Vawkhniakzawn thla Ni 25, 2015, Issue No. 30

PAGE - 1

TUALCHHÛNG :

Damlo:  Pi Laltei W/o Lalruatkima Saichhuma Sec. a mi chu a chawkawng fel loh vanga Civil Hospital ah hun engemaw chen enkawl a nih hnuin inlamah enkawl chhunzawm turin a lo chhuak leh ta.

Nau nei thar:  Pu Rodinzela leh Lal\huampuii te nupa Buala Sec. a mi te chuan July ni 21, 2015(Thawhlehni) khan Kulikawn Civil Hospital ah an fa pahnihna atan naute mipa duhawm tak an nei thar.

@@    Pu Lalruatkima leh Pi Hmingthansangi Saichhuma Sec. a mi te chuan July ni 19, 2015 (Pathianni) khan an fa pathumna atan Falkawn Referal Hospitalah naute mipa an nei thar bawk.

Engeneer Training:  Tv. Lalawmpuia S/o Lalthanpuia, Buala Sec. a mi chu Civil Engeneer Training in Andra Pradesh ah July ni 23, 2015 khan a kal. Hlawhtling taka Training a zawh theih nan duhsakna kan hlan e.

Kai sang:  Pu R.Lalremsanga MCS Deputy Residence Commissioner Guwahati Mizoram House chu MCS Senior Grade a\angin MCS Junior Administrative Grade ah kaisangin Kolasib Addl. D.C. atan sorkar chuan a dah a, thu dawn danin August thla hian a hna hi a zawm dawn a ni.

Gospel Camping: Vengchhunga mi \hahnemngai ten Thlanmuala Gospel Camping an buatsaih chhawngthumna chu  July ni 25, 2015(Inrinni) hian an chhuak leh ta a, he Camp ah hian mi 22 lutin Pathian a lawmna thar neiin an hlim hle niin thu kan dawng.

Silver medal la:  Nl. Lalchhandami D/o Lalhmingthanga Buala Sec. a mi chuan Mizoram Power Lifting Championship neih zawh takah 72 Kgs Weight Category ah Silver Medal a dawng.

JAC :  Tunlaiin veng chhungah khawlaia ui khuahkhirh loh a vanga chhuak  an tam leh hle mai a, veng hmel a tibal leh hle a, hemi chungchangah hian Joint Action Committee, Hlimen chuan hmalak a tum a, hun rem chang hmasa ah ui khawlai a chhuak vai an tum niin kan thu dawnna chuan a sawi.
 

FRONT :

RAM LEH HNAM HUMHALH
- B.Lalbiakmawia
Chhunzawmna...
    Kan zir tibuai a, hlawhchhamna min thlen a, kan tih tur ang min tihtir theilotu ruihhlo hi hnam hmelma; kan do ngei ngei tur a ni. Min chimral tuma dim baksak lova min beitu ruihhlo hi \hahnem ngai taka Sorkar, Kohhran leh YMA ten kan do a, thapui kan chhuah zel loh chuan kan hnam a chhe zel ang. Ruihhlo kan do hian kan tu leh fate tan chauh a thawk kan ni lova, kan ram leh hnam kan humhalh a ni tih hi a ni. Chuvangin ruihhlo kan hmelma hi do ang, do zel ang u.
    YMA humhalh a \ul, YMA hi mizo tawh phawt, a inti neitu apiangte ta a ni a. Zofate hian kan Missionary te kaltlangin thilthlawnpek pathum kan dawng a, chungte chu - Kristianna, thiamna leh YMA te a ni. Heng zingah hian hlu bik leh hlu lo bik a awm lo han ti ila \henkhat mit a mim mai awm e. YMA \hat zia fak ka tum lova, fak ngai lova \ha sa a ni a, YMA hi awm lo ta se zofate hi zofate tih tur kan awm mang bar tawh lovang. Ei leh bar zawnna, zirna leh nunphung hrim hrim a khaweng hmu phak turin YMA chuan zofate a kawhhmuh a. Ban kham pawh sawi thei lovin Mizoram tan a phar reng a. Mi duham fal leh mahni pumpui chauh ngaituah ten hnawk an ti lek lek \hin. Heng hnawk ti lek lekte hian hnam leh chibing hmangin YMA banphar chu lakthlak an tum zeuh zeuh \hin a, zoram nâk \halai chu hlehthlak tumin hmanraw hrang hrang an hmang a ni. Mahse, YMA chuan “Ni lo e, Zorama chengte hi chhul khat chhuak kan ni a, kan inlakhran fur chuan Mizo tur kan awm nang” tiin a tlangau a, a la au zel nghe nghe dawn a ni.
    A tawi zawngin sawi \an tawh mai ila, YMA hi awm ta lo se Electoral Roll ah Zofate hi chimral kan ni \ep tawh anga, vai leh chhak fate velh ngam lohna khua a awm zeuh zeuh anga, man chawiin thlan laitu kan inruai \ep tawh anga, chhiatni leh \hatni ah man to deuhin thil kan hawh anga, khawhar lenpui tur asawmin kan insawm \an tawh ang. Khawkhat mi luhlul leh pamham ten mipui hmun an nekchep zual sauh anga, rethei leh hausa kar a hla zual ang. In leh lo din thei lo kan pung phut anga, kutdawh an inlar thar thut anga, chu chu rukru miin an belhchhah ang. Ramdang leh hnamdangte kan pawh tlem sawt anga, an nin min zuam sawt anga, min rawkin min that zeuh zeuh bawk ang. Ramdangmi leh hnamdang mite fa awi mu turin mizopa diktakin a zâng zâwl a dawh dur tawh ang. Kan \awng leh tihdan a hrang fer fur anga, intihhranna boruak a pawr thut ang. Kohhran leh pawl khata lawi ho an inti bing lêt lêt ang a, pawl lian apiang an inluling ang. Zoram nak \halai leh a ke lamte hleh thlak tum an lo pung thar thut anga, dan leh thupek ken kawhna a tlahniam salh ang.
    Heti taka pawl ropui leh pawimawh YMA hi zofate min phuarkhawmtu YMA hrui hi vuan zelin, a fei zel nan \an la ila, zofate lungrualna Zion chu YMA chauh hi a ni.
- Phek 4 na-ah chhunzawm a ni...

PAGE - 2

EDITORIAL :

HLIMNA
    Hlimna duha kan zawn dan hi a inang lo hle. A \hen chuan hlimna hi khawvel takin kan zawng a, khawvel kan chen a ni. Zû leh ruihtheihthil hmangin kan zawng a. Kan zawn ber hlimna chuan min kiansan telh telh si! Kan hlimna hi midang hlimna ah a innghat a, midang te hnenah hlimna thlen ila, keini pawh kan hlim ve mai dawn a lo ni. Hei hi alawm Mihring damchhan chu. Hei tho hi ani lawmni; nang pawhin i zawn chu?
    Nun hlimna kawng hi eng emaw zat a awm thei ang. Mipat hmeichhiatna lama hlawhtlinna te, sum leh pai lama hausakna te, hriselna te, larna te, hmel\hatnate hi kan hriatlar pawl tak a ni. Sakhaw tarmit a\anga kan thlir chuan Krista a nunthar neitute hi mi hlim ber a tih theih bawk awm e.
    Mi tam tak kan hlim theih lohna hi chu: kan duham a; kan neih tawkah kan  lungawi lova; midang neih kan hmuhin kan awt a; a nih loh vek leh mahni hma kan sial lutuk a, midang ngaihtuah lo lekin kan khawsa \hin . Hetiang chung hi chuan Nun Kawng\ha chu kan zawh hleithei lova, hlimna tak kan nei thei hauh lovang. In leh lo ram thu ah te, sum leh pai thu ah te, silhfen te thleng hian neihbelh zel kan duh a, tawk tih reng kan nei thei lo. Mi \anpui pawh duh ve thin mah ila, lo let leh tur thlir chung lo chuan harsa tih chang kan nei fo mai.
    Thil pekchhuah reng reng Pathian hnenah a ni emaw, rawngbawlna peng dang emaw, \anpui ngaite hnenah a ni emaw, lokir leh hi a awm tih a chiang em em a ni. Pe chhuak thin te hi an tlachham ngai lova, tlakchham a hnehin pek tur an nei zel zawk a ni. Harsa zawk leh mirethei zawkte khawngaiha \anpui \hin te phei chuan Pathian an puktir \hin zu nia. 

############################################

YMA VANTLANG AURINNA HMAN DAN KAIHHRUAINA
    CYMA chuan YMA vantlang aurinna hman dan  chung chang kaihhruaina heti hian a ti chhuak :
    1. YMA vantlang aurinna hmang a kan puan loh avanga chhiatna a thleng dawn a nih loh chuan:
a) Kohhran inkhawm lai chuan au loh ni thei se.
b) Rikrum thil (Emergency) a nih loh chuan zan dar 9 hnulamah leh zing dar 6 inkarah chuan au loh theih dan zawn ni se.
c) Veng chhung mi tam tak te hnathawkin an chhuak bo \hin a, tlangau hre tu mipui kan tlem avanga au nawn leh tho angaih avangin rikrum thil (Emergency) ni lovah chuan chhun laiah au lovin veng chhung mipui tam ber in kan hriat tlan theih hun tlai lamah au ni thei se.

    2. Kohhran inkhawmah puanna hun a tam avangin Kohhran inkhawm a puan hman loh thil \ul bik tih loh chu Kohhran thil puan loh nise.

    3. Khawtlang huap ni lo, mi tlemte tan chauh apawimawh ah au loh nise. ( Hei hian khawtlang huap lo, mimal sumdawnna thil puan pawh a huam. Tunlaiah Mobile Phone te a awm tawh a, mi tlem te tan chuan hautak lutuk lovin phone hman \angkai nise)

    4. Tlangau ri intibuai thei emaw veng \henawm au lai emaw veng inep a awm te au laiin in ngaihchan tawn dan zawn nise.

    5. Mitthi chung chang puanin an thihchhan puan hi chutiang natna tuar ve mek te tan ngaihthlak a hrehawm theih avangin an thihchhan puan loh mai nise.( Mitthi chanchin ziahna leh vuina leh sawi lan a ni tho \hin a, a hre tur awm te chuan an hre tho tho \hin.)

    6. Tunlaiah kan hmanrua te a \hat tawh avangin ring lutuk a au loh dan zawn ni sela; a hre tur ten an hriat phak tawk a au mai nise. ( A bikin Horn ( Aurinna tlangarh) tarna In leh a bul vel a awm te tan a ninawm zel thei.)

    7. YMA/ VDP/JAC etc. Duty mihring hming zan tina puan hi a \hat viau rualin bengchheng leh ninawm a siam tam avangin Duty Routine fel tak siam a, member te inpek mai a fuh zawk ang.

    8. Tuk khat/ zan khatah kar inhlat lo te  te a veng pakhatin thil chi hrang in dawt zut a puan chhen hian bengcheng a siam tam a, a bikin Horn bul vel a mi te tan a ninawm zual \hin. Rikrum chhiat tawh thil ni lovah chuan zinglama au tur hi zan lamah a puangtu te hnenah pek lawk ni thei se, \umkhatah thil chi 2/3 hi puan mai dan hi zawn nise. Chutiang bawkin, tlai lama puan tur chu chhun lamah lo pek lawk vek ni thei bawk se.

    9. Mitthi lumen zanah zan rei hnua  pawn lama aurinna kan pek chhuah \hn hi \henawm khawvenga tar leh damlo chaklo tan a ninawm thei a, zanrei lamah chuan pawn lamah aurinna hmanga tih rik loh ni thei se.

    10. Tlangau hi au thiam leh thiam lo / aw hriat nuam leh nuam lo kan awm avangin chutiang mi au tur bik neih ni thei se.

    11. A tlem thei ang a Information mike a thil puan hi zir uar kan mamawh hle. 

PAGE - 3

HRIATTIRNA :

Local Council hriattirna
    Sawrkar thuchuak angin Hlimen ram chhung kawngpui dung/kam leh vantlang hmun - Mualzawl etc. ah Lirthei eng chi mah dah phal a ni lo a, dah lui chu chawi tir zel kan ni ang. He dan hi khauh zawkin August, 2015 a\angin hman \an a ni ang. Lirthei  neitu te kan in hriattir lawk a ni e. He dan hi khawpui chung hmungdangah pawh hman chho \an zel a ni a, khawpui nuam leh mipui vantlang himna atan a pawimawh avangin zawm \heuh turin kan in hriattir e.
    Tin, Zophei hmun a vantlang ram chhunga thing leh mau eng chi pawh khi humhalh tlat a ni a, lo khawih kan awma man kan nih chuan action lak a ni ang.

    Sd/- Lalhmingliana.
    Chairman L.C.

Feh kawng sah chung chang
    Phunchawngzawl leh Tuilutmual a kal \hin zawng zawng ten July ni 27, 2015(Thawh\anni) hian tuna kawng hnim tlem la awm saw sahfai tur a ni a, a kal \hin zawng zawng ten mahni kawng a ni tih hria a \hahnem ngai taka thawkchhuak tura hriattir kan ni e.

Mualzawla motor dah chungchang
    Mualzawl Volleyball Court-ah hian Motor siam tawh lo turin kan in ngen a, tin, laklawh changa zanriak a motor dah kan awm a nih pawhin 6:00Pm - 6:00Am chhung a insenghawi hman hram turin kan in ngen bawk a ni e.

    Sd/- Secretary
    G&SA Hlimen

MHIP ngenna
    MHIP te chuan chhiat tawh(Thihna) a thlen chang a YMA in a duh apiang hman atan kuang khuhna a siam chu kan kal dan a rualkhai zawk nan chhiat tawk chhungten hmang zel turin an ngen a, MHIP Gen. Hqrs. chuan he ngenna hi Mizoram pumah a chhuah a ni.

Camping hriattirna
    July ni 27- Aug. ni 1, 2015 chhung hian Gospel Camping neih chhunzawm leh tur a ni a. Khawtlang leh kohhran mipui zawng zawngte kawng tinrenga min \awiawm leh \heuh turin Lal Isua Krista hmingin kan sawm a che u.
    A hmun : Pu R.Lalngheta In, Thlanmual
    Camp lut tur ten mutbu, thleng, no, Bible, pen leh note book ken \heuh tur a ni e. Tlai dar 5:00 hmain lut turte kim nise, Camping na hmunah zanriah ei nghal tur a ni ang.
   
    Sd/- Chairman
    Camping Organising Committee

LAWRKHAWM :

Kristian chhungkaw zan
    Presbyterian Kohhran, Hlimen Pastor Bial Standing Committee thurel angin July ni 31, 2015 (Zirtawpni) zan dar 7:00 - 8:00 hian Bial chhung kohhran chhungkua ten Kristian chhungkaw zan hman tur a ni a, hei hi Kohhran chhungkua ten tihlawhtling \heuh tura ngen an ni.
    Hemi chhung hian tumah inlen pawh lo tur leh pawn lam a\ang pawhin phone in inbe pawh lo hram tura ngen an ni. (Emergency / Chhiat tawh thil a nih loh chuan).

Lawmpui
    Yonex Sunrise Aizawl Open khelh zawh taka kan veng mi Pu Lalmuanawma, Pu Lalbiakmawia leh Nl. Lalhlunchhungi ten hlawhtlinna ropui - Champion Nomawi an rawn hawn hi keini Games & Sport Association chuan kan chhuangin kan lawmpui tak zet a ni.

Sd/-  Secretary, G&SA, Hlimen

Hlimen sangha khawi association
    July ni 19, 2015 (Pathiani) khan Hlimen khaw chunga Sangha dil neite kalkhawm chuan heng a hnuai a mite hi hruaitu an an thlang:-
    President    :    Pu Rochhunga (BS)
    Vice President    :    Tv. PC Lalnunzira (DV)
    Secretary    :    Pu R. Lalchhandama(DV)
    Asst. Secy    :    Pu PC Zosanglina (DV)
    Treasurer    :    Pu K. Pakunga (SCS)
    Fin. Secy    :    Pu Lal\anpuia (DV)
    Member ni duh te tan OB te hnenah ` 100/- pe in a in ziah luh theih e.

World Population Day hmang
    Chief Medical Officer Aizawl West thuchhuah angin Urban Primary Health Centre(UPHC) leh MHIP Hlimen Branch \angkawp chuan July ni 24, 2015(Zirtawpni) chawhma dar 11 khan YMA Hall-ah World Population Day an hmang. He hun hi Dr. Elsa Lalramzauvi M.O UPHC in a kaihruai a, thupui - ‘ Nu leh naute hrisel nan kumthum danah fa nei rawh’ tih chu Pi Biak\huami Secretary MHIP Hlimen Branch in a sawi a ni.

Special Camping nei dawn
    CYMA leh Mizoram Presby. Kohhran te chuan Aug. ni 4- 24, 2015 chhung hian Art & Culture Complex Beraw tlangah Special Camping a buatsaih dawn a, Speaker ah Pu Lalsanglura Ralte, Ramhlun veng chu hman a ni dawn a, Camping hi mi 200 vel tan buatsaih phawt tur a ni ang. A lut duh tur te chuan ngaihven mai tur a ni e.

Champion leh ta
    July ni 14-18, 2015 chhunga Kulikawn Indoor Stadium a khelh zawh tak, Yonex Sunrise Aizawl Open 2015 ah khan Pu Lalmuanawma chu Mens’ Single, Mens’  Double leh 35+ Mens’ Double-ah chak ber nihna a chang leh ta. 35+ Doubles ah hian Pu R. Lalbiakmawia nen an \ang dunin an Champion a ni. Tin, Lalhlunchhungi (Tete-i) pawh Womens’ Double ah a \an pui nen an champion bawk.

PAGE - 4

KEIMAHNI :

Hlimkhawpui Budget
    Hlimkhawpui  2015  May & June  thla Budget  pe tla tawh te:
1.    Kapdaia Sec.    2.  Vawmphunga Sec.
3.    Lalsavunga Sec.    4.  Damvea Sec.
5.  Saichhuma Sec.    6.  Buala Sec.
    Kapdaia Sec. ten July & August thla budget an tlak ta bawk.

Branch YMA hnatlang
    Hlimen Branch YMA ten PWD a\anga inhlawhna Side-Drain tihfai chu fur ruahtui avanga leiminin a hnawh lehte thenfai hnatlang July ni 22, 2015 (Nilaini) zingkar khan neih a ni a, hemi zingkar hian duh anga zawh hman a nih loh avangin July ni 23, 2015 (Ningani) khan chhunzawm a zawhfel a ni. Hnatlanga thawkchhuak zawng zawngte chungah Branch hruaitu ten lawmthu an sawi a. Hetih rual hian Branch Member tam dan ngaihtuah chuan hnatlang erawh an \hahnem vak lova, Member ten \an lak sauh sauh a ngai hle a ni.
    Tin, Branch YMA chuan Chhiatni bika hman atan Section tin ah Silpoulin pakhat \heuh a hlan a, Section te an lawm hle a ni.

Census chung chang
    Section tin ten mahni Area \heuh Census record fel taka siam a Branch a thehlut tura tih chu tun thlengin Section pathum chuan in la thehlut lova. Tun thla chhunga thehlut hram tura ngen leh hriattir in ni e.

Buala Section
    July ni 20, 2015(Thawh\anni) zingkar khan Pu Hautluanga te kawmchar lei min thenfai hnatlang neih a ni a, tlawmngaia member thawkchhuak te chungah lawmthu kan sawi tak meuh meuh a ni. Tin, hemi zing vek hian Mualzawl-ah Section Banner tar thar a ni bawk.
    Tin, Pi Lalchhuanawmi te chhungkua chuan \angkai taka hman turin Silpoulin \hatak mai Section YMA kutah an hlan a, an chungah kan va lawm em. Section Notice Board chu chei \hat niin tar chhuah a ni a, tumahin lo khawih chingpen tawh lo turin kan in hriattir e.
Sd/- Secretary

Kapdaia Section
    Section Exe. Committee koh tawh chu remchan zawk na avangin july ni 28, 2015 (Thawhlehni) zanah a hun ngai, a hmun ngaiah neih tur a ni tih kan in hriattir e.
Sd/- Secretary

Branch Property
    Branch YMA bungraw hawhtu ten a hawh man kan ngai pawimawh tawk lo \hin a, a theih hram chuan hawh man hi in pek lawk ni thei sela a \ha hle ang. Tin, a hawhtu ten kan dah kir hmain fai taka sil hnuah dah \hin bawk ila, a lawmawm hle ang.

Monitor thar lei
    Hun engemaw chen a\anga Hlimkhawpui buatsaihna Computer Monitor chianglo chu a chhiat tak tak tak avangin July ni 24, 2015 (Zirtawpni) khan a thar lei a ni ta a. Hlimkhawpui buatsaih pawh kan \an hmain kan zo hma ve thei leh ta e.....
    A chhiat chhan hi Hardware Mechanic lam te chuan a hmun hnawn vang ni ber in an ring a, a Logic Board chhia a nih avangin siam \hat mai theih a ni lo a ni.

CHHIARTUTE NGAIHDAN :

@@    Hlimen Damveng Kawlsangi vau lui hnar kawngpui chhak lama Zun In \ha tak awm \hin kha a \angkai tehlul nen \hiah a ni ta mai hi a va uihawm em!! A \hiattu hian a bul hmun remchang laiah siam leh thei se a va duhawm em. Vantlang tan a \angkai si a.
-Veng hmangaiha
@@    Hlimen Damveng Biak In hung pawn lam leh hmun \henkhat a rora chhut \hin hi kawngpui tan a hnawk angreng hle mai a, Black top chungah a ni lehnghal a, kawng a tizima, Black top a chhe duh bawk si. Kawng \ha neih a har tehlul nen.
-Kawngchhe duhlo-a

@@    YMA Hall bulah zunin \hatak mai Forest Deptt. a\angin min siam sak a, veng dang hmuhah pawh zahpuiawm loh tak a ni. Chutihrualin, a hmangtu rilru leh mizia alang chiang khawpin ka hria. A lo bal deuh anih pawhin Brush a awm a, nawtfai zung zung thei zel ila a \ha khawp mai. Tin, mi \henkhat ten zun pahin kan kuhva eina chhak \hin kan awm a, tih tawh loh a \ha khawp mai. A fai har ropui si. I zun zawhah vengdang mi zung ta se kan veng min ngaihdan tur thlir ve ang che.
- Fela Pa

Ziaktute Huang chhunzawmna....
    Ram leh hnam humhalh kan tih hian helna (Revolution) emaw ram zauh (Political Expansion) emaw mahni a ro inrel (Independent) emaw, hnamdang huat hrim hrim emaw a kawk lo a. Kan tum ber erawh chu ram leh hnam damna thlir a, taima taka hnathawh leh chimral kan nih loh nana hmalak a ni ber mai. Kan kawng zawh mek hi a bumbohin a chhuk chho deuh a ni pawhin harsatna kan tawhte chu kan bihruksan mai tur a ni lo. Heng kan hma a harsatna lo thleng \hinte hian kan chinfel hun nghakin min um reng tho si. Ram leh hnam hmangaihtute chuan hnamdang hma a kan bawkkhup a; dam ve reng ai chuan ram leh hnam tana ding chunga thih an lo thlang hial zawk \hin a. Chung mite thlanlungah chuan hetiang hian a inziak -
    “An tan raldo in kan chhuak a, let leh tur kan         awm ta lo,Mahse, engtik niah emaw chuan, tute         emaw chuan,Min la rawn lam chhuak ve mahna” tiin heng mite ngaituahna \awmpui vein.. “Lungngaih chhumpui buaina thleng \hin mah se, kianni a awm ngei e. Hliampui tuarin rallian tawng \hin mah la, Hmangaih zoram \ang fan fan la, lungphang suh la” ti chung zelin ram leh hnam humhalh nan kan mawhphurhna \heuhte hlenchhuak turin theihtawpin i bei ang u.

Vawkhniakzawn thla Ni 18, 2015, Issue No. 29

PAGE - 1

TUALCHHUNG :

Damlo:  Tv. Samuela Lalrinawma S/o Zolianchhunga Vawmphunga Sec. a mi chu luna leh luak avangin July ni 13, 2015(Thawh\anni) khan Kulikawn Civil Hospital ah admit a nih hnuin July ni 17, 2015(Zirtawpni) khan inlama inenkawl chhunzawm turin a lo chhuak leh ta.

Nau thei thar:  Pu Lalmuanawma leh Pi Malsawmtluangi te nupa Saichhuma Sec. a mite chuan July ni 14, 2015 khan Durtlang Hospital-ah fapa duhawm tak an nei thar.

Khiangawi:  Rosie Lalawmpuii D/o Vanlalliana Saichhuma Sec. a mi chu Vanlaltlanchhuaha Chanmari Veng a mi tawnah damchhung a nupa ni turin July ni 17, 2015 (Zirtawpni) khan khiang min awih san ta.

Lei tawlh:  July ni 17, 2015(Thawh\anni) ruahsur avang khan Pu Hautluanga te kawmchar  (|helretkawn Road) kawngpui bul lei a tawlh a, a lei tawlh hi nasa lutuk lo mah se kawng chhuat hnuai a min/tawlh tel avangin lirthei khalhtute tan kawng chhaklam zel a hel deuh a \ha. A bikin motor lian khalhtu te phei chu fimkhur zual a \ha zual ang.

Kelkang lamah:  Vengthar Presby. Kohhran, Hlimen te chu July ni 13, 2015 khan Kelkang harhna chhimin an kal a, July ni 15, 2015 khan hlimen an lo let leh a. Member 60 vel lai Kelkangah hian an kal a ni.
    Tin,July ni 17, 2015(Zirtawpni) khan Hlimen Isua Krista Kohhran member 60 vel chu Bus pahnih hmangin  Kelkang harhna chhimin an kal a, ruahman lawk ang chuan thawh\anni ah an lo haw leh ang.

Camping nei :  Veng chhung mi \hahnemngai \henkhat ten Pu R. Lalngheta in Thlanmual vengah Gospel Camping an buatsaih a, chhawnghnihna neih zawh a ni ta a, kan thudawnna in a sawi danin a chhawngthumna pawh kar lehlamah an buatsaih leh dawn a ni. He Campingah hian Pu N. Zonunmawia leh Pu Lalrampana te chu speaker atan hman an ni a,he Campingah hian thlarau a harhna a thleng nasa hle a, a lawmawm hle a ni. Khawtlang mipui ten \awng\aina i hre reng ang u.  

FRONT :

Branch YMA Executive Committee neih a ni
    July ni 17, 2015(Inrinni) zan khan YMA Hall-ah Branch Exe. Committee meeting neih a ni a, heng a hnuai a mite hi mipui tana hriat tur pawimawh zual te a ni e:-

    1. Siknipui kut  chungchang :- Kumin kumtawp lam hian Siknipui kut hman leh nise tih a ni a, a hming hi thlakin ‘Sikpui Kut’ tih a ni ang. Hetiang hian Programme Committee siam a ni a, anni hian ruahmanna an lo siam ang.
1) Branch OB , Adviser leh Ex- Officio te, 2). Tv. Lalkhawmawia. 3). Pu R. Lal\anpuia, 4). Tv. Lalthlengliana, 5.) Tv. David Vanlalhuma, 6.) Pu J. Vanlalbiakdika, 7.) Pu H. Ralkapthanga, 8.) Nl. Melody Zodinpuii, 9.) Pu Lal\anzuala

    2. Thlanmual sam  chungchang :- Thlanmual -I hi sam hnatlang neih nise tih a ni a, Office Bearer ten remchan hunah hnatlang hi an ko ang. Tin, Thlanmual-II hi chu mitthi chhungte hnenah thlan hi lo tifai tur a ngen nise tih a ni.

    3. Lehkha hmuh :-  1) Lallianmawia SP CID(Crime) Mizoram Aizawl hnen a\angin ‘Operation Smile’  leh ‘ Human Trafficking’ chungchanga awareness YMA chanchinbu a chhuahsak tura a rawn ngenna chu tihhlawhtlin sak se tih a ni.
    2) Vanlalruata Gen. Secy CYMA hnen a\angin July  ni 27-Aug. ni 7, 2015 chhunga Cement Mistiri Trainning ATI Complex, New Secretariat Complex a an buatsaih tur chung chang lehkha hmuh chu Trainning tur hi a \ul dan angin Branch Secretary in hma lo la se tih a ni.
    3.) Thomas Lalrammawia, Civil Judge Aizawl Judicial Aizawl, Distirct Aizawl a\angin District Court Aizawl a\anga Birth Certificate diltu te hnena hriatpuina pek chhuah chungchanga Local Council/ VC, YMA ten vengchhunga piang ngei an ni tih hriatpuina Copy hnih lo pe tur a ngenna leh Diltu te EPIC diktak ngei te en a, uluk taka Fill Up hnuah hriatpuina hi pekchhuah chauh nise tih lehkha dawn chu uluk lehzuala kalpui nise tih a ni.
    4.) Kapdaia Section a\angin Quarry kawng leh Crusher te hian harsatna tam tak mihring kawngkal te tan a a siam chu Local Council a lehkha an theh luh copy dawn a ni a, lo hriatpui tur leh a \ul anga hmalakpui tur a Branch a ngenna chu OB ten lo bawhzui se tih a ni.

    4. Silpouline  chungchang :- Disaster Management & Rehabilitation (DM & R) Deptt. a\anga Silpouline Branch in a dawn chu Section tin te chhiatni bika hman turin pakhat \heuh kawl se tih a ni.

PAGE - 2

EDITORIAL :

           VANGLAI NUN ULUK
    Kan Bible in, “|halai te u, in \hatlai nî chen rawh u, in \hatlai hun a rei dawn si lo” a lo tih ang hian kan \hatlai leh kan vanglai hian kan hmabak a tih tur awmte uluk taka tiin insawrbing \hin ila. Kan \hatlai hun hi a \ha lam zawngin kawng tinrengah âm taka kan hman loh chuan kum upa lam kan nih hnu chuan bul\an \hat leh  a har tawh \hin a ni.
    Kan \hatlai, kan vawiin nun hi a pawimawh em em a, vawiin ah ngei hian kan hringnun hman dan i inenfiah teh ang u. Kan upat hnu a inchhirna in min tlakbuak loh nan kan vanglai nun kan hman thiam a pawimawh a. |anpui ngai a kan awm hun a thleng thei, chuvangin, i \hat lai hian mite \anpui \hin ang che.
    Kan vanglai nun timawitu ber pakhat chu ‘RINAWMNA’ a ni a. Rinawm takin awmla, \hian rinawm i nei ang a, kawppui rinawm i nei bawk ang. Rinawm taka kan awm hian kan hringnun hi a zahawm a, kan thlarau in he kan lei taksa a chhuahsan hunah pawh mite thinlungah thlanlung reh theih tawh lo chu kan ziak dawn a lo ni.
    Kan vanglai hun leh kan \hat lai nuna mawi em em mai chu ‘THIANGHLIMNA’ hi a ni a, chu chu kan rohlu a ni. Kan hmangaihte hnena kan pek theih hlu ber chu thianghlimna a ni an lo ti \hin. Chu thianghlimna ngei mai chu kan \hatlai hian kan neih a ngai a, kan hmangaihte hnenah pawh kan \hatlai ngei hian pekchhuah i tum ang u.
    |halai te u, tun hun \ha i la neih lai hian i tih tur awmah chhel takin ke pen la, i hmachhawpte hlawhtling ngei turin theihtawpin bei ang che. Kan lo upat hnu-ah chuan nunhlui kan chhuikir ang a, chutih hunah chuan kan inchhir loh a; kan nuih ver ver theih nan hun i la neih lai hian i nun uluk ang che.

ZIAKTUTE HUANG :

RAM LEH HNAM HUMHALH
- B.Lalbiakmawia
Chhunzawmna...
    Kan ram rohlu thing leh mau, nungchate hi humhalh a va pawimawh em. Sik leh sa vawngtu leh ei leh bar min buatsaihsaktu te an nih avangin theih tawp chhuah a humhalh zui zel a \ul hle a. Kum tin mai a \ullo ram tihkan duai duai maite hi a uihawm em em a. Kut hlei vanga nungchate laka hleihlen te phei chu a malsawm duh lo hle a ni. Mi\henkhat; khawimaw laia tûr, chemical chi hrang hranga luisa leh sangha suasam ching an la awm. Chuvangin mahni vengah hetiang tih ching an awm chuan zilhhau ngam ila, a boruak a zirin \iaupho a sawifel mai pawh a pawi lo.
    Heng kan sawichhuah takte hi tu ta nge ni a kan hriat a, enkawl/ven \hat nachang kan hriat loh reng mai ni ang aw ka ti \hin. Kan ta a kan neih thing leh mau leh ramte hi zawng kan hauh thei hlawm hle a ni lawm ni. Kan huan/lo ram/in hmun humhalh kawngah chuan tupawh mai hian \hahnem kan ngai thei khawp mai. An sawi \hin; Revenue Deptt. lama Surveyor ten in hmun/ram an han teh chiah chuan mawi leh mawi lo kan ngaihtuah ngai lo, feet 1 lek pawh hauhin ramri mawi pawh kan zawng phal bik lo an ti \hin. A ni reng a, kan ta a kan chian phawt hi chu kan hauh thei vek a ni. Chuti nise engati nge kan ram hi humhalh tura infuih thar reng leh kumpuana hman reng a ngaih aw!! Kan ta, kan ramah hian kan chiang tawk lo em ni? Mizoram hi kan ram a ni a, humhalh tur pawhin radang mi in min humhalhsak dawn bawk lo. Hawh u, i ngaihtuah thar leh ang u.
    Zirna leh thiamna khawvel hmasa ‘might is right’ a chak chak te khawvel chu a lo ral ta. Tunah chuan ‘knowledge is power’ tih khawvelah kan cheng ta zawk a. Chuvang chuan thiamna leh hriatna kawngah hnamdang ten min tlankhalh loh nan zirna uar chhunzawm zel ila. Kut hnathawh, private leh sorkar a inhlawhfa tur pawhin chinchang hria leh mithiam apiangte an hlawhtling chho mek zel a. Chuvangin zirlaite tiphur zawng leh \anpui zawnga hmalakte hi kan ram humhalhna \ha tak a ni. Zirna leh kutthemthiam kawnga mi hlawhtlingte chawimawi hi uar chhunzawm zelin; zirlai harsa zualte \anpui a \hat a rinawm.
    Tin, rampawn a hna thawk thei tura kawng inzawnsak leh inkawhhmuhte, ram chhungah ringawt hi chuan hnathawh tur hian min daih ta ngang lo a ni. Lehkha thiam hna neilote kan tihbeidawn loh nan Career Guidance lamah hmahruai pawh a \ul hle mai. Tin, India rama hna hrang hrang - Central Service, Defence Service leh Armed Forces lama kan \halaite an luh theih nan hmalakpui te pawh a \ul takmeuh a ni. Zirna leh lehkhathiam te ngaihsak hi kan ram leh hnam innghahna pawimawh a ni.
    Kristian te hmelma lian ber ruihhlo chuan kan ramah bu a khuar a, min run a, min suat a, min sawisa ta fé mai. Ruihhlo hi kan \hian a ni lova, kan hmelma dik tak a ni. Kan mamawh lova, tihbo/umbo hi kan tih makmawh a ni. Ruihhlo hian kan zoram mai nilo khawvel hi a lo chawkbuai tawh takzet a ni. Ralthuam tel lova hnam inlaksakna hmanraw \ha ber a ni a, kan hmuhnawm thlir mai tur a ni lul lovang. Tha mai nilo thapui tak zet zet kan thawh a hun ta a ni. Tin, kan Kristianna tidazattu a ni bawk. He ruihhlo hian hnamdang hmuhah kan Kristian na a tithangtlawm a, a va pawi em!!  Pathian nung betu ten kan tih loh tur ruihhlo kan tih \hin avang hian kan ram zauhna turah hmasawnna harsa khawpin min siam ta a nih hi maw...
- Issue lehah chhunzawm a ni ang.

PAGE - 3

HRIATTIRNA :

Hriattirna
    Hlimen khawchhunga tuikhuah, sangha khawina atana rintlak nei zawng zawng te chu July ni 17, 2015(Pathianni) chawhnu inkhawm banah Pu Chhuanvawra inah kalkhawm tura hriattir kan ni e. Tui lakna neilo tan kal buai ve a ngai lovang. Hei hi Department lam duh dan a ni e.


    Sd/-Convener,
    Hlimen, Aizawl

Thlanmual chung chang
    Thlanmual- I & II a thlan  neitu chhung te chu a ranglama mahni chungte thlan \heuh te ti fai tura ngen kan ni e.

Local Council hriattirna
    Fur khua a ni a,Side Drain hnawh emaw tui luanna dal in bungrua eng chi pawh emaw Motor emaw dah hnawk lo turin kan in hriattir nawn a, kawngpui a tui hawk luang hian kawng a tichhe hma a ni tih hriain mi tinin hei hi zawm vek tur a ni.
    Tin, In sa thar emaw zauh belh tur ten kut kan thlak hma ngeiin Local Council te hriattir ngei tur a ni a, in report loh avanga harsatna tawk kan awm a nih pawhin sawisel theih a awm lovang.

        Sd/- Lalhmingliana, Chairman LC

    Kawn chei committee
    Kumin Krismas dawn hian veng chei lamah hmalak leh tum a ni a, kumin hian vengdang ten min hriatna Quarry chim hi cheiin \halai te tana thianghlim taka intihhlim nan leh mite hipkhawm thei tura chei nise an ti a. Hemi pual hian Lucky Ticket siam tum a ni.
    1st Prize    -    Mobile handset
    2nd Prize    -    Rice Cooker
    3rd Prize    -    Electric Iron
    A man hi ` 20/- a ni ang.
    Hemi atan hian vengchhung mipui zawng zawng te \anrual a pawimawh tih hriain \angrual turin a sawm a, chungtin te ah sum leh paia lama \an a hunah pawh lo \ang tlang turin a sawm a ni.

LAWRKHAWM :

Gospel Camping
    July ni 20-25, 2015 chhung hian Pu R. Lalngheta in Thlanmual vengah Gospel Camping chhunzawm leh tur a ni a, camp lut tur ten mutbu, Bible, pen, note book, thleng leh no ken tur a ni. Camp lut tur te chu tlai dar 5:00 hmain Camping na hmun thlen vek tur a ni. Rui chunga luh phal a ni lo ang. July ni 22, 2015 (Nilaini) a\ang hian a duh apiang tan Camping Sermon hi chhim theih a ni ang.
    Khawtlang mipui leh kohhran zawng zawng te mi \awng\aipui zel turin kan sawm che u a, Pathian tana Camping mamawh rawn petu te a let tam taka rul let tur che u in Isua Krista hmingin kan \awng\ai sak a che u.
    Sd/- Lalduhsanga,Chairman,
    Camping Organising Committee

Yonex Sunrise Tournament
    July ni 14-18, 2015 chhung atana buatsaih Yonex Sunrise Aizawl Open 2015 khelh mek ah Pu Lamuanawma chu Men’s Single, Men’s Double ah Final a luta, tin, 35 above (Men’s) ah Pu Lalbiakmawia -nen \ang dunin Final an lut bawk a ni. Tin, Nl. Lalhlunchhungi pawh a \an pui nen Women’s Double ah Final an lut bawk a, final hi july ni 18, 2015(inrinni) a khelh tur a nih avangin result kimchang hriat hman a ni lo.

Mega Mock drill
    July ni 16, 2015 (Ningani) khan Chhiatrupna lian tham a lo thlen a chet lak dan tur zir chhinna ( Mega Mock Drill) neih ah kan veng a\ang pawhin Pu R. Lalngheta CEC, Pu Lalhmunsiama Disaster Sub- Commtt CYMA, C. Lalnunsangzuala (Sang sanga) te an tel a. Sangsanga hi Disaster Management Course Trainning chhuak tawh a ni nghe nghe. He Mock Drill hi a hlawhtling hle ni a thudawn a ni.

Human Trafficking chungchang
    Human Trafficking hi mihring hmanga sumdawnna tiin a chhuah theih awm e. Human Trafficking hi khawvela dan bawhchhia a sumdawnna lian ber pahnihna a ni a, sualna \hang chak ber a ni bawk. He sualna laka fihlim hi ram pakhat mah an awm lo. Kan ram, Mizoram ngei pawh hi kan fihlim hauh lo a ni. Human Trafficking tuartu chu bawi a siamin diklo taka in sal behna a ni. A tuartu tam ber te hi hmeichhia leh naupang te an ni. Tun kum nga kalta 2010-2014 chhung khan Mizoramah Human Trafficking Case 5 register a ni tawh a, hetah hian a tuartu (Victim) chu mi 13 an ni a, thiltisualtu a puh man zat chu mi 14 an ni. Tunlaia Human trafficking thlen dan chi hrang hrang te chu :-
1. Hnathawk tur a naupang chhawr luih te.
2. Hnathawh tur hmuhsak intiama sumdawnna te.
3. Force marriages/ nupui pasal hmuhsak tur a in bumna te.
4. Nawhchizuar tura sumdawn nana hman te.
5. Sum  hmuhna tur a hmeichhe naupang ruk bo te.
6. Middle East lama nawhchizuar tur a hralh te.
7. Fa chawm tur duh te tana dan lova naupang hmanga sumdawnna te
8. South India lama Home a dah tur naupang te chu sum hmuh nana bumchhuah an ni.
9. Lehkha zir tur anga thlem a, naupang bumchhuah te
10. Kutdawh tur naupang bumchhuah te.
11. Mihring taksa bung hrang hrang hralh a sumdawn na.
Issue lehah chhunzawm leh ani ang.....

PAGE - 4

KEIMAHNI :

Hlimkhawpui Budget
    Hlimkhawpui  2015  May & June  thla Budget  pe tla tawh te:
1.    Kapdaia Sec.    2.  Vawmphunga Sec.
3.    Lalsavunga Sec.    4.  Damvea Sec.
5.  Saichhuma Sec.    6.  Buala Sec.
    Kapdaia Sec. ten July & August thla budget an tlak ta bawk.

Buala Section
    YMA Day a lawmman pakhatna lawmna atan karhmasa a tarlan te bakah Pu Chalhnuna te leh Pu Zakiamlova te chhungkua in ` 500/- ve ve an thawh a, an chungah hruaitu ten lawmthu an sawi tak meuh meuh a. Tin, Branch YMA in Hall mai bakah Sound System phal taka min hmantir avangin Branch YMA chungah  lawmthu kan sawi tak meuh meuh bawk. Tin, kan ngenna te ngai pawimawh a eitur tuihnai tak min siamsaktu Puia Restaurant te chungah kan va lawm em. Member kalkhawm zawng zawng te, Programme ti hlutu - Item neitu zawng zawng te chungah lawmthu kan sawi bawk a ni.
    Tin, Kulikawn a Badminton Tournament a mahni hna \ul te pawh kalsan a Line Judge tura hnatlang a thawkchhuak \hin zawng zawng te chungah  kan va lawm em. He hna min hmuhsaktu Pu Lalmuanawma chungah pawh lawmthu kan sawi tak zet bawk e.

    Sd/- Secretary

Saichhuma Section
    Property tihchangtlun nan Dekchi 1 leh Ketli 3 lei a ni. Rokhawlhna avanga Fin Secy. in  a nihna a chelh chhunzawm theih loh avangin Nl. C. Lalhriatpuii chu Fin. Secy. atan ruat thar a ni.  Tin, Section Exe. Committee Member boral ta Tv. Biakthanmawia hriatrengna Citation chu a chhungte hnenah hlan a ni. Tin, Nl. Rosie Lalawmpuii Fin. Secy chuan pasal a neih lawmpui nan lawmpuina thuziak hlan a ni bawk.
    Pu R. Hmingthansiama te chhungkua chuan an fapa Tv. Biakthanmawia (L) hriatreng nan \angkai tak a hman atan Nebulizer \ha tak mai Section kutah an hlan bawk.
    Hlimkhawpui July- Aug. thla chhung semtu atan heng mite hi ruat an ni. Thlanmual ah - Nl. Laldinpuii, kawngchhak lam - Nl. C.Lalhriatpuii, Kawngthlang lamah - Tv. Lalkhawngaiha te ruat an ni. 

Hriatpuina chung chang
    Birth Certificate lakna tur atana  Branch YMA hriatpuina la tur ten Vote kan nei tawh a nih chuan mahni Voter ID card  ken tel ngei tur a ni a, kumtlinglo (Vote la nei lo) te erawh chuan nu emaw pa emaw Voter ID Card ken mai tur a ni ang.

    Sd/- Lalrinmawia
    Secretary.  

CHHIARTUTE NGAIHDAN :

@@    Tunlai chu vengthlang lama awm nih a hrehawm hle, ruah a sur duh si a, Indoor hnuaia kal \hin tan phei chuan Indoor tui dawn far a nasain a lo farna a sang si a, kal vel a hrehawm thei hle mai. Thuneitu ten min siam \hat sak thei se ka va ti em.. Tin, fur lai a ni a, tui hawk mai bakah tuichhe paih tenawm tak tak nen vantlang kawngah a rawn luang nguai nguai mai reng bawk si a, midang tana harsatna siam lo zawng a kan tui chhia te hi paih theih hram nise ava duh awm em.
-   Mi tam zawk kawmthlang a awm ve-a

Keimahni chhunzawmna.....

Pakhatna lawmna hun hmang
    July ni 10, 2015 (Zirtawpni) zan khan YMA Hall-ah Buala Section ten Kum 2015 YMA Day intihsiakna a lawmman pakhatna an nih lawmna hun an hmang.
    Programme hi chhawng hnih niin chhawngkhatna hi Pu J. Vanlalbiakdika Leader in a kai hruai a, Tv. Zonunsanga Asst. Secy. in hunserh hmangin, Tv. Siamthangpuia Secy in Report a pe bawk. hemi hnu hian ‘Ka pianna Zo ram nuam’ tih hla chu hlim takin kalkhawm ten an sa ho bawk a ni.  Tin, Pu R. Lalhmingliana’n Pu Bualsuakpuia tu leh fate aiawhin thu sawina a nei a, hemi hnu hian Nl. Lalruatdikin kalkhawm te chu zai mawi takin a awi leh a ni. Tin, Tv. C, Lalhminghthanga Member LC in ‘Faina chungchang’ thuchah pawimawh tak a sawi zawh hnuin hun khat na chu hman zawh a ni.
    A hun hnihna (Second Session) hi Tv. Zonunkima Fin. Secy. leh Tv. C. Zosangzuala ten an kaihruai (Host) a, Section aiawh a Solo Competition a tel Nl. Lalchhanhimi leh Nl. Lalramnghaki te thiam takin an zai a, hemi hnu hian  Pu Vanlaltluanga Pre. BYMA in Member fuihna thuchah \ha tak a sawi. Tin, Lalnunpuia’n fiamthu thianghlim thawhin kalkhawm te a nuihtir nasa hle bawk.Hemi hnu hian he zan hman a nih theih chhan- lawmman pakhatna lak a nih theih nana Section aiawh a YMA Day intihsiakna a tel te zawng zawng chawimawina hun neih a ni a, pangpar mawi tak hlan vek an ni.  Hemi hnu hian Section OB ten mit leh beng titlai tak an show bawk a, tin, Section Dance Crew 2015 ten lam mawi tak an entir a, hemi hnu hian Pu Lalchhandama Renthlei Treasurer in lawmthu sawina hun neiin kham lo takin hun chu hman zawh a ni ta a ni.
    Hemi zan hian Mizo inchei a inchei tura hruaitu ten an ngen angin member tam tak te chu Mizo incheiin an in chei a, hmuh an nuam hle. Hemi zanah hian Mizo inthuama inthuam a\angin Nl. Lalhmingmawii D/o Hrangchhuana chu Lady Of the Night  atan thlan niin Lalrinmuana S/o Lallungmuana chu Man Of the Night atan thlan a ni bawk.  He hun hmanpui tur hian Local Council, Branch YMA OB, Hlimkhawpui Editorial Board te bakah, Section YMA tin OB te leh YMA Day ladies pathumte sawm an nih angin kal an \ha thawkhat hle.
    Tin, Section hmingput chhan Pu Bualsuakpuia (Pu Buala)- Hlimen Lal hnuhnung ber tu leh fa te sawm an nih angin kal an \ha hnem hle a ni. An tiphuisui hle a ni. Tin, Puia Restaurant te siam eitur tui tak chu eiin kalkhawm te an \in a ni.
    Buala Section te hian kumtawp lamah Section huamchhunga chawimawi phute chawimawina hun neih an tum bawk niin thu kan dawng bawk.    

Vawkhniakzawn thla Ni 11, 2015, Issue No. 28

PAGE - 1

TUALCHHUNG :

Damlo:  Tv. Lalmuanpuia S/o Laldawngliana (L) Buala Sec. a mi chu rannung seh avangin July ni 9, 2015 (Ningani) khan Durtlang Hospital ah Admit a ni.

@@    Pi Zorinkimi W/o Lalbiakdika, Saichhuma Sec. a mi chu zunkawng \halo avangin July ni 8, 2015 (Nilaini) khan Bethani Hospital, Kawlthei huanah Admit a ni. A ni hi thlathar mai a nau nei tur a ni.

@@    Lalremruati D/o Mistiri Soren, Vawmphunga Sec. chu taksa chaklohna hrang hrang avangin July ni 5, 2015 (Pathianni) khan Durtlang Hospital-ah Admit a ni.

@@    Pi Lalruatsangi W/o Lalliankima, Kapdaia Sec. a mi chu kaw\halo leh luak  avangin Kulikawn Damdawiin ah hun engemaw chen enkawl a ni a, tunah a lo chhuak leh ta.

@@    Lalmuanpuii D/o Lungmuanzova, Kapdaia Sec. a mi chu kaw\halo leh luak avangin hun engemaw chen a\ang khan in lamah enkawl a ni.

@@    Reuben Remtluangpuia S/o Vanlaldawla, Saichhuma Sec. a mi chu Broncritis avangin July ni 3, 2015 khan Kulikawn Hospita-ah Admit a ni a. Hospital lamah hian enkawl mek a ni.

    Damlo zawng zawng ten dam leh hrisel taka hringnun an hman leh ngei theihna turin duhsakna kan hlan mawlh mawlh e.

Nâu nei thar:  Pu Lalrinpuia leh Amcy Dengzikpuii te nupa, Kapdaia Sec. a mite chuan an fahmingkoh ni turin Referral Hospital Falkawnah fapa duhawm tak an nei thar.

Duty ngawrh:  Tunlai hian Damveng Welfare te chu ruihhlo chi hrang hrang leh ruk ruk hluar zel tur vengin an duty ngawrh hle. Chhun leh zanah Duty insiamin an hah thei hle a, an hmalak na zel turah pheikhai rual taka veng mipui te \angho zel turin an in sawm a ni.  

FRONT :

M.H.I.P. DAY ROPUI TAKA LAWM A NI

    Mizo Hmeichhe Insuihkhawm Pawl (MHIP) Day vawi 41 na chu Hlimen Branch MHIP te chuan July ni 6, 2015 (Thawh\anni) khan  ruai nen ropui takin an lawm. Chawhma Dar 10:00 ah Day lawmna hun hi hman \an a ni a, YMA Hall-ah infiamna chi hrang hrang hmangin intihhlimna hun an hmang a. Member te an hlim tlangin hlawkthlak an ti hle.
     Tin, Chawhnu Dar 1:30 ah YMA Hall-ah Day lawmna Function an hmang bawk a, he programme hi Pi Zonunkimi, President in a kaihruai a, Pi Biakmawii Committee Member in hunserh a hmang a. Hemi zawh hian MHIP Hqrs. President in Day puala a thuchah chu Pi Biak\huami, Secretary in a chhiar chhuak bawk a ni. He Programme ah hian Pi Zodinpuii, Social Welfare Deptt. a Superintendent chu khuallian a hman a ni a, a hnen a\ang hian thusawi ngaihnawm tak ngaihthlak a ni. Tin thu sawi dang - Pu R.Lalngheta, Central YMA Executive Committee Member, MUP Unit aiawh, Branch YMA aiawh leh Local Council a\angin ngaihthak a ni bawk.
    Kalkhawm mipuite hi Nl. Lalramnghaki, Mizo Idol Top 50 leh Pi Lalhmangaihzuali, Buala Sec. ten zaiin an awi a, Pi Lalramchhani, Committee Member hnen a\angin Recitation ngaihthlak a ni bawk a, Pi Lallianpuii hnen a\angin Special Item hmuhnawm tak thlir a ngaihthlak a ni bawk a ni. Tin, Local Council Member hmeichhia pahnih - Pi Tlangkhumi leh Pi Lalhmingthangi te chu chawimawina hun hmangin MHIP Hqrs. in Certificate a buatsaih bakah pangpar hlan an ni. MHIP Day lawmna a tel an Member upa zual 3 - Pi Biakdangi (SCS), Pi Tlangmawii (DVS), Pi Zamawii (KDS) te hnenah lawmman Tourch Light an pe bawk a ni.
    Hlimen MHIP Branch te hian an Day lawmna senso atan hian a tel tur Member pakhatin ` 50 \heuh an thawh a. Tin, senso phuhruk nan hian Lucky Ticket an siam bawk a, Day lawm ni tlai khan vawr niin heng mite hian an man a ni :-
    1st Prize - Azari, (SCS)
    2nd Prize - Awmpuia, (Melthum)
    3rd Prize - Pi Lalruaii, (BS)
    MHIP Day lawma kalkhawm zawng zawng te hian tlaiah ruai tuihnai tak an kil ho nghal a ni.
    MHIP Day an hman tak a hlawhtlin theih nana tha leh zung, sum leh pai sengtu zawng zawngte chungah Hlimen MHIP Branch hruaitu te chuan lawmthu an sawi tak zet zet a ni.

EDITORIAL :

             KHUA LEH TUI |HA
    Khua leh tui \ha ni tur hian thil tam tak leh harsa tak tak kan va tih hi a ngai  ber awm love, khua leh tui \ha kan nih theih lohna nachhante hi thil dang vak a ni lo in a lang. Kan nitin nuna midangte nena kan khawsak hona ah te, kan in\henawm khawvenna ah te, \anpui ngai \anpui kawngah te midangte khum a chet a har a ni mai thei. Mahse mi ruala kal erawh thil harsa niin a lang lo. Hetiang a kan nun kan hman hian khua leh tui \ha kan ni mai lo maw??
    Khua leh tui \ha ni tur chuan dan hriat a pawimawh em em a. Thilsual titu hremna dan ‘Indian Penal Code’ a awm a, thil sual lian tham titu te man dan tur kaihhruaina ‘Criminal Procedure Code’ a awm bawk a, a tenau deuh man dan tur kaihhruaina ‘Civil Procedure Code’ a awm bawk a ni. Kan nitin khawsak phungah thil hote anga kan ngaih; dan anga hrem tuar theihna khawp thil a awm nual thei a, dan hriatna lamah hian kan beng kan chhit a ngai hle mai.
    Tin, khua leh tui \ha ni tur chuan dan leh thupek kan zah a, kan zawm a ngai a. Khawtlang tana hnawk leh buaipui ngaiin kan awm tur a ni lovang. Khawtlang hruaitute zah thiam ila, khawtlang leh \henawm khawvengte tan hnawksak leh phunnawina siamtu ni lovin khua leh tui kan nih angin kan chunga tih tur lo tla chu kan hlen \hin a pawimawh hle a ni. Mitin ten khua leh tui kan nihna kawngah eng dinhmunah chiah nge kan din tih inchhut nawn fo ila, midangte tana malsawmna ni turin theihtawp i chhuah ang u.

ZIAKTUTE HUANG :

RAM LEH HNAM HUMHALH
by- B.Lalbiakmawia
Chhunzawmna...
    Hnam nun kalsual tur leh hnam nihna (Identity) vawn him, rin hran nei Hindu ten an hnam kût- Puja na-ah an hnam inchei - Sari leh Saluar ha a an pathian VISHNU leh KRISHNA  te an biak theih lai leh Muslim hovin an zawngte lukhum (Namastopy) khum a an kut Id nikhua a an pathian Allah Akbar an biak theih lai hian, engvangin nge Mizote hian Chapchar Kut ah KHUMBEU leh KAWRCHEI nen kan Pathian Krista chu kan biak theih loh bik lem ang le??
    Inchenchilhna leh khawsakhona a\ang hian hnamzia leh nunphung inlak tawn a awl em em a. Hnam naupang zawkte phei chuan belhchian kan dawl lo fo \hin. keini Mizote ngei pawh hi khawvelin hnam anga min hriat ve chin chu kum 100 emaw awrh chauh a la a ni a. Chutih laiin kan ramah hian ram leilung fa ni lo, ramdang mi (floating population) 1.5 lakh lai an awm niin sawi a ni. Chuvangin hnam nihna (Identity) humhalh kawngah te, takna leh mize nghehna kawngah te chen hian ngêlnghehna kan tlachham em em a ni. A bikin eizawnna leh sumsawnna kawnga kan intlansiak dante leh ni hnih khat lek kara Politics a ngaihdan kan thlakthleng zung zungte phei hi chu a pawi lai zawnga pawi lai ber; \halaite tibeidawngtu a nih mai te pawh a hlauhawm rum rum mai.
    Culture han tih hian ngaihdan a inpersan thei hle a.  Culture hi hnam \obul tihna a ni ngawt lova,  hnam khaidingtu ber, a hnuktu i ti mai teh ang . Culture a bo chuan hnam a boral \hin tih hi sawi nawn fo ngai a ni tawh love. Culture innghahna chu Civilization te, Society leh tradition te a ni a. Engpawhnise, Mizo Culture dik tak leh nihna pholangtu, tlawmngaihna, rinawmna, taimakna, hawihhawmna te chhawm chhuak zel chungin hnam lam leh zaite hi uar sauh sauh zel ila, mi tam takin heng kan hnam zemawi tlawmngaihnate hi bo ta duakah kan ngai \hin a. Amaherawhchu, heng hnam zemawi te hi ze inthup leh biru a nih avangin a boral a ni ngawt lo. Ram leh hnam humhalh tur chuan thuawihna leh hnam a chian a, nihna \an ngam, din tlangpui ngam hi thil \ul ber a ni dawn lawm ni. Hnam inpumkhatna te hi a \ha love ka ti lo. Ringlo mi nena nghawngkawl bat dun lo tura thupek dawngtute kan nih hi hre thar ila, inpumkhat dan tawk chin i thiam ang u. Engvangin nge Chungnungbera khian hnam tin tan ramri te a kham a, hunbi te a ruat chu le? Bul hmun khat chuan min siam ngei a, chang ho luih luih tur erawh chuan min ti chiah lo pawh a ni ang e.
    Buhsî in a len bo zawh ang maiin; Mizo nunze mawinate hi chatuana êngah chuan sengluh tur awm lovin khawilam thli chhia in emaw a len bo ve hlauh dah ang e. Chuvangin, he indona ah hian khawvel lalte ni lovin Isua chauh kan rinchhan tur a ni. “Hei hi a ni khawvel hneha ngamna chu, kan RINNA hi ..” Isua hi Pathian fapa a ni tia ringtu chauh lo chuan tuin nge khawvel ngam \hin ang le? (Johana lehkha 5:4) Ram leh hnam inkara inremna a lo awm hian a tu emaw zawk tan chuan hek hlaihna a thleng duh khawp mai. Chuvangin inrem lovin i hneh ang u ka ti a ni. Kan mi dote hi tisa chuan kan hneh lovang; thutak leh thlarau erawh chuan kan hneh ngei ang, tawrhna leh thlantui i’n kan ram leh hnam humhalh nan i do ang u. Mizo te hian mahni ke a ding turin huaisenna kan tlachham ta em ni? India dan hnuaiah ngei hian India danpui leh kan Kristianna kalh si lovin, tharum leh thisen chhuah hek lovin i hneh ang u.
- Issue lehah chhunzawm a ni ang..

PAGE - 3

HRIATTIRNA :

JAC hriattirna
    Vengchhung a lo thianghlim zawk nan khawtlang tana hnawk - ruihhlo zuartu, rui buai leh ruk hmang te thil ru  etc. kan hriat chuan heng Ph. No : 9862221774,9862090227, 9862367760 ah te hian phone vat \hin tur a ni a, kan hmelhriat, \henawm leh \hian te pawh nise Report hreh lo turin kan in hriattir e.
    Tin, tunlaiin mi huanthlai lak ruk sak mai bakah zuar \hin kan awm tih hriat a ni a, hetiang tihching man emaw kan awm a nih chuan action lak a ni ang.

Local Council hriattirna
    Hlimen tlang; Zophei zau, kum tina kang \hin - a bikin Hauhuk kai tlâng (Kross phunna tlâng) a\anga raldankawn tlang chu - ramngaw siam (Afforestation) turin Local Council chuan hma a la a, nikum 2014 June thla khan thing engemaw zat phun a ni tawh a, kumin 2015 ah a kang tur ven niin tihkan loh a ni a. Tun July ni 1 & 2 khan thing engemaw zat phun a ni leh bawk a, helai hmun hi humhalh tlat a ni a, tumahin thing leh hnim (bawngchaw a tan pawh) lak phal loh a ni tih khawtlang mipuite kan inhriattir a. Lo la lui/tichereu kan awm chuan an chungah Action lak a ni dawn a ni tih kan inhriattir lawk e.
    Tin, Kross phunna hmun tlawhtute pawhin thing/thingtuai te dimdawi turin kan inngen bawk a, helai hmun tlang ro ni \hin hi hmun hring/hmun nuam tak ni turin chei tum a ni a, mipuite \anpuina kan ngen tak meuh meuh bawk a ni.
   
    Sd/- Lalhmingliana
    Chairman
    Local Council, Hlimen

Camping hriattirna
    Tunkar lo awm tur July ni 13 - 18, 2015 chhung hian Gospel Camping neih chhunzawm leh tur a ni a. Khawtlang leh kohhran mipui zawng zawngte kawng tinrenga min \awiawm leh \heuh turin Lal Isua Krista hmingin kan sawm a che u.
    A hmun : Pu R.Lalngheta In, Thlanmual
    Camp lut tur ten mutbu, thleng, no, Bible, pen leh note book ken \heuh tur a ni e. Tlai dar 5:00 hmain lut turte kim nise, Camping na hmunah zanriah ei nghal tur a ni ang.
   
    Sd/- Lalduhsanga
    Chairman
    Camping Organising Committee

ZDU member ni duh tan
    ZDU (Zoram Driver Union) Member ni duh chuan Pu Lalrinmawia (SCS), Pu Hmingthanzama(SCS), Pu Laikunga (SCS) leh Pu H. Liansanga (DV) te zinga a tu emaw ber hnenah Passport thlalak Copy 2 leh Membership fee ` 400/- kengin member a nih theih a, member ni duh chuan a ranglama tih a \ha hle ang.

LAWRKHAWM :

B.A. result chhuak
    Mizoram University chuan July ni 10, 2015 khan B.A. leh a tlukpui result a tichhuak ta a. Kan veng a\anga B.A. passed kan hriat theih chinte chu heng mite hi an ni e :-
1. Lalhriatpuii D/o Rozuala (SCS)    2nd Div.
2. Lalhmingduhawmi D/o Hrangchhuana (BS)    2nd Div
3. Lalthanpari D/o Vanlalchuanga (BS)    2nd Div
4. Lalremruati D/o Lalthankima (VP)    2nd Div
5. Jessica Lalramnghaki D/o Lalramthanga(SC)    2nd Div
6. Vanlalnghaka S/o Zarzoliana (BS)    2nd Div
7. Lalhruaitluanga S/o K.Vanlalsanga (DV)    2nd Div
8. Malsawmtluanga S/o Zaihmingthanga (SC)    2nd Div
9. Andrew Vannneihtluanga (VP)    2nd Div
       S/o Zolianchhunga
10. Judy Zonunsangi C/o Vanrothanga (SC)    Passed
11. Lalparmawii D/o Lalvuana (L) (VP)    Passed
12. Lalmuanawma S/o H.Lalzuiliana (DV)    Passed
13. Hmingthantluangi D/o Lalawmpuia (BS)    Passed
14. Lalrohlua S/o Hmingthanzama (SC)    Passed

J.A.C. hmalakna
    July ni 7, 2015 zan khan ruk ruk chung changah mi 3 koh an ni a, an thil ruk hi an hralhna hnenah an hralhna zat pek lettir lehin lak let sak leh a ni.

Lawmthu sawina
    Tunkar July ni 6 - 11, 2015 chhunga Pathian rinchhan a Gospel Camping kan neih chu a takin Pathian min chhanna kohhran mipui kaltlangin kan dawng a. A hmun hma leh ei leh bar, sum leh pai, tha leh tui bakah kan mamawh apiang tlachham lova min siamtu leh min \awng\aisaktu zawng zawngte Lalpa’n a let tam takin malsawm che u rawh se.
    Sd/- Lalduhsanga
    Chairman
    Camping Organising Committee

ration card surrender chung chang
    Mizoram Sorkar hnuaia Food, Civil Supplies & Consumer Affairs Deptt. in Public Distribution System \ha taka kalpui a nih nan leh miharsa zawk ten heng buhfai, khawnvartui, chini leh thil dangte ration card hmanga hnianghnar zawka an hmuh theih nan vengchhung mi mahni ration card surrender theite kan awm a nih chuan kan awmna \heuh District Civil Supply Officer, Aizawl ‘E’ Venghlui, Aizawl ‘W’ Khatla ah emaw Directorate of Food, Civil Supplies & Consumer Affairs Deptt. Treasury Square ah thehlut \heuh turin kan inngen tak meuh meuh a ni.
    Ration Card Surrender tute hnenah hian Supply Deptt. chuan Official Identification a hman turin White Ration Card a lo pe zel ang.
    Sd/- Secretary
    Aizawl Minicipal Council

In report tur
    July ni 15, 2015 ralhmain Hlimen a motor eng chi pawh nei reng reng in Document kimchang- Registration hmingputu(neitu hmasa document etc.) , Lirthei Number etc te kengin Local Council Office ah in report tur a ni tih kan in hriattir e.
              Sd/- Lalhmingliana Chairman. LC 

PAGE - 4

KEIMAHNI :

Hlimkhawpui Budget
    Hlimkhawpui  2015  May & June  thla Budget  pe tla tawh te:
1.    Kapdaia Sec.    2.  Vawmphunga Sec.
3.    Lalsavunga Sec.    4.  Damvea Sec.
5.  Saichhuma Sec.    6.  Buala Sec.
    Kapdaia Sec. ten July & August thla budget an tlak ta bawk.

VENG/KAWN CHEI COMMITTEE
    July ni 14, 2015 (Thawhlehni) zan dar 7:30 ah YMA Hall-ah veng/kawn chei Committee koh a ni a. Kohna sem a ni dawn tho na a, hmu lo palh te pawhin hei hi kohna a ngaih tur a ni e.
    Sd/- Secretary
    Veng/Kawn Chei Committee



Branch YMA Committee kohna
    A hun : July ni 17, 2015 (Zirtawpni) 7:00 Pm
        A hmun : YMA Hall
    Committee kohna hi sem tum a ni a, hmulo palh kan awm a nih pawhin hei hi kohna puitlinga ngaih tur a ni e.
                                                Sd/-Secretary

Buala section
    Kum 2015 a YMA Day a Section in elna hrang hrang a lawmman pakhatna lak lawmna chu July ni 10, 2015(Zirtawpni) zan khan neih a ni a.  A lawmna atana sum thawhtu te :- Pu Vanlalhruaia ` 500, Pi Zoliani ` 500, Pu Lalramchuana ` 1500, Pu R. Lalzuala ` 1000, Pu Hrangchhuana ` 500, Pu Ro\huama ` 1000, Pu R. Lalngheta ` 500, Pu Lianhmingthanga ` 100, Pu Zoramthanga ` 200, Pu Robuanga ` 500, Pu R. Lalngaihawma ` 500, Pu Lalthanpuia ` 1000, Pu Lalengliana ` 1000, Pu Lalbiakvela ` 500 te mai bakah Local Council-in `500, Kapdaia Sec. in ` 200, Saichhuma Sec ten `500 te min pe a kan va lawm em. Tin, Pu Bualsuakpuia tu leh faten Dekchi \ha tak mai hemi zan hian min pe bawk a, kan lawm tak  zet zet bawk a .
    Tin, Tv. Lalkhawmawia leh Pu Zoramkalsiama ( ETV) ten thlalakna nen min vil renga, an chungah pawh lawmthu kan sawi bawk. Tin, Branch YMA leh Local Council te, Pu Buala tu leh faten min uap tlat avang khan kan va lawm em. Kan Sawm bik dang- Section OB chungah te, YMA Day Ladies chungah te, ei leh in min siamtu te, Section chhunga Item nei tur kan sawm te chungah te leh a ti hlawhtingtu lokal khawm zawng zawng te chungah te lawmthu kan sawi a. Tin, he hun kan hman theih na chhan YMA Day a Participant zawng zawng te chungah lawmthu kan sawi a ni. Hei bakah pawh lawmthu sawina tam tak a awm a, kan sawi seng lo . Engkimah lawmthu kan sawi tak meuh meuh a ni e.
Sd/- Secretary

Kapdaia Section    Section Committee kohna leh lehkha dang chhut ngai ang ang te a thlawn a min tih sak \hin tu Pu Laltinkhuma chungah Section YMA ten lawmthu an sawi.

Lawrkhawm chhunzawmna...

BAWLHHLAWH PAIH CHUNG CHANG
    Sanitation Motor hmanga bawlhhlawh khawn ni atana ruat nilaini leh inrinni chu engemaw rokhawlhna (motor/driver) kan neih zeuh zeuh avangin a hun leh ni dikah bawlhhlawh paih theih loh chang kan neih zeuh avangin mipuite hriatthiamna kan ngen a. Chutih rualin Motor hire tur dang (tlan duh) an awm loh avangin tuna kan hman mekte hi tlawmngai a hire rate tlawma tlan an ni tih kan hriat telpui a \ha awm e.
    Kan bawlhhlawh paihte a pun nasat avangin motor, a bikin 407 ah a khat thei hle a, hei vang hian vawi 1 ah vengchhung khawnchhuah loh ni a awm zeuh zeuh a, kan hriatthiam tel a \ha awm e.
    Bawlhhlawh paih motor zui tur hian hlawhfa rawih a ni a, heng hlawhfate hian bawlhhlawh paihtute motor-a lo hlangkai an pui \hin tur a ni a. Motor a Duty a ngaih avangin bawlhhlawh lakhawm a/ hlangkai tura motor a\anga chhuk a rem \hin lova, kan bawlhhlawhte kawngsir a daha kalsan mai lovin bawlhhlawh motor lo kal laia mahni bawlhhlawhte paih tum \heuh turin kan inngen bawk a ni. Bawlhhlawh paih dan kalphung thar (a \awih thei leh thei lo, recycled theih te thliar hran) zawm ve turin dil mek a ni a. Tun aia changkang zawk leh \ha zawkin kan kal thei turah ngai ila, tuna kan paih dan hi duhthu a sam lo a nih pawhin hrethiam hram hram turin mipuite kan inngen a ni.
    May leh June 2015 atan bawlhhlawh paihna fee (user charge) lakkhawm a hun leh ta a, a khawntute tana harsatna siam lova, chhung tin ten lo pe leh \heuh turin kan ngen che u a, bawlhhlawh paih danah hriatthiam loh emaw thurawn pe duh kan awm chuan 9436142302 / 9862790746 ah biak mai nise.
    Hetiang hi March & April 2015 atana bawlhhlawh paihna fee (user charge) lak khawm zat leh hmandan a ni :-
1.    Hmuh zawng zawng                =     18,050
2.    Hmanral dan :-
    1) LPK vawi         17 X 200             =       3400
    2) Pick-Up vawi     9 X 250                   =       2250
    3) Labour 1  vawi 17 X 300                   =       5100
    4) Labour 2 vawi    9 X 250                   =       2250
    5) Collector hlawh                                     =         2000
    6) Others (Xerox, Glove, Receipt etc..) =      1500
                                Total =     16500
3.     Balance  =          18050 - 16500            =       1550

    Sd/- Secretary
    PPP Mode Committee

Mistiri training chung chang
    Central YMA in July ni 27 -  August ni 7, 2015 chhung hian ATI nen \angkawpin Cement Mistiri Training ATI Complex, New Secretariat Complex ah a buatsaih dawn a. Kan veng a\anga training duh tur chu July ni 18, 2015 ramhma in Secretary Pu Lalrinmawia hnenah in hriattir tur a ni e.

Kan lawm e
    Buala Section ten Hlimkhawpuio EB te in atan tiin Mineral Water (Amawii Package Drinking Water) um 6 lai min pe a kan va lawm e.

Vawkhniakzawn Thla Ni 4, 2015, Issue No. 27

PAGE - 1

TUALCHHUNG :

Damlo:  Pi Ralliani W/o Lalkamlova (L) Buala sec. a mi chu kaw\halo leh luak avangin Kulikawn Civil Hospital a hun engemaw chen a awm hnuin July ni 2, 2015(Ningani) khan a lo chhuak leh ta. 

@@    Lalhruaizela S/o R. Lalzuala Buala Sec. a mi chu New Life Hospital-ah June ni 29, 2015(Thawh\anni) khan Sciatica avangin zai a ni a, July ni 2, 2015(Ningani) khan inlama enkawl chhunzawm turin a lo chhuak leh ta.

@@    Lalrawna S/o Sailiantawna (L) Buala Sec. a mi chu Referal Hospital ah taksa lam chak lohna avangin enkawl mek a ni.

@@    Nl. Lalmuanpuii D/o Thangrehlova Vawmphunga Sec. a mi chu June ni 27, 2015(Inrinni) a belthel kal tur Venglai kawnah a chesual palh a, a khup ruh a ti pelh a, Doctor panpui a nih hnuin inlamah enkawl mek a ni.

@@    Pi Lalhmingthangi Kapdaia Sec. a mi chu kaw\halo leh luak avangin Kulikawn Civil Hospital-ah hun engemaw chen enkawl a nih hnuin inlam enkawl chhunzawm mek a ni.

Nau nei thar:  Pu Laltlanchhuaha leh Pi Es-i te nupa Damvea Sec. a mite chuan June ni 30, 2015 (thawhlehni) khan fapa duhawm tak an nei thar. An naute hi a chuap lam a \hat tawk loh avangin July ni 2, 2015(Ningani) khan Civil Hospital-ah Admit a ni.

Tuak thar:  Dr. Jerome Lalrinawma S/o H.Lalrammawia, Kapdaia Sec. a mi leh Dr. Zomuanpuii, Chanmari veng te chuan June ni 30, 2015 (Thawhlehni) khan dam chhunga nupa ni turin ‘tiam tlat e’ an ti.

Health Clinic:  Mualzawl a Health Clinic chu an hmun thar, Thlanmual -I a M.U.P in bulah July ni 1, 2015(Nilaini) khan an insuan lut fel ta.

Thisen pe:  Salvation Army ten Founder’s Day pualin Civil Hospital a hman turin July ni 4, 2015(Inrinni) hian thisen an pe a, Hlimen Corps SAY member engemaw zat in thisen hi an pe a ni.

FRONT :

RAM LEH HNAM HUMHALH
by- B.Lalbiakmawia
    Ram leh hnam humhalh tih hi kumpuan a zawng a pawimawh ber leh huap zau ber a ngaih a ni a, sawi tawh tih pawh a awm thei lo. Hun rei tak a\anga kan lo sawi tawh pawh nise, Matthaia ziak pawh Pastor Liangkhaia te, Pastor Chhuahkhama te’n an sawi tawh a, an chhiar tawh a, tun thlengin kan la sawi zel tho a, chuvangin,  Pu J.H Zoremthanga te, Pu Vanlalzawma te leh midang tam tak ten mah se; en zawh pawh a en leh \ul \hin si - Leng tleitiri tih ang deuhin sawi tawh pawh sawi nawn sawi nawn a ngai a. Kan tan a \ul a, a pawimawh a, sawi a ziah a, chhiar a, hriat mai hi a tawk lova, a tak ngei a Zoram mipui \halai rual te hian kan hman a \ul ta takzet zawng a ni e. Chuvangin, a hlawhtlinna kan sawi dan leh pawm dan pawh a inchen hleithei \hin lo a ni. Engpawhnise, YMA hmalakna chuan rah duhawm tak chhuahin ram leh hnam hmangaihna kawngah min \hanharh tir mek zel a, a lawmawm hle. Ram leh hnam humhalh tih hi a tih vawikua na atan hial a puan nawn leh a lo ni ta a ni. Kan hriat ringawt te, kumpuan a kan hman ringawt te hi a tawk lova, a tak ngei a Ram leh Hnam hi kan humhalh a ngai si a, sawi leh ziah leh chhiar a tam zawngin zâwmtu leh a taka hmangtu pawh an tam nge nge ang chu. Thil reng reng hi hriat tam ngang chuan kan ngaipawimawh nge nge \hin a, a nih loh vek leh kan ning a, ngeiawm lamah pawh a kal thei a ni. Amaherawhchu, he kan Ram leh Hnam humhalh hi chu tumahin kan nin a rinawm loh a, a \ulzia hriat hi a pawimawh takzet zawk a ni.
    Pi leh pu leh hnam pasal\ha ten hrehawm tinreng tuar a, puak phur leh thi khawp hial a an ram sahchhuah ‘ Mizoram’ \hendarh a, sahthlak tumna dodal tur te, retheih luat avanga hnamdang thu hnuai a bawkkhup a kan kun  loh nana hma lak a \ul zia te, hnam nihna (Indentity) vawn him leh hnam nun kalsual tur laka inven te, kan ram rohlu - thing leh mau, lui leh nungcha humhalh te leh thiamna kawnga hnamdangin min tlan khalh loh nan zirna uar chhunzawm zel te- heng kawng hrang hrang khaikhawm nan hian ‘ Ram leh Hnam humhalh’ tih chu kumpuan thupui a kan hman chhan pawh a nih a rinawm. Inchimralna hrang hrang laka inven leh Mizo te dam khawchhuahna tura hma lak tih hian kan kumpuan tihhlawhtlinna hi a khaikhawm ber awm e. Hetiang hian in sawichhunzawm teh ang.
    Politic avanga inchim ralna ( Political Assimilation) - mipuiin roreltu (Legislator) an thlanna ram (Democratic Country) ah chuan Vote hi a pawimawh ber a. Chuvangin, leilung fate chanvo hnamdangin min luahlan sak mai loh nan Electoral Roll siam\hatna (Electoral Roll Revision) hrang hrangah ram dang mi leh hnamdang mi, danlova Mizorama chengte thunluh an nih loh nan leh dan in a phal bak Electoral Roll a thun luh a nih loh nan tih takzet ahmalak a, khua leh tui (Citizen) dik tak chhinchhiah tlat te, ram dang mi leh hnamdangmi; dan lova kan rama an luh loh nana Inner Line Regulation hman \angkai te, chibing hmanga Politics khelh loh te, hnamdang nupui/pasal inneih pawlh loh te, ram pawn a\anga lo kal hnamdangin khua leh tui nih na Claim theih loh nan a Birth- 

PAGE - 2

EDITORIAL :

             RAMNGAW LEH NUNGCHA HUMHALH
    Ramngâw leh nungcha humhalh pawimawh zia hi tun thlengin inhrilhhriat a la ngai fô niin a lang a. Hmalam hun \ha zawk kan neih theih nan khuanu lo duan tawh sa hi duat tak leh uluk taka kan enkawl hi a pawimawh hle a ni.
    Pî leh pû te hunah khan pasal\ha an tehna ber pakhat chu sa kap thei kha a ni a, chu chu thangchhuahna niin sa kah tam kha an ‘Aim in life’  a ni. Chu chu tuna Computer Era-a cheng tawh mi \henkhat hian kan la paih hlei thei lo a, a pawi a ni. Chawlh hman nan leh hunawl hnawhkhah nan ramvah ching kan la awm a, mi changkang leh vengva tak tura ngaih si; silai/sairawkherh nena chhuah hi kan zak miah lova. Hengte hi kan sim hunah chuan kan ram hi ‘Animal Planet’ ah kan siam ngei ang.
    Mihring, nungcha leh thing leh mau te hi inmamawh tawn vek kan ni a. He kan nunhona leh inbuk tawk taka kan khawsak hona hi Ecological Balance an ti a. Amaherawhchu, ramngaw kan tichereu nasa lutuk a, ramsa leh sava ten eitur nei lovin kan thlawhhma-ah an rawn \uan mai niin a lang a. Kan thlawhhma siamte ramsa leh sava avanga kan hlawhchham hian kan tuh rah kan seng a ni lek mai lo maw?? Khaw awmdan leh ruahtui tlak dan mumal loh avanga kan thlai chinah kan hlawhtling zo ta lote hi ramngâw leh nungcha kan humhalh \hat loh vang a ni a, vui thei kan ni lovang.
    Inring tawn leh inmamawh tawn vek kan ni a, chuvangin kan chheh vela nungcha leh ramngawte hi duat taka kan enkawl a ngai a. Chhia leh \ha hriate hian chu chu kan tichhe mek a nih hi !!!
    Khuanu in mihringte tana a lo dah hi kan renchem thiam a, kan enkawl ngun a, a theih ang anga kan duat hi nang leh kei mawhphurhna a ni dawn lawmni ??? 

Front chhunzawmna...........
Certificate leh Ration Card te a nihna tak a hman te; heng kan duhna te leh beiseina te hi thawklehkhatah thleng nghal mai lo mah se kan beidawng tur a ni lo. Hawh u, i ngaihtuah thar leh ang u. Heti chen hi kan lo ngaihtuah tawh a, Israel hote pawh Babulon sala an tan hlan a an Jerusalem chhe tawh leh chim tawh din thar leh turin Nehemia khan, “  Hawh teh u, i din thar leh tak ang u khai.” tiin mipui a sawm a, keini pawh kum engemaw tichhung Ram leh hnam humhalh lohna sal a kan tan hnuah kan ram neih chhun te humhalh a, ram nuam leh mawi - Chhawrpial Rûn, Partin thang vulna la chang leh thei hi humhalh tur hian i han in din thar leh teh ang u khai.
    Intodelh loh avanga inchimralna (Economic Assimilation) - khawsakna leh sum leh paia lo changkang tawh zawk te chuan changkang lo leh an hniam zawkna te denchhen a, an hnuai kun khawp a an awpna avangin inchimralna a awm thei a, Mizoramah hian za zela 75 vel te hi lo nei mi leh huan siam a eizawng te kan ni a, chutichungin, kum 1954 hnulamah kha chuan ei leh barah kan intodelh leh tawh ngai lo a ni. Chuvangin, ramdang a\anga ei leh bar kan lakluh \hin te thleng nana tharchhuah dang engmah kan neih bawk si loh chuan retheih leh pachhiat chu kan hmabak a ni lo thei  lo.  
    Sumdawnna leh pawisa lakluhna lian tham- Contract leh supply chungchangah te hian mahni tawk ah changkang inti ve tawh viau mah ila hnamdang te nen a zalen taka in el ralah chuan kan la puitling tawk lo em em a ni. Entirnan, Major Department bungrua mamawh supply chungchangah te hian. Tin, eizawnna tenau deuh (Petty Trade) - chawhmeh zawrh, rangkachak chher, Workshop a Motor siam, Cement in sak, Kelsa zawrh leh thingpui dawr te chen hian han thlir ila, ram neitu Mizo tlangval te aimahin ram dangmi te leh hmeichhia te hi a kul a taiah an \ang ta mah zawk niin a lang. Chuvangin, ‘khawngnge Mizo tlangval te hi ‘tih chu kan inzawhna a ni lo thei lo. Heti hrim hrim chuan kum reilo te chhungin Taxi Driver aia mahin ‘Taxi Laival’ an tam zawk mai ang tih te pawh a hlauhawm ta hle mai. Zingkar hnathawh chu sawi loh; zing Exer te pawh hi vaihovin an la \heka zo vek mai ang tih te pawh  a hlauhawm ta rum rum a ni. Chumi, awmzia chu Cheque leh Draft System a ni emaw kan sum lak luhna kawngah hian ram neitu Mizo te dinhmun chu a \ha lo hle a ni tih a chiang hle. Heng te avang hian tute nge ru si lova kan sum leh pai min laksak \hin tu te chu tih chu a hrechiang tute vek kan ni. Chuvangin, kan hma a thawh tur awm apiang te hi te lua nei lo va thawk peih ve turin insiam\hat ava \ul em!!
    Thu pawmawm tak chu hnam rethei an huai ngai lova, an rinawm ngai hek lo tih hi a ni. Chu’ng hnam te chuan pachhiat tawh mah naka laiin taimakna leh rinawmna an la tlachham zui a, beisei ai mahin an \awng thei zél a; mahni hlawkna a tel ve dawn loh chuan midang te tihchhiat duhna te hi an chemkalna zawng tak a ni nghe nghe \hin.
    India ram Prime Minister ropui tak pakhat chuan India ram retheihna um bo tura a hmalaknaah, “Intodelh tur chuan thawhrimna aia \ha hmanraw dang engmah ka hre lo a ni.” a lo ti thawt a. A ni lah taka, intodelhna leh hmasawnna reng reng hi a thlawnin thli angin hnamtin hnenah a insem darh ngawt ngai lova. Hnam hmasawn leh dingchhuak kan tih te pawh hi belhchian meuh chuan an thawhrimna rah sengtu te an lo ni. Chuvangin, thawhrimna paih a, thlan daia \hu tawh te kan awt ve a nih chuan Mizo kan nih avang ngawt leh YMA kan nih avang ngawt hian thawhrimna chu kan pumpelh thei bik hauh lo ang le. Chuvangin, intodelh loh avanga chimral kan nih loh nan dawhsana \hu te hian thawhrim ngai lova development leh hnathawh kawr ha lo zawng a chhandamna thu hi chu min zawrh tawh lo se ava duhawm em!
Issue leh ah chhunzawm leh a ni ang................
     

PAGE - 3

HRIATTIRNA :

Local Council hriattirna
    Fur khua a ni a,Side Drain hnawh emaw tui luanna dal in bungrua eng chi pawh emaw Motor emaw dah hnawk lo turin kan in hriattir nawn a, kawngpui a tui hawk luang hian kawng a tichhe hma a ni tih hriain mitin hei hi zawm vek tur a ni.
    Tin, In sa thar emaw zauh belh tur ten kut kan thlak hma ngeiin Local Council te hriattir ngei tur a ni a, in report loh avanga harsatna tawk kan awm a nih pawhin sawisel theih a awm lovang.
        Sd/- Lalhmingliana, Chairman LC

UPHC hriattirna
    UPHC Hlimen a Doctor chu June ni 29- 15 July, 2015 thleng chhungkaw rokhawlhna avanga chawlh la in hna a zawm theih dawn lo tih mipui kan in hriattir e.
     Tin, damlo kan hun hetiang hian siam a ni a, heng hun bakah chuan damlo kan a remchang lo a ni tih kan in hriattir bawk e:
    Zing lamah    :     8:00 am - 10:00 am
    Chawhnu lamah    :    1:00 pm - 3:00 pm
    Zan lamah    :    5 :00 pm - 7:00 pm

JAC hriattirna
    Vengchhung a lo thianghlim zawk nan khawtlang tana hnawk - ruihhlo zuartu, rui buai leh ruk hmang te thil ru  etc. kan hriat chuan heng Ph. No : 9862221774,9862090227, 9862367760 ah te hian phone vat \hin tur a ni a, kan hmelhriat, \henawm leh \hian te pawh nise report hreh lo turin kan in hriattir e.
    Tin, tunlaiin mi huanthlai lak ruk sak mai bakah zuar \hin kan awm tih hriat a ni a, hetiang tihching man emaw kan awm a nih chuan Action lak a ni ang.

Nihliap chhar
    Mi rinawm takin Alpine Hut-ah nihliap \ha tak mai a chhar, a neitu chuan a a nihphung chiang taka sawiin  Hlimkhawpui Editorial Board te zawhfiaha lam mai theih a ni e.

ZDU member ni duh tan
    ZDU (Zoram Driver Union) Member ni duh chuan Pu Lalrinmawia (SCS), Pu Hmingthangzauva(SCS), Pu Laikunga (SCS) leh Pu H. Liansanga (DV) te zinga a tu emaw ber hnenah Passport thlalak Copy 2 leh Membership fee ` 400/- kengin member a nih theih a, member ni duh chuan a ranglama tih a \ha hle ang.

    Tun\um Issue-a a Front atan a hman ‘Ram leh Hnam Humhalh’ tih hi Pu B. Lalbiakmawia, Kapdaia Section a mi ziak a ni a, he thuziak (Essay) hi YMA Day 2015 a Essay inziah siaka lawmman pakhatna dawngtu a ni a, a thu hi word 3000 vel  bawr lai a nih avangin a remchan dan ang zel a chhuah chhunzawm a ni ang. Tin, Essay dangte pawh chhuah zel tur a ruahman a ni.

LAWRKHAWM :

Bronze Medal hawn
    June ni 27, 2015 a neih zawh tak 10th Aizawl District Air Rifle/ Air Pistol inkahsiak MRA Shooting Gallery, Kulikawn a neih zawh takah Vanlalhruaii Ralte  D/o R. Lalhmachuana Vawmphunga a mi chuan 10 metre Air Rifle Senior (Hmeichhi-ah) Point 200 ah 174 hmuin Bronze Medal a dawng. An Club hi Black Hole Shooting Club(BHSC) niin Over all ah pahnihna an ni bawk. A ni hian Aizawl District aiawhin  State Level Competition lo awm tur ah a kap leh dawn a ni.

Chhandamna camping
    A hmun    :    Pu R. Lalngheta in (Thlanmual veng)
    A hun    :    July ni 6-11, 2015
    Speaker    :    Pu N. Zonunmawia , Pu Lalrampana
    Ken tur \ulte    :    Mutbu, Bible, Hlabu, Pen, Note Book,                 thleng leh no.
    Camp Fee a ngai lo anga, tlai chaw ei sa a luh tur a ni ang.

    Sd/- Duhsanga
    Chairman, Camping Organising Committee

Dam veng Welfare din
    Ruihhlo leh rukruk hluar chhoh zel avangin July ni 2, 2015(Ningani) zan khan Hlimen Damveng Presby. Kohhran Hall-ah Damvea Section YMA kaihhruaina in an Section huamchhunga chhungkaw 130 velah chhungkaw hotu ber  leh chungkaw aiawh mi 97 te inhmuhkhawm  a ni.         Ruihhlo leh rukruk hluar zel tihrem theih dan tur sawi ho a ni. Hemi kawnga chak taka hmalak a nih theih nan kalkhawm te hian Damveng Welfare Committee din nise an ti a,  hruaitu tur ruat chhuakin July ni 3, 2015(Zirtawpni) zan khan hetiang hian chanvo an insiam fel.
    Chairman    :    Pu JK Lalengzauva
    Vice Chairman    :    Pu J. Hnuna & Pu Lalrinzuala
    Secretary    :    Tv. Lalnunmawia
    Asst. Secretary    :    Pu R. Lalchhandama
    Treasurer    :    Pu Lalliankima
    Fin. Secy.    :    Pu H. Zothansiama
    Advisers    :    Pu Duhthusama, Pu F. Lalrawna, Pu H. Lalnunzira, Pu K. Vanlalsanga.
    Ex-Offcio    :    Pu Lalhmingliana Chairman, LC ,  Pi Lalhmingthangi Member LC.
    Tin, Committee Member ah hian Section YMA Office Bearer te bakah mi 26 ruat an ni bawk.

MHIP day
    July ni 6, 2015(Thawh\anni) hi Mizo Hmeichhe Insuihkhawm Pawl  dincham vawi -41na a ni a, MHIP Hlimen Branch pawh in MHIP Day  hi awmni khamin ropui taka hman an tum a ni. An Day lawmna atan hian Hlimen Branch YMA chuan ` 1000/- a hlan bawk.

    Happy Birth Day to Tv. R. Lalrindika, Joint Editor, Hlimkhawpui Weekly News Letter.. A lawm nan Hlimkhawpui EB ten tun Issue buatsaihnaah Arsa kan ei a, kan hlimin kan puar tlang hle mai. A ma hnena atanga thu dawn danin kum 17 a tling ve chiah a ni.

PAGE - 4

KEIMAHNI :

Hlimkhawpui Budget
    Hlimkhawpui  2015  May & June  thla Budget  pe tla tawh te:
1.    Kapdaia Sec.    2.  Vawmphunga Sec.
3.    Lalsavunga Sec.    4.  Damvea Sec.
5.  Saichhuma Sec.    6.  Buala Sec.

Buala Section
    July ni 10, 2015(Zirtawpni) zan dar 7:00  hian YMA Hall-ah YMA Day a lawmman pakhatna lak lawmna neih a ni dawn a, Programme pawh hetiang hian ruahman a ni. Member bakah nu leh pa, naupang te pawh kal vek tur a sawm kan ni a, a tam thei ang ber kal i tum ang u.

 First Session
    Hruaitu    :    Pu J. Vanlalbiakdika, Leader
    Hunserh    :    Tv. Zonunsanga, Asst. Secy.
    Report    :    Tv. Siamthangpuia, Secretary.
    Zaihona    :    ‘ Ka Pianna Zoram nuam’
    Thusawi tawi     :    Pu Buala(L) tu leh fate aiawh atangin
    Solo    :    Nl. Lalruatdiki
    Thusawi tawi     :    Local Council atangin
    (5mins)        ‘ Faina chungchang’

Second Session
    Hosts    :    Tv. Zonunkima Fin. Secy.
            & Tv. C. Zosangzuala
    Solo    :    Nl. Lalchhanhimi
    Thusawi tawi     :    Br.YMA O.B. atangin             (5mins)        - Fuihna thuchah
    Special Item    :    Lalnunpuia
    chawimawina    :    Section aiawhtute
    Special Item    :    Section O.B.
    Solo    :    Nl. Lalramnghaki
    Dance    :    Section Dance Crew 2015
    Vote Of Thanks    :    Pu Lalchhandama Renthlei, Tre.
    Tin, hemi zan hian mahni neih ang ang a Mizo incheina a in chei tur a ni a. Refreshment tuihnai tak  a awm bawk dawn a ni.
    Sd/- Secretary.

Saichhuma Section
    Property House atan Hlimkhawpui Office hnuai chu chei \hat a  luah fel a niin bungrua pawh dah luh fel a ni ta e.

A thlawnin COMPUTER zir theih
    Central YMA chuan a thlawn a Computer zirna a \an leh dawn a, zir thar duh chuan July ni 6, 2015(Thawh\anni) a\angin CYMA Office, Tuikhuahtlangah Office hunchhungin dilna Form lakchhuah theih a ni ang. Course zir theih te :-
1. Office Assistant Course (3Month) Class-X Pass chin tan dil theih a ni.
2. DTP (3 Month) Class-X Pass, Computer Application 3month Course pass chhuak Certifcate nei tan dil theih a ni.
    Dilna theh luh theih hun hnuhnung- July ni 9, 2015(Ningani) a ni.
    Interview hun - July ni 10, 2015(Zirtawpni) 11:00an @ CYMA Office.
Diltu chuan mahni awmna Branch YMA hriatpuina thil tel tur a ni.

CHHIARTUTE NGAIHDAN :

@@    Engtizia nge ni aw...Tunlai chu tleirawl lam aiin Val upa lam te zu leh ruihhlo dang avangin rui chhur chhur hmuh tur an tam tak mai chu aw... Heti zel a kan kal chuan khawtlang chuan mualpho mai loh chu hmabak a nei dawn lo a nih hi.. JAC ten puan ven sawi chhingin \an han lak a va duhawm in a va hun ta em....

- Mimal..

Lawrkhawm chhunzawmna....
HOME CRUSADE NEI 
    Tunlai hian  Apostolic Gospel Mission(AGM) ten Pu Lalthanpuia Buala Sec. te inah Home Crusade an neia, kan thudawnna in  asawi danin he Crusade hian tun Pathianni thleng a awh ang.

MHIP DAY LAWM DAWN
    Hlimen Branch MHIP te chuan July ni 6, 2015 (Thawh\anni) a MHIP Day vawi 41-na lo thleng tur chu ruai nen ropui taka lawm an tum. Chawhma lamah infiamna chi hrang hrang hmanga intihhlimna hun hman an tum a. A tel tur ten ` 50/- a khawn tu te hnenah pek tur a ni a, buhfai no 2 leh thingfak thum ken \heuh bawk tur a ni ang. Tin, Chawhnu lamah YMA Hall-ah Day lawmna Function an hmang dawn bawk a ni. Hetiang hian Programme ruahman a ni.
    A hun    :    6th July 2015, 1:30 Pm
    A hmun    :    Y.M.A. Hall, Hlimen.
    Chairman    :    Pi Zonunkimi, President
    Hunserh    :    Pi Biakmawii. Hqrs. President
    Thuchah chhiar    :    Pi Biakthuami, Secretary.
    Solo    :     Nl.Lalramnghaki.
    Thusawi    :    Pi Zodinpuii, Supdt. Social Wel                    fare Deptt.
    Solo    :    Pi Lalhmangaihzuali                Thusawi    :    Pu R.Lalngheta.
    Parthi hlan    :    Local Council a hmeichhe                     member-te.
    Thusawi tawi    :    L/C member hmeichhiate                     atangin.
    Special Item    :    Pi Lallianpuii.
    Thusawi tawi    :    YMA atangin
          Recitation    :    Pi Lalramchhani.
    Thusawi tawi    :    MUP atangin
    Lawmman hlan    :    MHIP member, day hmangtu upa                 1st.- 3rd
    Banna    :    Chairman.
RUAI :3:30 Pm.

Advertisement.....

Thei |iak duh tan
      Heng a hnuaia mi te hi engtik lai pawhin lei tur ka nei reng e. Min han dawr ve teh le.....
    Sapthei \iak (pakhat)        -     `     3/-
    Serthlum \iak(Pakhat)      -     `     40/-
    In \hian,
    B.K. Remmawia
(1-1)    Ph. 9862716080