Saturday, 31 October 2015

Khuangchawi thla Ni 31, 2015, Issue No. 44

PAGE - 1
TUALCHHUNG :
Boral:  Tv. Malsawmtluanga S/o Zosangzuala, Saichhuma Sec. a mi chu Pneumonia natna avangin Oct. ni 28, 2015 (Nilaini) zan dar 11:00 khan Durtlang Hospital-ah a boral. Oct. ni 29, 2015 (Ningani) khan vuiliam a ni.

Damlo:  Pi Lalremruati W/o Laltinkhuma, Kapdaia Sec. a mi chu khawsik avangin Oct. ni 28, 2015 (Nilaini) khan B.N.Hospital Kulikawn ah admit a ni.


@@    Pi Thangchungnungi (Pi Nutei) Damvea Sec a mi chu thisen sang avangin Oct. ni 28, 2015 khan Apha Hospital ah admit a ni.

@@    Pi Neihkungi W/o Lal\huamluaia Vawmphunga Sec. a mi chu taksa chaklohna avangin Oct. ni 30. 2015 (Zirtawpni) khan UPHC, Hlimen ah Admit a ni.

Bible chhiar mek:  Hlimen Pastor Presbyterian Kohhran hmeichhe khawmpuiin a rel tawh angin tunlai hian bial chhung kohhran tin biakin ah  chhun zan zawmin Bible chhiar na hun an hmang mek.

YMA in ral:  Oct. ni 30, 2015 (Zirtawpni) zan khan Tv. Malsawmtluanga ralna hun hman a ni a, ralna tlingkhawm ` 5,950/- chu a chhungte hnenah hlan a ni.
    Tin, hemi zan vek hian Tv. Malsawmtluanga  chhung ten amah hriatrengna atan \angkai taka hman turin a tuamna puan pahnih chu Branch YMA ah an hlan let bawk a ni.

K.|.P Sport:  Hlimen Branch K|P te leh Hlimen Damveng Branch K|P te chuan Member te intihhlimna leh inpumkhat nan inelna hrang hrang hmangin Sports an hmang. Branch pahnih K|P Member te hian an hlawkpui hle niin thu dawn a ni.

E.B. hnatlang:  Hlimkhawpui chanchinbu chhutna/Office chu Electric Bill Counter bulah sawn tura hmalak mek a ni a. Oct. ni 29 leh 30 khan Office thar tur chei hian Editorial Board te an hnatlang. Thlathar tir hian luah luh hman tum a ni.

FRONT :
CENTRAL Y.M.A. HRUAITU CHARGE INHLAN FEL TA
     Central YMA hruaitu thlan tharte leh hruaitu hlui te chuan Oct. ni 26, 2015 (Thawh\anni) khan Central YMA Office, Tuikhuahtlangah charge an in hlan fel ta. Tin, hruaitu thar te hian Central Executive Committee (CEC) Member mi 20 an la a, CEC Exe. Committee hmasa ber October ni 28, 2015 khan neih nghal a ni. He Committee hian Central YMA hnuaia Sub-Committee hrang hrang Chairman leh Secretary kum khat (2015 - 2016) chhung atan an ruat nghal a, heng mite hi Central Executive Committee Member an ni nghal ang. Heng ruat thar zingah hian kan Branch Treasurer Pu Lalhmuchhuaka chu Recreation Sub-Committee Secretary atan a ruat a ni bawk. Tin, Pu R.Lalngheta Asst. Secretary CYMA chu Sub-Committee pahnih - Desaster Management Sub-Committee leh Property Sub-Committee ah te O.B. Incharge a ni.
    Heng mite hi Central Executive Committee (CEC) Member ruat tharte chu an ni :-
(1) Pu Vanlarema Rokhum, Zemabawk (2) Pu RL Rindika, Bungkawn (3) Pu JH Zoremthanga, Kanan (4) Pu K.Sapdanga, Aizawl Venglai (5) Pu K.Lalthlantuma, Armed ‘S’ (6) Pu Lalhmangaiha, Chanmari (7) Pu Vanlalchhuanga, Venghlui (8) Pu Lalrinmawia Sohnel, Bethlehem (9) Pu Laldawngliana, Kulikawn (10) Pu B.Rothangliana, Zuangtui (11) Pu Z.Dengthansanga, Armed Veng (12) Pu Lalrammuana, Dawrpui (13) Pu Lalhminghlua, Zemabawk ‘N’ (14) Pu Lalngaihawma, Venghnuai (15) Pu K.Lalthanmawia, Electric Veng (16) Pu PC Lalropara, College Veng (17) Pu C.Lalnuntluanga, Chhinga Veng (18) Pu Lalzuiliana, Dawrpui Vengthar (19) Pu Roneihthanga, Nursery (20) Pu H.Lalruatliana, Ramhlun ‘N’ (21) R.L.Zomawia, MSV ‘N’ (22) Pu Vanlalmuana, Laipuitlang (23) Pu VL Chhuanga Chhangte, Damveng (24) Pu Lalhmingmawia, MSVT (25) Pu MS Ralte, Upper Republic (26) Pu Lalhruaitluanga, Chaltlang (27) Tv. Zochhuana, Zemabawk (28) Tv. V.Malsawmtluanga, Chaltlang ‘N’ (29) Er.Lalrinmawia, Luangmual (30) Pu Vanlalfela, Tuikhuahtlang (31) Pu Malsawmkima, Hunthar (32) Pu R.Vanlalsawma, Republic (33) Pu J.Lalramthara, Zotlang (34) Pu Lalrinmawia, Saron Veng (35) Pu R.Lalpeka, Durtlang (36) Pu K.Darthantluanga, Chanmari ‘W’ (37) NC Siamkunga, Govt. Complex (38) Pu RS Lalrinsanga, Tanhril (39) Pu J.Lalsangliana, Ramthar (40) Pu Lalthanfela, Ramhlun Venglai (41) Pu John Kima, Khatla (42) Pu Lalsangzuala Sailo, Tuikual ‘N’ (43) Er. CVL Siama, ITI (44) Pu Fabian Lalfakawma, Chawlhhmun (45) Pu R.Lalchhandama, Model veng (46) Pu Lalhmuchhuaka, Hlimen (47) Pu R.Lalduhawma, Ramhlun ‘S’ (48) Pu C.Vanlalsanga, Saikhamakawn (49) Pu JH Vanlalhuma, Edenthar (50) Pu Lalhmangaiha, Zarkawt (51) Pu R.Lalvensanga, Khatla ‘S’ (52) Pu Peter Chhakchhuak, Maubawk (53) Pu Jeffrey L.Fanai, MSV ‘S’ (54) Pu Vanlalawia, Sihphir venghlun (55) Dr. Malsawmliana, Vaivakawn (56) Pu Lalrinawma, Thakthing
 
PAGE - 2
EDITORIAL :
Y.M.A. kumpuan
    Kan hriat angin YMA Gen. Conference vawi 70-na Zofate Run, Bairabi a neih zawh taka rorel palai kalkhawmte chuan YMA Kumpuan atan ram leh hnam humhalh tih chu lungrual takin kum 2016 kumpuan atan an lo pass leh ta a. Sawi tawh angin he thupui hi kum 10 zet hman a lo ni tawh a ni. Ram leh hnam humhalh a \ulna leh a pawimawhna; mithiam te leh \hahnem ngai tu ten an sawi kan hre fo tawh awm e. Ram leh hnam humhalh nachang hre lo, hnam chimral a awm tate chanchin khawngaihthlak ziate pawh kan hre fo awm e, tun \umah chuan kan sawi hman rih dawn lo.
    Ram leh hnam humhalhna tura rahbi hmasa a tana pawimawh ni a ka lo hriat ve tarlan ka duh chu YMA Branch tin hian pi leh pu hunlai a\anga vawiin thlenga khawvel hma a hnam anga min phochhuaktu; hnam rohlu tlawmngaihna, rinawmna leh hawihhawmna te hi kan khawtlang \heuh a tun aia nasa lehzual a humhalhna hna thawh nise, chu chuan ram leh hnam a nghawng anga, kumpuan chu nasa takin a tihlawhtling ngeiin ka ring tlat a ni.
    Ram leh hnamin hma a sawn zel a, zofate chu kan lo changkang chho ve zel a. Ram hmasawnna leh changkanna chuan kan hnam rohlu, mizo te minti mizotu tlawmngaihna, rinawmna, hawihhawmna, aiaupa zahna etc.. chu dawidimin buh a ei \awih \hin ang maiin khawtlang \halai nunte chu hmasawnna chuan a ei chhe hret hret zel zawng a nih hi. Heng kan hnam nun zemawi; Zofate rohlu hi kan thlahthlam zel chuan kan ram leh hnam hi engtikawng mahin kan humhalhin a rinawm loh.
    YMA kumpuan tihhlawhtlin nan YMA Branch tin te hi \an hmasak hle hi a pawimawh hmasain ka lo hre ve a.

LAWRKHAWM :
MBL chungchangah joint meeting nei
    Oct. ni 30, 2015 zing dar 7:30 khan Local Council, YMA, MHIP, MUP, Hlimen Shuttlers Fans Club leh G&SA te chuan MBL Kick Off Cum Fans Nite hman dan tur chung changah YMA Hall-ah Joint Meeting an nei a, pawl hrang hrang te hian hemi hun atan hian theihtawp chhuah an in huam \heuh thu an sawi a, Programme lo buaipui tura G&SA ruat an nih angin hetiang hian Kick Off Cum Fans Nite Programme pawh duan fel a ni ta.
    A hmun    :    Mualzawl/ YMA Hall  
    A hun    :    Nov. ni 4, 2015,  8:00 Pm  
    Chairman    :    Lalrinmawia, Pre. G&SA
    |antu    :    Zonunkimi, Pre. MHIP
    Thusawi &Jersey tlangzarh     :    Khuallian
    Player Introduce    :    Host
    Player te Pathian
    hnena hlanna    :    Pastor C. Sapkaia
    Solo    :    Michael M. Sailo.
    Kick Off    :    Pu Lalhmuchhuaka Trea. YMA
    Thusawi tawi
    (5mins)    :    Sawm bikte
    Dance    :    Hlimen Dancer
    Jokes    :  
    Fans Club T- Shirt Tlangzarh    :    Pu Lalrindika Manager.
    Solo    :    Nl. Lalruatdiki
    Manager/CoachBiangbiakna    :    Host
    Solo    :     Pu Laltleipuia
    Player te Pangpar hlanna    :    Sawmbik te
    Vote Of Thanks    :    Tv. R. Lalawmpuia Trea. G&SA
    Hlimen shuttlers Fans Club ni duh tan member a nih theih reng a, puitling tan ` 20/- aia tlem lo, naupang tan ` 10/- aia tlem lo a ni ang. Venglai lamah Tv. Lalmuanpuia hnenah leh Damveng lam tan Tv. Lalawmpuia hnenah membership fee hi a pek thei reng e. Tin, \anpuina pe duh tan pawh hruaitu te hnenah engtik lai pawhin a pek thei reng e.
    Tin, Nov. ni 3, 2015 hian Hawla Auditorium ah MBL Kick Off neih a ni dawn a, Hlimen Shuttlers te \awiawm turin a tam thei ang ber kal turin kan in sawm nghal bawk e.

Chhiat tawha chunga lawmthu sawina
    Kan fapa Malsawmtluanga dam loh leh thihna chungchangah, veng chhung nu leh pa, YMA nula leh tlangval, Kohhran tinte, min hmangaihtute chungah thinlung takin lawmthu kan sawi mawlh mawlh a. A dam loh tirh atangin min tawngtaisakin, hmangaihna leh lainatna hmel leh thilpek chi hrang hrang kan hmuin kan dawng reng a.
    Chhiat kan tawk tih hriain in lamah leh damdawi inah a tul ang zawng zawng min ngaihtuahsak vek a. Amah kan thlah ni-ah, kha ti zozai, in tha leh zung sum leh pai senga min hmangaihna leh khawngaihna in rawn lantirte khan min thlamuan tak zet zet a ni. Kuang mawi tak min siamsakin amah zalhna tur pawh kan duhna hmunah tak min tihsak thei hi kan lawm tak meuh meuh a ni.  Kan tana in inpekna hi engtikah mah kan rul seng dawn lo che u a, “Lalpa’n a letin tam takin malsawmna in vur che u rawh se.”  Kan lawm e.
    In khawngaihna dawngtu,
    Zosangzuala te chhung, Hlimen
    Thlanmual Veng.

PAGE - 3
HRIATTIRNA :
PHED hriattirna
    Kumin June- July thla -a “ Tui Connection chung changa hriattirna “ SDO PHE AWDDS S/D - South -II lehkha angin Tui Connection 1, chhungkaw 1 hman tur tih zawmlo kan la awm a, chhungkaw 2 emaw a aia tam intawm kan la awm a nih chuan tui duh ang tawk dawnglo kan awm a nih pawhin PHED Chhimphei Section chuan mawh a phur lovang.
    Tin, kan tui Connection lakna T-Cluster aia sang a ( In chung) tuizem dah lo tur a kan in hriattir tawh angin hetiang anga Connection nei ten ti kan la awm a nih chuan tui sem laia tui kan dawng \halo a nih pawhin PHED Chhimphei Section in mawh a phur lovang.
    Heng a chunga mite hi “ The Mizoram Water Supplies (Control) (Amenment) Rules, 2011” in a sawi angin phalloh a ni tih kan in hriattir nawn leh e.
    Sd/- PL. Vanlalauva.
    Sectional Officer,PHED,Chhimphei Section

Civil Pensioner hriattirna
    Civil Pensioner ten tun Pathianni ( Nov. 1, 2015) chawhnu inkhawm ban ah Pi Zopari W/o Thangchungnunga (L) Saichhuma Sec. te in ah thil pawimawh tak ngaihtuah tur a awm avangin inhmuhkhawm tur a ni e.
Sd/- Convener

Hlimen shuttlers fan jersey
    Hlimen Shuttlers Fans Club chuan Fans Jersey 50 a siam tir a, a duh te chuan  Tv. Lalmuanpuia dawr venglaiah ngaihven theih a ni. A man hi ` 250/- a ni ang.

Digital Signal hmang |an dawn
    Telecom Regulatory Authority Of India (TRAI) thuchhuak angin January 2016   a\angin Cable TV chu Digital Signal a pekchhuah a ni tawh dawn a, Star TV pawt/en chhunzawm zel duh chuan Signal Converter TV a vuah tur lei na turin ` 2500 vel lo in rinlawk tur a ni a, hemi ti duh chuan Cable TV Sub-Operator te hnenah in hriattir mai tur a ni.

Advertisement ...
Free Admission
      Rokunga Rimawi Run - Saikhamakawn ah Music rawn zir ve rawh le. Keyboard, Guiter, Drums te hi tlawm takin a zir theih e. Instructor thiam tak tak ten an vil reng e.  Admission Fee a awm lo ang. Tin, Mizo \awng thiam lo tan pawh English leh Hindi in class hi pek theih reng a ni bawk e.
   
(2-2)                              Contact : 9862706986
                                                             9862564975

LAWRKHAWM :
Bawlhhlawh paih chungchang
    Bawlhhlawh paihna atana mipui lamin kan tum ve tur Sept & Oct. 2015 atan khawn a lo hun leh ta a, Nov. ni 2, 2015 (Thawh\anni) a\anga khawn \an tum a ni a, chhungtinte lo pe \heuh turin kan in hriattir/ ngen leh e.
    Bawlhhlawh paihna atana kan hman 407 chu Oct. ni 14, 2015 (Nilaini) a\ang khan thlak a ni a, hemi avanga bawlhhlawh lakkhawm danah harsatna a awm palh chuan mipui te hriatthiamna kan dil a, harsatna/ thurawn pe duh kan awm chuan 9862790746/ 9436142302 ah hriattir mai tur a ni.
    Kan khawpui/ khawtlang alo thianghlim lehzual nan bawlhhlawh sawngbawl dan thar SIPMIU ten an ruahman angin- bawlhhlawh a \awih thei leh thei lo thliar tur a ni dawn a, hemi dahna tur hian bawlhhlawh bawm 2 \heuh chhungtin min pe dawn a ni. A \awih thei hi Chemical Composting leh Vermi Composting  hmang a lei\ha a siam tum niin \awih thei lo sawngbawlna tur Tuirialah Resource Centre buatsaih tum a ni bawk a ni. Hetiang a khawpui a chengte tana bawlhhlawh sawngbawl/paih dan tur ruahman anga kalpui a nih hunah kan buai loh nan kan in hriattir lawk bawk a ni.
    Hetiang hi July & Aug 2015 bawlhhlawh paihna atana user charge lakkhawm zat leh hmanchhuah dan a ni e :-
1. Hmuh zawng zawng    -                    ` 18,550
2. Hman chhuah dan :-
    1) LPK (407) tlan zat     vawi 18 X 250 =    4500
    2) Pick Up tlan zat    vawi 9 X 280   =    2520
    3) 1 labour    vawi 18 X 300 =    5400
    4) 2 Labour    vawi 9 X 250   =    2250
    5) Collector hlawh        2000
    6) Others                      =    1200
                   Total     =    17,870
3. Balance              =             18,550 – 17,870      =      680

    Sd/- Secretary
    PPP Committee, Hlimen

Veng chei hmachhawp
    Kumin a Krismas hunpui denchhen a Quarry chei tur senso ah Pu F. Zosangzuala Vice Chairman, Veng Chei Committee chuan cheng nuaihnih hmuhna tur a tihfel tawh nia hriat a ni a, Vengchei Committee chuan lawmawm a ti hle. Tin,  Quarry chim area a phun tur Electric ban chu Local Council ten an hmu fel tawh bawk a. A rang lama phun a nih theih nan hmalak nghal a ni bawk.
    Tin, Pu Lalhmingliana, Pu F. Zosangzuala leh Pu R. Lalngheta ten a hmun nawr zawl nan an JCB an thawhchhuah pui dawn a, Remchang hmasa berah hna hi \an nghal tur a ruahman a ni. JCB hnathawk vil tur hian Committee Member a\angin in ruat \hin a ni ang. Tin, hnathawktu te ei leh in te lo buaipui turin Pi Tlangkhumi Trea. LC, Pi Lalhmingthangi Member LC ,  Pi Zonunkimi leh Nl. Lallawmzuali te ruat an ni bawk.

Faina Hapta pual hnatlang
    Local Council huaihawtin Oct. ni 31, 2015 (Inrinni) hian Faina Hapta puala vengchhung tihfai hnatlang koh a ni a. He chanchin buatsaih lai hian hnatlang chhuah dan kimchang hriat hman a ni lo. He hnatlang a thawkchhuak ve hman lo mi tam tak chuan ` 100 in an inhlip niin thu dawn a ni a. Faina hi Hapta puan chhung mai nilo; englai pawha chhunzawm zel turin kan rilru insiam ila a lawmawm hle ang.

PAGE - 4
KEIMAHNI :
Hlimkhawpui Budget
    Hlimkhawpui  2015  Sept. & Oct.  thla Budget  pe tla tawh te:
1.    Kapdaia Sec.    2.  Lalsavunga Sec.
3.     Vawmphunga Sec.    4. Buala Sec.
5.    Damvea Sec.
    Tin, Lalsavunga Section te hian Nov. & Dec. thla Budget an tlak fel ta bawk.

Branch Committee kohna
    Nov. ni 3, 2015 (Thawhlehni) zan dar 6:30 hian Hlimen Branch YMA Exe. Committee koh a ni a, Committee Member te kim taka kal turin hriattir kan ni e. Kohna hmu lo pawhin hei hi kohna a ngaih tur a ni e.     Agenda :-  (1) Gen.Conference thlirletna
(2) Lehkhahmuh (3) AOB

Veng chei Committee hriattirna
    1. Veng Chei sumtuak nana sangha zawrh tlawmngaia min lo chan saktu zawng zawng te chungah lawmthu kan sawi a, Nov. ni 10, 2015 ral hmain a man na rawn khawn dawn a, a man la pe lo ten lo pe \heuh turin kan in ngen e. Tin, Nov. ni 2, 2015 (Thawh\anni) zingkar hian  Quarry-ah rawra chhut hnatlang neih tur a ni a, Pu Vanlaltluanga te khawl bulah innghahkhawm tur a ni.
    2. Nov. ni 7, 2015 (Inrinni) khian One Day Lucky Ticket siam a ni dawn a, a man hi ` 10/- a ni anga, tlawmngai a min lei sak tur mitinte kan in ngen e.
    3. Tin, Veng chei nan hian vengchhungah vehbur khawn a ni dawn a, tlawmngaia a khawntute lo pe \heuh turin kan in ngen tak meuh meuh a ni e.
    Sd/- H. Ralkapthanga, Secretary

Saichhuma Section
    Pu David Rualtinkhuma chuan \angkai tak a hman atan Protable Mike \hatak mai chu Saichhuma Section YMA a pe a, a chungah Section YMA chuan lawmthu a sawi tak meuh meuh a ni.

Buala Section
    Pu Ro\huama chuan Section Property tihchangtlun nan ` 50,000/- lai mai a pe a, a chhungah  Section YMA chuan lawmthu a sawi tak meuh meuh a, he sum hian Chhiatni \hatni a \angkai taka hman atan Keyboard \hatak lei tur a ruahmanna siam a ni.
    Hetiang a Section chhung mi inphal ten thilpek \ha tak/hlu tak tak an hlan \hin hi a lawmawmin Section bil mai nilovin veng pumpuiin \angkai takin kan hmang \hin a. A lawmawm \hin hle a ni.

YMA Hall hman man
    YMA Hall hman man Branch hruaitute hnenah zawhna a awm fo mai a, hetiang hi hawh man chu a ni e :- (1) Sumdawnna atan : ` 1,000 (2)Sumdawnna nilo a hmang tan : ` 500
    Hall hman zawh hian hman man hi Property Secretary hnenah arang lama pek \hin tur a ni.

CHHIARTUTE NGAIHDAN :
@@    Sikpui Kut Football Tournament lo awm tur atana inbuatsaihna ni pahfawmin Football Practice kan \hahnem thei hle a, kan Ball pet hi mimal ta hawhkhawm a ni tlangpui a, a ngaihna hria ten min ngaihtuahsak se ka va ti em!! Mita hawh a Ball pet reng chu a inthlahrunawm duh em mai.
- Practice ve-a

###################################

KAN THEN TAK
 
Malsawmtluanga (18)
    Malsawmtluanga hi Pu Zosangzuala leh Pi Lalzarlawmi-te inkarah June ni 7, 1997 khan Kulikawn Hospital-ah a lo piang a, unau hi  pali (4) niin a upa ber a ni a, farnu pakhat a nei.
    Amah hi naupang harh vang tak leh rual pawh pawl tak a ni a, \hian ngaina mi a niin \hiante thu leh hla ngaichang thiam tak a ni bawk. Pawl 8 a zirlai hian natna khirh tak – Ril TB-in a tlakbuak avangin zirna a chhunzawm thei ta rih lo a ni. Hlimen Presbyterian Kohhran Senior Dept. zirlai niin tunlaia Zoram harhna hian a nunah thusawiin Pathian biak inkhawm, \awng\ai leh lamte a tui hle \hin.
    Aug. 2014 thla tan tir lam khan a pumna avangin Civil Hospital, Aizawl-ah entir  niin TB nia hriat a ni. Sept. 2014-ah Referal Hospital, Falkawn -ah admit a ni a, kar khat vel awmpui a nih hnuin a natna chuan \hat lam a pan hleih theih loh avangin Civl Hospital, Aizawl-ah vek refer leh a. Civil Hospital-ah theih tawpa enkawl a nih hnuin Nov. 2014-ah a ril TB chu zai a ni a. Damdawiinah enkawl chhunzawm niin Feb. 2015-ah in lama enkawl turin a chhuak leh a, \hat lam a pan chho zel a, Aug. 2014-ah phei kha chuan natna engmah a neih tawh loh thu a sawi nghe nghe. Vairengte-a a pi leh pu leh unau te’n an hmuh chak avangin Oct. ni 6, 2015 (Thawhlehni) khan Vairengte-ah a zuk zin a. Oct. ni 23, 2015 (Zirtawpni)-a a \hiante nena an ram vak chu haw lamah a pum a na tih a sawi a. Oct. ni 24, 2015 (Inrinni) a luak a reh theih loh avangin Vairengte damdawi inah entir a niin damdawite chawhin in lamah haw tir leh a ni a. Hetia in lama enkawl a nih hnu pawh hian a luak chu a reh hlei thei lo va. October ni 25, 2015 (Pathianni) khan Vairengte damdawi inah vek kalpui a niin admit a ni a. Hetia damdawi ina enkawl a nih hnu pawh hian a luak chu a la reh hlei thei chuang lo. Aizawl lama refer mai tura dil a niin Oct. ni 26, 2015 (Thawhtani)-ah Aizawl Civil Hospital-ah entir a ni a.
    Damdawite chawh a nih hnuah in lama enkawl turin haw pui leh a ni a. A pum chu na a tih leh deuh avangin October ni 27, 2015 (Thawhlehni) tlaiah Civil Hospital bawk panpui leh a nih hnuah, in lama enkawl tura hawpui leh a ni a.
    October ni 28, 2015 (Nilaini) chawhma lamah Synod Hospital, Durtlang panpui a niin admit nghal a ni a. A natna chu Pneumonia a nih bakah Septicemia a in\an nia hriat a ni a; tin, a thluakah thisen a lut \an nia hriat a ni bawk a. A natna leh a dinhmun enin ICU-a enkawl tura tih a ni a. ICU-ah hian doctor leh nurse te’n theih tawp min chhuahpui chungin hemi zan dar 11:00-ah chatuan ram min lo pansan ta zawk a ni.

Saturday, 24 October 2015

Khuangchawi thla Ni 24, 2015, Issue No. 43

PAGE - 1
TUALCHHUNG :
Damlo:  Pu Lalmuanawma H/o Lalvenpuii Lalsavunga Sec. a mi chu Falkawn Referal Hospitalah a pile zai a ni a, tunah inlamah enkawl chunzawm turin a lo chhuak leh ta.

@@    Pu Mickey Zoremruatpuia H/o Lalramzauvi Damvea Sec. a mi chu  chuap lam \halo avangin Oct. ni 21, 2015(Nilaini) khan Durtlang Hospitalah Admit a ni.


@@    Pu B. Lalbiakmawia H/o Lalruatkimi Kapdaia Sec. a mi chu Nerve \halo avangin Guwahati ah refer niin Oct. 21, 2015 khan Guwahati lam an pan.

@@    Pi Mimi Zonunpuii W/o Lalnunkima Buala Sec. a mi chu hun engemaw chen a\ang khan taksa lam \hat lohna avangin inlamah enkawl a ni.

@@    Pu Sangthanga H/o Ngai\huami Kapdaia Sec. a mi chu chuap lam \halo avangin Oct. ni 21, 2015 (Nilaini) khan Civil Hospital-ah admit a ni. 

@@    Pu Lalzoliana W/o Lalhnehpuii Saichhuma Sec. a mi chu Mitliam natna avangin Oct. ni 23, 2015 khan Aizawl Hospital ah admit niin ICU ah enkawl mek a ni.

Nau nei:  Pu Lalbiakmawia (Mamawia) leh Pi Lalrammawii te nupa Kapdaia Sec. a mi te chuan an fa pahnihna atan UPHC, Hlimen ah Oct. 21, 2015 ni  khan fapa duhawm tak an nei thar.

Tuak thar:  Lalhriatpuia S/o Lalthlengliana Kapdaia Sec. leh Lalpekhlui D/o Malsawmdawngliana Bukpui khua te chu Oct. ni 21, 2015(nilaini) khan dam chhunga nupa ni turin ‘tiam tlat e’ an ti.

Kelkang kal haw:  Oct. ni 22, 2015 khan Kelkang harhna chhim a kal Hlimen Presyterian kohhran nuho leh Damveng Kohhran member engemaw zat te chuan tluang takin Hlimen an lo thleng leh ta a. Kelkang kal te hi Bialtu Pastor C.Sapkaia’n a ho niin kan thudawnna chuan a a sawi.

Camping nei:  Hlimen Presbyterian Kohhran Pavalai Pawl buatsaihin Pu Remthangkhuma te in Kapdaia Sec. ah Oct. ni 20-24, 2015 chhung khan Gospel Camping buatsaih a ni a,  Camper te hi Oct ni 24, 2015 (inrinni) khan Pathiana lawmna chhar tharin hlim takin an lo chhuak niin thu kan dawng.

FRONT :

YMA GEN. CONFERENCE VAWI 70-NA A TIAK TA
Pu R. Lalngheta Asst. Secretary ah thlan tlin a ni
     YMA Gen. Conference vawi 70-na Oct. ni 20, 2015 a Bairabi a neih \an chu Oct. ni 22, 2015 zan khan a \iak ta a, kan Branch a\angin OB 4, Exe. Comtt. member 8 leh member 22 an kal. Heng zinga 4 te hi hmeichhia an ni.
    Oct. ni 20, 2015 zan hi palai lawm zan aniin vantlang in khawmna neih a ni a, Pu J. Lalsailova Trea. in  a kaihruai a, Gen. Secy Pu Vanlalruata hnen a\angin annual Report pein Pu Lalrochuanga Pachuau Fin. Secy  a\angin Finance Report ngaihthlak a ni bawk. Tin, hemi bakah hian Item hrang hrang thlir a ngaihthlak a ni bawk a ni. Oct. ni 21 zing dar 10:30 khan YMA Exhibition hawnna hun hman a ni bawk. Tin, dar 11:00 am a\angin Rorel Inkhawm neih chhunzawm a ni a, Rorel palai mi 1248 an kal. Pu Labiakzuala Pre. in a kaihruai a, member boral sunna hun hman a ni bawk. Pu Vanlalruata GS in palai chhiarna hun hmangin Pu J .Lalsailova Trea. in 2015- 2016 budget a pharh a, lungrual taka pawm a ni. Rorel inkhawm neih lai hian Hmar veng Hall-ah Variety Programme hman a ni thung.  Tin, hemi zan Programme hi zan dar 7 ah Zofate Run ah hman a ni a, Pu Lalrochuanga pachuau Fin. Secy in a kaihruai. Hemi zan hian YMA thuthlung sawirualna hun hman a ni a, Item hrang hrang thlir a ngaihthlak a nih bakah kumpuan bawhzui \ha lawmman sem a ni bawk.
    Oct. ni 22, 2015(Ningani) chawhma dar 11:00 ah Zofate Run ah hruaitu thlanna hun hman a ni a, 2015-2017 CYMA hruaitu thlan thar te chu :
    President     :    Pu Lalbiakzuala, Khatla Br.
    Vice President    :    Pu Vanlalruata, Tuikual’S’ Br.
    Gen. Secretary     :    Tv. Lalhmachhuana, Chaltlang ‘N’ Br.
    Asst. Secretary    :    Pu R. Lalngheta, Hlimen Br.
    Treasurer     :    Pu J. Lalsailova, Mission Veng ‘N’ Br.
    Fin. Secretary    :    Pu Lalrochuanga Pachuau, Zarkawt Br.

    Hruaitu thlanna neih lai hian Hmar Veng Hall-ah Variety Programme hman a ni. Hemi zan dar 7:00 hian vantlang inkhawm (Palai thlahna) hun ‘Zofate Run’ ah hman a ni a, Tv. Lalhmachhuana Asst. Secretary in a kaihruai. Hruaitu thar inhmelhriattirna hun hman a ni a, khuallian Pu Lalthanhawla Chief Minister bakah Pu Lalbiakzuala President CYMA te hnen a\angin thusawi ngaihthlak a ni a, a thlengtu ‘ Zampuimanga Group’ President Pu H. Vanlalbika  hnen a\angin Palai thlahna thusawi ngaihthlak a ni bawk. Tin, hemi zan hian lawmman- hruaitu hlun chawimawina te, ramngaw leh nungcha humhalh \ha, tuihna humhalh \ha, YMA chanchinbu \ha leh CYMA chanchinbu la \ha te hnenah lawmman sem a ni. Item hrang hrang thlir ho a ngaihthlak a ni bawk.
    YMA General Conferance hi kumtin ni tawh lovin kumkhat danah hman tawh tur a ni a, 2016 chu rorel inkhawm a hun hman tur niin Central YMA in a thleng dawn a ni.


PAGE - 2
EDITORIAL :
HMASAWN NAN...
    Ram leh khawtlangin hma asawn leh sawn loh tehna pawimawh tak pakhat chu ‘infiamna-ah hma kan sawn em?’ tih hi a ni a. Keini veng bik hi lo inen ta ila, kan tun dinhmun hian tunhma kan pha ta lo niin a lang. A awmzia chu kan khawtlang hian kawng hrang hrangin hma kan sawn lutuk lo tihna a ni.
    Kan \halai tam tak, Football a \ha em em turte, Volleyball etc.. a \ha em em tur leh Athletes ropui tak tak ni tur kha ruihhlo lamah kan tlan nasa a, kan awm vel ta mai mai a ni. Kan \halai tam tak chutiang chu an nih hlawm avangin infiamna chauh nilo; kawng hrang hrangah khawtlangin hma a sawn hlei thei ta \hin lo a ni.
    Kan khawtlang hi infiamna lamah mi tlemte; pali/panga vel bawr lek avangin tunah hian Zoram khawvel hriat kan la hlawh ve a ni a. Heng mite inpekna hi a fakawm ngawt mai. Heng miten mual an liam hunah kan khawtlang hi Zoram hriatah kan reh vang vang mai ang tih a hlauhawm khawp mai. Chuvangin, \halai te u, nangmahni leh kan khawtlang tan \ang sauh sauh teh u khai.
    Tunah kan khawtlangin thil lawmawm leh hun hlu tak kan tawng ta hlauh mai le. Mizoram a Badminton a intihsiakna ropui bera tel thei veng panga zingah kan tel ve hlauh mai a. Hetiang kan nih theih nachhan bul ber chu kan infiammi tlem te; mi hrat khawkheng te vang a ni.
    Keini veng hian infiamna lamah hma kan sawn a, infiammi \ha tak tak kan neih theih nan mitin kan pawimawh vek a. Mihring tupawh fak lawm lo kan awm lova, kan infiammi te hi fak phur a, kan chawimawi thiam chuan an tih theih loh anga lang thlengin kan tihtir thei a ni tih hriain fak phute faka chawimawi phute kan inchawimawi thiam a pawimawh tak zet zet a ni. Kan veng hi a chhe lam aia a \ha lama miin min hriat hi thil nuam tak a ni si a.


YMA GEN.CONFERENCE ROREL TLANGPUI
    CYMA Gen. Conference Rorel Palai 1248 ten an pawm (Passed) tlangpui te :-
A. YMA khawih :
1). Social Media hman dan chung changah hnam inpumkhatna tichhe thei thleng palh thei lakah Central YMA in hma la rawh se.
2). Mizo hnam lam leh zai te hi a nihna(originality) hloh thei zawng a cheibawl leh tihdanglam a nih lohna turin CYMA in hma la rawh se.
3). Mizo \awng dik zawk leh uluk zawk a hmang turin inzirtir ni rawh se.
4). Endowment Fund atan YMA member tinin ` 10/- \heuh thawh nise.
b. Sorkar khawih :
1). Skill Development lama hma kan sawn zel theih nan hmalak ni rawh se.
2). Remna ni June ni 30 hi mipui nawlpuiin a huhova lungrual taka hman a nih theih nan sorkar ah thlen nise.
3). Drugs Control Act hi Mizorama hman tur bik khauh zawk a siam a nih theih nan sorkar ah hmalak ni rawh se.
4). Kumpuan thupui atan rawtna lut - ram leh hnam humhalh, mahni intodelh, Corruption Do, Ruihhlo Do te zingah  ‘ Ram leh hnam humhalh’ tih chu lungrual takin ban pharin an thlang.

YMA Gen. Conference palai te
    Hlimen Branch YMA aiawha palai kal te chu heng mite hi an ni:-
Pu Vanlaltluanga Pre., Pu Lalrinmawia Secretary, Pu lalhmuchhuaka Trea. Tv. R. Lalrindika Pro. Secy, Pu Lalrinchhana (KD), Pu K. Lalremruata(KD), Pu Lalhmunsiama(VP), Pu Laldawngliana (BS), Pu Zoramhmangaiha (BS)Tv. Lalthlengliana (KD), Nl. Melody Zodinpuii (DV), Nl. BJ. Zonunmawii (VP), Nl. Judy Zonunsangi(SC), Nl. Lalthanzami (SC), Tv. Lalpiantluanga (KD), Tv. Rohmingsanga (DV), Pu Lallawmawma(DV), Tv. Joseph Lalrawngbawla (KD), Tv. Lalhruaitluanga(BS), Pu R. Lalzuala (BS), Pu Laltlankima (SC), Tv. Hunlawmawma (BS), Pu Lalremmawia(LSV), Pu Lalhmingmawia (SC), Pu David Rualtinkhuma(SC), Pu Lalengliana(BS), Pu Lalrinsanga(DV), Pu Zarzoliana(BS), Pu Lal\anpuia(SC), Pu Vanlalvena(DV), Pu Ramdinngheta (SC), Tv. Zosangpuia(DV). Pu Lal\hakima(BS), Pu Lalngaihawma (DV). 




 Conference kal \henkhat te


PAGE - 3
HRIATTIRNA :
UPHC hriattirna
    1. Inentir tur ten inentirna lehkha hlui leh damdawiin danga inentirna pawh ken tel \hin tur a ni.
2. TB/Khak entir duh tan thlatin thawh\anni chawlhkar 2na leh 4na ah chauh a tih theih.
3. Kum 30 chin chunglam tan san zawng, rih zawng leh RBS (Zunthlum) te lehkha pek rualin tih \hin bawk tur a ni.

    Sd/- Dr. Elsa Lalramzauvi,
     MO, UPHC Hlimen

Gospel Camping
    Hlimen Presbyterian Kohhran Pavalai Pawl te chuan Gospel Camping a buatsaih leh dawn a, Pathian thu a nun tuihal apiangte lut turin turin kan in sawm e. Ken tur te - Bible, pen, Note bu, thleng leh no. Tin, Phone ken luh phal a ni lo. Camp Fee a awm lo. Tlai chaw eikham a luh tur a ni.
A hun    :    26-31 Oct. 2015
A hmun    :    Pu Remthanga In (Quarry veng)
Speaker    :    Lalrampana(Pantea)
    Oct. 26, 2015 (Thawh\anni) tlai dar 2:30-ah Mutbu leh thil \uldang phur tur Venglaiah Pik up a awm dawn a, Camp lut tur te kan in hriattir a ni e.

Sd/- Lalrindika. Organising Secretary
Mb: 8974860413

Local Council hriattirna
    Faina hapta puala vantlang hnatlang neih tur kha vengah chhiat tawk kan awm avangin  Oct. ni 31, 2015 (Inrinni) ah sawn  a ni tih kan in hriattir a,  dar 10:00am ah venglai kawnah in nghahkhawm tur a ni ang.hmeichhia in hmunphiah leh buara ken a, mipa in chem, bawngtuthlawh leh suahdur thawhchhuah pui tur a ni. Hnatlang hman lo, pha duh tan ` 100/- a phat theih a, phatna hi Local Council Office-ah Office hunchhungin a pek theih ang. Pha bawk si lo, hnatlang bawk si lo chu ` 200/- a run an ni ang. Tin, run ngai; runna pe duh si lo chuan Local Council recomment na an beisei thei lovang. Tin, veng chhunga sawrkar Office leh School hrang hrang te chu mahni Compound te tifai uar turin kan in ngen bawk e.
    Hnatlang neih hma hian kawngpui kama bungraw engchi pawh dah kan awm chuan lo seng hawi lawk turin kan in hriattir bawk e.
Sd/- Lalhmingliana Chairman. LC

LAWRKHAWM :

Lawmthu sawina
    Kan unaupa Lalrâwna boral chungchangah lawmthu sawina tur kan ngah hle mai a, a damloh lai a\angin damdawiin leh inlamah te min rawn buaipuiin min \awng\aipui a, a boral hnuah pawh min lainata, damdawiin leh inlamah te kan khawhar hlau a vawiin thleng a min lenpui a min tuarpui avangin lawmthu kan sawi tak zet zet a ni. Mitin hnenah lawmthu kan sawi seng lova, hei hi kan lawmthu sawina ah min lo ngaihsak turin kan ngen a che u.

    In khawngaihna dawngtu,
    Laldawngliana te unau, Hlimen

Veng chhung Extention chungchang
    Local Council ten kan ngenna leh dilna ngai pawimawhin Generation Division P&E Deptt.  chuan vengchhung LT line extention atan Electric ban 15 lai mai min pe ta a, tunah hian Quarry vengah dah a ni tawh nghe nghe a, tin, Pu Lawmsanga E.E (Generation Div) P&E in ama hmalakna leh min duhsakna vang liau liau in Mauhakkawn kawng phei (Vengthlang lam) a phun tur ban 5 lai min pe bawk a, heng ban 5 te pawh hi |helretkawnah dah a ni tawh bawk.
    Hetiang a veng hmasawnna tur atan thil pawimawh em em mai min tihhlawhtlin sak theih avang hian Generation Division P&E Deptt. chungah lawmthu kan sawi tak meuh meuh a, Tin, Pu Lawmsanga E.E Generation Div. P&E ( 132KV Project) in kan mamawhna hria a, theitawpa hma min laksak avang leh ban 5 lai mai min pek bawk avangin ama mimal lak ah pawh lawmthu kan sawi tak zet a ni.

Sd/- Lalhmingliana, Chairman LC

U.P.H.C. REPORT
    Oct. ni 17 -  23, 2015 chhunga Urban Primary Health Centre, Hlimen report :-
1. Inentir zat (OPD)  -  182         2. Naupai en zat -  2
3. Kum 6 hnuai lam en zat - 56        4. Nau piang zat - 1        5. Emergency - 3        6. In Patient - 2        7. Dressing - 8

Sumtuak nan flim show dawn
    MZP Hlimen Branch te chuan sumtuak nan Oct. ni 27, 2015(Thawhlehni) zan dar 8:00 hian YMA Hall-ah tunlaia Flim chhuak thar leh lar em em, Mizo Flim star lar leh zaithiam ni bawk Alex-a channa ‘ Lungdumtu’ chu an chhuah dawn a, Ticket man hi ` 50, ` 100 leh ` 200 a ni ang. Ticket hi Oct. ni 26, 2015 (Thawh\anni) ah vengchhungah zawrh kual a ni dawn a, Flim show zan hian lei tur a awm bawk ang. He Flim hmuhnawm zet mai hi a bikin \halai te tan hmaih phal chi a ni lo. Tlawmngaia Ticket lo lei sak tur leh Flim show hi en turin MZP hruaitu ten mitin te min ngen a ni.

Hlimen Shuttlers fans club
    MBL lo awm tur atan Hlimen Shuttlers Fans Club chuan  Fans T-Shirt siam a tum a, a rawng hi home Colour ah a var (white) a ni a, a duh tur chuan TV. Lalmuanpuia hnenah in report tur a ni.
    Tin, veng chhunga mi tlawmngai thei awm a ngaihte hnenah a \ul anga vehbur khawn tum a ni bawk. MBL hi Big Screen a en theih tur a ruahman na siam a ni bawk.


PAGE - 4
KEIMAHNI :
Hlimkhawpui Budget
    Hlimkhawpui  2015  Sept. & Oct.  thla Budget  pe tla tawh te:
1.    Kapdaia Sec.    2.  Lalsavunga Sec.
3.     Buala Sec.    4. Buala Sec.
5.    Damvea Sec.
    Tin, Lalsavunga Section te hian Nov. & Dec. thla Budget an tlak fel ta bawk.


Damvea Section
    Oct. ni 22, 2015 khan Section sumtuak nan Blanket suk hnatlang neih a ni a, member \hahnem tak an thawk chhuak a, hnatlang a thawkchhuak te chungah hruaitu ten lawmthu an sawi a.
    Sikpui Kut kan hman tur atan lengkhawm zai leh hnam lam zir \an chhoh a ni a, tlawmngaihchhuah a member te atam thei ang ber thawkchhuak turin Section hruaitu ten an ngen tak meuh meuh a ni.

Joint O.B. Meeting
    Favang rim a lo nam leh \an ta. kumin 2015 Krismas vuak vetah hian hun dang zawng aia danglam bika veng chhung chei tura hmalakna kal zelah Oct. ni 23, 2015 (Zirtawpni) zan khan Branch YMA OB  te leh Vengchei OB te YMA Hall-ah Joint Meeting neih a ni a, sumtuak nan sangha te zuarin, One Day Lucky Ticket buatsaih te leh rawra chhut te, chhungtina vehbur khawn a sumtuak hmalakna hi kal pui tur a tih a ni.
    Heta tan hian khawtlang mipui te kan \anrual a, theihtawp kan chhuah a \ul dawn a, Committee member te leh Section hruaitu te pawh theihtawp chhuah \heuh turin kan in ngen e.
Sd/- Secretary.
Vengchei Sub- Committee

Branch lawmthu
    YMA Gen. Conference Bairabi a neih zawh takah Hlimen Branch YMA hminga mahni sum leh pai, hun leh tha senga palai a kal zawng zawng te chungah lawmthu kan sawi tak zet zet a, tin, kan Branch nominate Pu R. Lalngheta thlan tlin a ni chu lawmawm kan tiin kan lawmpui tak zet a, ram tana a kal zel na turah duhsakna kan hlan tak meuh meuh bawk.

Sd/- Secretary.  


Advertisement....
Free admission
      Rokunga Rimawi Run - Saikhamakawn ah Music rawn zir ve rawh le. Keyboard, Guiter, Drums te hi tlawm takin a zir theih e. Instructor thiam tak tak ten an vil reng e.  Admission Fee a awm lo ang. Tin, Mizo \awng thiam lo tan pawh English leh Hindi in class hi pek theih reng a ni bawk e.
   
(2-1)                                   Contact : 9862706986
                                                             9862564975


Lawrkhawm chhunzawmna.....
KAN THEN TAK
 
Lalrâwna Kum 52
    Lalrâwna hi Pu Sailiantawna leh Neihkimi (Bawngruali)-te fa 7 zinga 6-na niin ni May ni 28.1963- khan Hlimen-ah a lo piang a. An unau hi mipa 3 leh hmeichhia 4 an ni.  A pa hian Dec. ni 5, 1987-khan chatuan ram a pansan a, Jan. ni 21.2013-ah  a nu hian  chatuan ram a lo pansan tawh bawk a ni.
     June ni 11.1982-ah Health & Family Welfare Department, Govt. of Mizoram-ah a thawk \ana a. Directorate of Health Services-ah awm phawtin, State Referal Hospital, Falkawn-ah a thawk a ni.
     Lalrâwna hi mi \awng tam lem lo; mahse, \henrual kawm thiam tak a ni. Chhiatni/\hatniah pawh mi tlawmngai tak a ni. Kohhran lamah chuan Hlimen Presbyterian Kohhran ah a lawi a ni.
    An unau mipa zinga  naupang ber a ni a, a u Laldawngliana nen Buala Section a an inpui an nghak a. Fapa pakhat – Zonunsanga a nei.
    Kum 5 vel liam ta a\ang khan a pum lam hi a sawisel ve \hin a. Damdawi Inah pawh vawihnih a lut tawh nghe nghe. Oct. ni 14 .2015 a\ang khan a pum lam insawiselin Oct. ni 15 .2015 zanah Internal Bleeding (Thi-a luak) a nei a. A chauhpui tak em avangin Oct. ni 16. 2015 (Inrinni) chawhma dar 11:00 khan State Referal Hospital. Falkawn panpui a ni.
    Doctor leh Nurse te’n theih tawp chhuahin an enkawl nghal vat vat a. Thisen leh thisen chaw te an pe a. Thisen pawh bur thum lai an pe hman. Amaherawhchu, a natna hian a hneh hle a ni ang. October 16, 2015 dar 1:20 khan chatuan ram a lo pan ta a ni.

KAWNG SIAM
    Melthum a\anga High School veng pan chhohna kawng chu tunlai hian PWD lam ten an siam mek a, tin, main road lama a chhe zual lai pawh chei \hat zel an tum a, chutihrualin, Dept. hotute sawi danin sum a awm loh avangin a chhe zual lai tak tak bak an khawih thei dawn  lo a ni a,kan veng kawng siam a nih theih nan hian kan Local Council te chuan Dept. lam hi an lo dawr fo tawh \hin a ni.

LAWMTHU SAWINA
    Pu Lalnghakliana Saichhuma Sec. a mi chuan Sikpui kut Football khelhna tur Ground a line rin nan chinai thi bag 4 lai mai an hotute hnena min dil hlawhtlin sak avangin a chungah lawmthu kan sawi tak zet zet e.

Sd/- Incharge,  Sikpui Kut Football
 

Hlimkhawpui buatsaihna a kan ei leh in tur lei nan tiin Hlimen Urban Primary Health Centre (UPHC) te chuan pawisa min pe a, kan va lawm em!!!

Saturday, 17 October 2015

Khuangchawi thla Ni 17, 2015, Issue No. 42

PAGE - 1
TUALCHHUNG :
Boral:  Pu Lalrawna Kum 52 S/o Pi Bawngruali, Buala Sec. a mi chu kawchhunga thi put (Internal Bleeding) avangin Oct. ni 17, 2015 (Inrinni) zing dar 1:20 vel khan a boral.

Damlo:  Pu B. Lalbiakmawia H/o Lalruatkimi Kapdaia Sec. ami chu Nerve lam \halo avangin Oct. ni 15, 2015(Ningani) khan Grace Nursing Home ah Admit a ni.


@@    Nl. Zosiampari D/o N. Zodinpuia Vawmphunga Sec. a mi chu a tluksual palhna ah aban a ti na a, Oct. ni 12, 2015(Thawh\anni) khan Civil Hospital ah zai a ni.

@@   Pu Rokamlova H/o Lalengliani Kapdaia Sec. a mi chu rannung seh avangin BN Hospital Kulikawnah admit a ni.
    Damlo ten damna an chan theih nan Hlimkhawpui EB ten duhsakna kan hlan e.

Chesual palh: Pu John Zosangluaia H/o Lalhruaitluangi Saichhuma Sec. chu an hnathawhna Mamit lam a\anga a rawn haw chho chu Bike in a chesual palh a, Sairang damdawiin ah First Aid pek a nih hnuin inlam rawn panpui lehnghal a ni.

Faina hapta : Mahatma Gandhi piancham denchhenin rampumah kumtinin faina hapta hman a ni \hin a, kumin ah pawh Faina hapta hi hman a ni leh dawna, mitin ten kan in leh a vel te ti fai \heuh turin ngen kan ni. Tin, faina hapta denchhena hnatlangpui Oct. ni 17, 2015 (Inrinni) a koh chu veng chhungah chiat tawk an awm avangin \hulh a ni a, remchang hmasa berah hnatlang hi koh leh a ni ang.

YMA Gen Conference: YMA Gen. Conference a kal tum, in report tawh leh la in report lo kal tum kan awm chuan Oct. ni 19, 2015(Thawh\anni) zan dar 7:30 (Inkhawmban)ah YMA Hall-ah kim taka kal tur a ni a, kal man tur ` 200/- ken nghal bawk tur a in ang. Ruihtheih thil laka insum thei lo tan chuan kal tum buai loh mai a \ha ang.

Kelkang lamah: Hlimen Presbyterian Kohhran Hmeichhia te leh Hlimen Damveng Kohhran te chu karleh chho hian Kelkang harhna chhimin kal an tum niin kan thudawnna chuan a sawi.

FRONT :
MIZORAM BADMINTON LEAGUE
AH HLIMEN SHUTTLERS

     Mizoram Badminton League (MBL) hi a vawikhat nan Mizoram Badminton Association (MBA) in Nov. ni 5, 2015 a\anga \an turin Badminton thiam veng panga a thlangchhuak a, chutah chuan vanneihthlak takin Hlimen chu thlan tel ve kan ni a, kan veng Badminton Club hi ‘ Hlimen Shuttlers’ ti a hming vuahin hemi hming hi put chhoh a ni ang. He Badminton League khel tur hian pawisa a Hlimen Club hi lei a ngaih avangin Zarkawt Pa, Pu Lalrindika Ralte in Hlimen kan tel ve theih nan hma min laksak a, pawisa tam tham tak in a lei a ni. Tin, Pu Rindika Ralte min Sponsor tu hian  player lei nan leh Indoor Stadium chei\hat nan cheng nuai chuang a seng a ni.
    Hlimen hi kan tello a nih chuan kan player \ha te hi veng danga man to zawk a khel thei vek an ni a, man tlawm zawk pawh a mahni veng hming tih\hat nan Hlimen hminga khelh an thlang zawk a. An chhuanawmin an fakawm hle.
    Hetiang hi an khelh dan tur category a ni e :-
1. Men’s Single     2. Men’s Double        3. Junior Single
4. Veteran Double (35yrs+ & 45 yrs+)      5. Mixed Double.
Kan veng Player tur te chu :-
1. Lalmuanawma, Hlimen    2. Zarzokima, Hlimen
3. Malsawmsanga, Hlimen    4. Lalrindika Ralte, Zarkawt
5. H. Lalremruata, Chanmari    6. Lalduhzuali, Durtlang
7. Lalawmpuia, Champhai te an ni.
    Zonet Tv Cable in Live a an pekchhuah dawn avangin Fans inkhel en tur te fimkhur tlang ila, a khelh hun tur hi Weekend ah vawikhat zel tur niin November thla chhung khelh tur a ruahman a ni a, tin,he Tournament khelh chhunga fans te a\anga buaina siam an awm chuan Club lam hian `  5000/- an fine zel dawn avangin a entu te pawh fimkhur hle a pawimawh dawn a ni.
    Tin, G&SA kaihhruaina in a \ul ang anga hmala tur Board din a ni a, heng mite hi ruat an ni:-
    Chairman    :    Pu F. Zosangzuala, V.Pre G&SA
    Vice Chairman    :    Pu R. Lal\anpuia Adv. G&SA
    Secretary    :    Tv. Lalmuanpuia Asst.Secy. HVB
    Treasurer    :    Tv. R.Lalawmpuia Trea. G&SA
    Fin. Secy    :    Pu Laltluanga Pre. HBC
    Heng    mite bakah hian Committee member engemawzat lak nghal an ni. Fans Club member lak niin fee te pawh la khawn tum a ni a, tin, Fans Jersey pawh ngaihtuah zel tum a ni bawk.
    Veng mipui a tam thei ang berin kan player te hi  \awiawm turin kan insawm mawlh mawlh a, kan veng hmel lanna pawimawh tak a nih dawn avangin veng pum kan \anrual a pawimawh hle dawn a ni.
    Tin, remchang hmasa berah Hlimen Shuttlers player te chanchin kimchang rawn tihchhuah a ni ang.

PAGE - 2
EDITORIAL :
MAMAWH    ‘Mamawh’ hi mihring nuna bet tlat a ni a, chu kan mamawh nei tur chuan nun kawng thler tinah hian kan in nek nulh nulh a ni ber mai. Kan mamawh nia kan hriat a inang lo angin mamawh kan zawn dan leh zawnna kawng pawh dang hlei hlawm tak a ni. Amaherawhchu, mitin hian bul thuhmun a\anga chhuak kan nih na-ah hian mamawh thuhmun kan nei a, chu mamawh chhanna pawh chu kawng khat a ni. Kan vel boruak leh rilru put hmang azirin mamawh nei hrang angin kan lang mai chauh a ni. Chu kan mamawh chhanna zawng chuan Sakhaw hrang hrangah te, Sum leh paiah te, Khawvela thiltihtheihna um te’n kan tlan thin a nih hi. Kan mamawh hi kan hriat dik loh chuan kan in um hah a, a tawpah chuan kan beidawng ngawt ngawt tawh mai thin, beidawng thil tih rah duhawm lo tak kan seng fo thin a ni.
    Mahni inhriat chian kan mammawh hle. Khawvela mihring piang chhuak reng reng hian Pathian tih lohah chuan mahni kan inhrechiang ber a, mahse mahni inhriatchian tih hi tinge  ziah a \ul tlat chu le. A chhan ber ni a ka hriat chu, mi zinga kan intheihnghilh lui \hin hi a ni. Midang tlinlohna kan hmuh theih ang ang te lawrkhawmin midang kan chuk nghek zel mai ni hian a lang a.A buaithlak tehzawng a nih hi.
    Pathian hriatchian kan mamawh hle bawk a, mi thenkhat chuan Pathian hi \henawm pa thiltithei tak, duhzawng zawng han dil a min pe leh mai thei \hin ni hian an hria a. |henkhat ve thung chuan, lam hla taka chhungkhat laina hausa leh thiltithei tak awm ang lekah an ngai ve bawk. |henkhat chuan duh duh huna tlawn lungawi theih, a lungawi loh deuh chang pawh a, fel deuh a awm chuan lungawi leh mai \hin Pathian ang deuha ngai an awm ve bawk.  Hriatchian lehzual che ka va duh em? tiin hla siamtu chuan a lo dah a. Pathian hriatchianna chuan a lamah min hnuk hnai lo thei lo \hin a ni.

ZIAKTUTE HUANG :
RAM LEH HNAM HUMHALH
      - Hosan Malsawmtluanga Renthlei
Chhunzawmna.....

    "Vaithirchhe zawng anlo kal chuan thutthleng ah ka thut tir a, an beksam ka lo pawh sak a, kut ruakin ka haw tir leh thin","Mizoram hi awm zelna chi anilo tiin chhuahsan se ka duh ani" ti a, kan CYMA hruaitu pakhat thu sawi kha ka la hre reng. Tun ah zet zawng kan chaw min bar pui in, kan chi min liah sak a, kan tui tlan thlengin a in ang tlang za a. Che hlek ila, hausa hmel leh thil ti thei hmel tak tak, leh tlem a hmel zur pawr fip fiap nen kan inpel zut zut anih hi maw. Kum 1926 daihtawh a, Aizawla hruaitu thenkhat ten Assam ram atanga inlakhran duhna Superintendent hnen a an lo thlen tawh te, India in Independent a sual chhuah dawn lai a political party Mizo Common People's Union (a hnu a "Mizo Union" tia thlak nita), 9th April 1946 a din alo nih tak chanchin te, Independent a awm duh a, Assam District pakhat nih duhtawk mai lova, "Mizoram state" leh "Independent Sorkar" nih duhna lo awm, chumi hnu mautam leh hnathawh tur awmlohna vanga an tawrhna, "Mizoram Famine Front",  28th October 1961 a thlak a, political party "Mizo National Front" alo nih a, Independent sual a, 1966 a ralthuam nen a rammut a, kum 7 lai ram buai hmachhawn a, tawrhna namenlo tuar a, 1972 a Union Territory a hlankai a kan lo awm tak a, kum 20 lai rammu a, rei tak an thangbo hnu ah, 30th June 1986 a, "Mizoram State" pek kan lo nih ve tak chauh chanchin te ngaihtuah hian, hnam naupang, ei leh bar kawng a hausa lo tak kan la nih vei nen, an duh thal a hnam dang ho in, tun ah, kan in leh lo, kan sumdawnna thenkhat te nei a, enkawl a, keini ai ai a hlawk zawk a dekchhuak a, "hei hi chu Mizoram tan aw" tih tur engmah awm leh ngai silo a, sum tam tak min liam san bo pui leh thin te a vang hian, kan mi hmasa leh sul lo su tu te, kan 'Ram leh Hnam' tan a nunna hial lo hlan tawh tute, an inpekna leh tawrhna, an thisen far zawng zawng te kha han dawn chang hian, ram dang miten min chimral leh an nawmchenna atan mai a han hlan chu apamhmai lua a, zah phu hliah hliah an niin, 'Ram leh Hnam' hmangaih a 'Martar' ho te kha lo tho leh hlawm nise, voin ni ang a kan khawsak dan hel hul leh kan thil palzam dan, kan hmangaih a, kan venhim tawk loh zia te hian an mittui a surtir in, rilru na in an rum vawng vawng ngei ang le. "Pathian leh kan ram tan" tia India Sawrkar an beihna auhla (slogan) te kha, tunah kan thinlungah ngei hian ring takin lo ri nawn ve mawlh rawh se.
    Vai ram hmun tam tak ah chuan Mizo te chu Chinese, Japanese, Korean, Nepali emaw min tifo a. Kan kawng kal bike a min tlan pelh paha deuhsawh tak a min chhaih nawmnah an awm leh zauh thin bawk. An zinga tam tak chuan tute nge Mizo tih min hrelo a, Mizoram pawh an hre heklo. Kan mitzim leh vun a dum ve loh vangin hnam dang, ram dang mi ah min ngai tlat a, min en hrang lo theilo bawk. Chung ho chuan kan 'Ram leh Hnam humhalh' a, a that zel theihna atan an bei kumkhua dawnlo a, min chhuhsak a, min umdarh vek hi pawi an ti heklo. Min bum kual a, kan nula te min pawngsual sak in min thah sak a, a theih ang ang a keini aia an hnam pui te duhsak tute anni zel zawk bawk. Abraham Lincoln chuan, "Hmelma tihchhiat dan awlsam ber chu thian a siam ani" a ti a, hetiang chiah hian, thenkhat in tun ah chuan min hmangaih ang in kan tan that chhuah der mahse, a kaw tawp tak tak ah chuan "Tute nge an nih, ka hre ngai lo e" ti a min phatsan tu tur te chauh mai anni. Kan ram ah ngei chi thlah a, chhungkua din in, thenkhat zah kai em em an lo ni bawk nen, thenkhat ten kan thawh duhloh leh peih loh tha zawng zawng an thawk zo a, kan in enfiah a va ngai em. Awm awl nih zah a, taima tak a hna awm thei zawng zawng kan thawh a, an thawh ve tur pakhat mah awmlo a kan siam a, tih tur an neih loh vang a "Ka pi ka pu, keimah khamaw, keimahni ram ah haw tawh daih mai dawn" ti a, in mangtha tir vek a pawilo hle ang.
-Issue lehah chhunzawm a ni ang.

PAGE - 3
HRIATTIRNA :
PHED hriattirna
    PHED ten veng chhunga tui Connection nei te  hnena tui kan sem \hin ah hian PHE Control room a\angin SMS hmangin tuisem a nih tur thu hriattirna an rawn thawn \hin tawh dawn a, hemi SMS hi hmu lo/ dawnglo kan awm anih chuan a ranglamin PHED Chhimphei Section, Hlimenah hming leh phone Number (Chhungkhata a mi tu emaw ber) hriattir tur a ni e.

    Sd/- Sectional Officer, PHED.
     Chhimphei Section

Chabi tibo
    Scooty chabi, a key chain dum,  Sony sawl deuh leh sangha lem inkhai tihbo a ni a, a lo chhar chuan Pi Zirthansangi Ph. No: 9862375596- ah min pe leh thei ula kan lawm hle ang.

UPHC hriattirna
    1. Inentir tur ten inentirna lehkha hlui leh damdawiin danga inentirna pawh ken tel \hin tur a ni.
2. TB/Khak entir duh tan thlatin thawh\anni chawlhkar 2na leh 4na ah chauh a tih theih.
3. Kum 30 chin chunglam tan sang zawng, rih zawng leh RBS (Zunthlum) te lehkha pek rualin tih \hin bawk tur a ni.

    Sd/- Dr. Elsa Lalramzauvi,
     MO, UPHC Hlimen

Gospel Camping
    Hlimen Presbyterian Kohhran Pavalai Pawl te chuan Gospel Camping a buatsaih dawn a, Pathian thu a nun tuihal apiangte lut turin turin kan in sawm e. Ken tur te - Bible, pen, Note bu, thleng leh no. Tin, Phone ken luh phal a ni lo. Camp Fee a awm lo. Tlai chaw eikham a luh tur a ni.
A hun    :    20-24 Oct. 2015
A hmun    :    Pu Remthanga In (Quarry veng)
Speaker    :    Lalrampana(Pantea)

Sd/- Lalrindika. Organising Secretary
Mb: 8974860413

E. Roll hearing
    E. Roll a hming thunluh dil , siamrem ngai etc. te tan Oct. ni 21, 2015(Nilaini) dar 10:30 Am - 12: 30 Pm khian YMA hall Hearing neih a ni dawn a, hming thunluh dil ten kum tihchianna Document(Birth Certificate Etc. ken vek tur a ni a, diltu chu mahni ngei inlan tur a ni a, remchang lo an awm a nih chuan an aiawh tur an chhung zinga mi puitling a chenpui ngei in lan tur  a ni. Hearing neih ni hian NGO/ Political Party hrang hrang aiawh ten Seal ken vek tur a ni ang.

LAWRKHAWM :
Training nei
    Oct. ni 14, 2015 chhun dar 11 :00 khan YMA Hall ah National Disaster Response Force Team ten chhiatrup tawh thulh a chet lak dan chungchangah Training an rawn buatsaih.
    NDRF team te hi an rawn thawk rip in \hahnem an ngai hle. NDRF team lo kal tur te lo dawnsawn dan tur  hi Local Council, YMA leh MUP hruaitu ten Oct ni 13, 2015 zan khan an lo thlir lawk hmasa nghe nghe. He Training ah hian Hlimen a School hrang hrang a naupang te leh zirtirtu te, Urban Hospital aiawhte, tin, PHED chhimphei section aiawh te bakah Local Council, YMA, MHIP leh MUP member te an kal \ha hle a, mi 160 chuang an kal khawm a ni. Training chhimtu te hian bengvar thlak an tiin hlawkthlak an ti hle. Kalkhawm zawng zawng te chungah khawtlang hruaitu ten lawmthu an sawi mawlh mawlh a ni.

Quarry chei dan tur en
    Oct. ni 15, 2015 ( Ningani) tlai lam dar 1:30 khan Vengchei Design Group Member panga te leh \awiawmtu ten Quarry chei dan tur te en in Quarry tlangah an lawn a, a san thui zawng leh a area an teh bakah a chei dan tur te thlir in a hmunah an enfiah. Kawngpui a\anga a chhip sang lai ber hi 2059.3 fts ni a teh a ni a, a chhip sang ber (Quarry chim area a tlang bâwk, a laia mi hi a sanglai ber chu a ni)  atanga hmar lam(High School veng lam) tlang bawk in kar hi 989.17 Fts a thui ni a tehchhuah a ni bawk.
    Design Group te hian chei dan turah ruahmanna an siam anga, chu chu Vengchei Committee ah la pharh leh tur a ni ang. A hautakin tha pawh tam tak sen a ngai dawn niin alanga, ataka a hlawhtlin theih nan veng mipuite \anrual a pawimawh hle dawn a ni. Sumin a daih a ruahmanna anga chei chhuah a nih chuan helai hmun tlawh tur hian hmundang a\ang pawhin mitam tak an lo kal ngei beisei a ni a. Heng ruahmanna te hi sum neihdan ah a hlawhtlin leh hlawhtlin loh chu a innghat thui dawn hle niin alang.

U.P.H.C. REPORT
    Oct. ni 10 -  16, 2015 chhunga Urban Primary Health Centre, Hlimen report :-
1. Inentir zat (OPD)  -  172         2. Naupai en zat -  3
3. Kum 6 hnuai lam en zat - 55        4. Nau piang zat - Nil        5. Emergency - 6        6. In Patient - 2        7. Dressing - 12

Lawmthu sawina
    MBL a a\ul a Badminton Club in a hman atan heng mite hnen a\ang hian pawisa dawn a ni.
1. G&SA Hlimen    -    `    5000/-
2. Pu R. Lalremsanga MCS
    Addl. DC, Kolasib    -     `    5000/-
3. Pu R. Lalzuala, (BS)     -    `    5000/-
    An chungah hian Badminton Club chuan lawmthu an sawi mawlh mawlh a ni. 

Advertisement....
Free admission
      Rokunga Rimawi Run - Saikhamakawn ah Music rawn zir ve rawh le. Keyboard, Guiter, Drums te hi tlawm takin a zir theih e. Instructor thiam tak tak ten an vil reng e.  Admission Fee a awm lo ang.
   
(2-2)                             Contact : 9862706986
                                                       9862564975

PAGE - 4
KEIMAHNI :
Hlimkhawpui Budget
    Hlimkhawpui  2015  Sept. & Oct.  thla Budget  pe tla tawh te:
1.    Kapdaia Sec.    2.  Lalsavunga Sec.
3.     Buala Sec.
    Tin, Lalsavunga Section te hian Nov. & Dec. thla Budget an tlak fel ta bawk.


Buala Section
    Section aiawh a Football khelh tum zawng zawng te chu Oct. ni 18, 2015(Pathianni) chawhnu inkhawm ban dar 3:00 ah Tv. Vanlalnghaka te inah kim taka kal vek tur a ni e.

Sd/- Zonunsanga, OB Incharge

Kapdaia Section
    House number la nei lo ten Tv. Lalthlengliana , Asst Secy hnenah ` 50/- kengin a lam theih e.
    Section huamchhunga chhungtin ten Godown sakna tur kan phal ang tawk tawk kan thawhkhawm a , sum thawhtu te zawng zawng chungah Section Exe. Committee chuan lawmthu kan sawi mawlh mawlh a ni.

Sd/- Secretary

Saichhuma Section
    Oct. ni 23, 2015 (Zirtawpni) zan dar 7:00 khian Pu Hmingthantluanga te kawtah lam zir leh tur a ni a. Member a tam thei ang ber kal turin kan in ngen e.
Sd/- Secretary

Advertisement...
GRACE ACADEMY
kULIKAWN : AIZAWL

      2016-2017 Session a KG-I lut duh tan School hun chhungin School ah Application Form a lak chhuah theih ta e. Application Form thehluh hunah interview hun tur hriattir an ni ang.
Application Form man    :    ` 10/-
Last Date    :    21st October, 2015

(1-1)    Sd/- Headmistress

Plastic tuizem |ha
      Plastic Tuizem \ha duh tan chi hrang hrang heng ahnuai ami te hi order theih reng a ni e.
1.    POLYROCK     -    ` 5.50 Per Litre
2.    SIGNATURE    -    ` 5.50 Per Litre
3.    QUTONE    -    ` 5.50 Per Litre
4.    ZAWLBUK    -    ` 5.50 Per Litre
   
    In \hian,
    Tlani, Buala Sec.
    Ph.No. 9862241226
(2-2)                 9862384785

HLIMEN SHUTTLERS PLAYER TE :
 Tlar chung (L-R) : Lalmuanawma, Zarzokima, Malsawmsanga
Tlar lai : Lalduhzuali
Tlar hnuai (L-R) : Lalawmpuia, Lalrindika Ralte, H.Lalremruata

BRANCH YMA THUCHHUAK
    Oct. ni 16, 2015(Zirtawpni) zan khan Branch YMA Exe. Committee vawi- 9na chu YMA Hall ah neih a ni a, hemi huna thurel tlang pui chu heng a hnuai a mite hi a ni:-
1.  YMA Gen. Conference chung chang : YMA Gen Conference vawi 70na Oct. ni 20-22, 2015 chhunga Bairabi a neih tur ah a kal tur te thlir ho a ni a, a tam thei ang ber kal tur a \an lak ni se, Oct. ni 19, 2015 (Thawh\anni) zan dar 7:30 hian a kal tur te YMA hall ah inhmuhkhawm nise tih a ni.
    Tin, kal man atan hian mi pakhatin ` 200/-  zel thawh tur a ni anga, Committee Member a thei theiin mahni remchan ang tawk thawh nise tih a ni bawk.
    Oct. ni 20, 2015 (Thawhlehni) zing dar 9:00 ah YMA Hall hnuai a\anga chhuah tur a ni ang.
2. Lehkha hmuh : Vanlaltlana Varte, Chairman Organising Committee Doordarshan Kendra Aizawl hnen a\angin Nov. ni 5-7, 2015 chhunga Mizo Indigenous Games Festival Brigade Field, Bawngkawn a an buatsaih tur chung chang leh kan Branch te tel ve tur a sawmna hmuh a ni a, tel ve ngei nise, Office Bearer ten lo bawhzui se tih a ni.
    He Mizo Indigenous Games Festival-a infiamna Item tur te chu heng te hi a ni:-
Mipa infiamna :-  1. Inbuan - mimal. 2. Insaihruipawh - Mimal. 3. Insuknawr - Mimal leh huho. 4. In arpasual-  huho
Hmeichhia :- 1. Inkawibah- huho. 2. Ketaminu tlansiak - huho. 3. Tuium khirha tui inchawisiak - huho

Saturday, 10 October 2015

Khuangchawi thla Ni 10, 2015, Issue No. 41

PAGE - 1
TUALCHHÛNG : 
Hlamzuih:  B.Lallawmkimi (Thla 1 leh kar 2 a upa) D/o Solin Malsawmdawngliana Kapdaia Sec. a mi chu hnute hak avangin Oct. ni 4, 2015 (Pathianni) chawhma lam khan Civil Hospital panpui a ni a, Doctor ten theihtawp an chhuah chungin  hemi ni vek;  tlai lam dar 3:50 vel khan a boral a, zan dar 8 velah Thlanmual ah vuiliam a ni.

Damlo:  Oct. ni 7, 2015 (Nilaini) khan Pi Zosangliani W/o C. Zothanliana Vawmphunga Sec. a mi chu a vawk chaw pe chesual palhin a malpui dinglam ruh a tliak a, Civil Hospital ah enkawl mek a ni.
@@    Tv. Lalmalsawma S/o Nuzawni, Damvea Sec. a mi chu thi a luak avangin Oct. ni 8, 2015 (Ningani) khan Aizawl Hospital-ah Admit a ni.
@@    Pu Lalbiaksanga H/o Laltlansangi, Buala Sec. a mi chu a ban bul dawk \hin chu Oct. ni 5, 2015 (Thawh\anni) khan Civil Hospital-ah zai niin Oct. ni 8, 2015 (Ningani) khan in lama enkawl chhunzawm turin an lo chhuak leh ta.
@@    Pu Lalchhuanawma H/o Lalsawmliani Vawmphunga Sec. chu taksa lam harsatna avangin Oct. ni 6, 2015(thawhlehni) khan Referal Hospital Falkawn ah Admit niin enkawl zui mek ani.

Nau nei thar:  Pu Lalrinkima leh Pi Chhungteii  te nupa Saichhuma Sec. a mi te chuan Oct. ni 6, 2015 (Thawhlehni) khan an fa pahnih na atan Referal Hospital, Falkawn ah fanu duhawm tak an nei thar.

@@    Pu C.Lalremruata te nupa Vawmphunga Sec. a mi te chuan Oct. ni 7, 2015 (Nilaini) khan BN Hospital, Kulikawn-ah an fa pakhatna atan fanu duhawm tak an nei thar a, nau te hi enkawl zui deuh a ngaih avangin BN Hospital ah vek hian enkawl zui niin kan thudawnna chuan a sawi.

Hna hmu thar:  Mizoram sawrkarin Excise & Narcotic Constable a lakthar zingah Nl. Thelma R. Zonunmawii D/o R. Lalengzaua (L) Damvea Sec. chu tel in, a ni hi Order Of Merit List tihchhuah ah pakhatna a ni nghe nghe. A hlawhtlinna kan lawmpui tak zet zet e.

FRONT :
RAM LEH HNAM HUMHALH
      - Hosan Malsawmtluanga Renthlei

    Vawikhat Allahabad dawr lian a ka bazar \um a, a man pe tur a reife ka intlar hnu, ka dinna tur a min din khalh a, tawlh kiang tur a min hrilh zuitu, vaipa, a chhip a ka chhem phak chauh a tawi leh han khin let tham em pawh ni lemlo, mahse ka hnam pui, ka lam \ang tur Mizo an awm loh dawn leh Mizoram anih loh vang, chanchhe zawk tur mai ka nih hria a hnial ngam lo a, min hmakhalh tak chanchin te kha, tunah hunkal tawh mah nise, a hun lai kha chuan ana ka tiin, khai awwwwww… vala lehhhhh,,,,,, Mizoram chu nise awwww…… ka ti vawng vawng ringawt mai a ni. An ram chhuahsan a, Guwahati pel a, Shillong chauh han thlen tawh pawh hian nun a hlimin thla a muang ru veng veng thin reng a. Upa Rokunga khan dawt alo sawilo in "Kan Zotlang ram nuam hi…." han tih loh chi ziazang a lo nilove.
    YMA in 1998-2002 chhung, "Ram leh Hnam humhalh kum" a lo puan tawh chu, a pawimawhna a dailoin a \ul zual zel zawk a. 2015 YMA kumpuan thupui a "Ram leh Hnam humhalh" a hmang leh pawh hi a bak a awm chuang lova, a awm veng vawng hle. Kawmchhakpa leh \henawmpa titi emaw hriat ruk vang nilovin, a tak a tawngtu ka lo nih ve tawh vang hian, "Ram leh Hnam humhalh" hi a \ulna leh pawimawhna ka hria a, rilru a luah hneh ve em em reng a, a \ul chhan leh a pawimawh chhan te kan sawi chho zel ang.
    Hitler-a, \henkhat ten Krista dodaltu niawm hial a an chhui luh a kha, khawvel in anchhia lawh in a dem viau a ni thei e. Mahse a sir leh lam a\ang a han thlir meuh chuan, a Ram leh Hnam tan a lo thawk hlawk riap riap viau a lo ni. Sumdawnna lian zawng zawng deuh thaw enkawltu leh neitu, khang Juda mihausa ho, fing, remhria leh sumdawn thiam lutuk, a ram neitu tak leh roreltu ni hauh silo a, ei leh bar, sumdawn kawng a, a ruk taka German a rorel tlat lawi si te rawt chimih an nih chanchin te kha ngaihtuah chian chuan, Hitlera khan hmakhua alo thlir thuiin, "A chak leh tling chauh dam khawchhuahna khawvel" (survival of the fittest) nihna chuan a thinlung a luahin, a lo hmu chiang ve kher mai a lo ni zawk em ni le! Ram leh hnam humhalh chu thil awlsam a nih loh chuan  rum tak a chet hun hi a awm tur a ni reng a ni.
    Meghalaya Khasi ho angin a tlai luat hnuah in hmuchhuak a, a ram mi te ngei dinhmun derthawng a awm a, nekchep leh chimral zawh lek lek an nih tawh hnu a, tlaikhawhnua inhmuchhuak a, mangang thlabar aurawl nen a, 'a ram siam \hat lehna' au chhuah pui ruai lova, Ram leh hnam hmakhua thui tak thlir a, chumi atan a daltu leh harsatna awm thei tur lian ber ber then fai hi alo \ul teh meuh mai. Tharum thawhna leh nunna lak hi fak a sawi mawi tur a ni hauhlo, mahse "Ram leh Hnam humhalh" nan thisen far a \ul chuan a far ang, a far mai a tawk loh cheu chuan a luan luanin a luang tur a ni reng a ni. Kan damchhan zing a pawimawh ber pakhat a ni tlat. Keini hi Khasi ho nen danglamna kan nei tam dawn em? Keimahni chhan let na-ah chauh a in nghat ang. Kan fimkhur loh a, ruahmanna fel tak a awm loh chuan an ni ho ang chauh tur kan ni chiang ani.
- Ziaktute Huang ah chhunzawm a ni..

PAGE - 2
EDITORIAL :
|HIAN |HA
    Hlimna leh harsatna hi mihring nun a in thlen chhawk reng a ni a, tumah kan hlim reng thei lova, tumah lungngai a kun reng kan awm ngai hek lo. Buaina leh harsatna ruam a kan awm lai leh dinhmun \ha leh duhawm a kan din lai hian \hian \hate an hlu hle \hin.
    |hian \ha kan tih te nen a kan in\hian \hat nachhan hi tam tak a awm thei ang. Sum leh pai vang te, hnathawh in an vang te, duhzawng in an vang te pawh a ni thei a. Mahse, hetiang in \hian \hatna  hi chu a ral leh duh khawp mai. |hian \ha tak tak erawh chu harsatna kar a\angin a lo parchhuak \hin a, \hian \ha chuan kan \ahna atan koki min dawhsak \hin. Chutiang \hian awm theihna chhan bulpui ber leh in nghahna lungphum chu rinawmna a ni.
    |hian rinawm lo chuan ama hlawkna tur a nih chuan  thihna hial pawh kan chungah thleng dawn mah se a beng  chhu chhet tlat a, a tana \ha tur a nih phawt chuan a sahuai kal ngut ngut \hin. |hian \ha erawh chuan \hiante \anpui an ngaihna zawnah a phak tawk leh theih ang tawk chhuah turin a inpeih reng a, tin, a \hian chu a fellohna kawngah a rukin a zilh a, midang hnenah erawh a fak thung \hin.
    Nula in tlangval tam tak zinga hmangaih bik a nei ang hian \hian bul nghet tak pakhat tal chu kan nei ngei tur a ni. Kan \hian \ha te hi kan purchawkna chauh an ni lova, min tizahawmtu leh unau tluk a kan tana Pathian min pek a lo ni.
    Khawvelah hian min hmangaihtu te tluk a hlu an awm lova, min hmangaihtu te bulah chuan chetsual a awm thei lova, kan chhiat lai ber pawhin \anpui kan ngaihna zawnah thla an zar reng a, lawmna leh hlimna kan chan chang pawhin keini ai maha lawm zawkin an lang \hin. Chutiang mi chu  |hian |ha an ni chiang khawp mai. Nang, i \hian te tan eng ang \hian nge i nih ve le?

ZIAKTUTE HUANG :
Phekhma chhunzawmna.....
    Tlawmngai pawl YMA, MZP etc., te hmalakna chauh hi kan innghahna tur ni mai loin, kan za vai a kan \an tlan a ngai hle. Ei leh bar zawnna, politics, sakhua, nitin nun hona leh kawng hrang hrang ah \an lak thar zel ava \ul em. Kan tlem em vang a chimral mai kan nih loh na tur a tan a "ILP" hmanga venhim ngai kan ni a. Phalna neilo a Mizoram rawn lut hnam dang, ram dang te hnawhchhuah kawng ah pawh, YMA, MZP mai nilo, tute mai pawh, kan zavai in hnam zawng a hmalakna, humhalhna ti chak leh thlawp zawng a chet la ve vek thei kan ni bawk. Bru (Tuikuk), chakma, leh hmar helpawl ho nen tuna a kan buai na pawh hi, buaina dik tak ani. Buaipui a ngaih hun tak a niin, Chakma hovin mahnia ro inrelna (autonomous district council) te hial lo nei tawh mah se, thil dangah, midangah kan buai leh nghal char char a ngai a, kan zavai mawhphurhna niin, tumah awl thei kan ni bik lo.
    'Ram leh Hnam' hi a pawimawhna sawi hran hleih theih loh, vulh thau leh ngaihthah zawk awm theilo ve ve an ni. Mihring chuan chenna hmun a mamawh a, a mi leh sa, \hangthar leh chhuan lo la awm leh zel tur te pawn an mamawh lehzel bawk a, chu mamawhna chu a nasa telh telh bawk a, mihringin nunna hlutna hrelo a kan zah loh telh telh laiin, ram erawh alo hlu telh telh nitin bawk. Pathian hnam thlan 'Israel' te ngei pawh kha ram ah an buai nasa in, Ramtiam "khawizu leh hnute tui luanna ram" ah khan luh ngei ngei an tum tlat a, ram tello chuan an nun in awmzia a neilo. Ei leh bar, nitin khawsak mai nilo, an sakhua thlengin a nghawng a. Sam ziak ah chuan "Babulon lui kamahte, Chutah kan thu a, ani, kan tap \hin, Zion kan ngaihtuahin…. Mi ram ahte chuan Lalpa hla, engtin nge kan sak theih ang? Aw Jerusalem, ka theihnghilh che chuan, ka kut dinglam hian a thil thiam hi theihnghilh ve rawh se. Ka hriat reng loh che chuan, ka lei hi ka dangah bet tlat rawh se; ka hlimna ber aia Jerusalem ka duh zawk loh chuan" tiin, chhia chham in, an ram Jerusalem ngaiin an \ap hawm hawm anih tak kha.
    Hun lokal zel ah, Israel chhungah, Pharisai 'mivervek ho' ti chauh a, tunlai hun a kan hriat lar hlawm tak te kha, Israel hnam leh sakhua chhanhim nan a nunna thap ngam, thisen tam tak far a, hmelma, ram dang awp bet tute do a, tuar nasa tak te an ni tih pawh hriat  tel ve hi a pawimawh hle mai. Mi vervek te hnen a\angin zirtur pawimawh tak kan nei anih chu. Vawin thleng pawh in an la bei fat fat a ni reng a. Israel fa te khan mahni ram ngei a awm a nun chen chu, a hlutna an hre chiang thawkhat hle ang. Keini pawh hi kan 'Ram leh Hnam' hlutna, pawimawhna hrelo lek a, changpat cheh chhum an sawi ang lek a, kan tal mai mai a, thuamphui leh chhawm\hat a ngaihna lai hrelo leh ngaihtuahna, rilru seng ngailo leh peih bawk lo, a himna, \hatna leh \hanlenna tur a ke penkhat pawh pen peih eihlo kan nih a, kan vawiin chauh ngaihtuah a, kan nun kan hman mai mai zawngin, kan tu leh fa te chuan anchhia min lawh in, a chung a kan sawi ai a nasa khian anla \ap vein, an la rum lo ang tih a sawi theih hauh loh. Kan 'Ram leh Hnam' hi hnam dang te kut a awm nilo a, a ram, kut khap khat pawh kiam lo a, a nihna leh hlutna ang anga kan tu leh fa, \hangthar lo awm mek leh lo awm zel tur te ro chun tur a humhalh leh vawnhim hi, Chhandam kan nih na tur a, Lal Isua kan tan Kraws ler a khai kan a nih a, a thih a, a thawh leh na tluk zet a pawimawh niin, "Khawvel zawng zawngah kal ula, thil siam zawng zawng hnenah chanchin\ha hi hril rawh u" tih thupek aia a pawimawh na a nep bik na reng a awmloin, mawhphurhna nasa tak kan kova tla chu a ni.
- Remchang hmasa berah chhunzawm a ni ang

PAGE - 3
HRIATTIRNA :
ELECTORAL ROLL CHUNG CHANG
    MLA/MP Electoral Roll revision neih mek chu October ni 14, 2015 (Nilaini) thleng hun hawn a ni a, E.Roll a thun thar, transfer, corection duhte tan ahnuaia BLO te hnenah hian hun tiam ralhmain dilna thehluh tur a ni e. 1997 leh a hma lama piang tan dil theih a ni.  
      1. Duhthusama, BLO,
    Hlimen-I.  Ph. 9436199909
      2. Lallawmzuala, BLO,
    Hlimen-II, Ph. 8974243438

PHED hriattirna
    October 2015 kan thleng leh ta a, PHED Public Point a\anga tui chawi \hin ten July- December, 2015 atan  Tui Card siam thar leh tur a ni a, October thla chhungin PHED Site Office Hlimen ah Tui Card leh ` 180/- kengin tih fel vek tur a ni. Huntiam chhunga ti fel lo tan tui lak thei a ni lovang.
Sd/- Sectional Officer, PHED
Chhimphei Section

Dil theih
    Hlimen - II F.P Shop Retailer chu a dil leh thei ta a, dilna hun hi Oct. ni 18, 2015 chhung hawn a ni a, huntiam ral hnu ah chuan dilna hi pawm theih a ni lo. BPL/AAY family te tan dil theih a ni lo. Tin, Dilna ah hian Ration Card Xerox copy thil tel tur a ni. Dilna Form hi DCSO ‘W’ Office ah lam tur a ni.
Sd/-  District Civil Supply Officer
Aizawl West : Aizawl

Local Council hriattirna
    Kum 2015 Faina Hapta pualin Oct. ni 17, 2015(Inrinni) 10:00am khian vantlang hnatlang koh a ni a, venglai kawn a in nghah khawm tur a ni. Chhungtin a\anga pakhat tal thawh chhuah tur a ni a, hmeichhia in hmunphiah leh buara ken a, mipa in chem, bawngtuthlawh leh suahdur thawhchhuah pui tur a ni. Hnatlang hman lo, pha duh tan ` 100/- a phat theih a, phatna hi Local Council Office-ah Office hunchhungin a pek theih ang. Pha bawk si lo, hnatlang bawk si lo chu ` 200/- a run an ni ang. Tin, run ngai; runna pe duh si lo chuan Local Council recomment na an beisei thei lovang. Tin, veng chhunga sawrkar Office leh School hrang hrang te chu mahni Compound te tifai uar turin kan in ngen bawk e.
Sd/- Lalhmingliana Chairman. LC

Electric Bill
    Kan veng Electric Bill counter chu Oct. thla chhung atan 12 (thawh\anni)  leh 14 (Nilaini) hian hawn a ni dawn niin thu kan dawng. Hemi huna pe lo chu Bill pekna Counter danga pek a ngai dawn a ni.

LAWRKHAWM :
Quarry kawng chung chang
    Local Council Sitting vawi 6-na in thuchhuah a siam angin Quarry kawng chu min bal mai hlauhawma a awm avanga kawngpui chhan nan leh PHED Pipe lian chhe fo mai a lo him zawk theih nan kawngpui leh Pu Lalhmingmawia LC Member te in pan thlakna kawng inkar a lung lak chu khap tlat a ni a, tilui kan awm chuan action lak a ni ang.

Sd/- Lalhmingliana Chairman LC

Motor parking
    The Mizoram Municipality Act 2007 (As amended in 2009), Aizawl Municipal Council) Control Of Parking and Collection of Parking Fee) Regulation 2015, Regulation 3 & 18 in thuneihna a  pek angin leh Order  No. B. 12013/5/2013 - AMC dated 19th June 2015 , Sub Section (1) of Section 374 angin Dan lo a motor dahna hmun lo a dah te chu ` 500 (Cheng zanga) chawitir theih kan ni tih kan in hriattir e.

Lucky Ticket man tu te
    Vengchei Sub Committee, Hlimen Branch YMA in sumtuak nana Lucky Ticket an siam chu Oct. ni 3, 2015 (Inrinni) tlai dar 4:30 khan Venglai kawnah  vawr a ni a, a man tu te chu :-
    1st Prize    :    R. Lalhriatkima Buala Sec.
    2nd Prize    :    Pu Tluanga, Chaltlang
    3rd Prize    :    Rosangliana Vawmphunga Sec.
    Tlawmngaia Ticket lei tute chungah leh Ticket zuartu te chungah Vengchei Sub Committee chuan lawmthu a sawi mawlh mawlh a ni.

HEALTH CLINIC HRIATTIRNA
@@    Hlimen Health Clinic-ah naupang Vaccine lak niin nu leh naute vaccine la tur an tam \hin a, \hutna a indaih lo thei hle \hin a. Chuvangin Pawl anga Donate emaw chhungte boral tawh hriatrengna atana donate thei kan awm chuan kan lawm hle ang.
@@   Nu in nau a pai a\anga thla thum (3) tlin hmain Health Clinic-ah a in report ngei tur a ni a, thla thum tlin hma a an in report loh chuan nau neih lawmman an la kim thei tawh lovang.
- Health Clinic Staff, Hlimen

U.P.H.C. REPORT
    Oct. ni 5 -  9, 2015 chhunga Urban Primary Health Centre, Hlimen report :-
1. Inentir zat (OPD)  -  171         2. Naupai en zat -  10
3. Kum 6 hnuai lam en zat - 50  
4. Nau piang zat - Nil        5. Emergency - 3  
6. In Patient - 2        7. Dressing - 7

LAWMTHU SAWINA
    Kan fanu B.Lalliankimi Oct. ni 4, 2015 (Pathianni) a min boralsan chung changah YMA leh khawtlang mipui ten \ul leh pawimawh engkim mai min chinfelsak avangin kan lawm hle a. Min lainat a min hmangaihtute a mal malin in hming kan lam seng lo, kan chunga hmangaihna leh lainatna in lantir zawng zawngah kan lawm tak zet zet a ni tih chanchinbu kaltlanga kan sawi hi min lo pawmsak mai teh u.
    In khawngaihna dawngtu,
    Solin Malsawmdawngliana te chhung
    Kapdaia Section

PAGE - 4
KEIMAHNI :
Hlimkhawpui Budget
    Hlimkhawpui  2015  Sept. & Oct.  thla Budget  pe tla tawh te:
1.    Kapdaia Sec.    2.  Lalsavunga Sec.
3.     Buala Sec.
    Tin, Lalsavunga Section te hian Nov. & Dec. thla Budget an tlak fel ta bawk.

Buala Section
    Vengthlang Football Club Jersey chu engemaw zat thehluh tawh a ni a, chutihrualin,  la kawl kan awm a, a kawltute chuan a ranglamin Tv. Zonunsanga hnenah theh luh tur a ni.
    Tin, JAC \anpuina chu chhungtin hnenah khawn mek zel a ni a, a khawntu te tlawmngaia lo pe zel turin kan in ngen a, tin, a khawn tur a ruat la khawn lo te pawh a ranglama khawn turin kan in ngen e. Section Notice Board chu hmun hrang hrangah tar \hat leh ni a, \angkai taka hman a nih \hin avangin dimdawi turin kan in ngen bawk e.

YMA chhang din
    Buala Section huamchhungah YMA chhang din a ni a, hruaitu te chu :-
    Leader    :    Tv. Vanlalnghaka
    Asst Leader    :    Tv. Zonunsanga
    Secretary    :    Tv. Hunlawmawma
    Asst. Secy    :    Tv. Lalhruaitluanga
    Treasurer    :    Nl. Lalchhanhimi
    YMA Chhang Member       hi Kum 14 hnuailam tur a ni a, aranglamin Member lak tum a ni a, membership Fee ` 5/- zela khawn a ni dawn a. Nu leh pa te’n kan fate YMA chhang a lo tel tir turin kan in ngen tak meuh meuh bawk a ni.
    Sd/- Secretary

P.O. ah tel dawn
    2015 - 2017 Central YMA hruaitu tur thlanna hun chu kum 2015 Gen.Conference Vawi 70-na Bairabi a neih turah hian thlan a ni dawn a, kan Branch President Pu Vanlaltluanga pawh inthlan buaipuitu P.O. atan ruat a ni. Hetiang hian inthlan buaipui turte ruat an ni.
    R.O.    :    Pu J.H.Zoremthanga
    Asst. R.O.    :    Pu R.Lallungawia
    Secretary    :    Pu J.Chamliana
    Asst.Secretary    :    Pu Lalrammuana
    Heng bakah hian P.O. atan mi 104 ruat an ni.

Advertisement.....
FREE ADMISSION
      Rokunga Rimawi Run - Saikhamakawn ah Music rawn zir ve rawh le. Keyboard, Guiter, Drums te hi tlawm takin a zir theih e. Instructor thiam tak tak ten an vil reng e.  Admission Fee a awm lo ang.
   
(2-1)                                   Contact : 9862706986
                                                             9862564975

Lawrkhawm chhunzawmna....
Vengchei Committee
    Oct. ni 6, 2015 (Thawhlehni) zan khan YMA Hall-ah Vengchei Committee Meeting neih a ni a, sumtuak na atan One Day Lucky ticket siam te, sangha zawr te bakah rawra chhut hnatlang neih te rel niin hun remchang hmasa ah bawhzui an tum a, tin, sumtuak nan hian Committee member ten ` 300/- \heuh thawh nise an ti bawk. Tin, Oct. ni 8, 2015 (Ningani) zing khan Quarry chei dan tur te enin hmunah an kal bawk a ni.

Mizoram Badminton League
    Mizoram Badminton League (MBL) lo awm tur a kan veng - ‘ Hlimen Shuttlers’ player tur hriat theih chin te :-   Lalawmpuia Chaltlang, Lalduhzuali Durtlang, Lalmuanawma Hlimen, Zarzokima Hlimen, Malsawmsanga Hlimen, H. Lalremruata (+45) Zarkawt.

Sava veh tawh lo tura ngenna
    Hlimen Vengthlanga Presbyterian English School thlang leh Pu Sangbera te kawmthlang velah sava veh ching in awm a, nungchate hi humhalh tlat an ni a, tunlai chhanah sava veh hi thil zahthlak a ni tawh tih hriat a \ha hle a, tin dan bawhchhiatna a ni bawk. Chuvangin, tunhnu ah chuan helai hmun leh hmun dangah pawh sava veh tawh lo tura ngen leh hriattir in ni e.

Torch light bô zawnna
    Oct. ni 9, 2015 (Zirtawpni) zan dar 7:00 bawr vel khan YMA Hall hnuaiah Tourch Light dum (A tê chi) ka tibo palh hlauh mai a. A lo hmu leh chhar chuan min pe leh thei ula ka lawm hle ang.
-Andrew Zodinpuia, Buala Section

Advertisement.....
PLASTIC TUIZEM THA
      Plastic Tuizem \ha duh tan chi hrang hrang heng ahnuai ami te hi order theih reng a ni e.
1.    POLYROCK     -    ` 5.50 Per Litre
2.    SIGNATURE    -    ` 5.50 Per Litre
3.    QUTONE    -    ` 5.50 Per Litre
4.    ZAWLBUK    -    ` 5.50 Per Litre
   
    In \hian,
    Tlani, Buala Sec.
    Ph.No. 9862241226
(2-1)                 9862384785

GRACE ACADEMY
KULIKAWN : AIZAWL

      2016-2017 Session a KG-I lut duh tan School hun chhungin School ah Application Form a lak chhuah theih ta e. Application Form thehluh hunah interview hun tur hriattir an ni ang.
Application    :    ` 10/-
Last Date    :    21st October, 2015

(1-1)    Sd/- Headmistress