Saturday, 28 March 2015

Vâu thla Ni 29, 2015, Issue No. 13

PAGE - 1
TUALCHHUNG :
Damlo: Pu R.L. Lalngaihhawma Buala Sec. a mi chu March ni 23, 2015 (thawh\anni)  khan an |helret huan a a feh chu luang bul a rap palh a, Alpha Hospital-a panpui niin tunah inlamah enkawl mek a ni.

@@    Pu R. Lalengzauva H/o Vanlaltluangi Damvea Sec. a mi chu pum lam \halo avangin march ni 21, 2015(inrinni) khan BN Hospital, Kulikawnah dah luh a ni.

@@    Zonunfela S/o Zothankima Damvea Sec. a mi chu march ni 26, 2015(ningani) khan Durtlang Hospital-ah a tonsil zai a ni.

Chesual palh: March ni 24, 2015(thawhlehni) khan Tv. Lal\hasanga S/o Biaknghinglova chu a hnathawhna -Stone Crusher a a chhihri virin a kawr hak man kaiin a vir pui a, a khabe ruh titliakin tunah in lamah enkawl mek a ni.

Pension: Pi Hualchhingpuii Damvea Sec. chu Synod Hospital ah Ward Auxiliary a hun rei tak a thawh hnuin Voluntary pension in a chhuak ta.

Tihdikna: Kar hmasa Issue a Branch YMA OB ten Health Clinic an enfiah tih kha Health Clinic nilovin a hnuaia mi -  a Quarter  zawk a ni e.

Champion: State Bank of India MBA Official Championship, Inter- District Champion Championship 2015 neih zawh takah Pu Lalmuanawma chuan Final-ah Samuela hnehin Men’s Single -ah a Champion a, tin, Men’s Double ah pawh a \an pui nen chak ber nomawi an chawi leh bawk.

Zunin \hiat: YMA Hall bula zunin chu \ha leh changkang zawk a siam a nih dawn avangin March ni 27, 2017 khan \hiah a ni ta. A rang thei ang ber a kutthlak nghal a nih tur thu Local Council te chuan an sawi.

Editor zin: Tun\um Issue chu Kan Editor-in Thingdawl lama chhungkaw Programme pawimawh avangin min tel pui thei lova, dam taka a lo haw leh ngei kan beisei.

Chhiatni fund chungchang: Kum 2015 chhung chhiatni Fund chu khawn \an chhoh mek a ni a, chhungtin tukna lehkha pawh sem chhuah a ni a, a khawn tu ten an khawn huna lo pe thei turin chhungtin te in ring lawk ila a tha hle ang.

FRONT :
KUMPUAN HAWN A NI

    Hlimen Branch YMA chuan March ni 27, 2015 (zirtawpni) zan khan YMA Hall-ah kum 2015 YMA kumpuan ‘ Ram leh Hnam humhalh’ hawnna hun a hmang. Kumpuan hi Pu R. Vanlalsawma CEC in a hawng a ni.
    He kumpuan hawnna inkhawm hi Pu Robuanga Vice President Branch YMA in a kaihruai a, Pu Lalthantluanga Fin. Secy. in kumpuan inkhawm chu Pathian hnena hlanna a nei bawk. Tin, Pu Lalrinmawia Secretary hnen a\angin Branch YMA report tlangpui ngaihthlak a ni a, hemi hnu hian  Pu R. Lalngheta CEC a\angin thusawi tawi ngaihnawm tak ngaihthlak  a ni a, Thusawi tawi ngaihthlak zawh hian Nl. Lalruatdikin zaiin kal khawm te a awi leh a, zai ngaihthlak anih hnu hian kumpuan hawnna leh thusawi ngaihnawm tak Pu R. Vanlalsawma CEC hnen a\angin ngaihthlak chhunzawm a ni, hemi hnu hian Mafak-in kalkhawm te zai in a awi leh a. Vote Of  Thank chu Tv. R. Lalawmpuia Asst. Secretary a\angin ngaihthlak chhunzawm niin hun khar nan Pu J. Zothanpuia Member Local Council in \awng\aiin hun a khar ta a ni.  
    Kumpuan hawngtu Pu R. Vanlalsawma chuan ‘ Ram leh Hnam humhalh’ na kawnga hmalak dan tur leh \an lak dan tur he tiang hian kawng hrang hrangin a sawi a, inchimralna laka fimkhur a ngaih thu leh Electoral Roll hearing ah te hian mi leh sa dik tak te thun an nih theih nan Branch YMA OB ten \hahnemngaih a \ul thute, pem lehkha pek leh dawn chungchangah te ILP chungchangah te, Hnam bil pawl, Mizo te \hendarh tir thei lak a fimkhur a, dodal a \ul thu te,tin, hei mai bakah in luah tur nei ten  inluahtu tur ah fimkhur angih thu te a sawi a. Chumai nilovin, ruihhlo hi ram leh hnam hmelma dik tak a nih avanga tih takzeta do a \ul thu te a sawi a ni. Tin, kan intodelh theihna tur a nih phawt chuan hna hnuaihnung ber thleng pawh a thawh hreh loh a pawimawh thu bakah Mizo nun- rinawmna chhawm nun zel a pawimawh takzet thu te a sawi a ni. He kumpuan hawnna inkhawm a member kal te leh  Local council te chungah hruaitu ten lawmthu an sawi tak zet a ni.
    Kumpuan hawnnaah hian member kal kan \hahnem lo hle a, a kal chhunte erawh chuan hlawkthlak an ti hle a ni. Member ten Branch activity kan ngaih pawimawh a thar a \ha hle mai.
    Tun din hmun a Section hrang hrang dinhmun chu hetiang a ni :
1. Buala Section    : Mipa    -     201, Hmeichhia - 188. TT- 389
2. Damvea Section    :    Mipa    - 194,     Hmeichhia - 153.    TT- 347
3. Kapdaia Section    : Mipa    -     207, Hmeichhia - 209. TT- 416
4. Lalsavunga  Sec.    :    Mipa    - 72,     Hmeichhia - 42    .        TT- 114
5. Saichhuma Sec.    : Mipa    -     144, Hmeichhia - 127. TT- 271
6. Vawmphunga Sec    :Mipa    - 85,     Hmeichhia -   71  .    TT- 156
    Heti hian Hlimen Branch YMA ah member mipa 903  awmin  hmeichhia hi 790 an ni a, tichuan, kum 2015 a Hlimen Branch YMA member zat chu  1693 a ni.
   
PAGE - 2
EDITORIAL :
THENAWM THA AN HLU
    Mizo zingah hian \henawmte nena inpawh taka khawsak hi thil awhawm ber pawl a ni awm e. Kan chhehvel hnamdangte hi chu keini ang hian an inpawh lem lo niin a lang. Kan pi leh pute pawhin, “\henawm \ha chu khual khua a lainate ai chuan kan chhawr daih zawk” an lo ti a. |henawm do phei chu khawsarih do aiin a hrehawm zawk an lo ti hial \hin a ni.
    Kan tunlai khawsak danah pawh hian kan pi pute hunlai ang em kha chuan kan in\henawm khawvenna hi a chhenfakawm tawh lo a nih pawhin mi tam tak chuan a hlutna an la vawng nung \ha hle a. Mi rethei kan ni emaw, mi hausa kan ni emaw, tute pawh hi inmamawh lo kan awm lova, lungpui pawh lungtê in a kamki ang hian tute pawh mai hi kan inkamki hian a nuamin khawtlang thlengin a nawm phah \hin a ni.
    Mi tam tak chuan he nun hlu tak hi theihnghilhin thu tling lovah \henawmte an hmu mawh mai \hin a, ruihhlo leh thil dang eng eng emaw avangte in \henawm te tana ninawm ngawih ngawih a khawsak hrehlo kan awm ta nual bawk, chu chuan keimahni ah pawh kan nun a tichep \hin a ni. Tin, kan \henawmte sual kan tih hle phei chuan keimahni pawh kan inenchian a ngai a. Mitin hian \henawm khawvengte kan tana \ha tura kan phutna aia sang hian \henawm tana mi\ha nih hi tum tlang ta ila chuan \henawm sual neih pawh a har hle ang.
    Thenawm te nena inpawh taka sa-um, chingal insuah tawna kan khawsa \hin hi kan hnam rohlu te zinga pakhat a tling a ni.

ZIAKTUTE HUANG :
Mizo nih hi a va nuam em..
-Robuanga
   
Khawvela mihring hnam tinrengte hian hnamzia/nunphung (Culture) kan nei theuh mai a, chu chu humhalhin kan hlut em em vek a ni.  keini zofate pawhin kan hlut zia leh ngaihpawimawh zia lantirin thei ang angin kan Kutpui neih thin Chapchar Kutahte hnam lam, zai leh Chaite nen theh tawpin hnam (Culture) hrang hrangte kan entir thin a nih hi.
    Zofate zingah hian hnamdang ten an neih ve loh an awh ngawih ngawih thin nei a, rual u zawk ten an lo sawi chu tanpui ngaite tanpui zel thin hnam kan ni hi a ni an ti. He nun hian Mizo nih a tinuam a, min ti thlamuang hle thin. A bik takin chhiat tawk (Thihna) chung changa kan ze mawi lutuk mai leh chhuanawm ka tih em em chu enghun pawh nise zanlai a ni emaw ruahsur hnuai a ni emaw khaw tlangah chhiattawk an awm thu (Information) atanga an au hria a piang mai leh a hre hmasa apiang ten tumah inphut leh insawm pawh awm lova chhiat tawhna hmun lam pana engtinge kan puih theih ang ti a kan han pan sung sung mai thin hi a hluin a ropui ka ti.
    Mahse ram leh hnamte a lo thang zel a, changkanna lam panin ramin ke a pen muah muah zel a. Chu chuan hnam nun zemawi tak takte chu a chimpil tual tual emaw tih turin thalai tam tak nun/rilru chu a lo dal zo ta em ni? Khawtlanga thihna a lo thlen a, zan lam lumenpuite, tin, chhun lam thlan laih leh chetna tur tam tak awmahte hian hrisel lohna leh harsatna bik nei ni silo anachang hre lova heng huna tel ngai lo thalai khawlai a tei mai mai kan pung tual tual em?
    E... ka sawi seng lo, thihna em nilo kan in en thin danah pawh hian Mizo nih chu a va hluin a va nuam em ka ti thin, mahse hei erawh hi chu hriat a va tha em, damlo chu hun rei tak na tawh a ni emaw, a taksa achauvin a chhe hle tawh pawh a ni thei.
    An mahni biak leh hmuh kher tum lovin chhungte zawhchian mai ching ila, tin, an nat dan azirin thawmri bengchheng ngai theilo tak an ni mai thei bawk a, tlawmngaia kal ni siin mite tan phurrit nih palh theih a ni tih hriat a tul hle. A tawp berah chuan Mizo nih nawmna tanpui ngaite haider ngai lova, laklawh pawh sawi lo nun neitu nihna hi vawng nung zel ang u.

Hringnun.....
Vawi khat chu Martin Luthera kha ‘eng tin nge thlemtu hi i hneh theih bik?’ tiin an zawt a. Ani chuan, “Thlemtuin ka thinlung kawngkhar kika, ‘hetah hian tunge cheng?’ a rawn tih veleh Lalpa Isuan a lo chhang a. ‘Martin Luthera a cheng \hin a, tunah chuan amah chu a awm rih lova, keimah ka awm e,’a lo ti \hin a ni. Setana chuan a kuta kilhna ser leh a naka an chhunna ser te a hmuh veleh rang takin a tlan bo nghal \hin a ni,” tiin a chhang.

PAGE - 3
HRIATTIRNA :
ADMISSION NOTICE
      Govt. Hlimen High School a luh tumte chuan April ni 1, 2015 ah Sikul hunchhungin Admission tih tur a ni. Admission ti tur ten a hnuaia mi hi ken tur a ni e :-
Admission fee    :        ` 50/-
Maintenance    :        ` 700/-
Birth Certificate (Xerox)
Transfer Certificate & Marksheet (Lut thar tur tan)
    Sd/- Headmistress
    Govt. Hlimen High School

PCHZ society hmalakna leh hnatlang hriattirna
    Phunchawngzawl Zau Society (PCHZ) Committee thuchhuak chuan March ni 31, 2015 (thawhlehni) hian Pu Lalramchuana Quarry leh Tuilutmual inkar kawng siam\ha a hnatlang a kova. Phunchawngzawl leh Tuilutmual kawng zawh (he kawnga kal) zawng zawng chhungtin a\angin mi pakhat \heuh thawkchhuak turin kan in hriattir a ni e. Hnatlanga thawkchhuak tur ten hmanrua- bawngtuthlawh, thirtiang leh suahdur ken tur a ni anga, tin, chaw fun \heuh tur a ni a, a hmeh (vawksa) chu Pu Lalramchuanan min tumsak dawn a ni. Pu Lalramchuana chungah kan lawm takzet a ni.  
    Tin, PCHZ Society chuan huan / lo neitu te tana hmasawn nan hma a la mek zel a, March ni 23, 2015(thawh\anni) khan bialtu MLA Pu KS Thanga chu Society hruaitu leh Adviser Pu Zothanliana hova hmuh a ni a, heng kan harsatna thlen 132KV line tower hniam lutuk chu a \ul anga siam\ha leh turin P&E hotute min hrilh sak nghal a, tin, Phunchawngzawl kawng pawh Motor kal theih turin hma min laksak min tiam a, a hmunah ngei he kawng hi min enpui a tum thu min hrilh bawk a ni. Hetiang kut hnathawk te min ngaihsaktu MLA kan nei hi keini PCHZ Society chuan lawmawm kan ti a, a chungah lawmthu kan sawi nghal e. Tin, bialtu MLA kan hmuh theih nana hma min lakpuitu Pu Lalremmawia Tre. Aizawl South III Block Congress Committee chungah lawmthu kan sawi nghal e.
    Sd/- Secretary
    Phunchawngzawl zau Society,Hlimen

Member ni duh tan
    Hlimen Piggery Co-operative Society a tel duh te chuan April 2015 ral hmain Membership Fee ` 100 pe in kum 2015 atan member a nih theih e. Heng mite hnenah hian Membership Fee a pek theih e: 1.) Pi Vanlalzawmi, 2.) Pi Zoramsiami  3). Pi Kaptluangi

Under 12 football tournament
    Vengchhak Football Club ten April ni 4, 2015(inrinni) hian Hlimen Field-ah Under 12 Football Tournament a siam dawn a, vengchhung naupang ten hma an sawn theih nan tih a ni a, a tam thei ang ber tel turin kan sawm a che u.
    Entry Fee - ` 150/- chauh a ni e.
    Contact :    8974170807    Sd/-
        9612587434    Secretary, VFC  
 
LAWRKHAWM :
Vaukhanna
    Kan veng chhunga ruihhlo khawih engemaw zatin Vawmphunga Sec. huamchhung- Tanky chung leh avel, High School panna kawn, Quarry chim panna leh lungpui vel chu ruihhlo tih nan in hmang \hin a, kan Section in ti\awpin in bengchheng thei hle a, insual / intibuai tawk in awm bawk a; tun hnuah ruihhlo tih nan in hmang leh a nih chuan in inchhir hle na turin Action natakin kan la ang.

    Sd/- Secretary,
    Vawmphunga Section YMA
   
Survey nei mek
    Tunlaiin Hlimen Local Council huamchhungah New Land Record Modernisation Project (NLRMP) kaltlangin huan lo ram enkawl \ha te ram tehfel mek a ni a, ram teh tute hian April ni 18, 2015 vel thleng Hlimenah hun an hmang dawn niin kan thudawnna chuan a sawi. Ram teh nan hian tunlai a hmanraw changkang ber ber hman a ni a, Sattelite kaltlanga teh niin kan thudawnna chuan a sawi bawk.
   
LAD park thlir ho
    March ni 27, 2015 (zirtawpni) khan LAD Engineer te leh Local Council te chuan LAD Park chei dan tur leh hmalak zel dan tur te thlir hovin Zophei hmun a LAD Park an tlawh a,  ruahmanna te siam in pui tham taka Park hi siam a nih ngei theih nan hmalak anih tur thu kan thudawnna chuan a tarlang. Tun a\anga reilo te ah kan veng hmunah ngei Park \hatak kan nei ngei dawn niin a lang.
   
 YMA ah hlan
    Pu F. Zosangzuala Damvea Section chuan Branch YMA in \angkai taka a hma turin Silpaulin \ha chi -YMA Colour nei a rawn pe a, a chungah Branch YMA chuan lawmthu a sawi tak meuh meuh a ni.
   
Aizawl Chhim Presbytery meet
    Aizawl chhim Perbytery Meet chu June ni 6-7, 2015 hmang hian Hlimen Presby. Kohhranin a thleng dawn a, a bial huam chu heng te hi an ni : Mission veng bial, Kulikawn bial, Hlimen bial, Lungleng-I bial leh Tlangnuam bial te an ni.

Advertisement.....
Admission hriattirna
      Brighter Higher Secondary School chu Upper Republic a\angin Kulikawn, Tlangnuam road (Hauva & Sons building) ah sawn a ni a, Class- IX to Class-XII (Arts & Science) ah Admission a hawng mek e. Kal hmasa apiang duhsak an ni ang. Tin, First Division chin tan Concession siam sak an ni ang.

    Contact :     8414956902
(4-4)        9862325305

Inchhung bungraw chikim
      Walmart Finance chuan inchhung bungrua chi hrang hrang installment in a pe thei e. Fridge, Washing Machine, Computer, Laptop, Sintex, Sofa, Steel Almirah, alc, Deep Freezer, etc.

    Contact :     9856638919
(1-1)        8974622232
 
PAGE - 4
KEIMAHNI :
Hlimkhawpui Budget
    Hlimkhawpui  2015  March & April  thla Budget  pe tla tawh te:
1.    Vawmphunga Sec.    2.  Kapdaia Sec.
3.    Buala Sec.  


Buala Section
    March ni 21, 2015 (inrinni) khan Pu Lalramchuana Quarry-ah metal lakkhawm hnatlang neih a ni a, member thawhchhuak te chungah leh ei leh in tur min tumsak tute chungah lawmthu kan sawi a, tin, pa ber chan changa a phal tak a lung min lak tirtu Pu Chuantea chungah lawmthu kan sawi tak meuh meuh bawk a ni.
    Tin, March ni 24, 2015(thawhlehni) pawh khan Blanket suk hnatlang neih a ni a, Member tlawmngai a thawkchhuak chungah te, phal taka suk tur min petu chungah te, chhun eitur (Arsa sawhchiar) min tum saktu Pu Lalbiakvela leh thingpui bawlhhlo leh theitui / Frooti  min tum sak tute chungah thinlung takin lawmthu kan sawi bawk. Tin, tui min petu chungah leh tui dah nana tanky leh pipe min hmantirtu Pu Roberta te chhungkaw chungah kan va lawm em. Hetih lai hian kan tui dinhmunin a zir loh avanga kan suk sak theih tak loh te hriatthiamna pawh kan dil nghal bawk e.
    Sd/- Secretary

Branch Day pual hnatlang
    March ni 23, 2015 kha Hlimen Branch YMA Day vawi 69-na a ni a, hemi ni zingkar hian Branch Day pual hian Section tin ten mahni Section huamchhung \heuhah faina hnatlang an nei.

CYMA Football Tournament chungchang
    Kan hma lawk April ni 21, 2015- May ni 23, 2015 chhung hian CYMA bultumin Football Tournament a awm dawn a, keini Branch pawh kan tel ve dawn a, Champion ngei tumin hma lak a ni dawn bawk a, khawtlang mipui kan \anrual a ngai hle dawn a ni. A bik takin Player tur nei nu leh pa ten kan fate Hlimen tan an khel dawn a ni tih hria a, an Practise na leh a \ul dang danga lo hrethiam turin kan in ngen a ni.
    Tin, he Tournament atan hian Branch YMA chuan sum leh pai a nei lova, khawtlang nu leh pa,khawtlang mipui ten he Tournament kan khelh tura sum leh pai leh tha leh zungthawh \heuh turin kan in sawmin kan in ngen a ni. Hetiang hunah hian Hlimen khawtlang kan \anrual \hin zia kha a tharin i tilang nawn leh \heuh teh ang u.

Ser lui tuikhuah en
    March ni 25, 2015(nilaini) khan PHED hotute, Local Council leh Branch YMA hruaitute chu Serlui tuikhuah hmunah kalin Serlui tui hi Pump tham a awm leh awm loh an enfiah a, tun dinhmunah chuan tui a tlem deuh avangin Pump tham a awm lo niin kan thudawnna chuan a sawi. 

CHHIARTUTE NGAIHDAN :
@@    Khawtlang kan inrelbawlnaah ka lo hriat danin YMA in Programme a neih dawnin Kohhran hrang hrangin Programme a nei em tih an ngaihtuah \hinin ka lo hria a, tun\um kumpuan hawnna neih \um khan inkhawm, zaikhawm, hla zir, hnatlang - Programme phuahchawp in thuah a va tam ve.... Chanchinbu hmang leh information Mike hmangin in hriattir lawk a ni bawk si a, boruak a \hat zawk nan a lehpek zel inzahtawn ni tawh sela ava lawmawm dawn em..
- Thil\ha zawk duh-a

Lawrkhawm chhunzawmna....
Kross phun dawn
    Kristian ten chhinchhiah nana kan hman Kross- kan Lal Isuan khawvel/ misual hnuai hnung ber pawh a chhanchhuah theih nana a tuarna/ khenbehna/ thihna Kross kan chhuan zia leh ngaihhlut zia tarlan nan te, Hlimen khawtlangah Lal Isua Lal ber se kan tih zia leh in lungrualna leh inpumkhatna kan duhzia entir nan te Hlimen tlang- Hauhukkai piah tlangsang laiah Kross 12 Fts a sang( Angle Iron a a ruhrel siam, alluminium Quality \ha a Cover) chu April ni 1, 2015(Nilaini) ah phun tum a ni a, hemi zingkar hian a hmunah dah chho tum a ni a, a rih tham deuh avangin nula/ tlangval leh tlawmngai thei apiang te min zawn chhoh pui turin kan ngen a che u. He Kross hi Pu Lalhmingliana Chairman Local Council te in a\anga LAD Park thleng motor a phurh chhoh tur a ni a, heta\ang hian zawn chhoh tur a ni ang.
    Tin, April ni 2, 2015(ningani) tlai dar 3:00 hian Pathian hnena hlanna hun hman tum a ni a, hemi hun rawn hmang tur hian a khawtlang mipui zawng zawng te sawm kan ni. Tin, ei leh in tur a awm bawk ang.

    Sd/- Lalhmingliana,
    Chairman, Local Council

Harhna chhim
    Hlimen Presby. Kohhran member 25 lai chu March ni 24, 2015(thawhlehni) khan Kelkang harhna chhimin an kal a, March ni 26, 2015(ningani) tlai lam khan hlim takin an lo haw leh a ni. Tin, Dam veng Presby. Kohhran member 52 vel pawh a thawhhnihna atan March ni 25, 2015(nilaini) khan he harhna chhim hian an kal leh a, March ni 28, 2015(inrinni) hian an lo haw dawn niin kan thu dawnna chuan a sawi.

Advertisement......
Solomon’s High school admission open for the session (2015-2016)
      Solomon’s High School, Kulikawn, Aizawlah Class VIII, IX leh Class X tan Admission hawn mek a ni. Kum 25 chuang Mathematics leh Science Subject a Experience nei tawhin an zirtirna hmunah hian i fate rawn dah ve rawh le. mathematics leh Science Subject a harsatna nei te leh Sports a tui te duhsak bik an ni ang.
    Hostel a awm nghal bawk e.
       Contact    :  
8014442431                              C. Thawnga
9774406688                           Top Ten Tutor    (4-1)

Saturday, 21 March 2015

Vâu thla Ni 21, 2015, Issue No. 12

PAGE - 1
TUALCHHUNG :
Boral : Tv. Biakthanmawia (37) S/o R.Hmingthansiama, Saichhuma Sec. a mi chu March ni 14, 2015 (Inrinni) zan dar 9:15 vel khan kal nâ avangin a boral.

Khiangawi : Lalrinpuii D/o Lalnghakliani Buala Sec. a mi chu March ni 12, 2015(thawhlehni) khan  Lallawmkima Electric, Aizawl a mi tawnah khiangawiin a liam ta.

@@    Malsawmzuali D/o Pu K. Lalrin-khuma Damvea Sec. a mi chu March ni 18, 2015(nilaini) khan Laltleipuia S/o Vanlalsawta Tanhril a mi tawnah khiangawiin a liam ta.

Assembly nei : March ni 19, 2015(ningani) zan khan YMA hall-ah Hlimen- Kulikawn Taxi Welfare ten Assembly pawimawh tak an nei a, member kal an \hahnem hle.

Pension : Pu C. Sangliana H/o Lalzikpuii Vawmphunga Sec. a mi chu sawrkar hna engemaw chen a thawh hnuin Economic & Statistic Deptt. ah Inspector Of Statistic in march ni 1, 2015 khan pension in a chhuak ta.

Kaisang : Pu Ro\huama H/o Chawimawii Buala Sec. a mi chu Mizoram sawrkar ah Joint Secretary a\angin Addll. Secretary ah  Feb. ni 26, 2015 khan a kaisang a, tunah hian DP& AR a enkawl mek a ni. Hlimkhawpui E.B ten kan lawmpuiin takzet e.

Enfiah : March ni 21, 2015 (inrinni) tlai lam dar 4 hian Branch YMA Office Bearer te chuan |helretkawn a Health Clinic Centre sak mek chu a bungraw hman a \ha tawk lo nia hriain an enfiah.

Harhna kal zel : Kan khawtlanga harhna kal chho zelah Hlimen Damveng Presy. Kohhran leh Isua Krista Kohhran te chuan tunkar chho tluan khan zan lamah inkhawmna hun an hmang chho a, Kohhran mipuite an hlim tlang hle a, Kohhran dang lam a\ang pawhin chhimtu engemaw zat an awm bawk a ni. Tin, mi \hahnemngai ten March ni 20, 2015 (zirtawpni) zan khan Kross kawng zawh neiin zai leh lamin hun an hmang a ni.

Kross phun dawn : Raldankawn piah  tlang sanglaiah Kross phun a ni dawn a, March ni, 19, 2015 khan a hmun tur hi Local Council ten hnatlangin an lai a ni.

FRONT :
BRANCH DAY LEH KUMPUAN HAWN

    March ni 23, 1946 khan Hlimen-ah YMA chu din niin kumin hi Hlimen a YMA a dinni a\anga kum 69-na a lo ni ve leh ta reng mai. Kum hei leh chen min hruaitu Pathian hnenah Member ten lawmthu i sawi ang u.
    Branch Day hi a hranpa a a lawmna hun buatsaih a ni dawn lova, Branch YMA Exe. Committee chuan vengchhung tihfaina hun atan hman mai nise tiin a rel a, hemi ni March ni 23, 2015(thawh\anni) hian Section tin ten mahni awmna Section \heuh te tifai a zingkar hnatlang neih tur a ni a. Member tin ten ngai pawimawhin \hahnemngai takin thawhchhuah \heuh i tum ang u.
    Tin, March ni 27, 2015 (zirtawpni) zan dar 7 hian YMA Hall-ah kumpuan ‘ Ram leh Hnam humhalh’ hawnna hun neih a ni dawn a, hetiang hian Programme pawh duan a ni.
    Chairman    :    Pu Robuanga Vice. President
    Hunserh    :    Pu Lalthantluanga Fin. Secy.
    Report tawi    :    Pu Lalrinmawia Secretary
    Kumpuan hawn    :    Central hruaite a\angin
    Thusawi tawi    :    Pu R. Lalngheta CEC
    Solo    :    1. Nl. Lalruatdiki (BS)
            2. Pu Laltleipuia (BS)
            3. Guest Artist
    Vote of thanks    :    Tv. R. Lalawmpuia Asst. Secy.
    Hemi zan hian Section Committee kalkim lawmman siam a ni a, March ni 27, 2015 (Zirtawpni) chawhnu dar 1-ah YMA hall tihfai leh remfel leh sound te ti fel a hnatlang nei turin Branch Exe. Commtt. leh Saichhuma Section OB te ruat an ni a. Hemi zana light & Sound duty turin heng mite hi ruat an ni : Tv. Lalkhawmawia, Tv. R. Lalawmpuia,Tv. Zonunkima (BS), Tv, Zonunsanga(BS). Pu Lalthantluanga Fin, Secy leh Tv. R. Lalrindika Property Secy te ruat an ni bawk.
    Hemi zan hian Section Exe. Committee kalkim lawmman siam a ni bawk ang. He kumpuan hawnna hun hi ngai pawimawhin member a \am thei ang ber kal i tum ang u.

***********************************************************
Branch Day pual hnatlang
    March ni 23, 2015 hi Hlimen Branch YMA dincham a ni a, hemi ni zingkar hian Branch Day pual hian Section tin ten mahni Section huamchhung \heuhah faina lam hawia hnatlang neih tur a ni e.

Kapdaia Section
    March ni 23, 2015 Branch Day ni zingkar hian YMA Member bakah YMA chhangte nen Section chhung tifaiin hnatlang neih tur a ni a. Zing dar 6:00 ah Central Workshop kawtah innghahkhawm tur a ni e.
    Tin, hemi ni chhun lamah hian sum tuak nan rora chhuin hnatlang neih leh tur a ni a, member te tlawmngaih chhuaha thawkchhuak turin hruaitu ten an ngen bawk che u a ni.

PAGE - 2
EDITORIAL :
MAHNI INRINTAWKNA
    Thudik \an avanga thihna hial tawk kan hre nual awm e, Gallileo pawh thudik \an avangin a chungthu rel hial tawkin awm mah se a zam chuang lova, Abraham Lincoln pawh dik nia a hriat a \an tlat avangin a hmangaih em em a ram mipui sing tam tak thisen a chhuah phah a, tin, Mahatma Handhi pawh sawi hmaih chi a ni hauh lovang. Chutiang bawkin Scientist te zinga arsi êng tak pakhat Arbert Einstain pawh mahni inringtawk, thudik \an tlat mi a ni. Hetiang mite hi mahni inringtawk takin ke an pen a, khawvel awm chhung hi chuan an hming a dai tawh ngai lovang.
    Mahni inrintawkna hi chuti maia neih theih a ni lova, dan hriatte, dikna ah te leh thil hriatchianna ah te a innghata. Heng pathum hi miin a neih chuan mahni inringtawk takin khawvel hmaah a dingnghet thei \hin a ni.
    Mahni inringtawk tur chuan thil hriatchian a \ul phawt a, thil hrechiang tur erawh chuan mi thilsawi naranah ngawt innghat lovin a dikna tak hre tura mahni ngei thawh a \ul \hin. Mizote hi rin thilthu a thil sawi mai mai ching kan ni a, \awng upa ah pawh “Khual thuthang leh ar pân chuk a pûn duh” tih a ni reng a. Mizo ziaah chuan paih ngai tak pakhat a ni. Rin thil thua thil sawi mai mai ai chuan hriat chian loh chu sawi loh law law a \ha zawk daihin;  mahni inrintawkna kan neih phah thei zawk ngei ang.
    Ziaktu lar pakhat chuan “mahni inrintawkna leh huaisenna hi chhul khat chhuak niin hemi tel lo hi chuan khawvelah rei a dam theih loh” a lo ti hial a. Mahni inrintawkna kan neih loh chuan kan tum thleng tur pawhin harsatna hi kan hmu lian thei bik em em a, chu chuan beidawnna ah min hruailut \hin a ni. Mahni inrintawkna nei te chuan tluk leh din pahfawmin an tum ram an chuangkai thei zel \hin a ni. 

ZIAKTUTE HUANG :
TAWNGTAI SERMON ROPUI
- H.Ralkapthanga

    Thupui tarlan a\ang reng khian, thlarau mite thinlung chu a khak \ang hah tawh mai a. Kan khawtlang kohhran hrang hrang hian, Pathian Thlarau Thianghlim tihharhna dilin Pathian hnenah kan \awng\ai thin; a chhanna dawngsawng thiam tur pawh hian i \awng\ai sauh sauh ang u. Thu tam nei lovin, March Ni 3 zana, Pathianin nula Remsiampuii hmanga, kan khawtlang min puanna, \awng\ai thu chham (|awng\ai sermon) \henkhat hmang hian i han inbih chiang dawn teh ang.
    ...“Halleluiah Amen,  Lalpa, Thlarau Thianghlim hnathawh ropui tak chu kan hnenah i rawn thlentir avangin kan lawm a, lawmthu kan hrilh a che.... Lalpa, kan hriat loh vang a ni; min ngaidam ang che.  Halleluiah Amen - Synod Upa chuan,  Synod-a Member chiah i beram emaw i lo ti \hin a. BCM (Baptist Church of Mizoram) Upa chuan BCM Member chauh emaw i Beram i lo ti a.... Salvation te paw’n maw, kan Members te chiah hi (emaw kan beram te kan lo ti a) Amen Halleluiah..........Setana thik thamin Lalpa rawng bawl ila.......Puithiam kawr,  kan nihna, kan inbelna hi Lal Isua hmingin hlip thla ngam i la;  Levia chi puithiam leh Levia chi silhfen pawh hlip thla ngam i la.....” tiin Samari Mi\ha silhfen inbel a, Lalpa rawng bawl tawh zawk turin kohhran hrang hrang Upa te a \awng\ai hnan a nih kha.
    Tin, Jakoba 5:14 thu hmang hian : “Damlo an awm em? Kohhran Upa ko sela....An thlarau mit tih men sak la, khawngaihtu Lalpa, Beramte hliam tuam damtu ni turin an kut te i kutah chantir ang che.....Mahse maw, Engatinge i Members te chiah \awng\ai i tum thin.....Lalpa, kan tih dik loh ah min ngaidam ang che...” He \awng\ai thu chham hian ngaihtuah a ti thui a; lo chik ve mah teh.
    “......Pathian hnenah sual thupha chawiin, inchhirin, simin Lalpa hnenah ngaihdam i dil ang u. Hruaitu ten i dil ang u. Amen Halleluiah. Tichuan, kan khawtlangah hian , Inlungruala in thawhhona Revival hi a thleng zel dawn..... Hlimen khawtlangah Lalpa hnathawh ropui a lo thleng a, sual Umbova a lo awmna tur chuan;  Hruaitu te u, kan thawhho a ngai a ni, kan inlungrual a ngai a ni. Amen Halleluiah, Vanramah Pawl a awm tawh lo.....Kan lo in seh tawn a, kan lo in haw tawn a....Lalpa min ngaidam ang che....Lalpa , thu sawi zel ang che. Thu sawi zel rawh Lalpa, thu sawi ang che. Mihring tihlawm ka tum lo, Ka Pa i lawm zawng tih hi ka tan a tha....Drugs Addict, Zungawlvei te, i lo hmuhsit \hinte kha, Lalpa hmangaihte an ni asin. Engvangin nge in tih tur, kan tih tur kan lo tih loh fo thin.....”
    He Zoram pawl ram zawng zawng \hiat darh tur atan Hlimen hi Lalpa’n a thlang tlat che u a nih chu - Lalpa chu fakin awm rawh se....Huai takin aw, kohhran hruaitute inlungrualin, Setana do i la, he Zoram Pawl Indaidanna zawng zawng \hiat darh turin Lalpa’n Hlimen hi a buatsaih che u a ni - Hriak a thih tawh che u - in mawhphurhnaah a awm e....Mihring Hlobet anga ral leh mai tur hi engahnge in hlauh Lalpa’n a ti.....in chungah thuneihna an nei lo a sin...Lalpa kan lamah a \an chuan tuinnge min do thei ang? Amen, Lalpa kan lamah a \ang a ni....Lalpa chu in lamah a \ang a ni, engmahin a do thei lovang che u. Khawvel zawng zawng paw’n do dawn che u mah sela Amen, an hneh dawn lo che u - Inlungrualin insuihnghet ang che u.
 
PAGE - 3
HRIATTIRNA :
ADMISSION NOTICE
      Govt. Hlimen High School a luh tumte chuan April ni 1, 2015 ah Sikul hunchhungin Admission tih tur a ni. Admission ti tur ten a hnuaia mi hi ken tur a ni e :-
Admission fee    :    ` 50/-
Maintenance    :    ` 700/-
Birth Certificate (Xerox)
Transfer Certificate & Marksheet (Lut thar tur tan)
    Sd/- Headmistress
    Govt. Hlimen High School

Gas chung chang
    Vanbuangi Gas Agency a Gas Connection nei; bank account la thehlut lo chuan March 2015 ralhma ngeia thehluh vek tur a ni e.
    Sd/- Manager
    Vanbuangi Gas Agency

Local Council hriattirna
    Leiman la pe lo ten March 2015 ral hma ngeiin Land Revenue & Settlement Office, Khatla ah pek vek tur a ni a, hun tiam chhunga pe lo chuan penalty 20% chawi zel a ngai dawn a ni.
    Kan venga 132KV line thlun mek, hrui hniam lutuk lai Pu Sangthuama huan, Field bul  a mite, mauhakkawn a mite leh hmundang a mite chu P&E Deptt. ah Complain theh luh mek a ni a. Heng lai hmun te hi hetiang anga hniam a nih chuan mihring tan a himlo hle dawn a ni.

    Sd/- Lalhmingliana Chairman, Local Council.

Boys Hockey Academy a lut duh tan
    Mizoram Boys Hockey Academy, Kawnpui-ah Hockey thiam duh leh tui, hlawhtlin ngei duh tan a luh theih a, Kawnpui-ah School luh tur a ni a, zing leh tlaiah Hockey training neih a ni ang. Hostel awm man a awm lova, ei leh in pawh Sport Dept.in a tum ang. School senso chu mahni in tum a ni thung. He Academy a lut duh chuan Pu Lalhmuchhuaka hnenah in hriattir theih a ni. Hriat chian duh te pawh a lo hrilh thei bawk. School naupang tana tih a ni.

Children Club
    Hlimen ah Children Club din tum a ni a, naupang kum 18 hnuai lam zawng zawng chu kim taka a hun leh hmun ruatah hian kal khawm tur a ni e.
    A hun    :    March ni 3. 2015 10 Am
    A hmun    :    YMA Hall
    Nu leh pan ten kan fa te tel tir vek tur a ngen leh hriattir kan ni e.

Driver Union hriattirna
    Hlimen Driver Union in a March ni 27, 2015(zirtawp) zan a YMA Hall a Programme a lo duan tawh chu rokhawlhna avangin March ni 31, 2015(Thawhlehni) zan dar 7 ah a hmun ngai YMA Hall-ah sawn a ni tih kan in hriattir e. Member te kim taka kal turin kan in ngen e.

LAWRKHAWM :
Kangmei chhuak chungchang
    Tun hnaiah Hlimen ramchhungah kangmei chhuak a awm nual a, March ni 19, 2015(ningani) zingkhan heng kangmei ti chhuaktu te hi Local Council chuan kovin an chungah Action a la a ni.
    Tin, tunhnaia Kulikawn kangmei tuarte \anpui nan Hlimen khawtlang hming Local Council chuan ` 1000/- a hlan bawk .

Bo zawnna
    Naupang varak lem (toy) avar, a hmui leh a ke eng, venglai bawr ah tihbo a ni a, a lo hmu leh chhar in awm chuan khawngaih taka min pe leh hram turin kan ngen a che u. Kan naute in a lawmin a duh em em a ni a, kan ui hle a ni. A hmu chuan Pu Lalhmuchhuaka hnenah pe leh thei hram ula kan lawm hle ang.

Vaukhanna
    Kan veng chhunga ruihhlo khawih engemaw zatin Vawmphunga Sec. huamchhung- Tanky chung leh avel, High School panna kawn, Quarry chim panna leh lungpui vel chu ruihhlo tih nan in hmang \hin a, kan Section in ti \awpin in bengchheng thei hle a, insual / intibuai tawk in awm bawk a; tun hnuah ruihhlo tih nan in hmang leh a nih chuan in inchhir hle na turin Action na takin kan la ang.

    Sd/- Secretary,
    Vawmphunga Section YMA

Zoramthar Crusade
    April ni 6-10, 2015 chhung hian Zoramthar Committee chuan Vaivakawn Field-ah Crusade a buatsaih dawn a, a duh apiang he Crusade hi chhim turin Crusade Committee chuan a sawm a ni.

Zunin changkang
    YMA Hall bula vantlang zunin chu vantlang zunin changkang taka siam \hat a ni dawn a, reilo teah thawh thuai a nih dawn thu Local Council te chuan an sawi a, Veng hmun lun lai a hetiang zunin \ha a awm tur hi a lawmawm hle a ni, 

Advertisement.......
ADMISSION
      Candid English School, Saikhamakawn ah kum 2015 - 2016 Session atan Admission hawn mek a ni. Zirtirtu Experience \ha tak tak ten kan enkawl a, zirna lama hnufual te leh harsatna neite Special a enkawl \hin an ni. Tin, naupangkal lam leh haw lam motor in kan hruaiin kan thlah \hin.
Admission Fee :    KG-I & II ` 1200 (with April fee)
    Cl.-I - VIII ` 1500 (with April fee)
    Sd/- Principal
(2-2)    Ph. 8731066925

Admission Hriattirna
      Brighter Higher Secondary School chu Upper Republic a\angin Kulikawn, Tlangnuam road (Hauva & Sons building) ah sawn a ni a, Class- IX to Class-XII (Arts & Science) ah Admission a hawng mek e. Kal hmasa apiang duhsak an ni ang. Tin, First Division chin tan Concession siam sak an ni ang.

    Contact :     8414956902
(4-3)        9862325305

PAGE - 4
KEIMAHNI :
Hlimkhawpui Budget
    Hlimkhawpui  2015  March & April  thla Budget  pe tla tawh te:
1.    Vawmphunga Sec.    2.  Kapdaia Sec.
3.    Buala Sec.  

YMA IN RÂL
    March ni 16, 2015 (Thawh\anni) zan khan YMA chuan Tv. Biakthanmawia ralna hun a hmang a, ralna tlingkhawm ` 6,300/- chu a chhungte hnenah hlan a ni.
    Tin, hemi zan hian Tv. Biakthanmawia tuamna puan  chu a chhungten Branch YMA ah an hlan bawk a ni.

Buala Section
    March ni 24, 2015 (thawhlehni) chaw eikham hian |helretkawn-ah Blanket suk hnatlang neih tur a ni a, member atam thei ang ber thawhchhuah tur a ni a, chhun eitur tuihnai tak chu Section in a tum ang.
    Suk tur hi khawn a ni dawn a, Vengchhunga mipui ten kan Blanket suk tur neih te chu tlawmngaia min suk tir turin kan in ngen e.
    Sd/- Secretary

Saichhuma Section
    March ni 15, 2015 a sumtuak hnatlanna a thawkchhuak zawng zawng chungah leh ei leh intur leh pawisa thawhtu te chungah kan sawi tak meuh meuh a, thawhleh zel na turah tun aia \hahnemngai turin kan in ngen nghal bawk a ni e. Tun\um hnatlangah khan member 25 kan thawkchhuak a, a hma ni March ni 21, 2015 khan member 15 kan thawk chhuak bawk a ni.
    Tunah hian Lucky ticket zawrh chhuah tura buaipui mek a ni a, member te a zuar chhuak tur hian lo in kau lawk bawk ila a lawmawm hle ang. Tin, chhungtinte tlawmngaih chhuaha min lo leisak vek turin kan in ngen bawk a ni e.

Vawmphunga Section
    Branch Day ni zingkar March ni 23, 2015 hian Section chhung tifaia hnatlang neih tur a ni a, tanky bulah innghahkhawm tur a ni e.
    Tin, March ni 28, 2015 (inrinni) zingkar hian Godown siam\ha in hnatlang neih tur a ni bawk a, member atam thei ang ber hnatlang turin kan in ngen bawk e.

CHHIARTUTE NGAIHDAN :
@@    Pu Editor, Venglai dawr pakhat ah hian mipa chauh nilovin, hmeichhia; a\hen phei chu mi nu leh nghal ten ualau taka zu an han in \hin hi veng a ti\awpin a mualpho thlak hle a, hei hi a dawr neitu te hian an hre lo nge, an hai der, JAC te pawh hian hmalak mai a \ha lo maw? enge i ngaihdan ?            - Hmalak duha

KAN THEN TAK

Biakthanmawia (Kum 37)
    Biakthanmawia (Abiak-a) hi Pu R. Hmingthansiama leh Pi Biakthansangi-te fa hming koh ni turin Nov. ni 14, 1978 khan Aizawl Civil Hospital-ah a lo piang a. An unau hi 3 niin a nau te hi  hmeichhia ve ve an ni.
    Mi rilru zau leh fiamthu pawh duh tak a niin fiam pawh a dawl hle. Zai ngaina mi tak a niin Branch YMA Function hrang hrangahte pawh member-te tihlimtu tak a ni thin. A thihni thlengin Saichhuma Section YMA-ah Executive Member nihna a chelh a ni. Hlimen Kohhran Zaipawl-ah hun rei tak member a ni a, Sunday School kaikim lawmman pawh a la fo thin. Drama lamah pawh sulhnu engemaw zat a nei ve nghe nghe.May 27, 2011 khan Lalhmingchhuangi nen inneiin fa hmeichhia – Lalrochhari an nei nghe nghe.
    Zirna lamah hian kan vengah  High School zovin  Higher Secondary hi Govt. J.L. Higher Secondary School-ah a kal leh a, chhungkaw lam harsatna avangin zirna hi a chhunzawm thei ta lo a ni. Class VIII a kal atang phei chuan a zirna senso hi amahin a intum vek a ni!
    Aug. 2014 atang khan a pum lam a sawisel tan a. Sept. 24, 2014 khan a kalah lungte a awm tih hriatchhuah a ni a. A tuk ah Aizawl Hospital-ah admit a ni a. Ziawm lam a pan loh avangin Sept.30, 2014-ah Civil Hospital-ah reffer a ni a.|hat lam a pan loh avangin NEIGHRIMS Hospital, Shillong-ah reffer niin Oct. 27, 2014 khan Admit leh a ni a. Ziaawm lam pana hriat a nih avangin Damdawi In chhuahsan in theihtawpa In lama enkawl a ni a. Tisa leh thlarauva damna beiseiin Kelkang Harhna chhimin March 3 – 6, 2015 khan a han kal a. Beiseina sang tak nen thlir mek a nih laiin March 11, 2015 (Nilaini) zing dar 3:00 khan a thawhah lo zualin Civil Hospital panpui leh a ni a. ziaawm lam a pan avangin In lama enkawl tura hawpui leh a ni.
    March 14, 2015 (Inrinni) zingkar atang khan a thawhah lo zualin In lamah Oxygen-te pek a ni a. Theih tawpa enkawl a ni chung pawhin ziaawm lam a pan thei ta lo va. March 14, 2015 (Inrinni) zan dar 9:15 khan chatuan ram min lo pansan ta a ni.
 

Advertisement.....
P.E.S.  Hriattirna
      April ni 1, 2015 a\ang hian Presbyterian English School, Hlimen a lut turte tan School Office-ah Admission a tih theih ta e.
Admission Fee :    KG-I  FREE
    Kal thar tur tan    ` 500
    Kal lai tan        ` 400
Admission Fee :    ` 400
    Unau pathum chinah Concession tam tak siam a ni a. Tin, Report Card la lam lote chuan March ni 16 leh ni 23 zing dar 9:00 - 11:00 inkarah pawisa kengin School-ah a lam theih bawk e.
    Sd/- Principal
(2-2)    Prebyterian English School, Hlimen

CALVIN HIGHER SECONDARY SCHOOL
KULIKAWN, AIZAWL

ADMISSION OPEN FOR (2015 - 2016)
CLASS - IX - XII (Arts)
      Monthly fee leh Hostel fee tlawmna hmun, Board Exam regular ngei tumte tan luh ngei chi.
    Contact :     986233603
        9612585067
(2-2)        9089527526

Saturday, 14 March 2015

Vâu thla Ni 14, 2015, Issue No. 11

PAGE - 1
TUALCHHUNG :
Damlo: Pu Lalliankima H/o Lalhmangaih-zuali, Damvea Sec. a mi chu March ni 9, 2015 (Thawh\anni) khan Greenwood Hospital-ah a kawng hnung lam zai a ni a. Tunah Hospital-ah enkawl mek a ni.

@@    Pu C.Lalkunga H/o Lalhmunpuii, Saichhuma Sec. a mi chu Internal Bleeding avangin March ni 7, 2015 (Inrinni) khan Aizawl Hospital an dah luh a niin tunah In lamah enkawl chhunzawm mek a ni.
@@    Lallianpuii D/o Zohermawii Kapdaia Sec. a mi chu kaw\halo avangin Alpha Hospital, Kulikawnah enkawl mek a ni.
@@    Pu Lalrawna, Buala Sec. a mi chu Internal Bleeding avangin March ni 10, 2015 (Thawhlehni) khan Referral Hospital, Falkawnah Admit a ni.

Accident: Tv. Vanlaldika S/o Lalthanpara, Damvea Sec. a mi chu March ni 11, 2015 (Nilaini) zan khan Balu phur tura Motor lian a an kal thla chu Kawnpui daiah a motor chu motor dang nen an insu a, a khup leh a ngal velah hliam natak a tuar a, Civil Hospital ah rawn phurhchhoh niin Hospital-ah hian enkawl chhunzawm mek a ni.

Nau nei thar: Pu Laltlanchhunga leh Pi Laltlanhlui te nupa, Buala Sec. a mite chuan March ni 12, 2015 (Ningani) khan Urban Primary Health Centre, Hlimen-ah an fa pahnihna atan fapa duhawm tak an nei thar.

@@    Pu Gospel Chanchinmawia leh Pi Lalnunpuii te nupa Damvea Sec. a mite chuan March ni 12, 2015(ningani) khan Referal Hospital, Falkawnah an fa hmingkoh atan hmeichhe duhawm tak an nei thar.

Harhna chhim: Hlimen Damveng Presbyterian Kohhran te chu Kelkang harhna chhimin March ni 10, 2015(thawhlehni) khan an chhuak a, Kohhran member mi 18 vel Harhna chhim hian an kal a, March ni 13, 2015 (Zirtawpni) khan an rawn haw leh ta. Harhna chhima kal ten hlawkthlak an ti hle niin thu kan dawng.

Bo chhar: Pu F. Laltlanmawia dawr, Venglaiah Torch Light theihnghilh in awm a, a neitu chuan ngaihven ran tur a ni e.

FRONT :
RAM LEH HNAM HUMHALH
 - Lal Chungnunga, CEC Member & Ex-President, CY.M.A
 
Intih hlauhawm a hun ve tawh lo mo?
Tunlai \halaite hlaah chuan “|hat ka tum veleh ka sual leh thin” tih a awm a, tuikuk ho leh khawchhak mikhual châm rei \henkhatte hi chuan kan lakah \hat an tum mawlh lo ani. |hat tumte pawh kan sual \hin a nih si chuan \hat tum lote phei chu an va sual leh zual dawn êm! “Kan temple leh kan in min hâlsak” tihte hi dâwt a ni a, “Kan nulate Mizoten an pâwngsual” tihte phei chu kei ka awih lo hul hual ani. Tuikuk khuaah vawi tam tak ka zin tawh a, pâwngsual châkawm khawpa hmel\ha tuikuk hmeichhia pakhatmah ka la hmu ve lo, chuvangin, hei pawh hi dâwt bawk a ni. Anmahni duhthua kan ram chhuahsante hian Mizo mipuiin kawng kan hawnchhung hian lo lût tha hle hle mai sela, State pawn a\anga kan ram hruaitu tur thlanna a an tel ziah pawh hi duh loh kawng zawh piah lamah na zâwka dodâl a hun tawh lo maw ka ti hial a ni. Niranjon Chakma, Agartala ami chuan kum 2000, February thla khan THUDIK ÊNGAH RIANG RÂLTLÂNTE HARSATNA tih a bu hminga hmangin Mizo mipuite dâwt tinrênga a beihna lehkhabu chu Kolkatta International Book Fair-ah a released a, hemi \uma lehkhabu hralh tla ber record a siam nghe nghe a ni. YMA, MZP, MAP, MRP leh NGO hrang hrangte chuan Rianghote chu ngaithei lova an chunga suahsualna tinrêng lantîrtu ah leh anmahni hnawtchhuaktu ah a puh vek a ni. Chakma pain heti taka tuikuk thlavâng hauhva dâwt a sawi chiam hi a mak hran lova, Chakma ten Mizote min hmuhdân a tichiang hle ani. He lehkhabu hi 2000 kuma chhuak daih tawh mah nise Bengali \awnga ziak anih vâng nge kan bengkhawn duh lo hle ani. He lehkhabu hi Bengali tawng thiam Pu Lalzova, Chanmari, Aizawl in Mizotawngin a letling a, a copy ka zawng chhuak a, ka chhiar a, rilru a na takzet a ni. Anmahni duhthu ngeia Mizoram chhuahsante leh an thlahte kan rama an lo lêt leh kan remti ni satliah mai ni lovin lo lût leh turin kan ngên hial zâwk si a. Tuikuk ho zawng zawng hi an sual hauh lo, dinhmun tha duh avâanga chhuanlam zawng reng an hruaitu tlêmte erawh hi chu an sual thlâwt a ni.
    Suahsual rawng an bawl a nih ngawt loh chuan khawchhak mikhual châm reite pawh kan rama an awm, kan khawtlâng leh kohhran thlenga an inhman kan phal a, chhiatni \hatni-ah kan enhrang ngai lo. Mahse hêngho hian ram hausate khawngaih leh chhawmdâwl an beisei avânga Mizote min hêkna zozaite hi a va râpthlâk êm!

Dân lova sumdâwngte ngaih pawimawh a tul ta :-
Hrangbana College B.Com zirlaiten an zirchian danin tunah hian Aizawl khawpuiah hnam dang dân lova sumdâwng 340 an awm tih an hmuchhuak. Engtinge kan tih tâk ang le? He zawhna hi han chhang theuh teh u khai. Kei chuan kawng dang awmin ka hre ta lo. Ka chhânna chu “Tharum” angai ta tih hi a ni. “Tharum” ka han tih hian anmahni va rîkrâp a, an thil neih chhuhsak a, va sawisak lam ni lovin an thawh ang thawk peih ila, an tuar peih chin tuar peih ila, chhawr an nawm angin chhawr nuam ve ila, dawr an nawm angin dawr nuam ve ila, an inpêk zawh angin inpe zo ve ila kan zingah an awm reng peih hauh lovang.
Issue lehah chhunzawm a ni ang.

PAGE - 2
EDITORIAL :
Tu’n nge siam|ha ang
    Mizo ziaktu lar pakhat chuan Mizo te hi Corruption in min chiah hneh tawhzia leh kan hnam a eichhiat zia tarlan nan, “Corruption hi kan Culture a nih tawh loh vek pawhin kan Sub-Culture chu a ni chiang a ni,” a ti a. He thu hi a dik leh dik loh chu keimahni \heuh inzawh leh inchhan theih tak a ni ang.
    Curruption vang a ni emaw nilo emaw kan ram, kan khawtlang chu siamthat a ngai tak zet zet a, YMA kumpuanah pawh hman hial a lo ni tawh \hin reng a ni. A chunga tarlan tak khi a dik a nih chuan tu’n nge kan ram, kan khawtlang chu siam\ha ta ang le? Mizoram Chief Minister hlui pakhat chuan kan hnam hi thinlung leh rilru a\anga kan siam\hat a ngaih tawh thu a sawi a, a sawi dik hle rualin tu’n nge siam\ha ang tih bawk hi zawhna awm thei a ni lehpek awm e.
    Eng hnam pawh hi mimal hrang hrangin nun an hman/thawh khawm; lo langsar ta hi khawtlang nun chu a ni mai a. A chhiat a \hat thu-ah pawh mimal nun bawk hi a pawimawh ber chu a ni awm e. Mimal nun hi a lo zikchhuahna bul ber chu chhungkua a ni a, nu leh pa ngaihdan \hanlenpuitu naupang rilru hi chhungkua a\anga lo insiamchho a ni. Chuvangin, kan hnam, kan khawtlang nun insiamna chu chhungkaw tin a\ang hian a ni a tih theih ang.
    Chutichuan, kan khawtlang nun siam\hatna hmun hmasa ber tur chu chhungkua a ni nghal a. Mimal leh chhungkua a\anga \an a nih loh chuan kan khawtlang nun chhe mek hi a ler lamah kan \huai dawn tihna a ni a, a kung lam a \hat si loh chuan a rah chhia thenfai ringawt chuan thui a daih chuang lovang. Chuvangin, kan khawtlang a chhiat a \hatah chhungkua/mimal tinte kan pawimawh tak zet zet a ni.

ZIAKTUTE HUANG :
HMANAH CHUAN
- Prince Paris Khawlhring
     Kan naupan lai chuan han ti ve khanglang ila tih pawh ka tum hran law, rual û-te cho chhuahna pawh ni chuang lovin ka ziah chak ve hrim hrim vang zawkin a ni e. Bakah, rual û-te cho chi ka nilo hrim hrim. Pianpui unau nei lo mahila, Au Johny-a ka nei kha ka lung a awi tawk a, miten Valte ti mahse keia tan chuan Au Johny-a a ni tho thova, nupui neiin hmundangah awm pawh nise Au Johny-a ala ni reng tho.
    Star Tv lo thlen hma khan Au Johny-a nen ngei hian Antenna kan herh kual ve zak zak hman a, 'Ti khan a fiah..tlem herh let leh rawh' tiin ka chil ka ti per ve hman tlat. India aiin Bangla a hmuhnawm zawk. A chhan chu, McGyver (?), The A team, Night Rider (Car tawngthei ngat kha), The Fall Guy (kan thian pakhat phei chuan the guy fall a tih tlat kha maw le!) te kha an ti chhuak \hin a. Au Johny-a nen kan en dun \hin.
    Hetia Au Johny-a ka tih fona chhan hi, kan hunlai chuan û te ngaisang reng reng chi kha kan ni a, ama zarah tun thleng hian vâi \awng (nang ni chuan vâi \awng inti lo maithei, mahse ang chu in tive tal ang) lamah hma ka sawn phah a, tin, Manchester United pawh ka \an ve em em na pawh Au Johny-a khan a \an miau alawm. Karl Marx-a Theory aiin Au Johny-a thupek kha a ropui lohna kan hre hleinem.
    Hitler-a nunrawn zia aiin Vate kawng kân nan fuh kha a chhawrna-awm zawk a, Harrapan Culture aiin Sunday inkhawm bana lui kal dan tur ruahhmanna kha kan tui pui bawk.
    Floppy disk han ti ila Ruata te chu an hawi ka-hô ringawt ang chu. Kei chuan ka tichhe tawh. Mau bul laiin tiang-kawm kan siam a, Hockey kan khel \hin a, Au Johny-a kha chuan sawrkar tiang-kawm a hmang \hin. Chu mau tiang-kawm chu a pir chho lai kan han hlawi leh deuh a, Golf kan khel leh mai \hin kha a nia, sum sen a tlem a, a awlsam ang reng phian. Mahse, Captain ve ve ten tiang-kawm inkhaka, 'tlik tlawk, tlik tlawk' an tih lai erawh ka hmu pha lo tlat. Au Johny-a chuan a hmu hman.
    VCR/VCP hmangin film kan han en \hap \hin kha a nia. Ka la hriatreng chu, 'Crazy Boy of The Game' (a mizo tawng chuan Zokhaw thunder an tia maw ni) hi hmuhnawm kan han ti laileng khawpah. Au Johny-a te inah khan Cassette Reel kir chhap khawpa kan en tak kha!!
    A hnu deuhah VCD Player alo chhuak leh a. |hian hovin pawisa kan han thawh khawm a film kan hawh thin kha a nia. MTM, Purple adt. vel kha chu a lun thei map map khawp mai. Zan khat chu film chhuak thar ber kan hawh a, Atea (Lulian in tih deuh kha, keini chuan a tawk chiah kan tia) te inah Spiderman ngei mai kha. Kan ên zo ka haw thla kha chu Ril neih ve ka van chak tak em! Ka bulhnaiah khan Maimawm chu awm se ka in seh tir duh hial ang.!
    Han kal leh dawrh ila, Khurpui-a kan chen \hin lai te kha alo rei ve ta hle mai. Sephung laih lamah erawh hnu hma ka nei lo nachungin Sephung Lai Last batch hote che tla kha chu ka hmu ve riai ruai.
    Sikulah 'In pet' kan uar a, Chi thak pai kan ching hle. Tuna Pu ni ta Ma-awmtea chi kha tunhnua ka ngaihtuah leh hian Reiek Aieng fakna'n ka it tlat, a eng tha thei em asin. 'Chala chil hnawm hmasa-sa' tih kha kan insual phahna tam ber a ni bawk. Tin, Lungpher Zau a meizial zu ru zingah ka telve hman a, Alpine Hut-a 'tawm' enthlak erawh ka hrat ve lo. Hetiang lamah hian ka nghal ve vak lo a.
Phek 4 naah chhunzawm a ni.
    
PAGE - 3
HRIATTIRNA :
ADMISSION NOTICE
      Govt. Hlimen PS-III ah kum 2015 - 2016 Academic Session chhunga in fa/naute sikul lut rual nei chuan rawn luhtir \heuh turin nu leh pate kan ngen che u a. Zirna changtlung tak; zirlaibu thar nen naupangte enkawl tum a ni. Zirna hmanrua (zirlaibu leh uniform) a thlawn a dawn vek tur a ni bawk e.
    Sd/- Headmistress
    Govt. Hlimen P/S-III

HBC HRIATTIRNA
    Hlimen Badminton Club te chuan Indoor Stadium tihchangtlun nan member ni tawh leh la ni lem lo pawh Badminton khel \hin zawng zawngte Membership Fee pe vek turin Committee chuan a ngen a, naupang tan ` 50, puitling tan ` 100 a ni ang. Tin, inkhel \hin ten Sport  Dress kimchang nen lo chuan inkhelh phal a ni lovang. Hall chahbi pawh a kawltu hnenah dah leh thlap \hin tur a ni.

Gas chung chang
    Vanbuangi Gas Agency a Gas Connection nei; bank account la thehlut lo chuan March 2015 ralhma ngeia thehluh vek tur a ni e.

    Sd/- Manager
    Vanbuangi Gas Agency

Bo chhar
    Bi-Cycle chhar 2 chhar a ni a, a neitu dik tak chuan Pu Lalrinmawia Secretary, BYMA hnenah  March, 2015 ralhmaa lam  tur ani a, hun tiam chhunga lam a nih loh engpawh thleng se sawi buai theih a ni lo ang.

Local Council hriattirna
    Leiman la pe lo ten March 2015 ral hma ngeiin Land Revenue & Settlement Office, Khatla ah pek vek tur a ni a, hun tiam chhunga pe lo chuan penalty 20% chawi zel a ngai dawn a ni.

    Sd/- Lalhmingliana
    Chairman, Local Council.

Advertisement.......
Grace  Academy
      Zirna \ha tak hnuai a i fate lehkha zirtir i duh chuan zirtirtu Experience nei \ha tak tak ten Grace Academy 2015 Session a\angin Pu Vanlalthawma(L) In (Near BN Hospital) Kulikawn ah hawn thar a ni dawn ta e. Rawn ngaihven rawh le. KG-II - Cl. IV thleng chiah hawn a nih hrih dawn avangin Seat a tam lova, i tlai palh hlauh ang e. KG-I Seat a Full tawh e.
    Admission a la tih theih reng e.
Admission Fee + April    -    ` 1400/-
    Hrechiang duh tan a hnuai a Phone number ah te hian biak theih a ni e.
    Contact No:    8729919081
(1-1)        8575269186

LAWRKHAWM :
Inter Village Football
    NECS Cup Inter Village Football khelh mekah kan veng Local Council Team te chuan March ni 13, 2015 (Zirtawpni) khan Darlung khua an hmachhawn a, Goal 5 - 4 in kan veng te hi an chak a ni. He inkhelah hian kan veng lam a\angin heng mite hian goal an khung :-  Lalhlimpuia (Qr) vawi 1, lalrampara (HSV) vawi 1, Zonunsiama (Qr) vawi khat, Lallawmawma (Vt) vawi 2.
    Kan veng Team te hian March ni 16, 2015 (Thawh\anni) zing dar 9:00 hian Rajiv Gandhi Stadium Mualpui ah Bethlehem Vengthlang nen an inhmachhawn leh dawn a, khawtlang mipui a tam thei ang berin \awiawm thei ila a lawmawm hle ang.
    Tin, senso phuhruk nana pawisa petu - Local Council, Congress Unit, Venglaia Electric bungrua leh Stationary dawr neitu-Tv. Makhawa  te chungah kan veng Team te an lawm hle.

J.A.C. thuchhuak
    Hlimen ram chhung huanthlai neitu te huan thlai a bo \hin a, thlai hmun siam ve lo ten an zuar thei fo \hin a. Tin, lo leisak mai bakah zawrhchhawn atana lo khar sak duhte pawh kan awm a, a rutu leh lo leisaktu chu hremna chung changah JAC chuan angkhat rengin a en dawn a, tualchhung chanchinbu ah hming tarlan a ni bawk ang.
   
    Sd/- Secretary
    J.A.C. Hlimen

Boys Hockey Academy a lut duh tan
    Mizoram Boys Hockey Academy, Kawnpui-ah Hockey thiam duh leh tui, hlawhtlin ngei duh tan a luh theih a, Kawnpui-ah School luh tur a ni a, zing leh tlaiah Hockey training neih a ni ang. Hostel awm man a awm lova, ei leh in pawh Sport Dept.in a tum ang. School senso chu mahni in tum a ni thung. He Academy a lut duh chuan Pu Lalhmuchhuaka hnenah in hriattir theih a ni. Hriat chian duh te pawh a lo hrilh thei bawk. School naupang tana tih a ni. 

Advertisement....
ADMISSION
      Candid English School, Saikhamakawn ah kum 2015 - 2016 Session atan Admission hawn mek a ni. Zirtirtu Experience \ha tak tak ten kan enkawl a, zirna lama hnufual te leh harsatna neite Special a enkawl \hin an ni. Tin, naupangkal lam leh haw lam motor in kan hruaiin kan thlah \hin.
Admission Fee :    KG-I & II ` 1200 (with April fee)
    Cl.-I - VIII ` 1500 (with April fee)
    Sd/- Principal
(2-1)    Ph. 8731066925

Admission hriattirna
      Brighter Higher Secondary School chu Upper Republic a\angin Kulikawn, Tlangnuam road (Hauva & Sons building) ah sawn a ni a, Class- IX to Class-XII (Arts & Science) ah Admission a hawng mek e. Kal hmasa apiang duhsak an ni ang. Tin, First Division chin tan Concession siam sak an ni ang.

    Contact :     8414956902
(4-2)        9862325305

PAGE - 4
KEIMAHNI :
Hlimkhawpui Budget
    Hlimkhawpui  2015  Feb.  thla Budget  pe tla tawh te:
1.    Buala Sec.    2.  Kapdaia Sec.
3.    Damvea Sec.    4.  Lalsavunga Sec.
5.     Saichhuma Sec.    6.  Vawmphunga Sec.

Chhiatni  Fund khawn dawn
    Hlimen Branch YMA Committee chuan kum 2015 chhung atan Chhiatni Fund a khawn  leh dawn a. April ni 15, 2015 ralhma a akhawntute hnena lo pe tla ngei turin chhungtinte kan in ngen e.
    Tin, Chhiatni Fund pe lo chu Chhiatni Fund atanga kan in buaipuina chi reng rengah buaipui theih a ni dawn lo a ni tih kan inhriattir nghal bawk a, Chhiatni Fund hmang lova awm thei kan nih chuan malsawmna ah i ngai bawk ang u.

Membership fee chungchang
    Kum 2015 membership leh Kumpuan Fee khawnna list la theh lut lo Section \henkhat  kan la awm a, a rang thei anga Branch Secretary Pu Lalrinmawia hnenah theh luh tur a ni e. 

Branch Committee thurel
    March ni 10, 2015 zan khan YMA Hall-ah Branch YMA Committee neih a ni a, thurel te :-
1. Branch Day chung chang : March ni 23, 2015 hi Branch Day a ni a, Committee hmasa in a lo rel tawh angin Section tin ten mahni Section ah faina lam hawia zingkar hnatlang neih tur a ni.
2. Kumpuan hawn chung chang : March ni 27, 2015 (Zirtawpni) zan hian kumpuan hawnna hun hman tur a ni a, Programme leh a hawngtu tur lo ngaihtuah turin OB te ruat an ni.
3.  Crusade chung chang : Crusade neih zawh taka harhna kalmekah kohhran hrang hrangte nen Join Meeting neih a thudah; hma lo la tura YMA kuta dah chu tun dinhmunah chuan duhtawk rih nise tih a ni.
4. Ruihhlo chung chang : Kan khawtlang a ruihhlo lo hluar ta lutuk hi a lo rem theih nan JAC ah chak zawka hma la tura ngen nise tih a ni.

Buala Section
    March ni 21, 2015(inrinni) khian Pu Lalramchuana Quarry, Sakei dai-ah Metal lakkhawm (vawmkhawm) hnatlang neih tur a ni a, chaw fun tur a ni a, a hmeh erawh Section in a tum ang. In tin a\angin member pakhat tal thawkchhuak turin kan in ngen e.
    Tin, Section sum tuak nan Blanket suk a ni a dawn a, vengchhung mipui ten tlawmngai a Blanket min suk tir turin kan in ngen nghal bawk e.

Saichhuma Section
    Property Secy. atan Tv. Lalmuanawma chu an ruat thar. March ni 7&11, 2015 a sumtuak  hnatlanga thawkchhuak te chungah leh ei leh in tumsak tu te chungah Section hruaitu ten lawmthu an sawi tak meuh meuh a ni. Tin, inhlawhna siamsaktu  Pu Sawia JE, P&E chungah hruaitute an lawm hle. 

CHHIARTUTE NGAIHDAN...
@@    Pu Editor, Nungcha humhalh hi YMA ten an hmalak mek na leh an ngaih pawimawh thu te chanchinbu ah te ka lo chhiar fo \hin a, Hlimen YMA te hian nungcha hi an humhalh ve lo em ni? YMA member mai pawh nilo Branch Executive Commtt. zinga mite pawh silai nena sava veh a kap \hin te pawh an awm reng mai si a, an chungah engmah action lakna a awm ngai si lova, nungcha humhalh hi Hlimen Branch YMA ten an hmalakna zinga an telh anih chuan  Committee chin tal hi chuan nungcha kah leh thah hi ching ve lo hram se, a \ha lawm ni?
- Sibuta 

Ziaktute Huang chhunzawmna....
    Floppy Disk a\anga Photon thlengin ka hmelhriata, Super Mario vanglai leh FIFA 15 vanglai ka tawng a, Battle City leh Warcraft ka thaivar pui tawh bawk. Chitrahaar in min tibuai hmana; Shaktimaan atanga X-Men thlengin hmuhnawm ka ti a, Sailova -Aw hmeltha (Chapchar Kut) atanga Naupang Kawlhrawng thlengin ka lampui hman bawk.
    Tribal Power leh Triau Trackx inkarah hian thil tam tak a thleng a. Maenga - A nuam awm vei atanga Justin Bieber thlengin ka sukpui ve a. Amar, Akbar, Anthony leh Avatar te visual effect inthlauh zia pawh mita hmutu ka ni ve tlat. 'Hmangaihna Pasaltha' leh 'Khawnglun run' film inkarah hian hun engemaw chen chu a tla ve a sin.
    Sawi teuh ava chakawm em! Keini, 80's chawhnu lama kêu ve chauh kan ni a, U Mka te chuan, 'I va sawi tunlai ve' min ti pawh nise ka dem lo. Ka rualpuite tan leh kei aia nau zawkte ka intihtheih khumna thu mai a ni e. Tin, ka sawi hmaih trep, 'U Mka nula rim (bialnu) haw ka hmu.' Hei pawh hi thil thar a ni lo, hmu pha lo tam tak in awm.! A pawi ber mai chu kan nun hmanlai an chang tur hi a ni.

Advertisement....
CALVIN HIGHER SECONDARY SCHOOL
KULIKAWN, AIZAWL

ADMISSION OPEN FOR (2015 - 2016)
CLASS - IX - XII (Arts)
      Monthly fee leh Hostel fee tlawmna hmun, Board Exam regular ngei tumte tan luh ngei chi.
    Contact :     986233603
        9612585067
(2-1)        9089527526

P.E.S.  hriattirna
      April ni 1, 2015 a\ang hian Presbyterian English School, Hlimen a lut turte tan School Office-ah Admission a tih theih ta e.
Admission Fee :    KG-I  FREE
    Kal thar tur tan    ` 500
    Kal lai tan        ` 400
Admission Fee :    ` 400
    Unau pathum chinah Concession tam tak siam a ni a. Tin, Report Card la lam lote chuan March ni 16 leh ni 23 zing dar 9:00 - 11:00 inkarah pawisa kengin School-ah a lam theih bawk e.
    Sd/- Principal
(2-1)    Prebyterian English School, Hlimen

Saturday, 7 March 2015

Vâu thla Ni 7, 2015, Issue No. 10

PAGE - 1
TUALCHHUNG :
Damlo: Lalruatsangi D/o Ramthianghlima Vawmphunga Sec. a mi chu Pneumonia natna avangin Alpha Hospital, Kulikawnah enkawl mek a ni.

Khiangawi: Lalparmawii D/o R. Lalliantluanga Saichhuma Sec. a mi chu David Lalchhuanawma Tuikual veng a mi tawnah March ni 6, 2015 (zirtawpni) khan khiangawiin a liam ta.

Nau nei thar: Pu Zomuanpuia leh Lalpekkimi te nupa Kapdaia Sec. a mi te nupa chuan March ni 3, 2015 khan an fa pahnihna atan fanu duhawm tak Urban Health Centre-ah an nei thar.

@@    Pu Zonunsiama leh Linda Lalnunfeli nupa Kapdaia Sec. a mi te pawhin March ni 2, 2015 khan  an fa pakhatna atan fapa duhawm tak an nei thar.

Pem thar: Pu Lalduhawma Masihi Sangati tirkkoh chu Hlimen ah a rawngbawlna chhunzawm turin a rawn pem lut a, Masihi sangati Quarter, Lalsavunga sec. ah a awm.

@@    Pi  H. Lalngurliani te chhung Durtlang ‘N’ a mite chu Hlimenah rawn pemin Kapdaia Section-ah an awm.

Khawmpui hmang: Presbyterian Kohhran Hmeichhe khawmpui lian chu Mamit-ah neih mek a ni a, Hlimen a Kohhran 3 a\ang pawhin Kohhran Hmeichhe Member engemaw zat an kal a, He inkhawmpui hi March ni 8, 2015(Pathianni) zanah a \iak ang.

Medal hawn: Naom Lalbiakpuii D/o Ramsanga Saichhuma Sec. a mi chuan National Taekwondo Championship Visakhapatnam a neih zawh takah Siver Medal(Fight) ah leh Pomsae (Taekwondo Dance) ah Bronze Medal a dawng. Hetianga infiammi, hlawhtlina chang thei kan nei \hin hi Hlimkhawpui EB te chuan kan lawmpui tak zet a ni.

Area Meeting nei: March ni 6, 2015 khan MUP Area Meeting chu YMA Hall ah neih a ni a, member kal an \hahnem hle.

FRONT :
Chapchar kut ropui taka hman a ni

    March ni 6, 2015 (zirtawpni) khan Chapchar kut AR Ground ah ropui takin hman a ni a, Mizoram Chief Minister chu Kut pa niin Arts & Culture Minister chu Kut thlengtu a ni.
    Zing dar 10:30 velah Programme hi \an a ni a, hunserh hi  Lalkiamlova Commisioner Rtd.(SA) in a hmang a, hemi hnu hian solo bakah CYMA President Pu Lalbiakzuala thusawi ngaihthlak a ni a, Kut pa Pu Lalthanhawla hnen a\angin thusawi ngaihthlak a ni bawk. Hemi zawh hian Cheraw kan pui neih niin Aizawl City Area chhunga YMA Branch 83 an tel a, keini Branch nula leh tlangval te paw’n thiam takin an kan a ni. Hemi ni hian Zoram pum huap a zaithiam \hahnem tak an zai a. Tin, thusawi ngaihnawm tak ngaihthlak tur a awm bawk a ni. Tin, zaipawl, naupang Mizo thuama inchei te leh MHIP Gen. Hqr a\angin Par lam an entir a ni bawk. Kut sa zawn, traditional Custume show entir ni bawkin  mit leh beng a tlai hle.
    Tin, CYMA hmingin City Branch hrang hrang ten Sarlamkai an entir leh a, kan Branch member te pawh thiam takin an lam a, mit a tlai leh hle.Hun tawp lamah a huho a chai a ni a, hemi hnu  hian Beat Group ten mipui te an awi leh a. Hemi hnu hian kum 2015 Chapchar kut chu a \iak ta ni.
    Chapchar kutah hian kan Branch a\angin Member kal an \hahnem hle a, an hlimin nuam an ti tlang hle. Kan Branch a\anga member kal te kal man senso leh chhun ei man senso hi Branch YMA in a tum sak a ni. Hemi ni a hnam lam kan entir ve avang hian Branch YMA chuan lawmman ah ` 6000/- a dawng a ni.
    Kan veng aiawh a hnam lam entir tu zawng zawng te chungah Branch YMA hruaitu ten lawmthu an sawi tak meuh meuh a, hun tep ter tak karah lam hi zir \hin niin Chapchar kut hma zan thleng  pawh khan \hahnem ngai taka zir a ni a, tin, hei mai bakah nu leh pa ten an fate phal taka lam zir na hun an pek avangin Branch hruaitu ten lawmthu an sawi a. Chumai nilovin, lam zirna thawm hre phak te pawhin bengchheng ti a, phunnawi leh sawi sel miah lova hrethiam taka an awm avangin lawmthu an sawi bawk. Mizo kan ni a, kan hnam nunzia rang chawi vul hi hnam lungphum sawh nghehna zel a ni tih hriain hnam zia rang leh hnam ro hlu te i vawng nung zel ang u. 
 Chapchar kut a kan Branch aiawha lam \henkhat te

PAGE - 2
EDITORIAL :
HMANLAI  LEH TUNLAI
    Ram leh hnam \hang zelah hian hnam angte, mimal angte pawhin thil chi hrang hrang inthlakthleng kan tawng \hin a. hetiang hunah hian kum upa zawk leh rual û zawkte hian \hangtharte hi kan millo fo \hin. Kan mizo thawnthu ah pawh \hangthar nun ning |hasiama kan nei a, hei hian mizote hnam zia a tarlang chiang ang reng viau mai. Sakhua leh hnam nunphung hrim hrimah pawh thil inthlakthleng hi a awm tur reng a ni. Sap hovin ‘Culture’  an tih hi zawi zawia insiam puitling chho, tihdan \ha zawk leh remchang zawk dap chhoh avanga hnamin nunphung a siamrem chhoh a ni.
    Kan khawtlang pawh hi han thlir ta ila, tunhma kum 20/30 kalta a tihdan leh tun hun a danglam zia chu kan hre fe hlawmin a rinawm. Hmanlai a tihdan \ha tih vang ngawta \hangthar tihdan thlauhthlak kan tum a nih chuan a fel lo hle ang.  Tunlai \halaite nunah pawh sawisel tur tam tak a awm rualin rual û zawk ten sawisel tur kan ngah lutuk deuh niin a lang. A bikin \halaite lawm em em - computer, mobile phone, internet etc. te \halaite nunah a tla na hle. Heng thilte hi rual û zawk ten kan khawih ve loh avanga \halai ten an khawih nasat ngai thei lova sawisel chiam chiamte pawh hi a fuh ber lo mai thei, awmzia pawh a awm thui vak lo ang, a hunlai a ni tlat. Hetih rual hian \halaite pawhin a hun leh hmun kan thliar thiam a pawimawh hle.
    Tin, heng bakah hian kohhran inrelbawl dan leh Pathian kan fak dan chung changah te, tlawmngai pawl inkhaihhruai danahte, khawtlang hruaitu ten khawtlang an kaihhruai danahte tunlai hun mil zela kan kal a ngai a, chumi mil zela kal tur chuan mitin kan insiamrem (adjust) a ngai a ni. Changkanna in a rawn kentel tam tak; hmanlai a awm ngai lote hian kan kalphung hi a thlakthleng dawrh lo thei lova, hemi hre reng chung hian kan khawtlangah hmasawnna lo thleng zel tur pawh hi i lo hmuak chho zel teh ang u.

ZIAKTUTE HUANG :
RAM LEH HNAM HUMHALH
 - Lal Chungnunga, CEC Member & Ex-President, CY.M.A
    Ramri dik zawnchhuah leh humhalh a ngai :- Chhim lam ramri, Myanmar ramri, Manipur ramri, Tripura ramri ah te hian tunah harsatna kan nei em em lo. Khatih hunlaia Sorkarin Boundary Commission Member atana a ruatte rawtna pawm a nih zel vâng a ni. Cachar nena kan inrîna chungchang erawh hi chu mitin ngaihven leh enghelh a ni a, achhan chu helamah hian Mizote hian ramri mumal tak Assam nen hian nei tawh lova kan inhriat vâng a ni. Mizorama Political Party tinte hian ngai pawimawhin an insawi theuh a, inthlan dawn apiangin vote zawnna hmanruaah an hmang \heuh a, lal \huthleng \hut hnuah erawh chuan ngaih pawimawhah an neih tawh lo aniang, vawiin thleng hian kan dinhmun a mumal thei rih lo a ni. Bengal Eastern Frontier Regulation 1873 (V of 1873) Section 2 na in a sawi angin Assam Sorkar chuan March ni 9, 1933 khân order chhuahin inner line chu min siamsak ta a, he inner line hi vawiin thlengin Mizoramah hman a la ni. Chuvângin, a lan dânah chuan he inner line kalna zêl hi Mizoram ramri dik tak chu ni turin a lang. Kan ramri dik tak hmuchhuak tur chuan he inner line hi chiang taka ena chhui chian a \ul a ni. Ka \awng tun lo haw lo se, Cachar nena kan ramri tichiang a ramri mumal tak nei turin tu Political Party mahin hma an la lo tih hi phat rual a ni lo. Chuvangin kan ramri dik tak chingfel thuai tur hian he ram leh hnam hian Political Party thar a mamawh niin ka hre ta ber.
·    Dân hmangin kan humhalh tur a ni :-
Kan ramri chu \henawm State nen emaw, Central Sorkar nen emaw dân hmanga humhalh dân kawng ngaihtuah vat a ngai.
     Ram leh hnam humhalh tur chuan intodelh a ngai :-
Mizorama Political Party zawng zawngten Policy an neih theuh chu ‘Hnam damna’ ‘Rethei khaichhuah’ tih hi a ni vek mai. Kan ram leh hnam humhalhna \ha ber pakhat chu keimahni kan intodelh hi a ni. Kum 1954 hnu lamah chuan englai mahin Mizote hi kan intodelh ngai tawh hauh lova ni. Kan Mizo rilru pangngaiah chuan mite châwmhlâwm leh mi thatchhia, mi hmusit, mi dawihzep nih kan duh ngai lova. Amaherawhchu, tuna kan dinhmun hi chu kan thenawm ramte min hmuh danah chuan riltam, pachhia, hnathawk tlêmsi ang a ni tlat a. Riltam chung chuan a lo huaisen leh theih hauh lo mai a, Silchar Rickshaw pu, hrênpereng chhete kaih pawh kan ngam thei tawh lo a nih hi. Han in tih thiam loh nikhua pawhin ei tur nghei hmasa zâwk tur kan nih miau avangin dâwihzep zâwk chan chan leh a betlawn hmasatu nih a ngai tlat.
    Mithiam ten khawvêl pum huapa an lo zir tawh naah, ram retheite chuan hengte hi an tlachham châwk an ti :- Taihmâkna (Industry), Tih tak tak peihna (Sincerity), Tumruhna (Determination), Rinawmna (Honesty), Hun ngaih pawimawh (Time-Budgeting), Thiam chianna (Excellency), Thawhho theihna (Co-operation), Tihdân hlui paih phalna (Readiness to discard the old system), Hmalam thlir thiamna (Long rightedness)Hnam changkang leh intodelhte hi hnam taima an lo ni zel mai. Sâpho ni a rei bîk chuang lova, Japanese ho pawhin, keini aiin kut an ngah bîk chuang hek lo. Såpho hian “Kan peih lo” tih tlukpui chiah tawngkam hi an nei lova, Japanese ho hian “Hun âwl” tih sawina \awngkam an nei lo bawk. Hnathawktuten chawlh an la duh lo hi Japan ramah chuan an buaipui hle zâwk a ni. Mazda Motors (Company) phei chuan chawlh (Holiday) sawi hawtna Essay inziahsiakte an buatsaih \hin, an hnathawkten chawlh an lâk duh nan an ti \hin a ni. Hnathawh âtchilh an tam lutuk hi an buaina ber a ni. Han intodelh lo rual an ni lo. Ram leh hnam humhalh duhtu dik tak chu a thatchhe thiang lo, hnathawh hreh an nei tur a ni lo, eng hna pawh thawh bawrh bawrh mai tur a ni a, a rinawmin a rintlâk bawk tur a ni.
Kar leh Issue-ah chhunzawm a ni ang.

PAGE - 3
HRIATTIRNA :
Gov’t. Hlimen P/S II
    Session thar (2015-2016) ah hian kawng hrang hrang a hmasawn turin \anlak kan tum a, Nursery (English) pawh hawn nghal a ni ang. Nu leh pa ten in tu leh in fate Gov’t. P/S II ah rawn kal tir turin kan sawm a che u. School hun chhungin admission hi tih lawk theih nghal e. School chawlh chhung chuan nilaini(Wednesday) apiangin admission hi School-ah a tih theih bawk ang.
    April ni 1, 2015 ah luh \an tur a ni a, School hun chhung hi Session thar a\angin nitin zing dar 8:00 a\anga chawhnu dar 1:00 a ni ang.
    Admission fee a awm lo ang.
    Naupangte Text book leh Uniform a thlawnin kan pe ang.
    Naupangte chaw chhun pek an ni ang.

    Sd/-Zoliana, Headmaster,
    Gov’t. Hlimen Primary School II

Local council hriattirna
    Sawrkar thuchhuak angin lo hal/huan hal tur te chuan March ni 15, 2015 hmain hal vek tur a ni. Lo hal tur ten lo hal hmain mei kawng \ha taka sial vek bawk tur a ni. Local Council te hriattir hmasa lovin mahni duhthu a lo hal mai mai loh tur a ni.
    MRB a Zero balance(Pawisa thun hmasa lo) a account hawng ten ` 500/- aia tlem lo deposite tur a ni. Deposite a nih loh chuan Account a thi thei tih kan in hriattir nawn leh e.
    Tin, Gas Consumer Card a hmingthlak duh /Gas buai nei leh DBT Scheme la ti lo Local Council buaipui tir duh te chuan a rang lamin March ni 14, 2015 thleng Local Council Office-ah  Document thil tel ngai te nen a in report leh theih ta bawk e. Tin, chhungkua a Gas Connection nei lo tak tak te chu Local Council-ah in hriattir theih a ni bawk.

    Sd/- Lalhmingliana,
    Chairman, Local Council

ZDU Member ni duh tan
    Zoram Driver Union Member ni duh tan Driving License nei (Two Wheller pawh huamin) tawhphawt chuan Member a nih theih a, March ni 8, 2015 (Pathianni) chawhnu inkhawm ban hian Pu Hmingthanzama te Inah ZDU Member ni duh chu kim taka kal tur a ni e. Tin, Hlimen Driver Association Member lo ni tawh zawng zawng chu kim taka kal vek tur a ni bawk e.

Football hriattirna
    NECS Cup Inter Village Football Tournament khel tur Player te chu March ni 10, 2015(thawhlehni) zanah Tv. Vanlalnghaka te inah  in hmuhkhawm tur a ni. Tin, Birth Certificate, voter ID leh Passport Photo Copy 1 la thehlut lo te tan ken \heuh tur a ni.

LAWRKHAWM :
Bawlhhlawh paih chungchang
    Jan. leh Feb. 2015 atana bawlhhlawh paihna mipui lamin kan tum ve tur (User Charge) lakkhawm mek a ni a. Bawlhhlawh paina atan hian mipui lam hian 20% kan tum a ngai a, kan thawhkhawm tello hi chuan Sanitation Motor hmanga bawlhhlawh paih hi a kal thei lo tih hriain thla khat atana ` 30/- ( nitin ` 1/- chawi ang kan ni) lak a ni a, chhungtinte lo pe leh \heuh turin kan in ngen leh e.
    Tunhnaiah motor lama harsatna a awm avangin bawlhhlawh paih ni atana hun ruat takah bawlhhlawh khawn loh a nih avangin mipuite hriatthiamna kan dil tak meuh meuh a ni.
    Hetiang hi Nov. leh Dec. 2014 atana bawlhhlawh paihna atana User charge lakkhawm zat leh hman chhuah dan a ni e:
1.    Hmuh zawng zawng    -    `    19000/-
2.    Hman chhuah dan
    1)    LPK(407)    tlan zat    vawi 18X200    =    3600
    2)    Pick Up    tlan zat    vawi 9X250    =    2250
    3)    1 labour        vawi 18X300    =    5400
    4)    2 labour        vawi 9X250    =    2250
    5)     Collector hlawh        =    2000
    6)    Reciept, xerox, glove etc.        =    1800
                Total    =    17300
3.    Balance    =    19000 - 17300    =    1700

    Sd/- Secretary, PPP Mode Committee, Hlimen

UPHC chung changah inhmu khawm
    March ni 2, 2015(thawh\anni) chawhnu dar 1:00 khan YMA Hall-ah Urban Primary Health Centre (UPHC) chungchangah in hrilhfiahna (Awarness) neih a ni a. UPHC kal zel dan tur in hrilhfiahna hun hman a ni a. Damdawi lama thawktu te, MAS member te, Local Council te leh vengchhunga NGO OB te an kalkhawm a ni.

Advertisement.......
Computer admission open
      Govt. of Mizoram (MSCTE) Affiliated Institution hnuaiah Computer Course hrang hrang CCA, DCA, C , C++, Java, Web Developing/ Design leh Stenography ah te admission hawn mek a ni a, schlolarship kan dil sak thei bawk e.
    Computer Engineer kaihhruaina hnuaiah eizawnna tlak khawpa thiam turin i duh ang course kan zirtir thei reng bawk che. Seat tlem ala awm.
Timing    :    6:00am-6:00pm

    Mizoram Professional Computer institution
    (MPCI)
    New Street, Mission veng, Opposite SBI
(2-2)    Ph : 9862363005/03892310866

Admission hriattirna
      Brighter Higher Secondary School chu Upper Republic a\angin Kulikawn, Tlangnuam road (Hauva & Sons building) ah sawn a ni a, Class- IX to Class-XII (Arts & Science) ah Admission a hawng mek e. Kal hmasa apiang duhsak an ni ang. Tin, First Division chin tan Concession siam sak an ni ang.

    Contact :     8414956902
        9862325305

PAGE - 4
KEIMAHNI :
Hlimkhawpui Budget
    Hlimkhawpui  2015  Feb.  thla Budget  pe tla tawh te:
1.    Buala Sec.    2.  Kapdaia Sec.
3.    Damvea Sec.    4. Lalsavunga Sec.
5.     Saichhuma Sec.    6. Vawmphunga Sec.

Lalsavunga section
    Pu K. Lalchhuanawma Treasurer leh Tv. Samson Lalrinfela Asst. secy. te chuan remchan zawkna avangin an nihna an in thlak thleng.

Cultural Club din ni dawn
    Hlimen Cultural Club din tum a ni a, hetiang lama mi tui te chu Tv. John Lalhunhlua, Tv. R. lalrindika leh Pu Lalrinmawia te hnenah in report mai tur a ni.

Kapdaia Section
    Feb.ni 28, 2015 a Section member hnatlang zawng zawng te chungah lawmthu kan sawi a, in hlawhna  min siam sak tu Pu Sawia JE P&E hnenah lawmthu kan sawi bawk e.

    Sd/- Secretary

Vawmphunga Section
    Feb. ni 20, 2015 (inrinni) khan thinglak hnatlang an nei a, member 14 an thawkchhuak a, an chungah Section hruaitu te an lawm hle. Tin, a thlawn liau liau a thing petu Pu R. Lalbiakdika Dawrpui te chhungkaw chungah leh a phurhna tur a motor thawhchhuah puitu Pu Zairemthanga chungah thinlung takin lawmthu an sawi.
    Section Godown thawh\hatna atan Section Committee member mipa zawng zawng ten tunthla ni 15 ral hma ngeiin thingtuai thawh \heuh turin kan in hriattir nawn leh e.

Kawr chei leh vakiria
    Tun kum chapchar kuta hnam lam YMA Kawr chei leh vakiria leh diar \ial leh chem hmangtu ten March ni 11, 2015(nilaini) ral hmain Tv. R. Lalrindika Property Secy. hnenah dah kir tur a ni e. 

Advertisement.....
Solomon’s high school admission open for the session (2015-2016)
      Solomon’s High School, Kulikawn, Aizawlah Class VIII, IX leh Class X tan Admission hawn mek a ni. Kum 25 chuang Mathematics leh Science Subject a Experience nei tawhin an zirtirna hmunah hian i fate rawn dah ve rawh le. mathematics leh Science Subject a harsatna nei te leh Sports a tui te duhsak bik an ni ang.
    Hostel a awm nghal bawk e.
       Contact    :  
8014442431                               C. Thawnga
    9774464095                             Top Ten Tutor
9774406688

CHHIARTUTE NGAIHDAN :
@@    Hun hi ava’n hmawr tawh tak em!! Kan veng \halai ten harhna changin ‘|halai te hun’ a nih tawh angin \hahnem ngai takin pawl ram kalsanin Pathian thu an tlangau pui a, Pathian ah harhtharna la chang ve lo te pawhin \hahnem ngai takin Bible chhiar leh \awng\ai i uar ang u. Rei A rial tawh dawn lo. A lo kal thuai dawn.

- Ms-i Pa

@@    Sual do a, thisen chhuak khawpa \ang turin Pathian thu chuan min beisei a ni a, thisen chhuak khawp êm a ka do thei lo a nih pawhin thlantui chhuak khawp tal chuan kan beih ve a ngai lo maw le !! Kan vengah ruihhlo a punlun zel a, a bikin veng tawntirh lamah a hluar zual niin a lang. Chuvangin kan piantharna pawh hian helam hi hawlh thleng pha se a va duhawm em!!
- Hlimen Val  Upa

Lawrkhawm chhunzawmna.....
Crusade neih a ni
    Hlimen Baptist Kohhran ten an Kohhran Biakin a Crusade an neih chu Kohhran hmun hmain a zawh loh deuh avangin Mualzawl-ah in sawn an rel a, hemi hmun hma vel buaipui tur hian Hlimen Branch YMA chu phungbawmah sawmin March ni 2, 2015 (thawh\anni) khan Crusade neihna hmun tur buaipui hian Mualzawlah hnatlang neih a ni a, Member thawkchhuak an \hahnem hle. Hnatlan zawh tlai lamah helai hmun hi Pathian hnena  hlan thianghlimna hun hman nghal a ni.
    Hemi zan a\ang hian Mualzawlah Crusade neih chhunzawm nghal a ni a, chhimtu mipui an \hahnem hle a ni. Tin, March ni 3, 2015(thawhlehni) zanah Mualzawlah vek hian Crusade neih chhunzawm leh a ni a, he Crusade ah hian Pathianah lawmna thar nei tam tak awmin ban uaithla leh khupzawi tawh tam takin harh tharna an chang bawk a ni. He Crusade ah hian Gospel Singer lar Nl. Mafaki pawh lo telin Pathian fakna hla mawi takin Crusade chhimtu mipui te a awi bawk a ni.
    Speaker Nl. Remsiampui hian \hahnem angaiin  khawtlang pawhin thlarau lamah a hlawkpui hle niin a lang.
    Crusade neihna hmun hma hi March ni 3, 2015 khan Branch YMA hmalakna in senghawi leh a ni.

Joint Committee nei
    March ni 6, 2015 zan dar 7 khan YMA Hall-ah YMA bultumin vengchhunga Kohhran hrang hrang te nen Joint Meeting neih a ni a.  Pu Vanlaltluanga Pre. BYMA in a kaihruai a ni.
    Tunlaia vengchhunga Pathian hnathawh; harhna thleng mek chu engtia chhawm nun zel tur ni anga, engtia hmalak chhunzawm tur nge tih chu ngaihtuah a ni a, Pathian hnena \awng\aina a hlan chung zelin a \ul dang angin YMA ten hma lo la se an ti. Hemi zana kal khawm dan chu hetiang hi a ni: YMA - 15, Hlimen Presby. - 2, Vengthar Presby -2, Isua Krista Kohhran - 3, S.A - 3, Baptist - 2.