..... 
Thei rangkachak “ NONI”
      Mihring taksa tana a \hat zia mithiam ten an zirchian hnuah Mizoram pawh a rawn thleng ve ta e.  Keimahni thar ngei (A tui fir) Pi Sangzuali Dawr venglaiah lei tur tlem ala awm e. 
                         In \hian,
             Lalremruati (Tebawihi)
(2-2)                          Hlimen Venglai

LAWRKHAWM :
Hriselna atana mipuite hriat tur
1.    Nu, pasal nei lai; kum 15-49 inkar zawng zawng ten Sub-Centre ah Adhaar No. leh Bank Account Number report vek tur.
2.    Damlo khawsik, luna, luak, chau, kaw\halo etc. ten rei tak In a awmpui lovin arang thei ang berin Sub-Centre emaw Urban Primary Health Centre emaw pan thuai \hin turin kan inhriattir a ni.
3.    Malaria Season a nih avangin a chunga kan tarlan natna te ilo vei a nih chuan rang takin heng Centre te hi pan vat ang che.  Rang taka Malaria hmuh nghal theihna in an lo check nghal ang che. (Private Hospital ah chuan ` 250 en manah an chawi \hin) Vengchhung Centre ah chuan a thlawnin  an en \hin.
4.    Hmeichhia pasal nei leh pasal neilo naupai ten thla 3 ralhma ngeiin Sub-Centre ah inziahluh ngei ngei tur a ni. Hei hi Sorkar laipui leh State sorkar in min phut tlat a ni.
5.    IRON & FOLIC ACID nu ten in nghei a; lei ngai \hin kha tunah chuan Sub-Centre ah lak tur a awm leh tawh e.
6.    Natna laka i dam thuai theih nan a thiam leh a zir ngei râwn la, i lo dam thuai dawn nia.
7.    October 2015 a\angin Hib Vaccine pek a ni tawh dawn.
    From,
    Health Clinic Staff
    Hlimen Clinic

Zirlai hlawhtling chawimawi dawn
    MZP Hlimen Branch te chuan kumin a a \um 2 na atan Zirlai hlawhtling B.A. leh a tlukpui leh a chunglam chawimawina hun Oct. ni 2, zanah an hmang leh dawn.

Humhalh
    Hlimen Thlanmual-I a thing leh mau hi humhalh tlat a ni a, mi \henkhat lo la ngawt an awm\hin a. Tunhnu-ah chuan Branch YMA hruaitute remtihna lo chuan tuman la tawh lo turin hriattir kan ni.

Ko khawm
    Hlimen JAC te chuan kan khawtlang a lo thianghlim theih nan leh chak zawka hma lak a nih theih nan vengchhung mipui te Sept. ni 19, 2015 (Inrinni) zing dar 7:00 khan YMA Hall-ah a ko khawm a. Veng tan thu \ha tak tak ngaihthlak niin chak taka hmalak tum a ni a. Kalkhawm te hian Resolution \ha tak tak an passed a, karleh Issue-ah kimchang zawka rawn tarlan a ni ang. He hunah hian chhungkaw aiawh mi 175 vel an kalkhawm niin thu dawn a ni.

Adhar card lam theih
    Adhar Card thlalak hnunung ber kha la lam lo engemaw zat in awm a. Arang lamin Local Council Office-ah lam tur a ni e.

Hringnun.....
    Ri hi êng aiin a lo kal muang zawk chiang khawp mai. Nu leh pain an fa kum sawm pariat mi thurawn an pek chuan kum sawmli a tlinin a dawngtu thinlung a thleng hman chauh zu nia!
    -Bob Orben

PAGE - 4
KEIMAHNI :
Hlimkhawpui Budget
    Hlimkhawpui  2015  July & Aug.  thla Budget  pe tla tawh te:
1.    Kapdaia Sec.    2.  Vawmphunga Sec.
3.    Damvea Sec.    4. Lalsavunga Sec.
Tin, Kapdaia Sec. leh Lalsavunga Sec. ten Sept. leh October thla budget an tlak fel ta bawk.   
   
Branch Committee
    Branch YMA Committee chu Sept. ni 21, 2015 (Thawh\anni) zan dar 8:00 ah YMA Hall ah neih tur a ni a. Committee Member te kim taka kal tura ngen leh hriattir kan ni e. Kohna hmulo palh in awm pawhin hei hi kohna a ngaih tur a ni.
    Tin, Committee zan hian kan Committee Member pui David Vanlalhuma nupui neih tur lawmpuina atan  ` 50 ken khawm \heuh tur a ni bawk e.

Veng chei lucky Ticket
    Hlimen Branch YMA Veng chei Sub-Committee in Lucky Ticket Sept ni 19, 2015 a vawr tura a tih chu rokhawlhna avangin October ni 3, 2015 dar 3:00 Pm ah Hlimen Venglaiah vawr zawk tur a ni tih Ticket leitu zawng zawngte kan inhriattir e.
    Tin, Ticket zuartu mimal leh Section hrang hrang ten September thla ral hma ngeiin Treasurer Nl. Zochuanpuii hnenah kan Ticket hralhna te thehlut turin kan inhriattir bawk e.

YMA in râl
    Sept. ni 17, 2015 (Ningani) zan khan Pu R.Lalengzauva ralna hun hman a ni a, ralna tlingkhawm ` 5,535/- chu a chhungte hnenah hlan a ni.
    Tin, hemi zan vek hian Pu R.Lalengzauva chhung ten amah hriatrengna atan \angkai taka hman turin a tuamna puan pahnih chu Branch YMA ah an hlan let bawk a ni.

Thlanmual sam
    Sept. ni 17, 2015 (Ningani) zingkar khan Thlanmual -I samfai hnatlang neih a ni a. YMA Member za chuang fe thawkchhuakin hnatlanga thawkchhuak zawng zawng te chungah Branch YMA hruaitute chuan lawmthu an sawi tak meuh meuh a ni.

Vawmphunga Sec.
    Sept. ni 19, 2015 (Inrinni) nilengin Vawmphunga Sec. te chuan Pu C.Sangliana te In sakna tur Brick thiarin sumtuak hnatlang an nei a. Member thawkchhuak zawng zawng te leh inhlawhna siamsaktu te chhungkaw chungah hian Section hruaitu ten lawmthu an sawi a ni.

CHHIARTUTE NGAIHDAN :
@@    Kan vengin PPP Mode hnuai a motor hmanga bawlhhlawh kan paih hi a va lawmawm em. A buaipuitu kan Local Council te pawh an fakawm e. Amaherawhchu, kawngpui (Main Road) bul maia cheng \henkhat ten an la hmang ve duh lo erawh a pawi khawp mai.
    Damveng, Changel kawr hnar; kawngpui chhak lama kawrah hian bawlhhlawh hmuh nuamlo tak tak (naute diaper etc) paih hmuh tur a awm fo mai. Engtianga hma lak tur nge ni? PPP Mode zawm ve duh lo te hi hrem/chawitir theih dante a awm lo maw? Ngaihtuah ran a va \ul em!!!
-Dan zawm zel duh-a

KAN THEN TAK

R.LALENGZAUVA, KUM 77
    Upa R.Lalengzauva hi kum 1938, January ni 4 khan Khuangliana (L) leh Pi Satkungi (L) te inkarah a lo piang a, an unau hi hmeichhia 6 leh mipa 2 an ni.
    Kum 10 mi lek a nih laiin a pa in a boralsan a, zirna lam pawh chhunzawm \ha thei lovin; harsa tak chungin Matric a zir thleng hram a ni. Kum 1954 February ni 5-ah H.Khuma Printing Press ah thawkin kum 3 a thawk a. Kum 1965 ah Ziki Printing Press ah thawk lehin hemi kum vek hian Loch Press-ah a thawk leh a. Kum 1972 a\ang khan Printing and Stationary Deptt. ah thawkin a pension (June ni 30, 2008) thlengin he hna hi a thawk a ni.
    Kum 1974 - 1975 ah Pu Challiana hovin Standing Helper an din thar leh a, hetah hian Gen.Secretary hna a chelh a ni. Solfa leh zaite, thuziak lamte tui mi tak a ni a. Kum 1976 YMA Day a Drama inphuahsiakah lawmman pahnihna a lo dawng tawh nghe nghe.
    Kohhranah mi tuimi niin kum  2006 October ni 29 khan Hlimen Bapist Kohhran Upa atan nemngheh a ni.
    Kum 1977, January ni 7 ah Vanlaltluangi nen inneiin fa pali - Rebecca R.Vanlalduhsaki, Absolom R.Vanlalramchhana, Ephraim R.Vanlalnunpuii leh Thelma R.Zonunmawii te an nei a ni. Upa R.Lalengzauva hian tu paruk a nei bawk.
    Upa R.Lalengzauva hi mi hrisel tak a ni \hin a, amaherawhchu kum 2015 a\ang khan a insawisel \an a. 2015 March thla khan BN Hospital ah entirin ‘thin sawng’ a ni tih hmuhchhuah a ni a. Kar khat enkawl a nih hnuin \ha takin a chhuak leh a ni. May. 2015 thla tir lam khan BN Hospital-ah lut lehin kar khat vel enkawl a ni leh a. Hemi hnu hian \ha chiang hlei thei lovin September ni 7, 2015 ah BN Hospital ah bawk Admit leh a ni. Doctor leh nurse ten theihtawp chhuaha enkawlin; \ha leh mai tura beisei a nih laiin September ni 15, 2015 (Thawhlehni) zan dar 12:00 khan min lo kalsan ta a ni.

Mimkût thla Ni 12, 2015, Issue No. 37

PAGE - 1

TUALCHHUNG :

Damlo:  Pu R.Lalengzauva, Damvea Sec. a mi chu thawhah leh natna dang avangin B.N. Hospital Kulikawn-ah Admit  a ni a, mi tlawmngai ten thisen unit 4 an pe a, Hospital lamah hian enkawl chhunzawm mek a ni.

@@    Pu Zodinliana H/o Lalsangliani, Damvea Sec. a mi chu chuap lam fel tawk lo avangin Doctor te panpui a ni a, Investigation te tih niin tunah In lamah enkawl mek a ni.

@@    Pi Lungtiawii, Damvea Sec. a mi chu BP hniam avangin Sept. ni 11, 2015(Zirtawpni) khan nikhaw hrelo in a awm  thut a, Alpha Hospital, Kulikawn panpui nghal niin Admit a ni a, \hat lam a pan zel niin thu kan dawng.

@@    Lalhriatzela S/o MS Dawngliana Saichhuma Sec. a mi chu Sept. ni 7, 2015(thawh\anni) khan Civil hospital ah a a pile zai a ni a, tunah inlamah enkawl chhunzawm mek a ni.

@@    Pu Darkhuma H/o Vanlalhlui Buala Sec. chu taksa chak loh na avangin hun engemaw chen a\ang khan inlamah enkawl a ni.

Accident:  Sept. ni 9, 2015 (Nilaini) khan Pi Lalnghakliani (Nghaktei) Buala Sec. a mi chu Bike in a su palh a, a lu lam a sawh nat deuh avangin Civil Hospital panpui nghal a ni a, he thu buatsaih lai thleng hian Hospital lamah hian enkawl niin \hat lam a pan zel niin thu kan dawng.

Kaisang:  Pu A.Lalhmachhuana H/o Malsawmthangi, Damvea Sec. a mi chu Agriculture Extension Officer (AEO) a\angin Sub-Divisional Agriculture Officer (SDAO) ah a kaisang a, Saiha Division hnuaiah a thawk dawn niin thu dawn a ni.

Harhna chhim:  Hlimen Presby. Kohhran Pavalai te chuan kelkang harhna chhimin Sept. ni 7, 2015 (Thawh\anni) khan an chhuak a, Sept. ni 10, 2015 (Ningani) khan an lo let leh ta a, an hlawkpui hle niin thu kan dawng.

FRONT :

CENTRAL CO-ORDINATION COMMITTEE
 VAWI 78-NA NEIH A NI
    Sept. ni 9, 2015 khan CYMA  Tuikhuahtlangah CCC Meeting vawi -78 na chu tluang taka neih a ni.  He Meeting hi  CYMA President Pu Lalbiakzualan a kaihruai a, Gen. Secy Pu Vanlalruatan Report ngaihnawm tak a pe bawk a, CCC Meeting ah hian City Branch aiawh pakhat \heuh bakah Sub-Head Quarter, Group aiawh CEC member te nen mi 186 an kal a ni. Kan Branch a\angin Pu Vanlaltluanga Pre. BYMA leh Pu R. Lalngheta CEC te an kal a, Meeting ah hian Gen. Conference a thurel tur/ chhawpchhuah tur YMA khawih leh sawrkar khawih te thlan fel a ni.
YMA khawih :-
1. Social Media hman dan chung changah hnam inpumkhatna tichhe/ thleng palh thei lakah CYMA in hma la rawh se.
2. Mizo hnam lam leh zai te hi a nihna (Originality) hloh thei zawng a cheibawl leh tih danglam a nih loh na turin CYMA in hma la rawh se.
3. Mizo \awng dik zawk leh uluk zawk a hmang turin in zirtir ni rawh se.
4. Endowment Fund atan YMA member tin ten ` 10/- \heuh thawh nise.
5. Ram pum huapin Electronic Media Awareness Campaign neih dan kawng zawn ni rawh se.
sawrkar  khawih :-
1. Remna ni June ni 30 hi mipui nawlpuiin a huho a lungrual taka hman anih theih nan Sawrkar-ah thlen ni rawh se.
2. Skill Developement a hma kan sawn zel theih nan chak taka hmalak ni rawh se.
3. Drug Control Act. hi Mizorama hman tur bik khauh zawk a siam a nih theih nan Sawrkar ah hmalak ni rawh se.
kumpuan rawtna:-
Tin, 2016 YMA kumpuan   atan- 1. Ram leh hnam humhalh.
2. Mahni intodelh.  3. Corruption do.  4. Ruihhlo do.
    Heng rawtna pali te hi Gen. Conference Rorelna a chhawp chhuah tur an ni. Heng bakah hian Danbu siam\hat ngai leh ennawn ngai engemawzat chhawpchhuah tur a awm bawk.
    Champhai Sub. Head Quarter hruaitute  a\angin Myanmar-a  chhiat tawk- tuilian leh leimin tuar te enfiah a kal ten Report kimchang an pe bawk. Tun dinhmunah Myanmar \anpuina CYMA kuta lut tawh zawng zawng hi ` 96,29,240/- (Cheng nuai sawmkua paruk sing hnih sang kua zahnih sawmli) a lut tawh a, `  120,00,000 (Cheng nuai za sawmhnih ) vel hi CYMA chuan lut thei turin a ngai a ni. |anpuina sum leh pai pawh hi aranglam a pek theih tur ruahmanna kalpui mek a ni.
    Tin, Gen. Conference thleng tu tur Branch a\angin Report ngaihthlak a ni a, kawngpui pawh a theih ang angin chei that mek zel thu a sawi a, ramri dep a awm an nih avangin YMA member atam thei ang ber kal turin min sawm a, hnamdang ten kan chevel min hmu sela a duhthu a sawi bawk . In sangkhat khua an ni a, mikhual thleng zo hle tur ah an in ngaih thu a sawi bawk. Chutihrualin, lui lian tak bula awm a nih avangin fimkhur a ngaihthu te, Conference kal tur ten Thosi len ken a \ul thu te bakah ruihhlo ti te tan kal tum buai loh mai a \hat thu a sawi tel bawk. CCC Meeting hi Upper Republic Branch ten chawhlui an buatsaih sak a, puar leh tlai takin an hrai a ni. 
 

PAGE - 2

EDITORIAL :

MIHRING HMELMA
    Mitin hian mahni ngaimawh zawng kan nei \heuh a, kan ngaimawh zawng \heuh sawi hian kan buai em em a, kan inhnial nasa \hin a nih hi. Kan vei zawng leh kan ngaimawh zawngte hian thil \angkai a thlen ang em tih hi ngaihtuah chiang hlawm ila. Mahni duhzawng chauh buaipui a midang hlamchhiahte hian mahni hma an sial avangin engmah an sukiang tak tak ngai lo. Sapthufing pakhat chuan, “Nun tam tak neih i duh chuan midang tan nung rawh” a ti a. Chu chu kan pi leh pu hun a\ang tawh a kan mizo thurin leh thuvawn a ni a, keini tan pawh thufing nung reng a ni.
    Ram zalen ber, dan nei hnem ber kan ni chung hian dan tlawhchhan vek chuan kan inkhing bur bur a. Sakhaw thuvawn nei \ha ber kan ni chungin Bible \anfung a hmangin kan invaw nghek nghek tho mai. Hetiang thilin kan ram a nek to reng mai hi tu thiamloh nge ti ila midang chungah kan burbun vekin a rinawm. A chhanna dik leh hnai ber chu MAHNI tih hi a ni.
    Mihring hmelma ber chu MAHNI tihte pawh kan hre lê lû a. Kan ram, kan khawtlang diklohna hi keimah vang a ni ti thei ta ila hma kan sawn deuh ngei ang. Inngaihtlawmna tak takin mi thinlung a luah reng reng chuan midang tan harsatna siamtu nihte, hmasawnna daltu nihte a theih lova. Chutiang mi chuan mihring hmelma ber chu MAHNI tih hi thupui ah a nei \hin a ni.

ZIAKTUTE HUANG :

RAM LEH HNAM HUMHALH
- V.L.Rorelfela
(Karhmasa a mi chhunzawmna.....)
    Eirukna leh hlemhletna ten rinawmna an la bawhbeh chhung leh a thei leh hausa fa ten sual an khawih pawh hmuhhmaih a nih chhung chu engtiang a nasa pawhin bei mah ila pawn lam landan chu changkang mah se a chhung lam erawh a rawih telh telh dawn a ni. Ram leh hnam humhalh tur hian kan ram chhunga ruihhlo dote, hnamdang mi hnawhchhuahte leh inpumkhatna chawivulte hi thil \ha zawng an ni ngei mai a, mahse eirukna leh hlemhletna hian bantik ni a nei dawn lo a nih chuan kan hnam chu humhalh ni mah se a him reng dawn lova, kan ram pawh rei a ding dawn chuang lo. Eiru kan tih chin pawh kan sawrzim a ngai a, a dona hmanrua pawh dik taka nun hian a fawmkim hle a ni. Kan sumdawngtu ten manto uchuak taka thil an hralh \hin te, kan sorkar hnathawk ten hming sign nana sum tam tak an phut \hin te, sorkar chhiah bituk sang lutukte, thingtlang hnathawk ten an huanthlai buk rit zawk tura eng engemaw hmanga an pawlh \hin te, zirlai ten diklo taka an Scholarship an la \hin te hi hote anga lang si; ram leh hnam chhiatna lu hrûm ber ni lawi si a ni. Eirukna do pawl indin a, sorkar hnathawk emaw, Politician te emaw sum lakluh dan chhui vak vak hi ram leh hnam humhalh duhtute thil tih atan chuan a \ha ngei mai, mahse tupawh mai hian mahni hna \heuhah bul kan \an si loh chuan a sawt viau nachungin kan humhalh famkim ngai lovang a, kan ram leh hnam pawh humhalh hna kal reng chung siin a boral mai dawn a ni.
    Heng ka’n sawi tam tak hi thil nawi te te anga lang chu an ni na a; a bulpui ber a nih tlat avangin mitin ten kan bul \anna tur zawk chu a ni. Thingkung chu ro tur chuan a kung bul a\anga \an a ngai ang leh a ler a \huaichhum ringawt hian a kung thihna ai mahin a ti\han\hutu chauh a ni lek fang ang hian kan ram leh hnam humhalh tur pawh hian a bulpui ber zirna, dikna, rinawmna, dan zawmna te leh adangte hi kan ram leh hnam humhalh nan mitinin kan neih phawt a ngai a ni. Chuti ni si lova pawla indin a eirukna do vak vakte, sorkar dan zawm loh vanga hremna hmachhawn ngam aia dan kengkawhtute hmelhriat vanga hremna laka put ruk tum tlatna thinlung te, ramdang mi kan zoram a awm hnawhchhuah tum vak vakte, Police Deptt. thawktu lak belh chiam chiam ringawt te, ruihhlo do a vengchhung dapchhuah vak \hin te hi ram leh hnam humhalhna chu ni bawk mah se; thingkung tiro tura a lera \huaichhum leh ringawt \hin ang chauh a ni. Hawh u, dikna te, rinawmna te, zirna uar te, dan zawm \hat te hi kan nunah senglut phawt ila, kan sakhua in a phut ang hian nun hi vawng phawt ila, chumi hnu ah chuan eirukna do pawlah te inhmang ila, ruihhlo dapchhuaktu pawlah te inhmang ila, hnamdang mi kan rama awmte ngaihmawh \an ila. Tichuan kan ram leh hnam chu humhalhna dikin kan humhalh zawk dawn zu nia..

PAGE - 3

HRIATTIRNA :

Electric Bill pek hun
    Electric Bill pekna kan veng Counter chu tun thla chhung atan Sept. 16 &17, 2015 hian hawn ani dawn a, mipui te kan in hriatir e.

JAC hriattirna
    JAC Meeting in a lo rel tawh angin khawtlang then thianghlimna kawnga chak zawk leh zau zawk ahmalak theihna a nih beiseina avangin Sept. ni 19, 2015 zing dar 7:00 hian YMA hall-ah chhungtin aiawh pakhat \heuh leh JAC hruaitute Joint Meeting neih tur a ni a, hei hi chhungtin ten ngai pawimawh \heuh turin kan in ngen e.
    Hetiang hian Programme duan a ni:
Chairman    :    Pu Vanlaltluanga, V.Chair. JAC
Report    :    Pu Lalrinmawia, Secretary, JAC
Thusawi    :    Pu Vanlalhruaia Chairman
        Pu Lalhmuchhuaka Comt.mem
        Kalkhawm te a\angin (5Mins)
Refreshment tuihnai tak a awm ang.

Sd/- Secretary, JAC Hlimen.

Local council hriattirna
    Adhar Card  thlalak hnuhnung ber a lo thleng a, Local Council Office ah Office hun chhungin a lam leh thei ta e.
    PPP Mode a bawlhhlawh paihna fee - July- August, 2015 chu khawn mek zel a ni a, chhungtin ten ngaipawimawh a lo pe vek turin kan in hriattir leh e.

Sd/- Lalhmingliana, Chairman LC

MLA/MP  ROLL  REVISON CHUNG CHANG
        Election Commission of India thupek angin Sepecial Summary Revision of Electoral Roll, 2016 chu neih a ni dawn a,  ahnuaia BLO te hnenah hian form lain dil theih a ni. Hriattur pawimawh zual te:-  
1. E.Roll a thun theih chin hi 1.1.2016 a kum 18 pumhlum chin an ni tur a ni.  (January ni 1, 1998 leh a hma lama piang chin tan dil theih tihna a ni.)
2. Kum tling thar ten Birth Certificate xerox copy leh thlalak, passport size  pakhat thil tel tur a ni.
3. Electoral Roll a awm tawh transfer duh tan ID Card xerox copy leh thlalak thil tel a ngai.
4. E.Roll a diklo tih dik (correction) duh tan a dik lanna document thil tel a ngai.
5. Dilna thehluh theih hun chhung hi dt.15.9.2015 to 14.10.2015 a ni.
6. Hre chiang duh tan ahnuaia mite hnenah hian zawhfiah theih a ni.

   Sd/-Duhthusama,            Sd/-Lallawmzuala,
    BLO, Hlimen-I.               BLO, Hlimen-II.
    Ph. 9436199909.               Ph. 8974243438

LAWRKHAWM :

Electric line siam|hat a ni
    Sept. ni 9, 2015 (Nilaini) khan P & E Deptt. a thawktu te chuan Hlimen a Electric L.T Line Pu Lungmuana te In bul leh thlanmual-I inkar a hrui hlui lutuk te a thara thlakin a hrui dul tawhte pawhmar \hat nghal a ni. He hna thawh a nih avang hian hlawhfa ruaitute leh inhlawh tura thawkchhuak tawhte rokhawlhna tawk in awm tih hriat a ni a, information mipui a pek hman a nih loh avangin Deptt. chuan thupha an chawi a ni. Tunhnu ah chuan Emergency a nih loh chuan Current off ngai ang chi ah chuan information pek zel tum a nih tawh tur thu kan dawng.

U.P.H.C. Report
    Sept. ni 7- 11, 2015 chhunga Urban Primary health Centre, Hlimen report :-
    1. OPD  - 143    2. Kum 6 hnuai lam en zat - 31        3. Naupiang zat - nil    4. Emergency - 1  
    5. In Patient - nil    6. Naupai en zat - 4
    7. Dressing - 6
    Urban Primary health Centre, Hlimen -ah heng te hi kar leh a\angin a tih theih ta e :-
1.    Hepatitis ‘B’ test      :     `     100
2.    Hepatitis ‘C’ test     :     `     150
3.     Scrub Typhus (Rannung seh) Test     :     `     300
4.    Ek Exam    :     `     10
5.    TB/Khak Test    :    FREE  

Pipe line siam
    Quarry lam chawmtu PHED Pipe line chu chawlhkar thum zet a chhiat hnuah Sept. ni 5, 2015 khan siam \hat a ni a, Pu Lalhmingliana, Chairman LC in a JCB a thawh a, 12 Feet laia thuka hai a nih hnuah a chhe laihmuh a ni a,  Welding nghal niin tui pawh pek leh theih a ni ta.

Committee siam
    AMC Election kan hmachhawn tur atan Ward XIX huamchhunga MNF te chuan hetiang hian Committee an siam :-
    Chairman    :    Lalngaihawma , Hlimen
    Vice Chairman    :    CL Thuama, Tlangnuam
    Treasurer    :    Rothianga, Kulikawn
    Secretary    :    Lalbiaknia, Melthum
    Joint Secy.    :    Zoramchhana, Saikhamakawn
            Roliana, Tlangnuam Vengthar.
    Advisers    :    R. Khawpuithanga Tlangnuam
            N. Zokunga, Hlimen  
            R. Sangkunga, Kulikawn

Thlanmual sam hnatlang
    Sept. ni 17, 2015 (Ningani) zingkar hian Branch YMA chuan Thlanmual - I sam hnatlang a kova, chhungtin a\angin mi 1 \heuh tal thawkchhuak turin ngen leh hriattir kan ni e.
    Tin, chhungtin ten kan chhungte thlan kan la tifai lo a nih chuan hnatlan hma hian lo tifai vek turin ngen leh hriattir kan ni bawk e.
    Thlanmual sam hnatlang hi kum tinin Branch YMA chuan a ko \hin a, mipui lam pawhin kan ngaipawimawh hle a, a lawmawm tak zet zet a, thlanmual hi fai leh uluk taka enkawla mitinte \ang tlang zel turin beisei kan ni bawk e.

PAGE - 4

TUALCHHUNG :

Hlimkhawpui Budget
    Hlimkhawpui  2015  July & Aug.  thla Budget  pe tla tawh te:
1.    Kapdaia Sec.    2.  Vawmphunga Sec.
3.    Damvea Sec.    4. Lalsavunga Sec.
    Tin, Kapdaia Sec. ten Sept. leh October thla budget an tlak fel ta bawk. 

     
Lalsavunga Section
    Lalsavunga Sec. YMA Leader Pu Lal\anzuala chuan a hna lam avanga a nihna a chelh theih dawn loh avangin Asst.Leader nilai Tv. John Vanlalpeka chu Leader ah ruat a ni a, tin Asst. Leader atan hian Pu Lalrinawma Siakeng chu Committee in a ruat bawk a ni.
    Sept. ni 5, 2015 (Inrinni) khan Section chhung kawngpui dung tifaiin hnatlang an nei a. Tlawmngai a Member thawkchhuak zawng zawng chungah Section hruaitu ten lawmthu an sawi.

Kan va lawm em
    Sept. ni 9, 2015 (Nilaini) khan Aizawl Forest Division ten thlan laihna hmanrua - thirtiang 1, suahdur 1, lungral te chi 1 leh lei haina 1 min pe a. YMA hruaitute an lawm tak zet zet a ni. Heng hmanrua kan dawn theih nachhan hi Pu Machama, Saikhamakawn Forest Deptt. a thawkin a lo buaipui vang a ni a, a chungah Branch YMA chuan lawmthu a sawi bawk a ni.

Kawng en
    Sept. 7, 2015 khan PWD E-In -C hovin YMA Gen. Conference neihna hmun tur Bairabi kawng chhia siam\hat dan tur a hmun ah kalin en ho a ni a, CYMA hruaitu kal zingah hian Pu R. Lalngheta pawh a kal ve a ni.

Tea urn chin hriat loh
    Buala Section YMA Tea Urn chu a chin hriat a ni lo a,  Chhiatni \hatni a tangkai taka hman a nih \hin avangin lo kawl kan awm chuan aranglamin Section hruaitu te hriattir ila a \ha hle ang.

Lucky Ticket
    Vengchei Sub - Committee in sumtuak nana Lucky Ticket a siam zuartu ten a ranglamin Nl. Zochuanpuii, Treasurer, Vengchei Sub- Committee hnenah a ranglamin kan hralhna thehlut turin kan in ngen a, tin, la tiral zo lo te pawhin a ranglamin tihral i tum \heuh ang u.

    Sd/- Secretary,
    Vengchei Sub- Committee

CHHIARTUTE NGAIHDAN :

@@    Fur khua a ni a, Zoram hmun hrang hrangah chhiatna a thleng nasa ang bawkin keini Phunchawngzawl kawng pawh Motorin a dai diakin ; ritphur tan phei chuan rahlai tur ber pawh hriat loh khawp a ni a, chuti chung pawh a tumah phunnawi miah lo a kan awm thei te hi a lawmawm a, khawvel changkanna in a ken tel lirthei kal theih hun  thlir phatu te kan nih zia tu te tilang tu a ni. Tin, Quarry neitu te pawh mi\ha chungkua a\anga selian, mipawisawi hlau tak mi an lo ni leh zel te, kawng chei nan ringawt pawh pahmei pa kumkhat tla zet lo seng tawh an lo ni leh zel te hi kawngkhat zawh tlang awm reng kan lo ni e.
                            -Rochhunga.
                  Chairman, Phunchawngzawlzau Society

Lawrkhawm chhunzawmna......
Joint action committee thuchhuak
    Kan veng chhungah rukruk a tam hle mai a, JAC te hnena Report a nih chuan dan dinglai angin a rutu leh a leitu ang khat a hrem tawh tur a ni a, chuvangin, rinhlelhawm thil chu tuman lo leisak tawh lo turin mitin te kan in chahin kan in hriattir a, harsa taka kan thawhchhuahsa sum leh pai te rukru te avanga a lo thlawn a a luanral mai mai loh nan mitinte fimkhur tlang \heuh turin JAC chuan min ngen tak meuh meuh a ni.

    Sd/- Secretary
    Joint Action Committee.

Hlimkhawpui Office sawn tum
    Kan venga atanga chanchinbu chhuak lian leh Copy tam ber mai ‘Hlimkhawpui’ chanchinbu buatsaihna Office chu sawn tuma hmalak mek a ni a, ruahman dan ang chuan tuna P&E Department ten Bill Counter atana an hman hnungah sawn tum a ni a, a hmun hma hi cheibawl deuh a ngaih avangin insawn luh hun tur hi hriat theih ala ni lo.

Hringnun....

Khawngaihna hian Sakeibaknei pawh beram angin a awmtir thei a, chinghnia pawh beram no angin; ram sakawlh pawh mihring ang maiin a chhuah thei a, mihring chu angel angin a awmtir thei.
            -Thomas Carlyle
Mahni aia chungnung zawkte laka inphah hnuai hi chu kan tih tur ve reng a ni a, mahni zawlpui te laka inphah hnuai chu hawihhawmna a ni a, mahni aia hnuaihnung zawkte laka inphah hnuai chu ROPUINA a ni.
-Abraham Lincoln

Mimkût thla Ni 5, 2015, Issue No. 36

PAGE - 1

TUALCHHUNG :

Damlo:  Pu Lalmuanawma leh Pi Malsawmtluangi, Saichhuma Sec. a mite naute chu awmnâ avangin August ni 29, 2015 (Inrinni) khan Durtlang Hospital-ah Admit a ni.

Nâu nei thar:  Pu Lal\hakima te nupa Lalsavunga Sec. a mi te chuan August ni 30, 2015 (Pathianni) khan Civil Hospital-ah fapa duhawm tak an nei thar.
@@    Pu Lalroliana leh Pi Lily Zonunmawii te nupa, Kapdaia Sec. a mite chuan Sept. ni 2, 2015 (Nilaini) khan Falkawn Referral Hospital-ah fanu duhawm tak an nei thar bawk.
@@    Pu K. Zonunmawia leh Pi F. Lalmuanpuii te nupa Kapdaia Sec. a mi te chuan Sept. ni 4, 2015 khan UPHC, Hlimen ah an fa 3 na atan fanu duhawm tak an nei thar.

@@    Pu Lalhmangaiha leh Pi Lalthlamuani te nupa Damvea Sec. a mi te chuan Sept. ni 2, 2015 khan B.N Hospital, Kulikawnah an fa pahnihna atan fanu duhawm tak an nei thar.

Electric hrui thlak:  Quary Transformer a\anga LT line hruai chu Main Road thleng a thar \ha taka thlak a ni.  P&E Deptt. te chungah veng mipui te an lawm hle a ni. Thawktu te hi Stone Crusher neitu ten zanriah an buatsaih sak a ni. Hmun dang a mi Line \halo leh hrui hlui dang te pawh siam\hat zel tur a hmalak chhoh an tum niin thudawn a ni.

Beihrual: Kristian te rammut thla (Beihrual thla) kan lo thleng leh ta a, kan venga Kohhran hrang hrang ten zantin inkhawmin hun an hmang a, Kohhran \henkhat chuan Crusade a hun hman chhoh an tum niin thu kan dawng.

In buatsaih nasa:  Naupang Sunday School khawmpui neih tur atan tunlai hian Hlimen a Kohhran hrang hrang te an in buatsaih nasa hle a, thudawn danin Sept. ni 13, 2015 hian naupang khawmpui hi neih a ni dawn a ni.

FRONT :

Awareness on Dubious Entities Illegally Collecting Money from the common public
- Reported by J. Vanlalbiakdika & Lalhmunsiama
    Sept. ni 2, 2015(Nilaini) chhun dar 11 khan CYMA Hall, Tuikhuahtlangah  DNBS, RBI Guwahati leh CYMA \angkawpin   ‘ Awareness on Dubious entities Illegally Collecting Money from the common public’ a buatsaih a, Aizawl City Branch aiawh hrang hrang bakah CYMA hruaitu te an kal \ha hle.
    He hun hi Pi Jennifer H.L Duhawmi, Joint Director, IF & SL in a kaihruai a, Pu Lalbiakzuala President CYMA  in thu tawi sawina hun a nei a, Mizo ten sum lakluhna a dik emaw dik lo emaw sum leh pai nei ngah kan la ngaihsan tlat avangin awlsam taka sum neih tum kan tam a, awlsam taka sum neih tumna chuan chhiatna a thlen a, reilo teah mimal, chungkua leh ramin a tuar a ni a ti a, tin, YMA hmalakna in Mizoram a Bank lem 30 chuanglai chu um bo a lo nih tawh thu a sawi bawk.
    Hemi hnu hian RBI a\angin Power Point Presentation neih a ni a, Reserved Bank Of India(RBI)  hnathawh leh kalhmang leh hmalak te thlir ho a ni, a hlawkthlak hle.  RBI hi Central Bank niin a hnathawh ber (Main Function) chu ‘ Banker Of banks’ a nih avangin mipui lam nen direct tak chuan indawrna a tam lem lo a, chutihrualin, India rama Bank te enkawl a, zir a, chhui chiangtu (Monitoring leh Supervise) a nih vangin a dinhmun a sangin a pawimawh hle.
    An hnuaiah hian NBFC (Non Banking Financial Company) te hi Register Of Company ah an in Register ngei tur a ni a,  loan an pe tel duh a nih chuan RBI ah an in register leh tur a ni. Loan pe tel si, RBI a in Register si lo chu a lem an ni a. Hetiang ang kan tawng a nih chuan RBI hriattir vat \hin tur a ni. Tunah hian India hmar chhak lamah hian NBFC Registered 108 an awm mek.  Tin, RBI hian kumin October thla velah Aizawlah Sub - Office hawn tumin hma an la mek bawk.
    Kan sum leh pai te a him zawk nan heng te hi hria ila :-
    Pawisa i dah luh hmain i dahna tur kalhmang leh nihphung (Document) chiang takin zirchiang la, i ngaih a ngam lo emaw a nih chuan dah loh ngam mai a him ber fo. A pung sang taka pe thei tur a intiam apiang che chu tlansan rawh. RBI hnuaia NBFC te chuan  12.5% aia sangin a pe thei lo tih hria ang che. Tin, RBI, Guwahati hnuaiah NBFC in ziaklut zingah pawisa Deposite lo pawm thei tur a phalna nei an awm lo tih hre bawk ang che. Scheme phuahchawp, a pung sang si eg. chiahpuam (PONZI Scheme) ah rinna nghat ngai suh.
    Sum a pung awmin sum i dah duh a nih chuan a pung RBI hnuaia Registered Bank a dah hi a him ber a, i sum dah luh tur beisei a ham\hatna tam tak tiam a, awlsam taka in ziahluh mai theihna chuan awlsam takin a tlanbo san leh thei che tih hria la, hlat rawh. Tin, I ATM Card mi dang nena in hman pawlh loh a him ber.
    Sum dah leh peipun chungchangah zawhfiah duh i neih chuan  - Guwahati Contact No: DNBS - 0361-2635007, Mb. No - 8753986101, Adress Reserved Bank Of India, Dept. Of Non Banking Supervision, 3rd Floor, PAN Bazar, Guwahati- 781001 ah thlen ang che. 

PAGE - 2

EDITORIAL :

MI Ã
    Mi ã han tih hian pian phunga kim lo leh mi huihphâi, mi pangngai ang pha lote hi kan rilru-ah a lo lut nghal mai awm e. Mahse, kawng danga âtna nei silo; mahni tana \ha leh \ha lo pawh hre lo leh thil tihin lukhawng leh nghawng a neih dan tur chhut peih miah lo leh ngaihtuah tum lo mi ã hi an awm ve leh a. Chungte chu sawi ka tum zawk chu an ni.
    Vantlang thil mahni ta a ni tih hre duh lova; kutthak hnawih nana hmanga tihchhiat/ruk chingte hi mi ã te zingah a langsar pawl tak an ni awm e. Heng mite hian mimal, chhungkua leh khawtlang tana thil pawi tur ngaihtuah duh miah lovin vantlang thil pawimawh hrang hrang an khawih chingpen a, khawtlangin kan tuar a, heng mi ã te avang hian kan khawtlang hmel a bal \hin a nih hi.
    Nungcha leh ramngaw humhalh nachang hre lo leh hetiang ti duh miah lova mahni chauh \anghma hai mi ã an awm bawk. Nungchate pawimawh zia leh kan tana ramngaw hlut zia chu sawi ngai lovin kan hre tlang awm e. Mahse heng mi ã te hian a pawimawh zia pawh ngaihtuah duh lovin nungchate suat rem zawng leh ramngaw tichereu zawngin kan tal hiar \hin zawng a nih hi. A pawi \hin khawp mai.
    Heng mi ã te át dan hi kan sawi kim seng lovang. He thil pawi tak hi a ã ve lote hian kan vei a ngai a, engtiangin nge hma kan lak ang tih hi kan ngaihtuah a pawimawh khawp mai. Heng mite hi Electric Shock hmanga tihharh chi an ni lova, an thil tih pawizia leh sim a \ul zia hrilh a, thiam taka zilhhauna pek chi an ni mai thei. Chuti chung pawha harh thei lova an ring tikhawng tlat te chu dan anga hremna pek chi an ni ngei ang.

ZIAKTUTE HUANG :

RAM LEH HNAM HUMHALH
- V.L.Rorelfela
(Karhmasa a mi chhunzawmna.....)
    Thil ngaihnawn em em leh vei tham em em mai chu; mipui mimir hmuh theih tur leh langsar taka ram leh hnam humhalh hna thawktute thawh dan hi a ni. |hen khat chuan zu khap burna dan hman a nih lai khan khawtlang, ram leh hnam tan tiin zan khawvawt hnuaiah zu leh ruihhlo dang dapin an vakchhuak a, mi tam tak zu bel an vuakkehsak a, ruihhlo tam tak an halral \hin. Chu chu a \ha e, ‘mahse’ tih a awm tlat. Mi \henkhat zu an man a, a zuartute nen lama an vuak thawr thawr laiin \henkhat mi hausa leh officer te zu changkang chu an nei tih an hriat reng pawhin check chu sawi loh an hre lo der hmiah hmiah \hin. Ruihhlo zuarte tanin a rei tak khung an nih laiin politician leh sorkar a thunei deuh fate chuan ruihhlo zuar ve mah se rei an tang thei lova, hremna dan pawh an chunga lekkawh a ni ve thei ngai lo. Chutiang kalphung felhlel tak chu a ni veitham leh ngaimawhawm chu. Chu mai piah lamah chuan zu an man a, an man sate a mantute ngeiin an han in leh a. Ni e, a langah chuan an thawk \ha a lawm, ram pawh an hmangaih hmel khawp mai, mahse ram tana thawhna leh ram siam\hat an tumna chu a dik tawk lova, awmzia a nei tak tak thei lo a ni.
    |henkhat chuan hnamdang ngaithei lovin dan lova kan rama sumdawngte dapchhuah hna an thawk a, an dawr leh sumdawnna te an kharsak burh burh a, \hat khat chuan a \ha khawp mai. Mahse, an dawrah chuan chhiah sang uchuak tak la in an office leh anmahni an inhaivur leh si. A nih loh leh chu’ng dan lova sumdawngte pawh zofate zingah lo \an tawk an lo awm leh bawk a. Kan politician tam takte pawh ram leh hnam humhalh a ram hmangaihna \awng chhanin mipui hma ah mahni an infak chiam chiam a, thil \ha leh hmasawnna tam tak pawh an ti nasa e. Mahse, hnam dang vote chauh a vote chauh a tlin pawh thuneihna an chan dawn phawt chuan an pawisa leh si lo. Ram leh hnam humhalh kan tumna lamah hian kan beihdan kan chhut ngun loh chuan kan humhalh tumna lamah kan tichhe zawk hial thei a ni.
    Heng ka han sawi takah tak hian a ni kan buai \hin ni. Ram tan ka bei e kan ti a, kan thawkchhuak a, ni e, a \ha a lawm. Mahse, ram tana kan thawhna hi a kawr chauh niin a lang. Chhungril nuna ram hmangaihna thinlung tak tak nena kan thawhho \hin loh vang hian heng ram tana thawk \hin ho hnathawh pawh hian lukhawng a nei mawh a, ramin hma a sawn thei lo \hin. Chutianga thil ti \hinte avang chuan a lawm ram leh hnam hi vei ngaia a la awm cheu \hin ni. An hnathawh ang kha thawk tho sela, an mimal nunah dikna vawng sela, ram tan an thawhhlawkin hnam an va humhalh hneh dawn em. An beihna duhtawk sela, dik tak leh rinawm takin hnam leh ram hmangaihna rilru pu chungin khawvelah hian nung ngawt pawh nise kawngro a la su zawk hial awm a sin.
    Ram leh hnam humhalh tur hian kan thawkchhuak thei vek tih hi sawi nawn fo ka duh a ni. Kan nitin nun hmanna ah hian dikna vawng nung reng ila, ram chuan a mahin \han lam a pan anga, hnam pawh a lo hmingthang tial tial mai dawn a ni. Changkanna ringawt hi \hanna a ni ber lova, changkanna hian hnam a awphlum theiin ram a thaibo thei hial zawk a ni. Chutihrual chuan ram leh hnam \hanna chuan changkanna a hril tel tur a ni thung.
(Phek 4-naah chhunzawm a ni.)

PAGE - 3

HRIATTIRNA :

AMC  ELECTORAL  ROLL  REVISION
    Election Commission of Mizoram chuan Aizawl Municipal Council inthlan chu kumin kum tawp lama nei thei turin ruahmanna a kalpui mek a. Hemi atan hian AMC Roll revision pawh neih mek a ni. AMC Roll a hming thun, paih leh Correction ti duh chuan ahnuaia tarlan BLO te hnenah hian September ni 9, 2015 ral hmain dilna form la a thehluh tur a ni. Tin, heng hi hriattur pawimawh zual a ni:-
    1. Local Council Election 2015 a Electoral Roll hman chu Draft Roll a hman a ni a, Heta tello tan Roll a inthun luh dil theih a ni.
    2. E.Roll a thun theih chin hi 1.1.2015 a kum 18 pumhlum chin an ni tur a ni. (January ni 1, 1997 leh a hma lama piang chin tan dil theih tihna a ni.)
    3. Kum tling thar ten Birth Certificate xerox copy leh thlalak, passport size pakhat thil tel tur a ni.
    4. Electoral Roll a awm tawh transfer duh tan ID Card xerox copy leh thlalak thil tel a ngai.
    5. E.Roll a diklo tih dik (correction) duh tan a dik lanna document thil tel a ngai.

    Sd/-Duhthusama,    Sd/-Lallawmzuala,
    BLO, Hlimen-I.    BLO, Hlimen-II.
    Ph. 9436199909    Ph. 8974243438

THAWMHNAW theihnghilh
    Pi Lalsiamliani  Dawr, Venglaiah hmeichhe thawhnaw la \ha tak mai theihnghilh in awm a, a neitu chuan  a rang lamin ngaihven a \ha ang e.

Local Council hriattirna
    Kan tarlan fo tawh angin Hlimen tlang- Zophei zau- Hauhuk kai leh Raldan kawn inkar hi ramngaw a siam (Afforestation) tura hmalak mek a ni a, Kumin leh kum hmasa lamah pawh thing engemaw zat phun belh a lo ni  tawh a. Chuvangin, helai hmun a thing leh mau eng chi mah hi engti kawng maha khawih phal a ni lova, tilui kan awm a, manchhuah kan nih chuan na taka Action lak a ni ang.

    Sd/- Lalhmingliana
    Chairman, Local Council.

J.A.C.  hriattirna
    A hnuaia hun leh hmun ruatah hian JAC Committee koh a ni a, kohna hmu lo palh chuan hei hi kohna puitlinga ngaih tur a ni e.
A hun : Sept. ni 6, 2015(Pathianni) 2:30Pm
A hmun YMA Hall
Agend : 1. Mipui in rawn khawm chung chang
     2. Sumdawng chhuna vak chung chang
     3. Pem thar te ngaihven chung chang.
     4. AoB
            Sd/- Secretary. JAC

LAWRKHAWM :

Bawlhhlawh paih chungchang
    Bawlhhlawh paihna atana mipui lamin kan tum ve tur July & Aug. 2015 atan khawn a lo hun leh ta a, Sept. ni 7, 2015 a\anga khawn \an tum a ni a, chhungtinte lo pe \heuh turin kan in hriattir/ ngen leh e.
    Bawlhhlawh paihna Fee (User charge) hi veng dangah chuan thlakhat atan ` 50/-  chunglamin an khawn tlangpui a, keini vengah hian ` 30/- in, thla hnih atan ` 60/- a ni a, hei hi nitin ` 1/-  anga chhut a kalpui a ni. Kan chhungkua, kan khawtlang; faina leh hriselna atana kan bawlhhlawh te Sanitation Motor hmang a hla taka paih hi thil \ul leh pawimawh tak a ni tih kan hriat a, hemi atana senso tur- nitin ` 1/-( thlahnih atan ` 60) hi phur tak a lo pe turin kan in ngen nawn tak meuh meuh a ni.
    |henkhat ten Sanitation Motor a bawlhhlawh paih lovin mahni in bul kawr remchangah kan la paih mai mai a, hei hi a rimchhiain hmuh a hrehawm hle a, kan hriselna tichhetu ni mai lovin ; khawtlang timualphotu lian tak a ni awm e. Tin, tuna PHED ten tui an sem mek, kan hman leh kan in hi Serlui tui a ni a, Serlui hnar a awm kan nih avangin kan bawlhhlawh te kawr leh a rem chang changah paih mai lovin  Sanition Motor ah ngei bawlhhlawh paih \heuh i tum ang u.
    Hetiang hi May & June 2015 bawlhhlawh paihna atana user charge lakkhawm zat leh hmanchhuah dan a ni e :-
1. Hmuh zawng zawng    -                    ` 17,490
2. Hman chhuah dan :-
    1) LPK (407) tlan zat     vawi 17 X 250 =    4250
    2) Pick Up tlan zat    vawi 8 X 280   =    2240
    3) 1 labour    vawi 17 X 300 =    5100
    4) 2 Labour    vawi 8 X 250   =    2000
    5) Collector hlawh        2000
    6) Receipt, Xerox, Glove etc..                  =    1500
                   Total     =    17,090
3. Balance                                 = 17,490– 17,090   = 400

    Sd/- Secretary
    PPP Committee, Hlimen

U.P.H.C. Report
    August ni 29 - Sept. 4, 2015 chhunga Urban Primary health Centre, Hlimen report :-
    1. OPD  - 142    2. Kum 6 hnuai lam en zat - 41        3. Naupiang zat - 1    4. Emergency - nil  
    5. In Patient - 3
    Urban Primary health Centre, Hlimen chung changa mipuite hriat tur :-
1.    OPD Card lak man : ` 10
2.    Inentir hun :- Thawh\anni - Zirtawpni
    (dar 9:30 Am - 1 :00 Pm)
3.    Raipuar inentir ni : Ningani a piangin
4.    HIV Test ni : Ningani apiangin.
5.    Dressing hun : |hawh\anni - Pathianni
    (Dar 6:00 Am - 8:00 Am)
6.    Copper-T a dah theih bawk e
    Damlo kan/ Dressing hun leh inentir hun hi ngaipawimawh turin mitin te ngen nawn leh kan ni. Tin, UPHC hian Laboratory a lo changtlun zawk nan hma a la mek a, tun a\anga rei lo teah a hlawhtling ngei dawn niin thu kan dawng.  
 

PAGE - 4

KEIMAHNI :

Hlimkhawpui Budget
    Hlimkhawpui  2015  July & Aug.  thla Budget  pe tla tawh te:
1.    Kapdaia Sec.    2.  Vawmphunga Sec.
3.    Damvea Sec.    4. Lalsavunga Sec.      
myanmar leh manipur chhiat tawh |anpuina
    Sept. ni 4, 2015 4 :15 Pm thleng a Myanmar  leh Manipur a tuilian leh leimin tuar te tanpuina Sub. Hqrs - 5, Group - 15, Aizawl City Branch - 89, Aizawl pawn Branch - 78, pawl, Kohhran leh mimal - 21 a\angin `89,25,716/- a lut tawh a ni.

Kapdaia Section
    Karleh chho hian Section Kudam sakna tur Section huam chhunga chhungtinte hnenah vehbur khawn a ni dawn a, Section Kudam \ha neih a pawimawh zia te hria a chhungtin te lo in kau a, \hahnem ngai taka sum lo thawh \heuh turin kan in ngen tak meuh meuh  a ni.

Sd/- Secretary

A lawmawm |hin e
    Tun \um Hlimkhawpui chanchinbu Issue buatsaih laklawh lai takin Computer Power Supply tu ber SMPS a chhe hlauh mai a, kan buai hman hle. Kan harsatna te hriain Tv. Lalhmangaiha S/o H. Chalkunga Saichhuma Section a mi chuan SMPS a hman lai chu min hman hawhtir a, amah vek hian min Fit fel sak vek mai a, tluang takin kan chhunzawm leh thei ta a ni. A bik takin a chungah Hlimkhawpui Editorial Board te kan lawm hle a ni.

Lucky Ticket
    Kumin Krismas leh a vuakvet a veng cheina turin a theih ang ang a hmalak mek  a ni a, sumtuakna hmasa atan Lucky Ticket zawrh mek zel a ni a, tlawmngai a lo lei zel turin mitin te kan in ngen in kan in sawm tak meuh meuh a ni. A man hi ` 20/- chauh a ni e. Tin, Ticket zuar tur a beisei te pawhin mahni  chan \heuh te a rang lama tihral dan zawng \heuh turin kan in ngen nghal bawk e.

Hringnun.....

Scientist-te chuan hauh tuar deuh reng \hin naupang aiin fak hlawh deuh reng naupangte hi an felin an fing zawk tih an hmu chhuak a. Fakna hi kawng tam takah a lo \ha a ni e.
 

Chhiartute Ngaihdan :

@@    Khawtlang hruaitu leh YMA ten khawtlang \hatna tur leh thianghlimna turin hriselna lamah hma kan sawn theih nan dan fel tak mipui ten a kan zawm tur an siam a, chung zinga ka ngaih pawimawh em em mai - rankhuahkhirh, bawlhhlawh paih dan tur, kawngpui(Main Road) a lirthei sil leh dah loh tih te hi tute tihtur nge? Rankhuahkhirh loh te, bawlhhlawh paih \ha duh lo te, kawngpui kama motor dah leh motor silna bal thli luantir  mai bakah kan bal thli vantlang tana tenawm/rimchhia tih hrereng chung a dan palzut tlat ho te hian tu zawm atan nge dan hi an tih? Khawtlang hruaitu te tih atan nge, YMA hruaitu te tih atan aw... Dan chu a siamtu leh mipui te zawm turah ka lo ngai a.
                    - Khawtlang hmasawn leh hriselna duh a

(Ziaktute huang chhunzawmna.......)
     Changkanna ringawt a malkalh erawh zawngin kan chhiatni a hnai tial tial zawk a ni. Politician leh Officer eirute kan dem em em a, kan dem thu kan auchhuahpui a, NLUP kan dawng ve dek dek a vawk vulh nana sorkar pek ni na na na kha T.V. thar lei nante kan hmang leh daih a, mihausa eiru dem hle si khan mahni eiruk leh diklo taka sum kan hman kha kan hmuh hmaih leh tlat si. Chu chuan ram leh hnam chhiatna a thlen mek zel a nih hi. Hawh u, dik takin i nung mai teh ang u, chu chu ram leh hnam dinchhuahna tur a ni si a.
    Ram leh hnam humhalh tur hian tupawh mai hian sawrkar dan leh dun te hi zawm \hat kan ngai a ni. Tin, Sawrkar lam pawhin a dan leh dun te khauh taka a kalpui a \ul hle bawk. Inthlahdah thiang a ni lo; hnam dang Mizoram a lo awm te hnawhchhuah tum a beih vak vak hi a \ha lo chu ka ti hauh lo. Sawrkar hi a dan siam leh a neih sa ang hian kaltlangin a dan siam te’n khauh takin bawhzui \hin sela chu he beihna pawh hi hei ai hian a \ul nep deuh tur. Mipui lam pawhin sawrkar dan leh dun kan zawm \hat chuan kan ram leh hnam kan venhimna leh kan humhalhna zel a ni. Dan zawm \hat lohna hian ram a ei chhe telh telh a, zawm \hatna ram erawh ram changkang leh zahawm an ni mek zel a nih hi. Dan leh hrai zawm hi ram leh hnam humhalhna chu a ni. Hnam hi a dinchhuah dawn chuan ram dan te kan zawm \hat a ngai a ni. Chutiang a nih si loh chuan enganga nasa paw’n ram hmangaiha in chhal ten bei \hin mah se ram leh hnam chhia a riral mai tur chu an chelh khawtlai hlek mai zawk a ni.

Advertisement...

INHLAWHNA HLAWK
      Chanchinbu sem hi inhlawhna \ha tak a ni tih i hria em? Eizawnna atan a tlak var var tih i hria em? YMA leh Kohhran |halai tan sumtuakna remchang a ni. Subscribe (a la duh) tur zawn na a thlawnin kan pe thei.
Hlawh neih dan Copy-1 ah Rs 12.50/- kan pe.
- 50 Copies x 12.50 = Rs 625 (ni 4/5 chhung lekin)
- 100 copies x 12.50 +( bonus 10 bonus x Rs 50= Rs 500) = Rs 1750
- 200 copies x 12.50 +( bonus 20 bonus x Rs 50= Rs 1000) = Rs 3500
Contact - 2328115/9862363559
ZALEN OFFICE
BIAKSANGA BUILDING,
    NEWS AVENUE,  TREASURY SQUARE.     (4-4)