Saturday, 27 June 2015

Nikir thla Ni 27, 2015, Issue No 26

PAGE - 1
TUALCHHUNG :
Damlo:  Tv. Ramtharnghaka S/o Lalengmawii, Saichhuma Sec. chu Motor a chetsualnaah a ke a ti na a, June ni 23, 2015 (Thawhlehni) khan UPHC Hlimen-ah admit niin  enkawl mek a ni.

@@    Pi Zochhuani, Damvea Sec. a mi chu hnungzang ruh \ha lo leh khawsik avangin hun engemaw chen UPHC, Hlimen-ah enkawl a ni a, tunah in lamah enkawl chhunzawm mek a ni.

@@    Thomson Lalnuntluanga S/o Chhantluanga Kapdaia Sec. a mi chu awmna avangin tunah hian UPHC Hlimenah enkawl mek a ni.

@@   Tv. Zochhuanpuia S/o Zohmangaiha Saichuma Sec. a mi chu a bengdar zai turin June ni 26, 2015 (Zirtawpni) khan Civil Hospital-ah Admit a ni.

JAC ah hlan:  Pu B.K Remmawia Saichhuma Sec. a mi chuan JAC ten a \ul apiang a an hman atan ` 500/- a pe a, a chungah JAC hruaitu te an lawm hle.

Silpouline pe:  June ni 20, 2015 tlaia ruah sur nasa in kan veng chhungah leimin hmun hrang hrangah a siam a, hemi a hman tur hian bialtu Councillor Pu Ramhlunsanga’n hemi tlai veka hman tur hian Silpouline pathum a rawn pe. Tin, Bialtu MLA Pu K.S.Thanga chuan leiminna hmuna hman atan Silpouline paruk (6) a rawn pe bawk a, an chungah khawtlang hruaitute an lawm hle.

Top 50 ah tling:  Nl. Lalramnghaki D/o Lalengliana, Buala Sec. chu Zonet Mizo Idol 2015 ah Top 50 ah a tling chho a, a kal zelna turah duhsakna sang ber Hlimkhawpui Editorial Board ten kan hlan a, hetiang a khawtlang hming ti\ha tu kan awm zel hi lawmawm kan ti hle a ni.

Main Switch thar thlak:  June ni 26, 2015 (Zirtawpni) khan Quarry Transformer a Main  Switch chu hun engemaw chen Direct a nih hnuin a thar thlak a ni ta. Bialtu J.E. Pu Zotea leh  thawktu dangte inpekna a fakawm hle.

FRONT :
ZIRLAI HLAWHTLINGTE CHAWIMAWINA HUN HMANG
    Mizo Zirlai Pawl (MZP) Hlimen Branch te chuan June ni 26, 2015 (Zirtawpni) zan khan kumin a Zirlai hlawhtling - HSLC, HSSLC leh a chunglam passed te chawimawina leh lawmpuina hun an hmang. Pu Ramhlunsanga Bialtu Councillor chu khuallian atan hman a ni.
    He programme hi Tv. Malsawmzuala, Vice President, MZP Hlimen Branch in a kaihruai a, Nl. Lalhriatpuii Fin.Secy. in hunserh hmangin Tv. Amos Lal\hazuala, Secretary hnen a\angin Secretary Report ngaihthlak a ni bawk. Khuallian Pu Ramhlunsanga  leh Pu Vanlalhruaia Vice Chairman Local Council leh Tv. Lalmuanawma President MZP Hlimen hnen a\angin thusawi tawi ngaihthlak a ni a, tin, Pu R. Lalrokima Trea. MZP Gen. Hqrs. in zirlai hlawhtlingte hnenah fuihna thu \ha tak a sawi bawk a ni. Hemi hnu hian zirlai pass thar te aiawhin Nl. J. Lalmalsawmi M.Sc (Chem) MZU Gold medalist in thusawina huan a nei leh bawk a ni. Tin, zirlai hlawhtlingte pual hian Upa Lalhmuchhuaka, Hlimen Presby. Kohhran chuan \awng\ai sakna hun a hmang bawk a ni. Nl. Lalramnghaki leh Nl. Laltlannungi te bakah Tv. Rosangzuala ten kalkhawmte mawi taka zaiin an awi reng bawk a ni. Tin, YMA Day a lam intihsiak (Dance Competition) a pakhatna Buala Sec. te thiam tak maiin an lam a, kalkhawm mipuite mit a tlai hle.
    Zirlai hlawhtling passed thar te lawmpuina leh chawimawina thilpek sawm bik te a\angin in hlanna hun  hman a ni a,  hun tawp lamah Pu J.Lalhlimpuia, Adviser hnen atangin lawmthu sawina (Vote of thanks) ngaihthlak a ni.
    Zirlai hlawhtling chawimawi takte hi HSLC passed mi 39, HSSLC passed mi 24, B.A. 4  leh M.A. 1 leh M.Sc.(Chem) passed 1 an ni a, an vai hian mi 69 an ni.
    MZP Hlimen Branch te hian an zirlai pui hlawhtlingte chawimawina hun an hman pual hian an inbuatsaih nasa hle a. An senso phuhruk nan hian hnatlanga sum an tuak bakah tlawmngai pawl (NGO) leh mimal tlawmngai ten sum an thawh bawk niin thu kan dawng.
    Zirlai hlawhtlingte lawmpuina leh chawimawina hun MZP ten an hmang thei hi a lawmawm hle a. Hei hian an hma lam hun atan chona leh phurna nasa tak a pek ngei a rinawm a, hun lo kal zel turah pawh chhunzawm zel tlak niin a lang. Zirlai te pawhin an mahni tan liau liau a pawl ding MZP te hmalakna kawng hrang hrangah theihna an neih ve chinah chuan in\awiawm zel hi a pawimawh hle bawk a ni.

PAGE - 2
EDITORIAL :
      PÎ PÛTE NÂU |HA
    Kan pî leh pûte khan thlatin a nâu dam lo, tlang hrileng tâwng thei tak hi nau\ha ah an ngai a. Nu fatir hrin lah damlo tura rin leh beisei a ni tlat bawk. Kan tunlai thiamna nena han chhut erawh chuan khang kan pî pûte ngaihdan kha a mawlzia leh an thlirna tawi zia a lang chiang hle a ni.
    Tunlai huna kan thlir dan chuan boruak inlumlet danglam hun apiang hi naupang leh puitling ten tlang hrileng an tawn awlsam hun a ni a. Boruak leh tui a\anga natna an kai theih hrang hrang pawh tuifur tlak \antir leh \hâl \an chhovah hian kai a awlsam tih kan hre mai awm e.
    Kan pi pute leh \hangtharte rilru put dan inan lohzia chu a lang thei mai awm e. Amaherawhchu, tunlai hun thleng pawh hian ngaihdan hmanlai tak; tunlai huna dik si lo la nei an awm châwk a, chutiang mite chu pî pûte nâu \ha an sawi ang chauh kha a ni a. Puithuna leh thil \angkai lo tak takah pawh ngaihdan sawhsawn harsa an tiin a \ha lo zawngin nunphung a tidanglam \hei \hin a ni.
    Pi pute nâu \ha kha chu enkawl a ngai em em a, tunlai nâu \ha erawh chu finna hmanga enkawl a nih tawh avangin nunphung tidanglam tur khawpin enkawl khirh a ni ngai lo. Hetiang hi tunlai leh hmanlai thil inthlauh dan a ni a, thil \ha zawk chu kan hre maiin a rinawm. Chuvangin, thil \ha zawk kan hriat nei thei tur chuan lehkha thiamna hi kawng pawimawh tak leh kawng awmchhun niin a lang.

ZIAKTUTE HUANG :
MUALZAWL A RIAK |HIN - MOTOR LIAN KHALHTUTE LEH NEITUTE HNENA NGENNA
- Mawiteii Pa leh Ruatsangi pû
Mualzawl sîr

    Pu Editor, i chanchinbu kaltlangin Mualzawl a Motor lian riahtir \hin te hnenah hian Mualzawl Sîr paho ten ngenna kan han siam teh ang. Khawngaih taka min tihchhuahsak turin kan ngen a che.
    Mualzawla Motor lian zana riahtir \hin te u, khawngaih takin kan ngenna leh beiseina te hi min lo hriatsak a min lo tihhlawhtlinsak turin kan ngen a che u. Chungte chu :-
    1) Mualzawla a Motor lian dah \hin leh zana riahtir \hin hi tunhma kan VC kalta tena an lo phal ngai loh a ni a, zana riah hi parking a ni lova, garrage a hman a ni a, phal loh a ni. (Motor lian luh phal loh a ni lova, thingpui, chaw ei leh eng ilo han inlam chhung hi chu thudang a ni) Riahtir leh hnawksak a dah chu phal loh a ni.
    2) Motor lian in dah tawp a, in kalsan/haw san mai a, a bul vela mite tan khaw hawina tur hmun pawh awm lo lekin in dahkhat a, thaw a pik a, a hrehawm em em a, hmun thawl nuam tak kha hrehawm leh ipik takin min rawn siam a, in inthlahrung hauh si lova, midangte tana harsatna in siam nasat zia hi hre hram teh u. A bul vel a mi ten hrehawm kan ti hle mai. A chang phei chuan ke a kalna tur takngial pawh a chep hle \hin. vantlang hmunawl nuam tak kha hmun hrehawm takah a chang \hin a ni. A hrehawm zia min hriatpui ve tawh lova, Motor in dah tawh chuan in duhtawk mai si a, in inbul velah midangin rawn hnawhkhat ve tlat se hrehawm in ti khawp ang. Tin, zingkarah in Motor Start thawm leh khu ringawt pawh hi tawrh hrehawm tak a ni. A bengchheng a, nawmsam loh zana mut theih loh \um phei chuan zing lam hi mutna hun \ha a ni a, tin, tar hrisel tawh lo ten an tuar hle bawk.
    3) Mualzawl hi naupang tualchaina leh vengchhung laili a intihhlimna kan neihchhuan a ni a, chumi atan chuan chei \hat \hin a ni. Motor lian riah nana chei \hat a ni lo. Mimal taka intihte hi tu tan mah thil nuam a ni lova, Garrage in nei lo a nih rau rau chuan midangte harsatna thlen lo zawngin kawngpui dung zau laiah te lo dah thei ta mai ula kan va lawm dawn em!!! Chawlhni ah te ngat phei chuan a hnawk si, a \awp si, hrehawm tak a ni. A chhe siam ni a hman \ul changte a lo awm bawk nen.
    Tin, mi veng motor khalhsaktute leh vengdang a\anga Driver lo awmte pawhin Mualzawl hi Motor lian riahna emaw rawn ti tawh suh u, a ni lo a nia. Tin, Motor tê pawh hmun dang ami ten dah nan in rawn hmang zel ringawt bawk a, ti lo ula kan duh.
    4) Vawiin a kan khawtlang hruaitute pawh kan han ngen duh nghal bawk a. Hetiang a kan khawtlang hmasawnna pakhat eizawnna thu a lirthei kan lo nei leh enkawl theite kan han awm zel hi a lawmawm a, thil \ha tak pawh a ni. Ruahmanna leh inkaihhruaina \ha a awm loh chuan midangte tana hnawksak a lo ni thei a, chuvangin heng harsatna lo awmte hi a theih ang anga chinfelsak leh kawng dapsakte hi kan mawhphurhna pakhatah ngai thei ila a duhawm hle ang.
    Tin, Mualzawlah hian Volleyball Court a awm a, hei hi Club/GSA ten engchin chiah nge mawh kan lak aw? Midang e.g. YMA Section ten lo humhalh/siam\ha dawn se kan chuti kha ti kan ti dawn em? kan ti dawn anih chuan Motor lian daha, tihnawk leh tichhia a\ul huna Jack Up leh mai \hin te ah hian humhalh hmasak \hin pawh a va \ul em!!  Kan khawtlang hruaitu hmasa ten Volleyball khelhna tlakah min lo siamsak a, a humhalh, chei\hat leh enkawl hi chu kan mawhphurhna ni ve thung a ni. Chhungtinin kan mamawh Gas ngei pawh hlanthlak nan phal a ni lova, hetih laia a duh duh in a rawn hun hnawk leh tihchhiat hi phal a ni lo, i zah tlang teh ang u. Vantlang, kohhran, pawl leh mimal thil a hmun dang a\anga motor tê a lokalte indahna tawk chauh a ni.
    Chuvangin, Tualzawl zâu leh kawngpui hi a bul vela mite tana rohlû a ni a, inzahsak tur a ni a, tunlai a Motor lian dahtute zawng zawng hian hmun dangah a remchanna laiah min dahkiansak se kan tih hi min zawmsak turin kan rawn ngen tak meuh meuh che u a ni e. 

PAGE - 3
HRIATTIRNA :
Local Council hriattirna
    1. Khawlaia ui chhuak reng reng chu man a, a neitu chawi tir theih a ni tih kan in hriattir nawn leh e.
    2. Tin, Kawngpui ân kawng Side Drain tihfai a ni a, Side Drain hnawh a bungrua eng chi pawh emaw Motor emaw dah hnawk lo turin kan in hriattir nawn bawk e.
    3. Tin, In sa thar emaw zauh belh tur ten kut kan thlak hma ngeiin Local Council te hriattir ngei tur a ni a, in report loh avanga harsatna tawk kan awm a nih pawhin sawisel theih a awm lovang.
        Sd/- Lalhmingliana, Chairman LC

UPHC hriattirna
    UPHC Hlimen a Doctor chu June ni 29- 15 July, 2015 thleng chhungkaw rokhawlhna avanga chawlh la in hna a zawm theih dawn lo tih mipui kan in hriattir e.
     Tin, damlo kan hun hetiang hian siam a ni a, heng hun bakah chuan damlo kan a remchang lo a ni tih kan in hriattir bawk e:
    Zing lamah    :     8:00 am - 10:00 am
    Chawhnu lamah    :    1:00 pm - 3:00 pm
    Zan lamah    :    5 :00 pm - 7:00 pm

Vau khanna
    Anganwadi Centre No. 5 (Field bula mi)  kawngka kalhna tala chu chhut chhiat a ni fo mai a, a titu pawh hriat thawi in ni tawh a, manchhuah emaw hriatchhuah emaw in nih chuan in chungah in phu anga action lak a ni ang.

G&SA Jersey chung chang
      NECS Cup 2015 February thla a khelh zawh takah heng ahnuai a tarlante hian jersey in la rawn thehlut lova, a rang lamin Property Secretary hnenah thehlut tura hriattir in ni e.
(1) Imanuel Vanlalthlana Jersey No. 1 (2) Lalrampara Jersey No. 14, (3) Zochhuanpuia Jersey No. 19 (4) Lalnunmawia Jersey No. 15 (5) Vanlal\hazuala jersey No. 20 (6) Lallawmawma Jersey No. 9 (7) Lalbiakdika Jersey No. 13 (8) Lalhlimpuia Jersey No. 6
    Tin, Field a Pavillion a mi rangva lo la \hin in awm a, tun chinah chuan ti tawh lo tura hriattir in ni bawk e.

    Sd/- Lalmuanawma
    Property Secretary
    G&SA, Hlimen

JAC hriattirna
    Vengchhung a lo thianghlim zawk nan khawtlang tana hnawk - ruihhlo zuartu, rui buai leh ruk hmang te thil ru  etc. kan hriat chuan heng Ph. No : 9862221774,9862090227, 9862367760 ah te hian phone vat \hin tur a ni a, kan hmelhriat, \henawm leh \hian te pawh nise report hreh lo turin kan in hriattir e. 

LAWRKHAWM :
Lawmthu sawina
    June ni 20, 2015(Inrinni) tlai ruahsurin kan choka leh Bathroom leiminin min hnawlsak chungchangah \henawm khawveng te,  LC te leh YMA ten ruahsur hnuaiah in leh bungrua a \ul ang ang seng hawi a min buaipui tute zawng zawng chungah thinlung takin lawmthu kan sawi a ni tih min lo pawmsak \heuh turin kan ngen a che u. Tin, a bik takin Hlimen Branch YMA ten \anpuina ` 5000/- lai min pek mai bakah Saichhuma Section YMA te chungah lawmthu kan sawi nawn leh e. June ni 22, 2015(Thawh\anni) nilengin a \ul ang ang min buaipui leh a, heng bakah chhungkhat laina; Hlimen mai nilo, vengpawn lam a\ang pawhin sum leh pai in min \anpui bawk a, Pathianin a let tam takin malsawm che u rawh se.
    In khawngaihna dawngtu,
    B.K. Remmawia te chhung, Saichhuma Sec.

Ruahsur vanga chhiatna
      Kumin fur ruahtui tla chuan vengchhungah chhiatna tenau a thlen nual a, a bikin June ni 19 & 20, 2015 khan ruah a tla tam hle, June ni 20, 2015 (inrinni) tlailama ruahsur avang lei tawlh chuan Pu BK Remmawia te choka te leh inthiarna a  hnawl a, Quarry kawng pawh lei tawlhin a hnawh a, PWD leh tlawmngai ten an thianfai  nghal a, tin, Thlanmual venga Pu Laldailova te kawmchak kawngko lei pawh tlawhin kawng hnawh thla a, hemi tlai la la hian tlawmngai ten an thianfai nghal  bawk a ni. June ni 20, 2015 tlai vek khan Locall Council ten DM &R ah Silpouline Bundle khat dilin an va la nghal a, a \ulna hmunah te sem chhuah nghal a ni bawk. Tin, vengchhung hmun \henkhatah pawh leitawlh a awm nual bawk. June ni 21, 2015 a Furthli in Thlamual -I kawngpui bula April kung lian tawh tak chu a chhem thlu bawk.
    Hlimen Vengthar Presby. Kohhran Biakin panna kawnga Electric ban pawh ruahsur avanga lei nghet lo avangin  a awn khamphei du a, vengchhunga tlawmngai te leh Deptt. a thawku ten an phun \ha in eng pawh pek leh nghal an ni.

Motor parking chungchang
      June ni 25, 2015 (Ningani) khan AMC Office, |huampui-ah Aizawl City Area Local Council te chu Councillor ten nen Motor Parking chungchangah Meeting an nei a, kan veng a\ang pawhin Chairman leh Secretary an kal a , AMC chuan mumal zawk leh khawpui chhung a lo felfai theih zawk nan Aizawl khawpui chhungah Motor Parking chungchangah ruahmanna thar a siam mek a, tun a\anga reilo teah hman mai theih a nih thu kan thudawnna chuan a tarlang. Motor neitu te pawhin tun anga Garage emaw Motor dahna tur lo puahchah lawk a \ha hle ang.

Lawmthu sawi na
      June ni 25, 2015 (Zirtawpni) a Mizo Zirlai Pawl (MZP) ten  Zirlai ti\ha lawmpuina leh chawimawina hun kan hmanna ah khawtlang hruaitu te, sawm bikte, nu leh pa leh zirlai ten min \awiawm naah lawmthu kan sawi a, tin, he Programme hlawhtlin theihna tur a sum leh pai a min \anpuitu mimal leh pawl ho zawng zawng chungah thinlung takin lawmthu kan sawi tak meuh meuh a, veng chhunga zirlai ten hma an sawn zel theih nan nu leh pa mai bakah khawtlang anga kan \anrual pawh a \ul tak zet a, zirlai te tan theihtawp chhuah turin mitin te kan sawm bawk che  u a ni.

Sd/- Secretary, MZP, Hlimen Branch

PAGE - 4
KEIMAHNI :
Hlimkhawpui Budget
    Hlimkhawpui  2015  May & June  thla Budget  pe tla tawh te:
1.    Kapdaia Sec.    2.  Vawmphunga Sec.
3.    Lalsavunga Sec.    4.  Damvea Sec.
5.  Saichhuma Sec.

Buala Section
    Hlimkhawpui man March-June thla  la pe kim lo te chuan a khawntu ten an rawn khawn hunah lo pek vek tur a ni a, pe lo kan awm chuan  July thla a\angin Hlimkhawpui pek kan ni tawh lo ang.
    Tin, tunlaiin Mualzawlah Motor dah kan tamin a bul hnaia mite tan a hnawksak bakah ke a kal te tan pawh harsatna a thlen hle ni a thudawn a ni a. Motor neitu ten veng dinhmun hrethiam a, Mualzawl a dah lova hmundang remchang zawk a dah turin kan in ngen tak meuh meuh a ni.

    Sd/- Siamthangpuia
    Secretary.

Tanpuina hlan
    June ni 20, 2015 (Inrinni) ruahsur avanga lei tawlhinPu B.K Remmawia te Choka te leh Bathroom a hnawl avanga an chhiat tawh na chhawmdawl nan  Branch YMA in ` 5000/-a pe a,  tin, Saichhuma Section chuan hnatlangin an puih bakah YMA Day a an lawmman lak a\angin \anpuina sum ` 1000/- an hlan tel bawk a ni.

YMA lawm
    Disaster Management & Rehabilitation (DM&R) Department Deputy Director Pi Zosangzuali (Kuri) chuan Hlimen Branch YMA ten chhiatni a kan hman tur atan Silpouline \ha chi pakua (9) min pe.
    Pi Kuri hi Pu P.Lalthlengliana leh Pi Lallianpari te fanu niin Hlimen chhulchhuak an ni. Hetiang a kan veng min hmangaihtu Officer kan nei hi hruaitute an lawm hle.

Branch hnatlang
    June ni 26, 2015(Zirtawpni) a Kawrpui a\anga Quarry thleng side Drain tifai a hnatlang a thawkchhuak zawng zawng te chungah hruaitu ten  lawmthu an sawi a. Mi 20 lai an thawkchhuak a ni. Tin, Thliin a chhem tluk ,Thlanmual- I a April kung tlu seng hawi nghal a ni bawk. Tin, hemi ni vek hian Hlimkhawpui Office chhuat chu a awngrawp avangin do \hat nghal a ni bawk.
    Branch hruaitute chuan Member ten tun aia  hnatlang ngaipawimawh zual turin member tin te min ngen a ni.
 
Advertisement....
Thei |iak duh tan
      Heng a hnuaia mi te hi engtik lai pawhin lei tur ka nei reng e. Min han dawr ve teh le.....
    Sapthei \iak (pakhat)        -     `     3/-
    Serthlum \iak(Pakhat)      -     `     40/-
    In \hian,
    B.K. Remmawia
(1-1)    Ph. 9862716080

BIKE BO
      Bike R-15 (V-2) Blue Colour MZ-O1 G - 9379 chu May ni 26, 2015 (thawhlehni) zanah Kanan Veng a\angin a bo a, a lo hmu leh a awmna hria chuan khawngaih takin Ph. No : 9863047002 emaw Vaivakawn Police Station ah emaw min rawn hriattir thei ula kan lawm hle ang.

CHHIARTUTE NGAIHDAN :
@@    June ni 15, 2015 YMA Day lawm kha Hlimen YMA Member-te talent \ha tak tak nei haichhuah an ni kha Hlimen changkan tawh zia a pholang hlein ka hria. |hal favang kut emaw Siknipui Kut emaw hmanga Programme siama hman leh a tichakawm hle in ka hria. YMA Function neih ka hriat ve chinah chuan zan lama Hall a hun hman kha kan \hathnem ber \um leh kan hlimtlan ber \um niin ka hria. Hruaitu ten programme \ha tak han duang leh se ka va ti em.
-  Tlangval-a

@@    Tunlaiin kan vengah ruihhlo a hluarin a ngihmawhawm leh ta hle mai a, a bikin veng tawntirh lamah Drugs leh Zû a hluar zual a niang hetiang timi ten an pan khawm tlat mai. Ruk ruk lah a hluar phah bawk si. JAC, YMA hruaitu ten \an han l thar teh u.
- Vâl Upa

Lawrkhawm chhunzawmna....
Chhiat rup na chung chang
    Kumin fur ruahtui tla in veng chungah leimin a siam nual mai a, hetiang chhiatna hi khuarel chhiatna chu a ni teh meuh mai; chutihrualin, mipui lam te pawhin inven theih a ni tih i hre thar ang u. A bikin tuidawn siam mumal loh avang hian kawmthlang min leh lei tawlh a thlen chawk a, tuidawn vuah lo te pawhin vuah thar a \ha hle ang. Tin, tuiluankawr mumal lo hian chhiatna nasa zawk a thlen theih bawk avangin tuiluankawr mumal zawk siam a \ha bawk. Hei mai bakah vengchhungah ekin khur mumal neilo kan la awm nual niin alang a, hei hi thil zahthlak leh  khawtlang pawisawina a ni a, ekin khur nei lo te pawhin siam ngei tur a ni. Kumtluan a tuiin a chhiah hnawn kha ruahtam zawkin a nan leh chuan lei a che samin lei a ti min/ tlawh zung zung thei a, a hmingchiatthlakin chhiatna thlentu a ni thei a ni.

Nihliap chhar
    MZP Zirlai chawimawina huna kal Nihliap theihnghilh in awm a, YMA Hall-ah dah a ni a, a neitu chuan lam vat tur a ni e.

##############################################
Zirlai hlawhtling chawimawite HSSLC  ..

Saturday, 20 June 2015

Nikir thla Ni 20, 2015, Issue No 25

PAGE - 1
TUALCHHUNG :
Damlo:  Tv. Lalzopuia S/o Lalrinliana Kapdaia Sec. chu kaw\halo leh luak avanga hun engmaw chen Civil Hospitalah enkawl a nih hnuin dam takin a lo chhuak leh ta.

@@    Lallawmawma S/o Lawmtluanga, Damvea Sec. a mi chu June ni 19, 2015 (Zirtawpni) khan Aizawl Hospital-ah zai niin a rilphir paih a ni. Hospital ah hian enkawl chhunzawm mek a ni.

Nâu nei thar:  Pu Zothansanga leh Pi Malsawmtluangi te nupa Kapdaia Sec a mite chuan an fa pahnihna atan June ni 14, 2015 (Pathianni) khan UPHC Hlimen ah fapa duhawm tak an nei.
@@    Pu Zodinliana leh Pi Lal\anpuii te nupa, Saichhuma Sec. a mite chuan June ni 16, 2015 (Thawhlehni) khan fanu duhawm tak an nei thar bawk.

MPL khel dawn:  Tv. Lalhlimpuia S/o Lungmuanzova Kapdaia Sec. a mi chu Dinthar FC ah khelin Mizoram Premier League ah a khel dawn a, hetianga infiammi chhuanawm tak kan nei \hin hi Hlimkhawpui chuan kan lawmpuiin kan chhuan takzet a ni.

Quarry kawng tifai:  June ni 19, 2015(Zirtawpni) tlai lama ruahsur khan  Pu Vanlaltluanga te Lungher khawl thlen hma kawngah tuihawkin leivung a rawn hnawl thla chiam mai a,vengchhung mi tlawmngai te leh PWD ten hemi tlai vek hian an thian fai leh nghal a ni.

Kelkang lamah:  Baptist Churh of Mizoram Hlimen te chu Kelkang harhna chhimin tunkar chho khan an kal a, June ni 19, 2015(Zirtawpni) khan hlim takin an lo haw leh ta. Tin, heng bakah hian mahni inseng sova kal leh Motor thawh a kal te pawh mi engemawzat vengchhung a\angin an awm bawk a ni.

Hnehna puangin aurual:  YMA Day khan  Sual hnehna puanga aurualna Mualzawlah neih a ni a, he hun hi Tv. Lalrampara’n a kaihruai a, YMA member tam tak ten chunglamah ban pharin hnehna an puang chhuak a, ropui hle a ni.  

FRONT :
YMA DAY HMAN ZAWH A NI TA
    Kum 2015 YMA Day intihsiakna hrang hrang nen ropui taka hman zawh a ni ta a, June ni 8, 2015((Thawh\anni) a\ang khan intihsiakna \an niin YMA Day - June ni 15, 2015(Thawh\anni) zan khan a khar hun programme hman a ni a, he hun hi Pu Vanlaltluanga President in a kaihruai a, Pu Zahmuaka Leader K|P Vengthar Presby. Kohhranin hunserh hmangin, Pu Lalhmingliana Chairman LC in thu tawi sawina hun a nei bawk.
     Tin, hemi zan hian Hlimkhawpui Budget pe \ha ber Kapdaia Sec. hnenah lawmman (Bright Bucket lian) hlan a ni bawk. Hemi hnu hian Dance Competition neih chhunzawm nghal niin a karlakah YMA Idol a top-3 te bakah Nl. Lalruatdiki ten kalkhawm te zaiin an awi bawk a ni. Result puan leh lawmman semin hun hman chhunzawm a ni a,  hetiang hi inelna hrang hrang a lawmman lak dan chu a ni:

    Volleyball (Mipa) :  Gold - Buala  Sec. ‘A’, Silver - Damvea Sec.‘ A’ Bronze - Lalsavunga Sec. ‘B’ & Vawmphunga Sec. ‘ A’.

    Volleyball (Hmeichhia) :  Gold - Buala Sec. , Silver - Damvea Sec.  Bronze - Lalsavunga Sec.  & Kapdaia Sec.
Dance Competition : Gold - Buala Sec., Silver - Kapdaia Sec., Bronze - Saichhuma Sec.

    Kawi inkahsiak : Gold - Buala Sec., Silver - Kapdaia Sec. & Vawmphunga Sec., Bronze - Saichhuma Sec.

    Marathon : Gold - Lal\hasanga (KD), Silver - Lalnunmawia (BS),  Bronze - Vannunmawia (KD)
    Marathon Race ah hian mi 60 an tlana, tlan zinga upa ber hi Pu V. Than\huama (SCS) kum 56 mi niin tlan zinga naupang ber chu Remruatkima (BS) Kum 6 a ni.

    YMA Idol : Gold - Miriam Zodinsangi (SCS), Silver - Lalramnghaki (BS), Bronze - Laltlannungi (LSV).

    Essay Writing : Gold - B. Lalbiakmawia (KD), Silver - Thelma R. Zonunmawii (DV), Bronze - VL Rorelfela (LSV).

    Arm Wrestling : Gold - Malsawmtluanga (LSV), Silver - Zothansanga (SCS), Bronze - Laldinpuia(DV).

    Insuknawr : Gold - Lalremruata (VP), Silver - Lalhruaimawia (VP), Bronze - David Lalramchhana (KD).

    Sakuhuilut (Naupang pual): Gold - Damvea Sec., Silver - Saichhuma Sec., Bronze - Kapdaia Sec.

    Sangharngullawn (Naupang pual): Gold - Lalhruaitluanga (VP)., Silver - Vanlalpeka (BS), Bronze - Vanlalhriata (BS).

     
PAGE - 2
EDITORIAL :
      LAWMTHU SAWI HI
    Chhiat/\hat kan tawh changte, buaina leh harsatna kan chunga a lo thlen changte a min thlamuan a min puibawmtu te hi an hlu \hin teh e tiraw??
    Kan lawmthu \awngkam thiam takin kan sawi mawlh mawlh a, \henkhat chu \awngkam thiam lo leh zakzum, lawmthu sawi chhuah mai ngaihna pawh hrelo an tam bawk. Mihring zia a inang lova, kan inhriat thiam tlan pawh a \ha hle awm e.
    Ka’n sawi duh ber ta chu, lawmthu hi kan sawi anga, kan la sawi zel bawk ang. Amaherawhchu, \awngka mai hi tawk lo sela, kan lawmthu chu thil tiha kan lanchhuahtir hi a pawimawh hle. Kan chunga an \hatna te kan rulhletna \ha ber a ni bawk.
    Chhhiat/harsatna kan tawh a kan tana fel leh \ha, mi tlawmngai tak takte \anpui an ngaih ve hunah kan thlahthlam thiang lovang. Lawmthu sawi hluak hluak a, kan lawmthu sawinate kan ngahsak zui leh \hin si lo hi a pawi a ni.
    A bikin chhiat tawh (thihna) kan chunga a lo thlenin \awngka leh chanchinbu-ah te kan chhiat tawh a chungah lawmthu kan sawi chiam \hin. Rulhlet nachang hria erawh kan tlem hle mai. A bikin YMA chungah lawmthu kan sawi chamchi \hin a, kan lawm takzet a nih chuan YMA Activities hrang hrangah a hma aiin kan tel tam tur a ni ang. Kan \henawm khawveng chungah lawmthu kan sawi a nih pawhin tunhma aiin \henawm \ha nih kan tum tur a ni. Chu chu lawmthu sawi dan dik tak tur chu a ni.

ZIAKTUTE HUANG :
NGAIHTUAH TITHUI HARHNA
- Puipuia Pû
Chhunzawmna.....

        Kohhran hovah harhna a lo thlen hian harhna thlentirtu Pathian ngaihsak ber lova zai leh lam mup mup ringawt hi a awm ve thei tho awm a sin (mite tih vanga tih ve vak maite pawh). Mahni chan \heuh inenfiah ila, harhna changtute zingah hian thlarau pawlna ril tak leh thuk zawk chan phah ta pawh an tam \hin. Harhna ah hian hriat thiam loh ze nawi a awm fova, Thlarau Thianghlim hian a mite  a pawl dan leh sawizawi a tum dan hi lei mihring tan hriat phak a ni lo.
    Kohhran hruaitute hian ral thlir mai lova an zinga tel tam tura inpek a \ul \hin, Harhna changte pawhin hruaitute thu ngaihchan thiam a \ul hle ang. Kohhranho ah hian thlarau pawlna chang tam thei reng an awm laiin thlarau pawlna leh chenchilhna chang ve tho si, lam leh zaikhawm peih ve lem lo an awm ve tho tih hriat tur a ni. Pathian faka lam \hinte leh lam lemlote hi intichak tawn tura kalthiam a pawimawh hle ang.
    Kan rama harhna thleng \hin chanchin han thlir hian ringtu ten huaisenna leh chakna thar an dawnna, ringtu an lo pun chak phah nachhan leh ringtute nghehna thlentu a ni tih a lang a. Tin,  rah \halo tak - khurbinna te, pawl hran din duhna hial te a chhuak ve tawh \hin a ni. Harhna chang ve lote a\ang pawhin hlim lamna ngaihtheihloh avanga tauhna te, sawichhiatna te avanga inremlohna te, lungrual lohna te a chhuak ve fova, mahse, Thlarau Thianghlim chuan heng sualna te hi a tireh leh \hin.
    Thlarau Thianghlim chetna ah hian Setana a inrawlh duh khawp mai. Setana hian Thlarau Thianghlim hnathawh ti\huanawp tura hmanrua pawh a nei ve zel a ni. harhna chang lam \hinte leh lam ve lemlote hian ‘Kohhran Aw’ ngaihchan thiam hi kalsualna laka min vengtu a ni ang. Hetih lai tak hian ‘Mit var nei’ berampû te an pawimawh hle ang.
    Krista thisen a tlan vek kan ni a, induhsak tawn vek tur kan ni a, berampû te pawhin an beramte Lalpa kohhran ho thlarau lam nun, harh thar reng nun an neih hi an duhsak ber tur a ni a. Tichuan, lei kohhran ho mamawh leh inrelbawlna hrang hrang te hi Lalpa Beram ho hian mahni Kross pu chungin an nawr kaw duak duak mai dawn a lawm.
    KAN RAM HI... Hmalam hun hmu lawka insawi ten tuarna rapthlak tak kan ramin a tuar hmain Zofa ten sima Lalpa lam kan hawi theihna hun tur Thlarau Thianghlim tihharhna nasa tak Zorama a lo thlen hmasak tur thu hi hun rei deuh a mite leh tunlai a mi ten an sawi fova. heng hi ngaihtuah ve deuh pawh a \ha hle.
    Bible ah pawh Ninevi khaw ropui takte, Sodom leh Gomora te a hrem hmain simna hun \ha Lalpa’n a siamsak thu kan hmu. Chuvangin, lalpa zawnchhuah ram intite hian kan fel lohna hrang hrangte sim a, Lalpa hnena kan tlukluh theihna hun hnuhnung a nih theih tho avangin; tunlaia Zoram a thlarau a harhna thlipui tleh mek hi ngaihthah lovin; Lalpa zahngaihna leh dawhtheihna a ni tih hriain luhlul chhuah lova lo lawmtu nih i tum \heuh ang u. Lalpa’n min hmangaih em hi !!!
    “Hmuh awla a awm lai hian Lalpa chu zawng ula, a hnaih lai hian ko rawh u; misual chuan a awm dan bansan sela; mi fello chuan a ngaihtuah te chu bansan bawk rawh se................ a nin a lo ngaidam nasa khawp dawn si..” Isaia 55:6-7

PAGE - 3
HRIATTIRNA :
Local Council hriattirna
    1. Khawlaia ui chhuak reng reng chu man a, a neitu chawi tir theih a ni tih kan in hriattir nawn leh e.
    2. Tin, Kawngpui ân kawng Side Drain tihfai a ni a, Side Drain hnawh a bungrua eng chi pawh emaw Motor emaw dah hnawk lo turin kan in hriattir nawn bawk e.
    3. Tin, In sa thar emaw zauh belh tur ten kut kan thlak hma ngeiin Local Council te hriattir ngei tur a ni a, in report loh avanga harsatna tawk kan awm a nih pawhin sawisel theih a awm lovang.
        Sd/- Lalhmingliana, Chairman LC

Gas chungchanga hriattirna
    Gas lak chungchangah Gas la si mahni account a pawisa lut lo te chuan June thla ral hma ngeiin heng te hi ti tur in kan in hriattir e.
1. Bank account tihchet ngei ngei tur a ni a, pawisa dah luh emaw lakchhuah emaw tur a ni. Tin, Account Update lo te chuan Update tir ngei tur a ni.
2.  Chuta Gas lakna Subsidy account-ah a la lut lo a nih chuan Gas Card leh Pass Book - phek hmasa ber Xerox leh Pass Book  chu Vanbuangi Gas Agent ah kal pui leh tur a ni.

Sd/- Lalhmingliana, Chairman L.C

 Tichhe tawh suh u
    Vengchhak a Pi Thanzuali te inbula ke a kal te tana vawnchhan siam-  Pipe a siam chu tute emaw awm\ha duhlo in tichhiain an la a, a dang pawh lak leh tumin an tichhia a, tunchinah chuan ti tawh lo turin kan in ngenin kan in hriattir e. In tilai man a nih chuan in chungah na taka action lak a ni ang.

Sangha zuar dawn
    MZP Hlimen Branch te chuan Zirlai pass thar te chawimawina an hmanna atan karleh lam hian sangha zawrh an tum a, khawtlang mipui ten tlawmngai a lo dawr \heuh turin hruaitu ten an ngen tak meuh meuh a ni.

Chhiatni Fund
    Chhiatni Fund la pelo Section hrang hrangah in la awm nual a, pek tum chuan tunthla ral hma ngei hian a khawntu te hnenah pek fel vek tur a ni e.

YMA Hall hnuai
    YMA Hall hnuai dawr kawta bungrua leh  thil dang Unload ten a hmun hma tifai leh lovin kan kal san mai \hin a. Bungrua kan unload-in tifai lovin kan kalsan fo avangin tunhnuah chuan bungrua engchi mah unload tawh lo turin kan in hriattir e. 

LAWRKHAWM :
Lawmthu sawina
    YMA Day kan hman zawh takah a Branch Committee in Item hrang hrang a buatsaihah Section tin ten inelna thianghlim takin an rawn tihlawhtling thei a, Branch YMA chuan lawmawm a ti hle a, Section tin te chungah Branch YMA hmingin lawmthu kan sawi tak meuh meuh a ni. Tin, G&SA te theihtawpa min puihbawmna ah lawmthu kan sawi bawk a ni.
    Tin, Branch sumtuak nana zingkar hnatlang neih ah member thawkchhuak zawng zawng te chungah lawmthu kan sawi tak meuh meuh bawk e.
    Tin, YMA Day kan hmanna atan hian Local Council in ` 1000/- leh MHIP in ` 500/- an rawn thawh a, tin, Branch Committee Member ten mahni remchan ang ang pawisa an thawh khawm bawk a, an chungah Branch YMA chuan lawmthu a sawi tak meuh meuh bawk a ni.

Sd/- Secretary, Branch YMA

YMA day intihsiakna result
    Kum 2015 YMA Day a intihsiakna hrang hranga Section tih\hat dan indawt chu hetiang hi a ni.

Sl.No    Section    Gold    Silver    Bronze    Total
  1.    Buala     4    3    1    8
  2.    Saichhuma    2    3    3    8
  3.    Kapdaia    2    2    3    7
  4.    Vawmphunga    2    2    -    4
  5.    Damvea    1    3    1    5
  6.    Lalsavunga    1    -    2    3

    He ti hian a pumpuiah Buala Sec. chu pakhatna niin ` 3000/- an dawng a, Pahnihna Saichhuma Sec. in ` 2000/- dawngin Pathumna Kapdaia Sec. in  ` 1000/- an dawng bawk. Tin, Vawmphunga Sec, Damvea Sec. leh Lalsavunga Sec. te hian Consolation Prize ` 500/- \heuh an dawng bawk a ni. Hei mai bakah hian Individual Item-a Medal la chin te chu Medal awrh tir an ni bawk.
 
 Advertisement....
SECOND HAND GAS THUK LEI TUR KAN NEI
      Gas thuk \halo avangin mi tam takin vanduaina an lo tawk fo tawh, fimkhur hle ang che. Tunlai gas thuk ` 1700/1800 man (thir chhe bawk si) alh \halo, alh sen, ni pup pup ai chuan Second hand Gas thuk, duh ang thala siam \hat `  800/900 lekin lei tur tlem kan la nei e.
    In \hian,
(1-1)    Manuni, venglai

Open School (NIOS) Admission
      Class - X & XII (fresh & repeaters) April & Oct, 2015 - 2016 Session atan Admission a la tih theih e. Regular Class kal thei lo tan pawh a tih theih.
Class Timing : 6:30 Am - 7:30 Am (Mon - Fri)

    Ph - 9862123928
(1-1)             9862808041

PAGE - 4
KEIMAHNI :
Hlimkhawpui Budget
    Hlimkhawpui  2015  May & June  thla Budget  pe tla tawh te:
1.    Kapdaia Sec.    2.  Vawmphunga Sec.
3.    Lalsavunga Sec.    4.  Damvea Sec.

Buala Section
    Hlimkhawpui man March-June thla  la pe kim lo te chuan a khawntu ten an rawn khawn hunah lo pek vek tur a ni a, pe lo kan awm chuan  July thla a\angin Hlimkhawpui pek kan ni tawh lo ang.
     YMA day intihsiakna a Section aiawh tute chungah te, in tu leh fate hun thawl in pek theih avang te, in buatsaihna atan kan tihbuai chhungkua te chungah te, ei leh in tur min tum sak tu chungah te, tun dinhmun kan thlen theihna pawh kan zavai a thawhrah a ni tih Section hruaitu te chuan kan hrechiang em em a. Section mipui zawng zawng chungah pawh lawmthu kan sawi tak zet a ni.
    Tin, Pi Zoramchhani te chhungkua te chuan an Pa, Pu Lalrehlova hriatreng nan Ralbawm \ha tak mai min pe a, an chungah lawmthu kan sawi tak zet zet a ni.
    Sd/- Zonunsanga
    Asst. Secy.

Saichhuma Section lawmthu
    Tun YMA Day kan hman zawh taka intihsiakna hrang hranga tel zawng zawngte in zavai a chungah kan lawm tak meuh meuh a. In thawhrimna zarah a pumpui a lawmman pahnihna kan la thei hi kan lawmna tizualtu a ni.
    Tin, Day puala intihsiakna a lawmman la zawng zawngte June ni 18, 2015 (Ningani) zan khan lawmpuina thingpui tuihnai tak inpui an ni.
                     Sd/- Secretary, Saichhuma Sec.
 
Kapdaia Section
    Section Property sak na tur chhungtin hnena khawn tur chu khawn \an a ni dawn ta a, chhungtinte lo inringlawk a tlawmngaih chhuah a a khawntu te lo pe ngei zel turin Section mipui te kan in ngen e.
    Tin, Kumin  YMA Day hman zawh taka Section tana tha leh zung sengtu zawng zawng te chungah kan va lawm em...In inpekna avangin YMA Day hlawhtling taka hman a ni tih Section hruaitute chuan kan hrechiang em em a, in chungah lawmthu kan sawi tak meuh meuh a ni.

CHHIARTUTE NGAIHDAN :
@@    Kan khawtlangah Harhna a thleng nasa bawk a, a nuam tawh hle mai. Zan rei lama rui bengchheng hriat tur pawh a tlem ta, ava lawmawm em !! Kan harhna hian hun rei tak daih mawlh teh se...
- Bartowski

Lawrkhawm chhunzawmna....
MZP Hriattirna
    MZP Hlimen Branch ten Zirlai pass thar te lawmpui na hun June ni 19, 2015 (Zirtawpni) a hman kan tum chu remchan zawk na avangin June ni 26, 2015 (Zirtawpni) ah sawn a ni tih kan in hriattir e. Tin, zirlai pass thar hriattirna lehkha dawng lo kan awm a nih chuan June ni 23, 2015(Thawhlehni) ralhma ngeiin Tv. Amos Lal\hazuala Secretary  Ph :9612468720 ah in hriattir turin kan in ngen bawk a ni. Zirlai pass thar zawng zawng te leh nu leh pa ten he hun hi min hmanpui turin kan in ngen bawk a ni. Tin, hetiang hian Programme siam a ni bawk.
    A Hun     :    June 26, 2015
    A hmun    :    YMA Hall
    Hruaitu    :    Tv. Malsawmzuala Vice Pre.
    Hunserh    :    Nl. Lalhriatpuii Fin. Secy.
    Report    :    Tv. Amos Lal\hazuala Secy.
    Solo    :     Miriam Zodinsangi
    Thusawi tawi     :    Local Council a\angin (5mins)
    Chawimawina    :    HSLC Pass thar te
    Solo    :    Laltlannungi
    Chawimawina    :    HSSLC & Above Pass thar te
    Fuihna thu chah    :    MZP Gen.Hqrs a\angin
    |awng\ai sakna    :    Upa Lalhmuchhuaka, Hlimen
    Thusawi    :    Tv. Lalmuanawma President.
    Solo    :    Nl. Lalramnghaki
    Dance    :    Gold Medalist YMA Dance Comptn.
    Solo    :    Tv. Rosangzuala
    Vote Of thanks    :    Pu J. Lalhlimpuia Adviser.
Sd/- Secretary

YMA DAY LADY
    YMA Day zan khan Hlimkhawpui E.B leh Photographer \henkhat ten YMA  Day Lady 2015 an thlang a, YMA Day zana kal zinga Mizo inthuama inthuamte a\anga Nula nalh leh hmel\ha thlanchuah te an ni.

Pics : L to R : Nghaki (BS), Cindy (KD), Julie (VP)

Saturday, 13 June 2015

Nikir thla Ni 13, 2015, Issue No. 24

PAGE - 1
TUALCHHUNG :
Damlo:  Pu J.Vanlalhruaia H/o Lalthannguri, Saichhuma Sec. a mi chu thawhah leh taksa chaklo avangin Alpha Hospital, Kulikawn-ah Admit a ni.

@@    Tv. Isak Lalremruata S/o Lalhming-thanga, Damvea Sec. a mi chu luak leh kaw\halo avangin Urban Primary Health Centre-ah Admit a ni.

@@    Nl. Lalhmangaihtluangi D/o Zoding-liana, Lalsavunga Sec. a mi chu Urban Primary Health Centre-ah Admit a ni.

@@    Pu Lalchungnunga H/o Remi Buala Sec. a mi chu chaw kawng Cancer avangin inlam leh Damdawiin kar tawnin enkawl mek a ni.

Tlang hri leng:  Tunlaiin kan veng mai bakah hmun hrang hrangah Hritlang khawsik, kaw\halo leh luak a leng a, kum lam a naupang zawk te bakah puitling zawk te pawhin an tuar niin a langa. Mitin kan ei leh in, khawsak dan i fimkhur zual ang u.

Printer lei thar:  Hlimkhawpui chanchinbu buatsaihna atana pawimawh tak Printer hman lai Logic Board chu chukchu leh a ek in a lo ti chhia a, part athlakna tur a awm loh avanga hmantlak loh tak avangin Editor leh Joint Editor ten June ni 12, 2015(Zirtawpni) khan ` 7500/- man Printer thar  an va lei a ni.

Nâu nei thar:  Pu H.Zomuanpuia leh Pi Lalremruati te nupa, Buala Sec. a mite chuan June ni 9, 2015 (Thawhlehni) khan Bethesda Hospital-ah fanu duhawm tak an nei thar.

YMA Hall bula zunin:  YMA Hall bula vantlang zunin sak zawh hlim chuan veng a cheimawi hle a, a lawm awm hle. Chutihrualin, Mipa zunna lam ventilation darthlalang chu a keh leh ta der mai a, hmeichhe zunna lam a Hand Shower pawh a tui haw thei lovin a chhe bawk a, vantlang thil kan dim thiam a va pawimawh em. Hetiang a vengchhung tana thil \angkai mai bakah kan veng tlawhtu te tan pawha chhawrnaawm tak dim nachang kan hre lo hi chu a pawi hle a, tun chinah chuan vantlang ta chu ka ta a ni tih hriain dim nachang i hre zual ang u.

FRONT :
YMA DAY LAWMNA NEIH MEK A NI
    June ni 15, 2015 a YMA Day lawmna Programme chu June ni 8, 2015 a\ang khan infiamna hmanga neih \an a ni a, YMA Day puala intihsiakna hrang hrang kan neih mekah Section tinte inbuatsaihna leh inpekna a langa, a lawmawm hle a ni.
    He chanchinbu buatsaih lai hian intihsiakna tam zawk result kimchang hriat a la ni lova, Arm Wrestling leh YMA Idol : 2015 erawh June ni 12, 2015 (zirtawpni) zan khan zawh fel a ni a hetiang hi result kimchang chu a ni e:

    Arm Wrestling ah :
    1st Place    :    Malsawmtluanga (LSV)
    2nd Place    :    Zothansanga (SCS)
    3rd Place    :    Laldinpuia (DV)

    YMA Idol : 2015
    1st Place    :    Miriam Zodinsangi (SCS)
    2nd Place    :    Lalramnghaki (BS)
    3rd Place    :    Laltlannungi (LSV)

    Heti hian Saichhuma Sec. in Gold 1, Silver 1 an la chiang tawh a;  tin, Lalsavunga Sec. in Gold 1 leh Bronze 1 an la a, Buala Sec. in Silver 1 leh Damvea Sec. in Bronze 1 an la ta bawk a ni.
    Tin, he chanchinbu buatsaih lai a intihsiakna kal mek result chu hetiang a ni .
    June ni 13, 2015(inrinni) hian Volleyball khel chhunzawm a ni anga, hmeichhe team-in khel hmasain Damvea leh Lalsavunga ten an khel ang a, Buala leh Kapdaia ten an khel chhunzawm leh ang. Tin, Mipa lamah Buala ‘A’ leh Lalsavunga ‘B’ ten an khel anga. hemi hnu hian Damvea ‘ A’ leh Vawmphunga ‘A’ ten an khel chhunzawm leh ang. Tin, hemi ni hian Insuknawr pawh neih nghal a ni bawk ang.
    Tin, June ni 15, 2015 (Thawh\anni)YMA Day zing dar 6:00 ah Marathon Race (Mualzawl - Mauhakkawn hla lam) a awm anga, chhunlam Programme hi dar 10:00am ah \an a ni anga, Volleyball Mipa & Hmeichhe Final te, insuknawr final te, kawi inkahsiak te, sakuhuilut leh Sangharngul lawn (Naupang pual ve ve) neih a ni ang.
    YMA Day 2015 lawmna a lo hlawhtlin theih nana Section tinte inbuatsaihna te, Programme hluttu member- YMA Hall leng lo a kalkhawm te chungah te, tin, sum leh pai thawhtu zawng zawng chungah te leh Item hrang hranga incharge ten mahni chanvo hneh tak an hlen avangin hruaitu ten lawmthu an sawi tak meuh meuh a, intihsiakna kalpui chho zel turah pawh rilru thianghlim leh \hahnem ngai taka thawkchhuak zel turin Section tin te ngen kan ni a, member a tam thei ang ber in YMA Day hi hlim taka hmang turin hruaitu ten min sawm tak meuh meuh a ni.
 
PAGE - 2
EDITORIAL :
RORELTU TE HI
    Abraham Lincoln chuan Democracy ram hi mipuiin a siam, mipuite tana siam leh mipui sorkar a ni tih a sawi a. Kan Pathian thu pawhin a a lo sawi, ‘Roreltu thu thu a awm tur....’ tih nen pawh a inang thei viau awm e.
    Keini ramah pawh MP, MLA, Local Council etc.. kan thlang \hin a, heng kan thlanchhuahte hi kan chunga rorel tur an ni lova, kan tana rorel tur an ni tih hi mipui ten kan hriat a pawimawh khawp mai.
    MLA emaw, MP emaw, tualchhunga roreltu Local Council te emaw hi an hunchhung a mipui duh loh zawnga khawsa leh mipui mit tlung lo chu awlsam takin mipui rorelna hma-ah thiam loh changin paihthlak an ni mai \hin tih pawh ka hre \heuh awm e.  Chuvangin roreltu dik tak chu keimahni; mipuite kan ni tih hria ila a \ha ang. Mipui ten kan rorel danah hian kan tihfuh leh tihfuh loh chu kan thu a ni.
    Mi thiam leh thil chik mite chuan kan tana roreltu tur hi kan phu tawk leh kan mil tawk zel kan nei a ni an ti \hin. Hei hi a dik khawp mai, mi \ha/fel tamna ram/khawtlang chuan roreltu \ha tak an thlangchhuak chawk reng a ni. Chutiang bawkin Pathian ngaihsak lo ram/khawtlang chuan roreltu \ha an nei ngai lovang.
    Roreltute thu zawm hi kan mawhphurhna a ni a, kan biak kan Pathian pawhin chu chu a phut tlat a ni. Keini aia rethei an ni emaw, khawvel thiamna thila hnuaihnung zawk emaw, keini aia chaklo zawk emaw pawh ni sela roreltute hi kan zaha kan ngaihpawimawh hian keimahni kan inchawimawi zawk tihna a ni. Chuti ni lova roreltu hnuaichhiah ching leh zahlo taka khawsa mi chu a dingchhuak ngai lovang.

ZIAKTUTE HUANG :
NGAIHTUAH TITHUI HARHNA
- Puipuia Pû
    2013 June a\anga Thlarau Thianghlim hrahna Kelkang kohhran a lo lang chuan Zoram a kohhran hrang hrang leh India ram pawn lam mite pawh a la hipkhawm mek zel a. He harhna hi eng hunah nge Thlarau thianghlim hian a khar dawn a hriat si lova; pantu pawh nitin an la pung zel rih zawng a nih hi!! |um khata Bus 4/5/10 chuang hmang kohhrante pawh kal duh an pun zel avangin kal nawn fo a ngai \hin a ni. Dan zawhkim te kalkim vek theih a ni lovang a, an member atam thei ang ber kaltir duh kohhran an la pung zel a. City Bus Service pawh Aizawl khawchhung ah a tlem phah hle a nih hi.
    Kohhran tam takah hian kal tawh leh la kal rih lo engemaw zat kan awm ta a, “kal leh kal lo” ti zawnga boruak siam duhte pawh an awm a ni mai thei. Heng hi chu Kalvari tlang a\angin a lang mai. Awle, kal lote kal rihloh chhan leh kal tawhte kal duh chhan tlemte tal i thlir daih teh ang.
KAL LOTE KAL TIH LOH CHHAN :
1. harhtharna chang ten an dinhmun pangngai an duh tawk.
2. Helaiah pawh harhna a thleng a, kal kher \ul ti rihlote.
3. Fel tawk leh \ha tawk a inhriat rih vangte.
4. Thlarau Thianghlim chu khawiah pawh a awm a, kelkanga han pan kher a ngai lo titute.
5. Thlarau a harhtharna duhlotu leh thlarau lam nun ngaihsak lo hrim hrimte.
KAL DUHTE KAL CHHAN :
1. Thlarau thianghlim zara siamtharna la chang lo ten chan ve an duh vang.
2. Thlarau pawl harhtharna mamawh tih inhriate.
3. Harhna chang mekte nun awt si, helai a chang ve thei lova inhriate.
4. Siam\hat theih lova inngai, sualin a phuar ten Pathian chhanchhuahna an beisei vang leh hmangaihtu ten an duhpui vang.
5. Natna benvawn nei ten Pathian thiltihtheihna zara damna an duh vang.
    Thlarau a harhtharna hmun pan rihlote kal lohchhan leh kalte kal duh chhan tlangpui hi han bihchiang ila, insawisel zawnga kalpui chi a ni tlat lo. kalvari tlang a\anga thlirin a langchiang tlat.
    Kal rih lote zingah hian rinna a puitling zawkte an tam awm e. Kal tawhte kal chhan thlir chungin han ngaihtuah ila, inkhawm ngailote Biak In a Pathian faka an lam ve ta te, kohhran hova tel ngailote Lalpa pawla Lalpa hming lam ve tate hi siamtharna leh harhtharna an rawn chan thar phak tawk a ni rih mai a “thlarauva khat sa tlat a lo haw tura kan beisei chuan Pathian tum dan a ni lo mai thei a, phurna (Emotion) nasa tak sosan vakna reilote daih aiin chhunglam nun nghehna a pawimawh zawka, beidawng a haw tam takte pawh an haw hnu a thlarau pawlna chang zui tate an tam a ni. Pathian chuan phurna sosang reilote daih ai chuan chatuan daih nun hlu ngei chu min duhsakin min umzui reng a ni. Chuvangin, an chan ve phak tawk hi lawmpui ila, thutak a hruiluh dan ngaihtuah a thlarau pawlna nung leh rinna a an \han lehzelna tura lo \awng\aipui a lo kuangkuah hi ringtu puitlingte tih tur a ni ang. Bo, kir leh, lo lawm thiamtu fapa tlanbo pa ang kha an mamawh takzet a ni. Aigupta rama nau awm thiam khan a ma fa ngei a ni a awm tlei kha...
Issue lehah chhunzawm a ni ang...

PAGE - 3
HRIATTIRNA :
Local Council hriattirna
    1. Prime Minister Insurance Scheme thar pahnih PMSBY leh PMJJBY - Accidental Insurance and Life Insurance chu a tih theih ta a. Rural bank, Kulikawn a Account nei te tan Local Council Office-ah form a lakchhuah theih a, a zawhfiah theih bawk. Tin, Account hawng lo te pawhin Account hi a hawn chawp theih bawk. June ni 15, 2015 thleng hun hawn a ni a, a ti duh chuan a rang lama ngaihven tur a ni. A tam thei ang berin he Scheme hi bawhzui ila a \ha ang.
    2. Khawlaia ui chhuak reng reng chu man a, a neitu chawi tir theih a chawi tir theih kan ni tih kan in hriattir nawn leh e. Tin, Kawngpui an kawng Side Drain tihfai a ni a, Side Drain hnawh a bungrua eng chi pawh emaw Motor emaw dah hnawk lo turin kan in hriattir nawn bawk e.
    3. Tin, In sa thar emaw zauh belh tur ten kut kan thlak hma ngeiin Local Council te hriattir ngei tur a ni a, in report loh avanga harsatna tawk kan awm a nih pawhin sawisel theih a awm lovang.
        Sd/- Lalhmingliana, Chairman LC

Gas chungchanga hriattirna
    Gas lak chungchangah Gas la si mahni account a pawisa lut lo te chuan June thla ral hma ngei heng te hi ti tur in kan in hriattir e.
1. Bank account tihchet ngei ngei tur a ni a, pawisa dah luh emaw lakchhuah emaw tur a ni. Tin, Account Update lo te chuan Update tir ngei tur a ni.
2.  Chuta Gas lakna Subsidy account-ah a la lut lo a nih chuan Gas Card leh Pass Book - phek hmasa ber Xerox leh Pass Book  chu Vanbuangi Gas Agent ah kal pui leh tur a ni.

Sd/- Lalhmingliana, Chairman L.C

Thlai zuar hriattirna
    June ni 14, 2015( Pathianni) chawhnu inkhawm ban hian Pi Machhuanawmi te in Buala Sec. ah thil pawimawh tak ngaihtuah tur a awm a, Hlimen a mahni thlai zuarte leh Bazar \hin zawng zawng te kal vek tur a hriattir kan ni a. A \ul anga hmalak leh inthlanna te pawh neih theih a nih avangin ngai pawimawh turin kan in ngen e. 

Sub-Centre hriattirna
    June thla (Malaria Month) kan thleng leh ta a, Malaria lakah thihna kan tawh loh nan kan khua a sikin thisen arang lama Exam tir \hin tur a ni. Pi Zirthansangi, Buala Sec. leh Tv. Lalengkima, Buala Sec. te hnenah a thlawnin PF leh PV a check tir theih reng a ni.
    Tin, a mamawhte tan chhangkhatna Pi Zirthansangi Asha hnenah lam tawh tur a ni a, Ph. No. 9862375596 ah Phone in a chah theih bawk e.

LAWRKHAWM :
Electric BiLl pek hun
    Electric Bill kan veng Counter chu tunthla chhung atan June ni 16 & 17 (Thawhlehni & Nilaini) hian hawn a ni dawn a, mipuite hriattir kan ni e.

Census chung chang
    Section tin ten Census kan buaipui kha thehluh a hun tawh hle mai a. Section hruaitu te khan arang lamin Branch YMA Secretary hnenah thehlut thei ila a lawmawm hle ang.

PHUNCHAWNGZAWL ZAU SOCIETY
    Phunchawngzawl Zau Society tena lei\ha an sem chung changah khan thil hriatsual palh awm thei a ni a. Society hruaitu ten a dawng tura an thlante hnenah a sem hun tur hrilh hriain a lo thlen veleh sem nghal a ni. A dangtu tur ten an chan tur zat \heuh lain an dah hrang vek a, an mahni in lamah \heuh an hawn vek a ni. Hruaitu ten thlansak emaw duhsak bik an nei lo. Motor a\anga hlanthlak a nih hian a beg phui \halo a tam em avangin la hnuhnung tan chu chu an dawng lo thei ta lo a ni. Sem leh hunah chuan hruaitute hrilh che u ang khan tlai tawh lo la phunnawina awm \hin a lo reh tawh dawn nia. Kelkang harhna nena inmil thlapa sem a ni e.
    Sd/- Rochhunga
    Chairman
    Phunchawngzawl Zau Society

Aizawl chhim KTP meet
    Aizawl Chhim Presbytery K|P Meet chu June ni 6-7, 2015 khan Hlimen Presby. Kohhran Biak inah neih a ni a. Aizawl Chhim Presbytery huamchunga kohhran \halai tel an tam hle. He hunah hian Hlimen Branch YMA chuan sawm an nih angin Traffic & Security hna an thawk a, Branch Comtt. member chin ten tlawmngaiin he hna hi an thawk a ni. Tin, JAC te pawh Meet chhunga buaina a thlen loh nan ngawr takin an duty bawk.
    Aizawl Chhim Presbytery huamchhungah hian Pastor bial 5 awmin kohhran 17 zet an awm a ni.
    Hetianga kan khawtlang a lo mawi zawk theih nana  Kohhran pawl bik pawh thliar lova khawtlang kan \angrual  \hin hi a mawiin a Mizo a, chin chhunzawm zel a va \ha em.

Digital Printing ti thei ta
    Hlimkhawpui ten kum engemaw zat kalta a\anga kan chanchinbu kan hertirna ber-  Treasury Square a  Pu Chhuana dawr Standard Laser Print chuan Offset print mai bakah Banner, Flag etc. Print theihna a chah thleng thar ta rup mai a, hetiang lam siamtir duh leh chhiatni \hatni a banner print tur nei te tan chuan pan chi tak a ni e. 

Advertisement....
Free Admission St. Edmund Higher School
      2015-2016 Academic Session atan Admission hawn mek a ni. Zirtirtu Expirence leh University topper ten zirtirna an pek na hmun Class X & XII Fail tan Seat tlem a la awm bawk e. Saturday apiangin Free Tuition pek \hin a ni bawk ang.
      Contact   :     9615030342
        9774520561
(3-3)        9862841944 

PAGE - 4
KEIMAHNI :
Hlimkhawpui Budget
    Hlimkhawpui  2015  May & June  thla Budget  pe tla tawh te:
1.    Kapdaia Sec.    2.  Vawmphunga Sec.
3.    Lalsavunga Sec.    4.  Damvea Sec.

Budget tlak
    Lalsavunga Sec. te chuan kumin chhunga Branch YMA a an budget ` 1,500/- chu June ni 11, 2015 khan an tlak fel ta. Tichuan Section tinin kumin chhung atana kan Budget \heuhte chu kan tlak fel ta vek a, a lawmawm hle.

CENTRAL BUDGET TLAK
    Kumin chhung atana kan Branch in Central YMA a kan Budget ` 9,000 chu tlak fel a ni ve leh ta. Central Budget leh tih tur dangte kan la ti thei zel hi a lawmawm hle a ni.

Kapdaia Section
    Pu K.Lalmuankima Kapdaia Sec. chuan Silpouline lei nan Section-ah ` 1500 a pe a, hruaitute an lawm hle.
    Hun engemaw chen Section Information Mike a chhiat tawh hnu-ah siam\hat leh a ni.
    June ni 11, 2015 (Ningani) zingkarah Quarry-ah lung lain Section hnatlang neih a ni a. Pu Laldintluanga’n lung trip 1 a pek avang leh hnatlanna siamsaktu Pu lalthlamuana te chhungkaw chungah lawmthu an sawi tam meuh meuh a ni.
    Hun remchang hmasa berah Section hruaitu ten JAC te hmalakna tur chhungtinah an nrawn khawn dawn a. Chhungtin te lo inring lawk turin Section hruaitu ten an ngen bawk a ni.

YMA Day zan Programme
    A hmun    :      YMA Hall
    A hun    :    June ni 15, 2015 8 : 00Pm
    Chairman    :    Pu Vanlaltluanga President
    Hunserh    :    Pu Zahmuaka Led. K|P Vengthar
    Thusawi tawi    :    Pu Lalhmingliana Chairman L.C
    Lawmman    :    Hlimkhawpui man pe \ha
    Intihsiakna    :    Dance Competition
    Day intihsiakna hrang hrang result puan leh lawmman sem
    Solo     :    Nl. Lalruatdiki (BS)
            Nl. Miriam Zodinsangi (SCS) 1st Idol
            Nl. Lalramnghaki (BS) 2nd Idol
            Nl. Laltlannungi (LSV) 3rd Idol
Programme hi a \ul angin Chairman in a siam rem thei ang.  
    Intihsiakna hrang hranga ti\ha ber Section hnenah ` 3000/- hlan a ni anga, pahnihna in ` 2000/- la in, pathumna in ` 1000/- an la ang a, tin, Section dang te hnenah Consolation Prize ` 500/- \heuh hlan an ni bawk ang. Member a tam thei ang ber kal i tum \heuh ang u.     

Lawrkhawm chhunzawmna.....
Kelkang harhna chhim
    Damveng Presby. Kohhran member 50 chuang zet te chu June ni 8, 2015 ( Thawh\anni) khan Kelkangah harhna chhimin an kal a, June ni 11, 2015 (ningani) khan dam takin an lo haw leh ta.
    Thlarau lamah pawltharna changin an rawn hlim haw hle niin kan thudawnna chuan a tarlang a, Pathian hnathawh nung taka a kan khawtlangah a lo awm zel theih nan mitin te i in \awg\aipui \hin ang u.

SRS HMALAKNA
    Central YMA hnuaia ruihhlo do tur din, Supply Reduction Service (SRS) chuan a din tirh a\angin rim takin hma a la chho zel a. April leh May thla chhung; May ni 25, 2015 thlenga ruihhlo an man zat leh ruihhlo a inhnamhnawih mihring an man zat chu hetiang hi a ni e :-
    1.    Heroin No. 4 :Hawng 37, Can 222½ leh chhin sen 8
        A vaiin ` 27,30,800/- man hu a ni.
    2.    AP :     4 Box, 66 strips
    3.    Ganja :    3.6 Kgs, 3 packs
    4.    Ruihhlo a inhnamhnawih mihring man zat: 367
        Home a dahluh zat : 14
        Exise a pek zat : 10    Police a pek zat : 10
    SRS hmalakna a hman atan hian mi tlawmngai, Branch YMA, Kohhran hrang hrang, Local Council etc.. te a\angin sum \hahnem tak dawn a ni a. An chungah CYMA hruaitute an lawm hle.
    SRS te hian \awng\aipui an ngai hle a, ram leh hnam humhalhna atana an thawhna-ah hian theihtawpin i \awng\aipui ang u.

JAC in hma la zel
    June ni 11, 2015 (Ningani) tlai khan chhungkaw buaina chungchangah remna palai hna thawk turin JAC te chu an thawk chhuak a, buaina siamtu te hi khawtlang tana hnawksak tak leh bengchhenga an awm \hin  avangin Hlimen khawtlang chhuahsan turin hriattir nghal an ni.
    Tin, JAC te hian Hlimen a inluah tur nei reng reng ten an inluahtu tur te chu zir chiang hmasa a, khawtlang tana mi hnawksak lo chhungkua ngei an ni tih hriatchian chauh inluah tir turin mitin te an ngen bawk a ni.

Lawmthu sawina
    June ni 6-7, 2015 chhunga K|P Aizawl Chhim Presbytery Meet kan dawn chung changah Local Council, Branch YMA , JAC ten a \ul ang anga hma min laksak a, min thawhsakna ah lawmthu kan sawi tak meuh a, Biakin chheh vel a chhungkua leh lirthei neitute ten  kan harsatna hria a, hmun hran a min dah sak avang te in lawmthu kan sawi tak meuh meuh a ni e.
    Sd/- A.Lallawmsanga, Secretary
    Kristian |halai Pawl. Hlimen Branch

YMA hall current siam
    YMA Hall a Current line fel lo lai te chu June ni 11, 2015(Ningani) khan a theih chen chen siam\hat a ni a, Tube light chhia thlak a ni bakah Cut Out pawh a thar a thlak a ni bawk. 

Saturday, 6 June 2015

Nikir thla Ni 6, 2015, Issue No. 23

PAGE - 1
TUALCHHUNG :
Pêm thar:  Pi Lalengzami te chhungkua chu Saikhamakawn a\angin Hlimen ah an rawn pem lut a, Kapdaia Section ah awmin  Pu Lalrinchana te in an luah a ni. Tin, Pu Thangchuailova te chhungkua pawh New Serchhip, Bazar veng a\angin kan vengah an rawn pem lut a, Damvea Section ah an awm bawk.

Ruat  thar:  June ni 4, 2015 (Ningani) khan Pu Lalramchuana Buala Sec. a mi  chu MNF Gen. Hqr.  Secretary ah ruat thar a ni.

Headmaster-ah:  Pu C.Lalengzauva, Damvea Sec. a mi chu Hlimen High School-ah zirtirtu hna kum 26 zet a thawh hnuin Lunglei Rahsi veng High School Headmaster turin appointment/offer a hmu. Editorial Board ten kan lawmpui takzet zet a ni.

Peih fel \ep:  YMA Hall bula zunin sak mek chu peih fel thawkhat a ni ta. He Zunin hi Green India Mission(GIM) Scheme hmanga sak niin Local Council kaihhruaina hnuaia sak a ni a, Pu R.Lalliantluanga te chhungkaw inphalna avanga he zun in hi sak theih a ni a. Hetiang mi vengchhunga an awm hi a lawmmawm hle a ni. Tin, venglai bawr a Street light chhia pawh siam \hat a ni ta bawk.

Branch YMA pe:  Pu F. Zosangzuala Damvea Section a mi chuan Volleyball tha \ak mai Branch YMA kutah a hlan a, a chungah Branch YMA chuan lawmthu a sawi a ni.

B.A. Passed:  Tv. Lalnunmawia (Valtea) Damvea Sec. Asst. Secretary chuan Bachelor of Arts (B.A) result chhuakah \ha takin a passed. A hlawhtlinna kan lawmpui e.

Hri leng nasa:  Tunlaiin kan khawtlang leh zoram hmun hrang hrangah khawsik leh kaw\halo a leng nasa hle mai a. He hri leng hian naupang lam a man nasa deuh niin a lang. A rang lama mithiam (Doctor) rawn \hin hi a pawimawh khawp mai.

Hlimkhawpui kan buatsaihna-ah kan riltam hlauin kan Branch Secretary chuan Arsa tuihnai tak min rawn leisak a, a chungah kan lawm hle mai. Kan puarin kan fan e.

FRONT :
Branch YMA Executive committee vawi-5 na neih a ni
    June ni 2, 2015(Thawhlehni) zan khan YMA Hall ah Branch YMA Executive Committee Meeting neih a ni a, Mipui te’n a kan hriat tur thurel tlangpuite chu heng a hnuai a mi te hi an ni:-

1. YMA Day chungchang :  a) June ni 15, YMA Day hman dan tur leh infiamna neih tur hrang hrang a Incharge te hnen a\angin report ngaihthlak a ni a, Arm Wrestling Incharge ah Pu R. Lalbiakmawia ruat belh niin Convener atan ruat nghal a ni. Tin, Dance Competition ah hian Section \henkhatte an lo inbuatsaih tawh angin YMA chhang an lo tel a nih pawhin remtih sak a ni.
    b) Lawmman chungchang : YMA Day intihsiakna a lawmman atan hian Committee Member ten mahni remchan ang pawisa thawhkhawm a ni ang. Hei hi June ni 10, 2015(Nilaini) ralhmain Secretary te hnenah thehluh tur a ni. Tin, hetiang hian lawmman ruahman a ni:-
     Pakhatna     -     `     3000/-
    Pahnihna    -     `     2000/-
    Pathumna    -    `     1000/-
Tin, Consolation Prize ` 500/- \heuh pek an ni bawk ang.

2. Sumtuak :  Pu Lalhmingliana Ex- Officio hnen a\angin PWD ah Side Drain tihfai a sumtuakna tur chungchanga a hmalak dan ngaihthlak a ni a, June ni 6, 2015(Inrinni) ah Branch hnatlanga thawh nise tih a ni.

3. Traffic and Security chungchang :  June ni 6-7 , 2015 chhunga Hlimen Presby. Kohhran Biakin a K|P Aizawl Chhim Presbytery Meet an dawn turah Traffic and Security  Branch YMA in a thawh tur chu mahni Duty na tur hmun \heuh ah \hahnem ngai taka thawhchhuak vek nise tih a ni.

4. Lehkha hmuh :  a) Lalrinmawia Secy. J.A.C. hnena a\angin JAC ten chhungtin hnenah J.A.C. fund an khawn turah Section te a khawntu atan hman an rawn dilna chu remtihsak a ni a, Branch YMA  ` 1000/- thawh tur J.A.C. in a ngenna chu pek ngei nise tih a ni.
b) Dr. Franklin Laltinkhuma Deputy Commisioner & District Registrar Aizawl District hnen a\angin National Population Register (NPR) hnuaia Biometric & Enrolment (B&E ) hi Aizawl veng hrang hranga neih mek a nih thu leh B&E hi Adhar Card siamna tur a nih thu te, hemi chungchangah hian a theih ang ang a puanzar sak tur leh thawhpuia min sawmna chu tihhlawhtlin nise tih a ni.
c) Lalengzami te chungkua Saikhamakawn a mite hnen a\angin Hlimen a pem an rawn dil na chu pawm sak an ni. Kapdaia Section- ah an awm. Tin, Thangchuailova te chhungkua, New Serchhip Bazar veng a\angin Hlimena pem an rawn dilna pawh pawm sak niin Damvea Section ah an awm.
d) Aizawl Beautification  Committee a Local Committee a Branch President chu Vice Chairman ah leh Branch Secretary chu Secretary atana an rawn ruatna chu pawm a ni.

PAGE - 2
EDITORIAL :
DAN LEH THUPEK
    India ram hi dan ngah ber ram kan ni a. Kan danpui (Constitution) ah hian zawm sen loh; khua leh tuite tana ham\hatna tur a tlar del dul mai a ni. Hei bakah hian sakhaw hrang hrang vuantu ten kan lehkhabu thianghlimah dan leh dun kan zawm tur; mihring te tana \ha ber ber tarlan a ni bawk.
    Hetiang taka dan ngah ram kan ni hi a sawt vak lo nge ni; dan zawm \hat lamah kan hlawhchham angreng hle. Dan pawh hi \ha hle mah se; a zawmtu turin engahmah a ngaih loh chuan awmzia a nei thui lo \hin hle a ni. Kan ram hruaitu (Legislator) te dan siam emaw, dan kengkawhtu te emaw ai pawha pawimawh zawk chu a zawmtu tur ‘KEIMAHNI’ \heuh hi kan ni awm e. Dan leh thupek hlawhtlin leh hlawhtlin loh chungchangah mimal tin ten mawh kan phur lian hle a ni.
    Keini vengah pawh vengchhung mite tana kan \hatna tur VC/LC ten dan an lo siam tawh \hin a. A theih ang anga puanzar leh a hlawhtlin theih nana hmalak a ni chung pawhin awmzia a nei hlei thei \hin lo a nih hi. Dan zawm \hat lamah heti tak maia kan veng kan hlawhchham mai hi tû mawh nge ni ta ang le...Dan leh thupek kengkawhtute nge mimaltin..?
    Aizawl pawn lam khaw pakhatah chuan an khawlaiah ui leh âr hmuh tur a awm hauh lo mai a, ‘hetiang hian angtinge in tih theih’ tiin ka zawt a, min chhan dan chuan ka rilru a khawih hle, “VC ten Mike ah an puang a, kan zawm mai” an ti. Hetiang hi engvangin nge kan nih ve theih loh ? Hlimen-ah hian misual tak tak hlir kan awmkhawm pawh a ni chuang bik si lova. A pawimawh ber chu mimal tinte dan zawm \hat kawngah kan pianthar a ngai a ni.
    Kan tu leh fate seilenna atana veng kan neihchhuan kan HLIMKHAWPUI hi a chhiat a \hatah tuna mite hian mawh kan phur a ni tih hrerengin hawh u.. kan khawtlang tan hian pheilai i vawr ang u hmiang.

ZIAKTUTE HUANG :
HMANLAI  NGE |HA TUNLAI
- Val upa
    1. Tunhma chuan Hlimen hian kawng hrang hrangah a \ha zawngin, Zoram dung leh vang hi a dengchhuak \hin. Infiamna kawng ah te, zirna lamah leh kuthnathawhna a eizawnna kawngah leh sawrkar hnathawhna kawngah te a \ha zawngin a hmingthang em em \hin.
    Pathian thu hriltu leh thlarau thianghlim a hlim lamna thlengin rampum hriat khawp a hming\ha leh khaw awhawm leh chhuanawm Hlimen a ni \hin. Kan nu leh pa, pi pu te hunlai chu hmanlai tiin \hangthar ten a \hing kan ti ta a ni lawm ni? Mahse khawtlang a nuam a a zahawmin a intodelh bawk a, Hlimen mi leh sa nih chu  vengdang \halai tamtakten an awt ngawih ngawih \hin. Zoram hmun tinah Hlimen chuan par achhuang \hin asin.  Chung hunlai chu Hlimen a \hing kan tih hunlai a ni tlat.
    2. Tunah chuan \hangthar ten kawng tamtakah hmasawnna neiin fing leh fel nia in hriain mahni tawk \heuhvah kan intih tunlai siaka, chapo na tlangah kan dak far mai si. Chutih lai mek chuan Hlimen chuan kawng tin rengin tlakhniam lam a pan duai duai reng mai si a. City Area kan in ti a,  a chhe lai lai khawpui nun kan copy-a, eizawnna kawng leh infiamna, zirna thleng in mi hnung lamah chak takin kan tlan ve a, kawng tin rengah a mawng phah kan chan tawk a ni ta zel mai.
    Kan intih tunlaina hian min hnuk hniam zawk ta mai em ni le? Fing leh fel tunlai mi intihna, chapona tlang a\ang hian chhuk thla in , kan ram dung leh vanga Hlimenin parmawi tak a chhuah sa alo chul zel hi ti vul leh turin harh a hun e. Mahni in hmuhdan leh inhriatdan chauh duhtawk mai lovin, Isuan a zirtirte hnenah zawhna  asiam ang khan miten tunge a nih min tih atih  angin kan bula mite, kan vel amiten eng angin nge min hmuh, kan khawtlang hi engangin nge an hmuh ti zawk in, \halai ten intih tunlai siak mai mai tawh lovin, Hlimen hian tlang tin ah aparmawina alo chhuah leh theih nan kan puanven sawi chhin a hun e.
     Hrang hluite mei chhit en sa hi ati eng zel tura \an lak chu tunlai mi \hangtharte mawhphurhna a ni e. TUNLAI NGE |HA HMANLAI ?

Hringnun....
Khawngaihna hian Sakeibaknei pawh beram angin a awmtir thei a, chinghnia pawh beram no angin; ram sakawlh pawh mihring ang maiin a chhuah thei a, mihring chu angel angin a awmtir thei.
                -Thomas Carlyle

PAGE - 3
HRIATTIRNA :
Local Council hriattirna
    1. Prime Minister Insurance Scheme thar pahnih PMSBY leh PMJJBY - Accidental Insurance and Life Insurance chu a tih theih ta a. Rural bank, Kulikawn a Account nei te tan Local Council Office-ah form a lakchhuah theih a, a zawhfiah theih bawk. Tin, Account hawng lo te pawhin Account hi a hawn chawp theih bawk. June ni 15, 2015 thleng hun hawn a ni a, a ti duh chuan a rang lama ngaihven tur a ni. A tam thei ang berin he Scheme hi bawhzui ila a \ha ang.
    2. Tin, Hlimen ramchhungah a ram neitute phalna tel lo chuan bawngchaw lak, phurh khap tlat a ni tih kan in hriattir bawk e.
    3. June ni 10, 2015( Nilaini) chhun dar 10- 12 hian YMA Hall-ah NLUP 2nd Phase Piggery, Mithun, Goatery Benificiary te hnenah \anpuina leh APR sign tura kalkhawm tur a ni a, Account  Book ken \heuh bawk tur a ni. A kallo te chu harsatna pawh tawk se Dept. mawh a ni lovang.
    4. Miharsa zawk ten heng buhfai, khawnvartui, chini leh thil dang te Ration Card hmanga hniang hnar zawka an hmuh theih nan veng chhung mi mahni Ration Card Surrender thei kan awm chuan  District Civil Supply Officer, Aizawl West Khatla ah emaw District of Food, Civil Supplies & Consumer Affairs Dept. Treasury Square-ah thehlut \heuh turin kan in ngen tak meuh a ni. Ration Card Surrender tute hnenah hian Dept. chuan Official Indentification a hman turin White Ration Card a lo pe zel dawn a ni.

    Sd/- Lalhmingliana, Chairman
    Local Council, Hlimen

Census chung chang
    Section tin ten Census kan buaipui kha thehluh a hun tawh hle mai a. Section hruaitu te khan arang lamin Branch YMA Secretary hnenah thehlut thei ila a lawmawm hle ang.

Bo zawnna
    Mauhakkawn leh Sihpuimual inkar ah June ni 1, 2015 khan ka chempui ka tibo a, Lo hmu leh chhar in awm chuan min pe let leh turin ka ngen a che u.
    Zonunsiami, Hlimen, Damveng

Advertisement...
Free Admission St. Edmund Higher School
      2015-2016 Academic Session atan Admission hawn mek a ni. Zirtirtu Expirence leh University topper ten zirtirna an pek na hmun Class X & XII Fail tan Seat tlem a la awm bawk e. Saturday apiangin Free Tuition pek \hin a ni bawk ang.
      Contact   :     9615030342
        9774520561
(3-2)        9862841944 

LAWRKHAWM :
Chhiatni fund luh dan
    Kum 2015 chhunga Chhiatni Fund khawn chu Section tin ten an thehlut kim ta a, amaherawhchu, chungkaw \henkhat la thawh/pe ve lo kan awm a, Chhiatni fund la pe lo te chuan Pu Lalrinmawia, Tre.  Chhiatni Fund Committee hnenah thehluh mai tur a ni. Heti hian kumin a  Chhiatni Fund  sum lut  hi ` 95,550/- a ni a, hetiang hi Section tin a\anga hmuh dan tlangpui chu a ni:
    Buala Section    -    `    18,950/-
    Damvea Section    -    `    20,700/-
    Kapdaia Section    -    `    18,600/-
    Lalsavunga Section    -    `    5,550/-
    Saichhuma Section    -    `    20,800/-
    Vawmphunga Section    -    `    10,950/-
  Kumhlui a mi nen belhkhawmin  ` 1,12,580/- tunah hian a awm a ni.

Lawmthu sawina
    Kan fapa Laltlanmawia May ni 16, 2015 zana Saikhamakawn a a chetsual chungchangah lawmthu sawi tur kan ngah hle mai. A bikin Hlimen khawtlang hruaitu te leh a hria apiangin in lo buaipui a, a sutu lirthei tlanbo manchhuah na kawng a theihtawp min chhuahpui avang te, kan fapa nikhaw hre lova let reng mai buaipui a damdawi in a in lo dah phei avang te leh a Bike chhia thleng a min lo buaipui avangin kan lawm em em a ni. A hnathawhna Pu Zosanga te chhungkua, Pu R. Lalngheta leh L.C, YMA hruaitu te leh midang tlawmngai tak tak, damdawi in thleng a min buaipui a, min lainattu te chungah lawmthu kan sawi tak meuh a ni tih he chanchibu kaltlang hian kan sawi a. In inpekna ropui tak kha Pathianin a let tam takin rul che u rawh se.
    In khawngaihna dawng tute,
    R. Lalmalsawma te nupa, Khumtung.

J.A.C. chungchang
    Hlimen Khawtlangah ruihhlo leh suahsualna chi hrang hrang tihrem a nih theih nan Local Council kaihhruaina hnuaiah JAC din thar a ni leh ta a. Local Council, YMA, MHIP leh MUP a\angin tlawmngai tura Member atana beisei mi 45 ruat an ni.
    June ni 1, 2015 zan dar 7:30 khan JAC Executive Committee hmasa ber neih a ni a. Hemi zan hian Tlangthanmawii D/o Lalthlamuana(L) leh Chungnunga S/o Ringliani (L) te zu fun 14 mansak chung chang chu anmahni kovin ngaihtuah a ni.
    Tin, June ni 3, 2015 zan khan Committee neih leh a ni a. He hunah hian May ni 28, 2015 (Ningani) zing dar 3:00 vela Pu Lallawmawma, Damvea Sec. te ina lut nia rinhlelh pawh amah ngei kovin a chung chang hi rel a ni.
    Khawtlanga ruihtheih thil zuar te leh ualau taka ruihtheih thil tite chu dan ang taka an chunga Action lak a nih theih nan JAC chuan chak takin hma a la dawn a ni.
    JAC hmalakna tihchak nan Committee Member chin ten ` 100 \heuh thawhin Local Council ` 1000, YMA ` 1000, MHIP ` 1000, MUP ` 500, in hma an hruai a. Chhungtinte hne a\angin mahni remchan ang tawk \heuh Section YMA hruaitu ten an rawn khawn dawn a, theih tawp lo chhuah \heuh turin kan inngen e.
Sd/- Secretary
    J.A.C. Hlimen

PAGE - 4
KEIMAHNI :
Hlimkhawpui Budget
    Hlimkhawpui  2015  May & June  thla Budget  pe tla tawh te:
1.    Kapdaia Sec.    2.  Vawmphunga Sec.
3.    Lalsavunga Sec.    4.  Damvea Sec.

Branch hriattirnna leh ngenna
    June ni 6-7, 2015 chhunga Aizawl Chhim Presbytery K|P Meet awm turah hian Branch YMA chu Traffic and Security tura ngen kan nih angin tihhlawhtlinsak nise tia Committee in a lo rel tawh chu hetiang hian ruahmanna siam a ni.
1. Branch Committee mipa zawng te June ni 6, 2015 (Inrinni) tlai dar 5 a\angin June ni 7, 2015 (Pathianni) zan thleng duty tur a hriattir leh ngen kan ni.
2. Vengpawn a\anga lirthei lo kal an tam tham dawn  a a lan avangin Mualzawl leh Thlanmual - Pastor Quarter inkar ah he Meet chhung hian eng lirthei pawh hemi Area a dah lo turin ngen leh hriattir kan ni e.
3. Tin, YMA day hmanna turah Mualzawlah hun tam zawk hman anih dawn avangin hemi chunga lirthei dah \hin tu te chu lo inthiarfihlim rih turin kan in ngen tak meuh meuh a ni.

Sd/- Lalrinmawia, Secretary. BYMA.

In report tur
    YMA Day lawmna tura intihsiaknaa item hrang hranga  Section aiawh a tel tur te list chu Incharge bik te hnenah a rang lam theh lut turin kan in hriattir e. Chawpchilh taka thil tih \hin hi a buaitlak thin a, ngaipawimawh turin Section hruaitute kan inngen e.

Sports Council in pe
    Mizoram State Sports Council chuan Hlimen Branch YMA tan Volleyball pahnih leh Net pakhat a pe a, Pu R. Lalngheta’n hma a lakna avanga hlawhtling a ni a, a chungah Branch YMA chuan lawmthu a sawi tak meuh a ni.

Side Drain tifai 
    June ni 6, 2015 (inrinni) hian Branch YMA chuan PWD hnuaiah Melthum nena kan inrina a\angin Side Drain tifai a sumtuak hnatlang  a nei a, he chanchinbu buatsaih lai hian hnatlan dan kimchang erawh hriat hman a ni lo.
     Inhlawhna siamtu PWD chungah leh hemi chungchanga hmalatu Pu Lalhmingliana Chairman, Local Council chungah leh hnatlang a thawhchhuak te chungah Branch YMA chuan lawmthu a sawi takzet a ni.

Budget tlak
    Vawmphunga Sec. te chuan kumin chhunga Branch YMA a an budget ` 2,500/- chu June ni 5, 2015 khan an tlak fel ta.

CHHIARTUTE NGAIHDAN :
@@    Kan khawtlang hruaitu Local Council ten Ui khuahkhirh chung changah hma an han la chho hi a lawmawm hle mai. Khawlaia ui vakrawlai hmuh tur pawh a tlem ta. Chutihrualin ui neitu lam ten zing leh tlai velah ui kan inthiar tirin a ualau lo lai deuh panpui \hin nise a \ha hle ang.
-Bartowski

Lawrkhawm chhunzawmna....
YMA Day intihsiakna lawmman  chung chang
    Kumin YMA Day kan hman turah Issue hmasa lama tarlan tawh angin intihsiakna hrang hrang Item 10 hmangin Section tin te inel tur a ni dawn a. Branch Committee in a rel angin Item tinah mimal hnena lawmman siam  a ni dawn lova, Item hrang hranga tih\hat dan a zira khaikhawmin a pumpui point hmuh tam dan a\angin Section tan lawmman siam zawk tur a ni dawn a ni. Item hrang hranga tel (perticipant) ten mimal a lawmman kan lak dawn loh avangin kan kalphung tur hi kan hriatthiam tlan a \ha awm e.
    YMA Day kan hman tura Section hrang hrangte intihsiakna turte kan han tarlang leh e :-
1.) Arm Wrestling 2.) Insuk nawr 3.) Marathon Race    4.) Kawi inkahsiak 5.) Volleyball    6.) YMA Idol
7.) Essay Writting Competition
8.) Sanghar ngul lawn 9.) Sakuhuilut
10.) Dance Competition

Local Level Beautification Committee
    Khawpui a lo mawi a, a lo felfai zawk nan te, khawlaia hrui chi hrang hrang zam hnawk leh uai fual te mumal zawka siam fel a nih theih nan a hma la turin Aizawl Beautification Committee Meeting chuan Aizawl khawpui chhunga Local Council ten Local Level Beautification Committeed in tur a tih angin Hlimen ah pawh din a ni a, hetiangin :-
    Convener    :    Pi C. Lalduhzuali, SDC
    Chairman    :     Pu Lalhmingliana, Chairman LC
    Vice Chairman    :    Pu Vanlaltluanga President BYMA
    Secretary    :    Pu Lalrinmawia Secy. BYMA
    Members    :    Pi Zonunkimi President MHIP
            Pu Ro\huama (Prominent Citizen)
            Pu Laltlankima(Prominent Citizen)
            Local Council member te, Branch YMA OB, P&E aiawh, BSNL aiawh, Zonet leh LPS Cable Network aiawh leh Traffic aiawh te an ni.
    Local Level Beautification Committee hmalakna tur te chu veng chhunga Electric hruai fual lutuk endik leh chinfel dan kawng zawn te, Electric bana Connection wire, Telephone wire, TV Cable hnawk lutuk chin fel leh  hnawksak khawp a uaifual te endik a, chinfel dan kawng zawn te, Telephone wire leh TV Cable hman tawh loh inzam hnawk si te zawn chhuah a thenfai dan kawng dap. Telephone wire leh TV Cable leh hrui dang te mipui leh lirthei tana hnawksak lo thei ang ber a kal tir dan kawng zawn te a ni a, Verification tihna thlalak (Soft Copy) te Zonal Officer/ Convener hnenah pek bawk \hin tur a ni.